Genesis 3:24 Cross References - HOT

²⁴ ויגרשׁ את האדם וישׁכן מקדם לגן עדן את הכרבים ואת להט החרב המתהפכת לשׁמר את דרך עץ החיים׃

Genesis 2:8-9

⁸ ויטע יהוה אלהים גן בעדן מקדם וישׂם שׁם את האדם אשׁר יצר׃⁹ ויצמח יהוה אלהים מן האדמה כל עץ נחמד למראה וטוב למאכל ועץ החיים בתוך הגן ועץ הדעת טוב ורע׃

Exodus 25:2

² דבר אל בני ישׂראל ויקחו לי תרומה מאת כל אישׁ אשׁר ידבנו לבו תקחו את תרומתי׃

¹⁸ ועשׂית שׁנים כרבים זהב מקשׁה תעשׂה אתם משׁני קצות הכפרת׃¹⁹ ועשׂה כרוב אחד מקצה מזה וכרוב אחד מקצה מזה מן הכפרת תעשׂו את הכרבים על שׁני קצותיו׃²⁰ והיו הכרבים פרשׂי כנפים למעלה סככים בכנפיהם על הכפרת ופניהם אישׁ אל אחיו אל הכפרת יהיו פני הכרבים׃²¹ ונתת את הכפרת על הארן מלמעלה ואל הארן תתן את העדת אשׁר אתן אליך׃²² ונועדתי לך שׁם ודברתי אתך מעל הכפרת מבין שׁני הכרבים אשׁר על ארון העדת את כל אשׁר אצוה אותך אל בני ישׂראל׃

Numbers 22:23

²³ ותרא האתון את מלאך יהוה נצב בדרך וחרבו שׁלופה בידו ותט האתון מן הדרך ותלך בשׂדה ויך בלעם את האתון להטתה הדרך׃

Joshua 5:13

¹³ ויהי בהיות יהושׁע ביריחו וישׂא עיניו וירא והנה אישׁ עמד לנגדו וחרבו שׁלופה בידו וילך יהושׁע אליו ויאמר לו הלנו אתה אם לצרינו׃

1 Samuel 4:4

⁴ וישׁלח העם שׁלה וישׂאו משׁם את ארון ברית יהוה צבאות ישׁב הכרבים ושׁם שׁני בני עלי עם ארון ברית האלהים חפני ופינחס׃

1 Kings 6:25-35

²⁵ ועשׂר באמה הכרוב השׁני מדה אחת וקצב אחד לשׁני הכרבים׃²⁶ קומת הכרוב האחד עשׂר באמה וכן הכרוב השׁני׃²⁷ ויתן את הכרובים בתוך הבית הפנימי ויפרשׂו את כנפי הכרבים ותגע כנף האחד בקיר וכנף הכרוב השׁני נגעת בקיר השׁני וכנפיהם אל תוך הבית נגעת כנף אל כנף׃²⁸ ויצף את הכרובים זהב׃²⁹ ואת כל קירות הבית מסב קלע פתוחי מקלעות כרובים ותמרת ופטורי צצים מלפנים ולחיצון׃³⁰ ואת קרקע הבית צפה זהב לפנימה ולחיצון׃³¹ ואת פתח הדביר עשׂה דלתות עצי שׁמן האיל מזוזות חמשׁית׃³² ושׁתי דלתות עצי שׁמן וקלע עליהם מקלעות כרובים ותמרות ופטורי צצים וצפה זהב וירד על הכרובים ועל התמרות את הזהב׃³³ וכן עשׂה לפתח ההיכל מזוזות עצי שׁמן מאת רבעית׃³⁴ ושׁתי דלתות עצי ברושׁים שׁני צלעים הדלת האחת גלילים ושׁני קלעים הדלת השׁנית גלילים׃³⁵ וקלע כרובים ותמרות ופטרי צצים וצפה זהב מישׁר על המחקה׃

1 Chronicles 21:16-17

¹⁶ וישׂא דויד את עיניו וירא את מלאך יהוה עמד בין הארץ ובין השׁמים וחרבו שׁלופה בידו נטויה על ירושׁלם ויפל דויד והזקנים מכסים בשׂקים על פניהם׃¹⁷ ויאמר דויד אל האלהים הלא אני אמרתי למנות בעם ואני הוא אשׁר חטאתי והרע הרעותי ואלה הצאן מה עשׂו יהוה אלהי תהי נא ידך בי ובבית אבי ובעמך לא למגפה׃

Psalms 80:1

¹ למנצח אל שׁשׁנים עדות לאסף מזמור׃ (80:2) רעה ישׂראל האזינה נהג כצאן יוסף ישׁב הכרובים הופיעה׃

Psalms 99:1

¹ יהוה מלך ירגזו עמים ישׁב כרובים תנוט הארץ׃

Psalms 104:4

⁴ עשׂה מלאכיו רוחות משׁרתיו אשׁ להט׃

Ezekiel 10:2-22

² ויאמר אל האישׁ לבשׁ הבדים ויאמר בא אל בינות לגלגל אל תחת לכרוב ומלא חפניך גחלי אשׁ מבינות לכרבים וזרק על העיר ויבא לעיני׃³ והכרבים עמדים מימין לבית בבאו האישׁ והענן מלא את החצר הפנימית׃⁴ וירם כבוד יהוה מעל הכרוב על מפתן הבית וימלא הבית את הענן והחצר מלאה את נגה כבוד יהוה׃⁵ וקול כנפי הכרובים נשׁמע עד החצר החיצנה כקול אל שׁדי בדברו׃⁶ ויהי בצותו את האישׁ לבשׁ הבדים לאמר קח אשׁ מבינות לגלגל מבינות לכרובים ויבא ויעמד אצל האופן׃⁷ וישׁלח הכרוב את ידו מבינות לכרובים אל האשׁ אשׁר בינות הכרבים וישׂא ויתן אל חפני לבשׁ הבדים ויקח ויצא׃⁸ וירא לכרבים תבנית יד אדם תחת כנפיהם׃⁹ ואראה והנה ארבעה אופנים אצל הכרובים אופן אחד אצל הכרוב אחד ואופן אחד אצל הכרוב אחד ומראה האופנים כעין אבן תרשׁישׁ׃¹⁰ ומראיהם דמות אחד לארבעתם כאשׁר יהיה האופן בתוך האופן׃¹¹ בלכתם אל ארבעת רבעיהם ילכו לא יסבו בלכתם כי המקום אשׁר יפנה הראשׁ אחריו ילכו לא יסבו בלכתם׃¹² וכל בשׂרם וגבהם וידיהם וכנפיהם והאופנים מלאים עינים סביב לארבעתם אופניהם׃¹³ לאופנים להם קורא הגלגל באזני׃¹⁴ וארבעה פנים לאחד פני האחד פני הכרוב ופני השׁני פני אדם והשׁלישׁי פני אריה והרביעי פני נשׁר׃¹⁵ וירמו הכרובים היא החיה אשׁר ראיתי בנהר כבר׃¹⁶ ובלכת הכרובים ילכו האופנים אצלם ובשׂאת הכרובים את כנפיהם לרום מעל הארץ לא יסבו האופנים גם הם מאצלם׃¹⁷ בעמדם יעמדו וברומם ירומו אותם כי רוח החיה׃¹⁸ ויצא כבוד יהוה מעל מפתן הבית ויעמד על הכרובים׃¹⁹ וישׂאו הכרובים את כנפיהם וירומו מן הארץ לעיני בצאתם והאופנים לעמתם ויעמד פתח שׁער בית יהוה הקדמוני וכבוד אלהי ישׂראל עליהם מלמעלה׃²⁰ היא החיה אשׁר ראיתי תחת אלהי ישׂראל בנהר כבר ואדע כי כרובים המה׃²¹ ארבעה ארבעה פנים לאחד וארבע כנפים לאחד ודמות ידי אדם תחת כנפיהם׃²² ודמות פניהם המה הפנים אשׁר ראיתי על נהר כבר מראיהם ואותם אישׁ אל עבר פניו ילכו׃