1 ויסף אברהם ויקח אשׁה ושׁמה קטורה׃2 ותלד לו את זמרן ואת יקשׁן ואת מדן ואת מדין ואת ישׁבק ואת שׁוח׃3 ויקשׁן ילד את שׁבא ואת דדן ובני דדן היו אשׁורם ולטושׁם ולאמים׃4 ובני מדין עיפה ועפר וחנך ואבידע ואלדעה כל אלה בני קטורה׃5 ויתן אברהם את כל אשׁר לו ליצחק׃6 ולבני הפילגשׁים אשׁר לאברהם נתן אברהם מתנת וישׁלחם מעל יצחק בנו בעודנו חי קדמה אל ארץ קדם׃7 ואלה ימי שׁני חיי אברהם אשׁר חי מאת שׁנה ושׁבעים שׁנה וחמשׁ שׁנים׃8 ויגוע וימת אברהם בשׂיבה טובה זקן ושׂבע ויאסף אל עמיו׃9 ויקברו אתו יצחק וישׁמעאל בניו אל מערת המכפלה אל שׂדה עפרן בן צחר החתי אשׁר על פני ממרא׃10 השׂדה אשׁר קנה אברהם מאת בני חת שׁמה קבר אברהם ושׂרה אשׁתו׃11 ויהי אחרי מות אברהם ויברך אלהים את יצחק בנו וישׁב יצחק עם באר לחי ראי׃12 ואלה תלדת ישׁמעאל בן אברהם אשׁר ילדה הגר המצרית שׁפחת שׂרה לאברהם׃13 ואלה שׁמות בני ישׁמעאל בשׁמתם לתולדתם בכר ישׁמעאל נבית וקדר ואדבאל ומבשׂם׃14 ומשׁמע ודומה ומשׂא׃15 חדד ותימא יטור נפישׁ וקדמה׃16 אלה הם בני ישׁמעאל ואלה שׁמתם בחצריהם ובטירתם שׁנים עשׂר נשׂיאם לאמתם׃17 ואלה שׁני חיי ישׁמעאל מאת שׁנה ושׁלשׁים שׁנה ושׁבע שׁנים ויגוע וימת ויאסף אל עמיו׃18 וישׁכנו מחוילה עד שׁור אשׁר על פני מצרים באכה אשׁורה על פני כל אחיו נפל׃19 ואלה תולדת יצחק בן אברהם אברהם הוליד את יצחק׃20 ויהי יצחק בן ארבעים שׁנה בקחתו את רבקה בת בתואל הארמי מפדן ארם אחות לבן הארמי לו לאשׁה׃21 ויעתר יצחק ליהוה לנכח אשׁתו כי עקרה הוא ויעתר לו יהוה ותהר רבקה אשׁתו׃22 ויתרצצו הבנים בקרבה ותאמר אם כן למה זה אנכי ותלך לדרשׁ את יהוה׃23 ויאמר יהוה לה שׁני גיים בבטנך ושׁני לאמים ממעיך יפרדו ולאם מלאם יאמץ ורב יעבד צעיר׃24 וימלאו ימיה ללדת והנה תומם בבטנה׃25 ויצא הראשׁון אדמוני כלו כאדרת שׂער ויקראו שׁמו עשׂו׃26 ואחרי כן יצא אחיו וידו אחזת בעקב עשׂו ויקרא שׁמו יעקב ויצחק בן שׁשׁים שׁנה בלדת אתם׃27 ויגדלו הנערים ויהי עשׂו אישׁ ידע ציד אישׁ שׂדה ויעקב אישׁ תם ישׁב אהלים׃28 ויאהב יצחק את עשׂו כי ציד בפיו ורבקה אהבת את יעקב׃29 ויזד יעקב נזיד ויבא עשׂו מן השׂדה והוא עיף׃30 ויאמר עשׂו אל יעקב הלעיטני נא מן האדם האדם הזה כי עיף אנכי על כן קרא שׁמו אדום׃31 ויאמר יעקב מכרה כיום את בכרתך׃32 ויאמר עשׂו הנה אנכי הולך למות ולמה זה לי בכרה׃33 ויאמר יעקב השׁבעה לי כיום וישׁבע לו וימכר את בכרתו ליעקב׃34 ויעקב נתן לעשׂו לחם ונזיד עדשׁים ויאכל וישׁת ויקם וילך ויבז עשׂו את הבכרה׃
Genesis 25 Cross References - HOT
Genesis 23:1-2
Genesis 28:1
1 ויקרא יצחק אל יעקב ויברך אתו ויצוהו ויאמר לו לא תקח אשׁה מבנות כנען׃
1 Chronicles 1:32-33
Genesis 36:35
35 וימת חשׁם וימלך תחתיו הדד בן בדד המכה את מדין בשׂדה מואב ושׁם עירו עוית׃
Genesis 37:28
28 ויעברו אנשׁים מדינים סחרים וימשׁכו ויעלו את יוסף מן הבור וימכרו את יוסף לישׁמעאלים בעשׂרים כסף ויביאו את יוסף מצרימה׃
Genesis 37:36
36 והמדנים מכרו אתו אל מצרים לפוטיפר סריס פרעה שׂר הטבחים׃
Exodus 2:15-16
Exodus 18:1-4
Numbers 22:4
4 ויאמר מואב אל זקני מדין עתה ילחכו הקהל את כל סביבתינו כלחך השׁור את ירק השׂדה ובלק בן צפור מלך למואב בעת ההוא׃
Numbers 25:17-18
Numbers 31:2
2 נקם נקמת בני ישׂראל מאת המדינים אחר תאסף אל עמיך׃
Numbers 31:8
8 ואת מלכי מדין הרגו על חלליהם את אוי ואת רקם ואת צור ואת חור ואת רבע חמשׁת מלכי מדין ואת בלעם בן בעור הרגו בחרב׃
Judges 6:1-8
1 ויעשׂו בני ישׂראל הרע בעיני יהוה ויתנם יהוה ביד מדין שׁבע שׁנים׃2 ותעז יד מדין על ישׂראל מפני מדין עשׂו להם בני ישׂראל את המנהרות אשׁר בהרים ואת המערות ואת המצדות׃3 והיה אם זרע ישׂראל ועלה מדין ועמלק ובני קדם ועלו עליו׃4 ויחנו עליהם וישׁחיתו את יבול הארץ עד בואך עזה ולא ישׁאירו מחיה בישׂראל ושׂה ושׁור וחמור׃5 כי הם ומקניהם יעלו ואהליהם יבאו כדי ארבה לרב ולהם ולגמליהם אין מספר ויבאו בארץ לשׁחתה׃6 וידל ישׂראל מאד מפני מדין ויזעקו בני ישׂראל אל יהוה׃7 ויהי כי זעקו בני ישׂראל אל יהוה על אדות מדין׃8 וישׁלח יהוה אישׁ נביא אל בני ישׂראל ויאמר להם כה אמר יהוה אלהי ישׂראל אנכי העליתי אתכם ממצרים ואציא אתכם מבית עבדים׃
Job 2:11
11 וישׁמעו שׁלשׁת רעי איוב את כל הרעה הזאת הבאה עליו ויבאו אישׁ ממקמו אליפז התימני ובלדד השׁוחי וצופר הנעמתי ויועדו יחדו לבוא לנוד לו ולנחמו׃
Jeremiah 25:25
25 ואת כל מלכי זמרי ואת כל מלכי עילם ואת כל מלכי מדי׃
2 Samuel 2:9
9 וימלכהו אל הגלעד ואל האשׁורי ואל יזרעאל ועל אפרים ועל בנימן ועל ישׂראל כלה׃
1 Kings 10:1
1 ומלכת שׁבא שׁמעת את שׁמע שׁלמה לשׁם יהוה ותבא לנסתו בחידות׃
Job 6:19
19 הביטו ארחות תמא הליכת שׁבא קוו׃
Psalms 72:10
10 מלכי תרשׁישׁ ואיים מנחה ישׁיבו מלכי שׁבא וסבא אשׁכר יקריבו׃
Jeremiah 25:23
23 ואת דדן ואת תימא ואת בוז ואת כל קצוצי פאה׃
Jeremiah 49:8
8 נסו הפנו העמיקו לשׁבת ישׁבי דדן כי איד עשׂו הבאתי עליו עת פקדתיו׃
Ezekiel 25:13
13 לכן כה אמר אדני יהוה ונטתי ידי על אדום והכרתי ממנה אדם ובהמה ונתתיה חרבה מתימן ודדנה בחרב יפלו׃
Ezekiel 27:6
6 אלונים מבשׁן עשׂו משׁוטיך קרשׁך עשׂו שׁן בת אשׁרים מאיי כתים׃
Ezekiel 27:20
20 דדן רכלתך בבגדי חפשׁ לרכבה׃
Isaiah 60:6
6 שׁפעת גמלים תכסך בכרי מדין ועיפה כלם משׁבא יבאו זהב ולבונה ישׂאו ותהלת יהוה יבשׂרו׃
Genesis 21:10-12
Genesis 24:36
36 ותלד שׂרה אשׁת אדני בן לאדני אחרי זקנתה ויתן לו את כל אשׁר׃
Psalms 68:18
18 (68:19) עלית למרום שׁבית שׁבי לקחת מתנות באדם ואף סוררים לשׁכן יה אלהים׃
Genesis 16:3
3 ותקח שׂרי אשׁת אברם את הגר המצרית שׁפחתה מקץ עשׂר שׁנים לשׁבת אברם בארץ כנען ותתן אתה לאברם אישׁה לו לאשׁה׃
Genesis 21:14
14 וישׁכם אברהם בבקר ויקח לחם וחמת מים ויתן אל הגר שׂם על שׁכמה ואת הילד וישׁלחה ותלך ותתע במדבר באר שׁבע׃
Genesis 25:1
1 ויסף אברהם ויקח אשׁה ושׁמה קטורה׃
Genesis 30:4
4 ותתן לו את בלהה שׁפחתה לאשׁה ויבא אליה יעקב׃
Genesis 30:9
9 ותרא לאה כי עמדה מלדת ותקח את זלפה שׁפחתה ותתן אתה ליעקב לאשׁה׃
Genesis 32:22
22 (32:23) ויקם בלילה הוא ויקח את שׁתי נשׁיו ואת שׁתי שׁפחתיו ואת אחד עשׂר ילדיו ויעבר את מעבר יבק׃
Genesis 35:22
22 ויהי בשׁכן ישׂראל בארץ ההוא וילך ראובן וישׁכב את בלהה פילגשׁ אביו וישׁמע ישׂראל ויהיו בני יעקב שׁנים עשׂר׃
Judges 6:3
3 והיה אם זרע ישׂראל ועלה מדין ועמלק ובני קדם ועלו עליו׃
Judges 19:1-2
Judges 19:4
4 ויחזק בו חתנו אבי הנערה וישׁב אתו שׁלשׁת ימים ויאכלו וישׁתו וילינו שׁם׃
Job 1:1
1 אישׁ היה בארץ עוץ איוב שׁמו והיה האישׁ ההוא תם וישׁר וירא אלהים וסר מרע׃
Job 1:3
3 ויהי מקנהו שׁבעת אלפי צאן ושׁלשׁת אלפי גמלים וחמשׁ מאות צמד בקר וחמשׁ מאות אתונות ועבדה רבה מאד ויהי האישׁ ההוא גדול מכל בני קדם׃
Psalms 17:14-15
Genesis 12:4
4 וילך אברם כאשׁר דבר אליו יהוה וילך אתו לוט ואברם בן חמשׁ שׁנים ושׁבעים שׁנה בצאתו מחרן׃
Genesis 15:15
15 ואתה תבוא אל אבתיך בשׁלום תקבר בשׂיבה טובה׃
Genesis 25:7
7 ואלה ימי שׁני חיי אברהם אשׁר חי מאת שׁנה ושׁבעים שׁנה וחמשׁ שׁנים׃
Genesis 25:17
17 ואלה שׁני חיי ישׁמעאל מאת שׁנה ושׁלשׁים שׁנה ושׁבע שׁנים ויגוע וימת ויאסף אל עמיו׃
Genesis 35:18
18 ויהי בצאת נפשׁה כי מתה ותקרא שׁמו בן אוני ואביו קרא לו בנימין׃
Genesis 35:28-29
Genesis 47:8-9
Genesis 49:29
29 ויצו אותם ויאמר אלהם אני נאסף אל עמי קברו אתי אל אבתי אל המערה אשׁר בשׂדה עפרון החתי׃
Genesis 49:33
33 ויכל יעקב לצות את בניו ויאסף רגליו אל המטה ויגוע ויאסף אל עמיו׃
Numbers 20:24
24 יאסף אהרן אל עמיו כי לא יבא אל הארץ אשׁר נתתי לבני ישׂראל על אשׁר מריתם את פי למי מריבה׃
Numbers 27:13
13 וראיתה אתה ונאספת אל עמיך גם אתה כאשׁר נאסף אהרן אחיך׃
Judges 2:10
10 וגם כל הדור ההוא נאספו אל אבותיו ויקם דור אחר אחריהם אשׁר לא ידעו את יהוה וגם את המעשׂה אשׁר עשׂה לישׂראל׃
Judges 8:32
32 וימת גדעון בן יואשׁ בשׂיבה טובה ויקבר בקבר יואשׁ אביו בעפרה אבי העזרי׃
1 Chronicles 29:28
28 וימת בשׂיבה טובה שׂבע ימים עשׁר וכבוד וימלך שׁלמה בנו תחתיו׃
Job 5:26
26 תבוא בכלח אלי קבר כעלות גדישׁ בעתו׃
Job 42:17
17 וימת איוב זקן ושׂבע ימים׃
Proverbs 20:29
29 תפארת בחורים כחם והדר זקנים שׂיבה׃
Jeremiah 6:11
11 ואת חמת יהוה מלאתי נלאיתי הכיל שׁפך על עולל בחוץ ועל סוד בחורים יחדו כי גם אישׁ עם אשׁה ילכדו זקן עם מלא ימים׃
Genesis 21:9-10
Genesis 23:9-20
9 ויתן לי את מערת המכפלה אשׁר לו אשׁר בקצה שׂדהו בכסף מלא יתננה לי בתוככם לאחזת קבר׃10 ועפרון ישׁב בתוך בני חת ויען עפרון החתי את אברהם באזני בני חת לכל באי שׁער עירו לאמר׃11 לא אדני שׁמעני השׂדה נתתי לך והמערה אשׁר בו לך נתתיה לעיני בני עמי נתתיה לך קבר מתך׃12 וישׁתחו אברהם לפני עם הארץ׃13 וידבר אל עפרון באזני עם הארץ לאמר אך אם אתה לו שׁמעני נתתי כסף השׂדה קח ממני ואקברה את מתי שׁמה׃14 ויען עפרון את אברהם לאמר׃15 אדני שׁמעני ארץ ארבע מאת שׁקל כסף ביני ובינך מה הוא ואת מתך קבר׃16 וישׁמע אברהם אל עפרון וישׁקל אברהם לעפרן את הכסף אשׁר דבר באזני בני חת ארבע מאות שׁקל כסף עבר לסחר׃17 ויקם שׂדה עפרון אשׁר במכפלה אשׁר לפני ממרא השׂדה והמערה אשׁר בו וכל העץ אשׁר בשׂדה אשׁר בכל גבלו סביב׃18 לאברהם למקנה לעיני בני חת בכל באי שׁער עירו׃19 ואחרי כן קבר אברהם את שׂרה אשׁתו אל מערת שׂדה המכפלה על פני ממרא הוא חברון בארץ כנען׃20 ויקם השׂדה והמערה אשׁר בו לאברהם לאחזת קבר מאת בני חת׃
Genesis 35:29
29 ויגוע יצחק וימת ויאסף אל עמיו זקן ושׂבע ימים ויקברו אתו עשׂו ויעקב בניו׃
Genesis 49:29-30
Genesis 50:13
13 וישׂאו אתו בניו ארצה כנען ויקברו אתו במערת שׂדה המכפלה אשׁר קנה אברהם את השׂדה לאחזת קבר מאת עפרן החתי על פני ממרא׃
Genesis 23:16
16 וישׁמע אברהם אל עפרון וישׁקל אברהם לעפרן את הכסף אשׁר דבר באזני בני חת ארבע מאות שׁקל כסף עבר לסחר׃
Genesis 49:31
31 שׁמה קברו את אברהם ואת שׂרה אשׁתו שׁמה קברו את יצחק ואת רבקה אשׁתו ושׁמה קברתי את לאה׃
Genesis 12:2
2 ואעשׂך לגוי גדול ואברכך ואגדלה שׁמך והיה ברכה׃
Genesis 16:14
14 על כן קרא לבאר באר לחי ראי הנה בין קדשׁ ובין ברד׃
Genesis 17:19
19 ויאמר אלהים אבל שׂרה אשׁתך ילדת לך בן וקראת את שׁמו יצחק והקמתי את בריתי אתו לברית עולם לזרעו אחריו׃
Genesis 22:17
17 כי ברך אברכך והרבה ארבה את זרעך ככוכבי השׁמים וכחול אשׁר על שׂפת הים וירשׁ זרעך את שׁער איביו׃
Genesis 24:62
62 ויצחק בא מבוא באר לחי ראי והוא יושׁב בארץ הנגב׃
Genesis 50:24
24 ויאמר יוסף אל אחיו אנכי מת ואלהים פקד יפקד אתכם והעלה אתכם מן הארץ הזאת אל הארץ אשׁר נשׁבע לאברהם ליצחק וליעקב׃
Genesis 16:10-15
10 ויאמר לה מלאך יהוה הרבה ארבה את זרעך ולא יספר מרב׃11 ויאמר לה מלאך יהוה הנך הרה וילדת בן וקראת שׁמו ישׁמעאל כי שׁמע יהוה אל עניך׃12 והוא יהיה פרא אדם ידו בכל ויד כל בו ועל פני כל אחיו ישׁכן׃13 ותקרא שׁם יהוה הדבר אליה אתה אל ראי כי אמרה הגם הלם ראיתי אחרי ראי׃14 על כן קרא לבאר באר לחי ראי הנה בין קדשׁ ובין ברד׃15 ותלד הגר לאברם בן ויקרא אברם שׁם בנו אשׁר ילדה הגר ישׁמעאל׃
Genesis 17:20
20 ולישׁמעאל שׁמעתיך הנה ברכתי אתו והפריתי אתו והרביתי אתו במאד מאד שׁנים עשׂר נשׂיאם יוליד ונתתיו לגוי גדול׃
Genesis 21:13
13 וגם את בן האמה לגוי אשׂימנו כי זרעך הוא׃
Psalms 83:6
6 (83:7) אהלי אדום וישׁמעאלים מואב והגרים׃
Genesis 36:3
3 ואת בשׂמת בת ישׁמעאל אחות נביות׃
1 Chronicles 1:29-31
Psalms 120:5
5 אויה לי כי גרתי משׁך שׁכנתי עם אהלי קדר׃
Song of Songs 1:5
5 שׁחורה אני ונאוה בנות ירושׁלם כאהלי קדר כיריעות שׁלמה׃
Isaiah 21:16-17
Isaiah 42:11
11 ישׂאו מדבר ועריו חצרים תשׁב קדר ירנו ישׁבי סלע מראשׁ הרים יצוחו׃
Isaiah 60:7
7 כל צאן קדר יקבצו לך אילי נביות ישׁרתונך יעלו על רצון מזבחי ובית תפארתי אפאר׃
Isaiah 21:11
11 משׂא דומה אלי קרא משׂעיר שׁמר מה מלילה שׁמר מה מליל׃
Isaiah 21:16
16 כי כה אמר אדני אלי בעוד שׁנה כשׁני שׂכיר וכלה כל כבוד קדר׃
1 Chronicles 5:19
19 ויעשׂו מלחמה עם ההגריאים ויטור ונפישׁ ונודב׃
Genesis 17:23
23 ויקח אברהם את ישׁמעאל בנו ואת כל ילידי ביתו ואת כל מקנת כספו כל זכר באנשׁי בית אברהם וימל את בשׂר ערלתם בעצם היום הזה כאשׁר דבר אתו אלהים׃
Genesis 25:7-8
Genesis 2:11
11 שׁם האחד פישׁון הוא הסבב את כל ארץ החוילה אשׁר שׁם הזהב׃
Genesis 10:7
7 ובני כושׁ סבא וחוילה וסבתה ורעמה וסבתכא ובני רעמה שׁבא ודדן׃
Genesis 10:29
29 ואת אופר ואת חוילה ואת יובב כל אלה בני יקטן׃
Genesis 13:10
10 וישׂא לוט את עיניו וירא את כל ככר הירדן כי כלה משׁקה לפני שׁחת יהוה את סדם ואת עמרה כגן יהוה כארץ מצרים באכה צער׃
Genesis 14:10
10 ועמק השׂדים בארת בארת חמר וינסו מלך סדם ועמרה ויפלו שׁמה והנשׁארים הרה נסו׃
Genesis 16:12
12 והוא יהיה פרא אדם ידו בכל ויד כל בו ועל פני כל אחיו ישׁכן׃
Genesis 20:1
1 ויסע משׁם אברהם ארצה הנגב וישׁב בין קדשׁ ובין שׁור ויגר בגרר׃
Genesis 21:21
21 וישׁב במדבר פארן ותקח לו אמו אשׁה מארץ מצרים׃
1 Samuel 15:7
7 ויך שׁאול את עמלק מחוילה בואך שׁור אשׁר על פני מצרים׃
2 Kings 23:29
29 בימיו עלה פרעה נכה מלך מצרים על מלך אשׁור על נהר פרת וילך המלך יאשׁיהו לקראתו וימיתהו במגדו כראתו אתו׃
Psalms 78:64
64 כהניו בחרב נפלו ואלמנתיו לא תבכינה׃
Isaiah 19:23-24
1 Chronicles 1:32
32 ובני קטורה פילגשׁ אברהם ילדה את זמרן ויקשׁן ומדן ומדין וישׁבק ושׁוח ובני יקשׁן שׁבא ודדן׃
Genesis 22:23
23 ובתואל ילד את רבקה שׁמנה אלה ילדה מלכה לנחור אחי אברהם׃
Genesis 24:29
29 ולרבקה אח ושׁמו לבן וירץ לבן אל האישׁ החוצה אל העין׃
Genesis 24:67
67 ויבאה יצחק האהלה שׂרה אמו ויקח את רבקה ותהי לו לאשׁה ויאהבה וינחם יצחק אחרי אמו׃
Genesis 28:5-6
Genesis 31:18
18 וינהג את כל מקנהו ואת כל רכשׁו אשׁר רכשׁ מקנה קנינו אשׁר רכשׁ בפדן ארם לבוא אל יצחק אביו ארצה כנען׃
Genesis 31:20
20 ויגנב יעקב את לב לבן הארמי על בלי הגיד לו כי ברח הוא׃
Genesis 31:24
24 ויבא אלהים אל לבן הארמי בחלם הלילה ויאמר לו השׁמר לך פן תדבר עם יעקב מטוב עד רע׃
Genesis 35:9
9 וירא אלהים אל יעקב עוד בבאו מפדן ארם ויברך אתו׃
Deuteronomy 26:5
5 וענית ואמרת לפני יהוה אלהיך ארמי אבד אבי וירד מצרימה ויגר שׁם במתי מעט ויהי שׁם לגוי גדול עצום ורב׃
Genesis 11:30
30 ותהי שׂרי עקרה אין לה ולד׃
Genesis 15:2-3
Genesis 16:2
2 ותאמר שׂרי אל אברם הנה נא עצרני יהוה מלדת בא נא אל שׁפחתי אולי אבנה ממנה וישׁמע אברם לקול שׂרי׃
Genesis 17:16-19
16 וברכתי אתה וגם נתתי ממנה לך בן וברכתיה והיתה לגוים מלכי עמים ממנה יהיו׃17 ויפל אברהם על פניו ויצחק ויאמר בלבו הלבן מאה שׁנה יולד ואם שׂרה הבת תשׁעים שׁנה תלד׃18 ויאמר אברהם אל האלהים לו ישׁמעאל יחיה לפניך׃19 ויאמר אלהים אבל שׂרה אשׁתך ילדת לך בן וקראת את שׁמו יצחק והקמתי את בריתי אתו לברית עולם לזרעו אחריו׃
1 Samuel 1:2
2 ולו שׁתי נשׁים שׁם אחת חנה ושׁם השׁנית פננה ויהי לפננה ילדים ולחנה אין ילדים׃
1 Samuel 1:11
11 ותדר נדר ותאמר יהוה צבאות אם ראה תראה בעני אמתך וזכרתני ולא תשׁכח את אמתך ונתתה לאמתך זרע אנשׁים ונתתיו ליהוה כל ימי חייו ומורה לא יעלה על ראשׁו׃
1 Samuel 1:27
27 אל הנער הזה התפללתי ויתן יהוה לי את שׁאלתי אשׁר שׁאלתי מעמו׃
1 Chronicles 5:20
20 ויעזרו עליהם וינתנו בידם ההגריאים וכל שׁעמהם כי לאלהים זעקו במלחמה ונעתור להם כי בטחו׃
2 Chronicles 33:13
13 ויתפלל אליו ויעתר לו וישׁמע תחנתו וישׁיבהו ירושׁלם למלכותו וידע מנשׁה כי יהוה הוא האלהים׃
Ezra 8:23
23 ונצומה ונבקשׁה מאלהינו על זאת ויעתר׃
Psalms 50:15
15 וקראני ביום צרה אחלצך ותכבדני׃
Psalms 65:2
2 (65:3) שׁמע תפלה עדיך כל בשׂר יבאו׃
Psalms 91:15
15 יקראני ואענהו עמו אנכי בצרה אחלצהו ואכבדהו׃
Psalms 127:3
3 הנה נחלת יהוה בנים שׂכר פרי הבטן׃
Psalms 145:19
19 רצון יראיו יעשׂה ואת שׁועתם ישׁמע ויושׁיעם׃
Proverbs 10:24
24 מגורת רשׁע היא תבואנו ותאות צדיקים יתן׃
Isaiah 45:11
11 כה אמר יהוה קדושׁ ישׂראל ויצרו האתיות שׁאלוני על בני ועל פעל ידי תצוני׃
Isaiah 58:9
9 אז תקרא ויהוה יענה תשׁוע ויאמר הנני אם תסיר מתוכך מוטה שׁלח אצבע ודבר און׃
Isaiah 65:24
24 והיה טרם יקראו ואני אענה עוד הם מדברים ואני אשׁמע׃
1 Samuel 9:9
9 לפנים בישׂראל כה אמר האישׁ בלכתו לדרושׁ אלהים לכו ונלכה עד הראה כי לנביא היום יקרא לפנים הראה׃
1 Samuel 10:22
22 וישׁאלו עוד ביהוה הבא עוד הלם אישׁ ויאמר יהוה הנה הוא נחבא אל הכלים׃
1 Samuel 22:15
15 היום החלתי לשׁאול לו באלהים חלילה לי אל ישׂם המלך בעבדו דבר בכל בית אבי כי לא ידע עבדך בכל זאת דבר קטן או גדול׃
1 Samuel 28:6
6 וישׁאל שׁאול ביהוה ולא ענהו יהוה גם בחלמות גם באורים גם בנביאם׃
1 Samuel 30:8
8 וישׁאל דוד ביהוה לאמר ארדף אחרי הגדוד הזה האשׂגנו ויאמר לו רדף כי השׂג תשׂיג והצל תציל׃
Ezekiel 20:31
31 ובשׂאת מתנתיכם בהעביר בניכם באשׁ אתם נטמאים לכל גלוליכם עד היום ואני אדרשׁ לכם בית ישׂראל חי אני נאם אדני יהוה אם אדרשׁ׃
Ezekiel 36:37
37 כה אמר אדני יהוה עוד זאת אדרשׁ לבית ישׂראל לעשׂות להם ארבה אתם כצאן אדם׃
Genesis 17:4
4 אני הנה בריתי אתך והיית לאב המון גוים׃
Genesis 17:16
16 וברכתי אתה וגם נתתי ממנה לך בן וברכתיה והיתה לגוים מלכי עמים ממנה יהיו׃
Genesis 24:60
60 ויברכו את רבקה ויאמרו לה אחתנו את היי לאלפי רבבה ויירשׁ זרעך את שׁער שׂנאיו׃
Genesis 25:27
27 ויגדלו הנערים ויהי עשׂו אישׁ ידע ציד אישׁ שׂדה ויעקב אישׁ תם ישׁב אהלים׃
Genesis 27:29
29 יעבדוך עמים וישׁתחו לך לאמים הוה גביר לאחיך וישׁתחוו לך בני אמך ארריך ארור ומברכיך ברוך׃
Genesis 27:40
40 ועל חרבך תחיה ואת אחיך תעבד והיה כאשׁר תריד ופרקת עלו מעל צוארך׃
Genesis 32:6
6 (32:7) וישׁבו המלאכים אל יעקב לאמר באנו אל אחיך אל עשׂו וגם הלך לקראתך וארבע מאות אישׁ עמו׃
Genesis 33:3
3 והוא עבר לפניהם וישׁתחו ארצה שׁבע פעמים עד גשׁתו עד אחיו׃
Genesis 36:31
31 ואלה המלכים אשׁר מלכו בארץ אדום לפני מלך מלך לבני ישׂראל׃
Numbers 20:14
14 וישׁלח משׁה מלאכים מקדשׁ אל מלך אדום כה אמר אחיך ישׂראל אתה ידעת את כל התלאה אשׁר מצאתנו׃
2 Samuel 8:14
14 וישׂם באדום נצבים בכל אדום שׂם נצבים ויהי כל אדום עבדים לדוד ויושׁע יהוה את דוד בכל אשׁר הלך׃
1 Kings 22:47
47 (22:48) ומלך אין באדום נצב מלך׃
1 Chronicles 18:13
13 וישׂם באדום נציבים ויהיו כל אדום עבדים לדויד ויושׁע יהוה את דויד בכל אשׁר הלך׃
2 Chronicles 25:11-12
Psalms 60:8-9
Psalms 83:5-15
5 (83:6) כי נועצו לב יחדו עליך ברית יכרתו׃6 (83:7) אהלי אדום וישׁמעאלים מואב והגרים׃7 (83:8) גבל ועמון ועמלק פלשׁת עם ישׁבי צור׃8 (83:9) גם אשׁור נלוה עמם היו זרוע לבני לוט סלה׃9 (83:10) עשׂה להם כמדין כסיסרא כיבין בנחל קישׁון׃10 (83:11) נשׁמדו בעין דאר היו דמן לאדמה׃11 (83:12) שׁיתמו נדיבמו כערב וכזאב וכזבח וכצלמנע כל נסיכמו׃12 (83:13) אשׁר אמרו נירשׁה לנו את נאות אלהים׃13 (83:14) אלהי שׁיתמו כגלגל כקשׁ לפני רוח׃14 (83:15) כאשׁ תבער יער וכלהבה תלהט הרים׃15 (83:16) כן תרדפם בסערך ובסופתך תבהלם׃
Isaiah 34:1-17
1 קרבו גוים לשׁמע ולאמים הקשׁיבו תשׁמע הארץ ומלאה תבל וכל צאצאיה׃2 כי קצף ליהוה על כל הגוים וחמה על כל צבאם החרימם נתנם לטבח׃3 וחלליהם ישׁלכו ופגריהם יעלה באשׁם ונמסו הרים מדמם׃4 ונמקו כל צבא השׁמים ונגלו כספר השׁמים וכל צבאם יבול כנבל עלה מגפן וכנבלת מתאנה׃5 כי רותה בשׁמים חרבי הנה על אדום תרד ועל עם חרמי למשׁפט׃6 חרב ליהוה מלאה דם הדשׁנה מחלב מדם כרים ועתודים מחלב כליות אילים כי זבח ליהוה בבצרה וטבח גדול בארץ אדום׃7 וירדו ראמים עמם ופרים עם אבירים ורותה ארצם מדם ועפרם מחלב ידשׁן׃8 כי יום נקם ליהוה שׁנת שׁלומים לריב ציון׃9 ונהפכו נחליה לזפת ועפרה לגפרית והיתה ארצה לזפת בערה׃10 לילה ויומם לא תכבה לעולם יעלה עשׁנה מדור לדור תחרב לנצח נצחים אין עבר׃11 וירשׁוה קאת וקפוד וינשׁוף וערב ישׁכנו בה ונטה עליה קו תהו ואבני בהו׃12 חריה ואין שׁם מלוכה יקראו וכל שׂריה יהיו אפס׃13 ועלתה ארמנתיה סירים קמושׂ וחוח במבצריה והיתה נוה תנים חציר לבנות יענה׃14 ופגשׁו ציים את איים ושׂעיר על רעהו יקרא אך שׁם הרגיעה לילית ומצאה לה מנוח׃15 שׁמה קננה קפוז ותמלט ובקעה ודגרה בצלה אך שׁם נקבצו דיות אשׁה רעותה׃16 דרשׁו מעל ספר יהוה וקראו אחת מהנה לא נעדרה אשׁה רעותה לא פקדו כי פי הוא צוה ורוחו הוא קבצן׃17 והוא הפיל להן גורל וידו חלקתה להם בקו עד עולם יירשׁוה לדור ודור ישׁכנו׃
Isaiah 63:1-6
1 מי זה בא מאדום חמוץ בגדים מבצרה זה הדור בלבושׁו צעה ברב כחו אני מדבר בצדקה רב להושׁיע׃2 מדוע אדם ללבושׁך ובגדיך כדרך בגת׃3 פורה דרכתי לבדי ומעמים אין אישׁ אתי ואדרכם באפי וארמסם בחמתי ויז נצחם על בגדי וכל מלבושׁי אגאלתי׃4 כי יום נקם בלבי ושׁנת גאולי באה׃5 ואביט ואין עזר ואשׁתומם ואין סומך ותושׁע לי זרעי וחמתי היא סמכתני׃6 ואבוס עמים באפי ואשׁכרם בחמתי ואוריד לארץ נצחם׃
Jeremiah 49:7-22
7 לאדום כה אמר יהוה צבאות האין עוד חכמה בתימן אבדה עצה מבנים נסרחה חכמתם׃8 נסו הפנו העמיקו לשׁבת ישׁבי דדן כי איד עשׂו הבאתי עליו עת פקדתיו׃9 אם בצרים באו לך לא ישׁארו עוללות אם גנבים בלילה השׁחיתו דים׃10 כי אני חשׂפתי את עשׂו גליתי את מסתריו ונחבה לא יוכל שׁדד זרעו ואחיו ושׁכניו ואיננו׃11 עזבה יתמיך אני אחיה ואלמנתיך עלי תבטחו׃12 כי כה אמר יהוה הנה אשׁר אין משׁפטם לשׁתות הכוס שׁתו ישׁתו ואתה הוא נקה תנקה לא תנקה כי שׁתה תשׁתה׃13 כי בי נשׁבעתי נאם יהוה כי לשׁמה לחרפה לחרב ולקללה תהיה בצרה וכל עריה תהיינה לחרבות עולם׃14 שׁמועה שׁמעתי מאת יהוה וציר בגוים שׁלוח התקבצו ובאו עליה וקומו למלחמה׃15 כי הנה קטן נתתיך בגוים בזוי באדם׃16 תפלצתך השׁיא אתך זדון לבך שׁכני בחגוי הסלע תפשׂי מרום גבעה כי תגביה כנשׁר קנך משׁם אורידך נאם יהוה׃17 והיתה אדום לשׁמה כל עבר עליה ישׁם וישׁרק על כל מכותה׃18 כמהפכת סדם ועמרה ושׁכניה אמר יהוה לא ישׁב שׁם אישׁ ולא יגור בה בן אדם׃19 הנה כאריה יעלה מגאון הירדן אל נוה איתן כי ארגיעה אריצנו מעליה ומי בחור אליה אפקד כי מי כמוני ומי יעידני ומי זה רעה אשׁר יעמד לפני׃20 לכן שׁמעו עצת יהוה אשׁר יעץ אל אדום ומחשׁבותיו אשׁר חשׁב אל ישׁבי תימן אם לא יסחבום צעירי הצאן אם לא ישׁים עליהם נוהם׃21 מקול נפלם רעשׁה הארץ צעקה בים סוף נשׁמע קולה׃22 הנה כנשׁר יעלה וידאה ויפרשׂ כנפיו על בצרה והיה לב גבורי אדום ביום ההוא כלב אשׁה מצרה׃
Ezekiel 25:12-14
Ezekiel 35:1-15
1 ויהי דבר יהוה אלי לאמר׃2 בן אדם שׂים פניך על הר שׂעיר והנבא עליו׃3 ואמרת לו כה אמר אדני יהוה הנני אליך הר שׂעיר ונטיתי ידי עליך ונתתיך שׁממה ומשׁמה׃4 עריך חרבה אשׂים ואתה שׁממה תהיה וידעת כי אני יהוה׃5 יען היות לך איבת עולם ותגר את בני ישׂראל על ידי חרב בעת אידם בעת עון קץ׃6 לכן חי אני נאם אדני יהוה כי לדם אעשׂך ודם ירדפך אם לא דם שׂנאת ודם ירדפך׃7 ונתתי את הר שׂעיר לשׁממה ושׁממה והכרתי ממנו עבר ושׁב׃8 ומלאתי את הריו חלליו גבעותיך וגאותיך וכל אפיקיך חללי חרב יפלו׃9 שׁממות עולם אתנך ועריך לא תישׁבנה וידעתם כי אני יהוה׃10 יען אמרך את שׁני הגוים ואת שׁתי הארצות לי תהיינה וירשׁנוה ויהוה שׁם היה׃11 לכן חי אני נאם אדני יהוה ועשׂיתי כאפך וכקנאתך אשׁר עשׂיתה משׂנאתיך בם ונודעתי בם כאשׁר אשׁפטך׃12 וידעת כי אני יהוה שׁמעתי את כל נאצותיך אשׁר אמרת על הרי ישׂראל לאמר שׁממה לנו נתנו לאכלה׃13 ותגדילו עלי בפיכם והעתרתם עלי דבריכם אני שׁמעתי׃14 כה אמר אדני יהוה כשׂמח כל הארץ שׁממה אעשׂה׃15 כשׂמחתך לנחלת בית ישׂראל על אשׁר שׁממה כן אעשׂה לך שׁממה תהיה הר שׂעיר וכל אדום כלה וידעו כי אני יהוה׃
Amos 1:11-12
Obadiah 1:1-16
1 חזון עבדיה כה אמר אדני יהוה לאדום שׁמועה שׁמענו מאת יהוה וציר בגוים שׁלח קומו ונקומה עליה למלחמה׃2 הנה קטן נתתיך בגוים בזוי אתה מאד׃3 זדון לבך השׁיאך שׁכני בחגוי סלע מרום שׁבתו אמר בלבו מי יורדני ארץ׃4 אם תגביה כנשׁר ואם בין כוכבים שׂים קנך משׁם אורידך נאם יהוה׃5 אם גנבים באו לך אם שׁודדי לילה איך נדמיתה הלוא יגנבו דים אם בצרים באו לך הלוא ישׁאירו עללות׃6 איך נחפשׂו עשׂו נבעו מצפניו׃7 עד הגבול שׁלחוך כל אנשׁי בריתך השׁיאוך יכלו לך אנשׁי שׁלמך לחמך ישׂימו מזור תחתיך אין תבונה׃8 הלוא ביום ההוא נאם יהוה והאבדתי חכמים מאדום ותבונה מהר עשׂו׃9 וחתו גבוריך תימן למען יכרת אישׁ מהר עשׂו מקטל׃10 מחמס אחיך יעקב תכסך בושׁה ונכרת לעולם׃11 ביום עמדך מנגד ביום שׁבות זרים חילו ונכרים באו שׁערו ועל ירושׁלם ידו גורל גם אתה כאחד מהם׃12 ואל תרא ביום אחיך ביום נכרו ואל תשׂמח לבני יהודה ביום אבדם ואל תגדל פיך ביום צרה׃13 אל תבוא בשׁער עמי ביום אידם אל תרא גם אתה ברעתו ביום אידו ואל תשׁלחנה בחילו ביום אידו׃14 ואל תעמד על הפרק להכרית את פליטיו ואל תסגר שׂרידיו ביום צרה׃15 כי קרוב יום יהוה על כל הגוים כאשׁר עשׂית יעשׂה לך גמלך ישׁוב בראשׁך׃16 כי כאשׁר שׁתיתם על הר קדשׁי ישׁתו כל הגוים תמיד ושׁתו ולעו והיו כלוא היו׃
Malachi 1:2-5
2 אהבתי אתכם אמר יהוה ואמרתם במה אהבתנו הלוא אח עשׂו ליעקב נאם יהוה ואהב את יעקב׃3 ואת עשׂו שׂנאתי ואשׂים את הריו שׁממה ואת נחלתו לתנות מדבר׃4 כי תאמר אדום רשׁשׁנו ונשׁוב ונבנה חרבות כה אמר יהוה צבאות המה יבנו ואני אהרוס וקראו להם גבול רשׁעה והעם אשׁר זעם יהוה עד עולם׃5 ועיניכם תראינה ואתם תאמרו יגדל יהוה מעל לגבול ישׂראל׃
Genesis 27:11
11 ויאמר יעקב אל רבקה אמו הן עשׂו אחי אישׁ שׂער ואנכי אישׁ חלק׃
Genesis 27:16
16 ואת ערת גדיי העזים הלבישׁה על ידיו ועל חלקת צואריו׃
Genesis 27:23
23 ולא הכירו כי היו ידיו כידי עשׂו אחיו שׂערת ויברכהו׃
Genesis 27:36
36 ויאמר הכי קרא שׁמו יעקב ויעקבני זה פעמים את בכרתי לקח והנה עתה לקח ברכתי ויאמר הלא אצלת לי ברכה׃
Genesis 38:28-30
Hosea 12:3
3 (12:4) בבטן עקב את אחיו ובאונו שׂרה את אלהים׃
Genesis 6:9
9 אלה תולדת נח נח אישׁ צדיק תמים היה בדרתיו את האלהים התהלך נח׃
Genesis 10:9
9 הוא היה גבר ציד לפני יהוה על כן יאמר כנמרד גבור ציד לפני יהוה׃
Genesis 21:20
20 ויהי אלהים את הנער ויגדל וישׁב במדבר ויהי רבה קשׁת׃
Genesis 27:3-5
Genesis 28:10-11
Genesis 31:39-41
Genesis 46:34
34 ואמרתם אנשׁי מקנה היו עבדיך מנעורינו ועד עתה גם אנחנו גם אבתינו בעבור תשׁבו בארץ גשׁן כי תועבת מצרים כל רעה צאן׃
Job 1:8
8 ויאמר יהוה אל השׂטן השׂמת לבך על עבדי איוב כי אין כמהו בארץ אישׁ תם וישׁר ירא אלהים וסר מרע׃
Job 2:3
3 ויאמר יהוה אל השׂטן השׂמת לבך אל עבדי איוב כי אין כמהו בארץ אישׁ תם וישׁר ירא אלהים וסר מרע ועדנו מחזיק בתמתו ותסיתני בו לבלעו חנם׃
Psalms 37:37
37 שׁמר תם וראה ישׁר כי אחרית לאישׁ שׁלום׃
Genesis 27:4
4 ועשׂה לי מטעמים כאשׁר אהבתי והביאה לי ואכלה בעבור תברכך נפשׁי בטרם אמות׃
Genesis 27:6-7
Genesis 27:9
9 לך נא אל הצאן וקח לי משׁם שׁני גדיי עזים טבים ואעשׂה אתם מטעמים לאביך כאשׁר אהב׃
Genesis 27:19
19 ויאמר יעקב אל אביו אנכי עשׂו בכרך עשׂיתי כאשׁר דברת אלי קום נא שׁבה ואכלה מצידי בעבור תברכני נפשׁך׃
Genesis 27:25
25 ויאמר הגשׁה לי ואכלה מציד בני למען תברכך נפשׁי ויגשׁ לו ויאכל ויבא לו יין וישׁת׃
Genesis 27:31
31 ויעשׂ גם הוא מטעמים ויבא לאביו ויאמר לאביו יקם אבי ויאכל מציד בנו בעבר תברכני נפשׁך׃
Judges 8:4-5
1 Samuel 14:28
28 ויען אישׁ מהעם ויאמר השׁבע השׁביע אביך את העם לאמר ארור האישׁ אשׁר יאכל לחם היום ויעף העם׃
1 Samuel 14:31
31 ויכו ביום ההוא בפלשׁתים ממכמשׂ אילנה ויעף העם מאד׃
Proverbs 13:25
25 צדיק אכל לשׂבע נפשׁו ובטן רשׁעים תחסר׃
Isaiah 40:30-31
Genesis 36:1
1 ואלה תלדות עשׂו הוא אדום׃
Genesis 36:9
9 ואלה תלדות עשׂו אבי אדום בהר שׂעיר׃
Genesis 36:43
43 אלוף מגדיאל אלוף עירם אלה אלופי אדום למשׁבתם בארץ אחזתם הוא עשׂו אבי אדום׃
Exodus 15:15
15 אז נבהלו אלופי אדום אילי מואב יאחזמו רעד נמגו כל ישׁבי כנען׃
Numbers 20:14-21
14 וישׁלח משׁה מלאכים מקדשׁ אל מלך אדום כה אמר אחיך ישׂראל אתה ידעת את כל התלאה אשׁר מצאתנו׃15 וירדו אבתינו מצרימה ונשׁב במצרים ימים רבים וירעו לנו מצרים ולאבתינו׃16 ונצעק אל יהוה וישׁמע קלנו וישׁלח מלאך ויצאנו ממצרים והנה אנחנו בקדשׁ עיר קצה גבולך׃17 נעברה נא בארצך לא נעבר בשׂדה ובכרם ולא נשׁתה מי באר דרך המלך נלך לא נטה ימין ושׂמאול עד אשׁר נעבר גבלך׃18 ויאמר אליו אדום לא תעבר בי פן בחרב אצא לקראתך׃19 ויאמרו אליו בני ישׂראל במסלה נעלה ואם מימיך נשׁתה אני ומקני ונתתי מכרם רק אין דבר ברגלי אעברה׃20 ויאמר לא תעבר ויצא אדום לקראתו בעם כבד וביד חזקה׃21 וימאן אדום נתן את ישׂראל עבר בגבלו ויט ישׂראל מעליו׃
Deuteronomy 23:7
7 (23:8) לא תתעב אדמי כי אחיך הוא לא תתעב מצרי כי גר היית בארצו׃
2 Kings 8:20
20 בימיו פשׁע אדום מתחת יד יהודה וימלכו עליהם מלך׃
Exodus 22:9
9 (22:8) על כל דבר פשׁע על שׁור על חמור על שׂה על שׂלמה על כל אבדה אשׁר יאמר כי הוא זה עד האלהים יבא דבר שׁניהם אשׁר ירשׁיען אלהים ישׁלם שׁנים לרעהו׃
Job 21:15
15 מה שׁדי כי נעבדנו ומה נועיל כי נפגע׃
Job 22:17
17 האמרים לאל סור ממנו ומה יפעל שׁדי׃
Job 34:9
9 כי אמר לא יסכן גבר ברצתו עם אלהים׃
Malachi 3:14
14 אמרתם שׁוא עבד אלהים ומה בצע כי שׁמרנו משׁמרתו וכי הלכנו קדרנית מפני יהוה צבאות׃
Genesis 14:22
22 ויאמר אברם אל מלך סדם הרמתי ידי אל יהוה אל עליון קנה שׁמים וארץ׃
Genesis 24:3
3 ואשׁביעך ביהוה אלהי השׁמים ואלהי הארץ אשׁר לא תקח אשׁה לבני מבנות הכנעני אשׁר אנכי יושׁב בקרבו׃
Genesis 36:6-7
Psalms 106:24
24 וימאסו בארץ חמדה לא האמינו לדברו׃
Ecclesiastes 8:15
15 ושׁבחתי אני את השׂמחה אשׁר אין טוב לאדם תחת השׁמשׁ כי אם לאכול ולשׁתות ולשׂמוח והוא ילונו בעמלו ימי חייו אשׁר נתן לו האלהים תחת השׁמשׁ׃
Isaiah 22:13
13 והנה שׂשׂון ושׂמחה הרג בקר ושׁחט צאן אכל בשׂר ושׁתות יין אכול ושׁתו כי מחר נמות׃
Zechariah 11:13
13 ויאמר יהוה אלי השׁליכהו אל היוצר אדר היקר אשׁר יקרתי מעליהם ואקחה שׁלשׁים הכסף ואשׁליך אתו בית יהוה אל היוצר׃