Nehemiah 13:25 Cross References - HOT

25 ואריב עמם ואקללם ואכה מהם אנשׁים ואמרטם ואשׁביעם באלהים אם תתנו בנתיכם לבניהם ואם תשׂאו מבנתיהם לבניכם׃

Exodus 34:16

16 ולקחת מבנתיו לבניך וזנו בנתיו אחרי אלהיהן והזנו את בניך אחרי אלהיהן׃

Deuteronomy 6:13

13 את יהוה אלהיך תירא ואתו תעבד ובשׁמו תשׁבע׃

Deuteronomy 7:3

3 ולא תתחתן בם בתך לא תתן לבנו ובתו לא תקח לבנך׃

Deuteronomy 25:2-3

2 והיה אם בן הכות הרשׁע והפילו השׁפט והכהו לפניו כדי רשׁעתו במספר׃3 ארבעים יכנו לא יסיף פן יסיף להכתו על אלה מכה רבה ונקלה אחיך לעיניך׃

Deuteronomy 27:14-26

14 וענו הלוים ואמרו אל כל אישׁ ישׂראל קול רם׃15 ארור האישׁ אשׁר יעשׂה פסל ומסכה תועבת יהוה מעשׂה ידי חרשׁ ושׂם בסתר וענו כל העם ואמרו אמן׃16 ארור מקלה אביו ואמו ואמר כל העם אמן׃17 ארור מסיג גבול רעהו ואמר כל העם אמן׃18 ארור משׁגה עור בדרך ואמר כל העם אמן׃19 ארור מטה משׁפט גר יתום ואלמנה ואמר כל העם אמן׃20 ארור שׁכב עם אשׁת אביו כי גלה כנף אביו ואמר כל העם אמן׃21 ארור שׁכב עם כל בהמה ואמר כל העם אמן׃22 ארור שׁכב עם אחתו בת אביו או בת אמו ואמר כל העם אמן׃23 ארור שׁכב עם חתנתו ואמר כל העם אמן׃24 ארור מכה רעהו בסתר ואמר כל העם אמן׃25 ארור לקח שׁחד להכות נפשׁ דם נקי ואמר כל העם אמן׃26 ארור אשׁר לא יקים את דברי התורה הזאת לעשׂות אותם ואמר כל העם אמן׃

2 Chronicles 15:12-15

12 ויבאו בברית לדרושׁ את יהוה אלהי אבותיהם בכל לבבם ובכל נפשׁם׃13 וכל אשׁר לא ידרשׁ ליהוה אלהי ישׂראל יומת למן קטן ועד גדול למאישׁ ועד אשׁה׃14 וישׁבעו ליהוה בקול גדול ובתרועה ובחצצרות ובשׁופרות׃15 וישׂמחו כל יהודה על השׁבועה כי בכל לבבם נשׁבעו ובכל רצונם בקשׁהו וימצא להם וינח יהוה להם מסביב׃

Ezra 7:26

26 וכל די לא להוא עבד דתא די אלהך ודתא די מלכא אספרנא דינה להוא מתעבד מנה הן למות הן לשׁרשׁו הן לענשׁ נכסין ולאסורין׃

Ezra 10:5

5 ויקם עזרא וישׁבע את שׂרי הכהנים הלוים וכל ישׂראל לעשׂות כדבר הזה וישׁבעו׃

Nehemiah 5:13

13 גם חצני נערתי ואמרה ככה ינער האלהים את כל האישׁ אשׁר לא יקים את הדבר הזה מביתו ומיגיעו וככה יהיה נעור ורק ויאמרו כל הקהל אמן ויהללו את יהוה ויעשׂ העם כדבר הזה׃

Nehemiah 10:29-30

29 (10:30) מחזיקים על אחיהם אדיריהם ובאים באלה ובשׁבועה ללכת בתורת האלהים אשׁר נתנה ביד משׁה עבד האלהים ולשׁמור ולעשׂות את כל מצות יהוה אדנינו ומשׁפטיו וחקיו׃30 (10:31) ואשׁר לא נתן בנתינו לעמי הארץ ואת בנתיהם לא נקח לבנינו׃

Nehemiah 13:11

11 ואריבה את הסגנים ואמרה מדוע נעזב בית האלהים ואקבצם ואעמדם על עמדם׃

Nehemiah 13:17

17 ואריבה את חרי יהודה ואמרה להם מה הדבר הרע הזה אשׁר אתם עשׂים ומחללים את יום השׁבת׃

Psalms 15:4

4 נבזה בעיניו נמאס ואת יראי יהוה יכבד נשׁבע להרע ולא ימר׃

Proverbs 28:4

4 עזבי תורה יהללו רשׁע ושׁמרי תורה יתגרו׃

Isaiah 50:6

6 גוי נתתי למכים ולחיי למרטים פני לא הסתרתי מכלמות ורק׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.