1 הוי החקקים חקקי און ומכתבים עמל כתבו׃2 להטות מדין דלים ולגזל משׁפט עניי עמי להיות אלמנות שׁללם ואת יתומים יבזו׃3 ומה תעשׂו ליום פקדה ולשׁואה ממרחק תבוא על מי תנוסו לעזרה ואנה תעזבו כבודכם׃4 בלתי כרע תחת אסיר ותחת הרוגים יפלו בכל זאת לא שׁב אפו ועוד ידו נטויה׃5 הוי אשׁור שׁבט אפי ומטה הוא בידם זעמי׃6 בגוי חנף אשׁלחנו ועל עם עברתי אצונו לשׁלל שׁלל ולבז בז ולשׂימו מרמס כחמר חוצות׃7 והוא לא כן ידמה ולבבו לא כן יחשׁב כי להשׁמיד בלבבו ולהכרית גוים לא מעט׃8 כי יאמר הלא שׂרי יחדו מלכים׃9 הלא ככרכמישׁ כלנו אם לא כארפד חמת אם לא כדמשׂק שׁמרון׃10 כאשׁר מצאה ידי לממלכת האליל ופסיליהם מירושׁלם ומשׁמרון׃11 הלא כאשׁר עשׂיתי לשׁמרון ולאליליה כן אעשׂה לירושׁלם ולעצביה׃12 והיה כי יבצע אדני את כל מעשׂהו בהר ציון ובירושׁלם אפקד על פרי גדל לבב מלך אשׁור ועל תפארת רום עיניו׃13 כי אמר בכח ידי עשׂיתי ובחכמתי כי נבנותי ואסיר גבולת עמים ועתידתיהם שׁושׂתי ואוריד כאביר יושׁבים׃14 ותמצא כקן ידי לחיל העמים וכאסף ביצים עזבות כל הארץ אני אספתי ולא היה נדד כנף ופצה פה ומצפצף׃15 היתפאר הגרזן על החצב בו אם יתגדל המשׂור על מניפו כהניף שׁבט ואת מרימיו כהרים מטה לא עץ׃16 לכן ישׁלח האדון יהוה צבאות במשׁמניו רזון ותחת כבדו יקד יקד כיקוד אשׁ׃17 והיה אור ישׂראל לאשׁ וקדושׁו ללהבה ובערה ואכלה שׁיתו ושׁמירו ביום אחד׃18 וכבוד יערו וכרמלו מנפשׁ ועד בשׂר יכלה והיה כמסס נסס׃19 ושׁאר עץ יערו מספר יהיו ונער יכתבם׃20 והיה ביום ההוא לא יוסיף עוד שׁאר ישׂראל ופליטת בית יעקב להשׁען על מכהו ונשׁען על יהוה קדושׁ ישׂראל באמת׃21 שׁאר ישׁוב שׁאר יעקב אל אל גבור׃22 כי אם יהיה עמך ישׂראל כחול הים שׁאר ישׁוב בו כליון חרוץ שׁוטף צדקה׃23 כי כלה ונחרצה אדני יהוה צבאות עשׂה בקרב כל הארץ׃24 לכן כה אמר אדני יהוה צבאות אל תירא עמי ישׁב ציון מאשׁור בשׁבט יככה ומטהו ישׂא עליך בדרך מצרים׃25 כי עוד מעט מזער וכלה זעם ואפי על תבליתם׃26 ועורר עליו יהוה צבאות שׁוט כמכת מדין בצור עורב ומטהו על הים ונשׂאו בדרך מצרים׃27 והיה ביום ההוא יסור סבלו מעל שׁכמך ועלו מעל צוארך וחבל על מפני שׁמן׃28 בא על עית עבר במגרון למכמשׂ יפקיד כליו׃29 עברו מעברה גבע מלון לנו חרדה הרמה גבעת שׁאול נסה׃30 צהלי קולך בת גלים הקשׁיבי לישׁה עניה ענתות׃31 נדדה מדמנה ישׁבי הגבים העיזו׃32 עוד היום בנב לעמד ינפף ידו הר בית ציון גבעת ירושׁלם׃33 הנה האדון יהוה צבאות מסעף פארה במערצה ורמי הקומה גדועים והגבהים ישׁפלו׃34 ונקף סבכי היער בברזל והלבנון באדיר יפול׃
Isaiah 10 Cross References - HOT
1 Kings 21:13
13 ויבאו שׁני האנשׁים בני בליעל וישׁבו נגדו ויעדהו אנשׁי הבליעל את נבות נגד העם לאמר ברך נבות אלהים ומלך ויצאהו מחוץ לעיר ויסקלהו באבנים וימת׃
Esther 3:10-13
10 ויסר המלך את טבעתו מעל ידו ויתנה להמן בן המדתא האגגי צרר היהודים׃11 ויאמר המלך להמן הכסף נתון לך והעם לעשׂות בו כטוב בעיניך׃12 ויקראו ספרי המלך בחדשׁ הראשׁון בשׁלושׁה עשׂר יום בו ויכתב ככל אשׁר צוה המן אל אחשׁדרפני המלך ואל הפחות אשׁר על מדינה ומדינה ואל שׂרי עם ועם מדינה ומדינה ככתבה ועם ועם כלשׁונו בשׁם המלך אחשׁורשׁ נכתב ונחתם בטבעת המלך׃13 ונשׁלוח ספרים ביד הרצים אל כל מדינות המלך להשׁמיד להרג ולאבד את כל היהודים מנער ועד זקן טף ונשׁים ביום אחד בשׁלושׁה עשׂר לחדשׁ שׁנים עשׂר הוא חדשׁ אדר ושׁללם לבוז׃
Psalms 58:2
2 (58:3) אף בלב עולת תפעלון בארץ חמס ידיכם תפלסון׃
Psalms 94:20-21
Isaiah 3:11
11 אוי לרשׁע רע כי גמול ידיו יעשׂה׃
Isaiah 5:8
8 הוי מגיעי בית בבית שׂדה בשׂדה יקריבו עד אפס מקום והושׁבתם לבדכם בקרב הארץ׃
Isaiah 5:11
11 הוי משׁכימי בבקר שׁכר ירדפו מאחרי בנשׁף יין ידליקם׃
Isaiah 5:18
18 הוי משׁכי העון בחבלי השׁוא וכעבות העגלה חטאה׃
Isaiah 5:20-22
Jeremiah 22:13
13 הוי בנה ביתו בלא צדק ועליותיו בלא משׁפט ברעהו יעבד חנם ופעלו לא יתן׃
Daniel 6:8-9
Micah 3:1-4
Micah 3:9-11
Micah 6:16
16 וישׁתמר חקות עמרי וכל מעשׂה בית אחאב ותלכו במעצותם למען תתי אתך לשׁמה וישׁביה לשׁרקה וחרפת עמי תשׂאו׃
Habakkuk 2:6
6 הלוא אלה כלם עליו משׁל ישׂאו ומליצה חידות לו ויאמר הוי המרבה לא לו עד מתי ומכביד עליו עבטיט׃
Habakkuk 2:9
9 הוי בצע בצע רע לביתו לשׂום במרום קנו להנצל מכף רע׃
Habakkuk 2:12
12 הוי בנה עיר בדמים וכונן קריה בעולה׃
Habakkuk 2:15
15 הוי משׁקה רעהו מספח חמתך ואף שׁכר למען הביט על מעוריהם׃
Habakkuk 2:19
19 הוי אמר לעץ הקיצה עורי לאבן דומם הוא יורה הנה הוא תפושׂ זהב וכסף וכל רוח אין בקרבו׃
Isaiah 1:23
23 שׂריך סוררים וחברי גנבים כלו אהב שׁחד ורדף שׁלמנים יתום לא ישׁפטו וריב אלמנה לא יבוא אליהם׃
Isaiah 3:14
14 יהוה במשׁפט יבוא עם זקני עמו ושׂריו ואתם בערתם הכרם גזלת העני בבתיכם׃
Isaiah 5:7
7 כי כרם יהוה צבאות בית ישׂראל ואישׁ יהודה נטע שׁעשׁועיו ויקו למשׁפט והנה משׂפח לצדקה והנה צעקה׃
Isaiah 5:23
23 מצדיקי רשׁע עקב שׁחד וצדקת צדיקים יסירו ממנו׃
Isaiah 29:21
21 מחטיאי אדם בדבר ולמוכיח בשׁער יקשׁון ויטו בתהו צדיק׃
Jeremiah 7:6
6 גר יתום ואלמנה לא תעשׁקו ודם נקי אל תשׁפכו במקום הזה ואחרי אלהים אחרים לא תלכו לרע׃
Lamentations 3:35
35 להטות משׁפט גבר נגד פני עליון׃
Ezekiel 22:7
7 אב ואם הקלו בך לגר עשׂו בעשׁק בתוכך יתום ואלמנה הונו׃
Amos 2:7
7 השׁאפים על עפר ארץ בראשׁ דלים ודרך ענוים יטו ואישׁ ואביו ילכו אל הנערה למען חלל את שׁם קדשׁי׃
Amos 5:11-12
Malachi 3:5
5 וקרבתי אליכם למשׁפט והייתי עד ממהר במכשׁפים ובמנאפים ובנשׁבעים לשׁקר ובעשׁקי שׂכר שׂכיר אלמנה ויתום ומטי גר ולא יראוני אמר יהוה צבאות׃
Genesis 31:1
1 וישׁמע את דברי בני לבן לאמר לקח יעקב את כל אשׁר לאבינו ומאשׁר לאבינו עשׂה את כל הכבד הזה׃
Deuteronomy 28:49
49 ישׂא יהוה עליך גוי מרחק מקצה הארץ כאשׁר ידאה הנשׁר גוי אשׁר לא תשׁמע לשׁנו׃
2 Kings 7:6-8
6 ואדני השׁמיע את מחנה ארם קול רכב קול סוס קול חיל גדול ויאמרו אישׁ אל אחיו הנה שׂכר עלינו מלך ישׂראל את מלכי החתים ואת מלכי מצרים לבוא עלינו׃7 ויקומו וינוסו בנשׁף ויעזבו את אהליהם ואת סוסיהם ואת חמריהם המחנה כאשׁר היא וינסו אל נפשׁם׃8 ויבאו המצרעים האלה עד קצה המחנה ויבאו אל אהל אחד ויאכלו וישׁתו וישׂאו משׁם כסף וזהב ובגדים וילכו ויטמנו וישׁבו ויבאו אל אהל אחר וישׂאו משׁם וילכו ויטמנו׃
2 Kings 7:15
15 וילכו אחריהם עד הירדן והנה כל הדרך מלאה בגדים וכלים אשׁר השׁליכו ארם בהחפזם וישׁבו המלאכים ויגדו למלך׃
Job 31:14
14 ומה אעשׂה כי יקום אל וכי יפקד מה אשׁיבנו׃
Psalms 49:16-17
Proverbs 11:4
4 לא יועיל הון ביום עברה וצדקה תציל ממות׃
Isaiah 2:20-21
Isaiah 5:14
14 לכן הרחיבה שׁאול נפשׁה ופערה פיה לבלי חק וירד הדרה והמונה ושׁאונה ועלז׃
Isaiah 5:26
26 ונשׂא נס לגוים מרחוק ושׁרק לו מקצה הארץ והנה מהרה קל יבוא׃
Isaiah 20:6
6 ואמר ישׁב האי הזה ביום ההוא הנה כה מבטנו אשׁר נסנו שׁם לעזרה להנצל מפני מלך אשׁור ואיך נמלט אנחנו׃
Isaiah 26:21
21 כי הנה יהוה יצא ממקומו לפקד עון ישׁב הארץ עליו וגלתה הארץ את דמיה ולא תכסה עוד על הרוגיה׃
Isaiah 30:1-3
Isaiah 30:16
16 ותאמרו לא כי על סוס ננוס על כן תנוסון ועל קל נרכב על כן יקלו רדפיכם׃
Isaiah 30:27-28
Isaiah 31:1-3
Isaiah 33:14
14 פחדו בציון חטאים אחזה רעדה חנפים מי יגור לנו אשׁ אוכלה מי יגור לנו מוקדי עולם׃
Isaiah 39:3
3 ויבא ישׁעיהו הנביא אל המלך חזקיהו ויאמר אליו מה אמרו האנשׁים האלה ומאין יבאו אליך ויאמר חזקיהו מארץ רחוקה באו אלי מבבל׃
Isaiah 39:6-7
Jeremiah 5:31
31 הנביאים נבאו בשׁקר והכהנים ירדו על ידיהם ועמי אהבו כן ומה תעשׂו לאחריתה׃
Ezekiel 24:13-14
Hosea 5:13
13 וירא אפרים את חליו ויהודה את מזרו וילך אפרים אל אשׁור וישׁלח אל מלך ירב והוא לא יוכל לרפא לכם ולא יגהה מכם מזור׃
Hosea 9:7
7 באו ימי הפקדה באו ימי השׁלם ידעו ישׂראל אויל הנביא משׁגע אישׁ הרוח על רב עונך ורבה משׂטמה׃
Zephaniah 1:18
18 גם כספם גם זהבם לא יוכל להצילם ביום עברת יהוה ובאשׁ קנאתו תאכל כל הארץ כי כלה אך נבהלה יעשׂה את כל ישׁבי הארץ׃
Leviticus 26:17
17 ונתתי פני בכם ונגפתם לפני איביכם ורדו בכם שׂנאיכם ונסתם ואין רדף אתכם׃
Leviticus 26:36-37
Deuteronomy 31:15-18
15 וירא יהוה באהל בעמוד ענן ויעמד עמוד הענן על פתח האהל׃16 ויאמר יהוה אל משׁה הנך שׁכב עם אבתיך וקם העם הזה וזנה אחרי אלהי נכר הארץ אשׁר הוא בא שׁמה בקרבו ועזבני והפר את בריתי אשׁר כרתי אתו׃17 וחרה אפי בו ביום ההוא ועזבתים והסתרתי פני מהם והיה לאכל ומצאהו רעות רבות וצרות ואמר ביום ההוא הלא על כי אין אלהי בקרבי מצאוני הרעות האלה׃18 ואנכי הסתר אסתיר פני ביום ההוא על כל הרעה אשׁר עשׂה כי פנה אל אלהים אחרים׃
Deuteronomy 32:30
30 איכה ירדף אחד אלף ושׁנים יניסו רבבה אם לא כי צורם מכרם ויהוה הסגירם׃
Isaiah 5:25
25 על כן חרה אף יהוה בעמו ויט ידו עליו ויכהו וירגזו ההרים ותהי נבלתם כסוחה בקרב חוצות בכל זאת לא שׁב אפו ועוד ידו נטויה׃
Isaiah 9:12
12 (9:11) ארם מקדם ופלשׁתים מאחור ויאכלו את ישׂראל בכל פה בכל זאת לא שׁב אפו ועוד ידו נטויה׃
Isaiah 9:17
17 (9:16) על כן על בחוריו לא ישׂמח אדני ואת יתמיו ואת אלמנתיו לא ירחם כי כלו חנף ומרע וכל פה דבר נבלה בכל זאת לא שׁב אפו ועוד ידו נטויה׃
Isaiah 9:21
21 (9:20) מנשׁה את אפרים ואפרים את מנשׁה יחדו המה על יהודה בכל זאת לא שׁב אפו ועוד ידו נטויה׃
Isaiah 22:2
2 תשׁאות מלאה עיר הומיה קריה עליזה חלליך לא חללי חרב ולא מתי מלחמה׃
Isaiah 24:22
22 ואספו אספה אסיר על בור וסגרו על מסגר ומרב ימים יפקדו׃
Isaiah 34:3
3 וחלליהם ישׁלכו ופגריהם יעלה באשׁם ונמסו הרים מדמם׃
Isaiah 66:16
16 כי באשׁ יהוה נשׁפט ובחרבו את כל בשׂר ורבו חללי יהוה׃
Jeremiah 37:10
10 כי אם הכיתם כל חיל כשׂדים הנלחמים אתכם ונשׁארו בם אנשׁים מדקרים אישׁ באהלו יקומו ושׂרפו את העיר הזאת באשׁ׃
Hosea 9:12
12 כי אם יגדלו את בניהם ושׁכלתים מאדם כי גם אוי להם בשׂורי מהם׃
Genesis 10:11
11 מן הארץ ההוא יצא אשׁור ויבן את נינוה ואת רחבת עיר ואת כלח׃
Psalms 17:14
14 ממתים ידך יהוה ממתים מחלד חלקם בחיים וצפינך תמלא בטנם ישׂבעו בנים והניחו יתרם לעולליהם׃
Psalms 125:3
3 כי לא ינוח שׁבט הרשׁע על גורל הצדיקים למען לא ישׁלחו הצדיקים בעולתה ידיהם׃
Isaiah 8:4
4 כי בטרם ידע הנער קרא אבי ואמי ישׂא את חיל דמשׂק ואת שׁלל שׁמרון לפני מלך אשׁור׃
Isaiah 10:15
15 היתפאר הגרזן על החצב בו אם יתגדל המשׂור על מניפו כהניף שׁבט ואת מרימיו כהרים מטה לא עץ׃
Isaiah 13:5
5 באים מארץ מרחק מקצה השׁמים יהוה וכלי זעמו לחבל כל הארץ׃
Isaiah 14:5-6
Isaiah 14:25
25 לשׁבר אשׁור בארצי ועל הרי אבוסנו וסר מעליהם עלו וסבלו מעל שׁכמו יסור׃
Isaiah 30:30
30 והשׁמיע יהוה את הוד קולו ונחת זרועו יראה בזעף אף ולהב אשׁ אוכלה נפץ וזרם ואבן ברד׃
Isaiah 66:14
14 וראיתם ושׂשׂ לבכם ועצמותיכם כדשׁא תפרחנה ונודעה יד יהוה את עבדיו וזעם את איביו׃
Jeremiah 51:20-24
20 מפץ אתה לי כלי מלחמה ונפצתי בך גוים והשׁחתי בך ממלכות׃21 ונפצתי בך סוס ורכבו ונפצתי בך רכב ורכבו׃22 ונפצתי בך אישׁ ואשׁה ונפצתי בך זקן ונער ונפצתי בך בחור ובתולה׃23 ונפצתי בך רעה ועדרו ונפצתי בך אכר וצמדו ונפצתי בך פחות וסגנים׃24 ושׁלמתי לבבל ולכל יושׁבי כשׂדים את כל רעתם אשׁר עשׂו בציון לעיניכם נאם יהוה׃
Zephaniah 2:13
13 ויט ידו על צפון ויאבד את אשׁור וישׂם את נינוה לשׁממה ציה כמדבר׃
2 Samuel 22:43
43 ואשׁחקם כעפר ארץ כטיט חוצות אדקם ארקעם׃
Isaiah 5:29
29 שׁאגה לו כלביא ושׁאג ככפירים וינהם ויאחז טרף ויפליט ואין מציל׃
Isaiah 9:19
19 (9:18) בעברת יהוה צבאות נעתם ארץ ויהי העם כמאכלת אשׁ אישׁ אל אחיו לא יחמלו׃
Isaiah 10:13-14
Isaiah 19:17
17 והיתה אדמת יהודה למצרים לחגא כל אשׁר יזכיר אתה אליו יפחד מפני עצת יהוה צבאות אשׁר הוא יועץ עליו׃
Isaiah 22:5
5 כי יום מהומה ומבוסה ומבוכה לאדני יהוה צבאות בגיא חזיון מקרקר קר ושׁוע אל ההר׃
Isaiah 29:13
13 ויאמר אדני יען כי נגשׁ העם הזה בפיו ובשׂפתיו כבדוני ולבו רחק ממני ותהי יראתם אתי מצות אנשׁים מלמדה׃
Isaiah 30:9-11
Isaiah 37:26-27
Isaiah 41:25
25 העירותי מצפון ויאת ממזרח שׁמשׁ יקרא בשׁמי ויבא סגנים כמו חמר וכמו יוצר ירמס טיט׃
Isaiah 45:1-5
1 כה אמר יהוה למשׁיחו לכורשׁ אשׁר החזקתי בימינו לרד לפניו גוים ומתני מלכים אפתח לפתח לפניו דלתים ושׁערים לא יסגרו׃2 אני לפניך אלך והדורים אושׁר דלתות נחושׁה אשׁבר ובריחי ברזל אגדע׃3 ונתתי לך אוצרות חשׁך ומטמני מסתרים למען תדע כי אני יהוה הקורא בשׁמך אלהי ישׂראל׃4 למען עבדי יעקב וישׂראל בחירי ואקרא לך בשׁמך אכנך ולא ידעתני׃5 אני יהוה ואין עוד זולתי אין אלהים אאזרך ולא ידעתני׃
Isaiah 63:3
3 פורה דרכתי לבדי ומעמים אין אישׁ אתי ואדרכם באפי וארמסם בחמתי ויז נצחם על בגדי וכל מלבושׁי אגאלתי׃
Isaiah 63:6
6 ואבוס עמים באפי ואשׁכרם בחמתי ואוריד לארץ נצחם׃
Jeremiah 3:10
10 וגם בכל זאת לא שׁבה אלי בגודה אחותה יהודה בכל לבה כי אם בשׁקר נאם יהוה׃
Jeremiah 4:14
14 כבסי מרעה לבך ירושׁלם למען תושׁעי עד מתי תלין בקרבך מחשׁבות אונך׃
Jeremiah 25:9
9 הנני שׁלח ולקחתי את כל משׁפחות צפון נאם יהוה ואל נבוכדראצר מלך בבל עבדי והבאתים על הארץ הזאת ועל ישׁביה ועל כל הגוים האלה סביב והחרמתים ושׂמתים לשׁמה ולשׁרקה ולחרבות עולם׃
Jeremiah 34:22
22 הנני מצוה נאם יהוה והשׁבתים אל העיר הזאת ונלחמו עליה ולכדוה ושׂרפה באשׁ ואת ערי יהודה אתן שׁממה מאין ישׁב׃
Jeremiah 47:6-7
Micah 7:10
10 ותרא איבתי ותכסה בושׁה האמרה אלי איו יהוה אלהיך עיני תראינה בה עתה תהיה למרמס כטיט חוצות׃
Zechariah 10:5
5 והיו כגברים בוסים בטיט חוצות במלחמה ונלחמו כי יהוה עמם והבישׁו רכבי סוסים׃
Genesis 50:20
20 ואתם חשׁבתם עלי רעה אלהים חשׁבה לטבה למען עשׂה כיום הזה להחית עם רב׃
Isaiah 36:18-20
Isaiah 37:11-13
Micah 4:11-12
2 Kings 18:24
24 ואיך תשׁיב את פני פחת אחד עבדי אדני הקטנים ותבטח לך על מצרים לרכב ולפרשׁים׃
2 Kings 19:10
10 כה תאמרון אל חזקיהו מלך יהודה לאמר אל ישׁאך אלהיך אשׁר אתה בטח בו לאמר לא תנתן ירושׁלם ביד מלך אשׁור׃
Isaiah 36:8
8 ועתה התערב נא את אדני המלך אשׁור ואתנה לך אלפים סוסים אם תוכל לתת לך רכבים עליהם׃
Ezekiel 26:7
7 כי כה אמר אדני יהוה הנני מביא אל צר נבוכדראצר מלך בבל מצפון מלך מלכים בסוס וברכב ובפרשׁים וקהל ועם רב׃
Daniel 2:37
37 אנתה מלכא מלך מלכיא די אלה שׁמיא מלכותא חסנא ותקפא ויקרא יהב׃
Genesis 10:10
10 ותהי ראשׁית ממלכתו בבל וארך ואכד וכלנה בארץ שׁנער׃
2 Samuel 8:9
9 וישׁמע תעי מלך חמת כי הכה דוד את כל חיל הדדעזר׃
2 Kings 16:9
9 וישׁמע אליו מלך אשׁור ויעל מלך אשׁור אל דמשׂק ויתפשׂה ויגלה קירה ואת רצין המית׃
2 Kings 17:5-6
2 Kings 17:24
24 ויבא מלך אשׁור מבבל ומכותה ומעוא ומחמת וספרוים וישׁב בערי שׁמרון תחת בני ישׂראל וירשׁו את שׁמרון וישׁבו בעריה׃
2 Kings 18:9-10
2 Chronicles 35:20
20 אחרי כל זאת אשׁר הכין יאשׁיהו את הבית עלה נכו מלך מצרים להלחם בכרכמישׁ על פרת ויצא לקראתו יאשׁיהו׃
Isaiah 7:8
8 כי ראשׁ ארם דמשׂק וראשׁ דמשׂק רצין ובעוד שׁשׁים וחמשׁ שׁנה יחת אפרים מעם׃
Isaiah 17:3
3 ונשׁבת מבצר מאפרים וממלכה מדמשׂק ושׁאר ארם ככבוד בני ישׂראל יהיו נאם יהוה צבאות׃
Isaiah 36:19
19 איה אלהי חמת וארפד איה אלהי ספרוים וכי הצילו את שׁמרון מידי׃
Isaiah 37:13
13 איה מלך חמת ומלך ארפד ומלך לעיר ספרוים הנע ועוה׃
Jeremiah 46:2
2 למצרים על חיל פרעה נכו מלך מצרים אשׁר היה על נהר פרת בכרכמשׁ אשׁר הכה נבוכדראצר מלך בבל בשׁנת הרביעית ליהויקים בן יאשׁיהו מלך יהודה׃
Jeremiah 49:23
23 לדמשׂק בושׁה חמת וארפד כי שׁמעה רעה שׁמעו נמגו בים דאגה השׁקט לא יוכל׃
Amos 6:1-2
2 Kings 18:33-35
2 Kings 19:12-13
2 Kings 19:17-19
2 Chronicles 32:12-16
12 הלא הוא יחזקיהו הסיר את במתיו ואת מזבחתיו ויאמר ליהודה ולירושׁלם לאמר לפני מזבח אחד תשׁתחוו ועליו תקטירו׃13 הלא תדעו מה עשׂיתי אני ואבותי לכל עמי הארצות היכול יכלו אלהי גוי הארצות להציל את ארצם מידי׃14 מי בכל אלהי הגוים האלה אשׁר החרימו אבותי אשׁר יכול להציל את עמו מידי כי יוכל אלהיכם להציל אתכם מידי׃15 ועתה אל ישׁיא אתכם חזקיהו ואל יסית אתכם כזאת ואל תאמינו לו כי לא יוכל כל אלוה כל גוי וממלכה להציל עמו מידי ומיד אבותי אף כי אלהיכם לא יצילו אתכם מידי׃16 ועוד דברו עבדיו על יהוה האלהים ועל יחזקיהו עבדו׃
2 Chronicles 32:19
19 וידברו אל אלהי ירושׁלם כעל אלהי עמי הארץ מעשׂה ידי האדם׃
Isaiah 10:14
14 ותמצא כקן ידי לחיל העמים וכאסף ביצים עזבות כל הארץ אני אספתי ולא היה נדד כנף ופצה פה ומצפצף׃
Isaiah 2:8
8 ותמלא ארצו אלילים למעשׂה ידיו ישׁתחוו לאשׁר עשׂו אצבעתיו׃
Isaiah 37:10-13
10 כה תאמרון אל חזקיהו מלך יהודה לאמר אל ישׁאך אלהיך אשׁר אתה בוטח בו לאמר לא תנתן ירושׁלם ביד מלך אשׁור׃
2 Kings 19:31
31 כי מירושׁלם תצא שׁארית ופליטה מהר ציון קנאת יהוה תעשׂה זאת׃
Job 40:11-12
Psalms 18:27
27 (18:28) כי אתה עם עני תושׁיע ועינים רמות תשׁפיל׃
Psalms 21:10
10 (21:11) פרימו מארץ תאבד וזרעם מבני אדם׃
Psalms 76:10
10 (76:11) כי חמת אדם תודך שׁארית חמת תחגר׃
Proverbs 30:13
13 דור מה רמו עיניו ועפעפיו ינשׂאו׃
Isaiah 2:11
11 עיני גבהות אדם שׁפל ושׁח רום אנשׁים ונשׂגב יהוה לבדו ביום ההוא׃
Isaiah 5:15
15 וישׁח אדם וישׁפל אישׁ ועיני גבהים תשׁפלנה׃
Isaiah 9:9
9 (9:8) וידעו העם כלו אפרים ויושׁב שׁמרון בגאוה ובגדל לבב לאמר׃
Isaiah 10:5-6
Isaiah 10:16-19
Isaiah 10:25-34
25 כי עוד מעט מזער וכלה זעם ואפי על תבליתם׃26 ועורר עליו יהוה צבאות שׁוט כמכת מדין בצור עורב ומטהו על הים ונשׂאו בדרך מצרים׃27 והיה ביום ההוא יסור סבלו מעל שׁכמך ועלו מעל צוארך וחבל על מפני שׁמן׃28 בא על עית עבר במגרון למכמשׂ יפקיד כליו׃29 עברו מעברה גבע מלון לנו חרדה הרמה גבעת שׁאול נסה׃30 צהלי קולך בת גלים הקשׁיבי לישׁה עניה ענתות׃31 נדדה מדמנה ישׁבי הגבים העיזו׃32 עוד היום בנב לעמד ינפף ידו הר בית ציון גבעת ירושׁלם׃33 הנה האדון יהוה צבאות מסעף פארה במערצה ורמי הקומה גדועים והגבהים ישׁפלו׃34 ונקף סבכי היער בברזל והלבנון באדיר יפול׃
Isaiah 14:24-27
Isaiah 17:12-14
Isaiah 27:9
9 לכן בזאת יכפר עון יעקב וזה כל פרי הסר חטאתו בשׂומו כל אבני מזבח כאבני גר מנפצות לא יקמו אשׁרים וחמנים׃
Isaiah 28:21-22
Isaiah 29:7-8
Isaiah 30:30-33
Isaiah 31:5-9
5 כצפרים עפות כן יגן יהוה צבאות על ירושׁלם גנון והציל פסח והמליט׃6 שׁובו לאשׁר העמיקו סרה בני ישׂראל׃7 כי ביום ההוא ימאסון אישׁ אלילי כספו ואלילי זהבו אשׁר עשׂו לכם ידיכם חטא׃8 ונפל אשׁור בחרב לא אישׁ וחרב לא אדם תאכלנו ונס לו מפני חרב ובחוריו למס יהיו׃9 וסלעו ממגור יעבור וחתו מנס שׂריו נאם יהוה אשׁר אור לו בציון ותנור לו בירושׁלם׃
Isaiah 37:36-38
Isaiah 46:10-11
Isaiah 50:11
11 הן כלכם קדחי אשׁ מאזרי זיקות לכו באור אשׁכם ובזיקות בערתם מידי היתה זאת לכם למעצבה תשׁכבון׃
Isaiah 65:7
7 עונתיכם ועונת אבותיכם יחדו אמר יהוה אשׁר קטרו על ההרים ועל הגבעות חרפוני ומדתי פעלתם ראשׁנה על חיקם׃
Jeremiah 50:18
18 לכן כה אמר יהוה צבאות אלהי ישׂראל הנני פקד אל מלך בבל ואל ארצו כאשׁר פקדתי אל מלך אשׁור׃
Ezekiel 31:10
10 לכן כה אמר אדני יהוה יען אשׁר גבהת בקומה ויתן צמרתו אל בין עבותים ורם לבבו בגבהו׃
Ezekiel 31:14
14 למען אשׁר לא יגבהו בקומתם כל עצי מים ולא יתנו את צמרתם אל בין עבתים ולא יעמדו אליהם בגבהם כל שׁתי מים כי כלם נתנו למות אל ארץ תחתית בתוך בני אדם אל יורדי בור׃
Daniel 4:37
37 (4:34) כען אנה נבוכדנצר משׁבח ומרומם ומהדר למלך שׁמיא די כל מעבדוהי קשׁט וארחתה דין ודי מהלכין בגוה יכל להשׁפלה׃
Deuteronomy 8:17
17 ואמרת בלבבך כחי ועצם ידי עשׂה לי את החיל הזה׃
2 Kings 15:29
29 בימי פקח מלך ישׂראל בא תגלת פלאסר מלך אשׁור ויקח את עיון ואת אבל בית מעכה ואת ינוח ואת קדשׁ ואת חצור ואת הגלעד ואת הגלילה כל ארץ נפתלי ויגלם אשׁורה׃
2 Kings 16:8
8 ויקח אחז את הכסף ואת הזהב הנמצא בית יהוה ובאצרות בית המלך וישׁלח למלך אשׁור שׁחד׃
2 Kings 17:6
6 בשׁנת התשׁיעית להושׁע לכד מלך אשׁור את שׁמרון ויגל את ישׂראל אשׁורה וישׁב אתם בחלח ובחבור נהר גוזן וערי מדי׃
2 Kings 18:11
11 ויגל מלך אשׁור את ישׂראל אשׁורה וינחם בחלח ובחבור נהר גוזן וערי מדי׃
2 Kings 18:15
15 ויתן חזקיה את כל הכסף הנמצא בית יהוה ובאצרות בית המלך׃
2 Kings 18:32
32 עד באי ולקחתי אתכם אל ארץ כארצכם ארץ דגן ותירושׁ ארץ לחם וכרמים ארץ זית יצהר ודבשׁ וחיו ולא תמתו ואל תשׁמעו אל חזקיהו כי יסית אתכם לאמר יהוה יצילנו׃
2 Kings 19:22-24
1 Chronicles 5:26
26 ויער אלהי ישׂראל את רוח פול מלך אשׁור ואת רוח תלגת פלנסר מלך אשׁור ויגלם לראובני ולגדי ולחצי שׁבט מנשׁה ויביאם לחלח וחבור והרא ונהר גוזן עד היום הזה׃
Isaiah 10:8
8 כי יאמר הלא שׂרי יחדו מלכים׃
Isaiah 37:23-25
Ezekiel 25:3
3 ואמרת לבני עמון שׁמעו דבר אדני יהוה כה אמר אדני יהוה יען אמרך האח אל מקדשׁי כי נחל ואל אדמת ישׂראל כי נשׁמה ואל בית יהודה כי הלכו בגולה׃
Ezekiel 26:2
2 בן אדם יען אשׁר אמרה צר על ירושׁלם האח נשׁברה דלתות העמים נסבה אלי אמלאה החרבה׃
Ezekiel 28:2-9
2 בן אדם אמר לנגיד צר כה אמר אדני יהוה יען גבה לבך ותאמר אל אני מושׁב אלהים ישׁבתי בלב ימים ואתה אדם ולא אל ותתן לבך כלב אלהים׃3 הנה חכם אתה מדנאל כל סתום לא עממוך׃4 בחכמתך ובתבונתך עשׂית לך חיל ותעשׂ זהב וכסף באוצרותיך׃5 ברב חכמתך ברכלתך הרבית חילך ויגבה לבבך בחילך׃6 לכן כה אמר אדני יהוה יען תתך את לבבך כלב אלהים׃7 לכן הנני מביא עליך זרים עריצי גוים והריקו חרבותם על יפי חכמתך וחללו יפעתך׃8 לשׁחת יורדוך ומתה ממותי חלל בלב ימים׃9 האמר תאמר אלהים אני לפני הרגך ואתה אדם ולא אל ביד מחלליך׃
Ezekiel 29:3
3 דבר ואמרת כה אמר אדני יהוה הנני עליך פרעה מלך מצרים התנים הגדול הרבץ בתוך יאריו אשׁר אמר לי יארי ואני עשׂיתני׃
Daniel 4:30
30 (4:27) ענה מלכא ואמר הלא דא היא בבל רבתא די אנה בניתה לבית מלכו בתקף חסני וליקר הדרי׃
Hosea 13:15-16
Amos 5:27-6:2
27 והגליתי אתכם מהלאה לדמשׂק אמר יהוה אלהי צבאות שׁמו׃
Amos 6:13
13 השׂמחים ללא דבר האמרים הלוא בחזקנו לקחנו לנו קרנים׃
Habakkuk 1:16
16 על כן יזבח לחרמו ויקטר למכמרתו כי בהמה שׁמן חלקו ומאכלו בראה׃
Job 31:25
25 אם אשׂמח כי רב חילי וכי כביר מצאה ידי׃
Proverbs 18:12
12 לפני שׁבר יגבה לב אישׁ ולפני כבוד ענוה׃
Proverbs 21:6-7
Jeremiah 49:16
16 תפלצתך השׁיא אתך זדון לבך שׁכני בחגוי הסלע תפשׂי מרום גבעה כי תגביה כנשׁר קנך משׁם אורידך נאם יהוה׃
Hosea 12:7-8
Obadiah 1:4
4 אם תגביה כנשׁר ואם בין כוכבים שׂים קנך משׁם אורידך נאם יהוה׃
Nahum 2:9-3:1
9 (2:10) בזו כסף בזו זהב ואין קצה לתכונה כבד מכל כלי חמדה׃
Habakkuk 2:5-11
5 ואף כי היין בוגד גבר יהיר ולא ינוה אשׁר הרחיב כשׁאול נפשׁו והוא כמות ולא ישׂבע ויאסף אליו כל הגוים ויקבץ אליו כל העמים׃6 הלוא אלה כלם עליו משׁל ישׂאו ומליצה חידות לו ויאמר הוי המרבה לא לו עד מתי ומכביד עליו עבטיט׃7 הלוא פתע יקומו נשׁכיך ויקצו מזעזעיך והיית למשׁסות׃8 כי אתה שׁלות גוים רבים ישׁלוך כל יתר עמים מדמי אדם וחמס ארץ קריה וכל ישׁבי׃9 הוי בצע בצע רע לביתו לשׂום במרום קנו להנצל מכף רע׃10 יעצת בשׁת לביתך קצות עמים רבים וחוטא נפשׁך׃11 כי אבן מקיר תזעק וכפיס מעץ יעננה׃
Psalms 17:13-14
Isaiah 10:5
5 הוי אשׁור שׁבט אפי ומטה הוא בידם זעמי׃
Isaiah 29:16
16 הפככם אם כחמר היצר יחשׁב כי יאמר מעשׂה לעשׂהו לא עשׂני ויצר אמר ליוצרו לא הבין׃
Isaiah 45:9
9 הוי רב את יצרו חרשׂ את חרשׂי אדמה היאמר חמר ליצרו מה תעשׂה ופעלך אין ידים׃
Jeremiah 51:20-23
Ezekiel 28:9
9 האמר תאמר אלהים אני לפני הרגך ואתה אדם ולא אל ביד מחלליך׃
2 Chronicles 32:21
21 וישׁלח יהוה מלאך ויכחד כל גבור חיל ונגיד ושׂר במחנה מלך אשׁור וישׁב בבשׁת פנים לארצו ויבא בית אלהיו ומיציאו מעיו שׁם הפילהו בחרב׃
Psalms 106:15
15 ויתן להם שׁאלתם וישׁלח רזון בנפשׁם׃
Isaiah 5:17
17 ורעו כבשׂים כדברם וחרבות מחים גרים יאכלו׃
Isaiah 8:7
7 ולכן הנה אדני מעלה עליהם את מי הנהר העצומים והרבים את מלך אשׁור ואת כל כבודו ועלה על כל אפיקיו והלך על כל גדותיו׃
Isaiah 9:5
5 (9:4) כי כל סאון סאן ברעשׁ ושׂמלה מגוללה בדמים והיתה לשׂרפה מאכלת אשׁ׃
Isaiah 10:18
18 וכבוד יערו וכרמלו מנפשׁ ועד בשׂר יכלה והיה כמסס נסס׃
Isaiah 17:4
4 והיה ביום ההוא ידל כבוד יעקב ומשׁמן בשׂרו ירזה׃
Isaiah 29:5-8
Isaiah 33:10-14
Isaiah 37:6-7
Isaiah 37:29
29 יען התרגזך אלי ושׁאננך עלה באזני ושׂמתי חחי באפך ומתגי בשׂפתיך והשׁיבתיך בדרך אשׁר באת׃
Isaiah 37:36
36 ויצא מלאך יהוה ויכה במחנה אשׁור מאה ושׁמנים וחמשׁה אלף וישׁכימו בבקר והנה כלם פגרים מתים׃
Numbers 11:1-3
Numbers 16:35
35 ואשׁ יצאה מאת יהוה ותאכל את החמשׁים ומאתים אישׁ מקריבי הקטרת׃
Psalms 18:8
8 (18:9) עלה עשׁן באפו ואשׁ מפיו תאכל גחלים בערו ממנו׃
Psalms 21:9
9 (21:10) תשׁיתמו כתנור אשׁ לעת פניך יהוה באפו יבלעם ותאכלם אשׁ׃
Psalms 27:1
1 לדוד יהוה אורי וישׁעי ממי אירא יהוה מעוז חיי ממי אפחד׃
Psalms 50:3
3 יבא אלהינו ואל יחרשׁ אשׁ לפניו תאכל וסביביו נשׂערה מאד׃
Psalms 83:14-15
Psalms 84:11
11 (84:12) כי שׁמשׁ ומגן יהוה אלהים חן וכבוד יתן יהוה לא ימנע טוב להלכים בתמים׃
Psalms 97:3
3 אשׁ לפניו תלך ותלהט סביב צריו׃
Isaiah 9:18
18 (9:17) כי בערה כאשׁ רשׁעה שׁמיר ושׁית תאכל ותצת בסבכי היער ויתאבכו גאות עשׁן׃
Isaiah 27:4
4 חמה אין לי מי יתנני שׁמיר שׁית במלחמה אפשׂעה בה אציתנה יחד׃
Isaiah 31:9
9 וסלעו ממגור יעבור וחתו מנס שׂריו נאם יהוה אשׁר אור לו בציון ותנור לו בירושׁלם׃
Isaiah 37:23
23 את מי חרפת וגדפת ועל מי הרימותה קול ותשׂא מרום עיניך אל קדושׁ ישׂראל׃
Isaiah 60:19
19 לא יהיה לך עוד השׁמשׁ לאור יומם ולנגה הירח לא יאיר לך והיה לך יהוה לאור עולם ואלהיך לתפארתך׃
Isaiah 64:1-2
Isaiah 66:15-16
Isaiah 66:24
24 ויצאו וראו בפגרי האנשׁים הפשׁעים בי כי תולעתם לא תמות ואשׁם לא תכבה והיו דראון לכל בשׂר׃
Jeremiah 4:4
4 המלו ליהוה והסרו ערלות לבבכם אישׁ יהודה וישׁבי ירושׁלם פן תצא כאשׁ חמתי ובערה ואין מכבה מפני רע מעלליכם׃
Jeremiah 7:20
20 לכן כה אמר אדני יהוה הנה אפי וחמתי נתכת אל המקום הזה על האדם ועל הבהמה ועל עץ השׂדה ועל פרי האדמה ובערה ולא תכבה׃
Nahum 1:5-6
Nahum 1:10
10 כי עד סירים סבכים וכסבאם סבואים אכלו כקשׁ יבשׁ מלא׃
Malachi 4:1-3
2 Kings 19:23
23 ביד מלאכיך חרפת אדני ותאמר ברכב רכבי אני עליתי מרום הרים ירכתי לבנון ואכרת קומת ארזיו מבחור ברשׁיו ואבואה מלון קצה יער כרמלו׃
2 Kings 19:28
28 יען התרגזך אלי ושׁאננך עלה באזני ושׂמתי חחי באפך ומתגי בשׂפתיך והשׁבתיך בדרך אשׁר באת׃
Jeremiah 21:14
14 ופקדתי עליכם כפרי מעלליכם נאם יהוה והצתי אשׁ ביערה ואכלה כל סביביה׃
Ezekiel 20:47-48
Isaiah 21:17
17 ושׁאר מספר קשׁת גבורי בני קדר ימעטו כי יהוה אלהי ישׂראל דבר׃
2 Kings 16:7
7 וישׁלח אחז מלאכים אל תגלת פלסר מלך אשׁור לאמר עבדך ובנך אני עלה והושׁעני מכף מלך ארם ומכף מלך ישׂראל הקומים עלי׃
2 Chronicles 28:20
20 ויבא עליו תלגת פלנאסר מלך אשׁור ויצר לו ולא חזקו׃
Ezra 9:14
14 הנשׁוב להפר מצותיך ולהתחתן בעמי התעבות האלה הלוא תאנף בנו עד כלה לאין שׁארית ופליטה׃
Isaiah 1:9
9 לולי יהוה צבאות הותיר לנו שׂריד כמעט כסדם היינו לעמרה דמינו׃
Isaiah 4:2-3
Isaiah 6:13
13 ועוד בה עשׂריה ושׁבה והיתה לבער כאלה וכאלון אשׁר בשׁלכת מצבת בם זרע קדשׁ מצבתה׃
Isaiah 11:11
11 והיה ביום ההוא יוסיף אדני שׁנית ידו לקנות את שׁאר עמו אשׁר ישׁאר מאשׁור וממצרים ומפתרוס ומכושׁ ומעילם ומשׁנער ומחמת ומאיי הים׃
Isaiah 17:7-8
Isaiah 26:3-4
Isaiah 37:4
4 אולי ישׁמע יהוה אלהיך את דברי רב שׁקה אשׁר שׁלחו מלך אשׁור אדניו לחרף אלהים חי והוכיח בדברים אשׁר שׁמע יהוה אלהיך ונשׂאת תפלה בעד השׁארית הנמצאה׃
Isaiah 37:31-32
Isaiah 48:1-2
Isaiah 50:10
10 מי בכם ירא יהוה שׁמע בקול עבדו אשׁר הלך חשׁכים ואין נגה לו יבטח בשׁם יהוה וישׁען באלהיו׃
Hosea 14:3
3 (14:4) אשׁור לא יושׁיענו על סוס לא נרכב ולא נאמר עוד אלהינו למעשׂה ידינו אשׁר בך ירחם יתום׃
Isaiah 7:3
3 ויאמר יהוה אל ישׁעיהו צא נא לקראת אחז אתה ושׁאר ישׁוב בנך אל קצה תעלת הברכה העליונה אל מסלת שׂדה כובס׃
Isaiah 9:6
6 (9:5) כי ילד ילד לנו בן נתן לנו ותהי המשׂרה על שׁכמו ויקרא שׁמו פלא יועץ אל גבור אביעד שׂר שׁלום׃
Isaiah 9:13
13 (9:12) והעם לא שׁב עד המכהו ואת יהוה צבאות לא דרשׁו׃
Isaiah 19:22
22 ונגף יהוה את מצרים נגף ורפוא ושׁבו עד יהוה ונעתר להם ורפאם׃
Isaiah 55:7
7 יעזב רשׁע דרכו ואישׁ און מחשׁבתיו וישׁב אל יהוה וירחמהו ואל אלהינו כי ירבה לסלוח׃
Isaiah 65:8-9
Hosea 6:1
1 לכו ונשׁובה אל יהוה כי הוא טרף וירפאנו יך ויחבשׁנו׃
Hosea 7:10
10 וענה גאון ישׂראל בפניו ולא שׁבו אל יהוה אלהיהם ולא בקשׁהו בכל זאת׃
Hosea 7:16
16 ישׁובו לא על היו כקשׁת רמיה יפלו בחרב שׂריהם מזעם לשׁונם זו לעגם בארץ מצרים׃
Hosea 14:1
1 (14:2) שׁובה ישׂראל עד יהוה אלהיך כי כשׁלת בעונך׃
Genesis 18:25
25 חללה לך מעשׂת כדבר הזה להמית צדיק עם רשׁע והיה כצדיק כרשׁע חללה לך השׁפט כל הארץ לא יעשׂה משׁפט׃
1 Kings 4:20
20 יהודה וישׂראל רבים כחול אשׁר על הים לרב אכלים ושׁתים ושׂמחים׃
Isaiah 6:11
11 ואמר עד מתי אדני ויאמר עד אשׁר אם שׁאו ערים מאין יושׁב ובתים מאין אדם והאדמה תשׁאה שׁממה׃
Isaiah 8:8
8 וחלף ביהודה שׁטף ועבר עד צואר יגיע והיה מטות כנפיו מלא רחב ארצך עמנו אל׃
Isaiah 27:10-11
Isaiah 28:15-22
15 כי אמרתם כרתנו ברית את מות ועם שׁאול עשׂינו חזה שׁיט שׁוטף כי עבר לא יבואנו כי שׂמנו כזב מחסנו ובשׁקר נסתרנו׃16 לכן כה אמר אדני יהוה הנני יסד בציון אבן אבן בחן פנת יקרת מוסד מוסד המאמין לא יחישׁ׃17 ושׂמתי משׁפט לקו וצדקה למשׁקלת ויעה ברד מחסה כזב וסתר מים ישׁטפו׃18 וכפר בריתכם את מות וחזותכם את שׁאול לא תקום שׁוט שׁוטף כי יעבר והייתם לו למרמס׃19 מדי עברו יקח אתכם כי בבקר בבקר יעבר ביום ובלילה והיה רק זועה הבין שׁמועה׃20 כי קצר המצע מהשׂתרע והמסכה צרה כהתכנס׃
Daniel 9:27
27 והגביר ברית לרבים שׁבוע אחד וחצי השׁבוע ישׁבית זבח ומנחה ועל כנף שׁקוצים משׁמם ועד כלה ונחרצה תתך על שׁמם׃
Hosea 1:10
10 (2:1) והיה מספר בני ישׂראל כחול הים אשׁר לא ימד ולא יספר והיה במקום אשׁר יאמר להם לא עמי אתם יאמר להם בני אל חי׃
Isaiah 24:1-23
1 הנה יהוה בוקק הארץ ובולקה ועוה פניה והפיץ ישׁביה׃2 והיה כעם ככהן כעבד כאדניו כשׁפחה כגברתה כקונה כמוכר כמלוה כלוה כנשׁה כאשׁר נשׁא׃3 הבוק תבוק הארץ והבוז תבוז כי יהוה דבר את הדבר הזה׃4 אבלה נבלה הארץ אמללה נבלה תבל אמללו מרום עם הארץ׃5 והארץ חנפה תחת ישׁביה כי עברו תורת חלפו חק הפרו ברית עולם׃6 על כן אלה אכלה ארץ ויאשׁמו ישׁבי בה על כן חרו ישׁבי ארץ ונשׁאר אנושׁ מזער׃7 אבל תירושׁ אמללה גפן נאנחו כל שׂמחי לב׃8 שׁבת משׂושׂ תפים חדל שׁאון עליזים שׁבת משׂושׂ כנור׃9 בשׁיר לא ישׁתו יין ימר שׁכר לשׁתיו׃10 נשׁברה קרית תהו סגר כל בית מבוא׃11 צוחה על היין בחוצות ערבה כל שׂמחה גלה משׂושׂ הארץ׃12 נשׁאר בעיר שׁמה ושׁאיה יכת שׁער׃13 כי כה יהיה בקרב הארץ בתוך העמים כנקף זית כעוללת אם כלה בציר׃14 המה ישׂאו קולם ירנו בגאון יהוה צהלו מים׃15 על כן בארים כבדו יהוה באיי הים שׁם יהוה אלהי ישׂראל׃16 מכנף הארץ זמרת שׁמענו צבי לצדיק ואמר רזי לי רזי לי אוי לי בגדים בגדו ובגד בוגדים בגדו׃17 פחד ופחת ופח עליך יושׁב הארץ׃18 והיה הנס מקול הפחד יפל אל הפחת והעולה מתוך הפחת ילכד בפח כי ארבות ממרום נפתחו וירעשׁו מוסדי ארץ׃19 רעה התרעעה הארץ פור התפוררה ארץ מוט התמוטטה ארץ׃20 נוע תנוע ארץ כשׁכור והתנודדה כמלונה וכבד עליה פשׁעה ונפלה ולא תסיף קום׃21 והיה ביום ההוא יפקד יהוה על צבא המרום במרום ועל מלכי האדמה על האדמה׃22 ואספו אספה אסיר על בור וסגרו על מסגר ומרב ימים יפקדו׃23 וחפרה הלבנה ובושׁה החמה כי מלך יהוה צבאות בהר ציון ובירושׁלם ונגד זקניו כבוד׃
Isaiah 28:22
22 ועתה אל תתלוצצו פן יחזקו מוסריכם כי כלה ונחרצה שׁמעתי מאת אדני יהוה צבאות על כל הארץ׃
Daniel 4:35
35 (4:32) וכל דארי ארעא כלה חשׁיבין וכמצביה עבד בחיל שׁמיא ודארי ארעא ולא איתי די ימחא בידה ויאמר לה מה עבדת׃
Exodus 1:10-16
10 הבה נתחכמה לו פן ירבה והיה כי תקראנה מלחמה ונוסף גם הוא על שׂנאינו ונלחם בנו ועלה מן הארץ׃11 וישׂימו עליו שׂרי מסים למען ענתו בסבלתם ויבן ערי מסכנות לפרעה את פתם ואת רעמסס׃12 וכאשׁר יענו אתו כן ירבה וכן יפרץ ויקצו מפני בני ישׂראל׃13 ויעבדו מצרים את בני ישׂראל בפרך׃14 וימררו את חייהם בעבדה קשׁה בחמר ובלבנים ובכל עבדה בשׂדה את כל עבדתם אשׁר עבדו בהם בפרך׃15 ויאמר מלך מצרים למילדת העברית אשׁר שׁם האחת שׁפרה ושׁם השׁנית פועה׃16 ויאמר בילדכן את העבריות וראיתן על האבנים אם בן הוא והמתן אתו ואם בת הוא וחיה׃
Exodus 5:14
14 ויכו שׁטרי בני ישׂראל אשׁר שׂמו עלהם נגשׂי פרעה לאמר מדוע לא כליתם חקכם ללבן כתמול שׁלשׁם גם תמול גם היום׃
Exodus 14:9
9 וירדפו מצרים אחריהם וישׂיגו אותם חנים על הים כל סוס רכב פרעה ופרשׁיו וחילו על פי החירת לפני בעל צפן׃
Exodus 14:21-31
21 ויט משׁה את ידו על הים ויולך יהוה את הים ברוח קדים עזה כל הלילה וישׂם את הים לחרבה ויבקעו המים׃22 ויבאו בני ישׂראל בתוך הים ביבשׁה והמים להם חומה מימינם ומשׂמאלם׃23 וירדפו מצרים ויבאו אחריהם כל סוס פרעה רכבו ופרשׁיו אל תוך הים׃24 ויהי באשׁמרת הבקר וישׁקף יהוה אל מחנה מצרים בעמוד אשׁ וענן ויהם את מחנה מצרים׃25 ויסר את אפן מרכבתיו וינהגהו בכבדת ויאמר מצרים אנוסה מפני ישׂראל כי יהוה נלחם להם במצרים׃26 ויאמר יהוה אל משׁה נטה את ידך על הים וישׁבו המים על מצרים על רכבו ועל פרשׁיו׃27 ויט משׁה את ידו על הים וישׁב הים לפנות בקר לאיתנו ומצרים נסים לקראתו וינער יהוה את מצרים בתוך הים׃28 וישׁבו המים ויכסו את הרכב ואת הפרשׁים לכל חיל פרעה הבאים אחריהם בים לא נשׁאר בהם עד אחד׃29 ובני ישׂראל הלכו ביבשׁה בתוך הים והמים להם חמה מימינם ומשׂמאלם׃30 ויושׁע יהוה ביום ההוא את ישׂראל מיד מצרים וירא ישׂראל את מצרים מת על שׂפת הים׃31 וירא ישׂראל את היד הגדלה אשׁר עשׂה יהוה במצרים וייראו העם את יהוה ויאמינו ביהוה ובמשׁה עבדו׃
Exodus 15:6-10
Psalms 87:5-6
Isaiah 4:3
3 והיה הנשׁאר בציון והנותר בירושׁלם קדושׁ יאמר לו כל הכתוב לחיים בירושׁלם׃
Isaiah 8:12-13
Isaiah 9:4
4 (9:3) כי את על סבלו ואת מטה שׁכמו שׁבט הנגשׂ בו החתת כיום מדין׃
Isaiah 12:6
6 צהלי ורני יושׁבת ציון כי גדול בקרבך קדושׁ ישׂראל׃
Isaiah 14:29
29 אל תשׂמחי פלשׁת כלך כי נשׁבר שׁבט מכך כי משׁרשׁ נחשׁ יצא צפע ופריו שׂרף מעופף׃
Isaiah 27:7
7 הכמכת מכהו הכהו אם כהרג הרגיו הרג׃
Isaiah 30:19
19 כי עם בציון ישׁב בירושׁלם בכו לא תבכה חנון יחנך לקול זעקך כשׁמעתו ענך׃
Isaiah 33:14-16
Isaiah 35:4
4 אמרו לנמהרי לב חזקו אל תיראו הנה אלהיכם נקם יבוא גמול אלהים הוא יבוא וישׁעכם׃
Isaiah 37:6
6 ויאמר אליהם ישׁעיהו כה תאמרון אל אדניכם כה אמר יהוה אל תירא מפני הדברים אשׁר שׁמעת אשׁר גדפו נערי מלך אשׁור אותי׃
Isaiah 37:22
22 זה הדבר אשׁר דבר יהוה עליו בזה לך לעגה לך בתולת בת ציון אחריך ראשׁ הניעה בת ירושׁלם׃
Isaiah 37:33-35
Isaiah 46:13
13 קרבתי צדקתי לא תרחק ותשׁועתי לא תאחר ונתתי בציון תשׁועה לישׂראל תפארתי׃
Isaiah 61:3
3 לשׂום לאבלי ציון לתת להם פאר תחת אפר שׁמן שׂשׂון תחת אבל מעטה תהלה תחת רוח כהה וקרא להם אילי הצדק מטע יהוה להתפאר׃
2 Kings 19:35
35 ויהי בלילה ההוא ויצא מלאך יהוה ויך במחנה אשׁור מאה שׁמונים וחמשׁה אלף וישׁכימו בבקר והנה כלם פגרים מתים׃
Psalms 37:10
10 ועוד מעט ואין רשׁע והתבוננת על מקומו ואיננו׃
Isaiah 12:1-2
Isaiah 14:24-25
Isaiah 31:4-9
4 כי כה אמר יהוה אלי כאשׁר יהגה האריה והכפיר על טרפו אשׁר יקרא עליו מלא רעים מקולם לא יחת ומהמונם לא יענה כן ירד יהוה צבאות לצבא על הר ציון ועל גבעתה׃
Isaiah 54:7
7 ברגע קטן עזבתיך וברחמים גדלים אקבצך׃
Daniel 11:36
36 ועשׂה כרצונו המלך ויתרומם ויתגדל על כל אל ועל אל אלים ידבר נפלאות והצליח עד כלה זעם כי נחרצה נעשׂתה׃
Exodus 14:16
16 ואתה הרם את מטך ונטה את ידך על הים ובקעהו ויבאו בני ישׂראל בתוך הים ביבשׁה׃
Exodus 14:25-27
Judges 7:25
25 וילכדו שׁני שׂרי מדין את ערב ואת זאב ויהרגו את עורב בצור עורב ואת זאב הרגו ביקב זאב וירדפו אל מדין וראשׁ ערב וזאב הביאו אל גדעון מעבר לירדן׃
Nehemiah 9:10-11
Psalms 35:23
23 העירה והקיצה למשׁפטי אלהי ואדני לריבי׃
Psalms 83:11
11 (83:12) שׁיתמו נדיבמו כערב וכזאב וכזבח וכצלמנע כל נסיכמו׃
Psalms 106:10-11
Isaiah 10:24
24 לכן כה אמר אדני יהוה צבאות אל תירא עמי ישׁב ציון מאשׁור בשׁבט יככה ומטהו ישׂא עליך בדרך מצרים׃
Isaiah 11:16
16 והיתה מסלה לשׁאר עמו אשׁר ישׁאר מאשׁור כאשׁר היתה לישׂראל ביום עלתו מארץ מצרים׃
Isaiah 51:9-10
Habakkuk 3:7-15
7 תחת און ראיתי אהלי כושׁן ירגזון יריעות ארץ מדין׃8 הבנהרים חרה יהוה אם בנהרים אפך אם בים עברתך כי תרכב על סוסיך מרכבתיך ישׁועה׃9 עריה תעור קשׁתך שׁבעות מטות אמר סלה נהרות תבקע ארץ׃10 ראוך יחילו הרים זרם מים עבר נתן תהום קולו רום ידיהו נשׂא׃11 שׁמשׁ ירח עמד זבלה לאור חציך יהלכו לנגה ברק חניתך׃12 בזעם תצעד ארץ באף תדושׁ גוים׃13 יצאת לישׁע עמך לישׁע את משׁיחך מחצת ראשׁ מבית רשׁע ערות יסוד עד צואר סלה׃14 נקבת במטיו ראשׁ פרזו יסערו להפיצני עליצתם כמו לאכל עני במסתר׃15 דרכת בים סוסיך חמר מים רבים׃
2 Samuel 1:21
21 הרי בגלבע אל טל ואל מטר עליכם ושׂדי תרומת כי שׁם נגעל מגן גבורים מגן שׁאול בלי משׁיח בשׁמן׃
2 Kings 18:13-14
Psalms 2:1-3
Psalms 2:6
6 ואני נסכתי מלכי על ציון הר קדשׁי׃
Psalms 20:6
6 (20:7) עתה ידעתי כי הושׁיע יהוה משׁיחו יענהו משׁמי קדשׁו בגברות ישׁע ימינו׃
Psalms 45:7
7 (45:8) אהבת צדק ותשׂנא רשׁע על כן משׁחך אלהים אלהיך שׁמן שׂשׂון מחבריך׃
Psalms 84:9
9 (84:10) מגננו ראה אלהים והבט פני משׁיחך׃
Psalms 89:20-52
20 (89:21) מצאתי דוד עבדי בשׁמן קדשׁי משׁחתיו׃21 (89:22) אשׁר ידי תכון עמו אף זרועי תאמצנו׃22 (89:23) לא ישׁא אויב בו ובן עולה לא יעננו׃23 (89:24) וכתותי מפניו צריו ומשׂנאיו אגוף׃24 (89:25) ואמונתי וחסדי עמו ובשׁמי תרום קרנו׃25 (89:26) ושׂמתי בים ידו ובנהרות ימינו׃26 (89:27) הוא יקראני אבי אתה אלי וצור ישׁועתי׃27 (89:28) אף אני בכור אתנהו עליון למלכי ארץ׃28 (89:29) לעולם אשׁמור לו חסדי ובריתי נאמנת׃29 (89:30) ושׂמתי לעד זרעו וכסאו כימי שׁמים׃30 (89:31) אם יעזבו בניו תורתי ובמשׁפטי לא ילכון׃31 (89:32) אם חקתי יחללו ומצותי לא ישׁמרו׃32 (89:33) ופקדתי בשׁבט פשׁעם ובנגעים עונם׃33 (89:34) וחסדי לא אפיר מעמו ולא אשׁקר באמונתי׃34 (89:35) לא אחלל בריתי ומוצא שׂפתי לא אשׁנה׃35 (89:36) אחת נשׁבעתי בקדשׁי אם לדוד אכזב׃36 (89:37) זרעו לעולם יהיה וכסאו כשׁמשׁ נגדי׃37 (89:38) כירח יכון עולם ועד בשׁחק נאמן סלה׃38 (89:39) ואתה זנחת ותמאס התעברת עם משׁיחך׃39 (89:40) נארתה ברית עבדך חללת לארץ נזרו׃40 (89:41) פרצת כל גדרתיו שׂמת מבצריו מחתה׃41 (89:42) שׁסהו כל עברי דרך היה חרפה לשׁכניו׃42 (89:43) הרימות ימין צריו השׂמחת כל אויביו׃43 (89:44) אף תשׁיב צור חרבו ולא הקימתו במלחמה׃44 (89:45) השׁבת מטהרו וכסאו לארץ מגרתה׃45 (89:46) הקצרת ימי עלומיו העטית עליו בושׁה סלה׃46 (89:47) עד מה יהוה תסתר לנצח תבער כמו אשׁ חמתך׃47 (89:48) זכר אני מה חלד על מה שׁוא בראת כל בני אדם׃48 (89:49) מי גבר יחיה ולא יראה מות ימלט נפשׁו מיד שׁאול סלה׃49 (89:50) איה חסדיך הראשׁנים אדני נשׁבעת לדוד באמונתך׃50 (89:51) זכר אדני חרפת עבדיך שׂאתי בחיקי כל רבים עמים׃51 (89:52) אשׁר חרפו אויביך יהוה אשׁר חרפו עקבות משׁיחך׃52 (89:53) ברוך יהוה לעולם אמן ואמן׃
Psalms 105:15
15 אל תגעו במשׁיחי ולנביאי אל תרעו׃
Psalms 132:10
10 בעבור דוד עבדך אל תשׁב פני משׁיחך׃
Psalms 132:17-18
Isaiah 37:35
35 וגנותי על העיר הזאת להושׁיעה למעני ולמען דוד עבדי׃
Daniel 9:24-26
24 שׁבעים שׁבעים נחתך על עמך ועל עיר קדשׁך לכלא הפשׁע ולחתם חטאות ולכפר עון ולהביא צדק עלמים ולחתם חזון ונביא ולמשׁח קדשׁ קדשׁים׃25 ותדע ותשׂכל מן מצא דבר להשׁיב ולבנות ירושׁלם עד משׁיח נגיד שׁבעים שׁבעה ושׁבעים שׁשׁים ושׁנים תשׁוב ונבנתה רחוב וחרוץ ובצוק העתים׃26 ואחרי השׁבעים שׁשׁים ושׁנים יכרת משׁיח ואין לו והעיר והקדשׁ ישׁחית עם נגיד הבא וקצו בשׁטף ועד קץ מלחמה נחרצת שׁממות׃
Nahum 1:9-13
Joshua 7:2
2 וישׁלח יהושׁע אנשׁים מיריחו העי אשׁר עם בית און מקדם לבית אל ויאמר אליהם לאמר עלו ורגלו את הארץ ויעלו האנשׁים וירגלו את העי׃
Judges 18:21
21 ויפנו וילכו וישׂימו את הטף ואת המקנה ואת הכבודה לפניהם׃
1 Samuel 13:2
2 ויבחר לו שׁאול שׁלשׁת אלפים מישׂראל ויהיו עם שׁאול אלפים במכמשׂ ובהר בית אל ואלף היו עם יונתן בגבעת בנימין ויתר העם שׁלח אישׁ לאהליו׃
1 Samuel 13:5
5 ופלשׁתים נאספו להלחם עם ישׂראל שׁלשׁים אלף רכב ושׁשׁת אלפים פרשׁים ועם כחול אשׁר על שׂפת הים לרב ויעלו ויחנו במכמשׂ קדמת בית און׃
1 Samuel 14:2
2 ושׁאול יושׁב בקצה הגבעה תחת הרמון אשׁר במגרון והעם אשׁר עמו כשׁשׁ מאות אישׁ׃
1 Samuel 14:5
5 השׁן האחד מצוק מצפון מול מכמשׂ והאחד מנגב מול גבע׃
1 Samuel 14:31
31 ויכו ביום ההוא בפלשׁתים ממכמשׂ אילנה ויעף העם מאד׃
1 Samuel 17:22
22 ויטשׁ דוד את הכלים מעליו על יד שׁומר הכלים וירץ המערכה ויבא וישׁאל לאחיו לשׁלום׃
Nehemiah 11:31
31 ובני בנימן מגבע מכמשׂ ועיה ובית אל ובנתיה׃
Joshua 18:24-25
Joshua 21:17
17 וממטה בנימן את גבעון ואת מגרשׁה את גבע ואת מגרשׁה׃
Judges 19:12-15
1 Samuel 7:17
17 ותשׁבתו הרמתה כי שׁם ביתו ושׁם שׁפט את ישׂראל ויבן שׁם מזבח ליהוה׃
1 Samuel 11:4
4 ויבאו המלאכים גבעת שׁאול וידברו הדברים באזני העם וישׂאו כל העם את קולם ויבכו׃
1 Samuel 13:16
16 ושׁאול ויונתן בנו והעם הנמצא עמם ישׁבים בגבע בנימן ופלשׁתים חנו במכמשׂ׃
1 Samuel 13:23
23 ויצא מצב פלשׁתים אל מעבר מכמשׂ׃
1 Samuel 14:4
4 ובין המעברות אשׁר בקשׁ יונתן לעבר על מצב פלשׁתים שׁן הסלע מהעבר מזה ושׁן הסלע מהעבר מזה ושׁם האחד בוצץ ושׁם האחד סנה׃
1 Samuel 15:34
34 וילך שׁמואל הרמתה ושׁאול עלה אל ביתו גבעת שׁאול׃
1 Kings 15:23
23 ויתר כל דברי אסא וכל גבורתו וכל אשׁר עשׂה והערים אשׁר בנה הלא המה כתובים על ספר דברי הימים למלכי יהודה רק לעת זקנתו חלה את רגליו׃
Jeremiah 31:15
15 כה אמר יהוה קול ברמה נשׁמע נהי בכי תמרורים רחל מבכה על בניה מאנה להנחם על בניה כי איננו׃
Hosea 5:8
8 תקעו שׁופר בגבעה חצצרה ברמה הריעו בית און אחריך בנימין׃
Hosea 9:9
9 העמיקו שׁחתו כימי הגבעה יזכור עונם יפקוד חטאותם׃
Hosea 10:9
9 מימי הגבעה חטאת ישׂראל שׁם עמדו לא תשׂיגם בגבעה מלחמה על בני עלוה׃
Joshua 21:18
18 את ענתות ואת מגרשׁה ואת עלמון ואת מגרשׁה ערים ארבע׃
Judges 18:7
7 וילכו חמשׁת האנשׁים ויבאו לישׁה ויראו את העם אשׁר בקרבה יושׁבת לבטח כמשׁפט צדנים שׁקט ובטח ואין מכלים דבר בארץ יורשׁ עצר ורחקים המה מצדנים ודבר אין להם עם אדם׃
Judges 18:29
29 ויקראו שׁם העיר דן בשׁם דן אביהם אשׁר יולד לישׂראל ואולם לישׁ שׁם העיר לראשׁנה׃
1 Samuel 25:44
44 (25:43) ושׁאול נתן את מיכל בתו אשׁת דוד לפלטי בן לישׁ אשׁר מגלים׃
1 Kings 2:26
26 ולאביתר הכהן אמר המלך ענתת לך על שׂדיך כי אישׁ מות אתה וביום הזה לא אמיתך כי נשׂאת את ארון אדני יהוה לפני דוד אבי וכי התענית בכל אשׁר התענה אבי׃
Jeremiah 1:1
1 דברי ירמיהו בן חלקיהו מן הכהנים אשׁר בענתות בארץ בנימן׃
Jeremiah 32:8
8 ויבא אלי חנמאל בן דדי כדבר יהוה אל חצר המטרה ויאמר אלי קנה נא את שׂדי אשׁר בענתות אשׁר בארץ בנימין כי לך משׁפט הירשׁה ולך הגאלה קנה לך ואדע כי דבר יהוה הוא׃
Joshua 15:31
31 וצקלג ומדמנה וסנסנה׃
1 Samuel 21:1
1 (21:2) ויבא דוד נבה אל אחימלך הכהן ויחרד אחימלך לקראת דוד ויאמר לו מדוע אתה לבדך ואישׁ אין אתך׃
1 Samuel 22:19
19 ואת נב עיר הכהנים הכה לפי חרב מאישׁ ועד אשׁה מעולל ועד יונק ושׁור וחמור ושׂה לפי חרב׃
Nehemiah 11:32
32 ענתות נב ענניה׃
Isaiah 1:8
8 ונותרה בת ציון כסכה בכרם כמלונה במקשׁה כעיר נצורה׃
Isaiah 2:2
2 והיה באחרית הימים נכון יהיה הר בית יהוה בראשׁ ההרים ונשׂא מגבעות ונהרו אליו כל הגוים׃
Isaiah 11:15
15 והחרים יהוה את לשׁון ים מצרים והניף ידו על הנהר בעים רוחו והכהו לשׁבעה נחלים והדריך בנעלים׃
Isaiah 13:2
2 על הר נשׁפה שׂאו נס הרימו קול להם הניפו יד ויבאו פתחי נדיבים׃
Isaiah 19:16
16 ביום ההוא יהיה מצרים כנשׁים וחרד ופחד מפני תנופת יד יהוה צבאות אשׁר הוא מניף עליו׃
Jeremiah 6:23
23 קשׁת וכידון יחזיקו אכזרי הוא ולא ירחמו קולם כים יהמה ועל סוסים ירכבו ערוך כאישׁ למלחמה עליך בת ציון׃
Zechariah 2:9
9 (2:13) כי הנני מניף את ידי עליהם והיו שׁלל לעבדיהם וידעתם כי יהוה צבאות שׁלחני׃
2 Kings 19:21-37
21 זה הדבר אשׁר דבר יהוה עליו בזה לך לעגה לך בתולת בת ציון אחריך ראשׁ הניעה בת ירושׁלם׃22 את מי חרפת וגדפת ועל מי הרימות קול ותשׂא מרום עיניך על קדושׁ ישׂראל׃23 ביד מלאכיך חרפת אדני ותאמר ברכב רכבי אני עליתי מרום הרים ירכתי לבנון ואכרת קומת ארזיו מבחור ברשׁיו ואבואה מלון קצה יער כרמלו׃24 אני קרתי ושׁתיתי מים זרים ואחרב בכף פעמי כל יארי מצור׃25 הלא שׁמעת למרחוק אתה עשׂיתי למימי קדם ויצרתיה עתה הביאתיה ותהי להשׁות גלים נצים ערים בצרות׃26 וישׁביהן קצרי יד חתו ויבשׁו היו עשׂב שׂדה וירק דשׁא חציר גגות ושׁדפה לפני קמה׃27 ושׁבתך וצאתך ובאך ידעתי ואת התרגזך אלי׃28 יען התרגזך אלי ושׁאננך עלה באזני ושׂמתי חחי באפך ומתגי בשׂפתיך והשׁבתיך בדרך אשׁר באת׃29 וזה לך האות אכול השׁנה ספיח ובשׁנה השׁנית סחישׁ ובשׁנה השׁלישׁית זרעו וקצרו ונטעו כרמים ואכלו פרים׃30 ויספה פליטת בית יהודה הנשׁארה שׁרשׁ למטה ועשׂה פרי למעלה׃31 כי מירושׁלם תצא שׁארית ופליטה מהר ציון קנאת יהוה תעשׂה זאת׃32 לכן כה אמר יהוה אל מלך אשׁור לא יבא אל העיר הזאת ולא יורה שׁם חץ ולא יקדמנה מגן ולא ישׁפך עליה סללה׃33 בדרך אשׁר יבא בה ישׁוב ואל העיר הזאת לא יבא נאם יהוה׃34 וגנותי אל העיר הזאת להושׁיעה למעני ולמען דוד עבדי׃35 ויהי בלילה ההוא ויצא מלאך יהוה ויך במחנה אשׁור מאה שׁמונים וחמשׁה אלף וישׁכימו בבקר והנה כלם פגרים מתים׃36 ויסע וילך וישׁב סנחריב מלך אשׁור וישׁב בנינוה׃37 ויהי הוא משׁתחוה בית נסרך אלהיו ואדרמלך ושׂראצר הכהו בחרב והמה נמלטו ארץ אררט וימלך אסר חדן בנו תחתיו׃
Isaiah 2:11-17
11 עיני גבהות אדם שׁפל ושׁח רום אנשׁים ונשׂגב יהוה לבדו ביום ההוא׃12 כי יום ליהוה צבאות על כל גאה ורם ועל כל נשׂא ושׁפל׃13 ועל כל ארזי הלבנון הרמים והנשׂאים ועל כל אלוני הבשׁן׃14 ועל כל ההרים הרמים ועל כל הגבעות הנשׂאות׃15 ועל כל מגדל גבה ועל כל חומה בצורה׃16 ועל כל אניות תרשׁישׁ ועל כל שׂכיות החמדה׃17 ושׁח גבהות האדם ושׁפל רום אנשׁים ונשׂגב יהוה לבדו ביום ההוא׃
Isaiah 37:24-36
24 ביד עבדיך חרפת אדני ותאמר ברב רכבי אני עליתי מרום הרים ירכתי לבנון ואכרת קומת ארזיו מבחר ברשׁיו ואבוא מרום קצו יער כרמלו׃25 אני קרתי ושׁתיתי מים ואחרב בכף פעמי כל יארי מצור׃26 הלוא שׁמעת למרחוק אותה עשׂיתי מימי קדם ויצרתיה עתה הבאתיה ותהי להשׁאות גלים נצים ערים בצרות׃27 וישׁביהן קצרי יד חתו ובשׁו היו עשׂב שׂדה וירק דשׁא חציר גגות ושׁדמה לפני קמה׃28 ושׁבתך וצאתך ובואך ידעתי ואת התרגזך אלי׃29 יען התרגזך אלי ושׁאננך עלה באזני ושׂמתי חחי באפך ומתגי בשׂפתיך והשׁיבתיך בדרך אשׁר באת׃30 וזה לך האות אכול השׁנה ספיח ובשׁנה השׁנית שׁחיס ובשׁנה השׁלישׁית זרעו וקצרו ונטעו כרמים ואכול פרים׃31 ויספה פליטת בית יהודה הנשׁארה שׁרשׁ למטה ועשׂה פרי למעלה׃32 כי מירושׁלם תצא שׁארית ופליטה מהר ציון קנאת יהוה צבאות תעשׂה זאת׃33 לכן כה אמר יהוה אל מלך אשׁור לא יבוא אל העיר הזאת ולא יורה שׁם חץ ולא יקדמנה מגן ולא ישׁפך עליה סללה׃34 בדרך אשׁר בא בה ישׁוב ואל העיר הזאת לא יבוא נאם יהוה׃35 וגנותי על העיר הזאת להושׁיעה למעני ולמען דוד עבדי׃36 ויצא מלאך יהוה ויכה במחנה אשׁור מאה ושׁמנים וחמשׁה אלף וישׁכימו בבקר והנה כלם פגרים מתים׃
Isaiah 37:38
38 ויהי הוא משׁתחוה בית נסרך אלהיו ואדרמלך ושׂראצר בניו הכהו בחרב והמה נמלטו ארץ אררט וימלך אסר חדן בנו תחתיו׃
Amos 2:9
9 ואנכי השׁמדתי את האמרי מפניהם אשׁר כגבה ארזים גבהו וחסן הוא כאלונים ואשׁמיד פריו ממעל ושׁרשׁיו מתחת׃
Psalms 103:20
20 ברכו יהוה מלאכיו גברי כח עשׂי דברו לשׁמע בקול דברו׃
Isaiah 31:8
8 ונפל אשׁור בחרב לא אישׁ וחרב לא אדם תאכלנו ונס לו מפני חרב ובחוריו למס יהיו׃
Isaiah 37:24
24 ביד עבדיך חרפת אדני ותאמר ברב רכבי אני עליתי מרום הרים ירכתי לבנון ואכרת קומת ארזיו מבחר ברשׁיו ואבוא מרום קצו יער כרמלו׃
Jeremiah 22:7
7 וקדשׁתי עליך משׁחתים אישׁ וכליו וכרתו מבחר ארזיך והפילו על האשׁ׃
Jeremiah 46:22-23
Jeremiah 48:2
2 אין עוד תהלת מואב בחשׁבון חשׁבו עליה רעה לכו ונכריתנה מגוי גם מדמן תדמי אחריך תלך חרב׃
Daniel 4:13-14
Daniel 4:23
23 (4:20) ודי חזה מלכא עיר וקדישׁ נחת מן שׁמיא ואמר גדו אילנא וחבלוהי ברם עקר שׁרשׁוהי בארעא שׁבקו ובאסור די פרזל ונחשׁ בדתאא די ברא ובטל שׁמיא יצטבע ועם חיות ברא חלקה עד די שׁבעה עדנין יחלפון עלוהי׃
Nahum 1:12
12 כה אמר יהוה אם שׁלמים וכן רבים וכן נגזו ועבר וענתך לא אענך עוד׃