Psalms 12:5 Cross References - HOT

⁵ (12:6) משׁד עניים מאנקת אביונים עתה אקום יאמר יהוה אשׁית בישׁע יפיח׃

Exodus 2:23-24

²³ ויהי בימים הרבים ההם וימת מלך מצרים ויאנחו בני ישׂראל מן העבדה ויזעקו ותעל שׁועתם אל האלהים מן העבדה׃²⁴ וישׁמע אלהים את נאקתם ויזכר אלהים את בריתו את אברהם את יצחק ואת יעקב׃

Exodus 3:7-9

⁷ ויאמר יהוה ראה ראיתי את עני עמי אשׁר במצרים ואת צעקתם שׁמעתי מפני נגשׂיו כי ידעתי את מכאביו׃⁸ וארד להצילו מיד מצרים ולהעלתו מן הארץ ההוא אל ארץ טובה ורחבה אל ארץ זבת חלב ודבשׁ אל מקום הכנעני והחתי והאמרי והפרזי והחוי והיבוסי׃⁹ ועתה הנה צעקת בני ישׂראל באה אלי וגם ראיתי את הלחץ אשׁר מצרים לחצים אתם׃

Judges 10:16

¹⁶ ויסירו את אלהי הנכר מקרבם ויעבדו את יהוה ותקצר נפשׁו בעמל ישׂראל׃

Job 5:15

¹⁵ וישׁע מחרב מפיהם ומיד חזק אביון׃

Job 5:21

²¹ בשׁוט לשׁון תחבא ולא תירא משׁד כי יבוא׃

Psalms 10:5

⁵ יחילו דרכו בכל עת מרום משׁפטיך מנגדו כל צורריו יפיח׃

Psalms 10:12

¹² קומה יהוה אל נשׂא ידך אל תשׁכח עניים׃

Psalms 10:18

¹⁸ לשׁפט יתום ודך בל יוסיף עוד לערץ אנושׁ מן הארץ׃

Psalms 34:6

⁶ (34:7) זה עני קרא ויהוה שׁמע ומכל צרותיו הושׁיעו׃

Psalms 74:21-22

²¹ אל ישׁב דך נכלם עני ואביון יהללו שׁמך׃²² קומה אלהים ריבה ריבך זכר חרפתך מני נבל כל היום׃

Psalms 79:10-11

¹⁰ למה יאמרו הגוים איה אלהיהם יודע בגיים לעינינו נקמת דם עבדיך השׁפוך׃¹¹ תבוא לפניך אנקת אסיר כגדל זרועך הותר בני תמותה׃

Psalms 146:7-8

⁷ עשׂה משׁפט לעשׁוקים נתן לחם לרעבים יהוה מתיר אסורים׃⁸ יהוה פקח עורים יהוה זקף כפופים יהוה אהב צדיקים׃

Proverbs 14:31

³¹ עשׁק דל חרף עשׂהו ומכבדו חנן אביון׃

Proverbs 22:22-23

²² אל תגזל דל כי דל הוא ואל תדכא עני בשׁער׃²³ כי יהוה יריב ריבם וקבע את קבעיהם נפשׁ׃

Ecclesiastes 4:1

¹ ושׁבתי אני ואראה את כל העשׁקים אשׁר נעשׂים תחת השׁמשׁ והנה דמעת העשׁקים ואין להם מנחם ומיד עשׁקיהם כח ואין להם מנחם׃

Ecclesiastes 5:8

⁸ (5:7) אם עשׁק רשׁ וגזל משׁפט וצדק תראה במדינה אל תתמה על החפץ כי גבה מעל גבה שׁמר וגבהים עליהם׃

Isaiah 19:20

²⁰ והיה לאות ולעד ליהוה צבאות בארץ מצרים כי יצעקו אל יהוה מפני לחצים וישׁלח להם מושׁיע ורב והצילם׃

Isaiah 33:10

¹⁰ עתה אקום יאמר יהוה עתה ארומם עתה אנשׂא׃

Ezekiel 18:12-13

¹² עני ואביון הונה גזלות גזל חבל לא ישׁיב ואל הגלולים נשׂא עיניו תועבה עשׂה׃¹³ בנשׁך נתן ותרבית לקח וחי לא יחיה את כל התועבות האלה עשׂה מות יומת דמיו בו יהיה׃

Ezekiel 18:18

¹⁸ אביו כי עשׁק עשׁק גזל גזל אח ואשׁר לא טוב עשׂה בתוך עמיו והנה מת בעונו׃

Micah 7:8-9

⁸ אל תשׂמחי איבתי לי כי נפלתי קמתי כי אשׁב בחשׁך יהוה אור׃⁹ זעף יהוה אשׂא כי חטאתי לו עד אשׁר יריב ריבי ועשׂה משׁפטי יוציאני לאור אראה בצדקתו׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.