Genesis 35 Cross References - HOT

¹ ויאמר אלהים אל יעקב קום עלה בית אל ושׁב שׁם ועשׂה שׁם מזבח לאל הנראה אליך בברחך מפני עשׂו אחיך׃² ויאמר יעקב אל ביתו ואל כל אשׁר עמו הסרו את אלהי הנכר אשׁר בתככם והטהרו והחליפו שׂמלתיכם׃³ ונקומה ונעלה בית אל ואעשׂה שׁם מזבח לאל הענה אתי ביום צרתי ויהי עמדי בדרך אשׁר הלכתי׃⁴ ויתנו אל יעקב את כל אלהי הנכר אשׁר בידם ואת הנזמים אשׁר באזניהם ויטמן אתם יעקב תחת האלה אשׁר עם שׁכם׃⁵ ויסעו ויהי חתת אלהים על הערים אשׁר סביבותיהם ולא רדפו אחרי בני יעקב׃⁶ ויבא יעקב לוזה אשׁר בארץ כנען הוא בית אל הוא וכל העם אשׁר עמו׃⁷ ויבן שׁם מזבח ויקרא למקום אל בית אל כי שׁם נגלו אליו האלהים בברחו מפני אחיו׃⁸ ותמת דברה מינקת רבקה ותקבר מתחת לבית אל תחת האלון ויקרא שׁמו אלון בכות׃⁹ וירא אלהים אל יעקב עוד בבאו מפדן ארם ויברך אתו׃¹⁰ ויאמר לו אלהים שׁמך יעקב לא יקרא שׁמך עוד יעקב כי אם ישׂראל יהיה שׁמך ויקרא את שׁמו ישׂראל׃¹¹ ויאמר לו אלהים אני אל שׁדי פרה ורבה גוי וקהל גוים יהיה ממך ומלכים מחלציך יצאו׃¹² ואת הארץ אשׁר נתתי לאברהם וליצחק לך אתננה ולזרעך אחריך אתן את הארץ׃¹³ ויעל מעליו אלהים במקום אשׁר דבר אתו׃¹⁴ ויצב יעקב מצבה במקום אשׁר דבר אתו מצבת אבן ויסך עליה נסך ויצק עליה שׁמן׃¹⁵ ויקרא יעקב את שׁם המקום אשׁר דבר אתו שׁם אלהים בית אל׃¹⁶ ויסעו מבית אל ויהי עוד כברת הארץ לבוא אפרתה ותלד רחל ותקשׁ בלדתה׃¹⁷ ויהי בהקשׁתה בלדתה ותאמר לה המילדת אל תיראי כי גם זה לך בן׃¹⁸ ויהי בצאת נפשׁה כי מתה ותקרא שׁמו בן אוני ואביו קרא לו בנימין׃¹⁹ ותמת רחל ותקבר בדרך אפרתה הוא בית לחם׃²⁰ ויצב יעקב מצבה על קברתה הוא מצבת קברת רחל עד היום׃²¹ ויסע ישׂראל ויט אהלה מהלאה למגדל עדר׃²² ויהי בשׁכן ישׂראל בארץ ההוא וילך ראובן וישׁכב את בלהה פילגשׁ אביו וישׁמע ישׂראל ויהיו בני יעקב שׁנים עשׂר׃²³ בני לאה בכור יעקב ראובן ושׁמעון ולוי ויהודה וישׂשכר וזבלון׃²⁴ בני רחל יוסף ובנימן׃²⁵ ובני בלהה שׁפחת רחל דן ונפתלי׃²⁶ ובני זלפה שׁפחת לאה גד ואשׁר אלה בני יעקב אשׁר ילד לו בפדן ארם׃²⁷ ויבא יעקב אל יצחק אביו ממרא קרית הארבע הוא חברון אשׁר גר שׁם אברהם ויצחק׃²⁸ ויהיו ימי יצחק מאת שׁנה ושׁמנים שׁנה׃²⁹ ויגוע יצחק וימת ויאסף אל עמיו זקן ושׂבע ימים ויקברו אתו עשׂו ויעקב בניו׃

⁸ ויעתק משׁם ההרה מקדם לבית אל ויט אהלה בית אל מים והעי מקדם ויבן שׁם מזבח ליהוה ויקרא בשׁם יהוה׃

³ וילך למסעיו מנגב ועד בית אל עד המקום אשׁר היה שׁם אהלה בתחלה בין בית אל ובין העי׃⁴ אל מקום המזבח אשׁר עשׂה שׁם בראשׁנה ויקרא שׁם אברם בשׁם יהוה׃

⁸ ויאמר הגר שׁפחת שׂרי אי מזה באת ואנה תלכי ותאמר מפני שׂרי גברתי אנכי ברחת׃

¹⁴ ויקרא אברהם שׁם המקום ההוא יהוה יראה אשׁר יאמר היום בהר יהוה יראה׃

⁴¹ וישׂטם עשׂו את יעקב על הברכה אשׁר ברכו אביו ויאמר עשׂו בלבו יקרבו ימי אבל אבי ואהרגה את יעקב אחי׃⁴² ויגד לרבקה את דברי עשׂו בנה הגדל ותשׁלח ותקרא ליעקב בנה הקטן ותאמר אליו הנה עשׂו אחיך מתנחם לך להרגך׃⁴³ ועתה בני שׁמע בקלי וקום ברח לך אל לבן אחי חרנה׃⁴⁴ וישׁבת עמו ימים אחדים עד אשׁר תשׁוב חמת אחיך׃⁴⁵ עד שׁוב אף אחיך ממך ושׁכח את אשׁר עשׂית לו ושׁלחתי ולקחתיך משׁם למה אשׁכל גם שׁניכם יום אחד׃

¹⁰ ויצא יעקב מבאר שׁבע וילך חרנה׃¹¹ ויפגע במקום וילן שׁם כי בא השׁמשׁ ויקח מאבני המקום וישׂם מראשׁתיו וישׁכב במקום ההוא׃¹² ויחלם והנה סלם מצב ארצה וראשׁו מגיע השׁמימה והנה מלאכי אלהים עלים וירדים׃¹³ והנה יהוה נצב עליו ויאמר אני יהוה אלהי אברהם אביך ואלהי יצחק הארץ אשׁר אתה שׁכב עליה לך אתננה ולזרעך׃¹⁴ והיה זרעך כעפר הארץ ופרצת ימה וקדמה וצפנה ונגבה ונברכו בך כל משׁפחת האדמה ובזרעך׃¹⁵ והנה אנכי עמך ושׁמרתיך בכל אשׁר תלך והשׁבתיך אל האדמה הזאת כי לא אעזבך עד אשׁר אם עשׂיתי את אשׁר דברתי׃¹⁶ וייקץ יעקב משׁנתו ויאמר אכן ישׁ יהוה במקום הזה ואנכי לא ידעתי׃¹⁷ ויירא ויאמר מה נורא המקום הזה אין זה כי אם בית אלהים וזה שׁער השׁמים׃¹⁸ וישׁכם יעקב בבקר ויקח את האבן אשׁר שׂם מראשׁתיו וישׂם אתה מצבה ויצק שׁמן על ראשׁה׃¹⁹ ויקרא את שׁם המקום ההוא בית אל ואולם לוז שׁם העיר לראשׁנה׃²⁰ וידר יעקב נדר לאמר אם יהיה אלהים עמדי ושׁמרני בדרך הזה אשׁר אנכי הולך ונתן לי לחם לאכל ובגד ללבשׁ׃²¹ ושׁבתי בשׁלום אל בית אבי והיה יהוה לי לאלהים׃²² והאבן הזאת אשׁר שׂמתי מצבה יהיה בית אלהים וכל אשׁר תתן לי עשׂר אעשׂרנו׃

³ ויאמר יהוה אל יעקב שׁוב אל ארץ אבותיך ולמולדתך ואהיה עמך׃

¹³ אנכי האל בית אל אשׁר משׁחת שׁם מצבה אשׁר נדרת לי שׁם נדר עתה קום צא מן הארץ הזאת ושׁוב אל ארץ מולדתך׃

⁷ ויבן שׁם מזבח ויקרא למקום אל בית אל כי שׁם נגלו אליו האלהים בברחו מפני אחיו׃

¹⁵ וישׁמע פרעה את הדבר הזה ויבקשׁ להרג את משׁה ויברח משׁה מפני פרעה וישׁב בארץ מדין וישׁב על הבאר׃

³⁶ כי ידין יהוה עמו ועל עבדיו יתנחם כי יראה כי אזלת יד ואפס עצור ועזוב׃

¹ למנצח לבני קרח על עלמות שׁיר׃ (46:2) אלהים לנו מחסה ועז עזרה בצרות נמצא מאד׃

⁴ (47:5) יבחר לנו את נחלתנו את גאון יעקב אשׁר אהב סלה׃

¹⁵ יקראני ואענהו עמו אנכי בצרה אחלצהו ואכבדהו׃

⁴ (5:3) כאשׁר תדר נדר לאלהים אל תאחר לשׁלמו כי אין חפץ בכסילים את אשׁר תדר שׁלם׃⁵ (5:4) טוב אשׁר לא תדר משׁתדור ולא תשׁלם׃⁶ (5:5) אל תתן את פיך לחטיא את בשׂרך ואל תאמר לפני המלאך כי שׁגגה היא למה יקצף האלהים על קולך וחבל את מעשׂה ידיך׃

⁴ (12:5) וישׂר אל מלאך ויכל בכה ויתחנן לו בית אל ימצאנו ושׁם ידבר עמנו׃

¹⁵ (2:1) הנה על ההרים רגלי מבשׂר משׁמיע שׁלום חגי יהודה חגיך שׁלמי נדריך כי לא יוסיף עוד לעבור בך בליעל כלה נכרת׃

¹⁹ כי ידעתיו למען אשׁר יצוה את בניו ואת ביתו אחריו ושׁמרו דרך יהוה לעשׂות צדקה ומשׁפט למען הביא יהוה על אברהם את אשׁר דבר עליו׃

¹⁹ ולבן הלך לגזז את צאנו ותגנב רחל את התרפים אשׁר לאביה׃

³⁴ ורחל לקחה את התרפים ותשׂמם בכר הגמל ותשׁב עליהם וימשׁשׁ לבן את כל האהל ולא מצא׃

² וירא אתה שׁכם בן חמור החוי נשׂיא הארץ ויקח אתה וישׁכב אתה ויענה׃

²⁴ וישׁמעו אל חמור ואל שׁכם בנו כל יצאי שׁער עירו וימלו כל זכר כל יצאי שׁער עירו׃²⁵ ויהי ביום השׁלישׁי בהיותם כאבים ויקחו שׁני בני יעקב שׁמעון ולוי אחי דינה אישׁ חרבו ויבאו על העיר בטח ויהרגו כל זכר׃

²² ויהי בשׁכן ישׂראל בארץ ההוא וילך ראובן וישׁכב את בלהה פילגשׁ אביו וישׁמע ישׂראל ויהיו בני יעקב שׁנים עשׂר׃

¹⁰ ויאמר יהוה אל משׁה לך אל העם וקדשׁתם היום ומחר וכבסו שׂמלתם׃

¹⁴ וירד משׁה מן ההר אל העם ויקדשׁ את העם ויכבסו שׂמלתם׃

³ לא יהיה לך אלהים אחרים על פני׃⁴ לא תעשׂה לך פסל וכל תמונה אשׁר בשׁמים ממעל ואשׁר בארץ מתחת ואשׁר במים מתחת לארץ׃

¹³ ובכל אשׁר אמרתי אליכם תשׁמרו ושׁם אלהים אחרים לא תזכירו לא ישׁמע על פיך׃

⁵ ואישׁ אשׁר יגע במשׁכבו יכבס בגדיו ורחץ במים וטמא עד הערב׃

¹⁶ ואם לא יכבס ובשׂרו לא ירחץ ונשׂא עונו׃

²⁴ וכבסתם בגדיכם ביום השׁביעי וטהרתם ואחר תבאו אל המחנה׃

⁷ לא יהיה לך אלהים אחרים על פני׃

¹⁴ לא תלכון אחרי אלהים אחרים מאלהי העמים אשׁר סביבותיכם׃

²⁵ פסילי אלהיהם תשׂרפון באשׁ לא תחמד כסף וזהב עליהם ולקחת לך פן תוקשׁ בו כי תועבת יהוה אלהיך הוא׃

²⁸ והקללה אם לא תשׁמעו אל מצות יהוה אלהיכם וסרתם מן הדרך אשׁר אנכי מצוה אתכם היום ללכת אחרי אלהים אחרים אשׁר לא ידעתם׃

¹⁶ יקנאהו בזרים בתועבת יכעיסהו׃

⁷ לבלתי בוא בגוים האלה הנשׁארים האלה אתכם ובשׁם אלהיהם לא תזכירו ולא תשׁביעו ולא תעבדום ולא תשׁתחוו׃

² ויאמר יהושׁע אל כל העם כה אמר יהוה אלהי ישׂראל בעבר הנהר ישׁבו אבותיכם מעולם תרח אבי אברהם ואבי נחור ויעבדו אלהים אחרים׃

¹⁵ ואם רע בעיניכם לעבד את יהוה בחרו לכם היום את מי תעבדון אם את אלהים אשׁר עבדו אבותיכם אשׁר בעבר הנהר ואם את אלהי האמרי אשׁר אתם ישׁבים בארצם ואנכי וביתי נעבד את יהוה׃

²⁰ כי תעזבו את יהוה ועבדתם אלהי נכר ושׁב והרע לכם וכלה אתכם אחרי אשׁר היטיב׃

²³ ועתה הסירו את אלהי הנכר אשׁר בקרבכם והטו את לבבכם אל יהוה אלהי ישׂראל׃

¹⁶ ויסירו את אלהי הנכר מקרבם ויעבדו את יהוה ותקצר נפשׁו בעמל ישׂראל׃

¹⁵ ותאמר הנה שׁבה יבמתך אל עמה ואל אלהיה שׁובי אחרי יבמתך׃

³ ויאמר שׁמואל אל כל בית ישׂראל לאמר אם בכל לבבכם אתם שׁבים אל יהוה הסירו את אלהי הנכר מתוככם והעשׁתרות והכינו לבבכם אל יהוה ועבדהו לבדו ויצל אתכם מיד פלשׁתים׃

²³ ומי כעמך כישׂראל גוי אחד בארץ אשׁר הלכו אלהים לפדות לו לעם ולשׂום לו שׁם ולעשׂות לכם הגדולה ונראות לארצך מפני עמך אשׁר פדית לך ממצרים גוים ואלהיו׃

¹⁰ וישׁלח אליו אלישׁע מלאך לאמר הלוך ורחצת שׁבע פעמים בירדן וישׁב בשׂרך לך וטהר׃

¹² הלא טוב אבנה ופרפר נהרות דמשׂק מכל מימי ישׂראל הלא ארחץ בהם וטהרתי ויפן וילך בחמה׃¹³ ויגשׁו עבדיו וידברו אליו ויאמרו אבי דבר גדול הנביא דבר אליך הלוא תעשׂה ואף כי אמר אליך רחץ וטהר׃

²⁹ ויהיו עשׂים גוי גוי אלהיו ויניחו בבית הבמות אשׁר עשׂו השׁמרנים גוי גוי בעריהם אשׁר הם ישׁבים שׁם׃

²⁶ כי כל אלהי העמים אלילים ויהוה שׁמים עשׂה׃

⁵ ויהי כי הקיפו ימי המשׁתה וישׁלח איוב ויקדשׁם והשׁכים בבקר והעלה עלות מספר כלם כי אמר איוב אולי חטאו בני וברכו אלהים בלבבם ככה יעשׂה איוב כל הימים׃

² (51:4) הרבה כבסני מעוני ומחטאתי טהרני׃

⁷ (51:9) תחטאני באזוב ואטהר תכבסני ומשׁלג אלבין׃

² אשׂכילה בדרך תמים מתי תבוא אלי אתהלך בתם לבבי בקרב ביתי׃³ לא אשׁית לנגד עיני דבר בליעל עשׂה סטים שׂנאתי לא ידבק׃⁴ לבב עקשׁ יסור ממני רע לא אדע׃⁵ מלושׁני בסתר רעהו אותו אצמית גבה עינים ורחב לבב אתו לא אוכל׃⁶ עיני בנאמני ארץ לשׁבת עמדי הלך בדרך תמים הוא ישׁרתני׃⁷ לא ישׁב בקרב ביתי עשׂה רמיה דבר שׁקרים לא יכון לנגד עיני׃

¹ (4:17) שׁמר רגליך כאשׁר תלך אל בית האלהים וקרוב לשׁמע מתת הכסילים זבח כי אינם יודעים לעשׂות רע׃

¹⁶ רחצו הזכו הסירו רע מעלליכם מנגד עיני חדלו הרע׃

¹¹ סורו סורו צאו משׁם טמא אל תגעו צאו מתוכה הברו נשׂאי כלי יהוה׃

⁷ אי לזאת אסלוח לך בניך עזבוני וישׁבעו בלא אלהים ואשׂבע אותם וינאפו ובית זונה יתגדדו׃

²⁷ נאפיך ומצהלותיך זמת זנותך על גבעות בשׂדה ראיתי שׁקוציך אוי לך ירושׁלם לא תטהרי אחרי מתי עד׃

²⁰ היעשׂה לו אדם אלהים והמה לא אלהים׃

³¹ השׁליכו מעליכם את כל פשׁעיכם אשׁר פשׁעתם בם ועשׂו לכם לב חדשׁ ורוח חדשׁה ולמה תמתו בית ישׂראל׃

⁷ ואמר אלהם אישׁ שׁקוצי עיניו השׁליכו ובגלולי מצרים אל תטמאו אני יהוה אלהיכם׃

²⁵ וזרקתי עליכם מים טהורים וטהרתם מכל טמאותיכם ומכל גלוליכם אטהר אתכם׃

⁴ אשׁתיו חמרא ושׁבחו לאלהי דהבא וכספא נחשׁא פרזלא אעא ואבנא׃

¹² ויחלם והנה סלם מצב ארצה וראשׁו מגיע השׁמימה והנה מלאכי אלהים עלים וירדים׃¹³ והנה יהוה נצב עליו ויאמר אני יהוה אלהי אברהם אביך ואלהי יצחק הארץ אשׁר אתה שׁכב עליה לך אתננה ולזרעך׃

¹⁵ והנה אנכי עמך ושׁמרתיך בכל אשׁר תלך והשׁבתיך אל האדמה הזאת כי לא אעזבך עד אשׁר אם עשׂיתי את אשׁר דברתי׃

⁴² לולי אלהי אבי אלהי אברהם ופחד יצחק היה לי כי עתה ריקם שׁלחתני את עניי ואת יגיע כפי ראה אלהים ויוכח אמשׁ׃

⁷ (32:8) ויירא יעקב מאד ויצר לו ויחץ את העם אשׁר אתו ואת הצאן ואת הבקר והגמלים לשׁני מחנות׃

²⁴ (32:25) ויותר יעקב לבדו ויאבק אישׁ עמו עד עלות השׁחר׃

¹⁵ וקראני ביום צרה אחלצך ותכבדני׃

¹³ אבוא ביתך בעולות אשׁלם לך נדרי׃¹⁴ אשׁר פצו שׂפתי ודבר פי בצר׃

¹ לדוד ברכי נפשׁי את יהוה וכל קרבי את שׁם קדשׁו׃² ברכי נפשׁי את יהוה ואל תשׁכחי כל גמוליו׃³ הסלח לכל עונכי הרפא לכל תחלאיכי׃⁴ הגואל משׁחת חייכי המעטרכי חסד ורחמים׃⁵ המשׂביע בטוב עדיך תתחדשׁ כנשׁר נעוריכי׃

⁶ ויצעקו אל יהוה בצר להם ממצוקותיהם יצילם׃

⁸ יודו ליהוה חסדו ונפלאותיו לבני אדם׃

¹ אהבתי כי ישׁמע יהוה את קולי תחנוני׃² כי הטה אזנו לי ובימי אקרא׃

¹⁶ אנה יהוה כי אני עבדך אני עבדך בן אמתך פתחת למוסרי׃¹⁷ לך אזבח זבח תודה ובשׁם יהוה אקרא׃¹⁸ נדרי ליהוה אשׁלם נגדה נא לכל עמו׃

¹⁹ פתחו לי שׁערי צדק אבא בם אודה יה׃²⁰ זה השׁער ליהוה צדיקים יבאו׃²¹ אודך כי עניתני ותהי לי לישׁועה׃²² אבן מאסו הבונים היתה לראשׁ פנה׃

⁶ בכל דרכיך דעהו והוא יישׁר ארחתיך׃

¹⁹ כי עם בציון ישׁב בירושׁלם בכו לא תבכה חנון יחנך לקול זעקך כשׁמעתו ענך׃

² כי תעבר במים אתך אני ובנהרות לא ישׁטפוך כי תלך במו אשׁ לא תכוה ולהבה לא תבער׃

² ויאמר אלהם אהרן פרקו נזמי הזהב אשׁר באזני נשׁיכם בניכם ובנתיכם והביאו אלי׃³ ויתפרקו כל העם את נזמי הזהב אשׁר באזניהם ויביאו אל אהרן׃⁴ ויקח מידם ויצר אתו בחרט ויעשׂהו עגל מסכה ויאמרו אלה אלהיך ישׂראל אשׁר העלוך מארץ מצרים׃

²⁰ ויקח את העגל אשׁר עשׂו וישׂרף באשׁ ויטחן עד אשׁר דק ויזר על פני המים וישׁק את בני ישׂראל׃

⁵ כי אם כה תעשׂו להם מזבחתיהם תתצו ומצבתם תשׁברו ואשׁירהם תגדעון ופסיליהם תשׂרפון באשׁ׃

²⁵ ויכרת יהושׁע ברית לעם ביום ההוא וישׂם לו חק ומשׁפט בשׁכם׃²⁶ ויכתב יהושׁע את הדברים האלה בספר תורת אלהים ויקח אבן גדולה ויקימה שׁם תחת האלה אשׁר במקדשׁ יהוה׃

²⁴ ויאמר אלהם גדעון אשׁאלה מכם שׁאלה ותנו לי אישׁ נזם שׁללו כי נזמי זהב להם כי ישׁמעאלים הם׃²⁵ ויאמרו נתון נתן ויפרשׂו את השׂמלה וישׁליכו שׁמה אישׁ נזם שׁללו׃²⁶ ויהי משׁקל נזמי הזהב אשׁר שׁאל אלף ושׁבע מאות זהב לבד מן השׂהרנים והנטפות ובגדי הארגמן שׁעל מלכי מדין ולבד מן הענקות אשׁר בצוארי גמליהם׃²⁷ ויעשׂ אותו גדעון לאפוד ויצג אותו בעירו בעפרה ויזנו כל ישׂראל אחריו שׁם ויהי לגדעון ולביתו למוקשׁ׃

⁶ ויאספו כל בעלי שׁכם וכל בית מלוא וילכו וימליכו את אבימלך למלך עם אלון מצב אשׁר בשׁכם׃

²⁰ ביום ההוא ישׁליך האדם את אלילי כספו ואת אלילי זהבו אשׁר עשׂו לו להשׁתחות לחפר פרות ולעטלפים׃

²² וטמאתם את צפוי פסילי כספך ואת אפדת מסכת זהבך תזרם כמו דוה צא תאמר׃

¹³ (2:15) ופקדתי עליה את ימי הבעלים אשׁר תקטיר להם ותעד נזמה וחליתה ותלך אחרי מאהביה ואתי שׁכחה נאם יהוה׃

³⁰ ויאמר יעקב אל שׁמעון ואל לוי עכרתם אתי להבאישׁני בישׁב הארץ בכנעני ובפרזי ואני מתי מספר ונאספו עלי והכוני ונשׁמדתי אני וביתי׃

¹⁵ אז נבהלו אלופי אדום אילי מואב יאחזמו רעד נמגו כל ישׁבי כנען׃¹⁶ תפל עליהם אימתה ופחד בגדל זרועך ידמו כאבן עד יעבר עמך יהוה עד יעבר עם זו קנית׃

²⁷ את אימתי אשׁלח לפניך והמתי את כל העם אשׁר תבא בהם ונתתי את כל איביך אליך ערף׃

²⁴ כי אורישׁ גוים מפניך והרחבתי את גבלך ולא יחמד אישׁ את ארצך בעלתך לראות את פני יהוה אלהיך שׁלשׁ פעמים בשׁנה׃

²⁵ לא יתיצב אישׁ בפניכם פחדכם ומוראכם יתן יהוה אלהיכם על פני כל הארץ אשׁר תדרכו בה כאשׁר דבר׃

⁹ ותאמר אל האנשׁים ידעתי כי נתן יהוה לכם את הארץ וכי נפלה אימתכם עלינו וכי נמגו כל ישׁבי הארץ מפניכם׃¹⁰ כי שׁמענו את אשׁר הובישׁ יהוה את מי ים סוף מפניכם בצאתכם ממצרים ואשׁר עשׂיתם לשׁני מלכי האמרי אשׁר בעבר הירדן לסיחן ולעוג אשׁר החרמתם אותם׃¹¹ ונשׁמע וימס לבבנו ולא קמה עוד רוח באישׁ מפניכם כי יהוה אלהיכם הוא אלהים בשׁמים ממעל ועל הארץ מתחת׃

¹ ויהי כשׁמע כל מלכי האמרי אשׁר בעבר הירדן ימה וכל מלכי הכנעני אשׁר על הים את אשׁר הובישׁ יהוה את מי הירדן מפני בני ישׂראל עד עברנו וימס לבבם ולא היה בם עוד רוח מפני בני ישׂראל׃

⁷ ויקח צמד בקר וינתחהו וישׁלח בכל גבול ישׂראל ביד המלאכים לאמר אשׁר איננו יצא אחרי שׁאול ואחר שׁמואל כה יעשׂה לבקרו ויפל פחד יהוה על העם ויצאו כאישׁ אחד׃

¹⁵ ותהי חרדה במחנה בשׂדה ובכל העם המצב והמשׁחית חרדו גם המה ותרגז הארץ ותהי לחרדת אלהים׃

¹⁴ (14:13) ויכו את כל הערים סביבות גרר כי היה פחד יהוה עליהם ויבזו את כל הערים כי בזה רבה היתה׃

¹⁰ ויהי פחד יהוה על כל ממלכות הארצות אשׁר סביבות יהודה ולא נלחמו עם יהושׁפט׃

⁵ שׁם פחדו פחד כי אלהים בדור צדיק׃

¹⁹ ויקרא את שׁם המקום ההוא בית אל ואולם לוז שׁם העיר לראשׁנה׃

²² והאבן הזאת אשׁר שׂמתי מצבה יהיה בית אלהים וכל אשׁר תתן לי עשׂר אעשׂרנו׃

³ ויאמר יעקב אל יוסף אל שׁדי נראה אלי בלוז בארץ כנען ויברך אתי׃

²² ויעלו בית יוסף גם הם בית אל ויהוה עמם׃²³ ויתירו בית יוסף בבית אל ושׁם העיר לפנים לוז׃²⁴ ויראו השׁמרים אישׁ יוצא מן העיר ויאמרו לו הראנו נא את מבוא העיר ועשׂינו עמך חסד׃²⁵ ויראם את מבוא העיר ויכו את העיר לפי חרב ואת האישׁ ואת כל משׁפחתו שׁלחו׃²⁶ וילך האישׁ ארץ החתים ויבן עיר ויקרא שׁמה לוז הוא שׁמה עד היום הזה׃

¹³ והנה יהוה נצב עליו ויאמר אני יהוה אלהי אברהם אביך ואלהי יצחק הארץ אשׁר אתה שׁכב עליה לך אתננה ולזרעך׃

¹ ויאמר אלהים אל יעקב קום עלה בית אל ושׁב שׁם ועשׂה שׁם מזבח לאל הנראה אליך בברחך מפני עשׂו אחיך׃

³ ונקומה ונעלה בית אל ואעשׂה שׁם מזבח לאל הענה אתי ביום צרתי ויהי עמדי בדרך אשׁר הלכתי׃

¹⁵ ויבן משׁה מזבח ויקרא שׁמו יהוה נסי׃

²⁴ ויבן שׁם גדעון מזבח ליהוה ויקרא לו יהוה שׁלום עד היום הזה עודנו בעפרת אבי העזרי׃

⁴ (5:3) כאשׁר תדר נדר לאלהים אל תאחר לשׁלמו כי אין חפץ בכסילים את אשׁר תדר שׁלם׃⁵ (5:4) טוב אשׁר לא תדר משׁתדור ולא תשׁלם׃

³⁵ סביב שׁמנה עשׂר אלף ושׁם העיר מיום יהוה שׁמה׃

⁵⁹ וישׁלחו את רבקה אחתם ואת מנקתה ואת עבד אברהם ואת אנשׁיו׃

¹ ויעל מלאך יהוה מן הגלגל אל הבכים ויאמר אעלה אתכם ממצרים ואביא אתכם אל הארץ אשׁר נשׁבעתי לאבתיכם ואמר לא אפר בריתי אתכם לעולם׃

⁵ ויקראו שׁם המקום ההוא בכים ויזבחו שׁם ליהוה׃

¹³ ויקחו את עצמתיהם ויקברו תחת האשׁל ביבשׁה ויצמו שׁבעת ימים׃

⁷ וירא יהוה אל אברם ויאמר לזרעך אתן את הארץ הזאת ויבן שׁם מזבח ליהוה הנראה אליו׃

¹ ויהי אברם בן תשׁעים שׁנה ותשׁע שׁנים וירא יהוה אל אברם ויאמר אליו אני אל שׁדי התהלך לפני והיה תמים׃

¹ וירא אליו יהוה באלני ממרא והוא ישׁב פתח האהל כחם היום׃

² וירא אליו יהוה ויאמר אל תרד מצרימה שׁכן בארץ אשׁר אמר אליך׃

¹¹ ויאמר אלי מלאך האלהים בחלום יעקב ואמר הנני׃¹² ויאמר שׂא נא עיניך וראה כל העתדים העלים על הצאן עקדים נקדים וברדים כי ראיתי את כל אשׁר לבן עשׂה׃¹³ אנכי האל בית אל אשׁר משׁחת שׁם מצבה אשׁר נדרת לי שׁם נדר עתה קום צא מן הארץ הזאת ושׁוב אל ארץ מולדתך׃

¹ (32:2) ויעקב הלך לדרכו ויפגעו בו מלאכי אלהים׃

²⁴ (32:25) ויותר יעקב לבדו ויאבק אישׁ עמו עד עלות השׁחר׃²⁵ (32:26) וירא כי לא יכל לו ויגע בכף ירכו ותקע כף ירך יעקב בהאבקו עמו׃²⁶ (32:27) ויאמר שׁלחני כי עלה השׁחר ויאמר לא אשׁלחך כי אם ברכתני׃²⁷ (32:28) ויאמר אליו מה שׁמך ויאמר יעקב׃²⁸ (32:29) ויאמר לא יעקב יאמר עוד שׁמך כי אם ישׂראל כי שׂרית עם אלהים ועם אנשׁים ותוכל׃²⁹ (32:30) וישׁאל יעקב ויאמר הגידה נא שׁמך ויאמר למה זה תשׁאל לשׁמי ויברך אתו שׁם׃³⁰ (32:31) ויקרא יעקב שׁם המקום פניאל כי ראיתי אלהים פנים אל פנים ותנצל נפשׁי׃

² ויאמר אלהים לישׂראל במראת הלילה ויאמר יעקב יעקב ויאמר הנני׃³ ויאמר אנכי האל אלהי אביך אל תירא מרדה מצרימה כי לגוי גדול אשׂימך שׁם׃

³ ויאמר יעקב אל יוסף אל שׁדי נראה אלי בלוז בארץ כנען ויברך אתי׃⁴ ויאמר אלי הנני מפרך והרביתך ונתתיך לקהל עמים ונתתי את הארץ הזאת לזרעך אחריך אחזת עולם׃

³ מרחוק יהוה נראה לי ואהבת עולם אהבתיך על כן משׁכתיך חסד׃

⁵ ולא יקרא עוד את שׁמך אברם והיה שׁמך אברהם כי אב המון גוים נתתיך׃

¹⁵ ויאמר אלהים אל אברהם שׂרי אשׁתך לא תקרא את שׁמה שׂרי כי שׂרה שׁמה׃

²⁷ (32:28) ויאמר אליו מה שׁמך ויאמר יעקב׃²⁸ (32:29) ויאמר לא יעקב יאמר עוד שׁמך כי אם ישׂראל כי שׂרית עם אלהים ועם אנשׁים ותוכל׃

³¹ ויקח אליהו שׁתים עשׂרה אבנים כמספר שׁבטי בני יעקב אשׁר היה דבר יהוה אליו לאמר ישׂראל יהיה שׁמך׃

³⁴ עד היום הזה הם עשׂים כמשׁפטים הראשׁנים אינם יראים את יהוה ואינם עשׂים כחקתם וכמשׁפטם וכתורה וכמצוה אשׁר צוה יהוה את בני יעקב אשׁר שׂם שׁמו ישׂראל׃

¹ ויברך אלהים את נח ואת בניו ויאמר להם פרו ורבו ומלאו את הארץ׃

² ואעשׂך לגוי גדול ואברכך ואגדלה שׁמך והיה ברכה׃

¹⁶ ושׂמתי את זרעך כעפר הארץ אשׁר אם יוכל אישׁ למנות את עפר הארץ גם זרעך ימנה׃

⁵ ויוצא אתו החוצה ויאמר הבט נא השׁמימה וספר הכוכבים אם תוכל לספר אתם ויאמר לו כה יהיה זרעך׃

⁵ ולא יקרא עוד את שׁמך אברם והיה שׁמך אברהם כי אב המון גוים נתתיך׃⁶ והפרתי אתך במאד מאד ונתתיך לגוים ומלכים ממך יצאו׃⁷ והקמתי את בריתי ביני ובינך ובין זרעך אחריך לדרתם לברית עולם להיות לך לאלהים ולזרעך אחריך׃

¹⁶ וברכתי אתה וגם נתתי ממנה לך בן וברכתיה והיתה לגוים מלכי עמים ממנה יהיו׃

¹⁴ היפלא מיהוה דבר למועד אשׁוב אליך כעת חיה ולשׂרה בן׃

¹⁸ ואברהם היו יהיה לגוי גדול ועצום ונברכו בו כל גויי הארץ׃

¹⁷ כי ברך אברכך והרבה ארבה את זרעך ככוכבי השׁמים וכחול אשׁר על שׂפת הים וירשׁ זרעך את שׁער איביו׃

³ ואל שׁדי יברך אתך ויפרך וירבך והיית לקהל עמים׃⁴ ויתן לך את ברכת אברהם לך ולזרעך אתך לרשׁתך את ארץ מגריך אשׁר נתן אלהים לאברהם׃

¹⁴ והיה זרעך כעפר הארץ ופרצת ימה וקדמה וצפנה ונגבה ונברכו בך כל משׁפחת האדמה ובזרעך׃

¹² (32:13) ואתה אמרת היטב איטיב עמך ושׂמתי את זרעך כחול הים אשׁר לא יספר מרב׃

¹⁴ ואל שׁדי יתן לכם רחמים לפני האישׁ ושׁלח לכם את אחיכם אחר ואת בנימין ואני כאשׁר שׁכלתי שׁכלתי׃

³ ויאמר אנכי האל אלהי אביך אל תירא מרדה מצרימה כי לגוי גדול אשׂימך שׁם׃

⁷ ובני ישׂראל פרו וישׁרצו וירבו ויעצמו במאד מאד ותמלא הארץ אתם׃

³ וארא אל אברהם אל יצחק ואל יעקב באל שׁדי ושׁמי יהוה לא נודעתי׃

¹ וידבר יהוה אל משׁה במדבר סיני באהל מועד באחד לחדשׁ השׁני בשׁנה השׁנית לצאתם מארץ מצרים לאמר׃² שׂאו את ראשׁ כל עדת בני ישׂראל למשׁפחתם לבית אבתם במספר שׁמות כל זכר לגלגלתם׃³ מבן עשׂרים שׁנה ומעלה כל יצא צבא בישׂראל תפקדו אתם לצבאתם אתה ואהרן׃⁴ ואתכם יהיו אישׁ אישׁ למטה אישׁ ראשׁ לבית אבתיו הוא׃⁵ ואלה שׁמות האנשׁים אשׁר יעמדו אתכם לראובן אליצור בן שׁדיאור׃⁶ לשׁמעון שׁלמיאל בן צורישׁדי׃⁷ ליהודה נחשׁון בן עמינדב׃⁸ לישׂשכר נתנאל בן צוער׃⁹ לזבולן אליאב בן חלן׃¹⁰ לבני יוסף לאפרים אלישׁמע בן עמיהוד למנשׁה גמליאל בן פדהצור׃¹¹ לבנימן אבידן בן גדעני׃¹² לדן אחיעזר בן עמישׁדי׃¹³ לאשׁר פגעיאל בן עכרן׃¹⁴ לגד אליסף בן דעואל׃¹⁵ לנפתלי אחירע בן עינן׃¹⁶ אלה קריאי העדה נשׂיאי מטות אבותם ראשׁי אלפי ישׂראל הם׃¹⁷ ויקח משׁה ואהרן את האנשׁים האלה אשׁר נקבו בשׁמות׃¹⁸ ואת כל העדה הקהילו באחד לחדשׁ השׁני ויתילדו על משׁפחתם לבית אבתם במספר שׁמות מבן עשׂרים שׁנה ומעלה לגלגלתם׃¹⁹ כאשׁר צוה יהוה את משׁה ויפקדם במדבר סיני׃²⁰ ויהיו בני ראובן בכר ישׂראל תולדתם למשׁפחתם לבית אבתם במספר שׁמות לגלגלתם כל זכר מבן עשׂרים שׁנה ומעלה כל יצא צבא׃²¹ פקדיהם למטה ראובן שׁשׁה וארבעים אלף וחמשׁ מאות׃²² לבני שׁמעון תולדתם למשׁפחתם לבית אבתם פקדיו במספר שׁמות לגלגלתם כל זכר מבן עשׂרים שׁנה ומעלה כל יצא צבא׃²³ פקדיהם למטה שׁמעון תשׁעה וחמשׁים אלף ושׁלשׁ מאות׃²⁴ לבני גד תולדתם למשׁפחתם לבית אבתם במספר שׁמות מבן עשׂרים שׁנה ומעלה כל יצא צבא׃²⁵ פקדיהם למטה גד חמשׁה וארבעים אלף ושׁשׁ מאות וחמשׁים׃²⁶ לבני יהודה תולדתם למשׁפחתם לבית אבתם במספר שׁמת מבן עשׂרים שׁנה ומעלה כל יצא צבא׃

¹ ויהי אישׁ אחד מן הרמתים צופים מהר אפרים ושׁמו אלקנה בן ירחם בן אליהוא בן תחו בן צוף אפרתי׃² ולו שׁתי נשׁים שׁם אחת חנה ושׁם השׁנית פננה ויהי לפננה ילדים ולחנה אין ילדים׃³ ועלה האישׁ ההוא מעירו מימים ימימה להשׁתחות ולזבח ליהוה צבאות בשׁלה ושׁם שׁני בני עלי חפני ופנחס כהנים ליהוה׃⁴ ויהי היום ויזבח אלקנה ונתן לפננה אשׁתו ולכל בניה ובנותיה מנות׃⁵ ולחנה יתן מנה אחת אפים כי את חנה אהב ויהוה סגר רחמה׃⁶ וכעסתה צרתה גם כעס בעבור הרעמה כי סגר יהוה בעד רחמה׃⁷ וכן יעשׂה שׁנה בשׁנה מדי עלתה בבית יהוה כן תכעסנה ותבכה ולא תאכל׃⁸ ויאמר לה אלקנה אישׁה חנה למה תבכי ולמה לא תאכלי ולמה ירע לבבך הלוא אנכי טוב לך מעשׂרה בנים׃⁹ ותקם חנה אחרי אכלה בשׁלה ואחרי שׁתה ועלי הכהן ישׁב על הכסא על מזוזת היכל יהוה׃¹⁰ והיא מרת נפשׁ ותתפלל על יהוה ובכה תבכה׃¹¹ ותדר נדר ותאמר יהוה צבאות אם ראה תראה בעני אמתך וזכרתני ולא תשׁכח את אמתך ונתתה לאמתך זרע אנשׁים ונתתיו ליהוה כל ימי חייו ומורה לא יעלה על ראשׁו׃¹² והיה כי הרבתה להתפלל לפני יהוה ועלי שׁמר את פיה׃¹³ וחנה היא מדברת על לבה רק שׂפתיה נעות וקולה לא ישׁמע ויחשׁבה עלי לשׁכרה׃¹⁴ ויאמר אליה עלי עד מתי תשׁתכרין הסירי את יינך מעליך׃¹⁵ ותען חנה ותאמר לא אדני אשׁה קשׁת רוח אנכי ויין ושׁכר לא שׁתיתי ואשׁפך את נפשׁי לפני יהוה׃¹⁶ אל תתן את אמתך לפני בת בליעל כי מרב שׂיחי וכעסי דברתי עד הנה׃¹⁷ ויען עלי ויאמר לכי לשׁלום ואלהי ישׂראל יתן את שׁלתך אשׁר שׁאלת מעמו׃¹⁸ ותאמר תמצא שׁפחתך חן בעיניך ותלך האשׁה לדרכה ותאכל ופניה לא היו לה עוד׃¹⁹ וישׁכמו בבקר וישׁתחוו לפני יהוה וישׁבו ויבאו אל ביתם הרמתה וידע אלקנה את חנה אשׁתו ויזכרה יהוה׃²⁰ ויהי לתקפות הימים ותהר חנה ותלד בן ותקרא את שׁמו שׁמואל כי מיהוה שׁאלתיו׃²¹ ויעל האישׁ אלקנה וכל ביתו לזבח ליהוה את זבח הימים ואת נדרו׃²² וחנה לא עלתה כי אמרה לאישׁה עד יגמל הנער והבאתיו ונראה את פני יהוה וישׁב שׁם עד עולם׃²³ ויאמר לה אלקנה אישׁה עשׂי הטוב בעיניך שׁבי עד גמלך אתו אך יקם יהוה את דברו ותשׁב האשׁה ותינק את בנה עד גמלה אתו׃²⁴ ותעלהו עמה כאשׁר גמלתו בפרים שׁלשׁה ואיפה אחת קמח ונבל יין ותבאהו בית יהוה שׁלו והנער נער׃²⁵ וישׁחטו את הפר ויביאו את הנער אל עלי׃²⁶ ותאמר בי אדני חי נפשׁך אדני אני האשׁה הנצבת עמכה בזה להתפלל אל יהוה׃²⁷ אל הנער הזה התפללתי ויתן יהוה לי את שׁאלתי אשׁר שׁאלתי מעמו׃²⁸ וגם אנכי השׁאלתהו ליהוה כל הימים אשׁר היה הוא שׁאול ליהוה וישׁתחו שׁם ליהוה׃

¹⁴ ויהוה אמר אל אברם אחרי הפרד לוט מעמו שׂא נא עיניך וראה מן המקום אשׁר אתה שׁם צפנה ונגבה וקדמה וימה׃¹⁵ כי את כל הארץ אשׁר אתה ראה לך אתננה ולזרעך עד עולם׃¹⁶ ושׂמתי את זרעך כעפר הארץ אשׁר אם יוכל אישׁ למנות את עפר הארץ גם זרעך ימנה׃¹⁷ קום התהלך בארץ לארכה ולרחבה כי לך אתננה׃

¹⁸ ביום ההוא כרת יהוה את אברם ברית לאמר לזרעך נתתי את הארץ הזאת מנהר מצרים עד הנהר הגדל נהר פרת׃

³ גור בארץ הזאת ואהיה עמך ואברכך כי לך ולזרעך אתן את כל הארצת האל והקמתי את השׁבעה אשׁר נשׁבעתי לאברהם אביך׃⁴ והרביתי את זרעך ככוכבי השׁמים ונתתי לזרעך את כל הארצת האל והתברכו בזרעך כל גויי הארץ׃

⁴ ויאמר אלי הנני מפרך והרביתך ונתתיך לקהל עמים ונתתי את הארץ הזאת לזרעך אחריך אחזת עולם׃

⁸ וארד להצילו מיד מצרים ולהעלתו מן הארץ ההוא אל ארץ טובה ורחבה אל ארץ זבת חלב ודבשׁ אל מקום הכנעני והחתי והאמרי והפרזי והחוי והיבוסי׃

¹ ויריחו סגרת ומסגרת מפני בני ישׂראל אין יוצא ואין בא׃² ויאמר יהוה אל יהושׁע ראה נתתי בידך את יריחו ואת מלכה גבורי החיל׃³ וסבתם את העיר כל אנשׁי המלחמה הקיף את העיר פעם אחת כה תעשׂה שׁשׁת ימים׃⁴ ושׁבעה כהנים ישׂאו שׁבעה שׁופרות היובלים לפני הארון וביום השׁביעי תסבו את העיר שׁבע פעמים והכהנים יתקעו בשׁופרות׃⁵ והיה במשׁך בקרן היובל בשׁמעכם את קול השׁופר יריעו כל העם תרועה גדולה ונפלה חומת העיר תחתיה ועלו העם אישׁ נגדו׃⁶ ויקרא יהושׁע בן נון אל הכהנים ויאמר אלהם שׂאו את ארון הברית ושׁבעה כהנים ישׂאו שׁבעה שׁופרות יובלים לפני ארון יהוה׃⁷ ויאמרו אל העם עברו וסבו את העיר והחלוץ יעבר לפני ארון יהוה׃⁸ ויהי כאמר יהושׁע אל העם ושׁבעה הכהנים נשׂאים שׁבעה שׁופרות היובלים לפני יהוה עברו ותקעו בשׁופרות וארון ברית יהוה הלך אחריהם׃⁹ והחלוץ הלך לפני הכהנים תקעו השׁופרות והמאסף הלך אחרי הארון הלוך ותקוע בשׁופרות׃¹⁰ ואת העם צוה יהושׁע לאמר לא תריעו ולא תשׁמיעו את קולכם ולא יצא מפיכם דבר עד יום אמרי אליכם הריעו והריעתם׃¹¹ ויסב ארון יהוה את העיר הקף פעם אחת ויבאו המחנה וילינו במחנה׃¹² וישׁכם יהושׁע בבקר וישׂאו הכהנים את ארון יהוה׃¹³ ושׁבעה הכהנים נשׂאים שׁבעה שׁופרות היבלים לפני ארון יהוה הלכים הלוך ותקעו בשׁופרות והחלוץ הלך לפניהם והמאסף הלך אחרי ארון יהוה הולך ותקוע בשׁופרות׃¹⁴ ויסבו את העיר ביום השׁני פעם אחת וישׁבו המחנה כה עשׂו שׁשׁת ימים׃¹⁵ ויהי ביום השׁביעי וישׁכמו כעלות השׁחר ויסבו את העיר כמשׁפט הזה שׁבע פעמים רק ביום ההוא סבבו את העיר שׁבע פעמים׃¹⁶ ויהי בפעם השׁביעית תקעו הכהנים בשׁופרות ויאמר יהושׁע אל העם הריעו כי נתן יהוה לכם את העיר׃¹⁷ והיתה העיר חרם היא וכל אשׁר בה ליהוה רק רחב הזונה תחיה היא וכל אשׁר אתה בבית כי החבאתה את המלאכים אשׁר שׁלחנו׃¹⁸ ורק אתם שׁמרו מן החרם פן תחרימו ולקחתם מן החרם ושׂמתם את מחנה ישׂראל לחרם ועכרתם אותו׃¹⁹ וכל כסף וזהב וכלי נחשׁת וברזל קדשׁ הוא ליהוה אוצר יהוה יבוא׃²⁰ וירע העם ויתקעו בשׁפרות ויהי כשׁמע העם את קול השׁופר ויריעו העם תרועה גדולה ותפל החומה תחתיה ויעל העם העירה אישׁ נגדו וילכדו את העיר׃²¹ ויחרימו את כל אשׁר בעיר מאישׁ ועד אשׁה מנער ועד זקן ועד שׁור ושׂה וחמור לפי חרב׃

¹ ביום ההוא נקרא בספר משׁה באזני העם ונמצא כתוב בו אשׁר לא יבוא עמני ומאבי בקהל האלהים עד עולם׃² כי לא קדמו את בני ישׂראל בלחם ובמים וישׂכר עליו את בלעם לקללו ויהפך אלהינו הקללה לברכה׃³ ויהי כשׁמעם את התורה ויבדילו כל ערב מישׂראל׃⁴ ולפני מזה אלישׁיב הכהן נתון בלשׁכת בית אלהינו קרוב לטוביה׃⁵ ויעשׂ לו לשׁכה גדולה ושׁם היו לפנים נתנים את המנחה הלבונה והכלים ומעשׂר הדגן התירושׁ והיצהר מצות הלוים והמשׁררים והשׁערים ותרומת הכהנים׃⁶ ובכל זה לא הייתי בירושׁלם כי בשׁנת שׁלשׁים ושׁתים לארתחשׁסתא מלך בבל באתי אל המלך ולקץ ימים נשׁאלתי מן המלך׃⁷ ואבוא לירושׁלם ואבינה ברעה אשׁר עשׂה אלישׁיב לטוביה לעשׂות לו נשׁכה בחצרי בית האלהים׃⁸ וירע לי מאד ואשׁליכה את כל כלי בית טוביה החוץ מן הלשׁכה׃⁹ ואמרה ויטהרו הלשׁכות ואשׁיבה שׁם כלי בית האלהים את המנחה והלבונה׃¹⁰ ואדעה כי מניות הלוים לא נתנה ויברחו אישׁ לשׂדהו הלוים והמשׁררים עשׂי המלאכה׃¹¹ ואריבה את הסגנים ואמרה מדוע נעזב בית האלהים ואקבצם ואעמדם על עמדם׃¹² וכל יהודה הביאו מעשׂר הדגן והתירושׁ והיצהר לאוצרות׃¹³ ואוצרה על אוצרות שׁלמיה הכהן וצדוק הסופר ופדיה מן הלוים ועל ידם חנן בן זכור בן מתניה כי נאמנים נחשׁבו ועליהם לחלק לאחיהם׃¹⁴ זכרה לי אלהי על זאת ואל תמח חסדי אשׁר עשׂיתי בבית אלהי ובמשׁמריו׃¹⁵ בימים ההמה ראיתי ביהודה דרכים גתות בשׁבת ומביאים הערמות ועמסים על החמרים ואף יין ענבים ותאנים וכל משׂא ומביאים ירושׁלם ביום השׁבת ואעיד ביום מכרם ציד׃¹⁶ והצרים ישׁבו בה מביאים דאג וכל מכר ומכרים בשׁבת לבני יהודה ובירושׁלם׃¹⁷ ואריבה את חרי יהודה ואמרה להם מה הדבר הרע הזה אשׁר אתם עשׂים ומחללים את יום השׁבת׃¹⁸ הלוא כה עשׂו אבתיכם ויבא אלהינו עלינו את כל הרעה הזאת ועל העיר הזאת ואתם מוסיפים חרון על ישׂראל לחלל את השׁבת׃¹⁹ ויהי כאשׁר צללו שׁערי ירושׁלם לפני השׁבת ואמרה ויסגרו הדלתות ואמרה אשׁר לא יפתחום עד אחר השׁבת ומנערי העמדתי על השׁערים לא יבוא משׂא ביום השׁבת׃²⁰ וילינו הרכלים ומכרי כל ממכר מחוץ לירושׁלם פעם ושׁתים׃²¹ ואעידה בהם ואמרה אליהם מדוע אתם לנים נגד החומה אם תשׁנו יד אשׁלח בכם מן העת ההיא לא באו בשׁבת׃²² ואמרה ללוים אשׁר יהיו מטהרים ובאים שׁמרים השׁערים לקדשׁ את יום השׁבת גם זאת זכרה לי אלהי וחוסה עלי כרב חסדך׃²³ גם בימים ההם ראיתי את היהודים השׁיבו נשׁים אשׁדודיות עמוניות מואביות׃²⁴ ובניהם חצי מדבר אשׁדודית ואינם מכירים לדבר יהודית וכלשׁון עם ועם׃²⁵ ואריב עמם ואקללם ואכה מהם אנשׁים ואמרטם ואשׁביעם באלהים אם תתנו בנתיכם לבניהם ואם תשׂאו מבנתיהם לבניכם׃²⁶ הלוא על אלה חטא שׁלמה מלך ישׂראל ובגוים הרבים לא היה מלך כמהו ואהוב לאלהיו היה ויתנהו אלהים מלך על כל ישׂראל גם אותו החטיאו הנשׁים הנכריות׃²⁷ ולכם הנשׁמע לעשׂת את כל הרעה הגדולה הזאת למעל באלהינו להשׁיב נשׁים נכריות׃²⁸ ומבני יוידע בן אלישׁיב הכהן הגדול חתן לסנבלט החרני ואבריחהו מעלי׃²⁹ זכרה להם אלהי על גאלי הכהנה וברית הכהנה והלוים׃³⁰ וטהרתים מכל נכר ואעמידה משׁמרות לכהנים וללוים אישׁ במלאכתו׃³¹ ולקרבן העצים בעתים מזמנות ולבכורים זכרה לי אלהי לטובה׃

⁵ וירד יהוה לראת את העיר ואת המגדל אשׁר בנו בני האדם׃

²² ויכל לדבר אתו ויעל אלהים מעל אברהם׃

³³ וילך יהוה כאשׁר כלה לדבר אל אברהם ואברהם שׁב למקמו׃

²¹ וישׁלח מלאך יהוה את קצה המשׁענת אשׁר בידו ויגע בבשׂר ובמצות ותעל האשׁ מן הצור ותאכל את הבשׂר ואת המצות ומלאך יהוה הלך מעיניו׃

²⁰ ויהי בעלות הלהב מעל המזבח השׁמימה ויעל מלאך יהוה בלהב המזבח ומנוח ואשׁתו ראים ויפלו על פניהם ארצה׃

¹⁸ וישׁכם יעקב בבקר ויקח את האבן אשׁר שׂם מראשׁתיו וישׂם אתה מצבה ויצק שׁמן על ראשׁה׃¹⁹ ויקרא את שׁם המקום ההוא בית אל ואולם לוז שׁם העיר לראשׁנה׃

⁴⁵ ויקח יעקב אבן וירימה מצבה׃

²⁰ ויצב יעקב מצבה על קברתה הוא מצבת קברת רחל עד היום׃

¹² ויקח שׁמואל אבן אחת וישׂם בין המצפה ובין השׁן ויקרא את שׁמה אבן העזר ויאמר עד הנה עזרנו יהוה׃

¹⁶ אל האשׁה אמר הרבה ארבה עצבונך והרנך בעצב תלדי בנים ואל אישׁך תשׁוקתך והוא ימשׁל׃

¹⁹ ותמת רחל ותקבר בדרך אפרתה הוא בית לחם׃

⁷ ואני בבאי מפדן מתה עלי רחל בארץ כנען בדרך בעוד כברת ארץ לבא אפרתה ואקברה שׁם בדרך אפרת הוא בית לחם׃

² ושׁם האישׁ אלימלך ושׁם אשׁתו נעמי ושׁם שׁני בניו מחלון וכליון אפרתים מבית לחם יהודה ויבאו שׂדי מואב ויהיו שׁם׃

¹⁹ ויאמר לו לך לשׁלום וילך מאתו כברת ארץ׃

¹⁹ ותמת עזובה ויקח לו כלב את אפרת ותלד לו את חור׃

⁶ הנה שׁמענוה באפרתה מצאנוה בשׂדי יער׃

² (5:1) ואתה בית לחם אפרתה צעיר להיות באלפי יהודה ממך לי יצא להיות מושׁל בישׂראל ומוצאתיו מקדם מימי עולם׃

²⁴ ותקרא את שׁמו יוסף לאמר יסף יהוה לי בן אחר׃

¹⁹ וכלתו אשׁת פינחס הרה ללת ותשׁמע את השׁמעה אל הלקח ארון האלהים ומת חמיה ואישׁה ותכרע ותלד כי נהפכו עליה צריה׃²⁰ וכעת מותה ותדברנה הנצבות עליה אל תיראי כי בן ילדת ולא ענתה ולא שׁתה לבה׃²¹ ותקרא לנער אי כבוד לאמר גלה כבוד מישׂראל אל הלקח ארון האלהים ואל חמיה ואישׁה׃

¹ ותרא רחל כי לא ילדה ליעקב ותקנא רחל באחתה ותאמר אל יעקב הבה לי בנים ואם אין מתה אנכי׃

⁴ ואת בנימין אחי יוסף לא שׁלח יעקב את אחיו כי אמר פן יקראנו אסון׃

³⁸ ויאמר לא ירד בני עמכם כי אחיו מת והוא לבדו נשׁאר וקראהו אסון בדרך אשׁר תלכו בה והורדתם את שׂיבתי ביגון שׁאולה׃

²⁷ ויאמר עבדך אבי אלינו אתם ידעתם כי שׁנים ילדה לי אשׁתי׃²⁸ ויצא האחד מאתי ואמר אך טרף טרף ולא ראיתיו עד הנה׃²⁹ ולקחתם גם את זה מעם פני וקרהו אסון והורדתם את שׂיבתי ברעה שׁאלה׃³⁰ ועתה כבאי אל עבדך אבי והנער איננו אתנו ונפשׁו קשׁורה בנפשׁו׃³¹ והיה כראותו כי אין הנער ומת והורידו עבדיך את שׂיבת עבדך אבינו ביגון שׁאלה׃

⁷ ולקחו מן הדם ונתנו על שׁתי המזוזת ועל המשׁקוף על הבתים אשׁר יאכלו אתו׃

⁹ ויהי יעבץ נכבד מאחיו ואמו קראה שׁמו יעבץ לאמר כי ילדתי בעצב׃

¹⁰ כי לא תעזב נפשׁי לשׁאול לא תתן חסידך לראות שׁחת׃

¹⁷ (80:18) תהי ידך על אישׁ ימינך על בן אדם אמצת׃

¹² לאמתם יאמרו איה דגן ויין בהתעטפם כחלל ברחבות עיר בהשׁתפך נפשׁם אל חיק אמתם׃

¹⁵ וקטת ונהלל ושׁמרון וידאלה ובית לחם ערים שׁתים עשׂרה וחצריהן׃

¹¹ ויאמרו כל העם אשׁר בשׁער והזקנים עדים יתן יהוה את האשׁה הבאה אל ביתך כרחל וכלאה אשׁר בנו שׁתיהם את בית ישׂראל ועשׂה חיל באפרתה וקרא שׁם בבית לחם׃

² שׁמעו הרים את ריב יהוה והאתנים מסדי ארץ כי ריב ליהוה עם עמו ועם ישׂראל יתוכח׃

⁹ וירא אלהים אל יעקב עוד בבאו מפדן ארם ויברך אתו׃

¹⁴ ויצב יעקב מצבה במקום אשׁר דבר אתו מצבת אבן ויסך עליה נסך ויצק עליה שׁמן׃

² בלכתך היום מעמדי ומצאת שׁני אנשׁים עם קברת רחל בגבול בנימן בצלצח ואמרו אליך נמצאו האתנות אשׁר הלכת לבקשׁ והנה נטשׁ אביך את דברי האתנות ודאג לכם לאמר מה אעשׂה לבני׃

¹⁷ ויקחו את אבשׁלום וישׁליכו אתו ביער אל הפחת הגדול ויצבו עליו גל אבנים גדול מאד וכל ישׂראל נסו אישׁ לאהלו׃¹⁸ ואבשׁלם לקח ויצב לו בחיו את מצבת אשׁר בעמק המלך כי אמר אין לי בן בעבור הזכיר שׁמי ויקרא למצבת על שׁמו ויקרא לה יד אבשׁלם עד היום הזה׃

⁸ ואתה מגדל עדר עפל בת ציון עדיך תאתה ובאה הממשׁלה הראשׁנה ממלכת לבת ירושׁלם׃

³¹ וירא יהוה כי שׂנואה לאה ויפתח את רחמה ורחל עקרה׃³² ותהר לאה ותלד בן ותקרא שׁמו ראובן כי אמרה כי ראה יהוה בעניי כי עתה יאהבני אישׁי׃³³ ותהר עוד ותלד בן ותאמר כי שׁמע יהוה כי שׂנואה אנכי ויתן לי גם את זה ותקרא שׁמו שׁמעון׃³⁴ ותהר עוד ותלד בן ותאמר עתה הפעם ילוה אישׁי אלי כי ילדתי לו שׁלשׁה בנים על כן קרא שׁמו לוי׃³⁵ ותהר עוד ותלד בן ותאמר הפעם אודה את יהוה על כן קראה שׁמו יהודה ותעמד מלדת׃

⁵ ותהר בלהה ותלד ליעקב בן׃⁶ ותאמר רחל דנני אלהים וגם שׁמע בקלי ויתן לי בן על כן קראה שׁמו דן׃⁷ ותהר עוד ותלד בלהה שׁפחת רחל בן שׁני ליעקב׃⁸ ותאמר רחל נפתולי אלהים נפתלתי עם אחתי גם יכלתי ותקרא שׁמו נפתלי׃⁹ ותרא לאה כי עמדה מלדת ותקח את זלפה שׁפחתה ותתן אתה ליעקב לאשׁה׃¹⁰ ותלד זלפה שׁפחת לאה ליעקב בן׃¹¹ ותאמר לאה בגד ותקרא את שׁמו גד׃¹² ותלד זלפה שׁפחת לאה בן שׁני ליעקב׃¹³ ותאמר לאה באשׁרי כי אשׁרוני בנות ותקרא את שׁמו אשׁר׃¹⁴ וילך ראובן בימי קציר חטים וימצא דודאים בשׂדה ויבא אתם אל לאה אמו ותאמר רחל אל לאה תני נא לי מדודאי בנך׃¹⁵ ותאמר לה המעט קחתך את אישׁי ולקחת גם את דודאי בני ותאמר רחל לכן ישׁכב עמך הלילה תחת דודאי בנך׃¹⁶ ויבא יעקב מן השׂדה בערב ותצא לאה לקראתו ותאמר אלי תבוא כי שׂכר שׂכרתיך בדודאי בני וישׁכב עמה בלילה הוא׃¹⁷ וישׁמע אלהים אל לאה ותהר ותלד ליעקב בן חמישׁי׃¹⁸ ותאמר לאה נתן אלהים שׂכרי אשׁר נתתי שׁפחתי לאישׁי ותקרא שׁמו ישׂשכר׃¹⁹ ותהר עוד לאה ותלד בן שׁשׁי ליעקב׃²⁰ ותאמר לאה זבדני אלהים אתי זבד טוב הפעם יזבלני אישׁי כי ילדתי לו שׁשׁה בנים ותקרא את שׁמו זבלון׃²¹ ואחר ילדה בת ותקרא את שׁמה דינה׃²² ויזכר אלהים את רחל וישׁמע אליה אלהים ויפתח את רחמה׃²³ ותהר ותלד בן ותאמר אסף אלהים את חרפתי׃²⁴ ותקרא את שׁמו יוסף לאמר יסף יהוה לי בן אחר׃

¹⁸ ויהי בצאת נפשׁה כי מתה ותקרא שׁמו בן אוני ואביו קרא לו בנימין׃

⁸ ואלה שׁמות בני ישׂראל הבאים מצרימה יעקב ובניו בכר יעקב ראובן׃⁹ ובני ראובן חנוך ופלוא וחצרן וכרמי׃¹⁰ ובני שׁמעון ימואל וימין ואהד ויכין וצחר ושׁאול בן הכנענית׃¹¹ ובני לוי גרשׁון קהת ומררי׃¹² ובני יהודה ער ואונן ושׁלה ופרץ וזרח וימת ער ואונן בארץ כנען ויהיו בני פרץ חצרן וחמול׃¹³ ובני ישׂשכר תולע ופוה ויוב ושׁמרן׃¹⁴ ובני זבלון סרד ואלון ויחלאל׃¹⁵ אלה בני לאה אשׁר ילדה ליעקב בפדן ארם ואת דינה בתו כל נפשׁ בניו ובנותיו שׁלשׁים ושׁלשׁ׃¹⁶ ובני גד צפיון וחגי שׁוני ואצבן ערי וארודי ואראלי׃¹⁷ ובני אשׁר ימנה וישׁוה וישׁוי ובריעה ושׂרח אחתם ובני בריעה חבר ומלכיאל׃¹⁸ אלה בני זלפה אשׁר נתן לבן ללאה בתו ותלד את אלה ליעקב שׁשׁ עשׂרה נפשׁ׃¹⁹ בני רחל אשׁת יעקב יוסף ובנימן׃²⁰ ויולד ליוסף בארץ מצרים אשׁר ילדה לו אסנת בת פוטי פרע כהן אן את מנשׁה ואת אפרים׃²¹ ובני בנימן בלע ובכר ואשׁבל גרא ונעמן אחי וראשׁ מפים וחפים וארד׃²² אלה בני רחל אשׁר ילד ליעקב כל נפשׁ ארבעה עשׂר׃²³ ובני דן חשׁים׃²⁴ ובני נפתלי יחצאל וגוני ויצר ושׁלם׃²⁵ אלה בני בלהה אשׁר נתן לבן לרחל בתו ותלד את אלה ליעקב כל נפשׁ שׁבעה׃²⁶ כל הנפשׁ הבאה ליעקב מצרימה יצאי ירכו מלבד נשׁי בני יעקב כל נפשׁ שׁשׁים ושׁשׁ׃²⁷ ובני יוסף אשׁר ילד לו במצרים נפשׁ שׁנים כל הנפשׁ לבית יעקב הבאה מצרימה שׁבעים׃

¹ ויקרא יעקב אל בניו ויאמר האספו ואגידה לכם את אשׁר יקרא אתכם באחרית הימים׃² הקבצו ושׁמעו בני יעקב ושׁמעו אל ישׂראל אביכם׃³ ראובן בכרי אתה כחי וראשׁית אוני יתר שׂאת ויתר עז׃⁴ פחז כמים אל תותר כי עלית משׁכבי אביך אז חללת יצועי עלה׃⁵ שׁמעון ולוי אחים כלי חמס מכרתיהם׃⁶ בסדם אל תבא נפשׁי בקהלם אל תחד כבדי כי באפם הרגו אישׁ וברצנם עקרו שׁור׃⁷ ארור אפם כי עז ועברתם כי קשׁתה אחלקם ביעקב ואפיצם בישׂראל׃⁸ יהודה אתה יודוך אחיך ידך בערף איביך ישׁתחוו לך בני אביך׃⁹ גור אריה יהודה מטרף בני עלית כרע רבץ כאריה וכלביא מי יקימנו׃¹⁰ לא יסור שׁבט מיהודה ומחקק מבין רגליו עד כי יבא שׁילה ולו יקהת עמים׃¹¹ אסרי לגפן עירה ולשׂרקה בני אתנו כבס ביין לבשׁו ובדם ענבים סותה׃¹² חכלילי עינים מיין ולבן שׁנים מחלב׃¹³ זבולן לחוף ימים ישׁכן והוא לחוף אנית וירכתו על צידן׃¹⁴ ישׂשכר חמר גרם רבץ בין המשׁפתים׃¹⁵ וירא מנחה כי טוב ואת הארץ כי נעמה ויט שׁכמו לסבל ויהי למס עבד׃¹⁶ דן ידין עמו כאחד שׁבטי ישׂראל׃¹⁷ יהי דן נחשׁ עלי דרך שׁפיפן עלי ארח הנשׁך עקבי סוס ויפל רכבו אחור׃¹⁸ לישׁועתך קויתי יהוה׃¹⁹ גד גדוד יגודנו והוא יגד עקב׃²⁰ מאשׁר שׁמנה לחמו והוא יתן מעדני מלך׃²¹ נפתלי אילה שׁלחה הנתן אמרי שׁפר׃²² בן פרת יוסף בן פרת עלי עין בנות צעדה עלי שׁור׃²³ וימררהו ורבו וישׂטמהו בעלי חצים׃²⁴ ותשׁב באיתן קשׁתו ויפזו זרעי ידיו מידי אביר יעקב משׁם רעה אבן ישׂראל׃²⁵ מאל אביך ויעזרך ואת שׁדי ויברכך ברכת שׁמים מעל ברכת תהום רבצת תחת ברכת שׁדים ורחם׃²⁶ ברכת אביך גברו על ברכת הורי עד תאות גבעת עולם תהיין לראשׁ יוסף ולקדקד נזיר אחיו׃²⁷ בנימין זאב יטרף בבקר יאכל עד ולערב יחלק שׁלל׃²⁸ כל אלה שׁבטי ישׂראל שׁנים עשׂר וזאת אשׁר דבר להם אביהם ויברך אותם אישׁ אשׁר כברכתו ברך אתם׃

¹ ואלה שׁמות בני ישׂראל הבאים מצרימה את יעקב אישׁ וביתו באו׃² ראובן שׁמעון לוי ויהודה׃³ ישׂשכר זבולן ובנימן׃⁴ דן ונפתלי גד ואשׁר׃⁵ ויהי כל נפשׁ יצאי ירך יעקב שׁבעים נפשׁ ויוסף היה במצרים׃

¹⁴ אלה ראשׁי בית אבתם בני ראובן בכר ישׂראל חנוך ופלוא חצרן וכרמי אלה משׁפחת ראובן׃¹⁵ ובני שׁמעון ימואל וימין ואהד ויכין וצחר ושׁאול בן הכנענית אלה משׁפחת שׁמעון׃¹⁶ ואלה שׁמות בני לוי לתלדתם גרשׁון וקהת ומררי ושׁני חיי לוי שׁבע ושׁלשׁים ומאת שׁנה׃

⁸ ערות אשׁת אביך לא תגלה ערות אביך הוא׃

⁵ ואלה שׁמות האנשׁים אשׁר יעמדו אתכם לראובן אליצור בן שׁדיאור׃⁶ לשׁמעון שׁלמיאל בן צורישׁדי׃⁷ ליהודה נחשׁון בן עמינדב׃⁸ לישׂשכר נתנאל בן צוער׃⁹ לזבולן אליאב בן חלן׃¹⁰ לבני יוסף לאפרים אלישׁמע בן עמיהוד למנשׁה גמליאל בן פדהצור׃¹¹ לבנימן אבידן בן גדעני׃¹² לדן אחיעזר בן עמישׁדי׃¹³ לאשׁר פגעיאל בן עכרן׃¹⁴ לגד אליסף בן דעואל׃¹⁵ לנפתלי אחירע בן עינן׃

²⁰ ויהיו בני ראובן בכר ישׂראל תולדתם למשׁפחתם לבית אבתם במספר שׁמות לגלגלתם כל זכר מבן עשׂרים שׁנה ומעלה כל יצא צבא׃²¹ פקדיהם למטה ראובן שׁשׁה וארבעים אלף וחמשׁ מאות׃²² לבני שׁמעון תולדתם למשׁפחתם לבית אבתם פקדיו במספר שׁמות לגלגלתם כל זכר מבן עשׂרים שׁנה ומעלה כל יצא צבא׃²³ פקדיהם למטה שׁמעון תשׁעה וחמשׁים אלף ושׁלשׁ מאות׃²⁴ לבני גד תולדתם למשׁפחתם לבית אבתם במספר שׁמות מבן עשׂרים שׁנה ומעלה כל יצא צבא׃²⁵ פקדיהם למטה גד חמשׁה וארבעים אלף ושׁשׁ מאות וחמשׁים׃²⁶ לבני יהודה תולדתם למשׁפחתם לבית אבתם במספר שׁמת מבן עשׂרים שׁנה ומעלה כל יצא צבא׃²⁷ פקדיהם למטה יהודה ארבעה ושׁבעים אלף ושׁשׁ מאות׃²⁸ לבני ישׂשכר תולדתם למשׁפחתם לבית אבתם במספר שׁמת מבן עשׂרים שׁנה ומעלה כל יצא צבא׃²⁹ פקדיהם למטה ישׂשכר ארבעה וחמשׁים אלף וארבע מאות׃³⁰ לבני זבולן תולדתם למשׁפחתם לבית אבתם במספר שׁמת מבן עשׂרים שׁנה ומעלה כל יצא צבא׃³¹ פקדיהם למטה זבולן שׁבעה וחמשׁים אלף וארבע מאות׃³² לבני יוסף לבני אפרים תולדתם למשׁפחתם לבית אבתם במספר שׁמת מבן עשׂרים שׁנה ומעלה כל יצא צבא׃³³ פקדיהם למטה אפרים ארבעים אלף וחמשׁ מאות׃³⁴ לבני מנשׁה תולדתם למשׁפחתם לבית אבתם במספר שׁמות מבן עשׂרים שׁנה ומעלה כל יצא צבא׃³⁵ פקדיהם למטה מנשׁה שׁנים ושׁלשׁים אלף ומאתים׃³⁶ לבני בנימן תולדתם למשׁפחתם לבית אבתם במספר שׁמת מבן עשׂרים שׁנה ומעלה כל יצא צבא׃³⁷ פקדיהם למטה בנימן חמשׁה ושׁלשׁים אלף וארבע מאות׃³⁸ לבני דן תולדתם למשׁפחתם לבית אבתם במספר שׁמת מבן עשׂרים שׁנה ומעלה כל יצא צבא׃³⁹ פקדיהם למטה דן שׁנים ושׁשׁים אלף ושׁבע מאות׃⁴⁰ לבני אשׁר תולדתם למשׁפחתם לבית אבתם במספר שׁמת מבן עשׂרים שׁנה ומעלה כל יצא צבא׃⁴¹ פקדיהם למטה אשׁר אחד וארבעים אלף וחמשׁ מאות׃⁴² בני נפתלי תולדתם למשׁפחתם לבית אבתם במספר שׁמת מבן עשׂרים שׁנה ומעלה כל יצא צבא׃⁴³ פקדיהם למטה נפתלי שׁלשׁה וחמשׁים אלף וארבע מאות׃⁴⁴ אלה הפקדים אשׁר פקד משׁה ואהרן ונשׂיאי ישׂראל שׁנים עשׂר אישׁ אישׁ אחד לבית אבתיו היו׃⁴⁵ ויהיו כל פקודי בני ישׂראל לבית אבתם מבן עשׂרים שׁנה ומעלה כל יצא צבא בישׂראל׃⁴⁶ ויהיו כל הפקדים שׁשׁ מאות אלף ושׁלשׁת אלפים וחמשׁ מאות וחמשׁים׃

³ והחנים קדמה מזרחה דגל מחנה יהודה לצבאתם ונשׂיא לבני יהודה נחשׁון בן עמינדב׃⁴ וצבאו ופקדיהם ארבעה ושׁבעים אלף ושׁשׁ מאות׃⁵ והחנים עליו מטה ישׂשכר ונשׂיא לבני ישׂשכר נתנאל בן צוער׃⁶ וצבאו ופקדיו ארבעה וחמשׁים אלף וארבע מאות׃⁷ מטה זבולן ונשׂיא לבני זבולן אליאב בן חלן׃⁸ וצבאו ופקדיו שׁבעה וחמשׁים אלף וארבע מאות׃⁹ כל הפקדים למחנה יהודה מאת אלף ושׁמנים אלף ושׁשׁת אלפים וארבע מאות לצבאתם ראשׁנה יסעו׃¹⁰ דגל מחנה ראובן תימנה לצבאתם ונשׂיא לבני ראובן אליצור בן שׁדיאור׃¹¹ וצבאו ופקדיו שׁשׁה וארבעים אלף וחמשׁ מאות׃¹² והחונם עליו מטה שׁמעון ונשׂיא לבני שׁמעון שׁלמיאל בן צורי שׁדי׃¹³ וצבאו ופקדיהם תשׁעה וחמשׁים אלף ושׁלשׁ מאות׃¹⁴ ומטה גד ונשׂיא לבני גד אליסף בן רעואל׃¹⁵ וצבאו ופקדיהם חמשׁה וארבעים אלף ושׁשׁ מאות וחמשׁים׃¹⁶ כל הפקדים למחנה ראובן מאת אלף ואחד וחמשׁים אלף וארבע מאות וחמשׁים לצבאתם ושׁנים יסעו׃¹⁷ ונסע אהל מועד מחנה הלוים בתוך המחנת כאשׁר יחנו כן יסעו אישׁ על ידו לדגליהם׃¹⁸ דגל מחנה אפרים לצבאתם ימה ונשׂיא לבני אפרים אלישׁמע בן עמיהוד׃¹⁹ וצבאו ופקדיהם ארבעים אלף וחמשׁ מאות׃²⁰ ועליו מטה מנשׁה ונשׂיא לבני מנשׁה גמליאל בן פדהצור׃²¹ וצבאו ופקדיהם שׁנים ושׁלשׁים אלף ומאתים׃²² ומטה בנימן ונשׂיא לבני בנימן אבידן בן גדעני׃²³ וצבאו ופקדיהם חמשׁה ושׁלשׁים אלף וארבע מאות׃²⁴ כל הפקדים למחנה אפרים מאת אלף ושׁמנת אלפים ומאה לצבאתם ושׁלשׁים יסעו׃²⁵ דגל מחנה דן צפנה לצבאתם ונשׂיא לבני דן אחיעזר בן עמישׁדי׃²⁶ וצבאו ופקדיהם שׁנים ושׁשׁים אלף ושׁבע מאות׃²⁷ והחנים עליו מטה אשׁר ונשׂיא לבני אשׁר פגעיאל בן עכרן׃²⁸ וצבאו ופקדיהם אחד וארבעים אלף וחמשׁ מאות׃²⁹ ומטה נפתלי ונשׂיא לבני נפתלי אחירע בן עינן׃³⁰ וצבאו ופקדיהם שׁלשׁה וחמשׁים אלף וארבע מאות׃³¹ כל הפקדים למחנה דן מאת אלף ושׁבעה וחמשׁים אלף ושׁשׁ מאות לאחרנה יסעו לדגליהם׃³² אלה פקודי בני ישׂראל לבית אבתם כל פקודי המחנת לצבאתם שׁשׁ מאות אלף ושׁלשׁת אלפים וחמשׁ מאות וחמשׁים׃³³ והלוים לא התפקדו בתוך בני ישׂראל כאשׁר צוה יהוה את משׁה׃

¹² ויהי המקריב ביום הראשׁון את קרבנו נחשׁון בן עמינדב למטה יהודה׃¹³ וקרבנו קערת כסף אחת שׁלשׁים ומאה משׁקלה מזרק אחד כסף שׁבעים שׁקל בשׁקל הקדשׁ שׁניהם מלאים סלת בלולה בשׁמן למנחה׃¹⁴ כף אחת עשׂרה זהב מלאה קטרת׃¹⁵ פר אחד בן בקר איל אחד כבשׂ אחד בן שׁנתו לעלה׃¹⁶ שׂעיר עזים אחד לחטאת׃¹⁷ ולזבח השׁלמים בקר שׁנים אילם חמשׁה עתודים חמשׁה כבשׂים בני שׁנה חמשׁה זה קרבן נחשׁון בן עמינדב׃¹⁸ ביום השׁני הקריב נתנאל בן צוער נשׂיא ישׂשכר׃¹⁹ הקרב את קרבנו קערת כסף אחת שׁלשׁים ומאה משׁקלה מזרק אחד כסף שׁבעים שׁקל בשׁקל הקדשׁ שׁניהם מלאים סלת בלולה בשׁמן למנחה׃²⁰ כף אחת עשׂרה זהב מלאה קטרת׃²¹ פר אחד בן בקר איל אחד כבשׂ אחד בן שׁנתו לעלה׃²² שׂעיר עזים אחד לחטאת׃²³ ולזבח השׁלמים בקר שׁנים אילם חמשׁה עתדים חמשׁה כבשׂים בני שׁנה חמשׁה זה קרבן נתנאל בן צוער׃²⁴ ביום השׁלישׁי נשׂיא לבני זבולן אליאב בן חלן׃²⁵ קרבנו קערת כסף אחת שׁלשׁים ומאה משׁקלה מזרק אחד כסף שׁבעים שׁקל בשׁקל הקדשׁ שׁניהם מלאים סלת בלולה בשׁמן למנחה׃²⁶ כף אחת עשׂרה זהב מלאה קטרת׃²⁷ פר אחד בן בקר איל אחד כבשׂ אחד בן שׁנתו לעלה׃²⁸ שׂעיר עזים אחד לחטאת׃²⁹ ולזבח השׁלמים בקר שׁנים אילם חמשׁה עתדים חמשׁה כבשׂים בני שׁנה חמשׁה זה קרבן אליאב בן חלן׃³⁰ ביום הרביעי נשׂיא לבני ראובן אליצור בן שׁדיאור׃³¹ קרבנו קערת כסף אחת שׁלשׁים ומאה משׁקלה מזרק אחד כסף שׁבעים שׁקל בשׁקל הקדשׁ שׁניהם מלאים סלת בלולה בשׁמן למנחה׃³² כף אחת עשׂרה זהב מלאה קטרת׃³³ פר אחד בן בקר איל אחד כבשׂ אחד בן שׁנתו לעלה׃³⁴ שׂעיר עזים אחד לחטאת׃³⁵ ולזבח השׁלמים בקר שׁנים אילם חמשׁה עתדים חמשׁה כבשׂים בני שׁנה חמשׁה זה קרבן אליצור בן שׁדיאור׃³⁶ ביום החמישׁי נשׂיא לבני שׁמעון שׁלמיאל בן צורישׁדי׃³⁷ קרבנו קערת כסף אחת שׁלשׁים ומאה משׁקלה מזרק אחד כסף שׁבעים שׁקל בשׁקל הקדשׁ שׁניהם מלאים סלת בלולה בשׁמן למנחה׃³⁸ כף אחת עשׂרה זהב מלאה קטרת׃³⁹ פר אחד בן בקר איל אחד כבשׂ אחד בן שׁנתו לעלה׃⁴⁰ שׂעיר עזים אחד לחטאת׃⁴¹ ולזבח השׁלמים בקר שׁנים אילם חמשׁה עתדים חמשׁה כבשׂים בני שׁנה חמשׁה זה קרבן שׁלמיאל בן צורישׁדי׃⁴² ביום השׁשׁי נשׂיא לבני גד אליסף בן דעואל׃⁴³ קרבנו קערת כסף אחת שׁלשׁים ומאה משׁקלה מזרק אחד כסף שׁבעים שׁקל בשׁקל הקדשׁ שׁניהם מלאים סלת בלולה בשׁמן למנחה׃⁴⁴ כף אחת עשׂרה זהב מלאה קטרת׃⁴⁵ פר אחד בן בקר איל אחד כבשׂ אחד בן שׁנתו לעלה׃⁴⁶ שׂעיר עזים אחד לחטאת׃⁴⁷ ולזבח השׁלמים בקר שׁנים אילם חמשׁה עתדים חמשׁה כבשׂים בני שׁנה חמשׁה זה קרבן אליסף בן דעואל׃⁴⁸ ביום השׁביעי נשׂיא לבני אפרים אלישׁמע בן עמיהוד׃⁴⁹ קרבנו קערת כסף אחת שׁלשׁים ומאה משׁקלה מזרק אחד כסף שׁבעים שׁקל בשׁקל הקדשׁ שׁניהם מלאים סלת בלולה בשׁמן למנחה׃⁵⁰ כף אחת עשׂרה זהב מלאה קטרת׃⁵¹ פר אחד בן בקר איל אחד כבשׂ אחד בן שׁנתו לעלה׃⁵² שׂעיר עזים אחד לחטאת׃⁵³ ולזבח השׁלמים בקר שׁנים אילם חמשׁה עתדים חמשׁה כבשׂים בני שׁנה חמשׁה זה קרבן אלישׁמע בן עמיהוד׃⁵⁴ ביום השׁמיני נשׂיא לבני מנשׁה גמליאל בן פדה צור׃⁵⁵ קרבנו קערת כסף אחת שׁלשׁים ומאה משׁקלה מזרק אחד כסף שׁבעים שׁקל בשׁקל הקדשׁ שׁניהם מלאים סלת בלולה בשׁמן למנחה׃⁵⁶ כף אחת עשׂרה זהב מלאה קטרת׃⁵⁷ פר אחד בן בקר איל אחד כבשׂ אחד בן שׁנתו לעלה׃⁵⁸ שׂעיר עזים אחד לחטאת׃⁵⁹ ולזבח השׁלמים בקר שׁנים אילם חמשׁה עתדים חמשׁה כבשׂים בני שׁנה חמשׁה זה קרבן גמליאל בן פדהצור ׃⁶⁰ ביום התשׁיעי נשׂיא לבני בנימן אבידן בן גדעני׃⁶¹ קרבנו קערת כסף אחת שׁלשׁים ומאה משׁקלה מזרק אחד כסף שׁבעים שׁקל בשׁקל הקדשׁ שׁניהם מלאים סלת בלולה בשׁמן למנחה׃⁶² כף אחת עשׂרה זהב מלאה קטרת׃⁶³ פר אחד בן בקר איל אחד כבשׂ אחד בן שׁנתו לעלה׃⁶⁴ שׂעיר עזים אחד לחטאת׃⁶⁵ ולזבח השׁלמים בקר שׁנים אילם חמשׁה עתדים חמשׁה כבשׂים בני שׁנה חמשׁה זה קרבן אבידן בן גדעני׃⁶⁶ ביום העשׂירי נשׂיא לבני דן אחיעזר בן עמישׁדי׃⁶⁷ קרבנו קערת כסף אחת שׁלשׁים ומאה משׁקלה מזרק אחד כסף שׁבעים שׁקל בשׁקל הקדשׁ שׁניהם מלאים סלת בלולה בשׁמן למנחה׃⁶⁸ כף אחת עשׂרה זהב מלאה קטרת׃⁶⁹ פר אחד בן בקר איל אחד כבשׂ אחד בן שׁנתו לעלה׃⁷⁰ שׂעיר עזים אחד לחטאת׃⁷¹ ולזבח השׁלמים בקר שׁנים אילם חמשׁה עתדים חמשׁה כבשׂים בני שׁנה חמשׁה זה קרבן אחיעזר בן עמישׁדי׃⁷² ביום עשׁתי עשׂר יום נשׂיא לבני אשׁר פגעיאל בן עכרן׃⁷³ קרבנו קערת כסף אחת שׁלשׁים ומאה משׁקלה מזרק אחד כסף שׁבעים שׁקל בשׁקל הקדשׁ שׁניהם מלאים סלת בלולה בשׁמן למנחה׃⁷⁴ כף אחת עשׂרה זהב מלאה קטרת׃⁷⁵ פר אחד בן בקר איל אחד כבשׂ אחד בן שׁנתו לעלה׃⁷⁶ שׂעיר עזים אחד לחטאת׃⁷⁷ ולזבח השׁלמים בקר שׁנים אילם חמשׁה עתדים חמשׁה כבשׂים בני שׁנה חמשׁה זה קרבן פגעיאל בן עכרן׃⁷⁸ ביום שׁנים עשׂר יום נשׂיא לבני נפתלי אחירע בן עינן׃⁷⁹ קרבנו קערת כסף אחת שׁלשׁים ומאה משׁקלה מזרק אחד כסף שׁבעים שׁקל בשׁקל הקדשׁ שׁניהם מלאים סלת בלולה בשׁמן למנחה׃⁸⁰ כף אחת עשׂרה זהב מלאה קטרת׃⁸¹ פר אחד בן בקר איל אחד כבשׂ אחד בן שׁנתו לעלה׃⁸² שׂעיר עזים אחד לחטאת׃⁸³ ולזבח השׁלמים בקר שׁנים אילם חמשׁה עתדים חמשׁה כבשׂים בני שׁנה חמשׁה זה קרבן אחירע בן עינן׃⁸⁴ זאת חנכת המזבח ביום המשׁח אתו מאת נשׂיאי ישׂראל קערת כסף שׁתים עשׂרה מזרקי כסף שׁנים עשׂר כפות זהב שׁתים עשׂרה׃⁸⁵ שׁלשׁים ומאה הקערה האחת כסף ושׁבעים המזרק האחד כל כסף הכלים אלפים וארבע מאות בשׁקל הקדשׁ׃⁸⁶ כפות זהב שׁתים עשׂרה מלאת קטרת עשׂרה עשׂרה הכף בשׁקל הקדשׁ כל זהב הכפות עשׂרים ומאה׃⁸⁷ כל הבקר לעלה שׁנים עשׂר פרים אילם שׁנים עשׂר כבשׂים בני שׁנה שׁנים עשׂר ומנחתם ושׂעירי עזים שׁנים עשׂר לחטאת׃⁸⁸ וכל בקר זבח השׁלמים עשׂרים וארבעה פרים אילם שׁשׁים עתדים שׁשׁים כבשׂים בני שׁנה שׁשׁים זאת חנכת המזבח אחרי המשׁח אתו׃⁸⁹ ובבא משׁה אל אהל מועד לדבר אתו וישׁמע את הקול מדבר אליו מעל הכפרת אשׁר על ארן העדת מבין שׁני הכרבים וידבר אליו׃

⁵ ראובן בכור ישׂראל בני ראובן חנוך משׁפחת החנכי לפלוא משׁפחת הפלאי׃⁶ לחצרן משׁפחת החצרוני לכרמי משׁפחת הכרמי׃⁷ אלה משׁפחת הראובני ויהיו פקדיהם שׁלשׁה וארבעים אלף ושׁבע מאות ושׁלשׁים׃⁸ ובני פלוא אליאב׃⁹ ובני אליאב נמואל ודתן ואבירם הוא דתן ואבירם קרואי העדה אשׁר הצו על משׁה ועל אהרן בעדת קרח בהצתם על יהוה׃¹⁰ ותפתח הארץ את פיה ותבלע אתם ואת קרח במות העדה באכל האשׁ את חמשׁים ומאתים אישׁ ויהיו לנס׃¹¹ ובני קרח לא מתו׃¹² בני שׁמעון למשׁפחתם לנמואל משׁפחת הנמואלי לימין משׁפחת הימיני ליכין משׁפחת היכיני׃¹³ לזרח משׁפחת הזרחי לשׁאול משׁפחת השׁאולי׃¹⁴ אלה משׁפחת השׁמעני שׁנים ועשׂרים אלף ומאתים׃¹⁵ בני גד למשׁפחתם לצפון משׁפחת הצפוני לחגי משׁפחת החגי לשׁוני משׁפחת השׁוני׃¹⁶ לאזני משׁפחת האזני לערי משׁפחת הערי׃¹⁷ לארוד משׁפחת הארודי לאראלי משׁפחת האראלי׃¹⁸ אלה משׁפחת בני גד לפקדיהם ארבעים אלף וחמשׁ מאות׃¹⁹ בני יהודה ער ואונן וימת ער ואונן בארץ כנען׃²⁰ ויהיו בני יהודה למשׁפחתם לשׁלה משׁפחת השׁלני לפרץ משׁפחת הפרצי לזרח משׁפחת הזרחי׃²¹ ויהיו בני פרץ לחצרן משׁפחת החצרני לחמול משׁפחת החמולי׃²² אלה משׁפחת יהודה לפקדיהם שׁשׁה ושׁבעים אלף וחמשׁ מאות׃²³ בני ישׂשכר למשׁפחתם תולע משׁפחת התולעי לפוה משׁפחת הפוני׃²⁴ לישׁוב משׁפחת הישׁבי לשׁמרן משׁפחת השׁמרני׃²⁵ אלה משׁפחת ישׂשכר לפקדיהם ארבעה ושׁשׁים אלף ושׁלשׁ מאות׃²⁶ בני זבולן למשׁפחתם לסרד משׁפחת הסרדי לאלון משׁפחת האלני ליחלאל משׁפחת היחלאלי׃²⁷ אלה משׁפחת הזבולני לפקדיהם שׁשׁים אלף וחמשׁ מאות׃²⁸ בני יוסף למשׁפחתם מנשׁה ואפרים׃²⁹ בני מנשׁה למכיר משׁפחת המכירי ומכיר הוליד את גלעד לגלעד משׁפחת הגלעדי׃³⁰ אלה בני גלעד איעזר משׁפחת האיעזרי לחלק משׁפחת החלקי׃³¹ ואשׂריאל משׁפחת האשׂראלי ושׁכם משׁפחת השׁכמי׃³² ושׁמידע משׁפחת השׁמידעי וחפר משׁפחת החפרי׃³³ וצלפחד בן חפר לא היו לו בנים כי אם בנות ושׁם בנות צלפחד מחלה ונעה חגלה מלכה ותרצה׃³⁴ אלה משׁפחת מנשׁה ופקדיהם שׁנים וחמשׁים אלף ושׁבע מאות׃³⁵ אלה בני אפרים למשׁפחתם לשׁותלח משׁפחת השׁתלחי לבכר משׁפחת הבכרי לתחן משׁפחת התחני׃³⁶ ואלה בני שׁותלח לערן משׁפחת הערני׃³⁷ אלה משׁפחת בני אפרים לפקדיהם שׁנים ושׁלשׁים אלף וחמשׁ מאות אלה בני יוסף למשׁפחתם׃³⁸ בני בנימן למשׁפחתם לבלע משׁפחת הבלעי לאשׁבל משׁפחת האשׁבלי לאחירם משׁפחת האחירמי׃³⁹ לשׁפופם משׁפחת השׁופמי לחופם משׁפחת החופמי׃⁴⁰ ויהיו בני בלע ארד ונעמן משׁפחת הארדי לנעמן משׁפחת הנעמי׃⁴¹ אלה בני בנימן למשׁפחתם ופקדיהם חמשׁה וארבעים אלף ושׁשׁ מאות׃⁴² אלה בני דן למשׁפחתם לשׁוחם משׁפחת השׁוחמי אלה משׁפחת דן למשׁפחתם׃⁴³ כל משׁפחת השׁוחמי לפקדיהם ארבעה ושׁשׁים אלף וארבע מאות׃⁴⁴ בני אשׁר למשׁפחתם לימנה משׁפחת הימנה לישׁוי משׁפחת הישׁוי לבריעה משׁפחת הבריעי׃⁴⁵ לבני בריעה לחבר משׁפחת החברי למלכיאל משׁפחת המלכיאלי׃⁴⁶ ושׁם בת אשׁר שׂרח׃⁴⁷ אלה משׁפחת בני אשׁר לפקדיהם שׁלשׁה וחמשׁים אלף וארבע מאות׃⁴⁸ בני נפתלי למשׁפחתם ליחצאל משׁפחת היחצאלי לגוני משׁפחת הגוני׃⁴⁹ ליצר משׁפחת היצרי לשׁלם משׁפחת השׁלמי׃⁵⁰ אלה משׁפחת נפתלי למשׁפחתם ופקדיהם חמשׁה וארבעים אלף וארבע מאות׃⁵¹ אלה פקודי בני ישׂראל שׁשׁ מאות אלף ואלף שׁבע מאות ושׁלשׁים׃

⁵⁷ ואלה פקודי הלוי למשׁפחתם לגרשׁון משׁפחת הגרשׁני לקהת משׁפחת הקהתי למררי משׁפחת המררי׃⁵⁸ אלה משׁפחת לוי משׁפחת הלבני משׁפחת החברני משׁפחת המחלי משׁפחת המושׁי משׁפחת הקרחי וקהת הולד את עמרם׃⁵⁹ ושׁם אשׁת עמרם יוכבד בת לוי אשׁר ילדה אתה ללוי במצרים ותלד לעמרם את אהרן ואת משׁה ואת מרים אחתם׃⁶⁰ ויולד לאהרן את נדב ואת אביהוא את אלעזר ואת איתמר׃⁶¹ וימת נדב ואביהוא בהקריבם אשׁ זרה לפני יהוה׃⁶² ויהיו פקדיהם שׁלשׁה ועשׂרים אלף כל זכר מבן חדשׁ ומעלה כי לא התפקדו בתוך בני ישׂראל כי לא נתן להם נחלה בתוך בני ישׂראל׃

¹⁴ כי לקחו מטה בני הראובני לבית אבתם ומטה בני הגדי לבית אבתם וחצי מטה מנשׁה לקחו נחלתם׃¹⁵ שׁני המטות וחצי המטה לקחו נחלתם מעבר לירדן ירחו קדמה מזרחה׃¹⁶ וידבר יהוה אל משׁה לאמר׃¹⁷ אלה שׁמות האנשׁים אשׁר ינחלו לכם את הארץ אלעזר הכהן ויהושׁע בן נון׃¹⁸ ונשׂיא אחד נשׂיא אחד ממטה תקחו לנחל את הארץ׃¹⁹ ואלה שׁמות האנשׁים למטה יהודה כלב בן יפנה׃²⁰ ולמטה בני שׁמעון שׁמואל בן עמיהוד׃²¹ למטה בנימן אלידד בן כסלון׃²² ולמטה בני דן נשׂיא בקי בן יגלי׃²³ לבני יוסף למטה בני מנשׁה נשׂיא חניאל בן אפד׃²⁴ ולמטה בני אפרים נשׂיא קמואל בן שׁפטן׃²⁵ ולמטה בני זבולן נשׂיא אליצפן בן פרנך׃²⁶ ולמטה בני ישׂשכר נשׂיא פלטיאל בן עזן׃²⁷ ולמטה בני אשׁר נשׂיא אחיהוד בן שׁלמי׃²⁸ ולמטה בני נפתלי נשׂיא פדהאל בן עמיהוד׃

¹ וזאת הברכה אשׁר ברך משׁה אישׁ האלהים את בני ישׂראל לפני מותו׃² ויאמר יהוה מסיני בא וזרח משׂעיר למו הופיע מהר פארן ואתה מרבבת קדשׁ מימינו אשׁדת׃³ אף חבב עמים כל קדשׁיו בידך והם תכו לרגלך ישׂא מדברתיך׃⁴ תורה צוה לנו משׁה מורשׁה קהלת יעקב׃⁵ ויהי בישׁרון מלך בהתאסף ראשׁי עם יחד שׁבטי ישׂראל׃⁶ יחי ראובן ואל ימת ויהי מתיו מספר׃⁷ וזאת ליהודה ויאמר שׁמע יהוה קול יהודה ואל עמו תביאנו ידיו רב לו ועזר מצריו תהיה׃⁸ וללוי אמר תמיך ואוריך לאישׁ חסידך אשׁר נסיתו במסה תריבהו על מי מריבה׃⁹ האמר לאביו ולאמו לא ראיתיו ואת אחיו לא הכיר ואת בנו לא ידע כי שׁמרו אמרתך ובריתך ינצרו׃¹⁰ יורו משׁפטיך ליעקב ותורתך לישׂראל ישׂימו קטורה באפך וכליל על מזבחך׃¹¹ ברך יהוה חילו ופעל ידיו תרצה מחץ מתנים קמיו ומשׂנאיו מן יקומון׃¹² לבנימן אמר ידיד יהוה ישׁכן לבטח עליו חפף עליו כל היום ובין כתפיו שׁכן׃¹³ וליוסף אמר מברכת יהוה ארצו ממגד שׁמים מטל ומתהום רבצת תחת׃¹⁴ וממגד תבואת שׁמשׁ וממגד גרשׁ ירחים׃¹⁵ ומראשׁ הררי קדם וממגד גבעות עולם׃¹⁶ וממגד ארץ ומלאה ורצון שׁכני סנה תבואתה לראשׁ יוסף ולקדקד נזיר אחיו׃¹⁷ בכור שׁורו הדר לו וקרני ראם קרניו בהם עמים ינגח יחדו אפסי ארץ והם רבבות אפרים והם אלפי מנשׁה׃¹⁸ ולזבולן אמר שׂמח זבולן בצאתך וישׂשכר באהליך׃¹⁹ עמים הר יקראו שׁם יזבחו זבחי צדק כי שׁפע ימים יינקו ושׂפני טמוני חול׃²⁰ ולגד אמר ברוך מרחיב גד כלביא שׁכן וטרף זרוע אף קדקד׃²¹ וירא ראשׁית לו כי שׁם חלקת מחקק ספון ויתא ראשׁי עם צדקת יהוה עשׂה ומשׁפטיו עם ישׂראל׃²² ולדן אמר דן גור אריה יזנק מן הבשׁן׃²³ ולנפתלי אמר נפתלי שׂבע רצון ומלא ברכת יהוה ים ודרום ירשׁה׃²⁴ ולאשׁר אמר ברוך מבנים אשׁר יהי רצוי אחיו וטבל בשׁמן רגלו׃²⁵ ברזל ונחשׁת מנעלך וכימיך דבאך׃²⁶ אין כאל ישׁרון רכב שׁמים בעזרך ובגאותו שׁחקים׃²⁷ מענה אלהי קדם ומתחת זרעת עולם ויגרשׁ מפניך אויב ויאמר השׁמד׃²⁸ וישׁכן ישׂראל בטח בדד עין יעקב אל ארץ דגן ותירושׁ אף שׁמיו יערפו טל׃²⁹ אשׁריך ישׂראל מי כמוך עם נושׁע ביהוה מגן עזרך ואשׁר חרב גאותך ויכחשׁו איביך לך ואתה על במותימו תדרך׃

¹ ויהושׁע זקן בא בימים ויאמר יהוה אליו אתה זקנתה באת בימים והארץ נשׁארה הרבה מאד לרשׁתה׃² זאת הארץ הנשׁארת כל גלילות הפלשׁתים וכל הגשׁורי׃³ מן השׁיחור אשׁר על פני מצרים ועד גבול עקרון צפונה לכנעני תחשׁב חמשׁת סרני פלשׁתים העזתי והאשׁדודי האשׁקלוני הגתי והעקרוני והעוים׃⁴ מתימן כל ארץ הכנעני ומערה אשׁר לצידנים עד אפקה עד גבול האמרי׃⁵ והארץ הגבלי וכל הלבנון מזרח השׁמשׁ מבעל גד תחת הר חרמון עד לבוא חמת׃⁶ כל ישׁבי ההר מן הלבנון עד משׂרפת מים כל צידנים אנכי אורישׁם מפני בני ישׂראל רק הפלה לישׂראל בנחלה כאשׁר צויתיך׃⁷ ועתה חלק את הארץ הזאת בנחלה לתשׁעת השׁבטים וחצי השׁבט המנשׁה׃⁸ עמו הראובני והגדי לקחו נחלתם אשׁר נתן להם משׁה בעבר הירדן מזרחה כאשׁר נתן להם משׁה עבד יהוה׃⁹ מערוער אשׁר על שׂפת נחל ארנון והעיר אשׁר בתוך הנחל וכל המישׁר מידבא עד דיבון׃¹⁰ וכל ערי סיחון מלך האמרי אשׁר מלך בחשׁבון עד גבול בני עמון׃¹¹ והגלעד וגבול הגשׁורי והמעכתי וכל הר חרמון וכל הבשׁן עד סלכה׃¹² כל ממלכות עוג בבשׁן אשׁר מלך בעשׁתרות ובאדרעי הוא נשׁאר מיתר הרפאים ויכם משׁה וירשׁם׃¹³ ולא הורישׁו בני ישׂראל את הגשׁורי ואת המעכתי וישׁב גשׁור ומעכת בקרב ישׂראל עד היום הזה׃¹⁴ רק לשׁבט הלוי לא נתן נחלה אשׁי יהוה אלהי ישׂראל הוא נחלתו כאשׁר דבר׃¹⁵ ויתן משׁה למטה בני ראובן למשׁפחתם׃¹⁶ ויהי להם הגבול מערוער אשׁר על שׂפת נחל ארנון והעיר אשׁר בתוך הנחל וכל המישׁר על מידבא׃¹⁷ חשׁבון וכל עריה אשׁר במישׁר דיבון ובמות בעל ובית בעל מעון׃¹⁸ ויהצה וקדמת ומפעת׃¹⁹ וקריתים ושׂבמה וצרת השׁחר בהר העמק׃²⁰ ובית פעור ואשׁדות הפסגה ובית הישׁמות׃²¹ וכל ערי המישׁר וכל ממלכות סיחון מלך האמרי אשׁר מלך בחשׁבון אשׁר הכה משׁה אתו ואת נשׂיאי מדין את אוי ואת רקם ואת צור ואת חור ואת רבע נסיכי סיחון ישׁבי הארץ׃

²¹ ויאמר אחיתפל אל אבשׁלם בוא אל פלגשׁי אביך אשׁר הניח לשׁמור הבית ושׁמע כל ישׂראל כי נבאשׁת את אביך וחזקו ידי כל אשׁר אתך׃²² ויטו לאבשׁלום האהל על הגג ויבא אבשׁלום אל פלגשׁי אביו לעיני כל ישׂראל׃

³ ויבא דוד אל ביתו ירושׁלם ויקח המלך את עשׂר נשׁים פלגשׁים אשׁר הניח לשׁמר הבית ויתנם בית משׁמרת ויכלכלם ואליהם לא בא ותהיינה צררות עד יום מתן אלמנות חיות׃

¹ אלה בני ישׂראל ראובן שׁמעון לוי ויהודה ישׂשכר וזבלון׃² דן יוסף ובנימן נפתלי גד ואשׁר׃

¹ ובני ראובן בכור ישׂראל כי הוא הבכור ובחללו יצועי אביו נתנה בכרתו לבני יוסף בן ישׂראל ולא להתיחשׂ לבכרה׃

²³ (12:24) ואלה מספרי ראשׁי החלוץ לצבא באו על דויד חברונה להסב מלכות שׁאול אליו כפי יהוה׃²⁴ (12:25) בני יהודה נשׂאי צנה ורמח שׁשׁת אלפים ושׁמונה מאות חלוצי צבא׃²⁵ (12:26) מן בני שׁמעון גבורי חיל לצבא שׁבעת אלפים ומאה׃²⁶ (12:27) מן בני הלוי ארבעת אלפים ושׁשׁ מאות׃²⁷ (12:28) ויהוידע הנגיד לאהרן ועמו שׁלשׁת אלפים ושׁבע מאות׃²⁸ (12:29) וצדוק נער גבור חיל ובית אביו שׂרים עשׂרים ושׁנים׃²⁹ (12:30) ומן בני בנימן אחי שׁאול שׁלשׁת אלפים ועד הנה מרביתם שׁמרים משׁמרת בית שׁאול׃³⁰ (12:31) ומן בני אפרים עשׂרים אלף ושׁמונה מאות גבורי חיל אנשׁי שׁמות לבית אבותם׃³¹ (12:32) ומחצי מטה מנשׁה שׁמונה עשׂר אלף אשׁר נקבו בשׁמות לבוא להמליך את דויד׃³² (12:33) ומבני ישׂשכר יודעי בינה לעתים לדעת מה יעשׂה ישׂראל ראשׁיהם מאתים וכל אחיהם על פיהם׃³³ (12:34) מזבלון יוצאי צבא ערכי מלחמה בכל כלי מלחמה חמשׁים אלף ולעדר בלא לב ולב׃³⁴ (12:35) ומנפתלי שׂרים אלף ועמהם בצנה וחנית שׁלשׁים ושׁבעה אלף׃³⁵ (12:36) ומן הדני ערכי מלחמה עשׂרים ושׁמונה אלף ושׁשׁ מאות׃³⁶ (12:37) ומאשׁר יוצאי צבא לערך מלחמה ארבעים אלף׃³⁷ (12:38) ומעבר לירדן מן הראובני והגדי וחצי שׁבט מנשׁה בכל כלי צבא מלחמה מאה ועשׂרים אלף׃³⁸ (12:39) כל אלה אנשׁי מלחמה עדרי מערכה בלבב שׁלם באו חברונה להמליך את דויד על כל ישׂראל וגם כל שׁרית ישׂראל לב אחד להמליך את דויד׃³⁹ (12:40) ויהיו שׁם עם דויד ימים שׁלושׁה אכלים ושׁותים כי הכינו להם אחיהם׃⁴⁰ (12:41) וגם הקרובים אליהם עד ישׂשכר וזבלון ונפתלי מביאים לחם בחמורים ובגמלים ובפרדים ובבקר מאכל קמח דבלים וצמוקים ויין ושׁמן ובקר וצאן לרב כי שׂמחה בישׂראל׃

¹⁶ ועל שׁבטי ישׂראל לראובני נגיד אליעזר בן זכרי לשׁמעוני שׁפטיהו בן מעכה׃¹⁷ ללוי חשׁביה בן קמואל לאהרן צדוק׃¹⁸ ליהודה אליהו מאחי דויד לישׂשכר עמרי בן מיכאל׃¹⁹ לזבולן ישׁמעיהו בן עבדיהו לנפתלי ירימות בן עזריאל׃²⁰ לבני אפרים הושׁע בן עזזיהו לחצי שׁבט מנשׁה יואל בן פדיהו׃²¹ לחצי המנשׁה גלעדה ידו בן זכריהו לבנימן יעשׂיאל בן אבנר׃²² לדן עזראל בן ירחם אלה שׂרי שׁבטי ישׂראל׃

¹ ואלה שׁמות השׁבטים מקצה צפונה אל יד דרך חתלן לבוא חמת חצר עינן גבול דמשׂק צפונה אל יד חמת והיו לו פאת קדים הים דן אחד׃² ועל גבול דן מפאת קדים עד פאת ימה אשׁר אחד׃³ ועל גבול אשׁר מפאת קדימה ועד פאת ימה נפתלי אחד׃⁴ ועל גבול נפתלי מפאת קדמה עד פאת ימה מנשׁה אחד׃⁵ ועל גבול מנשׁה מפאת קדמה עד פאת ימה אפרים אחד׃⁶ ועל גבול אפרים מפאת קדים ועד פאת ימה ראובן אחד׃⁷ ועל גבול ראובן מפאת קדים עד פאת ימה יהודה אחד׃⁸ ועל גבול יהודה מפאת קדים עד פאת ימה תהיה התרומה אשׁר תרימו חמשׁה ועשׂרים אלף רחב וארך כאחד החלקים מפאת קדימה עד פאת ימה והיה המקדשׁ בתוכו׃⁹ התרומה אשׁר תרימו ליהוה ארך חמשׁה ועשׂרים אלף ורחב עשׂרת אלפים׃¹⁰ ולאלה תהיה תרומת הקדשׁ לכהנים צפונה חמשׁה ועשׂרים אלף וימה רחב עשׂרת אלפים וקדימה רחב עשׂרת אלפים ונגבה ארך חמשׁה ועשׂרים אלף והיה מקדשׁ יהוה בתוכו׃¹¹ לכהנים המקדשׁ מבני צדוק אשׁר שׁמרו משׁמרתי אשׁר לא תעו בתעות בני ישׂראל כאשׁר תעו הלוים׃¹² והיתה להם תרומיה מתרומת הארץ קדשׁ קדשׁים אל גבול הלוים׃¹³ והלוים לעמת גבול הכהנים חמשׁה ועשׂרים אלף ארך ורחב עשׂרת אלפים כל ארך חמשׁה ועשׂרים אלף ורחב עשׂרת אלפים׃¹⁴ ולא ימכרו ממנו ולא ימר ולא יעבור ראשׁית הארץ כי קדשׁ ליהוה׃¹⁵ וחמשׁת אלפים הנותר ברחב על פני חמשׁה ועשׂרים אלף חל הוא לעיר למושׁב ולמגרשׁ והיתה העיר בתוכה׃¹⁶ ואלה מדותיה פאת צפון חמשׁ מאות וארבעת אלפים ופאת נגב חמשׁ חמשׁ מאות וארבעת אלפים ומפאת קדים חמשׁ מאות וארבעת אלפים ופאת ימה חמשׁ מאות וארבעת אלפים׃¹⁷ והיה מגרשׁ לעיר צפונה חמשׁים ומאתים ונגבה חמשׁים ומאתים וקדימה חמשׁים ומאתים וימה חמשׁים ומאתים׃¹⁸ והנותר בארך לעמת תרומת הקדשׁ עשׂרת אלפים קדימה ועשׂרת אלפים ימה והיה לעמת תרומת הקדשׁ והיתה תבואתה ללחם לעבדי העיר׃¹⁹ והעבד העיר יעבדוהו מכל שׁבטי ישׂראל׃²⁰ כל התרומה חמשׁה ועשׂרים אלף בחמשׁה ועשׂרים אלף רביעית תרימו את תרומת הקדשׁ אל אחזת העיר׃²¹ והנותר לנשׂיא מזה ומזה לתרומת הקדשׁ ולאחזת העיר אל פני חמשׁה ועשׂרים אלף תרומה עד גבול קדימה וימה על פני חמשׁה ועשׂרים אלף על גבול ימה לעמת חלקים לנשׂיא והיתה תרומת הקדשׁ ומקדשׁ הבית בתוכה׃²² ומאחזת הלוים ומאחזת העיר בתוך אשׁר לנשׂיא יהיה בין גבול יהודה ובין גבול בנימן לנשׂיא יהיה׃²³ ויתר השׁבטים מפאת קדימה עד פאת ימה בנימן אחד׃²⁴ ועל גבול בנימן מפאת קדימה עד פאת ימה שׁמעון אחד׃²⁵ ועל גבול שׁמעון מפאת קדימה עד פאת ימה ישׂשכר אחד׃²⁶ ועל גבול ישׂשכר מפאת קדימה עד פאת ימה זבולן אחד׃²⁷ ועל גבול זבולן מפאת קדמה עד פאת ימה גד אחד׃²⁸ ועל גבול גד אל פאת נגב תימנה והיה גבול מתמר מי מריבת קדשׁ נחלה על הים הגדול׃²⁹ זאת הארץ אשׁר תפילו מנחלה לשׁבטי ישׂראל ואלה מחלקותם נאם אדני יהוה׃³⁰ ואלה תוצאת העיר מפאת צפון חמשׁ מאות וארבעת אלפים מדה׃³¹ ושׁערי העיר על שׁמות שׁבטי ישׂראל שׁערים שׁלושׁה צפונה שׁער ראובן אחד שׁער יהודה אחד שׁער לוי אחד׃³² ואל פאת קדימה חמשׁ מאות וארבעת אלפים ושׁערים שׁלשׁה ושׁער יוסף אחד שׁער בנימן אחד שׁער דן אחד׃³³ ופאת נגבה חמשׁ מאות וארבעת אלפים מדה ושׁערים שׁלשׁה שׁער שׁמעון אחד שׁער ישׂשכר אחד שׁער זבולן אחד׃³⁴ פאת ימה חמשׁ מאות וארבעת אלפים שׁעריהם שׁלשׁה שׁער גד אחד שׁער אשׁר אחד שׁער נפתלי אחד׃³⁵ סביב שׁמנה עשׂר אלף ושׁם העיר מיום יהוה שׁמה׃

¹⁸ ותאמר לאה נתן אלהים שׂכרי אשׁר נתתי שׁפחתי לאישׁי ותקרא שׁמו ישׂשכר׃¹⁹ ותהר עוד לאה ותלד בן שׁשׁי ליעקב׃²⁰ ותאמר לאה זבדני אלהים אתי זבד טוב הפעם יזבלני אישׁי כי ילדתי לו שׁשׁה בנים ותקרא את שׁמו זבלון׃

² וישׂם את השׁפחות ואת ילדיהן ראשׁנה ואת לאה וילדיה אחרנים ואת רחל ואת יוסף אחרנים׃

⁸ ואלה שׁמות בני ישׂראל הבאים מצרימה יעקב ובניו בכר יעקב ראובן׃⁹ ובני ראובן חנוך ופלוא וחצרן וכרמי׃¹⁰ ובני שׁמעון ימואל וימין ואהד ויכין וצחר ושׁאול בן הכנענית׃¹¹ ובני לוי גרשׁון קהת ומררי׃¹² ובני יהודה ער ואונן ושׁלה ופרץ וזרח וימת ער ואונן בארץ כנען ויהיו בני פרץ חצרן וחמול׃¹³ ובני ישׂשכר תולע ופוה ויוב ושׁמרן׃¹⁴ ובני זבלון סרד ואלון ויחלאל׃¹⁵ אלה בני לאה אשׁר ילדה ליעקב בפדן ארם ואת דינה בתו כל נפשׁ בניו ובנותיו שׁלשׁים ושׁלשׁ׃

² ראובן שׁמעון לוי ויהודה׃³ ישׂשכר זבולן ובנימן׃⁴ דן ונפתלי גד ואשׁר׃

¹⁶ ויסעו מבית אל ויהי עוד כברת הארץ לבוא אפרתה ותלד רחל ותקשׁ בלדתה׃¹⁷ ויהי בהקשׁתה בלדתה ותאמר לה המילדת אל תיראי כי גם זה לך בן׃¹⁸ ויהי בצאת נפשׁה כי מתה ותקרא שׁמו בן אוני ואביו קרא לו בנימין׃

¹⁹ בני רחל אשׁת יעקב יוסף ובנימן׃²⁰ ויולד ליוסף בארץ מצרים אשׁר ילדה לו אסנת בת פוטי פרע כהן אן את מנשׁה ואת אפרים׃²¹ ובני בנימן בלע ובכר ואשׁבל גרא ונעמן אחי וראשׁ מפים וחפים וארד׃²² אלה בני רחל אשׁר ילד ליעקב כל נפשׁ ארבעה עשׂר׃

⁴ ותתן לו את בלהה שׁפחתה לאשׁה ויבא אליה יעקב׃⁵ ותהר בלהה ותלד ליעקב בן׃⁶ ותאמר רחל דנני אלהים וגם שׁמע בקלי ויתן לי בן על כן קראה שׁמו דן׃⁷ ותהר עוד ותלד בלהה שׁפחת רחל בן שׁני ליעקב׃⁸ ותאמר רחל נפתולי אלהים נפתלתי עם אחתי גם יכלתי ותקרא שׁמו נפתלי׃

² אלה תלדות יעקב יוסף בן שׁבע עשׂרה שׁנה היה רעה את אחיו בצאן והוא נער את בני בלהה ואת בני זלפה נשׁי אביו ויבא יוסף את דבתם רעה אל אביהם׃

²³ ובני דן חשׁים׃²⁴ ובני נפתלי יחצאל וגוני ויצר ושׁלם׃²⁵ אלה בני בלהה אשׁר נתן לבן לרחל בתו ותלד את אלה ליעקב כל נפשׁ שׁבעה׃

²⁰ ויהי יצחק בן ארבעים שׁנה בקחתו את רבקה בת בתואל הארמי מפדן ארם אחות לבן הארמי לו לאשׁה׃

² קום לך פדנה ארם ביתה בתואל אבי אמך וקח לך משׁם אשׁה מבנות לבן אחי אמך׃

⁹ ותרא לאה כי עמדה מלדת ותקח את זלפה שׁפחתה ותתן אתה ליעקב לאשׁה׃¹⁰ ותלד זלפה שׁפחת לאה ליעקב בן׃¹¹ ותאמר לאה בגד ותקרא את שׁמו גד׃¹² ותלד זלפה שׁפחת לאה בן שׁני ליעקב׃¹³ ותאמר לאה באשׁרי כי אשׁרוני בנות ותקרא את שׁמו אשׁר׃

¹⁸ וינהג את כל מקנהו ואת כל רכשׁו אשׁר רכשׁ מקנה קנינו אשׁר רכשׁ בפדן ארם לבוא אל יצחק אביו ארצה כנען׃

¹⁶ ובני גד צפיון וחגי שׁוני ואצבן ערי וארודי ואראלי׃¹⁷ ובני אשׁר ימנה וישׁוה וישׁוי ובריעה ושׂרח אחתם ובני בריעה חבר ומלכיאל׃¹⁸ אלה בני זלפה אשׁר נתן לבן ללאה בתו ותלד את אלה ליעקב שׁשׁ עשׂרה נפשׁ׃

¹⁸ ויאהל אברם ויבא וישׁב באלני ממרא אשׁר בחברון ויבן שׁם מזבח ליהוה׃

¹³ ויבא הפליט ויגד לאברם העברי והוא שׁכן באלני ממרא האמרי אחי אשׁכל ואחי ענר והם בעלי ברית אברם׃

² ותמת שׂרה בקרית ארבע הוא חברון בארץ כנען ויבא אברהם לספד לשׂרה ולבכתה׃

¹⁹ ואחרי כן קבר אברהם את שׂרה אשׁתו אל מערת שׂדה המכפלה על פני ממרא הוא חברון בארץ כנען׃

⁵ וישׁלח יצחק את יעקב וילך פדנה ארם אל לבן בן בתואל הארמי אחי רבקה אם יעקב ועשׂו׃

¹² ועתה תנה לי את ההר הזה אשׁר דבר יהוה ביום ההוא כי אתה שׁמעת ביום ההוא כי ענקים שׁם וערים גדלות בצרות אולי יהוה אותי והורשׁתים כאשׁר דבר יהוה׃¹³ ויברכהו יהושׁע ויתן את חברון לכלב בן יפנה לנחלה׃¹⁴ על כן היתה חברון לכלב בן יפנה הקנזי לנחלה עד היום הזה יען אשׁר מלא אחרי יהוה אלהי ישׂראל׃¹⁵ ושׁם חברון לפנים קרית ארבע האדם הגדול בענקים הוא והארץ שׁקטה ממלחמה׃

¹³ ולכלב בן יפנה נתן חלק בתוך בני יהודה אל פי יהוה ליהושׁע את קרית ארבע אבי הענק היא חברון׃

¹¹ ויתנו להם את קרית ארבע אבי הענוק היא חברון בהר יהודה ואת מגרשׁה סביבתיה׃

¹ ויהי אחרי כן וישׁאל דוד ביהוה לאמר האעלה באחת ערי יהודה ויאמר יהוה אליו עלה ויאמר דוד אנה אעלה ויאמר חברנה׃

³ ואנשׁיו אשׁר עמו העלה דוד אישׁ וביתו וישׁבו בערי חברון׃

¹¹ ויהי מספר הימים אשׁר היה דוד מלך בחברון על בית יהודה שׁבע שׁנים ושׁשׁה חדשׁים׃

¹ ויבאו כל שׁבטי ישׂראל אל דוד חברונה ויאמרו לאמר הננו עצמך ובשׂרך אנחנו׃

³ ויבאו כל זקני ישׂראל אל המלך חברונה ויכרת להם המלך דוד ברית בחברון לפני יהוה וימשׁחו את דוד למלך על ישׂראל׃

⁵ בחברון מלך על יהודה שׁבע שׁנים ושׁשׁה חדשׁים ובירושׁלם מלך שׁלשׁים ושׁלשׁ שׁנה על כל ישׂראל ויהודה׃

⁷ ואלה ימי שׁני חיי אברהם אשׁר חי מאת שׁנה ושׁבעים שׁנה וחמשׁ שׁנים׃

²⁸ ויחי יעקב בארץ מצרים שׁבע עשׂרה שׁנה ויהי ימי יעקב שׁני חייו שׁבע שׁנים וארבעים ומאת שׁנה׃

²⁶ וימת יוסף בן מאה ועשׂר שׁנים ויחנטו אתו ויישׂם בארון במצרים׃

¹⁹ בזעת אפיך תאכל לחם עד שׁובך אל האדמה כי ממנה לקחת כי עפר אתה ואל עפר תשׁוב׃

¹⁵ ואתה תבוא אל אבתיך בשׁלום תקבר בשׂיבה טובה׃

¹⁹ ואחרי כן קבר אברהם את שׂרה אשׁתו אל מערת שׂדה המכפלה על פני ממרא הוא חברון בארץ כנען׃²⁰ ויקם השׂדה והמערה אשׁר בו לאברהם לאחזת קבר מאת בני חת׃

⁷ ואלה ימי שׁני חיי אברהם אשׁר חי מאת שׁנה ושׁבעים שׁנה וחמשׁ שׁנים׃⁸ ויגוע וימת אברהם בשׂיבה טובה זקן ושׂבע ויאסף אל עמיו׃⁹ ויקברו אתו יצחק וישׁמעאל בניו אל מערת המכפלה אל שׂדה עפרן בן צחר החתי אשׁר על פני ממרא׃

¹⁷ ואלה שׁני חיי ישׁמעאל מאת שׁנה ושׁלשׁים שׁנה ושׁבע שׁנים ויגוע וימת ויאסף אל עמיו׃

¹ ויהי כי זקן יצחק ותכהין עיניו מראת ויקרא את עשׂו בנו הגדל ויאמר אליו בני ויאמר אליו הנני׃² ויאמר הנה נא זקנתי לא ידעתי יום מותי׃

⁴¹ וישׂטם עשׂו את יעקב על הברכה אשׁר ברכו אביו ויאמר עשׂו בלבו יקרבו ימי אבל אבי ואהרגה את יעקב אחי׃

³¹ שׁמה קברו את אברהם ואת שׂרה אשׁתו שׁמה קברו את יצחק ואת רבקה אשׁתו ושׁמה קברתי את לאה׃

³³ ויכל יעקב לצות את בניו ויאסף רגליו אל המטה ויגוע ויאסף אל עמיו׃

²⁶ תבוא בכלח אלי קבר כעלות גדישׁ בעתו׃

⁵ גם מגבה יראו וחתחתים בדרך וינאץ השׁקד ויסתבל החגב ותפר האביונה כי הלך האדם אל בית עולמו וסבבו בשׁוק הספדים׃⁶ עד אשׁר לא ירחק חבל הכסף ותרץ גלת הזהב ותשׁבר כד על המבוע ונרץ הגלגל אל הבור׃⁷ וישׁב העפר על הארץ כשׁהיה והרוח תשׁוב אל האלהים אשׁר נתנה׃