1 שׁיר מזמור לבני קרח למנצח על מחלת לענות משׂכיל להימן האזרחי׃ (88:2) יהוה אלהי ישׁועתי יום צעקתי בלילה נגדך׃2 (88:3) תבוא לפניך תפלתי הטה אזנך לרנתי׃3 (88:4) כי שׂבעה ברעות נפשׁי וחיי לשׁאול הגיעו׃4 (88:5) נחשׁבתי עם יורדי בור הייתי כגבר אין איל׃5 (88:6) במתים חפשׁי כמו חללים שׁכבי קבר אשׁר לא זכרתם עוד והמה מידך נגזרו׃6 (88:7) שׁתני בבור תחתיות במחשׁכים במצלות׃7 (88:8) עלי סמכה חמתך וכל משׁבריך ענית סלה׃8 (88:9) הרחקת מידעי ממני שׁתני תועבות למו כלא ולא אצא׃9 (88:10) עיני דאבה מני עני קראתיך יהוה בכל יום שׁטחתי אליך כפי׃10 (88:11) הלמתים תעשׂה פלא אם רפאים יקומו יודוך סלה׃11 (88:12) היספר בקבר חסדך אמונתך באבדון׃12 (88:13) היודע בחשׁך פלאך וצדקתך בארץ נשׁיה׃13 (88:14) ואני אליך יהוה שׁועתי ובבקר תפלתי תקדמך׃14 (88:15) למה יהוה תזנח נפשׁי תסתיר פניך ממני׃15 (88:16) עני אני וגוע מנער נשׂאתי אמיך אפונה׃16 (88:17) עלי עברו חרוניך בעותיך צמתותני׃17 (88:18) סבוני כמים כל היום הקיפו עלי יחד׃18 (88:19) הרחקת ממני אהב ורע מידעי מחשׁך׃
Psalms 88 Cross References - HOT
Genesis 49:18
18 לישׁועתך קויתי יהוה׃
1 Kings 4:31
31 (5:11) ויחכם מכל האדם מאיתן האזרחי והימן וכלכל ודרדע בני מחול ויהי שׁמו בכל הגוים סביב׃
1 Chronicles 2:6
6 ובני זרח זמרי ואיתן והימן וכלכל ודרע כלם חמשׁה׃
Nehemiah 1:6
6 תהי נא אזנך קשׁבת ועיניך פתוחות לשׁמע אל תפלת עבדך אשׁר אנכי מתפלל לפניך היום יומם ולילה על בני ישׂראל עבדיך ומתודה על חטאות בני ישׂראל אשׁר חטאנו לך ואני ובית אבי חטאנו׃
Psalms 22:2
2 (22:3) אלהי אקרא יומם ולא תענה ולילה ולא דומיה׃
Psalms 24:5
5 ישׂא ברכה מאת יהוה וצדקה מאלהי ישׁעו׃
Psalms 27:1
1 לדוד יהוה אורי וישׁעי ממי אירא יהוה מעוז חיי ממי אפחד׃
Psalms 27:9
9 אל תסתר פניך ממני אל תט באף עבדך עזרתי היית אל תטשׁני ואל תעזבני אלהי ישׁעי׃
Psalms 51:14
14 (51:16) הצילני מדמים אלהים אלהי תשׁועתי תרנן לשׁוני צדקתך׃
Psalms 53:1
1 למנצח על מחלת משׂכיל לדוד׃ (53:2) אמר נבל בלבו אין אלהים השׁחיתו והתעיבו עול אין עשׂה טוב׃
Psalms 62:7
7 (62:8) על אלהים ישׁעי וכבודי צור עזי מחסי באלהים׃
Psalms 65:5
5 (65:6) נוראות בצדק תעננו אלהי ישׁענו מבטח כל קצוי ארץ וים רחקים׃
Psalms 68:19
19 (68:20) ברוך אדני יום יום יעמס לנו האל ישׁועתנו סלה׃
Psalms 79:9
9 עזרנו אלהי ישׁענו על דבר כבוד שׁמך והצילנו וכפר על חטאתינו למען שׁמך׃
Psalms 86:3
3 חנני אדני כי אליך אקרא כל היום׃
Psalms 140:7
7 (140:8) יהוה אדני עז ישׁועתי סכתה לראשׁי ביום נשׁק׃
Isaiah 12:2
2 הנה אל ישׁועתי אבטח ולא אפחד כי עזי וזמרת יה יהוה ויהי לי לישׁועה׃
Isaiah 62:6
6 על חומתיך ירושׁלם הפקדתי שׁמרים כל היום וכל הלילה תמיד לא יחשׁו המזכרים את יהוה אל דמי׃
1 Kings 8:31
31 את אשׁר יחטא אישׁ לרעהו ונשׁא בו אלה להאלתו ובא אלה לפני מזבחך בבית הזה׃
Psalms 31:2
2 (31:3) הטה אלי אזנך מהרה הצילני היה לי לצור מעוז לבית מצודות להושׁיעני׃
Psalms 79:11
11 תבוא לפניך אנקת אסיר כגדל זרועך הותר בני תמותה׃
Psalms 141:1-2
Lamentations 3:8
8 גם כי אזעק ואשׁוע שׂתם תפלתי׃
Job 6:2-4
Job 33:22
22 ותקרב לשׁחת נפשׁו וחיתו לממתים׃
Psalms 22:11-21
11 (22:12) אל תרחק ממני כי צרה קרובה כי אין עוזר׃12 (22:13) סבבוני פרים רבים אבירי בשׁן כתרוני׃13 (22:14) פצו עלי פיהם אריה טרף ושׁאג׃14 (22:15) כמים נשׁפכתי והתפרדו כל עצמותי היה לבי כדונג נמס בתוך מעי׃15 (22:16) יבשׁ כחרשׂ כחי ולשׁוני מדבק מלקוחי ולעפר מות תשׁפתני׃16 (22:17) כי סבבוני כלבים עדת מרעים הקיפוני כארי ידי ורגלי׃17 (22:18) אספר כל עצמותי המה יביטו יראו׃18 (22:19) יחלקו בגדי להם ועל לבושׁי יפילו גורל׃19 (22:20) ואתה יהוה אל תרחק אילותי לעזרתי חושׁה׃20 (22:21) הצילה מחרב נפשׁי מיד כלב יחידתי׃21 (22:22) הושׁיעני מפי אריה ומקרני רמים עניתני׃
Psalms 69:17-21
Psalms 77:2
2 (77:3) ביום צרתי אדני דרשׁתי ידי לילה נגרה ולא תפוג מאנה הנחם נפשׁי׃
Psalms 88:14-15
Psalms 107:18
18 כל אכל תתעב נפשׁם ויגיעו עד שׁערי מות׃
Psalms 107:26
26 יעלו שׁמים ירדו תהומות נפשׁם ברעה תתמוגג׃
Psalms 143:3-4
Isaiah 53:3
3 נבזה וחדל אישׁים אישׁ מכאבות וידוע חלי וכמסתר פנים ממנו נבזה ולא חשׁבנהו׃
Isaiah 53:10-11
Lamentations 3:15-19
Job 17:1
1 רוחי חבלה ימי נזעכו קברים׃
Psalms 28:1
1 לדוד אליך יהוה אקרא צורי אל תחרשׁ ממני פן תחשׁה ממני ונמשׁלתי עם יורדי בור׃
Psalms 30:9
9 (30:10) מה בצע בדמי ברדתי אל שׁחת היודך עפר היגיד אמתך׃
Psalms 31:12
12 (31:13) נשׁכחתי כמת מלב הייתי ככלי אבד׃
Psalms 109:22-24
Psalms 143:7
7 מהר ענני יהוה כלתה רוחי אל תסתר פניך ממני ונמשׁלתי עם ירדי בור׃
Isaiah 38:17-18
Ezekiel 26:20
20 והורדתיך את יורדי בור אל עם עולם והושׁבתיך בארץ תחתיות כחרבות מעולם את יורדי בור למען לא תשׁבי ונתתי צבי בארץ חיים׃
Jonah 2:6
6 (2:7) לקצבי הרים ירדתי הארץ ברחיה בעדי לעולם ותעל משׁחת חיי יהוה אלהי׃
Genesis 8:1
1 ויזכר אלהים את נח ואת כל החיה ואת כל הבהמה אשׁר אתו בתבה ויעבר אלהים רוח על הארץ וישׁכו המים׃
Genesis 19:29
29 ויהי בשׁחת אלהים את ערי הככר ויזכר אלהים את אברהם וישׁלח את לוט מתוך ההפכה בהפך את הערים אשׁר ישׁב בהן לוט׃
Job 6:9
9 ויאל אלוה וידכאני יתר ידו ויבצעני׃
Job 11:10
10 אם יחלף ויסגיר ויקהיל ומי ישׁיבנו׃
Psalms 31:22
22 (31:23) ואני אמרתי בחפזי נגרזתי מנגד עיניך אכן שׁמעת קול תחנוני בשׁועי אליך׃
Psalms 88:16
16 (88:17) עלי עברו חרוניך בעותיך צמתותני׃
Psalms 136:23
23 שׁבשׁפלנו זכר לנו כי לעולם חסדו׃
Isaiah 14:9-12
Isaiah 38:10-12
Isaiah 53:8
8 מעצר וממשׁפט לקח ואת דורו מי ישׂוחח כי נגזר מארץ חיים מפשׁע עמי נגע׃
Ezekiel 32:18-32
18 בן אדם נהה על המון מצרים והורדהו אותה ובנות גוים אדרם אל ארץ תחתיות את יורדי בור׃19 ממי נעמת רדה והשׁכבה את ערלים׃20 בתוך חללי חרב יפלו חרב נתנה משׁכו אותה וכל המוניה׃21 ידברו לו אלי גבורים מתוך שׁאול את עזריו ירדו שׁכבו הערלים חללי חרב׃22 שׁם אשׁור וכל קהלה סביבותיו קברתיו כלם חללים הנפלים בחרב׃23 אשׁר נתנו קברתיה בירכתי בור ויהי קהלה סביבות קברתה כלם חללים נפלים בחרב אשׁר נתנו חתית בארץ חיים׃24 שׁם עילם וכל המונה סביבות קברתה כלם חללים הנפלים בחרב אשׁר ירדו ערלים אל ארץ תחתיות אשׁר נתנו חתיתם בארץ חיים וישׂאו כלמתם את יורדי בור׃25 בתוך חללים נתנו משׁכב לה בכל המונה סביבותיו קברתה כלם ערלים חללי חרב כי נתן חתיתם בארץ חיים וישׂאו כלמתם את יורדי בור בתוך חללים נתן׃26 שׁם משׁך תבל וכל המונה סביבותיו קברותיה כלם ערלים מחללי חרב כי נתנו חתיתם בארץ חיים׃27 ולא ישׁכבו את גבורים נפלים מערלים אשׁר ירדו שׁאול בכלי מלחמתם ויתנו את חרבותם תחת ראשׁיהם ותהי עונתם על עצמותם כי חתית גבורים בארץ חיים׃28 ואתה בתוך ערלים תשׁבר ותשׁכב את חללי חרב׃29 שׁמה אדום מלכיה וכל נשׂיאיה אשׁר נתנו בגבורתם את חללי חרב המה את ערלים ישׁכבו ואת ירדי בור׃30 שׁמה נסיכי צפון כלם וכל צדני אשׁר ירדו את חללים בחתיתם מגבורתם בושׁים וישׁכבו ערלים את חללי חרב וישׂאו כלמתם את יורדי בור׃31 אותם יראה פרעה ונחם על כל המונה חללי חרב פרעה וכל חילו נאם אדני יהוה׃32 כי נתתי את חתיתו בארץ חיים והשׁכב בתוך ערלים את חללי חרב פרעה וכל המונה נאם אדני יהוה׃
Deuteronomy 32:22
22 כי אשׁ קדחה באפי ותיקד עד שׁאול תחתית ותאכל ארץ ויבלה ותלהט מוסדי הרים׃
Psalms 40:2
2 (40:3) ויעלני מבור שׁאון מטיט היון ויקם על סלע רגלי כונן אשׁרי׃
Psalms 69:15
15 (69:16) אל תשׁטפני שׁבלת מים ואל תבלעני מצולה ואל תאטר עלי באר פיה׃
Psalms 86:13
13 כי חסדך גדול עלי והצלת נפשׁי משׁאול תחתיה׃
Psalms 130:1
1 שׁיר המעלות ממעמקים קראתיך יהוה׃
Psalms 143:3
3 כי רדף אויב נפשׁי דכא לארץ חיתי הושׁיבני במחשׁכים כמתי עולם׃
Proverbs 4:19
19 דרך רשׁעים כאפלה לא ידעו במה יכשׁלו׃
Lamentations 3:2
2 אותי נהג וילך חשׁך ולא אור׃
Lamentations 3:55
55 קראתי שׁמך יהוה מבור תחתיות׃
Job 6:4
4 כי חצי שׁדי עמדי אשׁר חמתם שׁתה רוחי בעותי אלוה יערכוני׃
Job 10:16
16 ויגאה כשׁחל תצודני ותשׁב תתפלא׃
Psalms 32:4
4 כי יומם ולילה תכבד עלי ידך נהפך לשׁדי בחרבני קיץ סלה׃
Psalms 38:1
1 מזמור לדוד להזכיר׃ (38:2) יהוה אל בקצפך תוכיחני ובחמתך תיסרני׃
Psalms 42:7
7 (42:8) תהום אל תהום קורא לקול צנוריך כל משׁבריך וגליך עלי עברו׃
Psalms 90:7
7 כי כלינו באפך ובחמתך נבהלנו׃
Psalms 102:10
10 (102:11) מפני זעמך וקצפך כי נשׂאתני ותשׁליכני׃
Jonah 2:3
3 (2:4) ותשׁליכני מצולה בלבב ימים ונהר יסבבני כל משׁבריך וגליך עלי עברו׃
1 Samuel 23:18-20
Job 12:14
14 הן יהרוס ולא יבנה יסגר על אישׁ ולא יפתח׃
Job 19:8
8 ארחי גדר ולא אעבור ועל נתיבותי חשׁך ישׂים׃
Job 19:13-19
Job 30:10
10 תעבוני רחקו מני ומפני לא חשׂכו רק׃
Psalms 31:11
11 (31:12) מכל צררי הייתי חרפה ולשׁכני מאד ופחד למידעי ראי בחוץ נדדו ממני׃
Psalms 88:18
18 (88:19) הרחקת ממני אהב ורע מידעי מחשׁך׃
Psalms 142:4
4 (142:5) הביט ימין וראה ואין לי מכיר אבד מנוס ממני אין דורשׁ לנפשׁי׃
Psalms 143:4
4 ותתעטף עלי רוחי בתוכי ישׁתומם לבי׃
Isaiah 49:7
7 כה אמר יהוה גאל ישׂראל קדושׁו לבזה נפשׁ למתעב גוי לעבד משׁלים מלכים יראו וקמו שׂרים וישׁתחוו למען יהוה אשׁר נאמן קדשׁ ישׂראל ויבחרך׃
Isaiah 63:3
3 פורה דרכתי לבדי ומעמים אין אישׁ אתי ואדרכם באפי וארמסם בחמתי ויז נצחם על בגדי וכל מלבושׁי אגאלתי׃
Jeremiah 32:2
2 ואז חיל מלך בבל צרים על ירושׁלם וירמיהו הנביא היה כלוא בחצר המטרה אשׁר בית מלך יהודה׃
Lamentations 3:7-9
Zechariah 11:8
8 ואכחד את שׁלשׁת הרעים בירח אחד ותקצר נפשׁי בהם וגם נפשׁם בחלה׃
Job 11:13
13 אם אתה הכינות לבך ופרשׂת אליו כפך׃
Job 16:20
20 מליצי רעי אל אלוה דלפה עיני׃
Job 17:7
7 ותכה מכעשׂ עיני ויצרי כצל כלם׃
Psalms 6:7
7 (6:8) עשׁשׁה מכעס עיני עתקה בכל צוררי׃
Psalms 38:10
10 (38:11) לבי סחרחר עזבני כחי ואור עיני גם הם אין אתי׃
Psalms 42:3
3 (42:4) היתה לי דמעתי לחם יומם ולילה באמר אלי כל היום איה אלהיך׃
Psalms 44:20
20 (44:21) אם שׁכחנו שׁם אלהינו ונפרשׂ כפינו לאל זר׃
Psalms 55:17
17 (55:18) ערב ובקר וצהרים אשׂיחה ואהמה וישׁמע קולי׃
Psalms 68:31
31 (68:32) יאתיו חשׁמנים מני מצרים כושׁ תריץ ידיו לאלהים׃
Psalms 88:1
1 שׁיר מזמור לבני קרח למנצח על מחלת לענות משׂכיל להימן האזרחי׃ (88:2) יהוה אלהי ישׁועתי יום צעקתי בלילה נגדך׃
Psalms 102:9
9 (102:10) כי אפר כלחם אכלתי ושׁקוי בבכי מסכתי׃
Psalms 143:6
6 פרשׂתי ידי אליך נפשׁי כארץ עיפה לך סלה׃
Lamentations 3:48-49
Ezekiel 17:11
11 ויהי דבר יהוה אלי לאמר׃
Job 14:7-12
Psalms 6:5
5 (6:6) כי אין במות זכרך בשׁאול מי יודה׃
Psalms 115:17
17 לא המתים יהללו יה ולא כל ירדי דומה׃
Psalms 118:17
17 לא אמות כי אחיה ואספר מעשׂי יה׃
Isaiah 26:19
19 יחיו מתיך נבלתי יקומון הקיצו ורננו שׁכני עפר כי טל אורת טלך וארץ רפאים תפיל׃
Isaiah 38:18-19
Ezekiel 37:1-14
1 היתה עלי יד יהוה ויוצאני ברוח יהוה ויניחני בתוך הבקעה והיא מלאה עצמות׃2 והעבירני עליהם סביב סביב והנה רבות מאד על פני הבקעה והנה יבשׁות מאד׃3 ויאמר אלי בן אדם התחיינה העצמות האלה ואמר אדני יהוה אתה ידעת׃4 ויאמר אלי הנבא על העצמות האלה ואמרת אליהם העצמות היבשׁות שׁמעו דבר יהוה׃5 כה אמר אדני יהוה לעצמות האלה הנה אני מביא בכם רוח וחייתם׃6 ונתתי עליכם גדים והעלתי עליכם בשׂר וקרמתי עליכם עור ונתתי בכם רוח וחייתם וידעתם כי אני יהוה׃7 ונבאתי כאשׁר צויתי ויהי קול כהנבאי והנה רעשׁ ותקרבו עצמות עצם אל עצמו׃8 וראיתי והנה עליהם גדים ובשׂר עלה ויקרם עליהם עור מלמעלה ורוח אין׃9 ויאמר אלי הנבא אל הרוח הנבא בן אדם ואמרת אל הרוח כה אמר אדני יהוה מארבע רוחות באי הרוח ופחי בהרוגים האלה ויחיו׃10 והנבאתי כאשׁר צוני ותבוא בהם הרוח ויחיו ויעמדו על רגליהם חיל גדול מאד מאד׃11 ויאמר אלי בן אדם העצמות האלה כל בית ישׂראל המה הנה אמרים יבשׁו עצמותינו ואבדה תקותנו נגזרנו׃12 לכן הנבא ואמרת אליהם כה אמר אדני יהוה הנה אני פתח את קברותיכם והעליתי אתכם מקברותיכם עמי והבאתי אתכם אל אדמת ישׂראל׃13 וידעתם כי אני יהוה בפתחי את קברותיכם ובהעלותי אתכם מקברותיכם עמי׃14 ונתתי רוחי בכם וחייתם והנחתי אתכם על אדמתכם וידעתם כי אני יהוה דברתי ועשׂיתי נאם יהוה׃
Job 21:30
30 כי ליום איד יחשׂך רע ליום עברות יובלו׃
Job 26:6
6 ערום שׁאול נגדו ואין כסות לאבדון׃
Psalms 55:23
23 (55:24) ואתה אלהים תורדם לבאר שׁחת אנשׁי דמים ומרמה לא יחצו ימיהם ואני אבטח׃
Psalms 73:18
18 אך בחלקות תשׁית למו הפלתם למשׁואות׃
Proverbs 15:11
11 שׁאול ואבדון נגד יהוה אף כי לבות בני אדם׃
Job 10:21-22
Psalms 88:5
5 (88:6) במתים חפשׁי כמו חללים שׁכבי קבר אשׁר לא זכרתם עוד והמה מידך נגזרו׃
Ecclesiastes 2:16
16 כי אין זכרון לחכם עם הכסיל לעולם בשׁכבר הימים הבאים הכל נשׁכח ואיך ימות החכם עם הכסיל׃
Ecclesiastes 8:10
10 ובכן ראיתי רשׁעים קברים ובאו וממקום קדושׁ יהלכו וישׁתכחו בעיר אשׁר כן עשׂו גם זה הבל׃
Ecclesiastes 9:5
5 כי החיים יודעים שׁימתו והמתים אינם יודעים מאומה ואין עוד להם שׂכר כי נשׁכח זכרם׃
Isaiah 8:22
22 ואל ארץ יביט והנה צרה וחשׁכה מעוף צוקה ואפלה מנדח׃
Psalms 5:3
3 (5:4) יהוה בקר תשׁמע קולי בקר אערך לך ואצפה׃
Psalms 30:2
2 (30:3) יהוה אלהי שׁועתי אליך ותרפאני׃
Psalms 119:147-148
Job 13:24
24 למה פניך תסתיר ותחשׁבני לאויב׃
Psalms 13:1
1 למנצח מזמור לדוד׃ (13:2) עד אנה יהוה תשׁכחני נצח עד אנה תסתיר את פניך ממני׃
Psalms 43:2
2 כי אתה אלהי מעוזי למה זנחתני למה קדר אתהלך בלחץ אויב׃
Psalms 44:9
9 (44:10) אף זנחת ותכלימנו ולא תצא בצבאותינו׃
Psalms 44:24
24 (44:25) למה פניך תסתיר תשׁכח ענינו ולחצנו׃
Psalms 69:17
17 (69:18) ואל תסתר פניך מעבדך כי צר לי מהר ענני׃
Psalms 77:7-9
Job 7:11-16
Job 17:11-16
Psalms 22:14-15
Psalms 73:14
14 ואהי נגוע כל היום ותוכחתי לבקרים׃
Isaiah 53:10
10 ויהוה חפץ דכאו החלי אם תשׂים אשׁם נפשׁו יראה זרע יאריך ימים וחפץ יהוה בידו יצלח׃
Zechariah 13:7
7 חרב עורי על רעי ועל גבר עמיתי נאם יהוה צבאות הך את הרעה ותפוצין הצאן והשׁבתי ידי על הצערים׃
Psalms 38:1-2
Psalms 89:46
46 (89:47) עד מה יהוה תסתר לנצח תבער כמו אשׁ חמתך׃
Psalms 90:11
11 מי יודע עז אפך וכיראתך עברתך׃
Isaiah 53:4-6
Daniel 9:26
26 ואחרי השׁבעים שׁשׁים ושׁנים יכרת משׁיח ואין לו והעיר והקדשׁ ישׁחית עם נגיד הבא וקצו בשׁטף ועד קץ מלחמה נחרצת שׁממות׃
Job 16:12-13
Job 30:14-15
Psalms 22:16
16 (22:17) כי סבבוני כלבים עדת מרעים הקיפוני כארי ידי ורגלי׃
Psalms 69:1-2
Psalms 116:3
3 אפפוני חבלי מות ומצרי שׁאול מצאוני צרה ויגון אמצא׃
Psalms 118:10-12
Psalms 124:4
4 אזי המים שׁטפונו נחלה עבר על נפשׁנו׃
Lamentations 3:5-7
Job 19:12-15
Psalms 38:11
11 (38:12) אהבי ורעי מנגד נגעי יעמדו וקרובי מרחק עמדו׃
Psalms 88:8
8 (88:9) הרחקת מידעי ממני שׁתני תועבות למו כלא ולא אצא׃