Leviticus 19 Cross References HOT

¹ וידבר יהוה אל משׁה לאמר׃² דבר אל כל עדת בני ישׂראל ואמרת אלהם קדשׁים תהיו כי קדושׁ אני יהוה אלהיכם׃³ אישׁ אמו ואביו תיראו ואת שׁבתתי תשׁמרו אני יהוה אלהיכם׃⁴ אל תפנו אל האלילם ואלהי מסכה לא תעשׂו לכם אני יהוה אלהיכם׃⁵ וכי תזבחו זבח שׁלמים ליהוה לרצנכם תזבחהו׃⁶ ביום זבחכם יאכל וממחרת והנותר עד יום השׁלישׁי באשׁ ישׂרף׃⁷ ואם האכל יאכל ביום השׁלישׁי פגול הוא לא ירצה׃⁸ ואכליו עונו ישׂא כי את קדשׁ יהוה חלל ונכרתה הנפשׁ ההוא מעמיה׃⁹ ובקצרכם את קציר ארצכם לא תכלה פאת שׂדך לקצר ולקט קצירך לא תלקט׃¹⁰ וכרמך לא תעולל ופרט כרמך לא תלקט לעני ולגר תעזב אתם אני יהוה אלהיכם׃¹¹ לא תגנבו ולא תכחשׁו ולא תשׁקרו אישׁ בעמיתו׃¹² ולא תשׁבעו בשׁמי לשׁקר וחללת את שׁם אלהיך אני יהוה׃¹³ לא תעשׁק את רעך ולא תגזל לא תלין פעלת שׂכיר אתך עד בקר׃¹⁴ לא תקלל חרשׁ ולפני עור לא תתן מכשׁל ויראת מאלהיך אני יהוה׃¹⁵ לא תעשׂו עול במשׁפט לא תשׂא פני דל ולא תהדר פני גדול בצדק תשׁפט עמיתך׃¹⁶ לא תלך רכיל בעמיך לא תעמד על דם רעך אני יהוה׃¹⁷ לא תשׂנא את אחיך בלבבך הוכח תוכיח את עמיתך ולא תשׂא עליו חטא׃¹⁸ לא תקם ולא תטר את בני עמך ואהבת לרעך כמוך אני יהוה׃¹⁹ את חקתי תשׁמרו בהמתך לא תרביע כלאים שׂדך לא תזרע כלאים ובגד כלאים שׁעטנז לא יעלה עליך׃²⁰ ואישׁ כי ישׁכב את אשׁה שׁכבת זרע והוא שׁפחה נחרפת לאישׁ והפדה לא נפדתה או חפשׁה לא נתן לה בקרת תהיה לא יומתו כי לא חפשׁה׃²¹ והביא את אשׁמו ליהוה אל פתח אהל מועד איל אשׁם׃²² וכפר עליו הכהן באיל האשׁם לפני יהוה על חטאתו אשׁר חטא ונסלח לו מחטאתו אשׁר חטא׃²³ וכי תבאו אל הארץ ונטעתם כל עץ מאכל וערלתם ערלתו את פריו שׁלשׁ שׁנים יהיה לכם ערלים לא יאכל׃²⁴ ובשׁנה הרביעת יהיה כל פריו קדשׁ הלולים ליהוה׃²⁵ ובשׁנה החמישׁת תאכלו את פריו להוסיף לכם תבואתו אני יהוה אלהיכם׃²⁶ לא תאכלו על הדם לא תנחשׁו ולא תעוננו׃²⁷ לא תקפו פאת ראשׁכם ולא תשׁחית את פאת זקנך׃²⁸ ושׂרט לנפשׁ לא תתנו בבשׂרכם וכתבת קעקע לא תתנו בכם אני יהוה׃²⁹ אל תחלל את בתך להזנותה ולא תזנה הארץ ומלאה הארץ זמה׃³⁰ את שׁבתתי תשׁמרו ומקדשׁי תיראו אני יהוה׃³¹ אל תפנו אל האבת ואל הידענים אל תבקשׁו לטמאה בהם אני יהוה אלהיכם׃³² מפני שׂיבה תקום והדרת פני זקן ויראת מאלהיך אני יהוה׃³³ וכי יגור אתך גר בארצכם לא תונו אתו׃³⁴ כאזרח מכם יהיה לכם הגר הגר אתכם ואהבת לו כמוך כי גרים הייתם בארץ מצרים אני יהוה אלהיכם׃³⁵ לא תעשׂו עול במשׁפט במדה במשׁקל ובמשׂורה׃³⁶ מאזני צדק אבני צדק איפת צדק והין צדק יהיה לכם אני יהוה אלהיכם אשׁר הוצאתי אתכם מארץ מצרים׃³⁷ ושׁמרתם את כל חקתי ואת כל משׁפטי ועשׂיתם אתם אני יהוה׃

Exodus 19:6

⁶ ואתם תהיו לי ממלכת כהנים וגוי קדושׁ אלה הדברים אשׁר תדבר אל בני ישׂראל׃

Leviticus 11:44-45

⁴⁴ כי אני יהוה אלהיכם והתקדשׁתם והייתם קדשׁים כי קדושׁ אני ולא תטמאו את נפשׁתיכם בכל השׁרץ הרמשׂ על הארץ׃⁴⁵ כי אני יהוה המעלה אתכם מארץ מצרים להית לכם לאלהים והייתם קדשׁים כי קדושׁ אני׃

Leviticus 20:7

⁷ והתקדשׁתם והייתם קדשׁים כי אני יהוה אלהיכם׃

Leviticus 20:26

²⁶ והייתם לי קדשׁים כי קדושׁ אני יהוה ואבדל אתכם מן העמים להיות׃

Leviticus 21:8

⁸ וקדשׁתו כי את לחם אלהיך הוא מקריב קדשׁ יהיה לך כי קדושׁ אני יהוה מקדשׁכם׃

Isaiah 6:3-4

³ וקרא זה אל זה ואמר קדושׁ קדושׁ קדושׁ יהוה צבאות מלא כל הארץ כבודו׃⁴ וינעו אמות הספים מקול הקורא והבית ימלא עשׁן׃

Amos 3:3

Exodus 16:29

²⁹ ראו כי יהוה נתן לכם השׁבת על כן הוא נתן לכם ביום השׁשׁי לחם יומים שׁבו אישׁ תחתיו אל יצא אישׁ ממקמו ביום השׁביעי׃

Exodus 20:8

Exodus 20:12

¹² כבד את אביך ואת אמך למען יארכון ימיך על האדמה אשׁר יהוה אלהיך נתן׃

Exodus 21:15

Exodus 21:17

Exodus 31:13-17

¹³ ואתה דבר אל בני ישׂראל לאמר אך את שׁבתתי תשׁמרו כי אות הוא ביני וביניכם לדרתיכם לדעת כי אני יהוה מקדשׁכם׃¹⁴ ושׁמרתם את השׁבת כי קדשׁ הוא לכם מחלליה מות יומת כי כל העשׂה בה מלאכה ונכרתה הנפשׁ ההוא מקרב עמיה׃¹⁵ שׁשׁת ימים יעשׂה מלאכה וביום השׁביעי שׁבת שׁבתון קדשׁ ליהוה כל העשׂה מלאכה ביום השׁבת מות יומת׃¹⁶ ושׁמרו בני ישׂראל את השׁבת לעשׂות את השׁבת לדרתם ברית עולם׃¹⁷ ביני ובין בני ישׂראל אות הוא לעלם כי שׁשׁת ימים עשׂה יהוה את השׁמים ואת הארץ וביום השׁביעי שׁבת וינפשׁ׃

Leviticus 11:44

⁴⁴ כי אני יהוה אלהיכם והתקדשׁתם והייתם קדשׁים כי קדושׁ אני ולא תטמאו את נפשׁתיכם בכל השׁרץ הרמשׂ על הארץ׃

Leviticus 26:2

² את שׁבתתי תשׁמרו ומקדשׁי תיראו אני יהוה׃

Deuteronomy 21:18-21

¹⁸ כי יהיה לאישׁ בן סורר ומורה איננו שׁמע בקול אביו ובקול אמו ויסרו אתו ולא ישׁמע אליהם׃¹⁹ ותפשׂו בו אביו ואמו והוציאו אתו אל זקני עירו ואל שׁער מקמו׃²⁰ ואמרו אל זקני עירו בננו זה סורר ומרה איננו שׁמע בקלנו זולל וסבא׃²¹ ורגמהו כל אנשׁי עירו באבנים ומת ובערת הרע מקרבך וכל ישׂראל ישׁמעו ויראו׃

Deuteronomy 27:16

¹⁶ ארור מקלה אביו ואמו ואמר כל העם אמן׃

Proverbs 1:8

Proverbs 6:20-21

²⁰ נצר בני מצות אביך ואל תטשׁ תורת אמך׃²¹ קשׁרם על לבך תמיד ענדם על גרגרתך׃

Proverbs 23:22

²² שׁמע לאביך זה ילדך ואל תבוז כי זקנה אמך׃

Proverbs 30:11

Proverbs 30:17

¹⁷ עין תלעג לאב ותבוז ליקהת אם יקרוה ערבי נחל ויאכלוה בני נשׁר׃

Isaiah 56:4-6

⁴ כי כה אמר יהוה לסריסים אשׁר ישׁמרו את שׁבתותי ובחרו באשׁר חפצתי ומחזיקים בבריתי׃⁵ ונתתי להם בביתי ובחומתי יד ושׁם טוב מבנים ומבנות שׁם עולם אתן לו אשׁר לא יכרת׃⁶ ובני הנכר הנלוים על יהוה לשׁרתו ולאהבה את שׁם יהוה להיות לו לעבדים כל שׁמר שׁבת מחללו ומחזיקים בבריתי׃

Isaiah 58:13

¹³ אם תשׁיב משׁבת רגלך עשׂות חפציך ביום קדשׁי וקראת לשׁבת ענג לקדושׁ יהוה מכבד וכבדתו מעשׂות דרכיך ממצוא חפצך ודבר דבר׃

Ezekiel 20:12

¹² וגם את שׁבתותי נתתי להם להיות לאות ביני וביניהם לדעת כי אני יהוה מקדשׁם׃

Ezekiel 22:7-8

⁷ אב ואם הקלו בך לגר עשׂו בעשׁק בתוכך יתום ואלמנה הונו׃⁸ קדשׁי בזית ואת שׁבתתי חללת׃

Malachi 1:6

⁶ בן יכבד אב ועבד אדניו ואם אב אני איה כבודי ואם אדונים אני איה מוראי אמר יהוה צבאות לכם הכהנים בוזי שׁמי ואמרתם במה בזינו את שׁמך׃

Exodus 20:3-5

³ לא יהיה לך אלהים אחרים על פני׃⁴ לא תעשׂה לך פסל וכל תמונה אשׁר בשׁמים ממעל ואשׁר בארץ מתחת ואשׁר במים מתחת לארץ׃⁵ לא תשׁתחוה להם ולא תעבדם כי אנכי יהוה אלהיך אל קנא פקד עון אבת על בנים על שׁלשׁים ועל רבעים לשׂנאי׃

Exodus 20:23

²³ לא תעשׂון אתי אלהי כסף ואלהי זהב לא תעשׂו׃

Exodus 32:4

⁴ ויקח מידם ויצר אתו בחרט ויעשׂהו עגל מסכה ויאמרו אלה אלהיך ישׂראל אשׁר העלוך מארץ מצרים׃

Exodus 34:17

Leviticus 26:1

¹ לא תעשׂו לכם אלילם ופסל ומצבה לא תקימו לכם ואבן משׂכית לא תתנו בארצכם להשׁתחות עליה כי אני יהוה אלהיכם׃

Deuteronomy 27:15

¹⁵ ארור האישׁ אשׁר יעשׂה פסל ומסכה תועבת יהוה מעשׂה ידי חרשׁ ושׂם בסתר וענו כל העם ואמרו אמן׃

Psalms 96:5

⁵ כי כל אלהי העמים אלילים ויהוה שׁמים עשׂה׃

Psalms 115:4-7

⁴ עצביהם כסף וזהב מעשׂה ידי אדם׃⁵ פה להם ולא ידברו עינים להם ולא יראו׃⁶ אזנים להם ולא ישׁמעו אף להם ולא יריחון׃⁷ ידיהם ולא ימישׁון רגליהם ולא יהלכו לא יהגו בגרונם׃

Haggai 2:18

¹⁸ שׂימו נא לבבכם מן היום הזה ומעלה מיום עשׂרים וארבעה לתשׁיעי למן היום אשׁר יסד היכל יהוה שׂימו לבבכם׃

Exodus 24:5

⁵ וישׁלח את נערי בני ישׂראל ויעלו עלת ויזבחו זבחים שׁלמים ליהוה פרים׃

Leviticus 1:3

³ אם עלה קרבנו מן הבקר זכר תמים יקריבנו אל פתח אהל מועד יקריב אתו לרצנו לפני יהוה׃

Leviticus 3:1-17

¹ ואם זבח שׁלמים קרבנו אם מן הבקר הוא מקריב אם זכר אם נקבה תמים יקריבנו לפני יהוה׃² וסמך ידו על ראשׁ קרבנו ושׁחטו פתח אהל מועד וזרקו בני אהרן הכהנים את הדם על המזבח סביב׃³ והקריב מזבח השׁלמים אשׁה ליהוה את החלב המכסה את הקרב ואת כל החלב אשׁר על הקרב׃⁴ ואת שׁתי הכלית ואת החלב אשׁר עלהן אשׁר על הכסלים ואת היתרת על הכבד על הכליות יסירנה׃⁵ והקטירו אתו בני אהרן המזבחה על העלה אשׁר על העצים אשׁר על האשׁ אשׁה ריח ניחח ליהוה׃⁶ ואם מן הצאן קרבנו לזבח שׁלמים ליהוה זכר או נקבה תמים יקריבנו׃⁷ אם כשׂב הוא מקריב את קרבנו והקריב אתו לפני יהוה׃⁸ וסמך את ידו על ראשׁ קרבנו ושׁחט אתו לפני אהל מועד וזרקו בני אהרן את דמו על המזבח סביב׃⁹ והקריב מזבח השׁלמים אשׁה ליהוה חלבו האליה תמימה לעמת העצה יסירנה ואת החלב המכסה את הקרב ואת כל החלב אשׁר על הקרב׃¹⁰ ואת שׁתי הכלית ואת החלב אשׁר עלהן אשׁר על הכסלים ואת היתרת על הכבד על הכלית יסירנה׃¹¹ והקטירו הכהן המזבחה לחם אשׁה ליהוה׃¹² ואם עז קרבנו והקריבו לפני יהוה׃¹³ וסמך את ידו על ראשׁו ושׁחט אתו לפני אהל מועד וזרקו בני אהרן את דמו על המזבח סביב׃¹⁴ והקריב ממנו קרבנו אשׁה ליהוה את החלב המכסה את הקרב ואת כל החלב אשׁר על הקרב׃¹⁵ ואת שׁתי הכלית ואת החלב אשׁר עלהן אשׁר על הכסלים ואת היתרת על הכבד על הכלית יסירנה׃¹⁶ והקטירם הכהן המזבחה לחם אשׁה לריח ניחח כל חלב ליהוה׃¹⁷ חקת עולם לדרתיכם בכל מושׁבתיכם כל חלב וכל דם לא תאכלו׃

Leviticus 7:16

¹⁶ ואם נדר או נדבה זבח קרבנו ביום הקריבו את זבחו יאכל וממחרת והנותר ממנו יאכל׃

Leviticus 22:19

¹⁹ לרצנכם תמים זכר בבקר בכשׂבים ובעזים׃

Leviticus 22:21

²¹ ואישׁ כי יקריב זבח שׁלמים ליהוה לפלא נדר או לנדבה בבקר או בצאן תמים יהיה לרצון כל מום לא יהיה׃

Leviticus 22:23

²³ ושׁור ושׂה שׂרוע וקלוט נדבה תעשׂה אתו ולנדר לא ירצה׃

Leviticus 22:29

²⁹ וכי תזבחו זבח תודה ליהוה לרצנכם תזבחו׃

2 Chronicles 31:2

² ויעמד יחזקיהו את מחלקות הכהנים והלוים על מחלקותם אישׁ כפי עבדתו לכהנים וללוים לעלה ולשׁלמים לשׁרת ולהדות ולהלל בשׁערי מחנות יהוה׃

Ezekiel 45:15-17

¹⁵ ושׂה אחת מן הצאן מן המאתים ממשׁקה ישׂראל למנחה ולעולה ולשׁלמים לכפר עליהם נאם אדני יהוה׃¹⁶ כל העם הארץ יהיו אל התרומה הזאת לנשׂיא בישׂראל׃¹⁷ ועל הנשׂיא יהיה העולות והמנחה והנסך בחגים ובחדשׁים ובשׁבתות בכל מועדי בית ישׂראל הוא יעשׂה את החטאת ואת המנחה ואת העולה ואת השׁלמים לכפר בעד בית ישׂראל׃

Ezekiel 46:2

² ובא הנשׂיא דרך אולם השׁער מחוץ ועמד על מזוזת השׁער ועשׂו הכהנים את עולתו ואת שׁלמיו והשׁתחוה על מפתן השׁער ויצא והשׁער לא יסגר עד הערב׃

Ezekiel 46:12

¹² וכי יעשׂה הנשׂיא נדבה עולה או שׁלמים נדבה ליהוה ופתח לו את השׁער הפנה קדים ועשׂה את עלתו ואת שׁלמיו כאשׁר יעשׂה ביום השׁבת ויצא וסגר את השׁער אחרי צאתו׃

Leviticus 7:11-17

¹¹ וזאת תורת זבח השׁלמים אשׁר יקריב ליהוה׃¹² אם על תודה יקריבנו והקריב על זבח התודה חלות מצות בלולת בשׁמן ורקיקי מצות משׁחים בשׁמן וסלת מרבכת חלת בלולת בשׁמן׃¹³ על חלת לחם חמץ יקריב קרבנו על זבח תודת שׁלמיו׃¹⁴ והקריב ממנו אחד מכל קרבן תרומה ליהוה לכהן הזרק את דם השׁלמים לו יהיה׃¹⁵ ובשׂר זבח תודת שׁלמיו ביום קרבנו יאכל לא יניח ממנו עד בקר׃¹⁶ ואם נדר או נדבה זבח קרבנו ביום הקריבו את זבחו יאכל וממחרת והנותר ממנו יאכל׃¹⁷ והנותר מבשׂר הזבח ביום השׁלישׁי באשׁ ישׂרף׃¹⁸ ואם האכל יאכל מבשׂר זבח שׁלמיו ביום השׁלישׁי לא ירצה המקריב אתו לא יחשׁב לו פגול יהיה והנפשׁ האכלת ממנו עונה תשׂא׃¹⁹ והבשׂר אשׁר יגע בכל טמא לא יאכל באשׁ ישׂרף והבשׂר כל טהור יאכל בשׂר׃²⁰ והנפשׁ אשׁר תאכל בשׂר מזבח השׁלמים אשׁר ליהוה וטמאתו עליו ונכרתה הנפשׁ ההוא מעמיה׃²¹ ונפשׁ כי תגע בכל טמא בטמאת אדם או בבהמה טמאה או בכל שׁקץ טמא ואכל מבשׂר זבח השׁלמים אשׁר ליהוה ונכרתה הנפשׁ ההוא מעמיה׃

Leviticus 22:25

²⁵ ומיד בן נכר לא תקריבו את לחם אלהיכם מכל אלה כי משׁחתם בהם מום בם לא ירצו׃

Isaiah 1:13

¹³ לא תוסיפו הביא מנחת שׁוא קטרת תועבה היא לי חדשׁ ושׁבת קרא מקרא לא אוכל און ועצרה׃

Isaiah 65:4

⁴ הישׁבים בקברים ובנצורים ילינו האכלים בשׂר החזיר ופרק פגלים כליהם׃

Isaiah 66:3

³ שׁוחט השׁור מכה אישׁ זובח השׂה ערף כלב מעלה מנחה דם חזיר מזכיר לבנה מברך און גם המה בחרו בדרכיהם ובשׁקוציהם נפשׁם חפצה׃

Jeremiah 16:18

¹⁸ ושׁלמתי ראשׁונה משׁנה עונם וחטאתם על חללם את ארצי בנבלת שׁקוציהם ותועבותיהם מלאו את נחלתי׃

Leviticus 5:1

¹ ונפשׁ כי תחטא ושׁמעה קול אלה והוא עד או ראה או ידע אם לוא יגיד ונשׂא עונו׃

Leviticus 22:15

¹⁵ ולא יחללו את קדשׁי בני ישׂראל את אשׁר ירימו ליהוה׃

Leviticus 23:10

¹⁰ דבר אל בני ישׂראל ואמרת אלהם כי תבאו אל הארץ אשׁר אני נתן לכם וקצרתם את קצירה והבאתם את עמר ראשׁית קצירכם אל הכהן׃

Leviticus 23:22

²² ובקצרכם את קציר ארצכם לא תכלה פאת שׂדך בקצרך ולקט קצירך לא תלקט לעני ולגר תעזב אתם אני יהוה אלהיכם׃

Leviticus 23:29

²⁹ כי כל הנפשׁ אשׁר לא תענה בעצם היום הזה ונכרתה מעמיה׃

Deuteronomy 24:19-22

¹⁹ כי תקצר קצירך בשׂדך ושׁכחת עמר בשׂדה לא תשׁוב לקחתו לגר ליתום ולאלמנה יהיה למען יברכך יהוה אלהיך בכל מעשׂה ידיך׃²⁰ כי תחבט זיתך לא תפאר אחריך לגר ליתום ולאלמנה יהיה׃²¹ כי תבצר כרמך לא תעולל אחריך לגר ליתום ולאלמנה יהיה׃²² וזכרת כי עבד היית בארץ מצרים על כן אנכי מצוך לעשׂות את הדבר הזה׃

Ruth 2:2

² ותאמר רות המואביה אל נעמי אלכה נא השׂדה ואלקטה בשׁבלים אחר אשׁר אמצא חן בעיניו ותאמר לה לכי בתי׃

Ruth 2:15

¹⁵ ותקם ללקט ויצו בעז את נעריו לאמר גם בין העמרים תלקט ולא תכלימוה׃

Leviticus 25:6

⁶ והיתה שׁבת הארץ לכם לאכלה לך ולעבדך ולאמתך ולשׂכירך ולתושׁבך הגרים עמך׃

Judges 8:2

² ויאמר אליהם מה עשׂיתי עתה ככם הלוא טוב עללות אפרים מבציר אביעזר׃

Isaiah 17:6

⁶ ונשׁאר בו עוללת כנקף זית שׁנים שׁלשׁה גרגרים בראשׁ אמיר ארבעה חמשׁה בסעפיה פריה נאם יהוה אלהי ישׂראל׃

Isaiah 24:13

¹³ כי כה יהיה בקרב הארץ בתוך העמים כנקף זית כעוללת אם כלה בציר׃

Jeremiah 49:9

⁹ אם בצרים באו לך לא ישׁארו עוללות אם גנבים בלילה השׁחיתו דים׃

Obadiah 1:5

⁵ אם גנבים באו לך אם שׁודדי לילה איך נדמיתה הלוא יגנבו דים אם בצרים באו לך הלוא ישׁאירו עללות׃

Micah 7:1

¹ אללי לי כי הייתי כאספי קיץ כעללת בציר אין אשׁכול לאכול בכורה אותה נפשׁי׃

Exodus 20:15

Exodus 20:17

¹⁷ לא תחמד בית רעך לא תחמד אשׁת רעך ועבדו ואמתו ושׁורו וחמרו וכל אשׁר לרעך׃

Exodus 22:1

¹ (21:37) כי יגנב אישׁ שׁור או שׂה וטבחו או מכרו חמשׁה בקר ישׁלם תחת השׁור וארבע צאן תחת השׂה׃

Exodus 22:7

⁷ (22:6) כי יתן אישׁ אל רעהו כסף או כלים לשׁמר וגנב מבית האישׁ אם ימצא הגנב ישׁלם שׁנים׃

Exodus 22:10-12

¹⁰ (22:9) כי יתן אישׁ אל רעהו חמור או שׁור או שׂה וכל בהמה לשׁמר ומת או נשׁבר או נשׁבה אין ראה׃¹¹ (22:10) שׁבעת יהוה תהיה בין שׁניהם אם לא שׁלח ידו במלאכת רעהו ולקח בעליו ולא ישׁלם׃¹² (22:11) ואם גנב יגנב מעמו ישׁלם לבעליו׃

Leviticus 6:2-3

² (5:21) נפשׁ כי תחטא ומעלה מעל ביהוה וכחשׁ בעמיתו בפקדון או בתשׂומת יד או בגזל או עשׁק את עמיתו׃³ (5:22) או מצא אבדה וכחשׁ בה ונשׁבע על שׁקר על אחת מכל אשׁר יעשׂה האדם לחטא בהנה׃

Deuteronomy 5:19

1 Kings 13:18

¹⁸ ויאמר לו גם אני נביא כמוך ומלאך דבר אלי בדבר יהוה לאמר השׁבהו אתך אל ביתך ויאכל לחם וישׁת מים כחשׁ׃

Psalms 101:7

⁷ לא ישׁב בקרב ביתי עשׂה רמיה דבר שׁקרים לא יכון לנגד עיני׃

Psalms 116:11

Jeremiah 6:13

¹³ כי מקטנם ועד גדולם כלו בוצע בצע ומנביא ועד כהן כלו עשׂה שׁקר׃

Jeremiah 7:9-11

⁹ הגנב רצח ונאף והשׁבע לשׁקר וקטר לבעל והלך אחרי אלהים אחרים אשׁר לא ידעתם׃¹⁰ ובאתם ועמדתם לפני בבית הזה אשׁר נקרא שׁמי עליו ואמרתם נצלנו למען עשׂות את כל התועבות האלה׃¹¹ המערת פרצים היה הבית הזה אשׁר נקרא שׁמי עליו בעיניכם גם אנכי הנה ראיתי נאם יהוה׃

Jeremiah 9:3-5

³ (9:2) וידרכו את לשׁונם קשׁתם שׁקר ולא לאמונה גברו בארץ כי מרעה אל רעה יצאו ואתי לא ידעו נאם יהוה׃⁴ (9:3) אישׁ מרעהו השׁמרו ועל כל אח אל תבטחו כי כל אח עקוב יעקב וכל רע רכיל יהלך׃⁵ (9:4) ואישׁ ברעהו יהתלו ואמת לא ידברו למדו לשׁונם דבר שׁקר העוה נלאו׃

Zechariah 5:3-4

³ ויאמר אלי זאת האלה היוצאת על פני כל הארץ כי כל הגנב מזה כמוה נקה וכל הנשׁבע מזה כמוה נקה׃⁴ הוצאתיה נאם יהוה צבאות ובאה אל בית הגנב ואל בית הנשׁבע בשׁמי לשׁקר ולנה בתוך ביתו וכלתו ואת עציו ואת אבניו׃

Zechariah 8:16-17

¹⁶ אלה הדברים אשׁר תעשׂו דברו אמת אישׁ את רעהו אמת ומשׁפט שׁלום שׁפטו בשׁעריכם׃¹⁷ ואישׁ את רעת רעהו אל תחשׁבו בלבבכם ושׁבעת שׁקר אל תאהבו כי את כל אלה אשׁר שׂנאתי נאם יהוה׃

Exodus 20:7

⁷ לא תשׂא את שׁם יהוה אלהיך לשׁוא כי לא ינקה יהוה את אשׁר ישׂא את שׁמו לשׁוא׃

Leviticus 6:3

³ (5:22) או מצא אבדה וכחשׁ בה ונשׁבע על שׁקר על אחת מכל אשׁר יעשׂה האדם לחטא בהנה׃

Leviticus 18:21

²¹ ומזרעך לא תתן להעביר למלך ולא תחלל את שׁם אלהיך אני יהוה׃

Leviticus 24:11

¹¹ ויקב בן האשׁה הישׂראלית את השׁם ויקלל ויביאו אתו אל משׁה ושׁם אמו שׁלמית בת דברי למטה דן׃

Leviticus 24:15-16

¹⁵ ואל בני ישׂראל תדבר לאמר אישׁ אישׁ כי יקלל אלהיו ונשׂא חטאו׃¹⁶ ונקב שׁם יהוה מות יומת רגום ירגמו בו כל העדה כגר כאזרח בנקבו שׁם יומת׃

Deuteronomy 5:11

¹¹ לא תשׂא את שׁם יהוה אלהיך לשׁוא כי לא ינקה יהוה את אשׁר ישׂא את שׁמו לשׁוא׃

Psalms 15:4

⁴ נבזה בעיניו נמאס ואת יראי יהוה יכבד נשׁבע להרע ולא ימר׃

Jeremiah 4:2

² ונשׁבעת חי יהוה באמת במשׁפט ובצדקה והתברכו בו גוים ובו יתהללו׃

Jeremiah 7:9

⁹ הגנב רצח ונאף והשׁבע לשׁקר וקטר לבעל והלך אחרי אלהים אחרים אשׁר לא ידעתם׃

Ezekiel 36:20-23

²⁰ ויבוא אל הגוים אשׁר באו שׁם ויחללו את שׁם קדשׁי באמר להם עם יהוה אלה ומארצו יצאו׃²¹ ואחמל על שׁם קדשׁי אשׁר חללוהו בית ישׂראל בגוים אשׁר באו שׁמה׃²² לכן אמר לבית ישׂראל כה אמר אדני יהוה לא למענכם אני עשׂה בית ישׂראל כי אם לשׁם קדשׁי אשׁר חללתם בגוים אשׁר באתם שׁם׃²³ וקדשׁתי את שׁמי הגדול המחלל בגוים אשׁר חללתם בתוכם וידעו הגוים כי אני יהוה נאם אדני יהוה בהקדשׁי בכם לעיניהם׃

Zechariah 5:4

⁴ הוצאתיה נאם יהוה צבאות ובאה אל בית הגנב ואל בית הנשׁבע בשׁמי לשׁקר ולנה בתוך ביתו וכלתו ואת עציו ואת אבניו׃

Malachi 3:5

⁵ וקרבתי אליכם למשׁפט והייתי עד ממהר במכשׁפים ובמנאפים ובנשׁבעים לשׁקר ובעשׁקי שׂכר שׂכיר אלמנה ויתום ומטי גר ולא יראוני אמר יהוה צבאות׃

Exodus 22:8-9

⁸ (22:7) אם לא ימצא הגנב ונקרב בעל הבית אל האלהים אם לא שׁלח ידו במלאכת רעהו׃⁹ (22:8) על כל דבר פשׁע על שׁור על חמור על שׂה על שׂלמה על כל אבדה אשׁר יאמר כי הוא זה עד האלהים יבא דבר שׁניהם אשׁר ירשׁיען אלהים ישׁלם שׁנים לרעהו׃

Exodus 22:13

¹³ (22:12) אם טרף יטרף יבאהו עד הטרפה לא ישׁלם׃

Exodus 22:15

¹⁵ (22:14) אם בעליו עמו לא ישׁלם אם שׂכיר הוא בא בשׂכרו׃

Exodus 22:21

²¹ (22:20) וגר לא תונה ולא תלחצנו כי גרים הייתם בארץ מצרים׃

Exodus 22:24-27

²⁴ (22:23) וחרה אפי והרגתי אתכם בחרב והיו נשׁיכם אלמנות ובניכם יתמים׃²⁵ (22:24) אם כסף תלוה את עמי את העני עמך לא תהיה לו כנשׁה לא תשׂימון עליו נשׁך׃²⁶ (22:25) אם חבל תחבל שׂלמת רעך עד בא השׁמשׁ תשׁיבנו׃²⁷ (22:26) כי הוא כסותה לבדה הוא שׂמלתו לערו במה ישׁכב והיה כי יצעק אלי ושׁמעתי כי חנון אני׃

Deuteronomy 24:14-15

¹⁴ לא תעשׁק שׂכיר עני ואביון מאחיך או מגרך אשׁר בארצך בשׁעריך׃¹⁵ ביומו תתן שׂכרו ולא תבוא עליו השׁמשׁ כי עני הוא ואליו הוא נשׂא את נפשׁו ולא יקרא עליך אל יהוה והיה בך חטא׃

Job 31:39

³⁹ אם כחה אכלתי בלי כסף ונפשׁ בעליה הפחתי׃

Proverbs 20:10

¹⁰ אבן ואבן איפה ואיפה תועבת יהוה גם שׁניהם׃

Proverbs 22:22

²² אל תגזל דל כי דל הוא ואל תדכא עני בשׁער׃

Jeremiah 22:3

³ כה אמר יהוה עשׂו משׁפט וצדקה והצילו גזול מיד עשׁוק וגר יתום ואלמנה אל תנו אל תחמסו ודם נקי אל תשׁפכו במקום הזה׃

Jeremiah 22:13

¹³ הוי בנה ביתו בלא צדק ועליותיו בלא משׁפט ברעהו יעבד חנם ופעלו לא יתן׃

Ezekiel 22:29

²⁹ עם הארץ עשׁקו עשׁק וגזלו גזל ועני ואביון הונו ואת הגר עשׁקו בלא משׁפט׃

Genesis 42:18

¹⁸ ויאמר אלהם יוסף ביום השׁלישׁי זאת עשׂו וחיו את האלהים אני ירא׃

Leviticus 19:32

³² מפני שׂיבה תקום והדרת פני זקן ויראת מאלהיך אני יהוה׃

Leviticus 25:17

¹⁷ ולא תונו אישׁ את עמיתו ויראת מאלהיך כי אני יהוה אלהיכם׃

Deuteronomy 27:18

¹⁸ ארור משׁגה עור בדרך ואמר כל העם אמן׃

Nehemiah 5:15

¹⁵ והפחות הראשׁנים אשׁר לפני הכבידו על העם ויקחו מהם בלחם ויין אחר כסף שׁקלים ארבעים גם נעריהם שׁלטו על העם ואני לא עשׂיתי כן מפני יראת אלהים׃

Exodus 18:21

²¹ ואתה תחזה מכל העם אנשׁי חיל יראי אלהים אנשׁי אמת שׂנאי בצע ושׂמת עלהם שׂרי אלפים שׂרי מאות שׂרי חמשׁים ושׂרי עשׂרת׃

Exodus 23:2-3

² לא תהיה אחרי רבים לרעת ולא תענה על רב לנטת אחרי רבים להטת׃³ ודל לא תהדר בריבו׃

Exodus 23:6-8

⁶ לא תטה משׁפט אבינך בריבו׃⁷ מדבר שׁקר תרחק ונקי וצדיק אל תהרג כי לא אצדיק רשׁע׃⁸ ושׁחד לא תקח כי השׁחד יעור פקחים ויסלף דברי צדיקים׃

Leviticus 19:35

³⁵ לא תעשׂו עול במשׁפט במדה במשׁקל ובמשׂורה׃

Deuteronomy 1:17

¹⁷ לא תכירו פנים במשׁפט כקטן כגדל תשׁמעון לא תגורו מפני אישׁ כי המשׁפט לאלהים הוא והדבר אשׁר יקשׁה מכם תקרבון אלי ושׁמעתיו׃

Deuteronomy 16:19

¹⁹ לא תטה משׁפט לא תכיר פנים ולא תקח שׁחד כי השׁחד יעור עיני חכמים ויסלף דברי צדיקם׃

Deuteronomy 25:13-16

¹³ לא יהיה לך בכיסך אבן ואבן גדולה וקטנה׃¹⁴ לא יהיה לך בביתך איפה ואיפה גדולה וקטנה׃¹⁵ אבן שׁלמה וצדק יהיה לך איפה שׁלמה וצדק יהיה לך למען יאריכו ימיך על האדמה אשׁר יהוה אלהיך נתן׃¹⁶ כי תועבת יהוה אלהיך כל עשׂה אלה כל עשׂה עול׃

Deuteronomy 27:19

¹⁹ ארור מטה משׁפט גר יתום ואלמנה ואמר כל העם אמן׃

2 Chronicles 19:6-7

⁶ ויאמר אל השׁפטים ראו מה אתם עשׂים כי לא לאדם תשׁפטו כי ליהוה ועמכם בדבר משׁפט׃⁷ ועתה יהי פחד יהוה עליכם שׁמרו ועשׂו כי אין עם יהוה אלהינו עולה ומשׂא פנים ומקח שׁחד׃

Psalms 82:2

² עד מתי תשׁפטו עול ופני רשׁעים תשׂאו סלה׃

Proverbs 18:5

⁵ שׂאת פני רשׁע לא טוב להטות צדיק במשׁפט׃

Proverbs 24:23

²³ גם אלה לחכמים הכר פנים במשׁפט בל טוב׃

Exodus 20:16

Exodus 23:1

¹ לא תשׂא שׁמע שׁוא אל תשׁת ידך עם רשׁע להית עד חמס׃

Exodus 23:7

⁷ מדבר שׁקר תרחק ונקי וצדיק אל תהרג כי לא אצדיק רשׁע׃

1 Kings 21:10-13

¹⁰ והושׁיבו שׁנים אנשׁים בני בליעל נגדו ויעדהו לאמר ברכת אלהים ומלך והוציאהו וסקלהו וימת׃¹¹ ויעשׂו אנשׁי עירו הזקנים והחרים אשׁר הישׁבים בעירו כאשׁר שׁלחה אליהם איזבל כאשׁר כתוב בספרים אשׁר שׁלחה אליהם׃¹² קראו צום והשׁיבו את נבות בראשׁ העם׃¹³ ויבאו שׁני האנשׁים בני בליעל וישׁבו נגדו ויעדהו אנשׁי הבליעל את נבות נגד העם לאמר ברך נבות אלהים ומלך ויצאהו מחוץ לעיר ויסקלהו באבנים וימת׃

Psalms 15:3

³ לא רגל על לשׁנו לא עשׂה לרעהו רעה וחרפה לא נשׂא על קרבו׃

Proverbs 11:13

¹³ הולך רכיל מגלה סוד ונאמן רוח מכסה דבר׃

Proverbs 20:19

¹⁹ גולה סוד הולך רכיל ולפתה שׂפתיו לא תתערב׃

Jeremiah 6:28

²⁸ כלם סרי סוררים הלכי רכיל נחשׁת וברזל כלם משׁחיתים המה׃

Jeremiah 9:4

⁴ (9:3) אישׁ מרעהו השׁמרו ועל כל אח אל תבטחו כי כל אח עקוב יעקב וכל רע רכיל יהלך׃

Ezekiel 22:9

⁹ אנשׁי רכיל היו בך למען שׁפך דם ואל ההרים אכלו בך זמה עשׂו בתוכך׃

Genesis 27:41

⁴¹ וישׂטם עשׂו את יעקב על הברכה אשׁר ברכו אביו ויאמר עשׂו בלבו יקרבו ימי אבל אבי ואהרגה את יעקב אחי׃

Psalms 141:5

⁵ יהלמני צדיק חסד ויוכיחני שׁמן ראשׁ אל יני ראשׁי כי עוד ותפלתי ברעותיהם׃

Proverbs 9:8

⁸ אל תוכח לץ פן ישׂנאך הוכח לחכם ויאהבך׃

Proverbs 26:24-26

²⁴ בשׂפתו ינכר שׂונא ובקרבו ישׁית מרמה׃²⁵ כי יחנן קולו אל תאמן בו כי שׁבע תועבות בלבו׃²⁶ תכסה שׂנאה במשׁאון תגלה רעתו בקהל׃

Proverbs 27:5-6

⁵ טובה תוכחת מגלה מאהבה מסתרת׃⁶ נאמנים פצעי אוהב ונעתרות נשׁיקות שׂונא׃

Exodus 23:4-5

⁴ כי תפגע שׁור איבך או חמרו תעה השׁב תשׁיבנו׃⁵ כי תראה חמור שׂנאך רבץ תחת משׂאו וחדלת מעזב לו עזב תעזב עמו׃

Deuteronomy 32:25

²⁵ מחוץ תשׁכל חרב ומחדרים אימה גם בחור גם בתולה יונק עם אישׁ שׂיבה׃

2 Samuel 13:22

²² ולא דבר אבשׁלום עם אמנון למרע ועד טוב כי שׂנא אבשׁלום את אמנון על דבר אשׁר ענה את תמר אחתו׃

2 Samuel 13:28

²⁸ ויצו אבשׁלום את נעריו לאמר ראו נא כטוב לב אמנון ביין ואמרתי אליכם הכו את אמנון והמתם אתו אל תיראו הלוא כי אנכי צויתי אתכם חזקו והיו לבני חיל׃

Psalms 103:9

Proverbs 20:22

Genesis 36:24

²⁴ ואלה בני צבעון ואיה וענה הוא ענה אשׁר מצא את הימם במדבר ברעתו את החמרים לצבעון אביו׃

Deuteronomy 22:9-11

⁹ לא תזרע כרמך כלאים פן תקדשׁ המלאה הזרע אשׁר תזרע ותבואת הכרם׃¹⁰ לא תחרשׁ בשׁור ובחמר יחדו׃¹¹ לא תלבשׁ שׁעטנז צמר ופשׁתים יחדו׃

2 Samuel 13:29

²⁹ ויעשׂו נערי אבשׁלום לאמנון כאשׁר צוה אבשׁלום ויקמו כל בני המלך וירכבו אישׁ על פרדו וינסו׃

2 Samuel 18:9

⁹ ויקרא אבשׁלום לפני עבדי דוד ואבשׁלום רכב על הפרד ויבא הפרד תחת שׂובך האלה הגדולה ויחזק ראשׁו באלה ויתן בין השׁמים ובין הארץ והפרד אשׁר תחתיו עבר׃

1 Kings 1:33

³³ ויאמר המלך להם קחו עמכם את עבדי אדניכם והרכבתם את שׁלמה בני על הפרדה אשׁר לי והורדתם אתו אל גחון׃

Ezra 2:66

⁶⁶ סוסיהם שׁבע מאות שׁלשׁים ושׁשׁה פרדיהם מאתים ארבעים וחמשׁה׃

Exodus 21:20-21

²⁰ וכי יכה אישׁ את עבדו או את אמתו בשׁבט ומת תחת ידו נקם ינקם׃²¹ אך אם יום או יומים יעמד לא יקם כי כספו הוא׃

Deuteronomy 22:23-24

²³ כי יהיה נער בתולה מארשׂה לאישׁ ומצאה אישׁ בעיר ושׁכב עמה׃²⁴ והוצאתם את שׁניהם אל שׁער העיר ההוא וסקלתם אתם באבנים ומתו את הנער על דבר אשׁר לא צעקה בעיר ואת האישׁ על דבר אשׁר ענה את אשׁת רעהו ובערת הרע מקרבך׃

Leviticus 5:1-6

¹ ונפשׁ כי תחטא ושׁמעה קול אלה והוא עד או ראה או ידע אם לוא יגיד ונשׂא עונו׃² או נפשׁ אשׁר תגע בכל דבר טמא או בנבלת חיה טמאה או בנבלת בהמה טמאה או בנבלת שׁרץ טמא ונעלם ממנו והוא טמא ואשׁם׃³ או כי יגע בטמאת אדם לכל טמאתו אשׁר יטמא בה ונעלם ממנו והוא ידע ואשׁם׃⁴ או נפשׁ כי תשׁבע לבטא בשׂפתים להרע או להיטיב לכל אשׁר יבטא האדם בשׁבעה ונעלם ממנו והוא ידע ואשׁם לאחת מאלה׃⁵ והיה כי יאשׁם לאחת מאלה והתודה אשׁר חטא עליה׃⁶ והביא את אשׁמו ליהוה על חטאתו אשׁר חטא נקבה מן הצאן כשׂבה או שׂעירת עזים לחטאת וכפר עליו הכהן מחטאתו׃

Leviticus 5:15

¹⁵ נפשׁ כי תמעל מעל וחטאה בשׁגגה מקדשׁי יהוה והביא את אשׁמו ליהוה איל תמים מן הצאן בערכך כסף שׁקלים בשׁקל הקדשׁ לאשׁם׃

Leviticus 6:6-7

⁶ (5:25) ואת אשׁמו יביא ליהוה איל תמים מן הצאן בערכך לאשׁם אל הכהן׃⁷ (5:26) וכפר עליו הכהן לפני יהוה ונסלח לו על אחת מכל אשׁר יעשׂה לאשׁמה׃

Leviticus 4:20

²⁰ ועשׂה לפר כאשׁר עשׂה לפר החטאת כן יעשׂה לו וכפר עלהם הכהן ונסלח להם׃

Leviticus 4:26

²⁶ ואת כל חלבו יקטיר המזבחה כחלב זבח השׁלמים וכפר עליו הכהן מחטאתו ונסלח׃

Exodus 6:12

¹² וידבר משׁה לפני יהוה לאמר הן בני ישׂראל לא שׁמעו אלי ואיך ישׁמעני פרעה ואני ערל שׂפתים׃

Exodus 6:30

³⁰ ויאמר משׁה לפני יהוה הן אני ערל שׂפתים ואיך ישׁמע אלי פרעה׃

Exodus 22:29-30

²⁹ (22:28) מלאתך ודמעך לא תאחר בכור בניך תתן׃³⁰ (22:29) כן תעשׂה לשׁרך לצאנך שׁבעת ימים יהיה עם אמו ביום השׁמיני תתנו׃

Leviticus 12:3

Leviticus 14:34

³⁴ כי תבאו אל ארץ כנען אשׁר אני נתן לכם לאחזה ונתתי נגע צרעת בבית ארץ אחזתכם׃

Leviticus 22:27

²⁷ שׁור או כשׂב או עז כי יולד והיה שׁבעת ימים תחת אמו ומיום השׁמיני והלאה ירצה לקרבן אשׁה ליהוה׃

Jeremiah 6:10

¹⁰ על מי אדברה ואעידה וישׁמעו הנה ערלה אזנם ולא יוכלו להקשׁיב הנה דבר יהוה היה להם לחרפה לא יחפצו׃

Jeremiah 9:25-26

²⁵ (9:24) הנה ימים באים נאם יהוה ופקדתי על כל מול בערלה׃²⁶ (9:25) על מצרים ועל יהודה ועל אדום ועל בני עמון ועל מואב ועל כל קצוצי פאה הישׁבים במדבר כי כל הגוים ערלים וכל בית ישׂראל ערלי לב׃

Numbers 18:12-13

¹² כל חלב יצהר וכל חלב תירושׁ ודגן ראשׁיתם אשׁר יתנו ליהוה לך נתתים׃¹³ בכורי כל אשׁר בארצם אשׁר יביאו ליהוה לך יהיה כל טהור בביתך יאכלנו׃

Deuteronomy 12:17-18

¹⁷ לא תוכל לאכל בשׁעריך מעשׂר דגנך ותירשׁך ויצהרך ובכרת בקרך וצאנך וכל נדריך אשׁר תדר ונדבתיך ותרומת ידך׃¹⁸ כי אם לפני יהוה אלהיך תאכלנו במקום אשׁר יבחר יהוה אלהיך בו אתה ובנך ובתך ועבדך ואמתך והלוי אשׁר בשׁעריך ושׂמחת לפני יהוה אלהיך בכל משׁלח ידך׃

Deuteronomy 14:28-29

²⁸ מקצה שׁלשׁ שׁנים תוציא את כל מעשׂר תבואתך בשׁנה ההוא והנחת בשׁעריך׃²⁹ ובא הלוי כי אין לו חלק ונחלה עמך והגר והיתום והאלמנה אשׁר בשׁעריך ואכלו ושׂבעו למען יברכך יהוה אלהיך בכל מעשׂה ידך אשׁר תעשׂה׃

Deuteronomy 18:4

⁴ ראשׁית דגנך תירשׁך ויצהרך וראשׁית גז צאנך תתן׃

Proverbs 3:9

⁹ כבד את יהוה מהונך ומראשׁית כל תבואתך׃

Leviticus 26:3-4

³ אם בחקתי תלכו ואת מצותי תשׁמרו ועשׂיתם אתם׃⁴ ונתתי גשׁמיכם בעתם ונתנה הארץ יבולה ועץ השׂדה יתן פריו׃

Proverbs 3:9-10

⁹ כבד את יהוה מהונך ומראשׁית כל תבואתך׃¹⁰ וימלאו אסמיך שׂבע ותירושׁ יקביך יפרצו׃

Ecclesiastes 11:1-2

¹ שׁלח לחמך על פני המים כי ברב הימים תמצאנו׃² תן חלק לשׁבעה וגם לשׁמונה כי לא תדע מה יהיה רעה על הארץ׃

Haggai 1:4-6

⁴ העת לכם אתם לשׁבת בבתיכם ספונים והבית הזה חרב׃⁵ ועתה כה אמר יהוה צבאות שׂימו לבבכם על דרכיכם׃⁶ זרעתם הרבה והבא מעט אכול ואין לשׂבעה שׁתו ואין לשׁכרה לבושׁ ואין לחם לו והמשׂתכר משׂתכר אל צרור נקוב׃

Haggai 1:9-11

⁹ פנה אל הרבה והנה למעט והבאתם הבית ונפחתי בו יען מה נאם יהוה צבאות יען ביתי אשׁר הוא חרב ואתם רצים אישׁ לביתו׃¹⁰ על כן עליכם כלאו שׁמים מטל והארץ כלאה יבולה׃¹¹ ואקרא חרב על הארץ ועל ההרים ועל הדגן ועל התירושׁ ועל היצהר ועל אשׁר תוציא האדמה ועל האדם ועל הבהמה ועל כל יגיע כפים׃

Haggai 2:18-19

¹⁸ שׂימו נא לבבכם מן היום הזה ומעלה מיום עשׂרים וארבעה לתשׁיעי למן היום אשׁר יסד היכל יהוה שׂימו לבבכם׃¹⁹ העוד הזרע במגורה ועד הגפן והתאנה והרמון ועץ הזית לא נשׂא מן היום הזה אברך׃

Malachi 3:8-10

⁸ היקבע אדם אלהים כי אתם קבעים אתי ואמרתם במה קבענוך המעשׂר והתרומה׃⁹ במארה אתם נארים ואתי אתם קבעים הגוי כלו׃¹⁰ הביאו את כל המעשׂר אל בית האוצר ויהי טרף בביתי ובחנוני נא בזאת אמר יהוה צבאות אם לא אפתח לכם את ארבות השׁמים והריקתי לכם ברכה עד בלי די׃

Exodus 7:11

¹¹ ויקרא גם פרעה לחכמים ולמכשׁפים ויעשׂו גם הם חרטמי מצרים בלהטיהם כן׃

Exodus 8:7

⁷ (8:3) ויעשׂו כן החרטמים בלטיהם ויעלו את הצפרדעים על ארץ מצרים׃

Leviticus 3:17

¹⁷ חקת עולם לדרתיכם בכל מושׁבתיכם כל חלב וכל דם לא תאכלו׃

Leviticus 7:26

²⁶ וכל דם לא תאכלו בכל מושׁבתיכם לעוף ולבהמה׃

Leviticus 17:10-14

¹⁰ ואישׁ אישׁ מבית ישׂראל ומן הגר הגר בתוכם אשׁר יאכל כל דם ונתתי פני בנפשׁ האכלת את הדם והכרתי אתה מקרב עמה׃¹¹ כי נפשׁ הבשׂר בדם הוא ואני נתתיו לכם על המזבח לכפר על נפשׁתיכם כי הדם הוא בנפשׁ יכפר׃¹² על כן אמרתי לבני ישׂראל כל נפשׁ מכם לא תאכל דם והגר הגר בתוככם לא יאכל דם׃¹³ ואישׁ אישׁ מבני ישׂראל ומן הגר הגר בתוכם אשׁר יצוד ציד חיה או עוף אשׁר יאכל ושׁפך את דמו וכסהו בעפר׃¹⁴ כי נפשׁ כל בשׂר דמו בנפשׁו הוא ואמר לבני ישׂראל דם כל בשׂר לא תאכלו כי נפשׁ כל בשׂר דמו הוא כל אכליו יכרת׃

Deuteronomy 12:23

²³ רק חזק לבלתי אכל הדם כי הדם הוא הנפשׁ ולא תאכל הנפשׁ עם הבשׂר׃

Deuteronomy 18:10-14

¹⁰ לא ימצא בך מעביר בנו ובתו באשׁ קסם קסמים מעונן ומנחשׁ ומכשׁף׃¹¹ וחבר חבר ושׁאל אוב וידעני ודרשׁ אל המתים׃¹² כי תועבת יהוה כל עשׂה אלה ובגלל התועבת האלה יהוה אלהיך מורישׁ אותם מפניך׃¹³ תמים תהיה עם יהוה אלהיך׃¹⁴ כי הגוים האלה אשׁר אתה יורשׁ אותם אל מעננים ואל קסמים ישׁמעו ואתה לא כן נתן לך יהוה אלהיך׃

1 Samuel 15:23

²³ כי חטאת קסם מרי ואון ותרפים הפצר יען מאסת את דבר יהוה וימאסך ממלך׃

2 Kings 17:17

¹⁷ ויעבירו את בניהם ואת בנותיהם באשׁ ויקסמו קסמים וינחשׁו ויתמכרו לעשׂות הרע בעיני יהוה להכעיסו׃

2 Kings 21:6

⁶ והעביר את בנו באשׁ ועונן ונחשׁ ועשׂה אוב וידענים הרבה לעשׂות הרע בעיני יהוה להכעיס׃

2 Chronicles 33:6

⁶ והוא העביר את בניו באשׁ בגי בן הנם ועונן ונחשׁ וכשׁף ועשׂה אוב וידעוני הרבה לעשׂות הרע בעיני יהוה להכעיסו׃

Jeremiah 10:2

² כה אמר יהוה אל דרך הגוים אל תלמדו ומאתות השׁמים אל תחתו כי יחתו הגוים מהמה׃

Daniel 2:10

¹⁰ ענו כשׂדיא קדם מלכא ואמרין לא איתי אנשׁ על יבשׁתא די מלת מלכא יוכל להחויה כל קבל די כל מלך רב ושׁליט מלה כדנה לא שׁאל לכל חרטם ואשׁף וכשׂדי׃

Leviticus 21:5

⁵ לא יקרחה קרחה בראשׁם ופאת זקנם לא יגלחו ובבשׂרם לא ישׂרטו שׂרטת׃

Deuteronomy 14:1

¹ בנים אתם ליהוה אלהיכם לא תתגדדו ולא תשׂימו קרחה בין עיניכם למת׃

Isaiah 15:2

² עלה הבית ודיבן הבמות לבכי על נבו ועל מידבא מואב ייליל בכל ראשׁיו קרחה כל זקן גרועה׃

Jeremiah 16:6

⁶ ומתו גדלים וקטנים בארץ הזאת לא יקברו ולא יספדו להם ולא יתגדד ולא יקרח להם׃

Jeremiah 48:37

³⁷ כי כל ראשׁ קרחה וכל זקן גרעה על כל ידים גדדת ועל מתנים שׂק׃

Ezekiel 7:18

¹⁸ וחגרו שׂקים וכסתה אותם פלצות ואל כל פנים בושׁה ובכל ראשׁיהם קרחה׃

Ezekiel 44:20

²⁰ וראשׁם לא יגלחו ופרע לא ישׁלחו כסום יכסמו את ראשׁיהם׃

Leviticus 21:1

¹ ויאמר יהוה אל משׁה אמר אל הכהנים בני אהרן ואמרת אלהם לנפשׁ לא יטמא בעמיו׃

1 Kings 18:28

²⁸ ויקראו בקול גדול ויתגדדו כמשׁפטם בחרבות וברמחים עד שׁפך דם עליהם׃

Leviticus 21:7

⁷ אשׁה זנה וחללה לא יקחו ואשׁה גרושׁה מאישׁה לא יקחו כי קדשׁ הוא לאלהיו׃

Deuteronomy 23:17-18

¹⁷ (23:18) לא תהיה קדשׁה מבנות ישׂראל ולא יהיה קדשׁ מבני ישׂראל׃¹⁸ (23:19) לא תביא אתנן זונה ומחיר כלב בית יהוה אלהיך לכל נדר כי תועבת יהוה אלהיך גם שׁניהם׃

Hosea 4:12-14

¹² עמי בעצו ישׁאל ומקלו יגיד לו כי רוח זנונים התעה ויזנו מתחת אלהיהם׃¹³ על ראשׁי ההרים יזבחו ועל הגבעות יקטרו תחת אלון ולבנה ואלה כי טוב צלה על כן תזנינה בנותיכם וכלותיכם תנאפנה׃¹⁴ לא אפקוד על בנותיכם כי תזנינה ועל כלותיכם כי תנאפנה כי הם עם הזנות יפרדו ועם הקדשׁות יזבחו ועם לא יבין ילבט׃

Genesis 28:16-17

¹⁶ וייקץ יעקב משׁנתו ויאמר אכן ישׁ יהוה במקום הזה ואנכי לא ידעתי׃¹⁷ ויירא ויאמר מה נורא המקום הזה אין זה כי אם בית אלהים וזה שׁער השׁמים׃

Leviticus 10:3

³ ויאמר משׁה אל אהרן הוא אשׁר דבר יהוה לאמר בקרבי אקדשׁ ועל פני כל העם אכבד וידם אהרן׃

Leviticus 15:31

³¹ והזרתם את בני ישׂראל מטמאתם ולא ימתו בטמאתם בטמאם את משׁכני אשׁר בתוכם׃

Leviticus 16:2

² ויאמר יהוה אל משׁה דבר אל אהרן אחיך ואל יבא בכל עת אל הקדשׁ מבית לפרכת אל פני הכפרת אשׁר על הארן ולא ימות כי בענן אראה על הכפרת׃

Leviticus 19:3

³ אישׁ אמו ואביו תיראו ואת שׁבתתי תשׁמרו אני יהוה אלהיכם׃

2 Chronicles 33:7

⁷ וישׂם את פסל הסמל אשׁר עשׂה בבית האלהים אשׁר אמר אלהים אל דויד ואל שׁלמה בנו בבית הזה ובירושׁלם אשׁר בחרתי מכל שׁבטי ישׂראל אשׂים את שׁמי לעילום׃

2 Chronicles 36:14

¹⁴ גם כל שׂרי הכהנים והעם הרבו למעול מעל ככל תעבות הגוים ויטמאו את בית יהוה אשׁר הקדישׁ בירושׁלם׃

Psalms 89:7

⁷ (89:8) אל נערץ בסוד קדשׁים רבה ונורא על כל סביביו׃

Ecclesiastes 5:1

¹ (4:17) שׁמר רגליך כאשׁר תלך אל בית האלהים וקרוב לשׁמע מתת הכסילים זבח כי אינם יודעים לעשׂות רע׃

Ezekiel 9:6

⁶ זקן בחור ובתולה וטף ונשׁים תהרגו למשׁחית ועל כל אישׁ אשׁר עליו התו אל תגשׁו וממקדשׁי תחלו ויחלו באנשׁים הזקנים אשׁר לפני הבית׃

Exodus 22:18

Leviticus 19:26

²⁶ לא תאכלו על הדם לא תנחשׁו ולא תעוננו׃

Leviticus 20:6-7

⁶ והנפשׁ אשׁר תפנה אל האבת ואל הידענים לזנת אחריהם ונתתי את פני בנפשׁ ההוא והכרתי אתו מקרב עמו׃⁷ והתקדשׁתם והייתם קדשׁים כי אני יהוה אלהיכם׃

Leviticus 20:27

²⁷ ואישׁ או אשׁה כי יהיה בהם אוב או ידעני מות יומתו באבן ירגמו אתם דמיהם׃

1 Samuel 28:3

³ ושׁמואל מת ויספדו לו כל ישׂראל ויקברהו ברמה ובעירו ושׁאול הסיר האבות ואת הידענים מהארץ׃

1 Samuel 28:7-9

⁷ ויאמר שׁאול לעבדיו בקשׁו לי אשׁת בעלת אוב ואלכה אליה ואדרשׁה בה ויאמרו עבדיו אליו הנה אשׁת בעלת אוב בעין דור׃⁸ ויתחפשׂ שׁאול וילבשׁ בגדים אחרים וילך הוא ושׁני אנשׁים עמו ויבאו אל האשׁה לילה ויאמר קסומי נא לי באוב והעלי לי את אשׁר אמר אליך׃⁹ ותאמר האשׁה אליו הנה אתה ידעת את אשׁר עשׂה שׁאול אשׁר הכרית את האבות ואת הידעני מן הארץ ולמה אתה מתנקשׁ בנפשׁי להמיתני׃

1 Chronicles 10:13

¹³ וימת שׁאול במעלו אשׁר מעל ביהוה על דבר יהוה אשׁר לא שׁמר וגם לשׁאול באוב לדרושׁ׃

Isaiah 8:19

¹⁹ וכי יאמרו אליכם דרשׁו אל האבות ואל הידענים המצפצפים והמהגים הלוא עם אל אלהיו ידרשׁ בעד החיים אל המתים׃

Isaiah 29:4

⁴ ושׁפלת מארץ תדברי ומעפר תשׁח אמרתך והיה כאוב מארץ קולך ומעפר אמרתך תצפצף׃

Isaiah 47:13

¹³ נלאית ברב עצתיך יעמדו נא ויושׁיעך הברו שׁמים החזים בכוכבים מודיעם לחדשׁים מאשׁר יבאו עליך׃

Leviticus 19:14

¹⁴ לא תקלל חרשׁ ולפני עור לא תתן מכשׁל ויראת מאלהיך אני יהוה׃

1 Kings 2:19

¹⁹ ותבא בת\'ceשׁבע אל המלך שׁלמה לדבר לו על אדניהו ויקם המלך לקראתה וישׁתחו לה וישׁב על כסאו וישׂם כסא לאם המלך ותשׁב לימינו׃

Job 32:4

⁴ ואליהו חכה את איוב בדברים כי זקנים המה ממנו לימים׃

Job 32:6

⁶ ויען אליהוא בן ברכאל הבוזי ויאמר צעיר אני לימים ואתם ישׁישׁים על כן זחלתי ואירא מחות דעי אתכם׃

Proverbs 16:31

Proverbs 20:29

²⁹ תפארת בחורים כחם והדר זקנים שׂיבה׃

Isaiah 3:5

⁵ ונגשׂ העם אישׁ באישׁ ואישׁ ברעהו ירהבו הנער בזקן והנקלה בנכבד׃

Lamentations 5:12

¹² שׂרים בידם נתלו פני זקנים לא נהדרו׃

Exodus 23:9

⁹ וגר לא תלחץ ואתם ידעתם את נפשׁ הגר כי גרים הייתם בארץ מצרים׃

Deuteronomy 10:18-19

¹⁸ עשׂה משׁפט יתום ואלמנה ואהב גר לתת לו לחם ושׂמלה׃¹⁹ ואהבתם את הגר כי גרים הייתם בארץ מצרים׃

Deuteronomy 24:14

¹⁴ לא תעשׁק שׂכיר עני ואביון מאחיך או מגרך אשׁר בארצך בשׁעריך׃

Jeremiah 7:6

⁶ גר יתום ואלמנה לא תעשׁקו ודם נקי אל תשׁפכו במקום הזה ואחרי אלהים אחרים לא תלכו לרע׃

Ezekiel 22:7

⁷ אב ואם הקלו בך לגר עשׂו בעשׁק בתוכך יתום ואלמנה הונו׃

Exodus 12:48-49

⁴⁸ וכי יגור אתך גר ועשׂה פסח ליהוה המול לו כל זכר ואז יקרב לעשׂתו והיה כאזרח הארץ וכל ערל לא יאכל׃⁴⁹ תורה אחת יהיה לאזרח ולגר הגר בתוככם׃

Leviticus 19:18

¹⁸ לא תקם ולא תטר את בני עמך ואהבת לרעך כמוך אני יהוה׃

Deuteronomy 10:19

¹⁹ ואהבתם את הגר כי גרים הייתם בארץ מצרים׃

Leviticus 19:15

¹⁵ לא תעשׂו עול במשׁפט לא תשׂא פני דל ולא תהדר פני גדול בצדק תשׁפט עמיתך׃

Deuteronomy 25:13

¹³ לא יהיה לך בכיסך אבן ואבן גדולה וקטנה׃

Deuteronomy 25:15

¹⁵ אבן שׁלמה וצדק יהיה לך איפה שׁלמה וצדק יהיה לך למען יאריכו ימיך על האדמה אשׁר יהוה אלהיך נתן׃

Proverbs 11:1

¹ מאזני מרמה תועבת יהוה ואבן שׁלמה רצונו׃

Proverbs 16:11

¹¹ פלס ומאזני משׁפט ליהוה מעשׂהו כל אבני כיס׃

Ezekiel 22:12-13

¹² שׁחד לקחו בך למען שׁפך דם נשׁך ותרבית לקחת ותבצעי רעיך בעשׁק ואתי שׁכחת נאם אדני יהוה׃¹³ והנה הכיתי כפי אל בצעך אשׁר עשׂית ועל דמך אשׁר היו בתוכך׃

Amos 8:5-6

⁵ לאמר מתי יעבר החדשׁ ונשׁבירה שׁבר והשׁבת ונפתחה בר להקטין איפה ולהגדיל שׁקל ולעות מאזני מרמה׃⁶ לקנות בכסף דלים ואביון בעבור נעלים ומפל בר נשׁביר׃

Micah 6:1

¹ שׁמעו נא את אשׁר יהוה אמר קום ריב את ההרים ותשׁמענה הגבעות קולך׃

Exodus 20:2

² אנכי יהוה אלהיך אשׁר הוצאתיך מארץ מצרים מבית עבדים׃

Deuteronomy 25:13-15

¹³ לא יהיה לך בכיסך אבן ואבן גדולה וקטנה׃¹⁴ לא יהיה לך בביתך איפה ואיפה גדולה וקטנה׃¹⁵ אבן שׁלמה וצדק יהיה לך איפה שׁלמה וצדק יהיה לך למען יאריכו ימיך על האדמה אשׁר יהוה אלהיך נתן׃

Leviticus 18:4-5

⁴ את משׁפטי תעשׂו ואת חקתי תשׁמרו ללכת בהם אני יהוה אלהיכם׃⁵ ושׁמרתם את חקתי ואת משׁפטי אשׁר יעשׂה אתם האדם וחי בהם אני יהוה׃

Deuteronomy 4:1-2

¹ ועתה ישׂראל שׁמע אל החקים ואל המשׁפטים אשׁר אנכי מלמד אתכם לעשׂות למען תחיו ובאתם וירשׁתם את הארץ אשׁר יהוה אלהי אבתיכם נתן׃² לא תספו על הדבר אשׁר אנכי מצוה אתכם ולא תגרעו ממנו לשׁמר את מצות יהוה אלהיכם אשׁר אנכי מצוה אתכם׃

Deuteronomy 4:5-6

⁵ ראה למדתי אתכם חקים ומשׁפטים כאשׁר צוני יהוה אלהי לעשׂות כן בקרב הארץ אשׁר אתם באים שׁמה לרשׁתה׃⁶ ושׁמרתם ועשׂיתם כי הוא חכמתכם ובינתכם לעיני העמים אשׁר ישׁמעון את כל החקים האלה ואמרו רק עם חכם ונבון הגוי הגדול הזה׃

Deuteronomy 5:1

¹ ויקרא משׁה אל כל ישׂראל ויאמר אלהם שׁמע ישׂראל את החקים ואת המשׁפטים אשׁר אנכי דבר באזניכם היום ולמדתם אתם ושׁמרתם לעשׂתם׃

Deuteronomy 6:1-2

¹ וזאת המצוה החקים והמשׁפטים אשׁר צוה יהוה אלהיכם ללמד אתכם לעשׂות בארץ אשׁר אתם עברים שׁמה לרשׁתה׃² למען תירא את יהוה אלהיך לשׁמר את כל חקתיו ומצותיו אשׁר אנכי מצוך אתה ובנך ובן בנך כל ימי חייך ולמען יארכן ימיך׃

Deuteronomy 8:1

¹ כל המצוה אשׁר אנכי מצוך היום תשׁמרון לעשׂות למען תחיון ורביתם ובאתם וירשׁתם את הארץ אשׁר נשׁבע יהוה לאבתיכם׃

Psalms 119:4

Psalms 119:34

³⁴ הבינני ואצרה תורתך ואשׁמרנה בכל לב׃

Leviticus 19 Cross References - HOT