Exodus 25 Cross References - HOT

¹ וידבר יהוה אל משׁה לאמר׃² דבר אל בני ישׂראל ויקחו לי תרומה מאת כל אישׁ אשׁר ידבנו לבו תקחו את תרומתי׃³ וזאת התרומה אשׁר תקחו מאתם זהב וכסף ונחשׁת׃⁴ ותכלת וארגמן ותולעת שׁני ושׁשׁ ועזים׃⁵ וערת אילם מאדמים וערת תחשׁים ועצי שׁטים׃⁶ שׁמן למאר בשׂמים לשׁמן המשׁחה ולקטרת הסמים׃⁷ אבני שׁהם ואבני מלאים לאפד ולחשׁן׃⁸ ועשׂו לי מקדשׁ ושׁכנתי בתוכם׃⁹ ככל אשׁר אני מראה אותך את תבנית המשׁכן ואת תבנית כל כליו וכן תעשׂו׃¹⁰ ועשׂו ארון עצי שׁטים אמתים וחצי ארכו ואמה וחצי רחבו ואמה וחצי קמתו׃¹¹ וצפית אתו זהב טהור מבית ומחוץ תצפנו ועשׂית עליו זר זהב סביב׃¹² ויצקת לו ארבע טבעת זהב ונתתה על ארבע פעמתיו ושׁתי טבעת על צלעו האחת ושׁתי טבעת על צלעו השׁנית׃¹³ ועשׂית בדי עצי שׁטים וצפית אתם זהב׃¹⁴ והבאת את הבדים בטבעת על צלעת הארן לשׂאת את הארן׃¹⁵ בטבעת הארן יהיו הבדים לא יסרו ממנו׃¹⁶ ונתת אל הארן את העדת אשׁר אתן אליך׃¹⁷ ועשׂית כפרת זהב טהור אמתים וחצי ארכה ואמה וחצי רחבה׃¹⁸ ועשׂית שׁנים כרבים זהב מקשׁה תעשׂה אתם משׁני קצות הכפרת׃¹⁹ ועשׂה כרוב אחד מקצה מזה וכרוב אחד מקצה מזה מן הכפרת תעשׂו את הכרבים על שׁני קצותיו׃²⁰ והיו הכרבים פרשׂי כנפים למעלה סככים בכנפיהם על הכפרת ופניהם אישׁ אל אחיו אל הכפרת יהיו פני הכרבים׃²¹ ונתת את הכפרת על הארן מלמעלה ואל הארן תתן את העדת אשׁר אתן אליך׃²² ונועדתי לך שׁם ודברתי אתך מעל הכפרת מבין שׁני הכרבים אשׁר על ארון העדת את כל אשׁר אצוה אותך אל בני ישׂראל׃²³ ועשׂית שׁלחן עצי שׁטים אמתים ארכו ואמה רחבו ואמה וחצי קמתו׃²⁴ וצפית אתו זהב טהור ועשׂית לו זר זהב סביב׃²⁵ ועשׂית לו מסגרת טפח סביב ועשׂית זר זהב למסגרתו סביב׃²⁶ ועשׂית לו ארבע טבעת זהב ונתת את הטבעת על ארבע הפאת אשׁר לארבע רגליו׃²⁷ לעמת המסגרת תהיין הטבעת לבתים לבדים לשׂאת את השׁלחן׃²⁸ ועשׂית את הבדים עצי שׁטים וצפית אתם זהב ונשׂא בם את השׁלחן׃²⁹ ועשׂית קערתיו וכפתיו וקשׂותיו ומנקיתיו אשׁר יסך בהן זהב טהור תעשׂה אתם׃³⁰ ונתת על השׁלחן לחם פנים לפני תמיד׃³¹ ועשׂית מנרת זהב טהור מקשׁה תיעשׂה המנורה ירכה וקנה גביעיה כפתריה ופרחיה ממנה יהיו׃³² ושׁשׁה קנים יצאים מצדיה שׁלשׁה קני מנרה מצדה האחד ושׁלשׁה קני מנרה מצדה השׁני׃³³ שׁלשׁה גבעים משׁקדים בקנה האחד כפתר ופרח ושׁלשׁה גבעים משׁקדים בקנה האחד כפתר ופרח כן לשׁשׁת הקנים היצאים מן המנרה׃³⁴ ובמנרה ארבעה גבעים משׁקדים כפתריה ופרחיה׃³⁵ וכפתר תחת שׁני הקנים ממנה וכפתר תחת שׁני הקנים ממנה וכפתר תחת שׁני הקנים ממנה לשׁשׁת הקנים היצאים מן המנרה׃³⁶ כפתריהם וקנתם ממנה יהיו כלה מקשׁה אחת זהב טהור׃³⁷ ועשׂית את נרתיה שׁבעה והעלה את נרתיה והאיר על עבר פניה׃³⁸ ומלקחיה ומחתתיה זהב טהור׃³⁹ ככר זהב טהור יעשׂה אתה את כל הכלים האלה׃⁴⁰ וראה ועשׂה בתבניתם אשׁר אתה מראה בהר׃

⁴ ויאמר משׁה אל כל עדת בני ישׂראל לאמר זה הדבר אשׁר צוה יהוה לאמר׃⁵ קחו מאתכם תרומה ליהוה כל נדיב לבו יביאה את תרומת יהוה זהב וכסף ונחשׁת׃⁶ ותכלת וארגמן ותולעת שׁני ושׁשׁ ועזים׃⁷ וערת אילם מאדמים וערת תחשׁים ועצי שׂטים׃⁸ ושׁמן למאור ובשׂמים לשׁמן המשׁחה ולקטרת הסמים׃⁹ ואבני שׁהם ואבני מלאים לאפוד ולחשׁן׃¹⁰ וכל חכם לב בכם יבאו ויעשׂו את כל אשׁר צוה יהוה׃¹¹ את המשׁכן את אהלו ואת מכסהו את קרסיו ואת קרשׁיו את בריחו את עמדיו ואת אדניו׃¹² את הארן ואת בדיו את הכפרת ואת פרכת המסך׃¹³ את השׁלחן ואת בדיו ואת כל כליו ואת לחם הפנים׃¹⁴ ואת מנרת המאור ואת כליה ואת נרתיה ואת שׁמן המאור׃¹⁵ ואת מזבח הקטרת ואת בדיו ואת שׁמן המשׁחה ואת קטרת הסמים ואת מסך הפתח לפתח המשׁכן׃¹⁶ את מזבח העלה ואת מכבר הנחשׁת אשׁר לו את בדיו ואת כל כליו את הכיר ואת כנו׃¹⁷ את קלעי החצר את עמדיו ואת אדניה ואת מסך שׁער החצר׃¹⁸ את יתדת המשׁכן ואת יתדת החצר ואת מיתריהם׃¹⁹ את בגדי השׂרד לשׁרת בקדשׁ את בגדי הקדשׁ לאהרן הכהן ואת בגדי בניו לכהן׃²⁰ ויצאו כל עדת בני ישׂראל מלפני משׁה׃²¹ ויבאו כל אישׁ אשׁר נשׂאו לבו וכל אשׁר נדבה רוחו אתו הביאו את תרומת יהוה למלאכת אהל מועד ולכל עבדתו ולבגדי הקדשׁ׃²² ויבאו האנשׁים על הנשׁים כל נדיב לב הביאו חח ונזם וטבעת וכומז כל כלי זהב וכל אישׁ אשׁר הניף תנופת זהב ליהוה׃²³ וכל אישׁ אשׁר נמצא אתו תכלת וארגמן ותולעת שׁני ושׁשׁ ועזים וערת אילם מאדמים וערת תחשׁים הביאו׃²⁴ כל מרים תרומת כסף ונחשׁת הביאו את תרומת יהוה וכל אשׁר נמצא אתו עצי שׁטים לכל מלאכת העבדה הביאו׃²⁵ וכל אשׁה חכמת לב בידיה טוו ויביאו מטוה את התכלת ואת הארגמן את תולעת השׁני ואת השׁשׁ׃²⁶ וכל הנשׁים אשׁר נשׂא לבן אתנה בחכמה טוו את העזים׃²⁷ והנשׂאם הביאו את אבני השׁהם ואת אבני המלאים לאפוד ולחשׁן׃²⁸ ואת הבשׂם ואת השׁמן למאור ולשׁמן המשׁחה ולקטרת הסמים׃²⁹ כל אישׁ ואשׁה אשׁר נדב לבם אתם להביא לכל המלאכה אשׁר צוה יהוה לעשׂות ביד משׁה הביאו בני ישׂראל נדבה ליהוה׃

³ ויביאו את קרבנם לפני יהוה שׁשׁ עגלת צב ושׁני עשׂר בקר עגלה על שׁני הנשׂאים ושׁור לאחד ויקריבו אותם לפני המשׁכן׃⁴ ויאמר יהוה אל משׁה לאמר׃⁵ קח מאתם והיו לעבד את עבדת אהל מועד ונתתה אותם אל הלוים אישׁ כפי עבדתו׃⁶ ויקח משׁה את העגלת ואת הבקר ויתן אותם אל הלוים׃⁷ את שׁתי העגלות ואת ארבעת הבקר נתן לבני גרשׁון כפי עבדתם׃⁸ ואת ארבע העגלת ואת שׁמנת הבקר נתן לבני מררי כפי עבדתם ביד איתמר בן אהרן הכהן׃⁹ ולבני קהת לא נתן כי עבדת הקדשׁ עלהם בכתף ישׂאו׃¹⁰ ויקריבו הנשׂאים את חנכת המזבח ביום המשׁח אתו ויקריבו הנשׂיאם את קרבנם לפני המזבח׃¹¹ ויאמר יהוה אל משׁה נשׂיא אחד ליום נשׂיא אחד ליום יקריבו את קרבנם לחנכת המזבח׃¹² ויהי המקריב ביום הראשׁון את קרבנו נחשׁון בן עמינדב למטה יהודה׃¹³ וקרבנו קערת כסף אחת שׁלשׁים ומאה משׁקלה מזרק אחד כסף שׁבעים שׁקל בשׁקל הקדשׁ שׁניהם מלאים סלת בלולה בשׁמן למנחה׃¹⁴ כף אחת עשׂרה זהב מלאה קטרת׃¹⁵ פר אחד בן בקר איל אחד כבשׂ אחד בן שׁנתו לעלה׃¹⁶ שׂעיר עזים אחד לחטאת׃¹⁷ ולזבח השׁלמים בקר שׁנים אילם חמשׁה עתודים חמשׁה כבשׂים בני שׁנה חמשׁה זה קרבן נחשׁון בן עמינדב׃¹⁸ ביום השׁני הקריב נתנאל בן צוער נשׂיא ישׂשכר׃¹⁹ הקרב את קרבנו קערת כסף אחת שׁלשׁים ומאה משׁקלה מזרק אחד כסף שׁבעים שׁקל בשׁקל הקדשׁ שׁניהם מלאים סלת בלולה בשׁמן למנחה׃²⁰ כף אחת עשׂרה זהב מלאה קטרת׃²¹ פר אחד בן בקר איל אחד כבשׂ אחד בן שׁנתו לעלה׃²² שׂעיר עזים אחד לחטאת׃²³ ולזבח השׁלמים בקר שׁנים אילם חמשׁה עתדים חמשׁה כבשׂים בני שׁנה חמשׁה זה קרבן נתנאל בן צוער׃²⁴ ביום השׁלישׁי נשׂיא לבני זבולן אליאב בן חלן׃²⁵ קרבנו קערת כסף אחת שׁלשׁים ומאה משׁקלה מזרק אחד כסף שׁבעים שׁקל בשׁקל הקדשׁ שׁניהם מלאים סלת בלולה בשׁמן למנחה׃²⁶ כף אחת עשׂרה זהב מלאה קטרת׃²⁷ פר אחד בן בקר איל אחד כבשׂ אחד בן שׁנתו לעלה׃²⁸ שׂעיר עזים אחד לחטאת׃²⁹ ולזבח השׁלמים בקר שׁנים אילם חמשׁה עתדים חמשׁה כבשׂים בני שׁנה חמשׁה זה קרבן אליאב בן חלן׃³⁰ ביום הרביעי נשׂיא לבני ראובן אליצור בן שׁדיאור׃³¹ קרבנו קערת כסף אחת שׁלשׁים ומאה משׁקלה מזרק אחד כסף שׁבעים שׁקל בשׁקל הקדשׁ שׁניהם מלאים סלת בלולה בשׁמן למנחה׃³² כף אחת עשׂרה זהב מלאה קטרת׃³³ פר אחד בן בקר איל אחד כבשׂ אחד בן שׁנתו לעלה׃³⁴ שׂעיר עזים אחד לחטאת׃³⁵ ולזבח השׁלמים בקר שׁנים אילם חמשׁה עתדים חמשׁה כבשׂים בני שׁנה חמשׁה זה קרבן אליצור בן שׁדיאור׃³⁶ ביום החמישׁי נשׂיא לבני שׁמעון שׁלמיאל בן צורישׁדי׃³⁷ קרבנו קערת כסף אחת שׁלשׁים ומאה משׁקלה מזרק אחד כסף שׁבעים שׁקל בשׁקל הקדשׁ שׁניהם מלאים סלת בלולה בשׁמן למנחה׃³⁸ כף אחת עשׂרה זהב מלאה קטרת׃³⁹ פר אחד בן בקר איל אחד כבשׂ אחד בן שׁנתו לעלה׃⁴⁰ שׂעיר עזים אחד לחטאת׃⁴¹ ולזבח השׁלמים בקר שׁנים אילם חמשׁה עתדים חמשׁה כבשׂים בני שׁנה חמשׁה זה קרבן שׁלמיאל בן צורישׁדי׃⁴² ביום השׁשׁי נשׂיא לבני גד אליסף בן דעואל׃⁴³ קרבנו קערת כסף אחת שׁלשׁים ומאה משׁקלה מזרק אחד כסף שׁבעים שׁקל בשׁקל הקדשׁ שׁניהם מלאים סלת בלולה בשׁמן למנחה׃⁴⁴ כף אחת עשׂרה זהב מלאה קטרת׃⁴⁵ פר אחד בן בקר איל אחד כבשׂ אחד בן שׁנתו לעלה׃⁴⁶ שׂעיר עזים אחד לחטאת׃⁴⁷ ולזבח השׁלמים בקר שׁנים אילם חמשׁה עתדים חמשׁה כבשׂים בני שׁנה חמשׁה זה קרבן אליסף בן דעואל׃⁴⁸ ביום השׁביעי נשׂיא לבני אפרים אלישׁמע בן עמיהוד׃⁴⁹ קרבנו קערת כסף אחת שׁלשׁים ומאה משׁקלה מזרק אחד כסף שׁבעים שׁקל בשׁקל הקדשׁ שׁניהם מלאים סלת בלולה בשׁמן למנחה׃⁵⁰ כף אחת עשׂרה זהב מלאה קטרת׃⁵¹ פר אחד בן בקר איל אחד כבשׂ אחד בן שׁנתו לעלה׃⁵² שׂעיר עזים אחד לחטאת׃⁵³ ולזבח השׁלמים בקר שׁנים אילם חמשׁה עתדים חמשׁה כבשׂים בני שׁנה חמשׁה זה קרבן אלישׁמע בן עמיהוד׃⁵⁴ ביום השׁמיני נשׂיא לבני מנשׁה גמליאל בן פדה צור׃⁵⁵ קרבנו קערת כסף אחת שׁלשׁים ומאה משׁקלה מזרק אחד כסף שׁבעים שׁקל בשׁקל הקדשׁ שׁניהם מלאים סלת בלולה בשׁמן למנחה׃⁵⁶ כף אחת עשׂרה זהב מלאה קטרת׃⁵⁷ פר אחד בן בקר איל אחד כבשׂ אחד בן שׁנתו לעלה׃⁵⁸ שׂעיר עזים אחד לחטאת׃⁵⁹ ולזבח השׁלמים בקר שׁנים אילם חמשׁה עתדים חמשׁה כבשׂים בני שׁנה חמשׁה זה קרבן גמליאל בן פדהצור ׃⁶⁰ ביום התשׁיעי נשׂיא לבני בנימן אבידן בן גדעני׃⁶¹ קרבנו קערת כסף אחת שׁלשׁים ומאה משׁקלה מזרק אחד כסף שׁבעים שׁקל בשׁקל הקדשׁ שׁניהם מלאים סלת בלולה בשׁמן למנחה׃⁶² כף אחת עשׂרה זהב מלאה קטרת׃⁶³ פר אחד בן בקר איל אחד כבשׂ אחד בן שׁנתו לעלה׃⁶⁴ שׂעיר עזים אחד לחטאת׃⁶⁵ ולזבח השׁלמים בקר שׁנים אילם חמשׁה עתדים חמשׁה כבשׂים בני שׁנה חמשׁה זה קרבן אבידן בן גדעני׃⁶⁶ ביום העשׂירי נשׂיא לבני דן אחיעזר בן עמישׁדי׃⁶⁷ קרבנו קערת כסף אחת שׁלשׁים ומאה משׁקלה מזרק אחד כסף שׁבעים שׁקל בשׁקל הקדשׁ שׁניהם מלאים סלת בלולה בשׁמן למנחה׃⁶⁸ כף אחת עשׂרה זהב מלאה קטרת׃⁶⁹ פר אחד בן בקר איל אחד כבשׂ אחד בן שׁנתו לעלה׃⁷⁰ שׂעיר עזים אחד לחטאת׃⁷¹ ולזבח השׁלמים בקר שׁנים אילם חמשׁה עתדים חמשׁה כבשׂים בני שׁנה חמשׁה זה קרבן אחיעזר בן עמישׁדי׃⁷² ביום עשׁתי עשׂר יום נשׂיא לבני אשׁר פגעיאל בן עכרן׃⁷³ קרבנו קערת כסף אחת שׁלשׁים ומאה משׁקלה מזרק אחד כסף שׁבעים שׁקל בשׁקל הקדשׁ שׁניהם מלאים סלת בלולה בשׁמן למנחה׃⁷⁴ כף אחת עשׂרה זהב מלאה קטרת׃⁷⁵ פר אחד בן בקר איל אחד כבשׂ אחד בן שׁנתו לעלה׃⁷⁶ שׂעיר עזים אחד לחטאת׃⁷⁷ ולזבח השׁלמים בקר שׁנים אילם חמשׁה עתדים חמשׁה כבשׂים בני שׁנה חמשׁה זה קרבן פגעיאל בן עכרן׃⁷⁸ ביום שׁנים עשׂר יום נשׂיא לבני נפתלי אחירע בן עינן׃⁷⁹ קרבנו קערת כסף אחת שׁלשׁים ומאה משׁקלה מזרק אחד כסף שׁבעים שׁקל בשׁקל הקדשׁ שׁניהם מלאים סלת בלולה בשׁמן למנחה׃⁸⁰ כף אחת עשׂרה זהב מלאה קטרת׃⁸¹ פר אחד בן בקר איל אחד כבשׂ אחד בן שׁנתו לעלה׃⁸² שׂעיר עזים אחד לחטאת׃⁸³ ולזבח השׁלמים בקר שׁנים אילם חמשׁה עתדים חמשׁה כבשׂים בני שׁנה חמשׁה זה קרבן אחירע בן עינן׃⁸⁴ זאת חנכת המזבח ביום המשׁח אתו מאת נשׂיאי ישׂראל קערת כסף שׁתים עשׂרה מזרקי כסף שׁנים עשׂר כפות זהב שׁתים עשׂרה׃⁸⁵ שׁלשׁים ומאה הקערה האחת כסף ושׁבעים המזרק האחד כל כסף הכלים אלפים וארבע מאות בשׁקל הקדשׁ׃⁸⁶ כפות זהב שׁתים עשׂרה מלאת קטרת עשׂרה עשׂרה הכף בשׁקל הקדשׁ כל זהב הכפות עשׂרים ומאה׃⁸⁷ כל הבקר לעלה שׁנים עשׂר פרים אילם שׁנים עשׂר כבשׂים בני שׁנה שׁנים עשׂר ומנחתם ושׂעירי עזים שׁנים עשׂר לחטאת׃⁸⁸ וכל בקר זבח השׁלמים עשׂרים וארבעה פרים אילם שׁשׁים עתדים שׁשׁים כבשׂים בני שׁנה שׁשׁים זאת חנכת המזבח אחרי המשׁח אתו׃

²⁴ כי את מעשׂר בני ישׂראל אשׁר ירימו ליהוה תרומה נתתי ללוים לנחלה על כן אמרתי להם בתוך בני ישׂראל לא ינחלו נחלה׃

¹⁶ שׁלושׁ פעמים בשׁנה יראה כל זכורך את פני יהוה אלהיך במקום אשׁר יבחר בחג המצות ובחג השׁבעות ובחג הסכות ולא יראה את פני יהוה ריקם׃¹⁷ אישׁ כמתנת ידו כברכת יהוה אלהיך אשׁר נתן׃

⁹ לבי לחוקקי ישׂראל המתנדבים בעם ברכו יהוה׃

¹ ויאמר דויד המלך לכל הקהל שׁלמה בני אחד בחר בו אלהים נער ורך והמלאכה גדולה כי לא לאדם הבירה כי ליהוה אלהים׃² וככל כחי הכינותי לבית אלהי הזהב לזהב והכסף לכסף והנחשׁת לנחשׁת הברזל לברזל והעצים לעצים אבני שׁהם ומלואים אבני פוך ורקמה וכל אבן יקרה ואבני שׁישׁ לרב׃³ ועוד ברצותי בבית אלהי ישׁ לי סגלה זהב וכסף נתתי לבית אלהי למעלה מכל הכינותי לבית הקדשׁ׃⁴ שׁלשׁת אלפים ככרי זהב מזהב אופיר ושׁבעת אלפים ככר כסף מזקק לטוח קירות הבתים׃⁵ לזהב לזהב ולכסף לכסף ולכל מלאכה ביד חרשׁים ומי מתנדב למלאות ידו היום ליהוה׃⁶ ויתנדבו שׂרי האבות ושׂרי שׁבטי ישׂראל ושׂרי האלפים והמאות ולשׂרי מלאכת המלך׃⁷ ויתנו לעבודת בית האלהים זהב ככרים חמשׁת אלפים ואדרכנים רבו וכסף ככרים עשׂרת אלפים ונחשׁת רבו ושׁמונת אלפים ככרים וברזל מאה אלף ככרים׃⁸ והנמצא אתו אבנים נתנו לאוצר בית יהוה על יד יחיאל הגרשׁני׃⁹ וישׂמחו העם על התנדבם כי בלב שׁלם התנדבו ליהוה וגם דויד המלך שׂמח שׂמחה גדולה׃¹⁰ ויברך דויד את יהוה לעיני כל הקהל ויאמר דויד ברוך אתה יהוה אלהי ישׂראל אבינו מעולם ועד עולם׃¹¹ לך יהוה הגדלה והגבורה והתפארת והנצח וההוד כי כל בשׁמים ובארץ לך יהוה הממלכה והמתנשׂא לכל לראשׁ׃¹² והעשׁר והכבוד מלפניך ואתה מושׁל בכל ובידך כח וגבורה ובידך לגדל ולחזק לכל׃¹³ ועתה אלהינו מודים אנחנו לך ומהללים לשׁם תפארתך׃¹⁴ וכי מי אני ומי עמי כי נעצר כח להתנדב כזאת כי ממך הכל ומידך נתנו׃¹⁵ כי גרים אנחנו לפניך ותושׁבים ככל אבתינו כצל ימינו על הארץ ואין מקוה׃¹⁶ יהוה אלהינו כל ההמון הזה אשׁר הכיננו לבנות לך בית לשׁם קדשׁך מידך היא ולך הכל׃¹⁷ וידעתי אלהי כי אתה בחן לבב ומישׁרים תרצה אני בישׁר לבבי התנדבתי כל אלה ועתה עמך הנמצאו פה ראיתי בשׂמחה להתנדב׃¹⁸ יהוה אלהי אברהם יצחק וישׂראל אבתינו שׁמרה זאת לעולם ליצר מחשׁבות לבב עמך והכן לבבם אליך׃¹⁹ ולשׁלמה בני תן לבב שׁלם לשׁמור מצותיך עדותיך וחקיך ולעשׂות הכל ולבנות הבירה אשׁר הכינותי׃²⁰ ויאמר דויד לכל הקהל ברכו נא את יהוה אלהיכם ויברכו כל הקהל ליהוה אלהי אבתיהם ויקדו וישׁתחוו ליהוה ולמלך׃²¹ ויזבחו ליהוה זבחים ויעלו עלות ליהוה למחרת היום ההוא פרים אלף אילים אלף כבשׂים אלף ונסכיהם וזבחים לרב לכל ישׂראל׃²² ויאכלו וישׁתו לפני יהוה ביום ההוא בשׂמחה גדולה וימליכו שׁנית לשׁלמה בן דויד וימשׁחו ליהוה לנגיד ולצדוק לכהן׃²³ וישׁב שׁלמה על כסא יהוה למלך תחת דויד אביו ויצלח וישׁמעו אליו כל ישׂראל׃²⁴ וכל השׂרים והגברים וגם כל בני המלך דויד נתנו יד תחת שׁלמה המלך׃²⁵ ויגדל יהוה את שׁלמה למעלה לעיני כל ישׂראל ויתן עליו הוד מלכות אשׁר לא היה על כל מלך לפניו על ישׂראל׃²⁶ ודויד בן ישׁי מלך על כל ישׂראל׃²⁷ והימים אשׁר מלך על ישׂראל ארבעים שׁנה בחברון מלך שׁבע שׁנים ובירושׁלם מלך שׁלשׁים ושׁלושׁ׃²⁸ וימת בשׂיבה טובה שׂבע ימים עשׁר וכבוד וימלך שׁלמה בנו תחתיו׃²⁹ ודברי דויד המלך הראשׁנים והאחרנים הנם כתובים על דברי שׁמואל הראה ועל דברי נתן הנביא ועל דברי גד החזה׃³⁰ עם כל מלכותו וגבורתו והעתים אשׁר עברו עליו ועל ישׂראל ועל כל ממלכות הארצות׃

⁶ וכל סביבתיהם חזקו בידיהם בכלי כסף בזהב ברכושׁ ובבהמה ובמגדנות לבד על כל התנדב׃

⁶⁸ ומראשׁי האבות בבואם לבית יהוה אשׁר בירושׁלם התנדבו לבית האלהים להעמידו על מכונו׃

⁵ ואחריכן עלת תמיד ולחדשׁים ולכל מועדי יהוה המקדשׁים ולכל מתנדב נדבה ליהוה׃

¹⁶ וכל כסף ודהב די תהשׁכח בכל מדינת בבל עם התנדבות עמא וכהניא מתנדבין לבית אלההם די בירושׁלם׃

² ויברכו העם לכל האנשׁים המתנדבים לשׁבת בירושׁלם׃

³ עמך נדבת ביום חילך בהדרי קדשׁ מרחם משׁחר לך טל ילדתיך׃

⁹ ארץ אשׁר לא במסכנת תאכל בה לחם לא תחסר כל בה ארץ אשׁר אבניה ברזל ומהרריה תחצב נחשׁת׃

² ברזל מעפר יקח ואבן יצוק נחושׁה׃

⁴² ויסר פרעה את טבעתו מעל ידו ויתן אתה על יד יוסף וילבשׁ אתו בגדי שׁשׁ וישׂם רבד הזהב על צוארו׃

¹⁰ ואלבישׁך רקמה ואנעלך תחשׁ ואחבשׁך בשׁשׁ ואכסך משׁי׃

¹⁴ ועשׂית מכסה לאהל ערת אילם מאדמים ומכסה ערת תחשׁים מלמעלה׃¹⁵ ועשׂית את הקרשׁים למשׁכן עצי שׁטים עמדים׃

²⁶ ועשׂית בריחם עצי שׁטים חמשׁה לקרשׁי צלע המשׁכן האחד׃

³⁷ ועשׂית למסך חמשׁה עמודי שׁטים וצפית אתם זהב וויהם זהב ויצקת להם חמשׁה אדני נחשׁת׃

²⁰ ויעשׂ את הקרשׁים למשׁכן עצי שׁטים עמדים׃

³⁷ ועשׂית את נרתיה שׁבעה והעלה את נרתיה והאיר על עבר פניה׃

²⁰ ואתה תצוה את בני ישׂראל ויקחו אליך שׁמן זית זך כתית למאור להעלת נר תמיד׃

²³ ואתה קח לך בשׂמים ראשׁ מר דרור חמשׁ מאות וקנמן בשׂם מחציתו חמשׁים ומאתים וקנה בשׂם חמשׁים ומאתים׃²⁴ וקדה חמשׁ מאות בשׁקל הקדשׁ ושׁמן זית הין׃²⁵ ועשׂית אתו שׁמן משׁחת קדשׁ רקח מרקחת מעשׂה רקח שׁמן משׁחת קדשׁ יהיה׃²⁶ ומשׁחת בו את אהל מועד ואת ארון העדת׃²⁷ ואת השׁלחן ואת כל כליו ואת המנרה ואת כליה ואת מזבח הקטרת׃²⁸ ואת מזבח העלה ואת כל כליו ואת הכיר ואת כנו׃²⁹ וקדשׁת אתם והיו קדשׁ קדשׁים כל הנגע בהם יקדשׁ׃³⁰ ואת אהרן ואת בניו תמשׁח וקדשׁת אתם לכהן׃³¹ ואל בני ישׂראל תדבר לאמר שׁמן משׁחת קדשׁ יהיה זה לי לדרתיכם׃³² על בשׂר אדם לא ייסך ובמתכנתו לא תעשׂו כמהו קדשׁ הוא קדשׁ יהיה׃³³ אישׁ אשׁר ירקח כמהו ואשׁר יתן ממנו על זר ונכרת מעמיו׃³⁴ ויאמר יהוה אל משׁה קח לך סמים נטף ושׁחלת וחלבנה סמים ולבנה זכה בד בבד יהיה׃³⁵ ועשׂית אתה קטרת רקח מעשׂה רוקח ממלח טהור קדשׁ׃³⁶ ושׁחקת ממנה הדק ונתתה ממנה לפני העדת באהל מועד אשׁר אועד לך שׁמה קדשׁ קדשׁים תהיה׃³⁷ והקטרת אשׁר תעשׂה במתכנתה לא תעשׂו לכם קדשׁ תהיה לך ליהוה׃³⁸ אישׁ אשׁר יעשׂה כמוה להריח בה ונכרת מעמיו׃

²⁴ וישׂם את המנרה באהל מועד נכח השׁלחן על ירך המשׁכן נגבה׃²⁵ ויעל הנרת לפני יהוה כאשׁר צוה יהוה את משׁה׃

⁴ ואלה הבגדים אשׁר יעשׂו חשׁן ואפוד ומעיל וכתנת תשׁבץ מצנפת ואבנט ועשׂו בגדי קדשׁ לאהרן אחיך ולבניו לכהנו׃

⁶ ועשׂו את האפד זהב תכלת וארגמן תולעת שׁני ושׁשׁ משׁזר מעשׂה חשׁב׃⁷ שׁתי כתפת חברת יהיה לו אל שׁני קצותיו וחבר׃⁸ וחשׁב אפדתו אשׁר עליו כמעשׂהו ממנו יהיה זהב תכלת וארגמן ותולעת שׁני ושׁשׁ משׁזר׃⁹ ולקחת את שׁתי אבני שׁהם ופתחת עליהם שׁמות בני ישׂראל׃¹⁰ שׁשׁה משׁמתם על האבן האחת ואת שׁמות השׁשׁה הנותרים על האבן השׁנית כתולדתם׃¹¹ מעשׂה חרשׁ אבן פתוחי חתם תפתח את שׁתי האבנים על שׁמת בני ישׂראל מסבת משׁבצות זהב תעשׂה אתם׃¹² ושׂמת את שׁתי האבנים על כתפת האפד אבני זכרן לבני ישׂראל ונשׂא אהרן את שׁמותם לפני יהוה על שׁתי כתפיו לזכרן׃¹³ ועשׂית משׁבצת זהב׃¹⁴ ושׁתי שׁרשׁרת זהב טהור מגבלת תעשׂה אתם מעשׂה עבת ונתתה את שׁרשׁרת העבתת על המשׁבצת׃¹⁵ ועשׂית חשׁן משׁפט מעשׂה חשׁב כמעשׂה אפד תעשׂנו זהב תכלת וארגמן ותולעת שׁני ושׁשׁ משׁזר תעשׂה אתו׃¹⁶ רבוע יהיה כפול זרת ארכו וזרת רחבו׃¹⁷ ומלאת בו מלאת אבן ארבעה טורים אבן טור אדם פטדה וברקת הטור האחד׃¹⁸ והטור השׁני נפך ספיר ויהלם׃¹⁹ והטור השׁלישׁי לשׁם שׁבו ואחלמה׃²⁰ והטור הרביעי תרשׁישׁ ושׁהם וישׁפה משׁבצים זהב יהיו במלואתם׃²¹ והאבנים תהיין על שׁמת בני ישׂראל שׁתים עשׂרה על שׁמתם פתוחי חותם אישׁ על שׁמו תהיין לשׁני עשׂר שׁבט׃²² ועשׂית על החשׁן שׁרשׁת גבלת מעשׂה עבת זהב טהור׃²³ ועשׂית על החשׁן שׁתי טבעות זהב ונתת את שׁתי הטבעות על שׁני קצות החשׁן׃²⁴ ונתתה את שׁתי עבתת הזהב על שׁתי הטבעת אל קצות החשׁן׃²⁵ ואת שׁתי קצות שׁתי העבתת תתן על שׁתי המשׁבצות ונתתה על כתפות האפד אל מול פניו׃²⁶ ועשׂית שׁתי טבעות זהב ושׂמת אתם על שׁני קצות החשׁן על שׂפתו אשׁר אל עבר האפוד ביתה׃²⁷ ועשׂית שׁתי טבעות זהב ונתתה אתם על שׁתי כתפות האפוד מלמטה ממול פניו לעמת מחברתו ממעל לחשׁב האפוד׃²⁸ וירכסו את החשׁן מטבעתו אל טבעת האפוד בפתיל תכלת להיות על חשׁב האפוד ולא יזח החשׁן מעל האפוד׃²⁹ ונשׂא אהרן את שׁמות בני ישׂראל בחשׁן המשׁפט על לבו בבאו אל הקדשׁ לזכרן לפני יהוה תמיד׃³⁰ ונתת אל חשׁן המשׁפט את האורים ואת התמים והיו על לב אהרן בבאו לפני יהוה ונשׂא אהרן את משׁפט בני ישׂראל על לבו לפני יהוה תמיד׃

² עזי וזמרת יה ויהי לי לישׁועה זה אלי ואנוהו אלהי אבי וארממנהו׃

⁴⁵ ושׁכנתי בתוך בני ישׂראל והייתי להם לאלהים׃

¹ ועשׂה בצלאל ואהליאב וכל אישׁ חכם לב אשׁר נתן יהוה חכמה ותבונה בהמה לדעת לעשׂת את כל מלאכת עבדת הקדשׁ לכל אשׁר צוה יהוה׃² ויקרא משׁה אל בצלאל ואל אהליאב ואל כל אישׁ חכם לב אשׁר נתן יהוה חכמה בלבו כל אשׁר נשׂאו לבו לקרבה אל המלאכה לעשׂת אתה׃³ ויקחו מלפני משׁה את כל התרומה אשׁר הביאו בני ישׂראל למלאכת עבדת הקדשׁ לעשׂת אתה והם הביאו אליו עוד נדבה בבקר בבקר׃⁴ ויבאו כל החכמים העשׂים את כל מלאכת הקדשׁ אישׁ אישׁ ממלאכתו אשׁר המה עשׂים׃⁵ ויאמרו אל משׁה לאמר מרבים העם להביא מדי העבדה למלאכה אשׁר צוה יהוה לעשׂת אתה׃

⁶ וטבל הכהן את אצבעו בדם והזה מן הדם שׁבע פעמים לפני יהוה את פני פרכת הקדשׁ׃

⁴ ויקרא משׁה אל מישׁאל ואל אלצפן בני עזיאל דד אהרן ויאמר אלהם קרבו שׂאו את אחיכם מאת פני הקדשׁ אל מחוץ למחנה׃

¹² ומן המקדשׁ לא יצא ולא יחלל את מקדשׁ אלהיו כי נזר שׁמן משׁחת אלהיו עליו אני יהוה׃

³ מזכר עד נקבה תשׁלחו אל מחוץ למחנה תשׁלחום ולא יטמאו את מחניהם אשׁר אני שׁכן בתוכם׃

¹³ ושׁכנתי בתוך בני ישׂראל ולא אעזב את עמי ישׂראל׃

⁶ צהלי ורני יושׁבת ציון כי גדול בקרבך קדושׁ ישׂראל׃

¹⁰ (2:14) רני ושׂמחי בת ציון כי הנני בא ושׁכנתי בתוכך נאם יהוה׃

³ כה אמר יהוה שׁבתי אל ציון ושׁכנתי בתוך ירושׁלם ונקראה ירושׁלם עיר האמת והר יהוה צבאות הר הקדשׁ׃

⁴⁰ וראה ועשׂה בתבניתם אשׁר אתה מראה בהר׃

¹¹ ויתן דויד לשׁלמה בנו את תבנית האולם ואת בתיו וגנזכיו ועליתיו וחדריו הפנימים ובית הכפרת׃¹² ותבנית כל אשׁר היה ברוח עמו לחצרות בית יהוה ולכל הלשׁכות סביב לאצרות בית האלהים ולאצרות הקדשׁים׃¹³ ולמחלקות הכהנים והלוים ולכל מלאכת עבודת בית יהוה ולכל כלי עבודת בית יהוה׃¹⁴ לזהב במשׁקל לזהב לכל כלי עבודה ועבודה לכל כלי הכסף במשׁקל לכל כלי עבודה ועבודה׃¹⁵ ומשׁקל למנרות הזהב ונרתיהם זהב במשׁקל מנורה ומנורה ונרתיה ולמנרות הכסף במשׁקל למנורה ונרתיה כעבודת מנורה ומנורה׃¹⁶ ואת הזהב משׁקל לשׁלחנות המערכת לשׁלחן ושׁלחן וכסף לשׁלחנות הכסף׃¹⁷ והמזלגות והמזרקות והקשׂות זהב טהור ולכפורי הזהב במשׁקל לכפור וכפור ולכפורי הכסף במשׁקל לכפור וכפור׃¹⁸ ולמזבח הקטרת זהב מזקק במשׁקל ולתבנית המרכבה הכרבים זהב לפרשׂים וסככים על ארון ברית יהוה׃¹⁹ הכל בכתב מיד יהוה עלי השׂכיל כל מלאכות התבנית׃

¹ ויעשׂ בצלאל את הארן עצי שׁטים אמתים וחצי ארכו ואמה וחצי רחבו ואמה וחצי קמתו׃² ויצפהו זהב טהור מבית ומחוץ ויעשׂ לו זר זהב סביב׃³ ויצק לו ארבע טבעת זהב על ארבע פעמתיו ושׁתי טבעת על צלעו האחת ושׁתי טבעת על צלעו השׁנית׃

¹ בעת ההוא אמר יהוה אלי פסל לך שׁני לוחת אבנים כראשׁנים ועלה אלי ההרה ועשׂית לך ארון עץ׃² ואכתב על הלחת את הדברים אשׁר היו על הלחת הראשׁנים אשׁר שׁברת ושׂמתם בארון׃³ ואעשׂ ארון עצי שׁטים ואפסל שׁני לחת אבנים כראשׁנים ואעל ההרה ושׁני הלחת בידי׃

¹¹ ואת בת פרעה העלה שׁלמה מעיר דויד לבית אשׁר בנה לה כי אמר לא תשׁב אשׁה לי בבית דויד מלך ישׂראל כי קדשׁ המה אשׁר באה אליהם ארון יהוה׃

²⁴ וצפית אתו זהב טהור ועשׂית לו זר זהב סביב׃

³ וצפית אתו זהב טהור את גגו ואת קירתיו סביב ואת קרנתיו ועשׂית לו זר זהב סביב׃

²⁰ ולפני הדביר עשׂרים אמה ארך ועשׂרים אמה רחב ועשׂרים אמה קומתו ויצפהו זהב סגור ויצף מזבח ארז׃

⁴ והאולם אשׁר על פני הארך על פני רחב הבית אמות עשׂרים והגבה מאה ועשׂרים ויצפהו מפנימה זהב טהור׃

¹⁵ בטבעת הארן יהיו הבדים לא יסרו ממנו׃

²⁶ ועשׂית לו ארבע טבעת זהב ונתת את הטבעת על ארבע הפאת אשׁר לארבע רגליו׃

²⁹ ואת הקרשׁים תצפה זהב ואת טבעתיהם תעשׂה זהב בתים לבריחם וצפית את הבריחם זהב׃

⁷ והובא את בדיו בטבעת והיו הבדים על שׁתי צלעת המזבח בשׂאת אתו׃

⁵ ויבא את הבדים בטבעת על צלעת הארן לשׂאת את הארן׃

⁷ ויבא את הבדים בטבעת על צלעת המזבח לשׂאת אתו בהם נבוב לחת עשׂה אתו׃

²⁸ ועשׂית את הבדים עצי שׁטים וצפית אתם זהב ונשׂא בם את השׁלחן׃

⁶ ועשׂית בדים למזבח בדי עצי שׁטים וצפית אתם נחשׁת׃

⁵ ועשׂית את הבדים עצי שׁטים וצפית אתם זהב׃

⁴ ויעשׂ בדי עצי שׁטים ויצף אתם זהב׃

²⁰ ויקח ויתן את העדת אל הארן וישׂם את הבדים על הארן ויתן את הכפרת על הארן מלמעלה׃

⁶ ונתנו עליו כסוי עור תחשׁ ופרשׂו בגד כליל תכלת מלמעלה ושׂמו בדיו׃

⁸ ופרשׂו עליהם בגד תולעת שׁני וכסו אתו במכסה עור תחשׁ ושׂמו את בדיו׃

¹¹ ועל מזבח הזהב יפרשׂו בגד תכלת וכסו אתו במכסה עור תחשׁ ושׂמו את בדיו׃

¹⁴ ונתנו עליו את כל כליו אשׁר ישׁרתו עליו בהם את המחתת את המזלגת ואת היעים ואת המזרקת כל כלי המזבח ופרשׂו עליו כסוי עור תחשׁ ושׂמו בדיו׃

¹⁵ וישׂאו בני הלוים את ארון האלהים כאשׁר צוה משׁה כדבר יהוה בכתפם במטות עליהם׃

⁸ ויארכו הבדים ויראו ראשׁי הבדים מן הקדשׁ על פני הדביר ולא יראו החוצה ויהיו שׁם עד היום הזה׃

⁹ ויאריכו הבדים ויראו ראשׁי הבדים מן הארון על פני הדביר ולא יראו החוצה ויהי שׁם עד היום הזה׃

³⁴ כאשׁר צוה יהוה אל משׁה ויניחהו אהרן לפני העדת למשׁמרת׃

²¹ באהל מועד מחוץ לפרכת אשׁר על העדת יערך אתו אהרן ובניו מערב עד בקר לפני יהוה חקת עולם לדרתם מאת בני ישׂראל׃

⁶ ונתתה אתו לפני הפרכת אשׁר על ארן העדת לפני הכפרת אשׁר על העדת אשׁר אועד לך שׁמה׃

³⁶ ושׁחקת ממנה הדק ונתתה ממנה לפני העדת באהל מועד אשׁר אועד לך שׁמה קדשׁ קדשׁים תהיה׃

¹⁸ ויתן אל משׁה ככלתו לדבר אתו בהר סיני שׁני לחת העדת לחת אבן כתבים באצבע אלהים׃

¹⁵ ויפן וירד משׁה מן ההר ושׁני לחת העדת בידו לחת כתבים משׁני עבריהם מזה ומזה הם כתבים׃

²⁹ ויהי ברדת משׁה מהר סיני ושׁני לחת העדת ביד משׁה ברדתו מן ההר ומשׁה לא ידע כי קרן עור פניו בדברו אתו׃

²¹ אלה פקודי המשׁכן משׁכן העדת אשׁר פקד על פי משׁה עבדת הלוים ביד איתמר בן אהרן הכהן׃

⁴ (17:19) והנחתם באהל מועד לפני העדות אשׁר אועד לכם שׁמה׃

² ואכתב על הלחת את הדברים אשׁר היו על הלחת הראשׁנים אשׁר שׁברת ושׂמתם בארון׃³ ואעשׂ ארון עצי שׁטים ואפסל שׁני לחת אבנים כראשׁנים ואעל ההרה ושׁני הלחת בידי׃⁴ ויכתב על הלחת כמכתב הראשׁון את עשׂרת הדברים אשׁר דבר יהוה אליכם בהר מתוך האשׁ ביום הקהל ויתנם יהוה אלי׃⁵ ואפן וארד מן ההר ואשׂם את הלחת בארון אשׁר עשׂיתי ויהיו שׁם כאשׁר צוני יהוה׃

²⁶ לקח את ספר התורה הזה ושׂמתם אתו מצד ארון ברית יהוה אלהיכם והיה שׁם בך לעד׃

⁹ אין בארון רק שׁני לחות האבנים אשׁר הנח שׁם משׁה בחרב אשׁר כרת יהוה עם בני ישׂראל בצאתם מארץ מצרים׃

¹² ויוצא את בן המלך ויתן עליו את הנזר ואת העדות וימלכו אתו וימשׁחהו ויכו כף ויאמרו יחי המלך׃

¹⁴ ובהוציאם את הכסף המובא בית יהוה מצא חלקיהו הכהן את ספר תורת יהוה ביד משׁה׃¹⁵ ויען חלקיהו ויאמר אל שׁפן הסופר ספר התורה מצאתי בבית יהוה ויתן חלקיהו את הספר אל שׁפן׃

³⁴ ונתת את הכפרת על ארון העדת בקדשׁ הקדשׁים׃

⁶ ויעשׂ כפרת זהב טהור אמתים וחצי ארכה ואמה וחצי רחבה׃

¹² ולקח מלא המחתה גחלי אשׁ מעל המזבח מלפני יהוה ומלא חפניו קטרת סמים דקה והביא מבית לפרכת׃¹³ ונתן את הקטרת על האשׁ לפני יהוה וכסה ענן הקטרת את הכפרת אשׁר על העדות ולא ימות׃¹⁴ ולקח מדם הפר והזה באצבעו על פני הכפרת קדמה ולפני הכפרת יזה שׁבע פעמים מן הדם באצבעו׃¹⁵ ושׁחט את שׂעיר החטאת אשׁר לעם והביא את דמו אל מבית לפרכת ועשׂה את דמו כאשׁר עשׂה לדם הפר והזה אתו על הכפרת ולפני הכפרת׃

¹¹ ויתן דויד לשׁלמה בנו את תבנית האולם ואת בתיו וגנזכיו ועליתיו וחדריו הפנימים ובית הכפרת׃

²⁴ ויגרשׁ את האדם וישׁכן מקדם לגן עדן את הכרבים ואת להט החרב המתהפכת לשׁמר את דרך עץ החיים׃

⁷ ויעשׂ שׁני כרבים זהב מקשׁה עשׂה אתם משׁני קצות הכפרת׃⁸ כרוב אחד מקצה מזה וכרוב אחד מקצה מזה מן הכפרת עשׂה את הכרבים משׁני קצוותו׃⁹ ויהיו הכרבים פרשׂי כנפים למעלה סככים בכנפיהם על הכפרת ופניהם אישׁ אל אחיו אל הכפרת היו פני הכרבים׃

⁴ וישׁלח העם שׁלה וישׂאו משׁם את ארון ברית יהוה צבאות ישׁב הכרבים ושׁם שׁני בני עלי עם ארון ברית האלהים חפני ופינחס׃

²³ ויעשׂ בדביר שׁני כרובים עצי שׁמן עשׂר אמות קומתו׃²⁴ וחמשׁ אמות כנף הכרוב האחת וחמשׁ אמות כנף הכרוב השׁנית עשׂר אמות מקצות כנפיו ועד קצות כנפיו׃²⁵ ועשׂר באמה הכרוב השׁני מדה אחת וקצב אחד לשׁני הכרבים׃²⁶ קומת הכרוב האחד עשׂר באמה וכן הכרוב השׁני׃²⁷ ויתן את הכרובים בתוך הבית הפנימי ויפרשׂו את כנפי הכרבים ותגע כנף האחד בקיר וכנף הכרוב השׁני נגעת בקיר השׁני וכנפיהם אל תוך הבית נגעת כנף אל כנף׃²⁸ ויצף את הכרובים זהב׃

⁶ ויבאו הכהנים את ארון ברית יהוה אל מקומו אל דביר הבית אל קדשׁ הקדשׁים אל תחת כנפי הכרובים׃⁷ כי הכרובים פרשׂים כנפים אל מקום הארון ויסכו הכרבים על הארון ועל בדיו מלמעלה׃

¹⁸ ולמזבח הקטרת זהב מזקק במשׁקל ולתבנית המרכבה הכרבים זהב לפרשׂים וסככים על ארון ברית יהוה׃

² ויאמר אל האישׁ לבשׁ הבדים ויאמר בא אל בינות לגלגל אל תחת לכרוב ומלא חפניך גחלי אשׁ מבינות לכרבים וזרק על העיר ויבא לעיני׃

²⁰ היא החיה אשׁר ראיתי תחת אלהי ישׂראל בנהר כבר ואדע כי כרובים המה׃

¹⁸ ועשׂוי כרובים ותמרים ותמרה בין כרוב לכרוב ושׁנים פנים לכרוב׃¹⁹ ופני אדם אל התמרה מפו ופני כפיר אל התמרה מפו עשׂוי אל כל הבית סביב סביב׃

¹² ויחלם והנה סלם מצב ארצה וראשׁו מגיע השׁמימה והנה מלאכי אלהים עלים וירדים׃

¹⁸ ועשׂית שׁנים כרבים זהב מקשׁה תעשׂה אתם משׁני קצות הכפרת׃

⁷ כי הכרובים פרשׂים כנפים אל מקום הארון ויסכו הכרבים על הארון ועל בדיו מלמעלה׃

¹⁰ ויעשׂ בבית קדשׁ הקדשׁים כרובים שׁנים מעשׂה צעצעים ויצפו אתם זהב׃

¹ בשׁנת מות המלך עזיהו ואראה את אדני ישׁב על כסא רם ונשׂא ושׁוליו מלאים את ההיכל׃² שׂרפים עמדים ממעל לו שׁשׁ כנפים שׁשׁ כנפים לאחד בשׁתים יכסה פניו ובשׁתים יכסה רגליו ובשׁתים יעופף׃³ וקרא זה אל זה ואמר קדושׁ קדושׁ קדושׁ יהוה צבאות מלא כל הארץ כבודו׃⁴ וינעו אמות הספים מקול הקורא והבית ימלא עשׁן׃⁵ ואמר אוי לי כי נדמיתי כי אישׁ טמא שׂפתים אנכי ובתוך עם טמא שׂפתים אנכי יושׁב כי את המלך יהוה צבאות ראו עיני׃

²⁰ על אשׁר יהיה שׁם הרוח ללכת ילכו שׁמה הרוח ללכת והאופנים ינשׂאו לעמתם כי רוח החיה באופנים׃

¹⁴ את כרוב ממשׁח הסוכך ונתתיך בהר קדשׁ אלהים היית בתוך אבני אשׁ התהלכת׃

¹⁶ ונתת אל הארן את העדת אשׁר אתן אליך׃¹⁷ ועשׂית כפרת זהב טהור אמתים וחצי ארכה ואמה וחצי רחבה׃

³³ וילך יהוה כאשׁר כלה לדבר אל אברהם ואברהם שׁב למקמו׃

²⁴ מזבח אדמה תעשׂה לי וזבחת עליו את עלתיך ואת שׁלמיך את צאנך ואת בקרך בכל המקום אשׁר אזכיר את שׁמי אבוא אליך וברכתיך׃

⁴² עלת תמיד לדרתיכם פתח אהל מועד לפני יהוה אשׁר אועד לכם שׁמה לדבר אליך שׁם׃⁴³ ונעדתי שׁמה לבני ישׂראל ונקדשׁ בכבדי׃

⁶ ואני הנה נתתי אתו את אהליאב בן אחיסמך למטה דן ובלב כל חכם לב נתתי חכמה ועשׂו את כל אשׁר צויתך׃

¹ ויקרא אל משׁה וידבר יהוה אליו מאהל מועד לאמר׃

² ויאמר יהוה אל משׁה דבר אל אהרן אחיך ואל יבא בכל עת אל הקדשׁ מבית לפרכת אל פני הכפרת אשׁר על הארן ולא ימות כי בענן אראה על הכפרת׃

⁸⁹ ובבא משׁה אל אהל מועד לדבר אתו וישׁמע את הקול מדבר אליו מעל הכפרת אשׁר על ארן העדת מבין שׁני הכרבים וידבר אליו׃

²⁶ כי מי כל בשׂר אשׁר שׁמע קול אלהים חיים מדבר מתוך האשׁ כמנו ויחי׃²⁷ קרב אתה ושׁמע את כל אשׁר יאמר יהוה אלהינו ואת תדבר אלינו את כל אשׁר ידבר יהוה אלהינו אליך ושׁמענו ועשׂינו׃²⁸ וישׁמע יהוה את קול דבריכם בדברכם אלי ויאמר יהוה אלי שׁמעתי את קול דברי העם הזה אשׁר דברו אליך היטיבו כל אשׁר דברו׃²⁹ מי יתן והיה לבבם זה להם ליראה אתי ולשׁמר את כל מצותי כל הימים למען ייטב להם ולבניהם לעלם׃³⁰ לך אמר להם שׁובו לכם לאהליכם׃³¹ ואתה פה עמד עמדי ואדברה אליך את כל המצוה והחקים והמשׁפטים אשׁר תלמדם ועשׂו בארץ אשׁר אנכי נתן להם לרשׁתה׃

²⁷ וישׁאלו בני ישׂראל ביהוה ושׁם ארון ברית האלהים בימים ההם׃

² ויקם וילך דוד וכל העם אשׁר אתו מבעלי יהודה להעלות משׁם את ארון האלהים אשׁר נקרא שׁם שׁם יהוה צבאות ישׁב הכרבים עליו׃

¹⁵ ויתפלל חזקיהו לפני יהוה ויאמר יהוה אלהי ישׂראל ישׁב הכרבים אתה הוא האלהים לבדך לכל ממלכות הארץ אתה עשׂית את השׁמים ואת הארץ׃

¹ למנצח אל שׁשׁנים עדות לאסף מזמור׃ (80:2) רעה ישׂראל האזינה נהג כצאן יוסף ישׁב הכרובים הופיעה׃

¹ תפלה למשׁה אישׁ האלהים אדני מעון אתה היית לנו בדר ודר׃

¹ יהוה מלך ירגזו עמים ישׁב כרובים תנוט הארץ׃

¹⁶ יהוה צבאות אלהי ישׂראל ישׁב הכרבים אתה הוא האלהים לבדך לכל ממלכות הארץ אתה עשׂית את השׁמים ואת הארץ׃

¹⁰ ויעשׂ את השׁלחן עצי שׁטים אמתים ארכו ואמה רחבו ואמה וחצי קמתו׃¹¹ ויצף אתו זהב טהור ויעשׂ לו זר זהב סביב׃¹² ויעשׂ לו מסגרת טפח סביב ויעשׂ זר זהב למסגרתו סביב׃¹³ ויצק לו ארבע טבעת זהב ויתן את הטבעת על ארבע הפאת אשׁר לארבע רגליו׃¹⁴ לעמת המסגרת היו הטבעת בתים לבדים לשׂאת את השׁלחן׃¹⁵ ויעשׂ את הבדים עצי שׁטים ויצף אתם זהב לשׂאת את השׁלחן׃¹⁶ ויעשׂ את הכלים אשׁר על השׁלחן את קערתיו ואת כפתיו ואת מנקיתיו ואת הקשׂות אשׁר יסך בהן זהב טהור׃

²² ויתן את השׁלחן באהל מועד על ירך המשׁכן צפנה מחוץ לפרכת׃²³ ויערך עליו ערך לחם לפני יהוה כאשׁר צוה יהוה את משׁה׃

⁶ ושׂמת אותם שׁתים מערכות שׁשׁ המערכת על השׁלחן הטהר לפני יהוה׃

³¹ ומשׁמרתם הארן והשׁלחן והמנרה והמזבחת וכלי הקדשׁ אשׁר ישׁרתו בהם והמסך וכל עבדתו׃

⁴⁸ ויעשׂ שׁלמה את כל הכלים אשׁר בית יהוה את מזבח הזהב ואת השׁלחן אשׁר עליו לחם הפנים זהב׃

¹⁶ ואת הזהב משׁקל לשׁלחנות המערכת לשׁלחן ושׁלחן וכסף לשׁלחנות הכסף׃

⁸ ויעשׂ שׁלחנות עשׂרה וינח בהיכל חמשׁה מימין וחמשׁה משׂמאול ויעשׂ מזרקי זהב מאה׃

¹⁹ ויעשׂ שׁלמה את כל הכלים אשׁר בית האלהים ואת מזבח הזהב ואת השׁלחנות ועליהם לחם הפנים׃

⁴¹ ארבעה שׁלחנות מפה וארבעה שׁלחנות מפה לכתף השׁער שׁמונה שׁלחנות אליהם ישׁחטו׃⁴² וארבעה שׁלחנות לעולה אבני גזית ארך אמה אחת וחצי ורחב אמה אחת וחצי וגבה אמה אחת אליהם ויניחו את הכלים אשׁר ישׁחטו את העולה בם והזבח׃

¹¹ וצפית אתו זהב טהור מבית ומחוץ תצפנו ועשׂית עליו זר זהב סביב׃

²⁰ ולפני הדביר עשׂרים אמה ארך ועשׂרים אמה רחב ועשׂרים אמה קומתו ויצפהו זהב סגור ויצף מזבח ארז׃²¹ ויצף שׁלמה את הבית מפנימה זהב סגור ויעבר ברתיקות זהב לפני הדביר ויצפהו זהב׃²² ואת כל הבית צפה זהב עד תם כל הבית וכל המזבח אשׁר לדביר צפה זהב׃

² ויצפהו זהב טהור מבית ומחוץ ויעשׂ לו זר זהב סביב׃

¹⁴ והבאת את הבדים בטבעת על צלעת הארן לשׂאת את הארן׃

²⁷ לעמת המסגרת תהיין הטבעת לבתים לבדים לשׂאת את השׁלחן׃

¹⁷ והורד המשׁכן ונסעו בני גרשׁון ובני מררי נשׂאי המשׁכן׃

¹⁶ ויעשׂ את הכלים אשׁר על השׁלחן את קערתיו ואת כפתיו ואת מנקיתיו ואת הקשׂות אשׁר יסך בהן זהב טהור׃

⁵ ולקחת סלת ואפית אתה שׁתים עשׂרה חלות שׁני עשׂרנים יהיה החלה האחת׃⁶ ושׂמת אותם שׁתים מערכות שׁשׁ המערכת על השׁלחן הטהר לפני יהוה׃⁷ ונתת על המערכת לבנה זכה והיתה ללחם לאזכרה אשׁה ליהוה׃⁸ ביום השׁבת ביום השׁבת יערכנו לפני יהוה תמיד מאת בני ישׂראל ברית עולם׃⁹ והיתה לאהרן ולבניו ואכלהו במקום קדשׁ כי קדשׁ קדשׁים הוא לו מאשׁי יהוה חק עולם׃

⁷ ועל שׁלחן הפנים יפרשׂו בגד תכלת ונתנו עליו את הקערת ואת הכפת ואת המנקית ואת קשׂות הנסך ולחם התמיד עליו יהיה׃

¹³ וקרבנו קערת כסף אחת שׁלשׁים ומאה משׁקלה מזרק אחד כסף שׁבעים שׁקל בשׁקל הקדשׁ שׁניהם מלאים סלת בלולה בשׁמן למנחה׃

¹⁹ הקרב את קרבנו קערת כסף אחת שׁלשׁים ומאה משׁקלה מזרק אחד כסף שׁבעים שׁקל בשׁקל הקדשׁ שׁניהם מלאים סלת בלולה בשׁמן למנחה׃

³¹ קרבנו קערת כסף אחת שׁלשׁים ומאה משׁקלה מזרק אחד כסף שׁבעים שׁקל בשׁקל הקדשׁ שׁניהם מלאים סלת בלולה בשׁמן למנחה׃³² כף אחת עשׂרה זהב מלאה קטרת׃³³ פר אחד בן בקר איל אחד כבשׂ אחד בן שׁנתו לעלה׃

⁵⁰ והספות והמזמרות והמזרקות והכפות והמחתות זהב סגור והפתות לדלתות הבית הפנימי לקדשׁ הקדשׁים לדלתי הבית להיכל זהב׃

²² והמזמרות והמזרקות והכפות והמחתות זהב סגור ופתח הבית דלתותיו הפנימיות לקדשׁ הקדשׁים ודלתי הבית להיכל זהב׃

⁹ ואלה מספרם אגרטלי זהב שׁלשׁים אגרטלי כסף אלף מחלפים תשׁעה ועשׂרים׃¹⁰ כפורי זהב שׁלשׁים כפורי כסף משׁנים ארבע מאות ועשׂרה כלים אחרים אלף׃¹¹ כל כלים לזהב ולכסף חמשׁת אלפים וארבע מאות הכל העלה שׁשׁבצר עם העלות הגולה מבבל לירושׁלם׃

¹ באתי לגני אחתי כלה אריתי מורי עם בשׂמי אכלתי יערי עם דבשׁי שׁתיתי ייני עם חלבי אכלו רעים שׁתו ושׁכרו דודים׃

¹⁸ ואת הסרות ואת היעים ואת המזמרות ואת המזרקת ואת הכפות ואת כל כלי הנחשׁת אשׁר ישׁרתו בהם לקחו׃¹⁹ ואת הספים ואת המחתות ואת המזרקות ואת הסירות ואת המנרות ואת הכפות ואת המנקיות אשׁר זהב זהב ואשׁר כסף כסף לקח רב טבחים׃

¹³ את השׁלחן ואת בדיו ואת כל כליו ואת לחם הפנים׃

³⁶ את השׁלחן את כל כליו ואת לחם הפנים׃

⁶ (21:7) ויתן לו הכהן קדשׁ כי לא היה שׁם לחם כי אם לחם הפנים המוסרים מלפני יהוה לשׂום לחם חם ביום הלקחו׃

³² ומן בני הקהתי מן אחיהם על לחם המערכת להכין שׁבת שׁבת׃

²⁹ וללחם המערכת ולסלת למנחה ולרקיקי המצות ולמחבת ולמרבכת ולכל משׂורה ומדה׃

¹¹ ומקטרים ליהוה עלות בבקר בבקר ובערב בערב וקטרת סמים ומערכת לחם על השׁלחן הטהור ומנורת הזהב ונרתיה לבער בערב בערב כי שׁמרים אנחנו את משׁמרת יהוה אלהינו ואתם עזבתם אתו׃

⁷ מגישׁים על מזבחי לחם מגאל ואמרתם במה גאלנוך באמרכם שׁלחן יהוה נבזה הוא׃

¹² ואתם מחללים אותו באמרכם שׁלחן אדני מגאל הוא וניבו נבזה אכלו׃

¹⁴ ואת מנרת המאור ואת כליה ואת נרתיה ואת שׁמן המאור׃

¹⁷ ויעשׂ את המנרה זהב טהור מקשׁה עשׂה את המנרה ירכה וקנה גביעיה כפתריה ופרחיה ממנה היו׃¹⁸ ושׁשׁה קנים יצאים מצדיה שׁלשׁה קני מנרה מצדה האחד ושׁלשׁה קני מנרה מצדה השׁני׃¹⁹ שׁלשׁה גבעים משׁקדים בקנה האחד כפתר ופרח ושׁלשׁה גבעים משׁקדים בקנה אחד כפתר ופרח כן לשׁשׁת הקנים היצאים מן המנרה׃²⁰ ובמנרה ארבעה גבעים משׁקדים כפתריה ופרחיה׃²¹ וכפתר תחת שׁני הקנים ממנה וכפתר תחת שׁני הקנים ממנה וכפתר תחת שׁני הקנים ממנה לשׁשׁת הקנים היצאים ממנה׃²² כפתריהם וקנתם ממנה היו כלה מקשׁה אחת זהב טהור׃²³ ויעשׂ את נרתיה שׁבעה ומלקחיה ומחתתיה זהב טהור׃²⁴ ככר זהב טהור עשׂה אתה ואת כל כליה׃

¹⁸ וארז אל הבית פנימה מקלעת פקעים ופטורי צצים הכל ארז אין אבן נראה׃

²⁴ ופקעים מתחת לשׂפתו סביב סבבים אתו עשׂר באמה מקפים את הים סביב שׁני טורים הפקעים יצקים ביצקתו׃

⁴⁹ ואת המנרות חמשׁ מימין וחמשׁ משׂמאול לפני הדביר זהב סגור והפרח והנרת והמלקחים זהב׃

² ויאמר אלי מה אתה ראה ויאמר ראיתי והנה מנורת זהב כלה וגלה על ראשׁה ושׁבעה נרתיה עליה שׁבעה ושׁבעה מוצקות לנרות אשׁר על ראשׁה׃

¹⁹ שׁלשׁה גבעים משׁקדים בקנה האחד כפתר ופרח ושׁלשׁה גבעים משׁקדים בקנה אחד כפתר ופרח כן לשׁשׁת הקנים היצאים מן המנרה׃²⁰ ובמנרה ארבעה גבעים משׁקדים כפתריה ופרחיה׃

⁴ (17:19) והנחתם באהל מועד לפני העדות אשׁר אועד לכם שׁמה׃⁵ (17:20) והיה האישׁ אשׁר אבחר בו מטהו יפרח והשׁכתי מעלי את תלנות בני ישׂראל אשׁר הם מלינם עליכם׃⁶ (17:21) וידבר משׁה אל בני ישׂראל ויתנו אליו כל נשׂיאיהם מטה לנשׂיא אחד מטה לנשׂיא אחד לבית אבתם שׁנים עשׂר מטות ומטה אהרן בתוך מטותם׃⁷ (17:22) וינח משׁה את המטת לפני יהוה באהל העדת׃⁸ (17:23) ויהי ממחרת ויבא משׁה אל אהל העדות והנה פרח מטה אהרן לבית לוי ויצא פרח ויצץ ציץ ויגמל שׁקדים׃

¹¹ ויהי דבר יהוה אלי לאמר מה אתה ראה ירמיהו ואמר מקל שׁקד אני ראה׃¹² ויאמר יהוה אלי היטבת לראות כי שׁקד אני על דברי לעשׂתו׃

³ ושׁנים זיתים עליה אחד מימין הגלה ואחד על שׂמאלה׃

⁴ וזה מעשׂה המנרה מקשׁה זהב עד ירכה עד פרחה מקשׁה הוא כמראה אשׁר הראה יהוה את משׁה כן עשׂה את המנרה׃

¹⁶ ויעשׂ המלך שׁלמה מאתים צנה זהב שׁחוט שׁשׁ מאות זהב יעלה על הצנה האחת׃¹⁷ ושׁלשׁ מאות מגנים זהב שׁחוט שׁלשׁת מנים זהב יעלה על המגן האחת ויתנם המלך בית יער הלבנון׃

¹⁵ ויעשׂ המלך שׁלמה מאתים צנה זהב שׁחוט שׁשׁ מאות זהב שׁחוט יעלה על הצנה האחת׃

⁸ ובהעלת אהרן את הנרת בין הערבים יקטירנה קטרת תמיד לפני יהוה לדרתיכם׃

²³ ויעשׂ את נרתיה שׁבעה ומלקחיה ומחתתיה זהב טהור׃

²⁴ וישׂם את המנרה באהל מועד נכח השׁלחן על ירך המשׁכן נגבה׃

² צו את בני ישׂראל ויקחו אליך שׁמן זית זך כתית למאור להעלת נר תמיד׃³ מחוץ לפרכת העדת באהל מועד יערך אתו אהרן מערב עד בקר לפני יהוה תמיד חקת עולם לדרתיכם׃⁴ על המנרה הטהרה יערך את הנרות לפני יהוה תמיד׃

² דבר אל אהרן ואמרת אליו בהעלתך את הנרת אל מול פני המנורה יאירו שׁבעת הנרות׃

¹⁰⁵ נר לרגלי דברך ואור לנתיבתי׃

²³ כי נר מצוה ותורה אור ודרך חיים תוכחות מוסר׃

²⁰ לתורה ולתעודה אם לא יאמרו כדבר הזה אשׁר אין לו שׁחר׃

⁹ ולקחו בגד תכלת וכסו את מנרת המאור ואת נרתיה ואת מלקחיה ואת מחתתיה ואת כל כלי שׁמנה אשׁר ישׁרתו \'ec\'e4

¹³ (12:14) אך לא יעשׂה בית יהוה ספות כסף מזמרות מזרקות חצצרות כל כלי זהב וכלי כסף מן הכסף המובא בית יהוה׃

¹⁴ ואת הסירת ואת היעים ואת המזמרות ואת הכפות ואת כל כלי הנחשׁת אשׁר ישׁרתו בם לקחו׃

²¹ והפרח והנרות והמלקחים זהב הוא מכלות זהב׃

⁶ ויעף אלי אחד מן השׂרפים ובידו רצפה במלקחים לקח מעל המזבח׃

¹⁸ ואת הסרות ואת היעים ואת המזמרות ואת המזרקת ואת הכפות ואת כל כלי הנחשׁת אשׁר ישׁרתו בהם לקחו׃

⁹ ככל אשׁר אני מראה אותך את תבנית המשׁכן ואת תבנית כל כליו וכן תעשׂו׃

³⁰ והקמת את המשׁכן כמשׁפטו אשׁר הראית בהר׃

⁴² ככל אשׁר צוה יהוה את משׁה כן עשׂו בני ישׂראל את כל העבדה׃⁴³ וירא משׁה את כל המלאכה והנה עשׂו אתה כאשׁר צוה יהוה כן עשׂו ויברך אתם משׁה׃

¹⁹ הכל בכתב מיד יהוה עלי השׂכיל כל מלאכות התבנית׃

¹¹ ואם נכלמו מכל אשׁר עשׂו צורת הבית ותכונתו ומוצאיו ומובאיו וכל צורתו ואת כל חקתיו וכל צורתו וכל תורתו הודע אותם וכתב לעיניהם וישׁמרו את כל צורתו ואת כל חקתיו ועשׂו אותם׃¹² זאת תורת הבית על ראשׁ ההר כל גבלו סביב סביב קדשׁ קדשׁים הנה זאת תורת הבית׃