Ezekiel 44:12 Cross References - HOT

12 יען אשׁר ישׁרתו אותם לפני גלוליהם והיו לבית ישׂראל למכשׁול עון על כן נשׂאתי ידי עליהם נאם אדני יהוה ונשׂאו עונם׃

Deuteronomy 32:40-42

40 כי אשׂא אל שׁמים ידי ואמרתי חי אנכי לעלם׃41 אם שׁנותי ברק חרבי ותאחז במשׁפט ידי אשׁיב נקם לצרי ולמשׂנאי אשׁלם׃42 אשׁכיר חצי מדם וחרבי תאכל בשׂר מדם חלל ושׁביה מראשׁ פרעות אויב׃

1 Samuel 2:29-30

29 למה תבעטו בזבחי ובמנחתי אשׁר צויתי מעון ותכבד את בניך ממני להבריאכם מראשׁית כל מנחת ישׂראל לעמי׃30 לכן נאם יהוה אלהי ישׂראל אמור אמרתי ביתך ובית אביך יתהלכו לפני עד עולם ועתה נאם יהוה חלילה לי כי מכבדי אכבד ובזי יקלו׃

2 Kings 16:10-16

10 וילך המלך אחז לקראת תגלת פלאסר מלך אשׁור דומשׂק וירא את המזבח אשׁר בדמשׂק וישׁלח המלך אחז אל אוריה הכהן את דמות המזבח ואת תבניתו לכל מעשׂהו׃11 ויבן אוריה הכהן את המזבח ככל אשׁר שׁלח המלך אחז מדמשׂק כן עשׂה אוריה הכהן עד בוא המלך אחז מדמשׂק׃12 ויבא המלך מדמשׂק וירא המלך את המזבח ויקרב המלך על המזבח ויעל עליו׃13 ויקטר את עלתו ואת מנחתו ויסך את נסכו ויזרק את דם השׁלמים אשׁר לו על המזבח׃14 ואת המזבח הנחשׁת אשׁר לפני יהוה ויקרב מאת פני הבית מבין המזבח ומבין בית יהוה ויתן אתו על ירך המזבח צפונה׃15 ויצוהו המלך אחז את אוריה הכהן לאמר על המזבח הגדול הקטר את עלת הבקר ואת מנחת הערב ואת עלת המלך ואת מנחתו ואת עלת כל עם הארץ ומנחתם ונסכיהם וכל דם עלה וכל דם זבח עליו תזרק ומזבח הנחשׁת יהיה לי לבקר׃16 ויעשׂ אוריה הכהן ככל אשׁר צוה המלך אחז׃

Psalms 106:26

26 וישׂא ידו להם להפיל אותם במדבר׃

Isaiah 9:16

16 (9:15) ויהיו מאשׁרי העם הזה מתעים ומאשׁריו מבלעים׃

Ezekiel 14:3-4

3 בן אדם האנשׁים האלה העלו גלוליהם על לבם ומכשׁול עונם נתנו נכח פניהם האדרשׁ אדרשׁ׃4 לכן דבר אותם ואמרת אליהם כה אמר אדני יהוה אישׁ אישׁ מבית ישׂראל אשׁר יעלה את גלוליו אל לבו ומכשׁול עונו ישׂים נכח פניו ובא אל הנביא אני יהוה נעניתי לו בה ברב גלוליו׃

Ezekiel 20:6

6 ביום ההוא נשׂאתי ידי להם להוציאם מארץ מצרים אל ארץ אשׁר תרתי להם זבת חלב ודבשׁ צבי היא לכל הארצות׃

Ezekiel 20:15

15 וגם אני נשׂאתי ידי להם במדבר לבלתי הביא אותם אל הארץ אשׁר נתתי זבת חלב ודבשׁ צבי היא לכל הארצות׃

Ezekiel 20:23

23 גם אני נשׂאתי את ידי להם במדבר להפיץ אתם בגוים ולזרות אותם בארצות׃

Ezekiel 20:28

28 ואביאם אל הארץ אשׁר נשׂאתי את ידי לתת אותה להם ויראו כל גבעה רמה וכל עץ עבת ויזבחו שׁם את זבחיהם ויתנו שׁם כעס קרבנם וישׂימו שׁם ריח ניחוחיהם ויסיכו שׁם את נסכיהם׃

Ezekiel 44:10

10 כי אם הלוים אשׁר רחקו מעלי בתעות ישׂראל אשׁר תעו מעלי אחרי גלוליהם ונשׂאו עונם׃

Ezekiel 44:13

13 ולא יגשׁו אלי לכהן לי ולגשׁת על כל קדשׁי אל קדשׁי הקדשׁים ונשׂאו כלמתם ותועבותם אשׁר עשׂו׃

Hosea 4:6

6 נדמו עמי מבלי הדעת כי אתה הדעת מאסת ואמאסאך מכהן לי ותשׁכח תורת אלהיך אשׁכח בניך גם אני׃

Hosea 5:1

1 שׁמעו זאת הכהנים והקשׁיבו בית ישׂראל ובית המלך האזינו כי לכם המשׁפט כי פח הייתם למצפה ורשׁת פרושׂה על תבור׃

Amos 8:7

7 נשׁבע יהוה בגאון יעקב אם אשׁכח לנצח כל מעשׂיהם׃

Malachi 2:8-9

8 ואתם סרתם מן הדרך הכשׁלתם רבים בתורה שׁחתם ברית הלוי אמר יהוה צבאות׃9 וגם אני נתתי אתכם נבזים ושׁפלים לכל העם כפי אשׁר אינכם שׁמרים את דרכי ונשׂאים פנים בתורה׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.