1 משׂכיל לאיתן האזרחי׃ (89:2) חסדי יהוה עולם אשׁירה לדר ודר אודיע אמונתך בפי׃2 (89:3) כי אמרתי עולם חסד יבנה שׁמים תכן אמונתך׃3 (89:4) כרתי ברית לבחירי נשׁבעתי לדוד עבדי׃4 (89:5) עד עולם אכין זרעך ובניתי לדר ודור כסאך סלה׃5 (89:6) ויודו שׁמים פלאך יהוה אף אמונתך בקהל קדשׁים׃6 (89:7) כי מי בשׁחק יערך ליהוה ידמה ליהוה בבני אלים׃7 (89:8) אל נערץ בסוד קדשׁים רבה ונורא על כל סביביו׃8 (89:9) יהוה אלהי צבאות מי כמוך חסין יה ואמונתך סביבותיך׃9 (89:10) אתה מושׁל בגאות הים בשׂוא גליו אתה תשׁבחם׃10 (89:11) אתה דכאת כחלל רהב בזרוע עזך פזרת אויביך׃11 (89:12) לך שׁמים אף לך ארץ תבל ומלאה אתה יסדתם׃12 (89:13) צפון וימין אתה בראתם תבור וחרמון בשׁמך ירננו׃13 (89:14) לך זרוע עם גבורה תעז ידך תרום ימינך׃14 (89:15) צדק ומשׁפט מכון כסאך חסד ואמת יקדמו פניך׃15 (89:16) אשׁרי העם יודעי תרועה יהוה באור פניך יהלכון׃16 (89:17) בשׁמך יגילון כל היום ובצדקתך ירומו׃17 (89:18) כי תפארת עזמו אתה וברצנך תרים קרננו׃18 (89:19) כי ליהוה מגננו ולקדושׁ ישׂראל מלכנו׃19 (89:20) אז דברת בחזון לחסידיך ותאמר שׁויתי עזר על גבור הרימותי בחור מעם׃20 (89:21) מצאתי דוד עבדי בשׁמן קדשׁי משׁחתיו׃21 (89:22) אשׁר ידי תכון עמו אף זרועי תאמצנו׃22 (89:23) לא ישׁא אויב בו ובן עולה לא יעננו׃23 (89:24) וכתותי מפניו צריו ומשׂנאיו אגוף׃24 (89:25) ואמונתי וחסדי עמו ובשׁמי תרום קרנו׃25 (89:26) ושׂמתי בים ידו ובנהרות ימינו׃26 (89:27) הוא יקראני אבי אתה אלי וצור ישׁועתי׃27 (89:28) אף אני בכור אתנהו עליון למלכי ארץ׃28 (89:29) לעולם אשׁמור לו חסדי ובריתי נאמנת׃29 (89:30) ושׂמתי לעד זרעו וכסאו כימי שׁמים׃30 (89:31) אם יעזבו בניו תורתי ובמשׁפטי לא ילכון׃31 (89:32) אם חקתי יחללו ומצותי לא ישׁמרו׃32 (89:33) ופקדתי בשׁבט פשׁעם ובנגעים עונם׃33 (89:34) וחסדי לא אפיר מעמו ולא אשׁקר באמונתי׃34 (89:35) לא אחלל בריתי ומוצא שׂפתי לא אשׁנה׃35 (89:36) אחת נשׁבעתי בקדשׁי אם לדוד אכזב׃36 (89:37) זרעו לעולם יהיה וכסאו כשׁמשׁ נגדי׃37 (89:38) כירח יכון עולם ועד בשׁחק נאמן סלה׃38 (89:39) ואתה זנחת ותמאס התעברת עם משׁיחך׃39 (89:40) נארתה ברית עבדך חללת לארץ נזרו׃40 (89:41) פרצת כל גדרתיו שׂמת מבצריו מחתה׃41 (89:42) שׁסהו כל עברי דרך היה חרפה לשׁכניו׃42 (89:43) הרימות ימין צריו השׂמחת כל אויביו׃43 (89:44) אף תשׁיב צור חרבו ולא הקימתו במלחמה׃44 (89:45) השׁבת מטהרו וכסאו לארץ מגרתה׃45 (89:46) הקצרת ימי עלומיו העטית עליו בושׁה סלה׃46 (89:47) עד מה יהוה תסתר לנצח תבער כמו אשׁ חמתך׃47 (89:48) זכר אני מה חלד על מה שׁוא בראת כל בני אדם׃48 (89:49) מי גבר יחיה ולא יראה מות ימלט נפשׁו מיד שׁאול סלה׃49 (89:50) איה חסדיך הראשׁנים אדני נשׁבעת לדוד באמונתך׃50 (89:51) זכר אדני חרפת עבדיך שׂאתי בחיקי כל רבים עמים׃51 (89:52) אשׁר חרפו אויביך יהוה אשׁר חרפו עקבות משׁיחך׃52 (89:53) ברוך יהוה לעולם אמן ואמן׃
Psalms 89 Cross References - HOT
1 Kings 4:31
31 (5:11) ויחכם מכל האדם מאיתן האזרחי והימן וכלכל ודרדע בני מחול ויהי שׁמו בכל הגוים סביב׃
1 Chronicles 2:6
6 ובני זרח זמרי ואיתן והימן וכלכל ודרע כלם חמשׁה׃
Psalms 36:5
5 (36:6) יהוה בהשׁמים חסדך אמונתך עד שׁחקים׃
Psalms 40:9-10
Psalms 59:16
16 (59:17) ואני אשׁיר עזך וארנן 2'ecבקר חסדך כי היית משׂגב לי ומנוס ביום צר׃
Psalms 71:8
8 ימלא פי תהלתך כל היום תפארתך׃
Psalms 71:15-19
Psalms 86:12-13
Psalms 88:11
11 (88:12) היספר בקבר חסדך אמונתך באבדון׃
Psalms 89:4-5
Psalms 89:8
8 (89:9) יהוה אלהי צבאות מי כמוך חסין יה ואמונתך סביבותיך׃
Psalms 89:24
24 (89:25) ואמונתי וחסדי עמו ובשׁמי תרום קרנו׃
Psalms 89:33
33 (89:34) וחסדי לא אפיר מעמו ולא אשׁקר באמונתי׃
Psalms 89:49
49 (89:50) איה חסדיך הראשׁנים אדני נשׁבעת לדוד באמונתך׃
Psalms 92:2
2 (92:3) להגיד בבקר חסדך ואמונתך בלילות׃
Psalms 101:1
1 לדוד מזמור חסד ומשׁפט אשׁירה לך יהוה אזמרה׃
Psalms 106:1
1 הללויה הודו ליהוה כי טוב כי לעולם חסדו׃
Psalms 119:90
90 לדר ודר אמונתך כוננת ארץ ותעמד׃
Psalms 136:1-26
1 הודו ליהוה כי טוב כי לעולם חסדו׃2 הודו לאלהי האלהים כי לעולם חסדו׃3 הודו לאדני האדנים כי לעולם חסדו׃4 לעשׂה נפלאות גדלות לבדו כי לעולם חסדו׃5 לעשׂה השׁמים בתבונה כי לעולם חסדו׃6 לרקע הארץ על המים כי לעולם חסדו׃7 לעשׂה אורים גדלים כי לעולם חסדו׃8 את השׁמשׁ לממשׁלת ביום כי לעולם חסדו׃9 את הירח וכוכבים לממשׁלות בלילה כי לעולם חסדו׃10 למכה מצרים בבכוריהם כי לעולם חסדו׃11 ויוצא ישׂראל מתוכם כי לעולם חסדו׃12 ביד חזקה ובזרוע נטויה כי לעולם חסדו׃13 לגזר ים סוף לגזרים כי לעולם חסדו׃14 והעביר ישׂראל בתוכו כי לעולם חסדו׃15 ונער פרעה וחילו בים סוף כי לעולם חסדו׃16 למוליך עמו במדבר כי לעולם חסדו׃17 למכה מלכים גדלים כי לעולם חסדו׃18 ויהרג מלכים אדירים כי לעולם חסדו׃19 לסיחון מלך האמרי כי לעולם חסדו׃20 ולעוג מלך הבשׁן כי לעולם חסדו׃21 ונתן ארצם לנחלה כי לעולם חסדו׃22 נחלה לישׂראל עבדו כי לעולם חסדו׃23 שׁבשׁפלנו זכר לנו כי לעולם חסדו׃24 ויפרקנו מצרינו כי לעולם חסדו׃25 נתן לחם לכל בשׂר כי לעולם חסדו׃26 הודו לאל השׁמים כי לעולם חסדו׃
Isaiah 25:1
1 יהוה אלהי אתה ארוממך אודה שׁמך כי עשׂית פלא עצות מרחוק אמונה אמן׃
Lamentations 3:23
23 חדשׁים לבקרים רבה אמונתך׃
Micah 7:20
20 תתן אמת ליעקב חסד לאברהם אשׁר נשׁבעת לאבתינו מימי קדם׃
Numbers 23:19
19 לא אישׁ אל ויכזב ובן אדם ויתנחם ההוא אמר ולא יעשׂה ודבר ולא יקימנה׃
Nehemiah 1:5
5 ואמר אנא יהוה אלהי השׁמים האל הגדול והנורא שׁמר הברית וחסד לאהביו ולשׁמרי מצותיו׃
Nehemiah 9:17
17 וימאנו לשׁמע ולא זכרו נפלאתיך אשׁר עשׂית עמהם ויקשׁו את ערפם ויתנו ראשׁ לשׁוב לעבדתם במרים ואתה אלוה סליחות חנון ורחום ארך אפים ורב וחסד ולא עזבתם׃
Nehemiah 9:31
31 וברחמיך הרבים לא עשׂיתם כלה ולא עזבתם כי אל חנון ורחום אתה׃
Psalms 42:1
1 למנצח משׂכיל לבני קרח׃ (42:2) כאיל תערג על אפיקי מים כן נפשׁי תערג אליך אלהים׃
Psalms 89:5
5 (89:6) ויודו שׁמים פלאך יהוה אף אמונתך בקהל קדשׁים׃
Psalms 89:37
37 (89:38) כירח יכון עולם ועד בשׁחק נאמן סלה׃
Psalms 103:17
17 וחסד יהוה מעולם ועד עולם על יראיו וצדקתו לבני בנים׃
Psalms 119:89
89 לעולם יהוה דברך נצב בשׁמים׃
Psalms 146:6
6 עשׂה שׁמים וארץ את הים ואת כל אשׁר בם השׁמר אמת לעולם׃
2 Samuel 3:9
9 כה יעשׂה אלהים לאבנר וכה יסיף לו כי כאשׁר נשׁבע יהוה לדוד כי כן אעשׂה׃
2 Samuel 7:10-16
10 ושׂמתי מקום לעמי לישׂראל ונטעתיו ושׁכן תחתיו ולא ירגז עוד ולא יסיפו בני עולה לענותו כאשׁר בראשׁונה׃11 ולמן היום אשׁר צויתי שׁפטים על עמי ישׂראל והניחתי לך מכל איביך והגיד לך יהוה כי בית יעשׂה לך יהוה׃12 כי ימלאו ימיך ושׁכבת את אבתיך והקימתי את זרעך אחריך אשׁר יצא ממעיך והכינתי את ממלכתו׃13 הוא יבנה בית לשׁמי וכננתי את כסא ממלכתו עד עולם׃14 אני אהיה לו לאב והוא יהיה לי לבן אשׁר בהעותו והכחתיו בשׁבט אנשׁים ובנגעי בני אדם׃15 וחסדי לא יסור ממנו כאשׁר הסרתי מעם שׁאול אשׁר הסרתי מלפניך׃16 ונאמן ביתך וממלכתך עד עולם לפניך כסאך יהיה נכון עד עולם׃
2 Samuel 23:5
5 כי לא כן ביתי עם אל כי ברית עולם שׂם לי ערוכה בכל ושׁמרה כי כל ישׁעי וכל חפץ כי לא יצמיח׃
1 Kings 8:16
16 מן היום אשׁר הוצאתי את עמי את ישׂראל ממצרים לא בחרתי בעיר מכל שׁבטי ישׂראל לבנות בית להיות שׁמי שׁם ואבחר בדוד להיות על עמי ישׂראל׃
Psalms 78:70
70 ויבחר בדוד עבדו ויקחהו ממכלאת צאן׃
Psalms 89:19
19 (89:20) אז דברת בחזון לחסידיך ותאמר שׁויתי עזר על גבור הרימותי בחור מעם׃
Psalms 89:28
28 (89:29) לעולם אשׁמור לו חסדי ובריתי נאמנת׃
Psalms 89:34-35
Psalms 89:39
39 (89:40) נארתה ברית עבדך חללת לארץ נזרו׃
Psalms 132:11
11 נשׁבע יהוה לדוד אמת לא ישׁוב ממנה מפרי בטנך אשׁית לכסא׃
Isaiah 42:1
1 הן עבדי אתמך בו בחירי רצתה נפשׁי נתתי רוחי עליו משׁפט לגוים יוציא׃
Isaiah 55:3
3 הטו אזנכם ולכו אלי שׁמעו ותחי נפשׁכם ואכרתה לכם ברית עולם חסדי דוד הנאמנים׃
Jeremiah 30:9
9 ועבדו את יהוה אלהיהם ואת דוד מלכם אשׁר אקים להם׃
Jeremiah 33:20-21
Ezekiel 34:23-24
Hosea 3:5
5 אחר ישׁבו בני ישׂראל ובקשׁו את יהוה אלהיהם ואת דוד מלכם ופחדו אל יהוה ואל טובו באחרית הימים׃
2 Samuel 7:29
29 ועתה הואל וברך את בית עבדך להיות לעולם לפניך כי אתה אדני יהוה דברת ומברכתך יברך בית עבדך לעולם׃
1 Kings 9:5
5 והקמתי את כסא ממלכתך על ישׂראל לעלם כאשׁר דברתי על דוד אביך לאמר לא יכרת לך אישׁ מעל כסא ישׂראל׃
1 Chronicles 17:10-14
10 ולמימים אשׁר צויתי שׁפטים על עמי ישׂראל והכנעתי את כל אויביך ואגד לך ובית יבנה לך יהוה׃11 והיה כי מלאו ימיך ללכת עם אבתיך והקימותי את זרעך אחריך אשׁר יהיה מבניך והכינותי את מלכותו׃12 הוא יבנה לי בית וכננתי את כסאו עד עולם׃13 אני אהיה לו לאב והוא יהיה לי לבן וחסדי לא אסיר מעמו כאשׁר הסירותי מאשׁר היה לפניך׃14 והעמדתיהו בביתי ובמלכותי עד העולם וכסאו יהיה נכון עד עולם׃
1 Chronicles 22:10
10 הוא יבנה בית לשׁמי והוא יהיה לי לבן ואני לו לאב והכינותי כסא מלכותו על ישׂראל עד עולם׃
Psalms 72:17
17 יהי שׁמו לעולם לפני שׁמשׁ ינין שׁמו ויתברכו בו כל גוים יאשׁרוהו׃
Psalms 89:1
1 משׂכיל לאיתן האזרחי׃ (89:2) חסדי יהוה עולם אשׁירה לדר ודר אודיע אמונתך בפי׃
Psalms 89:29
29 (89:30) ושׂמתי לעד זרעו וכסאו כימי שׁמים׃
Psalms 89:36
36 (89:37) זרעו לעולם יהיה וכסאו כשׁמשׁ נגדי׃
Psalms 132:12
12 אם ישׁמרו בניך בריתי ועדתי זו אלמדם גם בניהם עדי עד ישׁבו לכסא׃
Isaiah 9:6-7
Zechariah 12:8
8 ביום ההוא יגן יהוה בעד יושׁב ירושׁלם והיה הנכשׁל בהם ביום ההוא כדויד ובית דויד כאלהים כמלאך יהוה לפניהם׃
Deuteronomy 33:2
2 ויאמר יהוה מסיני בא וזרח משׂעיר למו הופיע מהר פארן ואתה מרבבת קדשׁ מימינו אשׁדת׃
Job 5:1
1 קרא נא הישׁ עונך ואל מי מקדשׁים תפנה׃
Psalms 19:1
1 למנצח מזמור לדוד׃ (19:2) השׁמים מספרים כבוד אל ומעשׂה ידיו מגיד הרקיע׃
Psalms 50:6
6 ויגידו שׁמים צדקו כי אלהים שׁפט הוא סלה׃
Psalms 89:7
7 (89:8) אל נערץ בסוד קדשׁים רבה ונורא על כל סביביו׃
Psalms 97:6
6 הגידו השׁמים צדקו וראו כל העמים כבודו׃
Isaiah 44:23
23 רנו שׁמים כי עשׂה יהוה הריעו תחתיות ארץ פצחו הרים רנה יער וכל עץ בו כי גאל יהוה יעקב ובישׂראל יתפאר׃
Daniel 7:10
10 נהר די נור נגד ונפק מן קדמוהי אלף אלפים ישׁמשׁונה ורבו רבון קדמוהי יקומון דינא יתב וספרין פתיחו׃
Exodus 15:11
11 מי כמכה באלם יהוה מי כמכה נאדר בקדשׁ נורא תהלת עשׂה פלא׃
Psalms 29:1
1 מזמור לדוד הבו ליהוה בני אלים הבו ליהוה כבוד ועז׃
Psalms 40:5
5 (40:6) רבות עשׂית אתה יהוה אלהי נפלאתיך ומחשׁבתיך אלינו אין ערך אליך אגידה ואדברה עצמו מספר׃
Psalms 52:1
1 למנצח משׂכיל לדוד׃ (52:2) בבוא דואג האדמי ויגד לשׁאול ויאמר לו בא דוד אל בית אחימלך׃ (52:3) מה תתהלל ברעה הגבור חסד אל כל היום׃
Psalms 71:19
19 וצדקתך אלהים עד מרום אשׁר עשׂית גדלות אלהים מי כמוך׃
Psalms 73:25
25 מי לי בשׁמים ועמך לא חפצתי בארץ׃
Psalms 86:8
8 אין כמוך באלהים אדני ואין כמעשׂיך׃
Psalms 113:5
5 מי כיהוה אלהינו המגביהי לשׁבת׃
Jeremiah 10:6
6 מאין כמוך יהוה גדול אתה וגדול שׁמך בגבורה׃
Leviticus 10:3
3 ויאמר משׁה אל אהרן הוא אשׁר דבר יהוה לאמר בקרבי אקדשׁ ועל פני כל העם אכבד וידם אהרן׃
Psalms 47:2
2 (47:3) כי יהוה עליון נורא מלך גדול על כל הארץ׃
Psalms 76:7-11
Isaiah 6:2-7
2 שׂרפים עמדים ממעל לו שׁשׁ כנפים שׁשׁ כנפים לאחד בשׁתים יכסה פניו ובשׁתים יכסה רגליו ובשׁתים יעופף׃3 וקרא זה אל זה ואמר קדושׁ קדושׁ קדושׁ יהוה צבאות מלא כל הארץ כבודו׃4 וינעו אמות הספים מקול הקורא והבית ימלא עשׁן׃5 ואמר אוי לי כי נדמיתי כי אישׁ טמא שׂפתים אנכי ובתוך עם טמא שׂפתים אנכי יושׁב כי את המלך יהוה צבאות ראו עיני׃6 ויעף אלי אחד מן השׂרפים ובידו רצפה במלקחים לקח מעל המזבח׃7 ויגע על פי ויאמר הנה נגע זה על שׂפתיך וסר עונך וחטאתך תכפר׃
Isaiah 66:2
2 ואת כל אלה ידי עשׂתה ויהיו כל אלה נאם יהוה ואל זה אביט אל עני ונכה רוח וחרד על דברי׃
Jeremiah 10:7
7 מי לא יראך מלך הגוים כי לך יאתה כי בכל חכמי הגוים ובכל מלכותם מאין כמוך׃
Jeremiah 10:10
10 ויהוה אלהים אמת הוא אלהים חיים ומלך עולם מקצפו תרעשׁ הארץ ולא יכלו גוים זעמו׃
Deuteronomy 32:31
31 כי לא כצורנו צורם ואיבינו פלילים׃
Joshua 22:22
22 אל אלהים יהוה אל אלהים יהוה הוא ידע וישׂראל הוא ידע אם במרד ואם במעל ביהוה אל תושׁיענו היום הזה׃
1 Samuel 2:2
2 אין קדושׁ כיהוה כי אין בלתך ואין צור כאלהינו׃
1 Samuel 15:19
19 ולמה לא שׁמעת בקול יהוה ותעט אל השׁלל ותעשׂ הרע בעיני יהוה׃
Job 9:19
19 אם לכח אמיץ הנה ואם למשׁפט מי יועידני׃
Psalms 24:8
8 מי זה מלך הכבוד יהוה עזוז וגבור יהוה גבור מלחמה׃
Psalms 35:10
10 כל עצמותי תאמרנה יהוה מי כמוך מציל עני מחזק ממנו ועני ואביון מגזלו׃
Psalms 84:12
12 (84:13) יהוה צבאות אשׁרי אדם בטח׃
Psalms 89:6
6 (89:7) כי מי בשׁחק יערך ליהוה ידמה ליהוה בבני אלים׃
Psalms 89:13
13 (89:14) לך זרוע עם גבורה תעז ידך תרום ימינך׃
Psalms 147:5
5 גדול אדונינו ורב כח לתבונתו אין מספר׃
Isaiah 28:22
22 ועתה אל תתלוצצו פן יחזקו מוסריכם כי כלה ונחרצה שׁמעתי מאת אדני יהוה צבאות על כל הארץ׃
Isaiah 40:25-26
Jeremiah 32:17
17 אהה אדני יהוה הנה אתה עשׂית את השׁמים ואת הארץ בכחך הגדול ובזרעך הנטויה לא יפלא ממך כל דבר׃
Job 38:8-11
Psalms 29:10
10 יהוה למבול ישׁב וישׁב יהוה מלך לעולם׃
Psalms 65:7
7 (65:8) משׁביח שׁאון ימים שׁאון גליהם והמון לאמים׃
Psalms 66:5-6
Psalms 93:3-4
Psalms 107:25-29
Nahum 1:4
4 גוער בים ויבשׁהו וכל הנהרות החריב אמלל בשׁן וכרמל ופרח לבנון אמלל׃
Exodus 3:19-20
Exodus 7:1-15
1 ויאמר יהוה אל משׁה ראה נתתיך אלהים לפרעה ואהרן אחיך יהיה נביאך׃2 אתה תדבר את כל אשׁר אצוך ואהרן אחיך ידבר אל פרעה ושׁלח את בני ישׂראל מארצו׃3 ואני אקשׁה את לב פרעה והרביתי את אתתי ואת מופתי בארץ מצרים׃4 ולא ישׁמע אלכם פרעה ונתתי את ידי במצרים והוצאתי את צבאתי את עמי בני ישׂראל מארץ מצרים בשׁפטים גדלים׃5 וידעו מצרים כי אני יהוה בנטתי את ידי על מצרים והוצאתי את בני ישׂראל מתוכם׃6 ויעשׂ משׁה ואהרן כאשׁר צוה יהוה אתם כן עשׂו׃7 ומשׁה בן שׁמנים שׁנה ואהרן בן שׁלשׁ ושׁמנים שׁנה בדברם אל פרעה׃8 ויאמר יהוה אל משׁה ואל אהרן לאמר׃9 כי ידבר אלכם פרעה לאמר תנו לכם מופת ואמרת אל אהרן קח את מטך והשׁלך לפני פרעה יהי לתנין׃10 ויבא משׁה ואהרן אל פרעה ויעשׂו כן כאשׁר צוה יהוה וישׁלך אהרן את מטהו לפני פרעה ולפני עבדיו ויהי לתנין׃11 ויקרא גם פרעה לחכמים ולמכשׁפים ויעשׂו גם הם חרטמי מצרים בלהטיהם כן׃12 וישׁליכו אישׁ מטהו ויהיו לתנינם ויבלע מטה אהרן את מטתם׃13 ויחזק לב פרעה ולא שׁמע אלהם כאשׁר דבר יהוה׃14 ויאמר יהוה אל משׁה כבד לב פרעה מאן לשׁלח העם׃15 לך אל פרעה בבקר הנה יצא המימה ונצבת לקראתו על שׂפת היאר והמטה אשׁר נהפך לנחשׁ תקח בידך׃
Deuteronomy 4:34
34 או הנסה אלהים לבוא לקחת לו גוי מקרב גוי במסת באתת ובמופתים ובמלחמה וביד חזקה ובזרוע נטויה ובמוראים גדלים ככל אשׁר עשׂה לכם יהוה אלהיכם במצרים לעיניך׃
Psalms 59:11
11 (59:12) אל תהרגם פן ישׁכחו עמי הניעמו בחילך והורידמו מגננו אדני׃
Psalms 68:1
1 למנצח לדוד מזמור שׁיר׃ (68:2) יקום אלהים יפוצו אויביו וינוסו משׂנאיו מפניו׃
Psalms 68:30
30 (68:31) גער חית קנה עדת אבירים בעגלי עמים מתרפס ברצי כסף בזר עמים קרבות יחפצו׃
Psalms 78:43-72
43 אשׁר שׂם במצרים אתותיו ומופתיו בשׂדה צען׃44 ויהפך לדם יאריהם ונזליהם בל ישׁתיון׃45 ישׁלח בהם ערב ויאכלם וצפרדע ותשׁחיתם׃46 ויתן לחסיל יבולם ויגיעם לארבה׃47 יהרג בברד גפנם ושׁקמותם בחנמל׃48 ויסגר לברד בעירם ומקניהם לרשׁפים׃49 ישׁלח בם חרון אפו עברה וזעם וצרה משׁלחת מלאכי רעים׃50 יפלס נתיב לאפו לא חשׂך ממות נפשׁם וחיתם לדבר הסגיר׃51 ויך כל בכור במצרים ראשׁית אונים באהלי חם׃52 ויסע כצאן עמו וינהגם כעדר במדבר׃53 וינחם לבטח ולא פחדו ואת אויביהם כסה הים׃54 ויביאם אל גבול קדשׁו הר זה קנתה ימינו׃55 ויגרשׁ מפניהם גוים ויפילם בחבל נחלה וישׁכן באהליהם שׁבטי ישׂראל׃56 וינסו וימרו את אלהים עליון ועדותיו לא שׁמרו׃57 ויסגו ויבגדו כאבותם נהפכו כקשׁת רמיה׃58 ויכעיסוהו בבמותם ובפסיליהם יקניאוהו׃59 שׁמע אלהים ויתעבר וימאס מאד בישׂראל׃60 ויטשׁ משׁכן שׁלו אהל שׁכן באדם׃61 ויתן לשׁבי עזו ותפארתו ביד צר׃62 ויסגר לחרב עמו ובנחלתו התעבר׃63 בחוריו אכלה אשׁ ובתולתיו לא הוללו׃64 כהניו בחרב נפלו ואלמנתיו לא תבכינה׃65 ויקץ כישׁן אדני כגבור מתרונן מיין׃66 ויך צריו אחור חרפת עולם נתן׃67 וימאס באהל יוסף ובשׁבט אפרים לא בחר׃68 ויבחר את שׁבט יהודה את הר ציון אשׁר אהב׃69 ויבן כמו רמים מקדשׁו כארץ יסדה לעולם׃70 ויבחר בדוד עבדו ויקחהו ממכלאת צאן׃71 מאחר עלות הביאו לרעות ביעקב עמו ובישׂראל נחלתו׃72 וירעם כתם לבבו ובתבונות כפיו ינחם׃
Psalms 87:4
4 אזכיר רהב ובבל לידעי הנה פלשׁת וצור עם כושׁ זה ילד שׁם׃
Psalms 105:27-45
27 שׂמו בם דברי אתותיו ומפתים בארץ חם׃28 שׁלח חשׁך ויחשׁך ולא מרו את דברוו׃29 הפך את מימיהם לדם וימת את דגתם׃30 שׁרץ ארצם צפרדעים בחדרי מלכיהם׃31 אמר ויבא ערב כנים בכל גבולם׃32 נתן גשׁמיהם ברד אשׁ להבות בארצם׃33 ויך גפנם ותאנתם וישׁבר עץ גבולם׃34 אמר ויבא ארבה וילק ואין מספר׃35 ויאכל כל עשׂב בארצם ויאכל פרי אדמתם׃36 ויך כל בכור בארצם ראשׁית לכל אונם׃37 ויוציאם בכסף וזהב ואין בשׁבטיו כושׁל׃38 שׂמח מצרים בצאתם כי נפל פחדם עליהם׃39 פרשׂ ענן למסך ואשׁ להאיר לילה׃40 שׁאל ויבא שׂלו ולחם שׁמים ישׂביעם׃41 פתח צור ויזובו מים הלכו בציות נהר׃42 כי זכר את דבר קדשׁו את אברהם עבדו׃43 ויוצא עמו בשׂשׂון ברנה את בחיריו׃44 ויתן להם ארצות גוים ועמל לאמים יירשׁו׃45 בעבור ישׁמרו חקיו ותורתיו ינצרו הללו יה׃
Psalms 144:6
6 ברוק ברק ותפיצם שׁלח חציך ותהמם׃
Isaiah 24:1
1 הנה יהוה בוקק הארץ ובולקה ועוה פניה והפיץ ישׁביה׃
Genesis 1:1
1 בראשׁית ברא אלהים את השׁמים ואת הארץ׃
Genesis 2:1
1 ויכלו השׁמים והארץ וכל צבאם׃
1 Chronicles 29:11
11 לך יהוה הגדלה והגבורה והתפארת והנצח וההוד כי כל בשׁמים ובארץ לך יהוה הממלכה והמתנשׂא לכל לראשׁ׃
Job 41:11
11 (41:3) מי הקדימני ואשׁלם תחת כל השׁמים לי הוא׃
Psalms 24:1-2
Psalms 50:12
12 אם ארעב לא אמר לך כי לי תבל ומלאה׃
Psalms 115:16
16 השׁמים שׁמים ליהוה והארץ נתן לבני אדם׃
Deuteronomy 3:8-9
Joshua 12:1
1 ואלה מלכי הארץ אשׁר הכו בני ישׂראל וירשׁו את ארצם בעבר הירדן מזרחה השׁמשׁ מנחל ארנון עד הר חרמון וכל הערבה מזרחה׃
Joshua 19:22
22 ופגע הגבול בתבור ושׁחצומה ובית שׁמשׁ והיו תצאות גבולם הירדן ערים שׁשׁ עשׂרה וחצריהן׃
Judges 4:6
6 ותשׁלח ותקרא לברק בן אבינעם מקדשׁ נפתלי ותאמר אליו הלא צוה יהוה אלהי ישׂראל לך ומשׁכת בהר תבור ולקחת עמך עשׂרת אלפים אישׁ מבני נפתלי ומבני זבלון׃
Judges 4:12
12 ויגדו לסיסרא כי עלה ברק בן אבינעם הר תבור׃
Job 26:7
7 נטה צפון על תהו תלה ארץ על בלי מה׃
Psalms 65:12-13
Psalms 98:8
8 נהרות ימחאו כף יחד הרים ירננו׃
Psalms 133:3
3 כטל חרמון שׁירד על הררי ציון כי שׁם צוה יהוה את הברכה חיים עד העולם׃
Isaiah 35:1-2
Isaiah 49:13
13 רנו שׁמים וגילי ארץ יפצחו הרים רנה כי נחם יהוה עמו ועניו ירחם׃
Isaiah 55:12-13
Jeremiah 46:18
18 חי אני נאם המלך יהוה צבאות שׁמו כי כתבור בהרים וככרמל בים יבוא׃
Psalms 62:11
11 (62:12) אחת דבר אלהים שׁתים זו שׁמעתי כי עז לאלהים׃
Psalms 89:10
10 (89:11) אתה דכאת כחלל רהב בזרוע עזך פזרת אויביך׃
Daniel 4:34-35
Deuteronomy 32:4
4 הצור תמים פעלו כי כל דרכיו משׁפט אל אמונה ואין עול צדיק וישׁר הוא׃
Psalms 45:6-7
Psalms 85:13
13 (85:14) צדק לפניו יהלך וישׂם לדרך פעמיו׃
Psalms 89:2
2 (89:3) כי אמרתי עולם חסד יבנה שׁמים תכן אמונתך׃
Psalms 97:2
2 ענן וערפל סביביו צדק ומשׁפט מכון כסאו׃
Psalms 99:4
4 ועז מלך משׁפט אהב אתה כוננת מישׁרים משׁפט וצדקה ביעקב אתה עשׂית׃
Psalms 145:17
17 צדיק יהוה בכל דרכיו וחסיד בכל מעשׂיו׃
Proverbs 16:12
12 תועבת מלכים עשׂות רשׁע כי בצדקה יכון כסא׃
Leviticus 25:9
9 והעברת שׁופר תרועה בחדשׁ השׁבעי בעשׂור לחדשׁ ביום הכפרים תעבירו שׁופר בכל ארצכם׃
Numbers 6:26
26 ישׂא יהוה פניו אליך וישׂם לך שׁלום׃
Numbers 10:10
10 וביום שׂמחתכם ובמועדיכם ובראשׁי חדשׁכם ותקעתם בחצצרת על עלתיכם ועל זבחי שׁלמיכם והיו לכם לזכרון לפני אלהיכם אני יהוה אלהיכם׃
Numbers 23:21
21 לא הביט און ביעקב ולא ראה עמל בישׂראל יהוה אלהיו עמו ותרועת מלך׃
Job 29:3
3 בהלו נרו עלי ראשׁי לאורו אלך חשׁך׃
Psalms 4:6
6 (4:7) רבים אמרים מי יראנו טוב נסה עלינו אור פניך יהוה׃
Psalms 44:3
3 (44:4) כי לא בחרבם ירשׁו ארץ וזרועם לא הושׁיעה למו כי ימינך וזרועך ואור פניך כי רציתם׃
Psalms 90:6
6 בבקר יציץ וחלף לערב ימולל ויבשׁ׃
Psalms 98:4-6
Psalms 100:1
1 מזמור לתודה הריעו ליהוה כל הארץ׃
Proverbs 16:15
15 באור פני מלך חיים ורצונו כעב מלקושׁ׃
Isaiah 2:5
5 בית יעקב לכו ונלכה באור יהוה׃
Isaiah 52:7-8
Nahum 1:15
15 (2:1) הנה על ההרים רגלי מבשׂר משׁמיע שׁלום חגי יהודה חגיך שׁלמי נדריך כי לא יוסיף עוד לעבור בך בליעל כלה נכרת׃
Psalms 29:5
5 קול יהוה שׁבר ארזים וישׁבר יהוה את ארזי הלבנון׃
Psalms 29:7
7 קול יהוה חצב להבות אשׁ׃
Psalms 33:21
21 כי בו ישׂמח לבנו כי בשׁם קדשׁו בטחנו׃
Psalms 40:10
10 (40:11) צדקתך לא כסיתי בתוך לבי אמונתך ותשׁועתך אמרתי לא כחדתי חסדך ואמתך לקהל רב׃
Psalms 44:8
8 (44:9) באלהים הללנו כל היום ושׁמך לעולם נודה סלה׃
Psalms 71:15-16
Psalms 89:12
12 (89:13) צפון וימין אתה בראתם תבור וחרמון בשׁמך ירננו׃
Psalms 105:3
3 התהללו בשׁם קדשׁו ישׂמח לב מבקשׁי יהוה׃
Isaiah 45:24-25
Isaiah 46:13
13 קרבתי צדקתי לא תרחק ותשׁועתי לא תאחר ונתתי בציון תשׁועה לישׂראל תפארתי׃
Jeremiah 23:6
6 בימיו תושׁע יהודה וישׂראל ישׁכן לבטח וזה שׁמו אשׁר יקראו יהוה צדקנו׃
1 Samuel 2:1
1 ותתפלל חנה ותאמר עלץ לבי ביהוה רמה קרני ביהוה רחב פי על אויבי כי שׂמחתי בישׁועתך׃
1 Samuel 2:10
10 יהוה יחתו מריבו עלו בשׁמים ירעם יהוה ידין אפסי ארץ ויתן עז למלכו וירם קרן משׁיחו׃
Psalms 28:7
7 יהוה עזי ומגני בו בטח לבי ונעזרתי ויעלז לבי ומשׁירי אהודנו׃
Psalms 75:10
10 (75:11) וכל קרני רשׁעים אגדע תרוממנה קרנות צדיק׃
Psalms 92:10
10 (92:11) ותרם כראים קרני בלתי בשׁמן רענן׃
Psalms 112:9
9 פזר נתן לאביונים צדקתו עמדת לעד קרנו תרום בכבוד׃
Psalms 132:17
17 שׁם אצמיח קרן לדוד ערכתי נר למשׁיחי׃
Psalms 148:14
14 וירם קרן לעמו תהלה לכל חסידיו לבני ישׂראל עם קרבו הללו יה׃
Genesis 15:1
1 אחר הדברים האלה היה דבר יהוה אל אברם במחזה לאמר אל תירא אברם אנכי מגן לך שׂכרך הרבה מאד׃
Deuteronomy 33:27-29
Psalms 44:4
4 (44:5) אתה הוא מלכי אלהים צוה ישׁועות יעקב׃
Psalms 47:9
9 (47:10) נדיבי עמים נאספו עם אלהי אברהם כי לאלהים מגני ארץ מאד נעלה׃
Psalms 62:1-2
Psalms 62:6
6 (62:7) אך הוא צורי וישׁועתי משׂגבי לא אמוט׃
Psalms 71:22
22 גם אני אודך בכלי נבל אמתך אלהי אזמרה לך בכנור קדושׁ ישׂראל׃
Psalms 84:11
11 (84:12) כי שׁמשׁ ומגן יהוה אלהים חן וכבוד יתן יהוה לא ימנע טוב להלכים בתמים׃
Psalms 91:1-2
Isaiah 1:4
4 הוי גוי חטא עם כבד עון זרע מרעים בנים משׁחיתים עזבו את יהוה נאצו את קדושׁ ישׂראל נזרו אחור׃
Isaiah 12:6
6 צהלי ורני יושׁבת ציון כי גדול בקרבך קדושׁ ישׂראל׃
Isaiah 29:19
19 ויספו ענוים ביהוה שׂמחה ואביוני אדם בקדושׁ ישׂראל יגילו׃
Isaiah 30:11
11 סורו מני דרך הטו מני ארח השׁביתו מפנינו את קדושׁ ישׂראל׃
Isaiah 33:22
22 כי יהוה שׁפטנו יהוה מחקקנו יהוה מלכנו הוא יושׁיענו׃
Isaiah 43:3
3 כי אני יהוה אלהיך קדושׁ ישׂראל מושׁיעך נתתי כפרך מצרים כושׁ וסבא תחתיך׃
Isaiah 43:14
14 כה אמר יהוה גאלכם קדושׁ ישׂראל למענכם שׁלחתי בבלה והורדתי בריחים כלם וכשׂדים באניות רנתם׃
1 Samuel 16:1
1 ויאמר יהוה אל שׁמואל עד מתי אתה מתאבל אל שׁאול ואני מאסתיו ממלך על ישׂראל מלא קרנך שׁמן ולך אשׁלחך אל ישׁי בית הלחמי כי ראיתי בבניו לי מלך׃
1 Samuel 16:18
18 ויען אחד מהנערים ויאמר הנה ראיתי בן לישׁי בית הלחמי ידע נגן וגבור חיל ואישׁ מלחמה ונבון דבר ואישׁ תאר ויהוה עמו׃
2 Samuel 7:8-17
8 ועתה כה תאמר לעבדי לדוד כה אמר יהוה צבאות אני לקחתיך מן הנוה מאחר הצאן להיות נגיד על עמי על ישׂראל׃9 ואהיה עמך בכל אשׁר הלכת ואכרתה את כל איביך מפניך ועשׂתי לך שׁם גדול כשׁם הגדלים אשׁר בארץ׃10 ושׂמתי מקום לעמי לישׂראל ונטעתיו ושׁכן תחתיו ולא ירגז עוד ולא יסיפו בני עולה לענותו כאשׁר בראשׁונה׃11 ולמן היום אשׁר צויתי שׁפטים על עמי ישׂראל והניחתי לך מכל איביך והגיד לך יהוה כי בית יעשׂה לך יהוה׃12 כי ימלאו ימיך ושׁכבת את אבתיך והקימתי את זרעך אחריך אשׁר יצא ממעיך והכינתי את ממלכתו׃13 הוא יבנה בית לשׁמי וכננתי את כסא ממלכתו עד עולם׃14 אני אהיה לו לאב והוא יהיה לי לבן אשׁר בהעותו והכחתיו בשׁבט אנשׁים ובנגעי בני אדם׃15 וחסדי לא יסור ממנו כאשׁר הסרתי מעם שׁאול אשׁר הסרתי מלפניך׃16 ונאמן ביתך וממלכתך עד עולם לפניך כסאך יהיה נכון עד עולם׃17 ככל הדברים האלה וככל החזיון הזה כן דבר נתן אל דוד׃
2 Samuel 17:10
10 והוא גם בן חיל אשׁר לבו כלב האריה המס ימס כי ידע כל ישׂראל כי גבור אביך ובני חיל אשׁר אתו׃
1 Kings 11:34
34 ולא אקח את כל הממלכה מידו כי נשׂיא אשׁתנו כל ימי חייו למען דוד עבדי אשׁר בחרתי אתו אשׁר שׁמר מצותי וחקתי׃
Psalms 42:3
3 (42:4) היתה לי דמעתי לחם יומם ולילה באמר אלי כל היום איה אלהיך׃
Psalms 89:3
3 (89:4) כרתי ברית לבחירי נשׁבעתי לדוד עבדי׃
Isaiah 9:6
6 (9:5) כי ילד ילד לנו בן נתן לנו ותהי המשׂרה על שׁכמו ויקרא שׁמו פלא יועץ אל גבור אביעד שׂר שׁלום׃
Jeremiah 30:21
21 והיה אדירו ממנו ומשׁלו מקרבו יצא והקרבתיו ונגשׁ אלי כי מי הוא זה ערב את לבו לגשׁת אלי נאם יהוה׃
1 Samuel 16:12-13
Isaiah 61:1-3
2 Samuel 7:8-16
Psalms 18:32-39
32 (18:33) האל המאזרני חיל ויתן תמים דרכי׃33 (18:34) משׁוה רגלי כאילות ועל במתי יעמידני׃34 (18:35) מלמד ידי למלחמה ונחתה קשׁת נחושׁה זרועתי׃35 (18:36) ותתן לי מגן ישׁעך וימינך תסעדני וענותך תרבני׃36 (18:37) תרחיב צעדי תחתי ולא מעדו קרסלי׃37 (18:38) ארדוף אויבי ואשׂיגם ולא אשׁוב עד כלותם׃38 (18:39) אמחצם ולא יכלו קום יפלו תחת רגלי׃39 (18:40) ותאזרני חיל למלחמה תכריע קמי תחתי׃
Psalms 80:15-17
Isaiah 41:10
10 אל תירא כי עמך אני אל תשׁתע כי אני אלהיך אמצתיך אף עזרתיך אף תמכתיך בימין צדקי׃
Isaiah 49:8
8 כה אמר יהוה בעת רצון עניתיך וביום ישׁועה עזרתיך ואצרך ואתנך לברית עם להקים ארץ להנחיל נחלות שׁממות׃
Ezekiel 30:24-25
Zechariah 10:12
12 וגברתים ביהוה ובשׁמו יתהלכו נאם יהוה׃
2 Samuel 7:10
10 ושׂמתי מקום לעמי לישׂראל ונטעתיו ושׁכן תחתיו ולא ירגז עוד ולא יסיפו בני עולה לענותו כאשׁר בראשׁונה׃
1 Chronicles 17:9
9 ושׂמתי מקום לעמי ישׂראל ונטעתיהו ושׁכן תחתיו ולא ירגז עוד ולא יוסיפו בני עולה לבלתו כאשׁר בראשׁונה׃
2 Samuel 3:1
1 ותהי המלחמה ארכה בין בית שׁאול ובין בית דוד ודוד הלך וחזק ובית שׁאול הלכים ודלים׃
2 Samuel 7:1
1 ויהי כי ישׁב המלך בביתו ויהוה הניח לו מסביב מכל איביו׃
2 Samuel 7:9
9 ואהיה עמך בכל אשׁר הלכת ואכרתה את כל איביך מפניך ועשׂתי לך שׁם גדול כשׁם הגדלים אשׁר בארץ׃
2 Samuel 22:40-44
Psalms 2:1-6
Psalms 18:40
40 (18:41) ואיבי נתתה לי ערף ומשׂנאי אצמיתם׃
Psalms 21:8-9
Psalms 109:3-110:1
3 ודברי שׂנאה סבבוני וילחמוני חנם׃
Psalms 132:18
18 אויביו אלבישׁ בשׁת ועליו יציץ נזרו׃
Psalms 20:1
1 למנצח מזמור לדוד׃ (20:2) יענך יהוה ביום צרה ישׂגבך שׁם אלהי יעקב׃
Psalms 20:5
5 (20:6) נרננה בישׁועתך ובשׁם אלהינו נדגל ימלא יהוה כל משׁאלותיך׃
Psalms 61:7
7 (61:8) ישׁב עולם לפני אלהים חסד ואמת מן ינצרהו׃
Psalms 89:2-5
Psalms 89:16-17
Psalms 91:14
14 כי בי חשׁק ואפלטהו אשׂגבהו כי ידע שׁמי׃
1 Kings 4:21
21 (5:1) ושׁלמה היה מושׁל בכל הממלכות מן הנהר ארץ פלשׁתים ועד גבול מצרים מגשׁים מנחה ועבדים את שׁלמה כל ימי חייו׃
Psalms 2:8
8 שׁאל ממני ואתנה גוים נחלתך ואחזתך אפסי ארץ׃
Psalms 72:8-11
Psalms 80:11
11 (80:12) תשׁלח קצירה עד ים ואל נהר יונקותיה׃
2 Samuel 7:14
14 אני אהיה לו לאב והוא יהיה לי לבן אשׁר בהעותו והכחתיו בשׁבט אנשׁים ובנגעי בני אדם׃
2 Samuel 22:47
47 חי יהוה וברוך צורי וירם אלהי צור ישׁעי׃
Psalms 18:46
46 (18:47) חי יהוה וברוך צורי וירום אלוהי ישׁעי׃
Psalms 43:4
4 ואבואה אל מזבח אלהים אל אל שׂמחת גילי ואודך בכנור אלהים אלהי׃
Psalms 62:2
2 (62:3) אך הוא צורי וישׁועתי משׂגבי לא אמוט רבה׃
Psalms 62:6-7
Psalms 95:1
1 לכו נרננה ליהוה נריעה לצור ישׁענו׃
Isaiah 50:7-9
Exodus 4:22
22 ואמרת אל פרעה כה אמר יהוה בני בכרי ישׂראל׃
Numbers 24:7
7 יזל מים מדליו וזרעו במים רבים וירם מאגג מלכו ותנשׂא מלכתו׃
2 Chronicles 1:12
12 החכמה והמדע נתון לך ועשׁר ונכסים וכבוד אתן לך אשׁר לא היה כן למלכים אשׁר לפניך ואחריך לא יהיה כן׃
2 Chronicles 9:23-24
Psalms 2:7
7 אספרה אל חק יהוה אמר אלי בני אתה אני היום ילדתיך׃
Psalms 2:10-12
Psalms 72:11
11 וישׁתחוו לו כל מלכים כל גוים יעבדוהו׃
Isaiah 49:7
7 כה אמר יהוה גאל ישׂראל קדושׁו לבזה נפשׁ למתעב גוי לעבד משׁלים מלכים יראו וקמו שׂרים וישׁתחוו למען יהוה אשׁר נאמן קדשׁ ישׂראל ויבחרך׃
Psalms 89:33-34
Psalms 111:5
5 טרף נתן ליראיו יזכר לעולם בריתו׃
Psalms 111:9
9 פדות שׁלח לעמו צוה לעולם בריתו קדושׁ ונורא שׁמו׃
Isaiah 54:10
10 כי ההרים ימושׁו והגבעות תמוטנה וחסדי מאתך לא ימושׁ וברית שׁלומי לא תמוט אמר מרחמך יהוה׃
Deuteronomy 11:21
21 למען ירבו ימיכם וימי בניכם על האדמה אשׁר נשׁבע יהוה לאבתיכם לתת להם כימי השׁמים על הארץ׃
1 Chronicles 17:11-12
Psalms 21:4
4 (21:5) חיים שׁאל ממך נתתה לו ארך ימים עולם ועד׃
Psalms 45:6
6 (45:7) כסאך אלהים עולם ועד שׁבט מישׁר שׁבט מלכותך׃
Psalms 89:4
4 (89:5) עד עולם אכין זרעך ובניתי לדר ודור כסאך סלה׃
Isaiah 9:7
7 (9:6) לםרבה המשׂרה ולשׁלום אין קץ על כסא דוד ועל ממלכתו להכין אתה ולסעדה במשׁפט ובצדקה מעתה ועד עולם קנאת יהוה צבאות תעשׂה זאת׃
Isaiah 59:21
21 ואני זאת בריתי אותם אמר יהוה רוחי אשׁר עליך ודברי אשׁר שׂמתי בפיך לא ימושׁו מפיך ומפי זרעך ומפי זרע זרעך אמר יהוה מעתה ועד עולם׃
Jeremiah 33:17-26
17 כי כה אמר יהוה לא יכרת לדוד אישׁ ישׁב על כסא בית ישׂראל׃18 ולכהנים הלוים לא יכרת אישׁ מלפני מעלה עולה ומקטיר מנחה ועשׂה זבח כל הימים׃19 ויהי דבר יהוה אל ירמיהו לאמור׃20 כה אמר יהוה אם תפרו את בריתי היום ואת בריתי הלילה ולבלתי היות יומם ולילה בעתם׃21 גם בריתי תפר את דוד עבדי מהיות לו בן מלך על כסאו ואת הלוים הכהנים משׁרתי׃22 אשׁר לא יספר צבא השׁמים ולא ימד חול הים כן ארבה את זרע דוד עבדי ואת הלוים משׁרתי אתי׃23 ויהי דבר יהוה אל ירמיהו לאמר׃24 הלוא ראית מה העם הזה דברו לאמר שׁתי המשׁפחות אשׁר בחר יהוה בהם וימאסם ואת עמי ינאצון מהיות עוד גוי לפניהם׃25 כה אמר יהוה אם לא בריתי יומם ולילה חקות שׁמים וארץ לא שׂמתי׃26 גם זרע יעקוב ודוד עבדי אמאס מקחת מזרעו משׁלים אל זרע אברהם ישׂחק ויעקב כי אשׁוב את שׁבותם ורחמתים׃
Ezekiel 37:24-25
Daniel 2:44
44 וביומיהון די מלכיא אנון יקים אלה שׁמיא מלכו די לעלמין לא תתחבל ומלכותה לעם אחרן לא תשׁתבק תדק ותסיף כל אלין מלכותא והיא תקום לעלמיא׃
1 Chronicles 28:9
9 ואתה שׁלמה בני דע את אלהי אביך ועבדהו בלב שׁלם ובנפשׁ חפצה כי כל לבבות דורשׁ יהוה וכל יצר מחשׁבות מבין אם תדרשׁנו ימצא לך ואם תעזבנו יזניחך לעד׃
2 Chronicles 7:17-22
17 ואתה אם תלך לפני כאשׁר הלך דויד אביך ולעשׂות ככל אשׁר צויתיך וחקי ומשׁפטי תשׁמור׃18 והקימותי את כסא מלכותך כאשׁר כרתי לדויד אביך לאמר לא יכרת לך אישׁ מושׁל בישׂראל׃19 ואם תשׁובון אתם ועזבתם חקותי ומצותי אשׁר נתתי לפניכם והלכתם ועבדתם אלהים אחרים והשׁתחויתם׃20 ונתשׁתים מעל אדמתי אשׁר נתתי להם ואת הבית הזה אשׁר הקדשׁתי לשׁמי אשׁליך מעל פני ואתננו למשׁל ולשׁנינה בכל העמים׃21 והבית הזה אשׁר היה עליון לכל עבר עליו ישׁם ואמר במה עשׂה יהוה ככה לארץ הזאת ולבית הזה׃22 ואמרו על אשׁר עזבו את יהוה אלהי אבתיהם אשׁר הוציאם מארץ מצרים ויחזיקו באלהים אחרים וישׁתחוו להם ויעבדום על כן הביא עליהם את כל הרעה הזאת׃
Psalms 119:53
53 זלעפה אחזתני מרשׁעים עזבי תורתך׃
Proverbs 4:2
2 כי לקח טוב נתתי לכם תורתי אל תעזבו׃
Proverbs 28:4
4 עזבי תורה יהללו רשׁע ושׁמרי תורה יתגרו׃
Jeremiah 9:13-16
13 (9:12) ויאמר יהוה על עזבם את תורתי אשׁר נתתי לפניהם ולא שׁמעו בקולי ולא הלכו׃14 (9:13) וילכו אחרי שׁררות לבם ואחרי הבעלים אשׁר למדום אבותם׃15 (9:14) לכן כה אמר יהוה צבאות אלהי ישׂראל הנני מאכילם את העם הזה לענה והשׁקיתים מי ראשׁ׃16 (9:15) והפצותים בגוים אשׁר לא ידעו המה ואבותם ושׁלחתי אחריהם את החרב עד כלותי אותם׃
Ezekiel 18:9
9 בחקותי יהלך ומשׁפטי שׁמר לעשׂות אמת צדיק הוא חיה יחיה נאם אדני יהוה׃
Ezekiel 18:17
17 מעני השׁיב ידו נשׁך ותרבית לא לקח משׁפטי עשׂה בחקותי הלך הוא לא ימות בעון אביו חיה יחיה׃
Ezekiel 20:19
19 אני יהוה אלהיכם בחקותי לכו ואת משׁפטי שׁמרו ועשׂו אותם׃
Psalms 55:20
20 (55:21) שׁלח ידיו בשׁלמיו חלל בריתו׃
Exodus 32:34
34 ועתה לך נחה את העם אל אשׁר דברתי לך הנה מלאכי ילך לפניך וביום פקדי ופקדתי עלהם חטאתם׃
1 Kings 11:6
6 ויעשׂ שׁלמה הרע בעיני יהוה ולא מלא אחרי יהוה כדוד אביו׃
1 Kings 11:14
14 ויקם יהוה שׂטן לשׁלמה את הדד האדמי מזרע המלך הוא באדום׃
1 Kings 11:31
31 ויאמר לירבעם קח לך עשׂרה קרעים כי כה אמר יהוה אלהי ישׂראל הנני קרע את הממלכה מיד שׁלמה ונתתי לך את עשׂרה השׁבטים׃
1 Kings 11:39
39 ואענה את זרע דוד למען זאת אך לא כל הימים׃
Job 9:34
34 יסר מעלי שׁבטו ואמתו אל תבעתני׃
Proverbs 3:11-12
Amos 3:2
2 רק אתכם ידעתי מכל משׁפחות האדמה על כן אפקד עליכם את כל עונתיכם׃
1 Samuel 15:29
29 וגם נצח ישׂראל לא ישׁקר ולא ינחם כי לא אדם הוא להנחם׃
2 Samuel 7:13
13 הוא יבנה בית לשׁמי וכננתי את כסא ממלכתו עד עולם׃
2 Samuel 7:15
15 וחסדי לא יסור ממנו כאשׁר הסרתי מעם שׁאול אשׁר הסרתי מלפניך׃
1 Kings 11:13
13 רק את כל הממלכה לא אקרע שׁבט אחד אתן לבנך למען דוד עבדי ולמען ירושׁלם אשׁר בחרתי׃
1 Kings 11:32
32 והשׁבט האחד יהיה לו למען עבדי דוד ולמען ירושׁלם העיר אשׁר בחרתי בה מכל שׁבטי ישׂראל׃
1 Kings 11:36
36 ולבנו אתן שׁבט אחד למען היות ניר לדויד עבדי כל הימים לפני בירושׁלם העיר אשׁר בחרתי לי לשׂום שׁמי שׁם׃
Isaiah 54:8-10
Lamentations 3:31-32
Leviticus 26:44
44 ואף גם זאת בהיותם בארץ איביהם לא מאסתים ולא געלתים לכלתם להפר בריתי אתם כי אני יהוה אלהיהם׃
Jeremiah 14:21
21 אל תנאץ למען שׁמך אל תנבל כסא כבודך זכר אל תפר בריתך אתנו׃
Jeremiah 33:20
20 כה אמר יהוה אם תפרו את בריתי היום ואת בריתי הלילה ולבלתי היות יומם ולילה בעתם׃
Malachi 3:6
6 כי אני יהוה לא שׁניתי ואתם בני יעקב לא כליתם׃
Psalms 110:4
4 נשׁבע יהוה ולא ינחם אתה כהן לעולם על דברתי מלכי צדק׃
Amos 4:2
2 נשׁבע אדני יהוה בקדשׁו כי הנה ימים באים עליכם ונשׂא אתכם בצנות ואחריתכן בסירות דוגה׃
Amos 8:7
7 נשׁבע יהוה בגאון יעקב אם אשׁכח לנצח כל מעשׂיהם׃
2 Samuel 7:16
16 ונאמן ביתך וממלכתך עד עולם לפניך כסאך יהיה נכון עד עולם׃
Psalms 72:5
5 ייראוך עם שׁמשׁ ולפני ירח דור דורים׃
Isaiah 53:10
10 ויהוה חפץ דכאו החלי אם תשׂים אשׁם נפשׁו יראה זרע יאריך ימים וחפץ יהוה בידו יצלח׃
Genesis 1:14-18
14 ויאמר אלהים יהי מארת ברקיע השׁמים להבדיל בין היום ובין הלילה והיו לאתת ולמועדים ולימים ושׁנים׃15 והיו למאורת ברקיע השׁמים להאיר על הארץ ויהי כן׃16 ויעשׂ אלהים את שׁני המארת הגדלים את המאור הגדל לממשׁלת היום ואת המאור הקטן לממשׁלת הלילה ואת הכוכבים׃17 ויתן אתם אלהים ברקיע השׁמים להאיר על הארץ׃18 ולמשׁל ביום ובלילה ולהבדיל בין האור ובין החשׁך וירא אלהים כי טוב׃
Genesis 9:13-16
Psalms 72:7
7 יפרח בימיו צדיק ורב שׁלום עד בלי ירח׃
Psalms 104:19
19 עשׂה ירח למועדים שׁמשׁ ידע מבואו׃
Jeremiah 31:35-36
Deuteronomy 32:19
19 וירא יהוה וינאץ מכעס בניו ובנתיו׃
2 Samuel 1:21
21 הרי בגלבע אל טל ואל מטר עליכם ושׂדי תרומת כי שׁם נגעל מגן גבורים מגן שׁאול בלי משׁיח בשׁמן׃
2 Samuel 15:26
26 ואם כה יאמר לא חפצתי בך הנני יעשׂה לי כאשׁר טוב בעיניו׃
2 Chronicles 12:1-12
1 ויהי כהכין מלכות רחבעם וכחזקתו עזב את תורת יהוה וכל ישׂראל עמו׃2 ויהי בשׁנה החמישׁית למלך רחבעם עלה שׁישׁק מלך מצרים על ירושׁלם כי מעלו ביהוה׃3 באלף ומאתים רכב ובשׁשׁים אלף פרשׁים ואין מספר לעם אשׁר באו עמו ממצרים לובים סכיים וכושׁים׃4 וילכד את ערי המצרות אשׁר ליהודה ויבא עד ירושׁלם׃5 ושׁמעיה הנביא בא אל רחבעם ושׂרי יהודה אשׁר נאספו אל ירושׁלם מפני שׁישׁק ויאמר להם כה אמר יהוה אתם עזבתם אתי ואף אני עזבתי אתכם ביד שׁישׁק׃6 ויכנעו שׂרי ישׂראל והמלך ויאמרו צדיק יהוה׃7 ובראות יהוה כי נכנעו היה דבר יהוה אל שׁמעיה לאמר נכנעו לא אשׁחיתם ונתתי להם כמעט לפליטה ולא תתך חמתי בירושׁלם ביד שׁישׁק׃8 כי יהיו לו לעבדים וידעו עבודתי ועבודת ממלכות הארצות׃9 ויעל שׁישׁק מלך מצרים על ירושׁלם ויקח את אצרות בית יהוה ואת אצרות בית המלך את הכל לקח ויקח את מגני הזהב אשׁר עשׂה שׁלמה׃10 ויעשׂ המלך רחבעם תחתיהם מגני נחשׁת והפקיד על יד שׂרי הרצים השׁמרים פתח בית המלך׃11 ויהי מדי בוא המלך בית יהוה באו הרצים ונשׂאום והשׁבום אל תא הרצים׃12 ובהכנעו שׁב ממנו אף יהוה ולא להשׁחית לכלה וגם ביהודה היה דברים טובים׃
Psalms 44:9-26
9 (44:10) אף זנחת ותכלימנו ולא תצא בצבאותינו׃10 (44:11) תשׁיבנו אחור מני צר ומשׂנאינו שׁסו׃11 (44:12) תתננו כצאן מאכל ובגוים זריתנו׃12 (44:13) תמכר עמך בלא הון ולא רבית במחיריהם׃13 (44:14) תשׂימנו חרפה לשׁכנינו לעג וקלס לסביבותינו׃14 (44:15) תשׂימנו משׁל בגוים מנוד ראשׁ בל אמים׃15 (44:16) כל היום כלמתי נגדי ובשׁת פני כסתני׃16 (44:17) מקול מחרף ומגדף מפני אויב ומתנקם׃17 (44:18) כל זאת באתנו ולא שׁכחנוך ולא שׁקרנו בבריתך׃18 (44:19) לא נסוג אחור לבנו ותט אשׁרינו מני ארחך׃19 (44:20) כי דכיתנו במקום תנים ותכס עלינו בצלמות׃20 (44:21) אם שׁכחנו שׁם אלהינו ונפרשׂ כפינו לאל זר׃21 (44:22) הלא אלהים יחקר זאת כי הוא ידע תעלמות לב׃22 (44:23) כי עליך הרגנו כל היום נחשׁבנו כצאן טבחה׃23 (44:24) עורה למה תישׁן אדני הקיצה אל תזנח לנצח׃24 (44:25) למה פניך תסתיר תשׁכח ענינו ולחצנו׃25 (44:26) כי שׁחה לעפר נפשׁנו דבקה לארץ בטננו׃26 (44:27) קומה עזרתה לנו ופדנו למען חסדך׃
Psalms 60:1
1 למנצח על שׁושׁן עדות מכתם לדוד ללמד׃ (60:2) בהצותו את ארם נהרים ואת ארם צובה וישׁב יואב ויך את אדום בגיא מלח שׁנים עשׂר אלף׃ (60:3) אלהים זנחתנו פרצתנו אנפת תשׁובב
Psalms 60:10
10 (60:12) הלא אתה אלהים זנחתנו ולא תצא אלהים בצבאותינו׃
Psalms 77:7
7 (77:8) הלעולמים יזנח אדני ולא יסיף לרצות עוד׃
Psalms 78:59
59 שׁמע אלהים ויתעבר וימאס מאד בישׂראל׃
Psalms 84:9
9 (84:10) מגננו ראה אלהים והבט פני משׁיחך׃
Psalms 89:51
51 (89:52) אשׁר חרפו אויביך יהוה אשׁר חרפו עקבות משׁיחך׃
Psalms 106:40
40 ויחר אף יהוה בעמו ויתעב את נחלתו׃
Jeremiah 12:1
1 צדיק אתה יהוה כי אריב אליך אך משׁפטים אדבר אותך מדוע דרך רשׁעים צלחה שׁלו כל בגדי בגד׃
Lamentations 2:7
7 זנח אדני מזבחו נאר מקדשׁו הסגיר ביד אויב חומת ארמנותיה קול נתנו בבית יהוה כיום מועד׃
Lamentations 4:20
20 רוח אפינו משׁיח יהוה נלכד בשׁחיתותם אשׁר אמרנו בצלו נחיה בגוים׃
Hosea 9:17
17 ימאסם אלהי כי לא שׁמעו לו ויהיו נדדים בגוים׃
Zechariah 11:8
8 ואכחד את שׁלשׁת הרעים בירח אחד ותקצר נפשׁי בהם וגם נפשׁם בחלה׃
Zechariah 13:7
7 חרב עורי על רעי ועל גבר עמיתי נאם יהוה צבאות הך את הרעה ותפוצין הצאן והשׁבתי ידי על הצערים׃
Psalms 74:7
7 שׁלחו באשׁ מקדשׁך לארץ חללו משׁכן שׁמך׃
Psalms 77:10
10 (77:11) ואמר חלותי היא שׁנות ימין עליון׃
Psalms 89:34-36
Psalms 89:44
44 (89:45) השׁבת מטהרו וכסאו לארץ מגרתה׃
Psalms 116:11
11 אני אמרתי בחפזי כל האדם כזב׃
Psalms 143:3
3 כי רדף אויב נפשׁי דכא לארץ חיתי הושׁיבני במחשׁכים כמתי עולם׃
Isaiah 25:12
12 ומבצר משׂגב חומתיך השׁח השׁפיל הגיע לארץ עד עפר׃
Isaiah 43:28
28 ואחלל שׂרי קדשׁ ואתנה לחרם יעקב וישׂראל לגדופים׃
Lamentations 5:16
16 נפלה עטרת ראשׁנו אוי נא לנו כי חטאנו׃
2 Chronicles 12:2-5
2 ויהי בשׁנה החמישׁית למלך רחבעם עלה שׁישׁק מלך מצרים על ירושׁלם כי מעלו ביהוה׃3 באלף ומאתים רכב ובשׁשׁים אלף פרשׁים ואין מספר לעם אשׁר באו עמו ממצרים לובים סכיים וכושׁים׃4 וילכד את ערי המצרות אשׁר ליהודה ויבא עד ירושׁלם׃5 ושׁמעיה הנביא בא אל רחבעם ושׂרי יהודה אשׁר נאספו אל ירושׁלם מפני שׁישׁק ויאמר להם כה אמר יהוה אתם עזבתם אתי ואף אני עזבתי אתכם ביד שׁישׁק׃
2 Chronicles 15:5
5 ובעתים ההם אין שׁלום ליוצא ולבא כי מהומת רבות על כל יושׁבי הארצות׃
Job 1:10
10 הלא את שׂכת בעדו ובעד ביתו ובעד כל אשׁר לו מסביב מעשׂה ידיו ברכת ומקנהו פרץ בארץ׃
Psalms 80:12
12 (80:13) למה פרצת גדריה וארוה כל עברי דרך׃
Isaiah 5:5-6
Lamentations 2:2
2 בלע אדני לא חמל את כל נאות יעקב הרס בעברתו מבצרי בת יהודה הגיע לארץ חלל ממלכה ושׂריה׃
Lamentations 2:5
5 היה אדני כאויב בלע ישׂראל בלע כל ארמנותיה שׁחת מבצריו וירב בבת יהודה תאניה ואניה׃
Deuteronomy 28:37
37 והיית לשׁמה למשׁל ולשׁנינה בכל העמים אשׁר ינהגך יהוה שׁמה׃
Nehemiah 5:9
9 ויאמר לא טוב הדבר אשׁר אתם עשׂים הלוא ביראת אלהינו תלכו מחרפת הגוים אויבינו׃
Psalms 44:10-14
Psalms 74:10
10 עד מתי אלהים יחרף צר ינאץ אויב שׁמך לנצח׃
Psalms 79:4
4 היינו חרפה לשׁכנינו לעג וקלס לסביבותינו׃
Psalms 80:13
13 (80:14) יכרסמנה חזיר מיער וזיז שׂדי ירענה׃
Isaiah 10:6
6 בגוי חנף אשׁלחנו ועל עם עברתי אצונו לשׁלל שׁלל ולבז בז ולשׂימו מרמס כחמר חוצות׃
Jeremiah 24:9
9 ונתתים לזועה לרעה לכל ממלכות הארץ לחרפה ולמשׁל לשׁנינה ולקללה בכל המקמות אשׁר אדיחם שׁם׃
Jeremiah 29:18
18 ורדפתי אחריהם בחרב ברעב ובדבר ונתתים לזועה לכל ממלכות הארץ לאלה ולשׁמה ולשׁרקה ולחרפה בכל הגוים אשׁר הדחתים שׁם׃
Jeremiah 42:18
18 כי כה אמר יהוה צבאות אלהי ישׂראל כאשׁר נתך אפי וחמתי על ישׁבי ירושׁלם כן תתך חמתי עליכם בבאכם מצרים והייתם לאלה ולשׁמה ולקללה ולחרפה ולא תראו עוד את המקום הזה׃
Jeremiah 44:8
8 להכעסני במעשׂי ידיכם לקטר לאלהים אחרים בארץ מצרים אשׁר אתם באים לגור שׁם למען הכרית לכם ולמען היותכם לקללה ולחרפה בכל גויי הארץ׃
Jeremiah 44:12
12 ולקחתי את שׁארית יהודה אשׁר שׂמו פניהם לבוא ארץ מצרים לגור שׁם ותמו כל בארץ מצרים יפלו בחרב ברעב יתמו מקטן ועד גדול בחרב וברעב ימתו והיו לאלה לשׁמה ולקללה ולחרפה׃
Jeremiah 50:17
17 שׂה פזורה ישׂראל אריות הדיחו הראשׁון אכלו מלך אשׁור וזה האחרון עצמו נבוכדראצר מלך בבל׃
Lamentations 5:1
1 זכר יהוה מה היה לנו הביט וראה את חרפתנו׃
Ezekiel 5:14-15
Daniel 9:16
16 אדני ככל צדקתך ישׁב נא אפך וחמתך מעירך ירושׁלם הר קדשׁך כי בחטאינו ובעונות אבתינו ירושׁלם ועמך לחרפה לכל סביבתינו׃
Leviticus 26:17
17 ונתתי פני בכם ונגפתם לפני איביכם ורדו בכם שׂנאיכם ונסתם ואין רדף אתכם׃
Leviticus 26:25
25 והבאתי עליכם חרב נקמת נקם ברית ונאספתם אל עריכם ושׁלחתי דבר בתוככם ונתתם ביד אויב׃
Deuteronomy 28:25
25 יתנך יהוה נגף לפני איביך בדרך אחד תצא אליו ובשׁבעה דרכים תנוס לפניו והיית לזעוה לכל ממלכות הארץ׃
Deuteronomy 28:43
43 הגר אשׁר בקרבך יעלה עליך מעלה מעלה ואתה תרד מטה מטה׃
Psalms 13:2
2 (13:3) עד אנה אשׁית עצות בנפשׁי יגון בלבבי יומם עד אנה ירום איבי עלי׃
Psalms 80:6
6 (80:7) תשׂימנו מדון לשׁכנינו ואיבינו ילעגו׃
Lamentations 2:17
17 עשׂה יהוה אשׁר זמם בצע אמרתו אשׁר צוה מימי קדם הרס ולא חמל וישׂמח עליך אויב הרים קרן צריך׃
Leviticus 26:36-37
Numbers 14:42
42 אל תעלו כי אין יהוה בקרבכם ולא תנגפו לפני איביכם׃
Numbers 14:45
45 וירד העמלקי והכנעני הישׁב בהר ההוא ויכום ויכתום עד החרמה׃
Joshua 7:4-5
Joshua 7:8-12
8 בי אדני מה אמר אחרי אשׁר הפך ישׂראל ערף לפני איביו׃9 וישׁמעו הכנעני וכל ישׁבי הארץ ונסבו עלינו והכריתו את שׁמנו מן הארץ ומה תעשׂה לשׁמך הגדול׃10 ויאמר יהוה אל יהושׁע קם לך למה זה אתה נפל על פניך׃11 חטא ישׂראל וגם עברו את בריתי אשׁר צויתי אותם וגם לקחו מן החרם וגם גנבו וגם כחשׁו וגם שׂמו בכליהם׃12 ולא יכלו בני ישׂראל לקום לפני איביהם ערף יפנו לפני איביהם כי היו לחרם לא אוסיף להיות עמכם אם לא תשׁמידו החרם מקרבכם׃
2 Chronicles 25:8
8 כי אם בא אתה עשׂה חזק למלחמה יכשׁילך האלהים לפני אויב כי ישׁ כח באלהים לעזור ולהכשׁיל׃
Psalms 44:10
10 (44:11) תשׁיבנו אחור מני צר ומשׂנאינו שׁסו׃
Ezekiel 30:21-25
1 Samuel 4:21-22
1 Kings 12:16-20
16 וירא כל ישׂראל כי לא שׁמע המלך אליהם וישׁבו העם את המלך דבר לאמר מה לנו חלק בדוד ולא נחלה בבן ישׁי לאהליך ישׂראל עתה ראה ביתך דוד וילך ישׂראל לאהליו׃17 ובני ישׂראל הישׁבים בערי יהודה וימלך עליהם רחבעם׃18 וישׁלח המלך רחבעם את אדרם אשׁר על המס וירגמו כל ישׂראל בו אבן וימת והמלך רחבעם התאמץ לעלות במרכבה לנוס ירושׁלם׃19 ויפשׁעו ישׂראל בבית דוד עד היום הזה׃20 ויהי כשׁמע כל ישׂראל כי שׁב ירבעם וישׁלחו ויקראו אתו אל העדה וימליכו אתו על כל ישׂראל לא היה אחרי בית דוד זולתי שׁבט יהודה לבדו׃
1 Kings 14:25-28
Lamentations 4:1-2
Daniel 7:20-25
20 ועל קרניא עשׂר די בראשׁה ואחרי די סלקת ונפלו מן קדמיה תלת וקרנא דכן ועינין לה ופם ממלל רברבן וחזוה רב מן חברתה׃21 חזה הוית וקרנא דכן עבדה קרב עם קדישׁין ויכלה׃22 עד די אתה עתיק יומיא ודינא יהב לקדישׁי עליונין וזמנא מטה ומלכותא החסנו קדישׁין׃23 כן אמר חיותא רביעיתא מלכו רביעיא תהוא בארעא די תשׁנא מן כל מלכותא ותאכל כל ארעא ותדושׁנה ותדקנה׃24 וקרניא עשׂר מנה מלכותה עשׂרה מלכין יקמון ואחרן יקום אחריהון והוא ישׁנא מן קדמיא ותלתה מלכין יהשׁפל׃25 ומלין לצד עליא ימלל ולקדישׁי עליונין יבלא ויסבר להשׁניה זמנין ודת ויתיהבון בידה עד עדן ועדנין ופלג עדן׃
2 Chronicles 10:19
19 ויפשׁעו ישׂראל בבית דויד עד היום הזה׃
Psalms 44:15
15 (44:16) כל היום כלמתי נגדי ובשׁת פני כסתני׃
Psalms 71:13
13 יבשׁו יכלו שׂטני נפשׁי יעטו חרפה וכלמה מבקשׁי רעתי׃
Psalms 89:28-29
Psalms 102:23
23 (102:24) ענה בדרך כחו קצר ימי׃
Psalms 109:29
29 ילבשׁו שׂוטני כלמה ויעטו כמעיל בשׁתם׃
Isaiah 63:18
18 למצער ירשׁו עם קדשׁך צרינו בוססו מקדשׁך׃
Micah 7:10
10 ותרא איבתי ותכסה בושׁה האמרה אלי איו יהוה אלהיך עיני תראינה בה עתה תהיה למרמס כטיט חוצות׃
Job 23:9
9 שׂמאול בעשׂתו ולא אחז יעטף ימין ולא אראה׃
Psalms 10:1
1 למה יהוה תעמד ברחוק תעלים לעתות בצרה׃
Psalms 13:1-2
Psalms 78:63
63 בחוריו אכלה אשׁ ובתולתיו לא הוללו׃
Psalms 79:5
5 עד מה יהוה תאנף לנצח תבער כמו אשׁ קנאתך׃
Psalms 85:5
5 (85:6) הלעולם תאנף בנו תמשׁך אפך לדר ודר׃
Psalms 88:14
14 (88:15) למה יהוה תזנח נפשׁי תסתיר פניך ממני׃
Psalms 90:13
13 שׁובה יהוה עד מתי והנחם על עבדיך׃
Isaiah 8:17
17 וחכיתי ליהוה המסתיר פניו מבית יעקב וקויתי׃
Isaiah 45:15
15 אכן אתה אל מסתתר אלהי ישׂראל מושׁיע׃
Jeremiah 4:4
4 המלו ליהוה והסרו ערלות לבבכם אישׁ יהודה וישׁבי ירושׁלם פן תצא כאשׁ חמתי ובערה ואין מכבה מפני רע מעלליכם׃
Jeremiah 21:12
12 בית דוד כה אמר יהוה דינו לבקר משׁפט והצילו גזול מיד עושׁק פן תצא כאשׁ חמתי ובערה ואין מכבה מפני רע מעלליהם׃
Hosea 5:15
15 אלך אשׁובה אל מקומי עד אשׁר יאשׁמו ובקשׁו פני בצר להם ישׁחרנני׃
Job 7:7
7 זכר כי רוח חיי לא תשׁוב עיני לראות טוב׃
Job 9:25-26
Job 10:9
9 זכר נא כי כחמר עשׂיתני ואל עפר תשׁיבני׃
Job 14:1
1 אדם ילוד אשׁה קצר ימים ושׂבע רגז׃
Psalms 39:5-6
Psalms 119:84
84 כמה ימי עבדך מתי תעשׂה ברדפי משׁפט׃
Psalms 144:4
4 אדם להבל דמה ימיו כצל עובר׃
Job 30:23
23 כי ידעתי מות תשׁיבני ובית מועד לכל חי׃
Psalms 22:29
29 (22:30) אכלו וישׁתחוו כל דשׁני ארץ לפניו יכרעו כל יורדי עפר ונפשׁו לא חיה׃
Psalms 49:7-9
Psalms 49:15
15 (49:16) אך אלהים יפדה נפשׁי מיד שׁאול כי יקחני סלה׃
Ecclesiastes 3:19-20
Ecclesiastes 8:8
8 אין אדם שׁליט ברוח לכלוא את הרוח ואין שׁלטון ביום המות ואין משׁלחת במלחמה ולא ימלט רשׁע את בעליו׃
Ecclesiastes 9:5
5 כי החיים יודעים שׁימתו והמתים אינם יודעים מאומה ואין עוד להם שׂכר כי נשׁכח זכרם׃
Ecclesiastes 12:7
7 וישׁב העפר על הארץ כשׁהיה והרוח תשׁוב אל האלהים אשׁר נתנה׃
Psalms 54:5
5 (54:7) ישׁוב הרע לשׁררי באמתך הצמיתם׃
Psalms 77:9-10
Psalms 89:3-4
Psalms 89:35
35 (89:36) אחת נשׁבעתי בקדשׁי אם לדוד אכזב׃
Psalms 132:11-12
Isaiah 63:7-15
7 חסדי יהוה אזכיר תהלת יהוה כעל כל אשׁר גמלנו יהוה ורב טוב לבית ישׂראל אשׁר גמלם כרחמיו וכרב חסדיו׃8 ויאמר אך עמי המה בנים לא ישׁקרו ויהי להם למושׁיע׃9 בכל צרתם לא צר ומלאך פניו הושׁיעם באהבתו ובחמלתו הוא גאלם וינטלם וינשׂאם כל ימי עולם׃10 והמה מרו ועצבו את רוח קדשׁו ויהפך להם לאויב הוא נלחם׃11 ויזכר ימי עולם משׁה עמו איה המעלם מים את רעי צאנו איה השׂם בקרבו את רוח קדשׁו׃12 מוליך לימין משׁה זרוע תפארתו בוקע מים מפניהם לעשׂות לו שׁם עולם׃13 מוליכם בתהמות כסוס במדבר לא יכשׁלו׃14 כבהמה בבקעה תרד רוח יהוה תניחנו כן נהגת עמך לעשׂות לך שׁם תפארת׃15 הבט משׁמים וראה מזבל קדשׁך ותפארתך איה קנאתך וגבורתך המון מעיך ורחמיך אלי התאפקו׃
Psalms 44:13-16
Psalms 69:9
9 (69:10) כי קנאת ביתך אכלתני וחרפות חורפיך נפלו עלי׃
Psalms 69:19-20
Psalms 74:18
18 זכר זאת אויב חרף יהוה ועם נבל נאצו שׁמך׃
Psalms 74:22
22 קומה אלהים ריבה ריבך זכר חרפתך מני נבל כל היום׃
Psalms 79:10-12
2 Samuel 16:7-8
Psalms 56:5-6
Psalms 57:3
3 (57:4) ישׁלח משׁמים ויושׁיעני חרף שׁאפי סלה ישׁלח אלהים חסדו ואמתו׃
Nehemiah 9:5
5 ויאמרו הלוים ישׁוע וקדמיאל בני חשׁבניה שׁרביה הודיה שׁבניה פתחיה קומו ברכו את יהוה אלהיכם מן העולם עד העולם ויברכו שׁם כבודך ומרומם על כל ברכה ותהלה׃
Psalms 41:13
13 (41:14) ברוך יהוה אלהי ישׂראל מהעולם ועד העולם אמן ואמן׃
Psalms 72:18-19
Psalms 106:48
48 ברוך יהוה אלהי ישׂראל מן העולם ועד העולם ואמר כל העם אמן הללו יה׃