18 כי מלתי מלים הציקתני רוח בטני׃
Job 32:18 Cross References - HOT
Psalms 39:3
3 (39:4) חם לבי בקרבי בהגיגי תבער אשׁ דברתי בלשׁוני׃
Jeremiah 20:9
9 ואמרתי לא אזכרנו ולא אדבר עוד בשׁמו והיה בלבי כאשׁ בערת עצר בעצמתי ונלאיתי כלכל ולא אוכל׃
Ezekiel 3:14-27
14 ורוח נשׂאתני ותקחני ואלך מר בחמת רוחי ויד יהוה עלי חזקה׃15 ואבוא אל הגולה תל אביב הישׁבים אל נהר כבר ואשׁר המה יושׁבים שׁם ואשׁב שׁם שׁבעת ימים משׁמים בתוכם׃16 ויהי מקצה שׁבעת ימים ויהי דבר יהוה אלי לאמר׃17 בן אדם צפה נתתיך לבית ישׂראל ושׁמעת מפי דבר והזהרת אותם ממני׃18 באמרי לרשׁע מות תמות ולא הזהרתו ולא דברת להזהיר רשׁע מדרכו הרשׁעה לחיתו הוא רשׁע בעונו ימות ודמו מידך אבקשׁ׃19 ואתה כי הזהרת רשׁע ולא שׁב מרשׁעו ומדרכו הרשׁעה הוא בעונו ימות ואתה את נפשׁך הצלת׃20 ובשׁוב צדיק מצדקו ועשׂה עול ונתתי מכשׁול לפניו הוא ימות כי לא הזהרתו בחטאתו ימות ולא תזכרן צדקתו אשׁר עשׂה ודמו מידך אבקשׁ׃21 ואתה כי הזהרתו צדיק לבלתי חטא צדיק והוא לא חטא חיו יחיה כי נזהר ואתה את נפשׁך הצלת׃22 ותהי עלי שׁם יד יהוה ויאמר אלי קום צא אל הבקעה ושׁם אדבר אותך׃23 ואקום ואצא אל הבקעה והנה שׁם כבוד יהוה עמד ככבוד אשׁר ראיתי על נהר כבר ואפל על פני׃24 ותבא בי רוח ותעמדני על רגלי וידבר אתי ויאמר אלי בא הסגר בתוך ביתך׃25 ואתה בן אדם הנה נתנו עליך עבותים ואסרוך בהם ולא תצא בתוכם׃26 ולשׁונך אדביק אל חכך ונאלמת ולא תהיה להם לאישׁ מוכיח כי בית מרי המה׃27 ובדברי אותך אפתח את פיך ואמרת אליהם כה אמר אדני יהוה השׁמע ישׁמע והחדל יחדל כי בית מרי המה׃