1 וידבר יהוה אל משׁה לאמר׃2 ואל בני ישׂראל תאמר אישׁ אישׁ מבני ישׂראל ומן הגר הגר בישׂראל אשׁר יתן מזרעו למלך מות יומת עם הארץ ירגמהו באבן׃3 ואני אתן את פני באישׁ ההוא והכרתי אתו מקרב עמו כי מזרעו נתן למלך למען טמא את מקדשׁי ולחלל את שׁם קדשׁי׃4 ואם העלם יעלימו עם הארץ את עיניהם מן האישׁ ההוא בתתו מזרעו למלך לבלתי המית אתו׃5 ושׂמתי אני את פני באישׁ ההוא ובמשׁפחתו והכרתי אתו ואת כל הזנים אחריו לזנות אחרי המלך מקרב עמם׃6 והנפשׁ אשׁר תפנה אל האבת ואל הידענים לזנת אחריהם ונתתי את פני בנפשׁ ההוא והכרתי אתו מקרב עמו׃7 והתקדשׁתם והייתם קדשׁים כי אני יהוה אלהיכם׃8 ושׁמרתם את חקתי ועשׂיתם אתם אני יהוה מקדשׁכם׃9 כי אישׁ אישׁ אשׁר יקלל את אביו ואת אמו מות יומת אביו ואמו קלל דמיו׃10 ואישׁ אשׁר ינאף את אשׁת אישׁ אשׁר ינאף את אשׁת רעהו מות יומת הנאף והנאפת׃11 ואישׁ אשׁר ישׁכב את אשׁת אביו ערות אביו גלה מות יומתו שׁניהם דמיהם׃12 ואישׁ אשׁר ישׁכב את כלתו מות יומתו שׁניהם תבל עשׂו דמיהם׃13 ואישׁ אשׁר ישׁכב את זכר משׁכבי אשׁה תועבה עשׂו שׁניהם מות יומתו דמיהם׃14 ואישׁ אשׁר יקח את אשׁה ואת אמה זמה הוא באשׁ ישׂרפו אתו ואתהן ולא תהיה זמה בתוככם׃15 ואישׁ אשׁר יתן שׁכבתו בבהמה מות יומת ואת הבהמה תהרגו׃16 ואשׁה אשׁר תקרב אל כל בהמה לרבעה אתה והרגת את האשׁה ואת הבהמה מות יומתו דמיהם׃17 ואישׁ אשׁר יקח את אחתו בת אביו או בת אמו וראה את ערותה והיא תראה את ערותו חסד הוא ונכרתו לעיני בני עמם ערות אחתו גלה עונו ישׂא׃18 ואישׁ אשׁר ישׁכב את אשׁה דוה וגלה את ערותה את מקרה הערה והוא גלתה את מקור דמיה ונכרתו שׁניהם מקרב עמם׃19 וערות אחות אמך ואחות אביך לא תגלה כי את שׁארו הערה עונם ישׂאו׃20 ואישׁ אשׁר ישׁכב את דדתו ערות דדו גלה חטאם ישׂאו ערירים ימתו׃21 ואישׁ אשׁר יקח את אשׁת אחיו נדה הוא ערות אחיו גלה ערירים יהיו׃22 ושׁמרתם את כל חקתי ואת כל משׁפטי ועשׂיתם אתם ולא תקיא אתכם הארץ אשׁר אני מביא אתכם שׁמה לשׁבת׃23 ולא תלכו בחקת הגוי אשׁר אני משׁלח מפניכם כי את כל אלה עשׂו ואקץ׃24 ואמר לכם אתם תירשׁו את אדמתם ואני אתננה לכם לרשׁת אתה ארץ זבת חלב ודבשׁ אני יהוה אלהיכם אשׁר הבדלתי אתכם מן העמים׃25 והבדלתם בין הבהמה הטהרה לטמאה ובין העוף הטמא לטהר ולא תשׁקצו את נפשׁתיכם בבהמה ובעוף ובכל אשׁר תרמשׂ האדמה אשׁר הבדלתי לכם לטמא׃26 והייתם לי קדשׁים כי קדושׁ אני יהוה ואבדל אתכם מן העמים להיות׃27 ואישׁ או אשׁה כי יהיה בהם אוב או ידעני מות יומתו באבן ירגמו אתם דמיהם׃
Leviticus 20 Cross References - HOT
Leviticus 17:8
8 ואלהם תאמר אישׁ אישׁ מבית ישׂראל ומן הגר אשׁר יגור בתוכם אשׁר יעלה עלה או זבח׃
Leviticus 17:13
13 ואישׁ אישׁ מבני ישׂראל ומן הגר הגר בתוכם אשׁר יצוד ציד חיה או עוף אשׁר יאכל ושׁפך את דמו וכסהו בעפר׃
Leviticus 17:15
15 וכל נפשׁ אשׁר תאכל נבלה וטרפה באזרח ובגר וכבס בגדיו ורחץ במים וטמא עד הערב וטהר׃
Leviticus 18:21
21 ומזרעך לא תתן להעביר למלך ולא תחלל את שׁם אלהיך אני יהוה׃
Leviticus 20:27
27 ואישׁ או אשׁה כי יהיה בהם אוב או ידעני מות יומתו באבן ירגמו אתם דמיהם׃
Leviticus 24:14
14 הוצא את המקלל אל מחוץ למחנה וסמכו כל השׁמעים את ידיהם על ראשׁו ורגמו אתו כל העדה׃
Leviticus 24:23
23 וידבר משׁה אל בני ישׂראל ויוציאו את המקלל אל מחוץ למחנה וירגמו אתו אבן ובני ישׂראל עשׂו כאשׁר צוה יהוה את משׁה׃
Numbers 15:35-36
Deuteronomy 12:31
31 לא תעשׂה כן ליהוה אלהיך כי כל תועבת יהוה אשׁר שׂנא עשׂו לאלהיהם כי גם את בניהם ואת בנתיהם ישׂרפו באשׁ לאלהיהם׃
Deuteronomy 13:10-11
Deuteronomy 17:5-7
Deuteronomy 18:10
10 לא ימצא בך מעביר בנו ובתו באשׁ קסם קסמים מעונן ומנחשׁ ומכשׁף׃
Deuteronomy 21:21
21 ורגמהו כל אנשׁי עירו באבנים ומת ובערת הרע מקרבך וכל ישׂראל ישׁמעו ויראו׃
2 Kings 17:17
17 ויעבירו את בניהם ואת בנותיהם באשׁ ויקסמו קסמים וינחשׁו ויתמכרו לעשׂות הרע בעיני יהוה להכעיסו׃
2 Kings 23:10
10 וטמא את התפת אשׁר בגי בני הנם לבלתי להעביר אישׁ את בנו ואת בתו באשׁ למלך׃
2 Chronicles 28:3
3 והוא הקטיר בגיא בן הנם ויבער את בניו באשׁ כתעבות הגוים אשׁר הרישׁ יהוה מפני בני ישׂראל׃
2 Chronicles 33:6
6 והוא העביר את בניו באשׁ בגי בן הנם ועונן ונחשׁ וכשׁף ועשׂה אוב וידעוני הרבה לעשׂות הרע בעיני יהוה להכעיסו׃
Psalms 106:38
38 וישׁפכו דם נקי דם בניהם ובנותיהם אשׁר זבחו לעצבי כנען ותחנף הארץ בדמים׃
Isaiah 57:5-6
Jeremiah 7:31
31 ובנו במות התפת אשׁר בגיא בן הנם לשׂרף את בניהם ואת בנתיהם באשׁ אשׁר לא צויתי ולא עלתה על לבי׃
Jeremiah 32:35
35 ויבנו את במות הבעל אשׁר בגיא בן הנם להעביר את בניהם ואת בנותיהם למלך אשׁר לא צויתים ולא עלתה על לבי לעשׂות התועבה הזאת למען החטי את יהודה׃
Ezekiel 16:20-21
Ezekiel 20:26
26 ואטמא אותם במתנותם בהעביר כל פטר רחם למען אשׁמם למען אשׁר ידעו אשׁר אני יהוה׃
Ezekiel 20:31
31 ובשׂאת מתנתיכם בהעביר בניכם באשׁ אתם נטמאים לכל גלוליכם עד היום ואני אדרשׁ לכם בית ישׂראל חי אני נאם אדני יהוה אם אדרשׁ׃
Ezekiel 23:37
37 כי נאפו ודם בידיהן ואת גלוליהן נאפו וגם את בניהן אשׁר ילדו לי העבירו להם לאכלה׃
Ezekiel 23:39
39 ובשׁחטם את בניהם לגלוליהם ויבאו אל מקדשׁי ביום ההוא לחללו והנה כה עשׂו בתוך ביתי׃
Leviticus 15:31
31 והזרתם את בני ישׂראל מטמאתם ולא ימתו בטמאתם בטמאם את משׁכני אשׁר בתוכם׃
Leviticus 17:10
10 ואישׁ אישׁ מבית ישׂראל ומן הגר הגר בתוכם אשׁר יאכל כל דם ונתתי פני בנפשׁ האכלת את הדם והכרתי אתה מקרב עמה׃
Numbers 19:20
20 ואישׁ אשׁר יטמא ולא יתחטא ונכרתה הנפשׁ ההוא מתוך הקהל כי את מקדשׁ יהוה טמא מי נדה לא זרק עליו טמא הוא׃
Ezekiel 5:11
11 לכן חי אני נאם אדני יהוה אם לא יען את מקדשׁי טמאת בכל שׁקוציך ובכל תועבתיך וגם אני אגרע ולא תחוס עיני וגם אני לא אחמול׃
Ezekiel 20:39
39 ואתם בית ישׂראל כה אמר אדני יהוה אישׁ גלוליו לכו עבדו ואחר אם אינכם שׁמעים אלי ואת שׁם קדשׁי לא תחללו עוד במתנותיכם ובגלוליכם׃
Ezekiel 23:38-39
Deuteronomy 13:8
8 (13:9) לא תאבה לו ולא תשׁמע אליו ולא תחוס עינך עליו ולא תחמל ולא תכסה עליו׃
Deuteronomy 17:2-5
2 כי ימצא בקרבך באחד שׁעריך אשׁר יהוה אלהיך נתן לך אישׁ או אשׁה אשׁר יעשׂה את הרע בעיני יהוה אלהיך לעבר בריתו׃3 וילך ויעבד אלהים אחרים וישׁתחו להם ולשׁמשׁ או לירח או לכל צבא השׁמים אשׁר לא צויתי׃4 והגד לך ושׁמעת ודרשׁת היטב והנה אמת נכון הדבר נעשׂתה התועבה הזאת בישׂראל׃5 והוצאת את האישׁ ההוא או את האשׁה ההוא אשׁר עשׂו את הדבר הרע הזה אל שׁעריך את האישׁ או את האשׁה וסקלתם באבנים ומתו׃
Joshua 7:12
12 ולא יכלו בני ישׂראל לקום לפני איביהם ערף יפנו לפני איביהם כי היו לחרם לא אוסיף להיות עמכם אם לא תשׁמידו החרם מקרבכם׃
1 Samuel 3:13-14
1 Kings 20:42
42 ויאמר אליו כה אמר יהוה יען שׁלחת את אישׁ חרמי מיד והיתה נפשׁך תחת נפשׁו ועמך תחת עמו׃
Exodus 20:5
5 לא תשׁתחוה להם ולא תעבדם כי אנכי יהוה אלהיך אל קנא פקד עון אבת על בנים על שׁלשׁים ועל רבעים לשׂנאי׃
Leviticus 17:7
7 ולא יזבחו עוד את זבחיהם לשׂעירם אשׁר הם זנים אחריהם חקת עולם תהיה זאת להם לדרתם׃
Psalms 106:39
39 ויטמאו במעשׂיהם ויזנו במעלליהם׃
Jeremiah 3:2
2 שׂאי עיניך על שׁפים וראי איפה לא שׁגלת על דרכים ישׁבת להם כערבי במדבר ותחניפי ארץ בזנותיך וברעתך׃
Jeremiah 32:28-35
28 לכן כה אמר יהוה הנני נתן את העיר הזאת ביד הכשׂדים וביד נבוכדראצר מלך בבל ולכדה׃29 ובאו הכשׂדים הנלחמים על העיר הזאת והציתו את העיר הזאת באשׁ ושׂרפוה ואת הבתים אשׁר קטרו על גגותיהם לבעל והסכו נסכים לאלהים אחרים למען הכעסני׃30 כי היו בני ישׂראל ובני יהודה אך עשׂים הרע בעיני מנערתיהם כי בני ישׂראל אך מכעסים אתי במעשׂה ידיהם נאם יהוה׃31 כי על אפי ועל חמתי היתה לי העיר הזאת למן היום אשׁר בנו אותה ועד היום הזה להסירה מעל פני׃32 על כל רעת בני ישׂראל ובני יהודה אשׁר עשׂו להכעסני המה מלכיהם שׂריהם כהניהם ונביאיהם ואישׁ יהודה וישׁבי ירושׁלם׃33 ויפנו אלי ערף ולא פנים ולמד אתם השׁכם ולמד ואינם שׁמעים לקחת מוסר׃34 וישׂימו שׁקוציהם בבית אשׁר נקרא שׁמי עליו לטמאו׃35 ויבנו את במות הבעל אשׁר בגיא בן הנם להעביר את בניהם ואת בנותיהם למלך אשׁר לא צויתים ולא עלתה על לבי לעשׂות התועבה הזאת למען החטי את יהודה׃
Jeremiah 32:39
39 ונתתי להם לב אחד ודרך אחד ליראה אותי כל הימים לטוב להם ולבניהם אחריהם׃
Hosea 2:5
5 (2:7) כי זנתה אמם הבישׁה הורתם כי אמרה אלכה אחרי מאהבי נתני לחמי ומימי צמרי ופשׁתי שׁמני ושׁקויי׃
Hosea 2:13
13 (2:15) ופקדתי עליה את ימי הבעלים אשׁר תקטיר להם ותעד נזמה וחליתה ותלך אחרי מאהביה ואתי שׁכחה נאם יהוה׃
Exodus 34:15-16
Leviticus 19:26
26 לא תאכלו על הדם לא תנחשׁו ולא תעוננו׃
Leviticus 19:31
31 אל תפנו אל האבת ואל הידענים אל תבקשׁו לטמאה בהם אני יהוה אלהיכם׃
Numbers 15:39
39 והיה לכם לציצת וראיתם אתו וזכרתם את כל מצות יהוה ועשׂיתם אתם ולא תתורו אחרי לבבכם ואחרי עיניכם אשׁר אתם זנים אחריהם׃
Deuteronomy 18:10-14
1 Chronicles 10:13-14
Psalms 73:27
27 כי הנה רחקיך יאבדו הצמתה כל זונה ממך׃
Isaiah 8:19
19 וכי יאמרו אליכם דרשׁו אל האבות ואל הידענים המצפצפים והמהגים הלוא עם אל אלהיו ידרשׁ בעד החיים אל המתים׃
Ezekiel 6:9
9 וזכרו פליטיכם אותי בגוים אשׁר נשׁבו שׁם אשׁר נשׁברתי את לבם הזונה אשׁר סר מעלי ואת עיניהם הזנות אחרי גלוליהם ונקטו בפניהם אל הרעות אשׁר עשׂו לכל תועבתיהם׃
Hosea 4:12
12 עמי בעצו ישׁאל ומקלו יגיד לו כי רוח זנונים התעה ויזנו מתחת אלהיהם׃
Leviticus 11:44
44 כי אני יהוה אלהיכם והתקדשׁתם והייתם קדשׁים כי קדושׁ אני ולא תטמאו את נפשׁתיכם בכל השׁרץ הרמשׂ על הארץ׃
Leviticus 19:2
2 דבר אל כל עדת בני ישׂראל ואמרת אלהם קדשׁים תהיו כי קדושׁ אני יהוה אלהיכם׃
Exodus 31:13
13 ואתה דבר אל בני ישׂראל לאמר אך את שׁבתתי תשׁמרו כי אות הוא ביני וביניכם לדרתיכם לדעת כי אני יהוה מקדשׁכם׃
Leviticus 18:4-5
Leviticus 19:37
37 ושׁמרתם את כל חקתי ואת כל משׁפטי ועשׂיתם אתם אני יהוה׃
Leviticus 21:8
8 וקדשׁתו כי את לחם אלהיך הוא מקריב קדשׁ יהיה לך כי קדושׁ אני יהוה מקדשׁכם׃
Ezekiel 20:12
12 וגם את שׁבתותי נתתי להם להיות לאות ביני וביניהם לדעת כי אני יהוה מקדשׁם׃
Ezekiel 37:28
28 וידעו הגוים כי אני יהוה מקדשׁ את ישׂראל בהיות מקדשׁי בתוכם לעולם׃
Exodus 21:17
17 ומקלל אביו ואמו מות יומת׃
Leviticus 20:11-13
Leviticus 20:16
16 ואשׁה אשׁר תקרב אל כל בהמה לרבעה אתה והרגת את האשׁה ואת הבהמה מות יומתו דמיהם׃
Deuteronomy 27:16
16 ארור מקלה אביו ואמו ואמר כל העם אמן׃
Joshua 2:19
19 והיה כל אשׁר יצא מדלתי ביתך החוצה דמו בראשׁו ואנחנו נקים וכל אשׁר יהיה אתך בבית דמו בראשׁנו אם יד תהיה׃
Judges 9:24
24 לבוא חמס שׁבעים בני ירבעל ודמם לשׂום על אבימלך אחיהם אשׁר הרג אותם ועל בעלי שׁכם אשׁר חזקו את ידיו להרג את אחיו׃
2 Samuel 1:16
16 ויאמר אליו דוד דמיך על ראשׁך כי פיך ענה בך לאמר אנכי מתתי את משׁיח יהוה׃
1 Kings 2:32
32 והשׁיב יהוה את דמו על ראשׁו אשׁר פגע בשׁני אנשׁים צדקים וטבים ממנו ויהרגם בחרב ואבי דוד לא ידע את אבנר בן נר שׂר צבא ישׂראל ואת עמשׂא בן יתר שׂר צבא יהודה׃
Proverbs 20:20
20 מקלל אביו ואמו ידעך נרו באישׁון חשׁך׃
Proverbs 30:11
11 דור אביו יקלל ואת אמו לא יברך׃
Proverbs 30:17
17 עין תלעג לאב ותבוז ליקהת אם יקרוה ערבי נחל ויאכלוה בני נשׁר׃
Exodus 20:14
14 לא תנאף׃
Leviticus 18:20
20 ואל אשׁת עמיתך לא תתן שׁכבתך לזרע לטמאה׃
Deuteronomy 5:18
18 ולא תנאף׃
Deuteronomy 22:22-24
2 Samuel 12:13
13 ויאמר דוד אל נתן חטאתי ליהוה ויאמר נתן אל דוד גם יהוה העביר חטאתך לא תמות׃
Ezekiel 23:45-47
Leviticus 18:7-8
Deuteronomy 27:20
20 ארור שׁכב עם אשׁת אביו כי גלה כנף אביו ואמר כל העם אמן׃
Deuteronomy 27:23
23 ארור שׁכב עם חתנתו ואמר כל העם אמן׃
Amos 2:7
7 השׁאפים על עפר ארץ בראשׁ דלים ודרך ענוים יטו ואישׁ ואביו ילכו אל הנערה למען חלל את שׁם קדשׁי׃
Genesis 38:16
16 ויט אליה אל הדרך ויאמר הבה נא אבוא אליך כי לא ידע כי כלתו הוא ותאמר מה תתן לי כי תבוא אלי׃
Genesis 38:18
18 ויאמר מה הערבון אשׁר אתן לך ותאמר חתמך ופתילך ומטך אשׁר בידך ויתן לה ויבא אליה ותהר׃
Leviticus 18:15
15 ערות כלתך לא תגלה אשׁת בנך הוא לא תגלה ערותה׃
Leviticus 18:23
23 ובכל בהמה לא תתן שׁכבתך לטמאה בה ואשׁה לא תעמד לפני בהמה לרבעה תבל הוא׃
Genesis 19:5
5 ויקראו אל לוט ויאמרו לו איה האנשׁים אשׁר באו אליך הלילה הוציאם אלינו ונדעה אתם׃
Leviticus 18:22
22 ואת זכר לא תשׁכב משׁכבי אשׁה תועבה הוא׃
Deuteronomy 23:17
17 (23:18) לא תהיה קדשׁה מבנות ישׂראל ולא יהיה קדשׁ מבני ישׂראל׃
Judges 19:22
22 המה מיטיבים את לבם והנה אנשׁי העיר אנשׁי בני בליעל נסבו את הבית מתדפקים על הדלת ויאמרו אל האישׁ בעל הבית הזקן לאמר הוצא את האישׁ אשׁר בא אל ביתך ונדענו׃
Leviticus 18:17
17 ערות אשׁה ובתה לא תגלה את בת בנה ואת בת בתה לא תקח לגלות ערותה שׁארה הנה זמה הוא׃
Leviticus 21:9
9 ובת אישׁ כהן כי תחל לזנות את אביה היא מחללת באשׁ תשׂרף׃
Joshua 7:15
15 והיה הנלכד בחרם ישׂרף באשׁ אתו ואת כל אשׁר לו כי עבר את ברית יהוה וכי עשׂה נבלה בישׂראל׃
Joshua 7:25
25 ויאמר יהושׁע מה עכרתנו יעכרך יהוה ביום הזה וירגמו אתו כל ישׂראל אבן וישׂרפו אתם באשׁ ויסקלו אתם באבנים׃
Exodus 22:19
19 (22:18) כל שׁכב עם בהמה מות יומת׃
Deuteronomy 27:21
21 ארור שׁכב עם כל בהמה ואמר כל העם אמן׃
Exodus 19:13
13 לא תגע בו יד כי סקול יסקל או ירה יירה אם בהמה אם אישׁ לא יחיה במשׁך היבל המה יעלו בהר׃
Exodus 21:28
28 וכי יגח שׁור את אישׁ או את אשׁה ומת סקול יסקל השׁור ולא יאכל את בשׂרו ובעל השׁור נקי׃
Exodus 21:32
32 אם עבד יגח השׁור או אמה כסף שׁלשׁים שׁקלים יתן לאדניו והשׁור יסקל׃
Genesis 20:12
12 וגם אמנה אחתי בת אבי הוא אך לא בת אמי ותהי לי לאשׁה׃
Leviticus 18:9
9 ערות אחותך בת אביך או בת אמך מולדת בית או מולדת חוץ לא תגלה ערותן׃
Deuteronomy 27:22
22 ארור שׁכב עם אחתו בת אביו או בת אמו ואמר כל העם אמן׃
2 Samuel 13:12
12 ותאמר לו אל אחי אל תענני כי לא יעשׂה כן בישׂראל אל תעשׂה את הנבלה הזאת׃
Ezekiel 22:11
11 ואישׁ את אשׁת רעהו עשׂה תועבה ואישׁ את כלתו טמא בזמה ואישׁ את אחתו בת אביו ענה׃
Leviticus 15:24
24 ואם שׁכב ישׁכב אישׁ אתה ותהי נדתה עליו וטמא שׁבעת ימים וכל המשׁכב אשׁר ישׁכב עליו יטמא׃
Leviticus 18:19
19 ואל אשׁה בנדת טמאתה לא תקרב לגלות ערותה׃
Ezekiel 18:6
6 אל ההרים לא אכל ועיניו לא נשׂא אל גלולי בית ישׂראל ואת אשׁת רעהו לא טמא ואל אשׁה נדה לא יקרב׃
Ezekiel 22:10
10 ערות אב גלה בך טמאת הנדה ענו׃
Exodus 6:20
20 ויקח עמרם את יוכבד דדתו לו לאשׁה ותלד לו את אהרן ואת משׁה ושׁני חיי עמרם שׁבע ושׁלשׁים ומאת שׁנה׃
Leviticus 18:6
6 אישׁ אישׁ אל כל שׁאר בשׂרו לא תקרבו לגלות ערוה אני יהוה׃
Leviticus 18:12-30
12 ערות אחות אביך לא תגלה שׁאר אביך הוא׃13 ערות אחות אמך לא תגלה כי שׁאר אמך הוא׃14 ערות אחי אביך לא תגלה אל אשׁתו לא תקרב דדתך הוא׃15 ערות כלתך לא תגלה אשׁת בנך הוא לא תגלה ערותה׃16 ערות אשׁת אחיך לא תגלה ערות אחיך הוא׃17 ערות אשׁה ובתה לא תגלה את בת בנה ואת בת בתה לא תקח לגלות ערותה שׁארה הנה זמה הוא׃18 ואשׁה אל אחתה לא תקח לצרר לגלות ערותה עליה בחייה׃19 ואל אשׁה בנדת טמאתה לא תקרב לגלות ערותה׃20 ואל אשׁת עמיתך לא תתן שׁכבתך לזרע לטמאה׃21 ומזרעך לא תתן להעביר למלך ולא תחלל את שׁם אלהיך אני יהוה׃22 ואת זכר לא תשׁכב משׁכבי אשׁה תועבה הוא׃23 ובכל בהמה לא תתן שׁכבתך לטמאה בה ואשׁה לא תעמד לפני בהמה לרבעה תבל הוא׃24 אל תטמאו בכל אלה כי בכל אלה נטמאו הגוים אשׁר אני משׁלח מפניכם׃25 ותטמא הארץ ואפקד עונה עליה ותקא הארץ את ישׁביה׃26 ושׁמרתם אתם את חקתי ואת משׁפטי ולא תעשׂו מכל התועבת האלה האזרח והגר הגר בתוככם׃27 כי את כל התועבת האל עשׂו אנשׁי הארץ אשׁר לפניכם ותטמא הארץ׃28 ולא תקיא הארץ אתכם בטמאכם אתה כאשׁר קאה את הגוי אשׁר לפניכם׃29 כי כל אשׁר יעשׂה מכל התועבת האלה ונכרתו הנפשׁות העשׂת מקרב עמם׃30 ושׁמרתם את משׁמרתי לבלתי עשׂות מחקות התועבת אשׁר נעשׂו לפניכם ולא תטמאו בהם אני יהוה אלהיכם׃
Leviticus 18:14
14 ערות אחי אביך לא תגלה אל אשׁתו לא תקרב דדתך הוא׃
Job 18:19
19 לא נין לו ולא נכד בעמו ואין שׂריד במגוריו׃
Psalms 109:13
13 יהי אחריתו להכרית בדור אחר ימח שׁמם׃
Jeremiah 22:30
30 כה אמר יהוה כתבו את האישׁ הזה ערירי גבר לא יצלח בימיו כי לא יצלח מזרעו אישׁ ישׁב על כסא דוד ומשׁל עוד ביהודה׃
Leviticus 18:16
16 ערות אשׁת אחיך לא תגלה ערות אחיך הוא׃
Exodus 21:1
1 ואלה המשׁפטים אשׁר תשׂים לפניהם׃
Leviticus 18:25-28
Leviticus 26:33
33 ואתכם אזרה בגוים והריקתי אחריכם חרב והיתה ארצכם שׁממה ועריכם יהיו חרבה׃
Deuteronomy 4:45
45 אלה העדת והחקים והמשׁפטים אשׁר דבר משׁה אל בני ישׂראל בצאתם ממצרים׃
Deuteronomy 5:1
1 ויקרא משׁה אל כל ישׂראל ויאמר אלהם שׁמע ישׂראל את החקים ואת המשׁפטים אשׁר אנכי דבר באזניכם היום ולמדתם אתם ושׁמרתם לעשׂתם׃
Deuteronomy 28:25-26
Psalms 19:8-11
Psalms 105:45
45 בעבור ישׁמרו חקיו ותורתיו ינצרו הללו יה׃
Psalms 119:20
20 גרסה נפשׁי לתאבה אל משׁפטיך בכל עת׃
Psalms 119:80
80 יהי לבי תמים בחקיך למען לא אבושׁ׃
Psalms 119:106
106 נשׁבעתי ואקימה לשׁמר משׁפטי צדקך׃
Psalms 119:145
145 קראתי בכל לב ענני יהוה חקיך אצרה׃
Psalms 119:160
160 ראשׁ דברך אמת ולעולם כל משׁפט צדקך׃
Psalms 119:164
164 שׁבע ביום הללתיך על משׁפטי צדקך׃
Psalms 119:171
171 תבענה שׂפתי תהלה כי תלמדני חקיך׃
Psalms 119:175
175 תחי נפשׁי ותהללך ומשׁפטך יעזרני׃
Isaiah 26:8-9
Ezekiel 36:27
27 ואת רוחי אתן בקרבכם ועשׂיתי את אשׁר בחקי תלכו ומשׁפטי תשׁמרו ועשׂיתם׃
Leviticus 18:3
3 כמעשׂה ארץ מצרים אשׁר ישׁבתם בה לא תעשׂו וכמעשׂה ארץ כנען אשׁר אני מביא אתכם שׁמה לא תעשׂו ובחקתיהם לא תלכו׃
Leviticus 18:24
24 אל תטמאו בכל אלה כי בכל אלה נטמאו הגוים אשׁר אני משׁלח מפניכם׃
Leviticus 18:27
27 כי את כל התועבת האל עשׂו אנשׁי הארץ אשׁר לפניכם ותטמא הארץ׃
Leviticus 18:30
30 ושׁמרתם את משׁמרתי לבלתי עשׂות מחקות התועבת אשׁר נעשׂו לפניכם ולא תטמאו בהם אני יהוה אלהיכם׃
Deuteronomy 9:5
5 לא בצדקתך ובישׁר לבבך אתה בא לרשׁת את ארצם כי ברשׁעת הגוים האלה יהוה אלהיך מורישׁם מפניך ולמען הקים את הדבר אשׁר נשׁבע יהוה לאבתיך לאברהם ליצחק וליעקב׃
Deuteronomy 12:30-31
Psalms 78:59
59 שׁמע אלהים ויתעבר וימאס מאד בישׂראל׃
Jeremiah 10:1-2
Zechariah 11:8
8 ואכחד את שׁלשׁת הרעים בירח אחד ותקצר נפשׁי בהם וגם נפשׁם בחלה׃
Exodus 3:8
8 וארד להצילו מיד מצרים ולהעלתו מן הארץ ההוא אל ארץ טובה ורחבה אל ארץ זבת חלב ודבשׁ אל מקום הכנעני והחתי והאמרי והפרזי והחוי והיבוסי׃
Exodus 3:17
17 ואמר אעלה אתכם מעני מצרים אל ארץ הכנעני והחתי והאמרי והפרזי והחוי והיבוסי אל ארץ זבת חלב ודבשׁ׃
Exodus 6:8
8 והבאתי אתכם אל הארץ אשׁר נשׂאתי את ידי לתת אתה לאברהם ליצחק וליעקב ונתתי אתה לכם מורשׁה אני יהוה׃
Exodus 13:5
5 והיה כי יביאך יהוה אל ארץ הכנעני והחתי והאמרי והחוי והיבוסי אשׁר נשׁבע לאבתיך לתת לך ארץ זבת חלב ודבשׁ ועבדת את העבדה הזאת בחדשׁ הזה׃
Exodus 19:5-6
Exodus 33:3
3 אל ארץ זבת חלב ודבשׁ כי לא אעלה בקרבך כי עם קשׁה ערף אתה פן אכלך בדרך׃
Exodus 33:16
16 ובמה יודע אפוא כי מצאתי חן בעיניך אני ועמך הלוא בלכתך עמנו ונפלינו אני ועמך מכל העם אשׁר על פני האדמה׃
Leviticus 20:26
26 והייתם לי קדשׁים כי קדושׁ אני יהוה ואבדל אתכם מן העמים להיות׃
Numbers 23:9
9 כי מראשׁ צרים אראנו ומגבעות אשׁורנו הן עם לבדד ישׁכן ובגוים לא יתחשׁב׃
Deuteronomy 7:6
6 כי עם קדושׁ אתה ליהוה אלהיך בך בחר יהוה אלהיך להיות לו לעם סגלה מכל העמים אשׁר על פני האדמה׃
Deuteronomy 14:2
2 כי עם קדושׁ אתה ליהוה אלהיך ובך בחר יהוה להיות לו לעם סגלה מכל העמים אשׁר על פני האדמה׃
1 Kings 8:53
53 כי אתה הבדלתם לך לנחלה מכל עמי הארץ כאשׁר דברת ביד משׁה עבדך בהוציאך את אבתינו ממצרים אדני יהוה׃
Leviticus 11:1-47
1 וידבר יהוה אל משׁה ואל אהרן לאמר אלהם׃2 דברו אל בני ישׂראל לאמר זאת החיה אשׁר תאכלו מכל הבהמה אשׁר על הארץ׃3 כל מפרסת פרסה ושׁסעת שׁסע פרסת מעלת גרה בבהמה אתה תאכלו׃4 אך את זה לא תאכלו ממעלי הגרה וממפרסי הפרסה את הגמל כי מעלה גרה הוא ופרסה איננו מפריס טמא הוא׃5 ואת השׁפן כי מעלה גרה הוא ופרסה לא יפריס טמא הוא׃6 ואת הארנבת כי מעלת גרה הוא ופרסה לא הפריסה טמאה הוא׃7 ואת החזיר כי מפריס פרסה הוא ושׁסע שׁסע פרסה והוא גרה לא יגר טמא הוא׃8 מבשׂרם לא תאכלו ובנבלתם לא תגעו טמאים הם׃9 את זה תאכלו מכל אשׁר במים כל אשׁר לו סנפיר וקשׂקשׂת במים בימים ובנחלים אתם תאכלו׃10 וכל אשׁר אין לו סנפיר וקשׂקשׂת בימים ובנחלים מכל שׁרץ המים ומכל נפשׁ החיה אשׁר במים שׁקץ הם׃11 ושׁקץ יהיו לכם מבשׂרם לא תאכלו ואת נבלתם תשׁקצו׃12 כל אשׁר אין לו סנפיר וקשׂקשׂת במים שׁקץ הוא׃13 ואת אלה תשׁקצו מן העוף לא יאכלו שׁקץ הם את הנשׁר ואת הפרס ואת העזניה׃14 ואת הדאה ואת האיה למינה׃15 את כל ערב למינו׃16 ואת בת היענה ואת התחמס ואת השׁחף ואת הנץ למינהו׃17 ואת הכוס ואת השׁלך ואת הינשׁוף׃18 ואת התנשׁמת ואת הקאת ואת הרחם׃19 ואת החסידה האנפה למינה ואת הדוכיפת ואת העטלף׃20 כל שׁרץ העוף ההלך על ארבע שׁקץ הוא׃21 אך את זה תאכלו מכל שׁרץ העוף ההלך על ארבע אשׁר לא כרעים ממעל לרגליו לנתר בהן על הארץ׃22 את אלה מהם תאכלו את הארבה למינו ואת הסלעם למינהו ואת החרגל למינהו ואת החגב למינהו׃23 וכל שׁרץ העוף אשׁר לו ארבע רגלים שׁקץ הוא׃24 ולאלה תטמאו כל הנגע בנבלתם יטמא עד הערב׃25 וכל הנשׂא מנבלתם יכבס בגדיו וטמא עד הערב׃26 לכל הבהמה אשׁר הוא מפרסת פרסה ושׁסע איננה שׁסעת וגרה איננה מעלה טמאים הם לכם כל הנגע בהם יטמא׃27 וכל הולך על כפיו בכל החיה ההלכת על ארבע טמאים הם לכם כל הנגע בנבלתם יטמא עד הערב׃28 והנשׂא את נבלתם יכבס בגדיו וטמא עד הערב טמאים המה׃29 וזה לכם הטמא בשׁרץ השׁרץ על הארץ החלד והעכבר והצב למינהו׃30 והאנקה והכח והלטאה והחמט והתנשׁמת׃31 אלה הטמאים לכם בכל השׁרץ כל הנגע בהם במתם יטמא עד הערב׃32 וכל אשׁר יפל עליו מהם במתם יטמא מכל כלי עץ או בגד או עור או שׂק כל כלי אשׁר יעשׂה מלאכה בהם במים יובא וטמא עד הערב וטהר׃33 וכל כלי חרשׂ אשׁר יפל מהם אל תוכו כל אשׁר בתוכו יטמא ואתו תשׁברו׃34 מכל האכל אשׁר יאכל אשׁר יבוא עליו מים יטמא וכל משׁקה אשׁר ישׁתה בכל כלי יטמא׃35 וכל אשׁר יפל מנבלתם עליו יטמא תנור וכירים יתץ טמאים הם וטמאים יהיו׃36 אך מעין ובור מקוה מים יהיה טהור ונגע בנבלתם יטמא׃37 וכי יפל מנבלתם על כל זרע זרוע אשׁר יזרע טהור הוא׃38 וכי יתן מים על זרע ונפל מנבלתם עליו טמא הוא׃39 וכי ימות מן הבהמה אשׁר היא לכם לאכלה הנגע בנבלתה יטמא עד הערב׃40 והאכל מנבלתה יכבס בגדיו וטמא עד הערב והנשׂא את נבלתה יכבס בגדיו וטמא עד הערב׃41 וכל השׁרץ השׁרץ על הארץ שׁקץ הוא לא יאכל׃42 כל הולך על גחון וכל הולך על ארבע עד כל מרבה רגלים לכל השׁרץ השׁרץ על הארץ לא תאכלום כי שׁקץ הם׃43 אל תשׁקצו את נפשׁתיכם בכל השׁרץ השׁרץ ולא תטמאו בהם ונטמתם׃44 כי אני יהוה אלהיכם והתקדשׁתם והייתם קדשׁים כי קדושׁ אני ולא תטמאו את נפשׁתיכם בכל השׁרץ הרמשׂ על הארץ׃45 כי אני יהוה המעלה אתכם מארץ מצרים להית לכם לאלהים והייתם קדשׁים כי קדושׁ אני׃46 זאת תורת הבהמה והעוף וכל נפשׁ החיה הרמשׂת במים ולכל נפשׁ השׁרצת על הארץ׃47 להבדיל בין הטמא ובין הטהר ובין החיה הנאכלת ובין החיה אשׁר לא תאכל׃
Deuteronomy 14:3-21
3 לא תאכל כל תועבה׃4 זאת הבהמה אשׁר תאכלו שׁור שׂה כשׂבים ושׂה עזים׃5 איל וצבי ויחמור ואקו ודישׁן ותאו וזמר׃6 וכל בהמה מפרסת פרסה ושׁסעת שׁסע שׁתי פרסות מעלת גרה בבהמה אתה תאכלו׃7 אך את זה לא תאכלו ממעלי הגרה וממפריסי הפרסה השׁסועה את הגמל ואת הארנבת ואת השׁפן כי מעלה גרה המה ופרסה לא הפריסו טמאים הם׃8 ואת החזיר כי מפריס פרסה הוא ולא גרה טמא הוא לכם מבשׂרם לא תאכלו ובנבלתם לא תגעו׃9 את זה תאכלו מכל אשׁר במים כל אשׁר לו סנפיר וקשׂקשׂת תאכלו׃10 וכל אשׁר אין לו סנפיר וקשׂקשׂת לא תאכלו טמא הוא׃11 כל צפור טהרה תאכלו׃12 וזה אשׁר לא תאכלו מהם הנשׁר והפרס והעזניה׃13 והראה ואת האיה והדיה למינה׃14 ואת כל ערב למינו׃15 ואת בת היענה ואת התחמס ואת השׁחף ואת הנץ למינהו׃16 את הכוס ואת הינשׁוף והתנשׁמת׃17 והקאת ואת הרחמה ואת השׁלך׃18 והחסידה והאנפה למינה והדוכיפת והעטלף׃19 וכל שׁרץ העוף טמא הוא לכם לא יאכלו׃20 כל עוף טהור תאכלו׃21 לא תאכלו כל נבלה לגר אשׁר בשׁעריך תתננה ואכלה או מכר לנכרי כי עם קדושׁ אתה ליהוה אלהיך לא תבשׁל גדי בחלב אמו׃
Leviticus 20:7
7 והתקדשׁתם והייתם קדשׁים כי אני יהוה אלהיכם׃
Leviticus 20:24
24 ואמר לכם אתם תירשׁו את אדמתם ואני אתננה לכם לרשׁת אתה ארץ זבת חלב ודבשׁ אני יהוה אלהיכם אשׁר הבדלתי אתכם מן העמים׃
Deuteronomy 26:18-19
Psalms 99:5
5 רוממו יהוה אלהינו והשׁתחוו להדם רגליו קדושׁ הוא׃
Psalms 99:9
9 רוממו יהוה אלהינו והשׁתחוו להר קדשׁו כי קדושׁ יהוה אלהינו׃
Isaiah 6:3
3 וקרא זה אל זה ואמר קדושׁ קדושׁ קדושׁ יהוה צבאות מלא כל הארץ כבודו׃
Isaiah 30:11
11 סורו מני דרך הטו מני ארח השׁביתו מפנינו את קדושׁ ישׂראל׃
Exodus 22:18
18 (22:17) מכשׁפה לא תחיה׃
Leviticus 20:6
6 והנפשׁ אשׁר תפנה אל האבת ואל הידענים לזנת אחריהם ונתתי את פני בנפשׁ ההוא והכרתי אתו מקרב עמו׃
Deuteronomy 18:10-12
1 Samuel 28:7-9
7 ויאמר שׁאול לעבדיו בקשׁו לי אשׁת בעלת אוב ואלכה אליה ואדרשׁה בה ויאמרו עבדיו אליו הנה אשׁת בעלת אוב בעין דור׃8 ויתחפשׂ שׁאול וילבשׁ בגדים אחרים וילך הוא ושׁני אנשׁים עמו ויבאו אל האשׁה לילה ויאמר קסומי נא לי באוב והעלי לי את אשׁר אמר אליך׃9 ותאמר האשׁה אליו הנה אתה ידעת את אשׁר עשׂה שׁאול אשׁר הכרית את האבות ואת הידעני מן הארץ ולמה אתה מתנקשׁ בנפשׁי להמיתני׃