1 John 4:1 Cross References - Vulgate

¹ carissimi nolite omni spiritui credere sed probate spiritus si ex Deo sint quoniam multi pseudoprophetae exierunt in mundum

¹ si surrexerit in medio tui prophetes aut qui somnium vidisse se dicat et praedixerit signum atque portentum ² et evenerit quod locutus est et dixerit tibi eamus et sequamur deos alienos quos ignoras et serviamus eis ³ non audies verba prophetae illius aut somniatoris quia temptat vos Dominus Deus vester ut palam fiat utrum diligatis eum an non in toto corde et in tota anima vestra ⁴ Dominum Deum vestrum sequimini et ipsum timete mandata illius custodite et audite vocem eius ipsi servietis et ipsi adherebitis ⁵ propheta autem ille aut fictor somniorum interficietur quia locutus est ut vos averteret a Domino Deo vestro qui eduxit vos de terra Aegypti et redemit de domo servitutis ut errare te faceret de via quam tibi praecepit Dominus Deus tuus et auferes malum de medio tui

¹⁵ innocens credit omni verbo astutus considerat gressus suos

³¹ prophetae prophetabant mendacium et sacerdotes adplaudebant manibus suis et populus meus dilexit talia quid igitur fiet in novissimo eius

⁸ haec enim dicit Dominus exercituum Deus Israhel non vos inducant prophetae vestri qui sunt in medio vestrum et divini vestri et ne adtendatis ad somnia vestra quae vos somniatis ⁹ quia falso ipsi prophetant vobis in nomine meo et non misi eos dicit Dominus

¹⁵ adtendite a falsis prophetis qui veniunt ad vos in vestimentis ovium intrinsecus autem sunt lupi rapaces ¹⁶ a fructibus eorum cognoscetis eos numquid colligunt de spinis uvas aut de tribulis ficus

⁴ et respondens Iesus dixit eis videte ne quis vos seducat ⁵ multi enim venient in nomine meo dicentes ego sum Christus et multos seducent

²³ tunc si quis vobis dixerit ecce hic Christus aut illic nolite credere ²⁴ surgent enim pseudochristi et pseudoprophetae et dabunt signa magna et prodigia ita ut in errorem inducantur si fieri potest etiam electi ²⁵ ecce praedixi vobis ²⁶ si ergo dixerint vobis ecce in deserto est nolite exire ecce in penetrabilibus nolite credere

²¹ et tunc si quis vobis dixerit ecce hic est Christus ecce illic ne credideritis

⁵⁷ quid autem et a vobis ipsis non iudicatis quod iustum est

⁸ qui dixit videte ne seducamini multi enim venient in nomine meo dicentes quia ego sum et tempus adpropinquavit nolite ergo ire post illos

¹¹ hii autem erant nobiliores eorum qui sunt Thessalonicae qui susceperunt verbum cum omni aviditate cotidie scrutantes scripturas si haec ita se haberent

²⁹ ego scio quoniam intrabunt post discessionem meam lupi graves in vos non parcentes gregi

¹⁸ huiusmodi enim Christo Domino nostro non serviunt sed suo ventri et per dulces sermones et benedictiones seducunt corda innocentium ¹⁹ vestra enim oboedientia in omnem locum divulgata est gaudeo igitur in vobis sed volo vos sapientes esse in bono et simplices in malo

¹⁰ alii operatio virtutum alii prophetatio alii discretio spirituum alii genera linguarum alii interpretatio sermonum

²⁹ prophetae duo aut tres dicant et ceteri diiudicent

²¹ omnia autem probate quod bonum est tenete

¹ Spiritus autem manifeste dicit quia in novissimis temporibus discedent quidam a fide adtendentes spiritibus erroris et doctrinis daemoniorum

¹³ mali autem homines et seductores proficient in peius errantes et in errorem mittentes

¹ fuerunt vero et pseudoprophetae in populo sicut et in vobis erunt magistri mendaces qui introducent sectas perditionis et eum qui emit eos Dominum negant superducentes sibi celerem perditionem

¹⁸ filioli novissima hora est et sicut audistis quia antichristus venit nunc antichristi multi facti sunt unde scimus quoniam novissima hora est

⁷ quoniam multi seductores exierunt in mundum qui non confitentur Iesum Christum venientem in carne hic est seductor et antichristus

² scio opera tua et laborem et patientiam tuam et quia non potes sustinere malos et temptasti eos qui se dicunt apostolos et non sunt et invenisti eos mendaces