1 ואלה תלדות עשׂו הוא אדום׃2 עשׂו לקח את נשׁיו מבנות כנען את עדה בת אילון החתי ואת אהליבמה בת ענה בת צבעון החוי׃3 ואת בשׂמת בת ישׁמעאל אחות נביות׃4 ותלד עדה לעשׂו את אליפז ובשׂמת ילדה את רעואל׃5 ואהליבמה ילדה את יעישׁ ואת יעלם ואת קרח אלה בני עשׂו אשׁר ילדו לו בארץ כנען׃6 ויקח עשׂו את נשׁיו ואת בניו ואת בנתיו ואת כל נפשׁות ביתו ואת מקנהו ואת כל בהמתו ואת כל קנינו אשׁר רכשׁ בארץ כנען וילך אל ארץ מפני יעקב אחיו׃7 כי היה רכושׁם רב משׁבת יחדו ולא יכלה ארץ מגוריהם לשׂאת אתם מפני מקניהם׃8 וישׁב עשׂו בהר שׂעיר עשׂו הוא אדום׃9 ואלה תלדות עשׂו אבי אדום בהר שׂעיר׃10 אלה שׁמות בני עשׂו אליפז בן עדה אשׁת עשׂו רעואל בן בשׂמת אשׁת עשׂו׃11 ויהיו בני אליפז תימן אומר צפו וגעתם וקנז׃12 ותמנע היתה פילגשׁ לאליפז בן עשׂו ותלד לאליפז את עמלק אלה בני עדה אשׁת עשׂו׃13 ואלה בני רעואל נחת וזרח שׁמה ומזה אלה היו בני בשׂמת אשׁת עשׂו׃14 ואלה היו בני אהליבמה בת ענה בת צבעון אשׁת עשׂו ותלד לעשׂו את יעישׁ ואת יעלם ואת קרח׃15 אלה אלופי בני עשׂו בני אליפז בכור עשׂו אלוף תימן אלוף אומר אלוף צפו אלוף קנז׃16 אלוף קרח אלוף געתם אלוף עמלק אלה אלופי אליפז בארץ אדום אלה בני עדה׃17 ואלה בני רעואל בן עשׂו אלוף נחת אלוף זרח אלוף שׁמה אלוף מזה אלה אלופי רעואל בארץ אדום אלה בני בשׂמת אשׁת עשׂו׃18 ואלה בני אהליבמה אשׁת עשׂו אלוף יעושׁ אלוף יעלם אלוף קרח אלה אלופי אהליבמה בת ענה אשׁת עשׂו׃19 אלה בני עשׂו ואלה אלופיהם הוא אדום׃20 אלה בני שׂעיר החרי ישׁבי הארץ לוטן ושׁובל וצבעון וענה׃21 ודשׁון ואצר ודישׁן אלה אלופי החרי בני שׂעיר בארץ אדום׃22 ויהיו בני לוטן חרי והימם ואחות לוטן תמנע׃23 ואלה בני שׁובל עלון ומנחת ועיבל שׁפו ואונם׃24 ואלה בני צבעון ואיה וענה הוא ענה אשׁר מצא את הימם במדבר ברעתו את החמרים לצבעון אביו׃25 ואלה בני ענה דשׁן ואהליבמה בת ענה׃26 ואלה בני דישׁן חמדן ואשׁבן ויתרן וכרן׃27 אלה בני אצר בלהן וזעון ועקן׃28 אלה בני דישׁן עוץ וארן׃29 אלה אלופי החרי אלוף לוטן אלוף שׁובל אלוף צבעון אלוף ענה׃30 אלוף דשׁן אלוף אצר אלוף דישׁן אלה אלופי החרי לאלפיהם בארץ שׂעיר׃31 ואלה המלכים אשׁר מלכו בארץ אדום לפני מלך מלך לבני ישׂראל׃32 וימלך באדום בלע בן בעור ושׁם עירו דנהבה׃33 וימת בלע וימלך תחתיו יובב בן זרח מבצרה׃34 וימת יובב וימלך תחתיו חשׁם מארץ התימני׃35 וימת חשׁם וימלך תחתיו הדד בן בדד המכה את מדין בשׂדה מואב ושׁם עירו עוית׃36 וימת הדד וימלך תחתיו שׂמלה ממשׂרקה׃37 וימת שׂמלה וימלך תחתיו שׁאול מרחבות הנהר׃38 וימת שׁאול וימלך תחתיו בעל חנן בן עכבור׃39 וימת בעל חנן בן עכבור וימלך תחתיו הדר ושׁם עירו פעו ושׁם אשׁתו מהיטבאל בת מטרד בת מי זהב׃40 ואלה שׁמות אלופי עשׂו למשׁפחתם למקמתם בשׁמתם אלוף תמנע אלוף עלוה אלוף יתת׃41 אלוף אהליבמה אלוף אלה אלוף פינן׃42 אלוף קנז אלוף תימן אלוף מבצר׃43 אלוף מגדיאל אלוף עירם אלה אלופי אדום למשׁבתם בארץ אחזתם הוא עשׂו אבי אדום׃
Genesis 36 Cross References - HOT
Genesis 22:17
17 כי ברך אברכך והרבה ארבה את זרעך ככוכבי השׁמים וכחול אשׁר על שׂפת הים וירשׁ זרעך את שׁער איביו׃
Genesis 25:24-34
24 וימלאו ימיה ללדת והנה תומם בבטנה׃25 ויצא הראשׁון אדמוני כלו כאדרת שׂער ויקראו שׁמו עשׂו׃26 ואחרי כן יצא אחיו וידו אחזת בעקב עשׂו ויקרא שׁמו יעקב ויצחק בן שׁשׁים שׁנה בלדת אתם׃27 ויגדלו הנערים ויהי עשׂו אישׁ ידע ציד אישׁ שׂדה ויעקב אישׁ תם ישׁב אהלים׃28 ויאהב יצחק את עשׂו כי ציד בפיו ורבקה אהבת את יעקב׃29 ויזד יעקב נזיד ויבא עשׂו מן השׂדה והוא עיף׃30 ויאמר עשׂו אל יעקב הלעיטני נא מן האדם האדם הזה כי עיף אנכי על כן קרא שׁמו אדום׃31 ויאמר יעקב מכרה כיום את בכרתך׃32 ויאמר עשׂו הנה אנכי הולך למות ולמה זה לי בכרה׃33 ויאמר יעקב השׁבעה לי כיום וישׁבע לו וימכר את בכרתו ליעקב׃34 ויעקב נתן לעשׂו לחם ונזיד עדשׁים ויאכל וישׁת ויקם וילך ויבז עשׂו את הבכרה׃
Genesis 27:35-41
35 ויאמר בא אחיך במרמה ויקח ברכתך׃36 ויאמר הכי קרא שׁמו יעקב ויעקבני זה פעמים את בכרתי לקח והנה עתה לקח ברכתי ויאמר הלא אצלת לי ברכה׃37 ויען יצחק ויאמר לעשׂו הן גביר שׂמתיו לך ואת כל אחיו נתתי לו לעבדים ודגן ותירשׁ סמכתיו ולכה אפוא מה אעשׂה בני׃38 ויאמר עשׂו אל אביו הברכה אחת הוא לך אבי ברכני גם אני אבי וישׂא עשׂו קלו ויבך׃39 ויען יצחק אביו ויאמר אליו הנה משׁמני הארץ יהיה מושׁבך ומטל השׁמים מעל׃40 ועל חרבך תחיה ואת אחיך תעבד והיה כאשׁר תריד ופרקת עלו מעל צוארך׃41 וישׂטם עשׂו את יעקב על הברכה אשׁר ברכו אביו ויאמר עשׂו בלבו יקרבו ימי אבל אבי ואהרגה את יעקב אחי׃
Genesis 32:3-7
3 (32:4) וישׁלח יעקב מלאכים לפניו אל עשׂו אחיו ארצה שׂעיר שׂדה אדום׃4 (32:5) ויצו אתם לאמר כה תאמרון לאדני לעשׂו כה אמר עבדך יעקב עם לבן גרתי ואחר עד עתה׃5 (32:6) ויהי לי שׁור וחמור צאן ועבד ושׁפחה ואשׁלחה להגיד לאדני למצא חן בעיניך׃6 (32:7) וישׁבו המלאכים אל יעקב לאמר באנו אל אחיך אל עשׂו וגם הלך לקראתך וארבע מאות אישׁ עמו׃7 (32:8) ויירא יעקב מאד ויצר לו ויחץ את העם אשׁר אתו ואת הצאן ואת הבקר והגמלים לשׁני מחנות׃
Numbers 20:14-21
14 וישׁלח משׁה מלאכים מקדשׁ אל מלך אדום כה אמר אחיך ישׂראל אתה ידעת את כל התלאה אשׁר מצאתנו׃15 וירדו אבתינו מצרימה ונשׁב במצרים ימים רבים וירעו לנו מצרים ולאבתינו׃16 ונצעק אל יהוה וישׁמע קלנו וישׁלח מלאך ויצאנו ממצרים והנה אנחנו בקדשׁ עיר קצה גבולך׃17 נעברה נא בארצך לא נעבר בשׂדה ובכרם ולא נשׁתה מי באר דרך המלך נלך לא נטה ימין ושׂמאול עד אשׁר נעבר גבלך׃18 ויאמר אליו אדום לא תעבר בי פן בחרב אצא לקראתך׃19 ויאמרו אליו בני ישׂראל במסלה נעלה ואם מימיך נשׁתה אני ומקני ונתתי מכרם רק אין דבר ברגלי אעברה׃20 ויאמר לא תעבר ויצא אדום לקראתו בעם כבד וביד חזקה׃21 וימאן אדום נתן את ישׂראל עבר בגבלו ויט ישׂראל מעליו׃
Deuteronomy 23:7
7 (23:8) לא תתעב אדמי כי אחיך הוא לא תתעב מצרי כי גר היית בארצו׃
1 Chronicles 1:35
35 בני עשׂו אליפז רעואל ויעושׁ ויעלם וקרח׃
Isaiah 63:1
1 מי זה בא מאדום חמוץ בגדים מבצרה זה הדור בלבושׁו צעה ברב כחו אני מדבר בצדקה רב להושׁיע׃
Ezekiel 25:12
12 כה אמר אדני יהוה יען עשׂות אדום בנקם נקם לבית יהודה ויאשׁמו אשׁום ונקמו׃
Genesis 9:25
25 ויאמר ארור כנען עבד עבדים יהיה לאחיו׃
Genesis 26:34-35
Genesis 27:46
46 ותאמר רבקה אל יצחק קצתי בחיי מפני בנות חת אם לקח יעקב אשׁה מבנות חת כאלה מבנות הארץ למה לי חיים׃
Genesis 28:9
9 וילך עשׂו אל ישׁמעאל ויקח את מחלת בת ישׁמעאל בן אברהם אחות נביות על נשׁיו לו לאשׁה׃
Genesis 36:25
25 ואלה בני ענה דשׁן ואהליבמה בת ענה׃
Genesis 25:13
13 ואלה שׁמות בני ישׁמעאל בשׁמתם לתולדתם בכר ישׁמעאל נבית וקדר ואדבאל ומבשׂם׃
Exodus 2:18
18 ותבאנה אל רעואל אביהן ויאמר מדוע מהרתן בא היום׃
Numbers 10:29
29 ויאמר משׁה לחבב בן רעואל המדיני חתן משׁה נסעים אנחנו אל המקום אשׁר אמר יהוה אתו אתן לכם לכה אתנו והטבנו לך כי יהוה דבר טוב על ישׂראל׃
Job 2:11
11 וישׁמעו שׁלשׁת רעי איוב את כל הרעה הזאת הבאה עליו ויבאו אישׁ ממקמו אליפז התימני ובלדד השׁוחי וצופר הנעמתי ויועדו יחדו לבוא לנוד לו ולנחמו׃
Genesis 35:29
29 ויגוע יצחק וימת ויאסף אל עמיו זקן ושׂבע ימים ויקברו אתו עשׂו ויעקב בניו׃
Genesis 12:5
5 ויקח אברם את שׂרי אשׁתו ואת לוט בן אחיו ואת כל רכושׁם אשׁר רכשׁו ואת הנפשׁ אשׁר עשׂו בחרן ויצאו ללכת ארצה כנען ויבאו ארצה כנען׃
Genesis 13:6
6 ולא נשׂא אתם הארץ לשׁבת יחדו כי היה רכושׁם רב ולא יכלו לשׁבת יחדו׃
Genesis 13:11
11 ויבחר לו לוט את כל ככר הירדן ויסע לוט מקדם ויפרדו אישׁ מעל אחיו׃
Genesis 17:8
8 ונתתי לך ולזרעך אחריך את ארץ מגריך את כל ארץ כנען לאחזת עולם והייתי להם לאלהים׃
Genesis 25:23
23 ויאמר יהוה לה שׁני גיים בבטנך ושׁני לאמים ממעיך יפרדו ולאם מלאם יאמץ ורב יעבד צעיר׃
Genesis 28:4
4 ויתן לך את ברכת אברהם לך ולזרעך אתך לרשׁתך את ארץ מגריך אשׁר נתן אלהים לאברהם׃
Genesis 32:3
3 (32:4) וישׁלח יעקב מלאכים לפניו אל עשׂו אחיו ארצה שׂעיר שׂדה אדום׃
Ezekiel 27:13
13 יון תבל ומשׁך המה רכליך בנפשׁ אדם וכלי נחשׁת נתנו מערבך׃
Genesis 14:6
6 ואת החרי בהררם שׂעיר עד איל פארן אשׁר על המדבר׃
Genesis 36:1
1 ואלה תלדות עשׂו הוא אדום׃
Genesis 36:19-20
Deuteronomy 2:5
5 אל תתגרו בם כי לא אתן לכם מארצם עד מדרך כף רגל כי ירשׁה לעשׂו נתתי את הר שׂעיר׃
Joshua 24:4
4 ואתן ליצחק את יעקב ואת עשׂו ואתן לעשׂו את הר שׂעיר לרשׁת אותו ויעקב ובניו ירדו מצרים׃
1 Chronicles 4:42
42 ומהם מן בני שׁמעון הלכו להר שׂעיר אנשׁים חמשׁ מאות ופלטיה ונעריה ורפיה ועזיאל בני ישׁעי בראשׁם׃
2 Chronicles 20:10
10 ועתה הנה בני עמון ומואב והר שׂעיר אשׁר לא נתתה לישׂראל לבוא בהם בבאם מארץ מצרים כי סרו מעליהם ולא השׁמידום׃
2 Chronicles 20:23
23 ויעמדו בני עמון ומואב על ישׁבי הר שׂעיר להחרים ולהשׁמיד וככלותם ביושׁבי שׂעיר עזרו אישׁ ברעהו למשׁחית׃
Ezekiel 35:2-7
2 בן אדם שׂים פניך על הר שׂעיר והנבא עליו׃3 ואמרת לו כה אמר אדני יהוה הנני אליך הר שׂעיר ונטיתי ידי עליך ונתתיך שׁממה ומשׁמה׃4 עריך חרבה אשׂים ואתה שׁממה תהיה וידעת כי אני יהוה׃5 יען היות לך איבת עולם ותגר את בני ישׂראל על ידי חרב בעת אידם בעת עון קץ׃6 לכן חי אני נאם אדני יהוה כי לדם אעשׂך ודם ירדפך אם לא דם שׂנאת ודם ירדפך׃7 ונתתי את הר שׂעיר לשׁממה ושׁממה והכרתי ממנו עבר ושׁב׃
Malachi 1:3
3 ואת עשׂו שׂנאתי ואשׂים את הריו שׁממה ואת נחלתו לתנות מדבר׃
Genesis 19:37
37 ותלד הבכירה בן ותקרא שׁמו מואב הוא אבי מואב עד היום׃
Genesis 36:3-4
1 Chronicles 1:35-54
35 בני עשׂו אליפז רעואל ויעושׁ ויעלם וקרח׃36 בני אליפז תימן ואומר צפי וגעתם קנז ותמנע ועמלק׃37 בני רעואל נחת זרח שׁמה ומזה׃38 ובני שׂעיר לוטן ושׁובל וצבעון וענה ודישׁן ואצר ודישׁן׃39 ובני לוטן חרי והומם ואחות לוטן תמנע׃40 בני שׁובל עלין ומנחת ועיבל שׁפי ואונם ובני צבעון איה וענה׃41 בני ענה דישׁון ובני דישׁון חמרן ואשׁבן ויתרן וכרן׃42 בני אצר בלהן וזעון יעקן בני דישׁון עוץ וארן׃43 ואלה המלכים אשׁר מלכו בארץ אדום לפני מלך מלך לבני ישׂראל בלע בן בעור ושׁם עירו דנהבה׃44 וימת בלע וימלך תחתיו יובב בן זרח מבצרה׃45 וימת יובב וימלך תחתיו חושׁם מארץ התימני׃46 וימת חושׁם וימלך תחתיו הדד בן בדד המכה את מדין בשׂדה מואב ושׁם עירו עיות׃47 וימת הדד וימלך תחתיו שׂמלה ממשׂרקה׃48 וימת שׂמלה וימלך תחתיו שׁאול מרחבות הנהר׃49 וימת שׁאול וימלך תחתיו בעל חנן בן עכבור׃50 וימת בעל חנן וימלך תחתיו הדד ושׁם עירו פעי ושׁם אשׁתו מהיטבאל בת מטרד בת מי זהב׃51 וימת הדד ויהיו אלופי אדום אלוף תמנע אלוף עליה אלוף יתת׃52 אלוף אהליבמה אלוף אלה אלוף פינן׃53 אלוף קנז אלוף תימן אלוף מבצר׃54 אלוף מגדיאל אלוף עירם אלה אלופי אדום׃
Genesis 36:15-16
1 Chronicles 1:35-36
Genesis 14:7
7 וישׁבו ויבאו אל עין משׁפט הוא קדשׁ ויכו את כל שׂדה העמלקי וגם את האמרי הישׁב בחצצן תמר׃
Genesis 36:22
22 ויהיו בני לוטן חרי והימם ואחות לוטן תמנע׃
Exodus 17:8-16
8 ויבא עמלק וילחם עם ישׂראל ברפידם׃9 ויאמר משׁה אל יהושׁע בחר לנו אנשׁים וצא הלחם בעמלק מחר אנכי נצב על ראשׁ הגבעה ומטה האלהים בידי׃10 ויעשׂ יהושׁע כאשׁר אמר לו משׁה להלחם בעמלק ומשׁה אהרן וחור עלו ראשׁ הגבעה׃11 והיה כאשׁר ירים משׁה ידו וגבר ישׂראל וכאשׁר יניח ידו וגבר עמלק׃12 וידי משׁה כבדים ויקחו אבן וישׂימו תחתיו וישׁב עליה ואהרן וחור תמכו בידיו מזה אחד ומזה אחד ויהי ידיו אמונה עד בא השׁמשׁ׃13 ויחלשׁ יהושׁע את עמלק ואת עמו לפי חרב׃14 ויאמר יהוה אל משׁה כתב זאת זכרון בספר ושׂים באזני יהושׁע כי מחה אמחה את זכר עמלק מתחת השׁמים׃15 ויבן משׁה מזבח ויקרא שׁמו יהוה נסי׃16 ויאמר כי יד על כס יה מלחמה ליהוה בעמלק מדר דר׃
Numbers 24:18-20
Deuteronomy 25:17-19
1 Samuel 15:2-9
2 כה אמר יהוה צבאות פקדתי את אשׁר עשׂה עמלק לישׂראל אשׁר שׂם לו בדרך בעלתו ממצרים׃3 עתה לך והכיתה את עמלק והחרמתם את כל אשׁר לו ולא תחמל עליו והמתה מאישׁ עד אשׁה מעלל ועד יונק משׁור ועד שׂה מגמל ועד חמור׃4 וישׁמע שׁאול את העם ויפקדם בטלאים מאתים אלף רגלי ועשׂרת אלפים את אישׁ יהודה׃5 ויבא שׁאול עד עיר עמלק וירב בנחל׃6 ויאמר שׁאול אל הקיני לכו סרו רדו מתוך עמלקי פן אספך עמו ואתה עשׂיתה חסד עם כל בני ישׂראל בעלותם ממצרים ויסר קיני מתוך עמלק׃7 ויך שׁאול את עמלק מחוילה בואך שׁור אשׁר על פני מצרים׃8 ויתפשׂ את אגג מלך עמלק חי ואת כל העם החרים לפי חרב׃9 ויחמל שׁאול והעם על אגג ועל מיטב הצאן והבקר והמשׁנים ועל הכרים ועל כל הטוב ולא אבו החרימם וכל המלאכה נמבזה ונמס אתה החרימו׃
1 Chronicles 1:36
36 בני אליפז תימן ואומר צפי וגעתם קנז ותמנע ועמלק׃
Genesis 36:17
17 ואלה בני רעואל בן עשׂו אלוף נחת אלוף זרח אלוף שׁמה אלוף מזה אלה אלופי רעואל בארץ אדום אלה בני בשׂמת אשׁת עשׂו׃
1 Chronicles 1:37
37 בני רעואל נחת זרח שׁמה ומזה׃
Genesis 36:2
2 עשׂו לקח את נשׁיו מבנות כנען את עדה בת אילון החתי ואת אהליבמה בת ענה בת צבעון החוי׃
Genesis 36:5
5 ואהליבמה ילדה את יעישׁ ואת יעלם ואת קרח אלה בני עשׂו אשׁר ילדו לו בארץ כנען׃
Genesis 36:18
18 ואלה בני אהליבמה אשׁת עשׂו אלוף יעושׁ אלוף יעלם אלוף קרח אלה אלופי אהליבמה בת ענה אשׁת עשׂו׃
Genesis 36:4
4 ותלד עדה לעשׂו את אליפז ובשׂמת ילדה את רעואל׃
Genesis 36:11-12
Exodus 15:15
15 אז נבהלו אלופי אדום אילי מואב יאחזמו רעד נמגו כל ישׁבי כנען׃
1 Chronicles 1:45
45 וימת יובב וימלך תחתיו חושׁם מארץ התימני׃
Job 4:1
1 ויען אליפז התימני ויאמר׃
Job 21:8
8 זרעם נכון לפניהם עמם וצאצאיהם לעיניהם׃
Psalms 37:35
35 ראיתי רשׁע עריץ ומתערה כאזרח רענן׃
Jeremiah 49:7
7 לאדום כה אמר יהוה צבאות האין עוד חכמה בתימן אבדה עצה מבנים נסרחה חכמתם׃
Jeremiah 49:20
20 לכן שׁמעו עצת יהוה אשׁר יעץ אל אדום ומחשׁבותיו אשׁר חשׁב אל ישׁבי תימן אם לא יסחבום צעירי הצאן אם לא ישׁים עליהם נוהם׃
Ezekiel 25:13
13 לכן כה אמר אדני יהוה ונטתי ידי על אדום והכרתי ממנה אדם ובהמה ונתתיה חרבה מתימן ודדנה בחרב יפלו׃
Amos 1:12
12 ושׁלחתי אשׁ בתימן ואכלה ארמנות בצרה׃
Obadiah 1:9
9 וחתו גבוריך תימן למען יכרת אישׁ מהר עשׂו מקטל׃
Habakkuk 3:3
3 אלוה מתימן יבוא וקדושׁ מהר פארן סלה כסה שׁמים הודו ותהלתו מלאה הארץ׃
Genesis 36:13
Genesis 36:22-30
22 ויהיו בני לוטן חרי והימם ואחות לוטן תמנע׃23 ואלה בני שׁובל עלון ומנחת ועיבל שׁפו ואונם׃24 ואלה בני צבעון ואיה וענה הוא ענה אשׁר מצא את הימם במדבר ברעתו את החמרים לצבעון אביו׃25 ואלה בני ענה דשׁן ואהליבמה בת ענה׃26 ואלה בני דישׁן חמדן ואשׁבן ויתרן וכרן׃27 אלה בני אצר בלהן וזעון ועקן׃28 אלה בני דישׁן עוץ וארן׃29 אלה אלופי החרי אלוף לוטן אלוף שׁובל אלוף צבעון אלוף ענה׃30 אלוף דשׁן אלוף אצר אלוף דישׁן אלה אלופי החרי לאלפיהם בארץ שׂעיר׃
Deuteronomy 2:12
12 ובשׂעיר ישׁבו החרים לפנים ובני עשׂו יירשׁום וישׁמידום מפניהם וישׁבו תחתם כאשׁר עשׂה ישׂראל לארץ ירשׁתו אשׁר נתן יהוה׃
Deuteronomy 2:22
22 כאשׁר עשׂה לבני עשׂו הישׁבים בשׂעיר אשׁר השׁמיד את החרי מפניהם ויירשׁם וישׁבו תחתם עד היום הזה׃
1 Chronicles 1:38-42
1 Chronicles 1:39
Leviticus 19:19
19 את חקתי תשׁמרו בהמתך לא תרביע כלאים שׂדך לא תזרע כלאים ובגד כלאים שׁעטנז לא יעלה עליך׃
Deuteronomy 2:10
10 האמים לפנים ישׁבו בה עם גדול ורב ורם כענקים׃
2 Samuel 13:29
29 ויעשׂו נערי אבשׁלום לאמנון כאשׁר צוה אבשׁלום ויקמו כל בני המלך וירכבו אישׁ על פרדו וינסו׃
2 Samuel 18:9
9 ויקרא אבשׁלום לפני עבדי דוד ואבשׁלום רכב על הפרד ויבא הפרד תחת שׂובך האלה הגדולה ויחזק ראשׁו באלה ויתן בין השׁמים ובין הארץ והפרד אשׁר תחתיו עבר׃
1 Kings 1:38
38 וירד צדוק הכהן ונתן הנביא ובניהו בן יהוידע והכרתי והפלתי וירכבו את שׁלמה על פרדת המלך דוד וילכו אתו על גחון׃
1 Kings 1:44
44 וישׁלח אתו המלך את צדוק הכהן ואת נתן הנביא ובניהו בן יהוידע והכרתי והפלתי וירכבו אתו על פרדת המלך׃
1 Kings 4:28
28 (5:8) והשׂערים והתבן לסוסים ולרכשׁ יבאו אל המקום אשׁר יהיה שׁם אישׁ כמשׁפטו׃
Zechariah 14:15
15 וכן תהיה מגפת הסוס הפרד הגמל והחמור וכל הבהמה אשׁר יהיה במחנות ההמה כמגפה הזאת׃
1 Chronicles 1:41
41 בני ענה דישׁון ובני דישׁון חמרן ואשׁבן ויתרן וכרן׃
Genesis 36:21
21 ודשׁון ואצר ודישׁן אלה אלופי החרי בני שׂעיר בארץ אדום׃
1 Chronicles 1:38
38 ובני שׂעיר לוטן ושׁובל וצבעון וענה ודישׁן ואצר ודישׁן׃
1 Chronicles 1:42
42 בני אצר בלהן וזעון יעקן בני דישׁון עוץ וארן׃
Job 1:1
1 אישׁ היה בארץ עוץ איוב שׁמו והיה האישׁ ההוא תם וישׁר וירא אלהים וסר מרע׃
Jeremiah 25:20
20 ואת כל הערב ואת כל מלכי ארץ העוץ ואת כל מלכי ארץ פלשׁתים ואת אשׁקלון ואת עזה ואת עקרון ואת שׁארית אשׁדוד׃
Lamentations 4:21
21 שׂישׂי ושׂמחי בת אדום יושׁבתי בארץ עוץ גם עליך תעבר כוס תשׁכרי ותתערי׃
Genesis 36:20
20 אלה בני שׂעיר החרי ישׁבי הארץ לוטן ושׁובל וצבעון וענה׃
Genesis 36:28
28 אלה בני דישׁן עוץ וארן׃
2 Kings 11:19
19 ויקח את שׂרי המאות ואת הכרי ואת הרצים ואת כל עם הארץ וירידו את המלך מבית יהוה ויבואו דרך שׁער הרצים בית המלך וישׁב על כסא המלכים׃
Isaiah 23:15
15 והיה ביום ההוא ונשׁכחת צר שׁבעים שׁנה כימי מלך אחד מקץ שׁבעים שׁנה יהיה לצר כשׁירת הזונה׃
Daniel 7:17
17 אלין חיותא רברבתא די אנין ארבע ארבעה מלכין יקומון מן ארעא׃
Daniel 7:23
23 כן אמר חיותא רביעיתא מלכו רביעיא תהוא בארעא די תשׁנא מן כל מלכותא ותאכל כל ארעא ותדושׁנה ותדקנה׃
Genesis 17:6
6 והפרתי אתך במאד מאד ונתתיך לגוים ומלכים ממך יצאו׃
Genesis 17:16
16 וברכתי אתה וגם נתתי ממנה לך בן וברכתיה והיתה לגוים מלכי עמים ממנה יהיו׃
Numbers 20:14
14 וישׁלח משׁה מלאכים מקדשׁ אל מלך אדום כה אמר אחיך ישׂראל אתה ידעת את כל התלאה אשׁר מצאתנו׃
Numbers 24:17-18
Deuteronomy 17:14-20
14 כי תבא אל הארץ אשׁר יהוה אלהיך נתן לך וירשׁתה וישׁבתה בה ואמרת אשׂימה עלי מלך ככל הגוים אשׁר סביבתי׃15 שׂום תשׂים עליך מלך אשׁר יבחר יהוה אלהיך בו מקרב אחיך תשׂים עליך מלך לא תוכל לתת עליך אישׁ נכרי אשׁר לא אחיך הוא׃16 רק לא ירבה לו סוסים ולא ישׁיב את העם מצרימה למען הרבות סוס ויהוה אמר לכם לא תספון לשׁוב בדרך הזה עוד׃17 ולא ירבה לו נשׁים ולא יסור לבבו וכסף וזהב לא ירבה לו מאד׃18 והיה כשׁבתו על כסא ממלכתו וכתב לו את משׁנה התורה הזאת על ספר מלפני הכהנים הלוים׃19 והיתה עמו וקרא בו כל ימי חייו למען ילמד ליראה את יהוה אלהיו לשׁמר את כל דברי התורה הזאת ואת החקים האלה לעשׂתם׃20 לבלתי רום לבבו מאחיו ולבלתי סור מן המצוה ימין ושׂמאול למען יאריך ימים על ממלכתו הוא ובניו בקרב ישׂראל׃
Deuteronomy 33:5
5 ויהי בישׁרון מלך בהתאסף ראשׁי עם יחד שׁבטי ישׂראל׃
Deuteronomy 33:29
29 אשׁריך ישׂראל מי כמוך עם נושׁע ביהוה מגן עזרך ואשׁר חרב גאותך ויכחשׁו איביך לך ואתה על במותימו תדרך׃
1 Chronicles 1:43-50
43 ואלה המלכים אשׁר מלכו בארץ אדום לפני מלך מלך לבני ישׂראל בלע בן בעור ושׁם עירו דנהבה׃44 וימת בלע וימלך תחתיו יובב בן זרח מבצרה׃45 וימת יובב וימלך תחתיו חושׁם מארץ התימני׃46 וימת חושׁם וימלך תחתיו הדד בן בדד המכה את מדין בשׂדה מואב ושׁם עירו עיות׃47 וימת הדד וימלך תחתיו שׂמלה ממשׂרקה׃48 וימת שׂמלה וימלך תחתיו שׁאול מרחבות הנהר׃49 וימת שׁאול וימלך תחתיו בעל חנן בן עכבור׃50 וימת בעל חנן וימלך תחתיו הדד ושׁם עירו פעי ושׁם אשׁתו מהיטבאל בת מטרד בת מי זהב׃
Isaiah 34:6
6 חרב ליהוה מלאה דם הדשׁנה מחלב מדם כרים ועתודים מחלב כליות אילים כי זבח ליהוה בבצרה וטבח גדול בארץ אדום׃
Jeremiah 49:13
13 כי בי נשׁבעתי נאם יהוה כי לשׁמה לחרפה לחרב ולקללה תהיה בצרה וכל עריה תהיינה לחרבות עולם׃
Jeremiah 49:22
22 הנה כנשׁר יעלה וידאה ויפרשׂ כנפיו על בצרה והיה לב גבורי אדום ביום ההוא כלב אשׁה מצרה׃
Micah 2:12
12 אסף אאסף יעקב כלך קבץ אקבץ שׁארית ישׂראל יחד אשׂימנו כצאן בצרה כעדר בתוך הדברו תהימנה מאדם׃
Genesis 36:11
11 ויהיו בני אליפז תימן אומר צפו וגעתם וקנז׃
Genesis 36:15
15 אלה אלופי בני עשׂו בני אליפז בכור עשׂו אלוף תימן אלוף אומר אלוף צפו אלוף קנז׃
Genesis 10:11
11 מן הארץ ההוא יצא אשׁור ויבן את נינוה ואת רחבת עיר ואת כלח׃
1 Chronicles 1:48
48 וימת שׂמלה וימלך תחתיו שׁאול מרחבות הנהר׃
1 Chronicles 1:50
50 וימת בעל חנן וימלך תחתיו הדד ושׁם עירו פעי ושׁם אשׁתו מהיטבאל בת מטרד בת מי זהב׃
Genesis 36:31
31 ואלה המלכים אשׁר מלכו בארץ אדום לפני מלך מלך לבני ישׂראל׃
Genesis 25:12
12 ואלה תלדת ישׁמעאל בן אברהם אשׁר ילדה הגר המצרית שׁפחת שׂרה לאברהם׃
Genesis 25:30
30 ויאמר עשׂו אל יעקב הלעיטני נא מן האדם האדם הזה כי עיף אנכי על כן קרא שׁמו אדום׃
Genesis 36:7-8
Genesis 36:18-19
Genesis 36:30-31
Genesis 45:8
8 ועתה לא אתם שׁלחתם אתי הנה כי האלהים וישׂימני לאב לפרעה ולאדון לכל ביתו ומשׁל בכל ארץ מצרים׃
1 Chronicles 4:14
14 ומעונתי הוליד את עפרה ושׂריה הוליד את יואב אבי גיא חרשׁים כי חרשׁים היו׃