1 והאדם ידע את חוה אשׁתו ותהר ותלד את קין ותאמר קניתי אישׁ את יהוה׃2 ותסף ללדת את אחיו את הבל ויהי הבל רעה צאן וקין היה עבד אדמה׃3 ויהי מקץ ימים ויבא קין מפרי האדמה מנחה ליהוה׃4 והבל הביא גם הוא מבכרות צאנו ומחלבהן וישׁע יהוה אל הבל ואל מנחתו׃5 ואל קין ואל מנחתו לא שׁעה ויחר לקין מאד ויפלו פניו׃6 ויאמר יהוה אל קין למה חרה לך ולמה נפלו פניך׃7 הלוא אם תיטיב שׂאת ואם לא תיטיב לפתח חטאת רבץ ואליך תשׁוקתו ואתה תמשׁל׃8 ויאמר קין אל הבל אחיו ויהי בהיותם בשׂדה ויקם קין אל הבל אחיו ויהרגהו׃9 ויאמר יהוה אל קין אי הבל אחיך ויאמר לא ידעתי השׁמר אחי אנכי׃10 ויאמר מה עשׂית קול דמי אחיך צעקים אלי מן האדמה׃11 ועתה ארור אתה מן האדמה אשׁר פצתה את פיה לקחת את דמי אחיך מידך׃12 כי תעבד את האדמה לא תסף תת כחה לך נע ונד תהיה בארץ׃13 ויאמר קין אל יהוה גדול עוני מנשׂוא׃14 הן גרשׁת אתי היום מעל פני האדמה ומפניך אסתר והייתי נע ונד בארץ והיה כל מצאי יהרגני׃15 ויאמר לו יהוה לכן כל הרג קין שׁבעתים יקם וישׂם יהוה לקין אות לבלתי הכות אתו כל מצאו׃16 ויצא קין מלפני יהוה וישׁב בארץ נוד קדמת עדן׃17 וידע קין את אשׁתו ותהר ותלד את חנוך ויהי בנה עיר ויקרא שׁם העיר כשׁם בנו חנוך׃18 ויולד לחנוך את עירד ועירד ילד את מחויאל ומחייאל ילד את מתושׁאל ומתושׁאל ילד את למך׃19 ויקח לו למך שׁתי נשׁים שׁם האחת עדה ושׁם השׁנית צלה׃20 ותלד עדה את יבל הוא היה אבי ישׁב אהל ומקנה׃21 ושׁם אחיו יובל הוא היה אבי כל תפשׂ כנור ועוגב׃22 וצלה גם הוא ילדה את תובל קין לטשׁ כל חרשׁ נחשׁת וברזל ואחות תובל קין נעמה׃23 ויאמר למך לנשׁיו עדה וצלה שׁמען קולי נשׁי למך האזנה אמרתי כי אישׁ הרגתי לפצעי וילד לחברתי׃24 כי שׁבעתים יקם קין ולמך שׁבעים ושׁבעה׃25 וידע אדם עוד את אשׁתו ותלד בן ותקרא את שׁמו שׁת כי שׁת לי אלהים זרע אחר תחת הבל כי הרגו קין׃26 ולשׁת גם הוא ילד בן ויקרא את שׁמו אנושׁ אז הוחל לקרא בשׁם יהוה׃
Genesis 4 Cross References - HOT
Genesis 3:15
15 ואיבה אשׁית בינך ובין האשׁה ובין זרעך ובין זרעה הוא ישׁופך ראשׁ ואתה תשׁופנו עקב׃
Genesis 4:25
25 וידע אדם עוד את אשׁתו ותלד בן ותקרא את שׁמו שׁת כי שׁת לי אלהים זרע אחר תחת הבל כי הרגו קין׃
Genesis 5:29
29 ויקרא את שׁמו נח לאמר זה ינחמנו ממעשׂנו ומעצבון ידינו מן האדמה אשׁר אררה יהוה׃
Numbers 31:17
17 ועתה הרגו כל זכר בטף וכל אשׁה ידעת אישׁ למשׁכב זכר הרגו׃
Genesis 3:23
23 וישׁלחהו יהוה אלהים מגן עדן לעבד את האדמה אשׁר לקח משׁם׃
Genesis 4:25-26
Genesis 9:20
20 ויחל נח אישׁ האדמה ויטע כרם׃
Genesis 30:29-31
Genesis 37:13
13 ויאמר ישׂראל אל יוסף הלוא אחיך רעים בשׁכם לכה ואשׁלחך אליהם ויאמר לו הנני׃
Genesis 46:32-34
Genesis 47:3
3 ויאמר פרעה אל אחיו מה מעשׂיכם ויאמרו אל פרעה רעה צאן עבדיך גם אנחנו גם אבותינו׃
Exodus 3:1
1 ומשׁה היה רעה את צאן יתרו חתנו כהן מדין וינהג את הצאן אחר המדבר ויבא אל הר האלהים חרבה׃
Psalms 78:70-72
Psalms 127:3
3 הנה נחלת יהוה בנים שׂכר פרי הבטן׃
Amos 7:15
15 ויקחני יהוה מאחרי הצאן ויאמר אלי יהוה לך הנבא אל עמי ישׂראל׃
Leviticus 2:1-11
1 ונפשׁ כי תקריב קרבן מנחה ליהוה סלת יהיה קרבנו ויצק עליה שׁמן ונתן עליה לבנה׃2 והביאה אל בני אהרן הכהנים וקמץ משׁם מלא קמצו מסלתה ומשׁמנה על כל לבנתה והקטיר הכהן את אזכרתה המזבחה אשׁה ריח ניחח ליהוה׃3 והנותרת מן המנחה לאהרן ולבניו קדשׁ קדשׁים מאשׁי יהוה׃4 וכי תקרב קרבן מנחה מאפה תנור סלת חלות מצת בלולת בשׁמן ורקיקי מצות משׁחים בשׁמן׃5 ואם מנחה על המחבת קרבנך סלת בלולה בשׁמן מצה תהיה׃6 פתות אתה פתים ויצקת עליה שׁמן מנחה הוא׃7 ואם מנחת מרחשׁת קרבנך סלת בשׁמן תעשׂה׃8 והבאת את המנחה אשׁר יעשׂה מאלה ליהוה והקריבה אל הכהן והגישׁה אל המזבח׃9 והרים הכהן מן המנחה את אזכרתה והקטיר המזבחה אשׁה ריח ניחח ליהוה׃10 והנותרת מן המנחה לאהרן ולבניו קדשׁ קדשׁים מאשׁי יהוה׃11 כל המנחה אשׁר תקריבו ליהוה לא תעשׂה חמץ כי כל שׂאר וכל דבשׁ לא תקטירו ממנו אשׁה ליהוה׃
Numbers 18:12
12 כל חלב יצהר וכל חלב תירושׁ ודגן ראשׁיתם אשׁר יתנו ליהוה לך נתתים׃
1 Kings 17:7
7 ויהי מקץ ימים וייבשׁ הנחל כי לא היה גשׁם בארץ׃
Nehemiah 13:6
6 ובכל זה לא הייתי בירושׁלם כי בשׁנת שׁלשׁים ושׁתים לארתחשׁסתא מלך בבל באתי אל המלך ולקץ ימים נשׁאלתי מן המלך׃
Genesis 15:17
17 ויהי השׁמשׁ באה ועלטה היה והנה תנור עשׁן ולפיד אשׁ אשׁר עבר בין הגזרים האלה׃
Exodus 13:12
12 והעברת כל פטר רחם ליהוה וכל פטר שׁגר בהמה אשׁר יהיה לך הזכרים ליהוה׃
Leviticus 3:16-17
Leviticus 9:24
24 ותצא אשׁ מלפני יהוה ותאכל על המזבח את העלה ואת החלבים וירא כל העם וירנו ויפלו על פניהם׃
Numbers 16:35
35 ואשׁ יצאה מאת יהוה ותאכל את החמשׁים ומאתים אישׁ מקריבי הקטרת׃
Numbers 18:17
17 אך בכור שׁור או בכור כשׂב או בכור עז לא תפדה קדשׁ הם את דמם תזרק על המזבח ואת חלבם תקטיר אשׁה לריח ניחח ליהוה׃
Judges 6:21
21 וישׁלח מלאך יהוה את קצה המשׁענת אשׁר בידו ויגע בבשׂר ובמצות ותעל האשׁ מן הצור ותאכל את הבשׂר ואת המצות ומלאך יהוה הלך מעיניו׃
1 Kings 18:24
24 וקראתם בשׁם אלהיכם ואני אקרא בשׁם יהוה והיה האלהים אשׁר יענה באשׁ הוא האלהים ויען כל העם ויאמרו טוב הדבר׃
1 Kings 18:38
38 ותפל אשׁ יהוה ותאכל את העלה ואת העצים ואת האבנים ואת העפר ואת המים אשׁר בתעלה לחכה׃
1 Chronicles 21:26
26 ויבן שׁם דויד מזבח ליהוה ויעל עלות ושׁלמים ויקרא אל יהוה ויענהו באשׁ מן השׁמים על מזבח העלה׃
2 Chronicles 7:1
1 וככלות שׁלמה להתפלל והאשׁ ירדה מהשׁמים ותאכל העלה והזבחים וכבוד יהוה מלא את הבית׃
Psalms 20:3
3 (20:4) יזכר כל מנחתך ועולתך ידשׁנה סלה׃
Proverbs 3:9
9 כבד את יהוה מהונך ומראשׁית כל תבואתך׃
Genesis 31:2
2 וירא יעקב את פני לבן והנה איננו עמו כתמול שׁלשׁום׃
Genesis 31:5
5 ויאמר להן ראה אנכי את פני אביכן כי איננו אלי כתמל שׁלשׁם ואלהי אבי היה עמדי׃
Numbers 16:15
15 ויחר למשׁה מאד ויאמר אל יהוה אל תפן אל מנחתם לא חמור אחד מהם נשׂאתי ולא הרעתי את אחד מהם׃
Job 5:2
2 כי לאויל יהרג כעשׂ ופתה תמית קנאה׃
Isaiah 3:10-11
1 Chronicles 13:11-13
Isaiah 1:18
18 לכו נא ונוכחה יאמר יהוה אם יהיו חטאיכם כשׁנים כשׁלג ילבינו אם יאדימו כתולע כצמר יהיו׃
Jeremiah 2:5
5 כה אמר יהוה מה מצאו אבותיכם בי עול כי רחקו מעלי וילכו אחרי ההבל ויהבלו׃
Jeremiah 2:31
31 הדור אתם ראו דבר יהוה המדבר הייתי לישׂראל אם ארץ מאפליה מדוע אמרו עמי רדנו לוא נבוא עוד אליך׃
Micah 6:3-5
Genesis 3:16
16 אל האשׁה אמר הרבה ארבה עצבונך והרנך בעצב תלדי בנים ואל אישׁך תשׁוקתך והוא ימשׁל׃
Genesis 4:8-13
8 ויאמר קין אל הבל אחיו ויהי בהיותם בשׂדה ויקם קין אל הבל אחיו ויהרגהו׃9 ויאמר יהוה אל קין אי הבל אחיך ויאמר לא ידעתי השׁמר אחי אנכי׃10 ויאמר מה עשׂית קול דמי אחיך צעקים אלי מן האדמה׃11 ועתה ארור אתה מן האדמה אשׁר פצתה את פיה לקחת את דמי אחיך מידך׃12 כי תעבד את האדמה לא תסף תת כחה לך נע ונד תהיה בארץ׃13 ויאמר קין אל יהוה גדול עוני מנשׂוא׃
Genesis 19:21
21 ויאמר אליו הנה נשׂאתי פניך גם לדבר הזה לבלתי הפכי את העיר אשׁר דברת׃
Numbers 32:23
23 ואם לא תעשׂון כן הנה חטאתם ליהוה ודעו חטאתכם אשׁר תמצא אתכם׃
2 Samuel 24:23
23 הכל נתן ארונה המלך למלך ויאמר ארונה אל המלך יהוה אלהיך ירצך׃
2 Kings 8:28
28 וילך את יורם בן אחאב למלחמה עם חזהאל מלך ארם ברמת גלעד ויכו ארמים את יורם׃
Job 29:4
4 כאשׁר הייתי בימי חרפי בסוד אלוה עלי אהלי׃
Job 42:8
8 ועתה קחו לכם שׁבעה פרים ושׁבעה אילים ולכו אל עבדי איוב והעליתם עולה בעדכם ואיוב עבדי יתפלל עליכם כי אם פניו אשׂא לבלתי עשׂות עמכם נבלה כי לא דברתם אלי נכונה כעבדי איוב׃
Proverbs 18:5
5 שׂאת פני רשׁע לא טוב להטות צדיק במשׁפט׃
Proverbs 21:27
27 זבח רשׁעים תועבה אף כי בזמה יביאנו׃
Ecclesiastes 8:12-13
Jeremiah 6:20
20 למה זה לי לבונה משׁבא תבוא וקנה הטוב מארץ מרחק עלותיכם לא לרצון וזבחיכם לא ערבו׃
Malachi 1:8
8 וכי תגשׁון עור לזבח אין רע וכי תגישׁו פסח וחלה אין רע הקריבהו נא לפחתך הירצך או הישׂא פניך אמר יהוה צבאות׃
Malachi 1:10
10 מי גם בכם ויסגר דלתים ולא תאירו מזבחי חנם אין לי חפץ בכם אמר יהוה צבאות ומנחה לא ארצה מידכם׃
Malachi 1:13
13 ואמרתם הנה מתלאה והפחתם אותו אמר יהוה צבאות והבאתם גזול ואת הפסח ואת החולה והבאתם את המנחה הארצה אותה מידכם אמר יהוה׃
2 Samuel 3:27
27 וישׁב אבנר חברון ויטהו יואב אל תוך השׁער לדבר אתו בשׁלי ויכהו שׁם החמשׁ וימת בדם עשׂה אל אחיו׃
2 Samuel 13:26-28
2 Samuel 14:6
6 ולשׁפחתך שׁני בנים וינצו שׁניהם בשׂדה ואין מציל ביניהם ויכו האחד את האחד וימת אתו׃
2 Samuel 20:9-10
Nehemiah 6:2
2 וישׁלח סנבלט וגשׁם אלי לאמר לכה ונועדה יחדו בכפירים בבקעת אונו והמה חשׁבים לעשׂות לי רעה׃
Job 11:15
15 כי אז תשׂא פניך ממום והיית מצק ולא תירא׃
Psalms 24:3-6
Psalms 36:3
3 (36:4) דברי פיו און ומרמה חדל להשׂכיל להיטיב׃
Psalms 55:21
21 (55:22) חלקו מחמאת פיו וקרב לבו רכו דבריו משׁמן והמה פתחות׃
Psalms 139:19
19 אם תקטל אלוה רשׁע ואנשׁי דמים סורו מני׃
Proverbs 26:24-26
Micah 7:6
6 כי בן מנבל אב בת קמה באמה כלה בחמתה איבי אישׁ אנשׁי ביתו׃
Genesis 3:9-11
Genesis 37:32
32 וישׁלחו את כתנת הפסים ויביאו אל אביהם ויאמרו זאת מצאנו הכר נא הכתנת בנך הוא אם לא׃
Job 22:13-14
Psalms 9:12
12 (9:13) כי דרשׁ דמים אותם זכר לא שׁכח צעקת עניים׃
Psalms 10:13-14
Proverbs 28:13
13 מכסה פשׁעיו לא יצליח ומודה ועזב ירחם׃
Genesis 3:13
13 ויאמר יהוה אלהים לאשׁה מה זאת עשׂית ותאמר האשׁה הנחשׁ השׁיאני ואכל׃
Genesis 9:5
5 ואך את דמכם לנפשׁתיכם אדרשׁ מיד כל חיה אדרשׁנו ומיד האדם מיד אישׁ אחיו אדרשׁ את נפשׁ האדם׃
Genesis 18:20
20 ויאמר יהוה זעקת סדם ועמרה כי רבה וחטאתם כי כבדה מאד׃
Exodus 3:7
7 ויאמר יהוה ראה ראיתי את עני עמי אשׁר במצרים ואת צעקתם שׁמעתי מפני נגשׂיו כי ידעתי את מכאביו׃
Numbers 35:33
33 ולא תחניפו את הארץ אשׁר אתם בה כי הדם הוא יחניף את הארץ ולארץ לא יכפר לדם אשׁר שׁפך בה כי אם בדם שׁפכו׃
Joshua 7:19
19 ויאמר יהושׁע אל עכן בני שׂים נא כבוד ליהוה אלהי ישׂראל ותן לו תודה והגד נא לי מה עשׂית אל תכחד ממני׃
2 Kings 9:26
26 אם לא את דמי נבות ואת דמי בניו ראיתי אמשׁ נאם יהוה ושׁלמתי לך בחלקה הזאת נאם יהוה ועתה שׂא השׁלכהו בחלקה כדבר יהוה׃
Job 16:18
18 ארץ אל תכסי דמי ואל יהי מקום לזעקתי׃
Job 24:12
12 מעיר מתים ינאקו ונפשׁ חללים תשׁוע ואלוה לא ישׂים תפלה׃
Job 31:38-39
Psalms 50:21
21 אלה עשׂית והחרשׁתי דמית היות אהיה כמוך אוכיחך ואערכה לעיניך׃
Psalms 72:14
14 מתוך ומחמס יגאל נפשׁם וייקר דמם בעיניו׃
Isaiah 5:7
7 כי כרם יהוה צבאות בית ישׂראל ואישׁ יהודה נטע שׁעשׁועיו ויקו למשׁפט והנה משׂפח לצדקה והנה צעקה׃
Genesis 3:14
14 ויאמר יהוה אלהים אל הנחשׁ כי עשׂית זאת ארור אתה מכל הבהמה ומכל חית השׂדה על גחנך תלך ועפר תאכל כל ימי חייך׃
Genesis 4:14
14 הן גרשׁת אתי היום מעל פני האדמה ומפניך אסתר והייתי נע ונד בארץ והיה כל מצאי יהרגני׃
Deuteronomy 27:16-26
16 ארור מקלה אביו ואמו ואמר כל העם אמן׃17 ארור מסיג גבול רעהו ואמר כל העם אמן׃18 ארור משׁגה עור בדרך ואמר כל העם אמן׃19 ארור מטה משׁפט גר יתום ואלמנה ואמר כל העם אמן׃20 ארור שׁכב עם אשׁת אביו כי גלה כנף אביו ואמר כל העם אמן׃21 ארור שׁכב עם כל בהמה ואמר כל העם אמן׃22 ארור שׁכב עם אחתו בת אביו או בת אמו ואמר כל העם אמן׃23 ארור שׁכב עם חתנתו ואמר כל העם אמן׃24 ארור מכה רעהו בסתר ואמר כל העם אמן׃25 ארור לקח שׁחד להכות נפשׁ דם נקי ואמר כל העם אמן׃26 ארור אשׁר לא יקים את דברי התורה הזאת לעשׂות אותם ואמר כל העם אמן׃
Deuteronomy 28:15-20
15 והיה אם לא תשׁמע בקול יהוה אלהיך לשׁמר לעשׂות את כל מצותיו וחקתיו אשׁר אנכי מצוך היום ובאו עליך כל הקללות האלה והשׂיגוך׃16 ארור אתה בעיר וארור אתה בשׂדה׃17 ארור טנאך ומשׁארתך׃18 ארור פרי בטנך ופרי אדמתך שׁגר אלפיך ועשׁתרת צאנך׃19 ארור אתה בבאך וארור אתה בצאתך׃20 ישׁלח יהוה בך את המארה את המהומה ואת המגערת בכל משׁלח ידך אשׁר תעשׂה עד השׁמדך ועד אבדך מהר מפני רע מעלליך אשׁר עזבתני׃
Deuteronomy 29:19-21
19 (29:18) והיה בשׁמעו את דברי האלה הזאת והתברך בלבבו לאמר שׁלום יהיה לי כי בשׁררות לבי אלך למען ספות הרוה את הצמאה׃20 (29:19) לא יאבה יהוה סלח לו כי אז יעשׁן אף יהוה וקנאתו באישׁ ההוא ורבצה בו כל האלה הכתובה בספר הזה ומחה יהוה את שׁמו מתחת השׁמים׃21 (29:20) והבדילו יהוה לרעה מכל שׁבטי ישׂראל ככל אלות הברית הכתובה בספר התורה הזה׃
Job 31:38-40
Isaiah 26:21
21 כי הנה יהוה יצא ממקומו לפקד עון ישׁב הארץ עליו וגלתה הארץ את דמיה ולא תכסה עוד על הרוגיה׃
Genesis 3:17-18
Leviticus 26:20
20 ותם לריק כחכם ולא תתן ארצכם את יבולה ועץ הארץ לא יתן פריו׃
Leviticus 26:36
36 והנשׁארים בכם והבאתי מרך בלבבם בארצת איביהם ורדף אתם קול עלה נדף ונסו מנסת חרב ונפלו ואין רדף׃
Deuteronomy 28:23-24
Deuteronomy 28:65-66
Psalms 109:10
10 ונוע ינועו בניו ושׁאלו ודרשׁו מחרבותיהם׃
Jeremiah 20:3-4
Hosea 9:17
17 ימאסם אלהי כי לא שׁמעו לו ויהיו נדדים בגוים׃
Job 15:22
22 לא יאמין שׁוב מני חשׁך וצפו הוא אלי חרב׃
Genesis 4:15-16
Genesis 9:5-6
Leviticus 26:17
17 ונתתי פני בכם ונגפתם לפני איביכם ורדו בכם שׂנאיכם ונסתם ואין רדף אתכם׃
Numbers 17:12-13
Numbers 35:19
19 גאל הדם הוא ימית את הרצח בפגעו בו הוא ימתנו׃
Numbers 35:21
21 או באיבה הכהו בידו וימת מות יומת המכה רצח הוא גאל הדם ימית את הרצח בפגעו׃
Numbers 35:27
27 ומצא אתו גאל הדם מחוץ לגבול עיר מקלטו ורצח גאל הדם את הרצח אין לו דם׃
Deuteronomy 28:65
65 ובגוים ההם לא תרגיע ולא יהיה מנוח לכף רגלך ונתן יהוה לך שׁם לב רגז וכליון עינים ודאבון נפשׁ׃
2 Samuel 14:7
7 והנה קמה כל המשׁפחה על שׁפחתך ויאמרו תני את מכה אחיו ונמתהו בנפשׁ אחיו אשׁר הרג ונשׁמידה גם את היורשׁ וכבו את גחלתי אשׁר נשׁארה לבלתי שׂום לאישׁי שׁם ושׁארית על פני האדמה׃
Job 15:20-24
Job 21:14-15
Psalms 51:11-14
Psalms 109:12
12 אל יהי לו משׁך חסד ואל יהי חונן ליתומיו׃
Psalms 143:7
7 מהר ענני יהוה כלתה רוחי אל תסתר פניך ממני ונמשׁלתי עם ירדי בור׃
Proverbs 14:32
32 ברעתו ידחה רשׁע וחסה במותו צדיק׃
Proverbs 28:1
1 נסו ואין רדף רשׁע וצדיקים ככפיר יבטח׃
Isaiah 8:22
22 ואל ארץ יביט והנה צרה וחשׁכה מעוף צוקה ואפלה מנדח׃
Jeremiah 52:3
3 כי על אף יהוה היתה בירושׁלם ויהודה עד השׁליכו אותם מעל פניו וימרד צדקיהו במלך בבל׃
Hosea 13:3
3 לכן יהיו כענן בקר וכטל משׁכים הלך כמץ יסער מגרן וכעשׁן מארבה׃
Genesis 4:24
24 כי שׁבעתים יקם קין ולמך שׁבעים ושׁבעה׃
Leviticus 26:18
18 ואם עד אלה לא תשׁמעו לי ויספתי ליסרה אתכם שׁבע על חטאתיכם׃
Leviticus 26:21
21 ואם תלכו עמי קרי ולא תאבו לשׁמע לי ויספתי עליכם מכה שׁבע כחטאתיכם׃
Leviticus 26:24
24 והלכתי אף אני עמכם בקרי והכיתי אתכם גם אני שׁבע על חטאתיכם׃
Leviticus 26:28
28 והלכתי עמכם בחמת קרי ויסרתי אתכם אף אני שׁבע על חטאתיכם׃
1 Kings 16:7
7 וגם ביד יהוא בן חנני הנביא דבר יהוה היה אל בעשׁא ואל ביתו ועל כל הרעה אשׁר עשׂה בעיני יהוה להכעיסו במעשׂה ידיו להיות כבית ירבעם ועל אשׁר הכה אתו׃
Psalms 59:11
11 (59:12) אל תהרגם פן ישׁכחו עמי הניעמו בחילך והורידמו מגננו אדני׃
Psalms 79:12
12 והשׁב לשׁכנינו שׁבעתים אל חיקם חרפתם אשׁר חרפוך אדני׃
Proverbs 6:31
31 ונמצא ישׁלם שׁבעתים את כל הון ביתו יתן׃
Ezekiel 9:4
4 ויאמר יהוה אלו עבר בתוך העיר בתוך ירושׁלם והתוית תו על מצחות האנשׁים הנאנחים והנאנקים על כל התועבות הנעשׂות בתוכה׃
Ezekiel 9:6
6 זקן בחור ובתולה וטף ונשׁים תהרגו למשׁחית ועל כל אישׁ אשׁר עליו התו אל תגשׁו וממקדשׁי תחלו ויחלו באנשׁים הזקנים אשׁר לפני הבית׃
Hosea 1:4
4 ויאמר יהוה אליו קרא שׁמו יזרעאל כי עוד מעט ופקדתי את דמי יזרעאל על בית יהוא והשׁבתי ממלכות בית ישׂראל׃
Genesis 3:8
8 וישׁמעו את קול יהוה אלהים מתהלך בגן לרוח היום ויתחבא האדם ואשׁתו מפני יהוה אלהים בתוך עץ הגן׃
Exodus 20:18
18 וכל העם ראים את הקולת ואת הלפידם ואת קול השׁפר ואת ההר עשׁן וירא העם וינעו ויעמדו מרחק׃
2 Kings 13:23
23 ויחן יהוה אתם וירחמם ויפן אליהם למען בריתו את אברהם יצחק ויעקב ולא אבה השׁחיתם ולא השׁליכם מעל פניו עד עתה׃
2 Kings 24:20
20 כי על אף יהוה היתה בירושׁלם וביהודה עד השׁלכו אתם מעל פניו וימרד צדקיהו במלך בבל׃
Job 1:12
12 ויאמר יהוה אל השׂטן הנה כל אשׁר לו בידך רק אליו אל תשׁלח ידך ויצא השׂטן מעם פני יהוה׃
Job 2:7
7 ויצא השׂטן מאת פני יהוה ויך את איוב בשׁחין רע מכף רגלו עד קדקדו׃
Job 20:17
17 אל ירא בפלגות נהרי נחלי דבשׁ וחמאה׃
Psalms 5:11
11 (5:12) וישׂמחו כל חוסי בך לעולם ירננו ותסך עלימו ויעלצו בך אהבי שׁמך׃
Psalms 68:2
2 (68:3) כהנדף עשׁן תנדף כהמס דונג מפני אשׁ יאבדו רשׁעים מפני אלהים׃
Jeremiah 23:39
39 לכן הנני ונשׁיתי אתכם נשׁא ונטשׁתי אתכם ואת העיר אשׁר נתתי לכם ולאבותיכם מעל פני׃
Genesis 5:18
18 ויחי ירד שׁתים ושׁשׁים שׁנה ומאת שׁנה ויולד את חנוך׃
Genesis 5:22
22 ויתהלך חנוך את האלהים אחרי הולידו את מתושׁלח שׁלשׁ מאות שׁנה ויולד בנים ובנות׃
Genesis 11:4
4 ויאמרו הבה נבנה לנו עיר ומגדל וראשׁו בשׁמים ונעשׂה לנו שׁם פן נפוץ על פני כל הארץ׃
2 Samuel 18:18
18 ואבשׁלם לקח ויצב לו בחיו את מצבת אשׁר בעמק המלך כי אמר אין לי בן בעבור הזכיר שׁמי ויקרא למצבת על שׁמו ויקרא לה יד אבשׁלם עד היום הזה׃
Psalms 49:11
11 (49:12) קרבם בתימו לעולם משׁכנתם לדר ודר קראו בשׁמותם עלי אדמות׃
Ecclesiastes 2:4-11
4 הגדלתי מעשׂי בניתי לי בתים נטעתי לי כרמים׃5 עשׂיתי לי גנות ופרדסים ונטעתי בהם עץ כל פרי׃6 עשׂיתי לי ברכות מים להשׁקות מהם יער צומח עצים׃7 קניתי עבדים ושׁפחות ובני בית היה לי גם מקנה בקר וצאן הרבה היה לי מכל שׁהיו לפני בירושׁלם׃8 כנסתי לי גם כסף וזהב וסגלת מלכים והמדינות עשׂיתי לי שׁרים ושׁרות ותענוגת בני האדם שׁדה ושׁדות׃9 וגדלתי והוספתי מכל שׁהיה לפני בירושׁלם אף חכמתי עמדה׃10 וכל אשׁר שׁאלו עיני לא אצלתי מהם לא מנעתי את לבי מכל שׂמחה כי לבי שׂמח מכל עמלי וזה היה חלקי מכל עמלי׃11 ופניתי אני בכל מעשׂי שׁעשׂו ידי ובעמל שׁעמלתי לעשׂות והנה הכל הבל ורעות רוח ואין יתרון תחת השׁמשׁ׃
Daniel 4:30
30 (4:27) ענה מלכא ואמר הלא דא היא בבל רבתא די אנה בניתה לבית מלכו בתקף חסני וליקר הדרי׃
Genesis 5:21
21 ויחי חנוך חמשׁ ושׁשׁים שׁנה ויולד את מתושׁלח׃
Genesis 36:2
2 עשׂו לקח את נשׁיו מבנות כנען את עדה בת אילון החתי ואת אהליבמה בת ענה בת צבעון החוי׃
Genesis 2:18
18 ויאמר יהוה אלהים לא טוב היות האדם לבדו אעשׂה לו עזר כנגדו׃
Genesis 2:24
24 על כן יעזב אישׁ את אביו ואת אמו ודבק באשׁתו והיו לבשׂר אחד׃
Genesis 4:2
2 ותסף ללדת את אחיו את הבל ויהי הבל רעה צאן וקין היה עבד אדמה׃
Genesis 4:21
21 ושׁם אחיו יובל הוא היה אבי כל תפשׂ כנור ועוגב׃
Genesis 25:27
27 ויגדלו הנערים ויהי עשׂו אישׁ ידע ציד אישׁ שׂדה ויעקב אישׁ תם ישׁב אהלים׃
1 Chronicles 2:50-52
1 Chronicles 4:4-5
Jeremiah 35:9-10
Genesis 31:27
27 למה נחבאת לברח ותגנב אתי ולא הגדת לי ואשׁלחך בשׂמחה ובשׁרים בתף ובכנור׃
Job 21:12
12 ישׂאו כתף וכנור וישׂמחו לקול עוגב׃
Isaiah 5:12
12 והיה כנור ונבל תף וחליל ויין משׁתיהם ואת פעל יהוה לא יביטו ומעשׂה ידיו לא ראו׃
Amos 6:5
5 הפרטים על פי הנבל כדויד חשׁבו להם כלי שׁיר׃
Exodus 25:3
3 וזאת התרומה אשׁר תקחו מאתם זהב וכסף ונחשׁת׃
Numbers 31:22
22 אך את הזהב ואת הכסף את הנחשׁת את הברזל את הבדיל ואת העפרת׃
Deuteronomy 8:9
9 ארץ אשׁר לא במסכנת תאכל בה לחם לא תחסר כל בה ארץ אשׁר אבניה ברזל ומהרריה תחצב נחשׁת׃
Deuteronomy 33:25
25 ברזל ונחשׁת מנעלך וכימיך דבאך׃
2 Chronicles 2:7
7 (2:6) ועתה שׁלח לי אישׁ חכם לעשׂות בזהב ובכסף ובנחשׁת ובברזל ובארגון וכרמיל ותכלת וידע לפתח פתוחים עם החכמים אשׁר עמי ביהודה ובירושׁלם אשׁר הכין דויד אבי׃
Exodus 20:13
13 לא תרצח׃
Leviticus 19:18
18 לא תקם ולא תטר את בני עמך ואהבת לרעך כמוך אני יהוה׃
Numbers 23:18
18 וישׂא משׁלו ויאמר קום בלק ושׁמע האזינה עדי בנו צפר׃
Judges 9:7
7 ויגדו ליותם וילך ויעמד בראשׁ הר גרזים וישׂא קולו ויקרא ויאמר להם שׁמעו אלי בעלי שׁכם וישׁמע אליכם אלהים׃
Genesis 4:15
15 ויאמר לו יהוה לכן כל הרג קין שׁבעתים יקם וישׂם יהוה לקין אות לבלתי הכות אתו כל מצאו׃
Genesis 4:1-3
Genesis 4:8
8 ויאמר קין אל הבל אחיו ויהי בהיותם בשׂדה ויקם קין אל הבל אחיו ויהרגהו׃
Genesis 4:10-11
Genesis 5:3-4
1 Chronicles 1:1
1 אדם שׁת אנושׁ׃
Genesis 12:8
8 ויעתק משׁם ההרה מקדם לבית אל ויט אהלה בית אל מים והעי מקדם ויבן שׁם מזבח ליהוה ויקרא בשׁם יהוה׃
Genesis 26:25
25 ויבן שׁם מזבח ויקרא בשׁם יהוה ויט שׁם אהלו ויכרו שׁם עבדי יצחק באר׃
Deuteronomy 26:17-18
Psalms 116:17
17 לך אזבח זבח תודה ובשׁם יהוה אקרא׃
Isaiah 44:5
5 זה יאמר ליהוה אני וזה יקרא בשׁם יעקב וזה יכתב ידו ליהוה ובשׁם ישׂראל יכנה׃
Isaiah 48:1
1 שׁמעו זאת בית יעקב הנקראים בשׁם ישׂראל וממי יהודה יצאו הנשׁבעים בשׁם יהוה ובאלהי ישׂראל יזכירו לא באמת ולא בצדקה׃
Isaiah 63:19
19 היינו מעולם לא משׁלת בם לא נקרא שׁמך׃
Jeremiah 33:16
16 בימים ההם תושׁע יהודה וירושׁלם תשׁכון לבטח וזה אשׁר יקרא לה יהוה צדקנו׃
Joel 2:32
32 (3:5) והיה כל אשׁר יקרא בשׁם יהוה ימלט כי בהר ציון ובירושׁלם תהיה פליטה כאשׁר אמר יהוה ובשׂרידים אשׁר יהוה קרא׃
Zephaniah 3:9
9 כי אז אהפך אל עמים שׂפה ברורה לקרא כלם בשׁם יהוה לעבדו שׁכם אחד׃