Psalms 72:16 Cross References - HOT

16 יהי פסת בר בארץ בראשׁ הרים ירעשׁ כלבנון פריו ויציצו מעיר כעשׂב הארץ׃

1 Kings 4:20

20 יהודה וישׂראל רבים כחול אשׁר על הים לרב אכלים ושׁתים ושׂמחים׃

Job 5:25

25 וידעת כי רב זרעך וצאצאיך כעשׂב הארץ׃

Job 8:7

7 והיה ראשׁיתך מצער ואחריתך ישׂגה מאד׃

Psalms 72:6

6 ירד כמטר על גז כרביבים זרזיף ארץ׃

Psalms 92:12-14

12 (92:13) צדיק כתמר יפרח כארז בלבנון ישׂגה׃13 (92:14) שׁתולים בבית יהוה בחצרות אלהינו יפריחו׃14 (92:15) עוד ינובון בשׂיבה דשׁנים ורעננים יהיו׃

Psalms 104:16

16 ישׂבעו עצי יהוה ארזי לבנון אשׁר נטע׃

Isaiah 2:2-3

2 והיה באחרית הימים נכון יהיה הר בית יהוה בראשׁ ההרים ונשׂא מגבעות ונהרו אליו כל הגוים׃3 והלכו עמים רבים ואמרו לכו ונעלה אל הר יהוה אל בית אלהי יעקב וירנו מדרכיו ונלכה בארחתיו כי מציון תצא תורה ודבר יהוה מירושׁלם׃

Isaiah 29:17

17 הלוא עוד מעט מזער ושׁב לבנון לכרמל והכרמל ליער יחשׁב׃

Isaiah 30:23

23 ונתן מטר זרעך אשׁר תזרע את האדמה ולחם תבואת האדמה והיה דשׁן ושׁמן ירעה מקניך ביום ההוא כר נרחב׃

Isaiah 32:15

15 עד יערה עלינו רוח ממרום והיה מדבר לכרמל וכרמל ליער יחשׁב׃

Isaiah 32:20

20 אשׁריכם זרעי על כל מים משׁלחי רגל השׁור והחמור׃

Isaiah 35:2

2 פרח תפרח ותגל אף גילת ורנן כבוד הלבנון נתן לה הדר הכרמל והשׁרון המה יראו כבוד יהוה הדר אלהינו׃

Isaiah 44:3-5

3 כי אצק מים על צמא ונזלים על יבשׁה אצק רוחי על זרעך וברכתי על צאצאיך׃4 וצמחו בבין חציר כערבים על יבלי מים׃5 זה יאמר ליהוה אני וזה יקרא בשׁם יעקב וזה יכתב ידו ליהוה ובשׁם ישׂראל יכנה׃

Jeremiah 33:22

22 אשׁר לא יספר צבא השׁמים ולא ימד חול הים כן ארבה את זרע דוד עבדי ואת הלוים משׁרתי אתי׃

Hosea 14:5-7

5 (14:6) אהיה כטל לישׂראל יפרח כשׁושׁנה ויך שׁרשׁיו כלבנון׃6 (14:7) ילכו ינקותיו ויהי כזית הודו וריח לו כלבנון׃7 (14:8) ישׁבו ישׁבי בצלו יחיו דגן ויפרחו כגפן זכרו כיין לבנון׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.