Job Cross References - Vulgate

¹ vir erat in terra Hus nomine Iob et erat vir ille simplex et rectus ac timens Deum et recedens a malo ² natique sunt ei septem filii et tres filiae ³ et fuit possessio eius septem milia ovium et tria milia camelorum quingenta quoque iuga boum et quingentae asinae ac familia multa nimis eratque vir ille magnus inter omnes Orientales ⁴ et ibant filii eius et faciebant convivium per domos unusquisque in die suo et mittentes vocabant tres sorores suas ut comederent et biberent cum eis ⁵ cumque in orbem transissent dies convivii mittebat ad eos Iob et sanctificabat illos consurgensque diluculo offerebat holocausta per singulos dicebat enim ne forte peccaverint filii mei et benedixerint Deo in cordibus suis sic faciebat Iob cunctis diebus ⁶ quadam autem die cum venissent filii Dei ut adsisterent coram Domino adfuit inter eos etiam Satan ⁷ cui dixit Dominus unde venis qui respondens ait circuivi terram et perambulavi eam ⁸ dixitque Dominus ad eum numquid considerasti servum meum Iob quod non sit ei similis in terra homo simplex et rectus et timens Deum ac recedens a malo ⁹ cui respondens Satan ait numquid frustra timet Iob Deum ¹⁰ nonne tu vallasti eum ac domum eius universamque substantiam per circuitum operibus manuum eius benedixisti et possessio illius crevit in terra ¹¹ sed extende paululum manum tuam et tange cuncta quae possidet nisi in facie tua benedixerit tibi ¹² dixit ergo Dominus ad Satan ecce universa quae habet in manu tua sunt tantum in eum ne extendas manum tuam egressusque est Satan a facie Domini ¹³ cum autem quadam die filii et filiae eius comederent et biberent vinum in domo fratris sui primogeniti ¹⁴ nuntius venit ad Iob qui diceret boves arabant et asinae pascebantur iuxta eos ¹⁵ et inruerunt Sabei tuleruntque omnia et pueros percusserunt gladio et evasi ego solus ut nuntiarem tibi ¹⁶ cumque adhuc ille loqueretur venit alter et dixit ignis Dei cecidit e caelo et tactas oves puerosque consumpsit et effugi ego solus ut nuntiarem tibi ¹⁷ sed et illo adhuc loquente venit alius et dixit Chaldei fecerunt tres turmas et invaserunt camelos et tulerunt eos necnon et pueros percusserunt gladio et ego fugi solus ut nuntiarem tibi ¹⁸ loquebatur ille et ecce alius intravit et dixit filiis tuis et filiabus vescentibus et bibentibus vinum in domo fratris sui primogeniti ¹⁹ repente ventus vehemens inruit a regione deserti et concussit quattuor angulos domus quae corruens oppressit liberos tuos et mortui sunt et effugi ego solus ut nuntiarem tibi ²⁰ tunc surrexit Iob et scidit tunicam suam et tonso capite corruens in terram adoravit ²¹ et dixit nudus egressus sum de utero matris meae et nudus revertar illuc Dominus dedit Dominus abstulit sit nomen Domini benedictum ²² in omnibus his non peccavit Iob neque stultum quid contra Deum locutus est

⁹ hae generationes Noe Noe vir iustus atque perfectus fuit in generationibus suis cum Deo ambulavit

²³ filii Aram Us et Hul et Gether et Mes

¹ postquam vero nonaginta et novem annorum esse coeperat apparuit ei Dominus dixitque ad eum ego Deus omnipotens ambula coram me et esto perfectus

¹² dixitque ei non extendas manum tuam super puerum neque facias illi quicquam nunc cognovi quod timeas Dominum et non peperceris filio tuo unigenito propter me

²⁰ his itaque gestis nuntiatum est Abraham quod Melcha quoque genuisset filios Nahor fratri suo ²¹ Hus primogenitum et Buz fratrem eius Camuhel patrem Syrorum

²⁸ habuit autem filios Disan Hus et Aran

²¹ provide autem de omni plebe viros potentes et timentes Deum in quibus sit veritas et qui oderint avaritiam et constitue ex eis tribunos et centuriones et quinquagenarios et decanos

³ obsecro Domine memento quomodo ambulaverim coram te in veritate et in corde perfecto et quod placitum est coram te fecerim flevit itaque Ezechias fletu magno

¹⁷ filii Sem Aelam et Assur et Arfaxad et Lud et Aram et Us et Hul et Gothor et Mosoch

⁴² filii Eser Balaan et Zaban et Iacan filii Dison Us et Aran

²⁰ fecit ergo Ezechias universa quae diximus in omni Iuda operatusque est bonum et rectum et verum coram Domino Deo suo ²¹ in universa cultura ministerii domus Domini iuxta legem et caerimonias volens requirere Deum suum in toto corde suo fecitque et prosperatus est

⁸ dixitque Dominus ad eum numquid considerasti servum meum Iob quod non sit ei similis in terra homo simplex et rectus et timens Deum ac recedens a malo

³ et dixit Dominus ad Satan numquid considerasti servum meum Iob quod non sit ei similis in terra vir simplex et rectus timens Deum ac recedens a malo et adhuc retinens innocentiam tu autem commovisti me adversus eum ut adfligerem illum frustra

¹¹ vestigia eius secutus est pes meus viam eius custodivi et non declinavi ex ea ¹² a mandatis labiorum eius non recessi et in sinu meo abscondi verba oris eius

²⁸ et dixit homini ecce timor Domini ipsa est sapientia et recedere a malo intellegentia

¹ pepigi foedus cum oculis meis ut ne cogitarem quidem de virgine ² quam enim partem haberet Deus in me desuper et hereditatem Omnipotens de excelsis ³ numquid non perditio est iniquo et alienatio operantibus iniustitiam ⁴ nonne ipse considerat vias meas et cunctos gressus meos dinumerat ⁵ si ambulavi in vanitate et festinavit in dolo pes meus ⁶ adpendat me in statera iusta et sciat Deus simplicitatem meam ⁷ si declinavit gressus meus de via et si secutum est oculos meos cor meum et in manibus meis adhesit macula ⁸ seram et alius comedat et progenies mea eradicetur ⁹ si deceptum est cor meum super mulierem et si ad ostium amici mei insidiatus sum ¹⁰ scortum sit alteri uxor mea et super illam incurventur alii ¹¹ hoc enim nefas est et iniquitas maxima ¹² ignis est usque ad perditionem devorans et omnia eradicans genimina ¹³ si contempsi subire iudicium cum servo meo et ancillae meae cum disceptarent adversum me ¹⁴ quid enim faciam cum surrexerit ad iudicandum Deus et cum quaesierit quid respondebo illi ¹⁵ numquid non in utero fecit me qui et illum operatus est et formavit in vulva unus ¹⁶ si negavi quod volebant pauperibus et oculos viduae expectare feci ¹⁷ si comedi buccellam meam solus et non comedit pupillus ex ea ¹⁸ quia ab infantia mea crevit mecum miseratio et de utero matris meae egressa est mecum ¹⁹ si despexi pereuntem eo quod non habuerit indumentum et absque operimento pauperem ²⁰ si non benedixerunt mihi latera eius et de velleribus ovium mearum calefactus est ²¹ si levavi super pupillum manum meam etiam cum viderem me in porta superiorem ²² umerus meus a iunctura sua cadat et brachium meum cum suis ossibus confringatur ²³ semper enim quasi tumentes super me fluctus timui Deum et pondus eius ferre non potui ²⁴ si putavi aurum robur meum et obrizae dixi fiducia mea ²⁵ si laetatus sum super multis divitiis meis et quia plurima repperit manus mea ²⁶ si vidi solem cum fulgeret et lunam incedentem clare ²⁷ et lactatum est in abscondito cor meum et osculatus sum manum meam ore meo ²⁸ quae est iniquitas maxima et negatio contra Deum altissimum ²⁹ si gavisus sum ad ruinam eius qui me oderat et exultavi quod invenisset eum malum ³⁰ non enim dedi ad peccandum guttur meum ut expeterem maledicens animam eius ³¹ si non dixerunt viri tabernaculi mei quis det de carnibus eius ut saturemur ³² foris non mansit peregrinus ostium meum viatori patuit ³³ si abscondi quasi homo peccatum meum et celavi in sinu meo iniquitatem meam ³⁴ si expavi ad multitudinem nimiam et despectio propinquorum terruit me et non magis tacui nec egressus sum ostium ³⁵ quis mihi tribuat auditorem ut desiderium meum Omnipotens audiat et librum scribat ipse qui iudicat ³⁶ ut in umero meo portem illum et circumdem illum quasi coronam mihi ³⁷ per singulos gradus meos pronuntiabo illum et quasi principi offeram eum ³⁸ si adversum me terra mea clamat et cum ipsa sulci eius deflent ³⁹ si fructus eius comedi absque pecunia et animam agricolarum eius adflixi ⁴⁰ pro frumento oriatur mihi tribulus et pro hordeo spina finita sunt verba Iob

¹³ timor Domini odit malum arrogantiam et superbiam et viam pravam et os bilingue detestor

⁶ misericordia et veritate redimitur iniquitas et in timore Domini declinatur a malo

²⁰ et universis generaliter cunctis regibus terrae Ausitidis et cunctis regibus terrae Philisthim et Ascaloni et Gazae et Accaroni et reliquiis Azoti

²¹ SEN gaude et laetare filia Edom quae habitas in terra Hus ad te quoque perveniet calix inebriaberis atque nudaberis

¹⁴ et si fuerint tres viri isti in medio eius Noe Danihel et Iob ipsi iustitia sua liberabunt animas suas ait Dominus exercituum

²⁰ et Noe et Danihel et Iob fuerint in medio eius vivo ego dicit Dominus Deus quia filium et filiam non liberabunt sed ipsi iustitia sua liberabunt animas suas

⁶ erant autem iusti ambo ante Deum incedentes in omnibus mandatis et iustificationibus Domini sine querella

¹¹ ecce beatificamus qui sustinuerunt sufferentiam Iob audistis et finem Domini vidistis quoniam misericors est Dominus et miserator

¹¹ declinet autem a malo et faciat bonum inquirat pacem et persequatur eam

¹¹ et exposuit illis magnitudinem divitiarum suarum filiorumque turbam et quanta eum gloria super omnes principes et servos suos rex elevasset

¹³ tacete paulisper ut loquar quodcumque mihi mens suggesserit

¹³ et fuerunt ei septem filii et filiae tres

³⁸ et serent agros et plantabunt vineas et facient fruges genimina

³ ecce hereditas Domini filii mercis fructus ventris ⁴ sicut sagittae in manu potentis ita filii iuventutis ⁵ beatus vir qui implevit faretram suam ex ipsis non confundentur cum loquentur inimicis in porta

³ uxor tua sicut vitis fructifera in penetrabilibus domus tuae filii tui sicut germina olivarum in circuitu mensae tuae

⁵ tulitque Sarai uxorem suam et Loth filium fratris sui universamque substantiam quam possederant et animas quas fecerant in Haran et egressi sunt ut irent in terram Chanaan cumque venissent in eam

¹⁶ Abram vero bene usi sunt propter illam fueruntque ei oves et boves et asini et servi et famulae et asinae et cameli

⁶ nec poterat eos capere terra ut habitarent simul erat quippe substantia eorum multa et non quibant habitare communiter

⁶ filiis autem concubinarum largitus est munera et separavit eos ab Isaac filio suo dum adhuc ipse viveret ad plagam orientalem

¹ profectus ergo Iacob venit ad terram orientalem

²³ et substantia eorum et pecora et cuncta quae possident nostra erunt tantum in hoc adquiescamus et habitantes simul unum efficiemus populum

⁷ adsumptaque parabola sua dixit de Aram adduxit me Balac rex Moabitarum de montibus orientis veni inquit et maledic Iacob propera et detestare Israhel

³² fuit autem praeda quam exercitus ceperat ovium sescenta septuaginta quinque milia ³³ boum septuaginta duo milia ³⁴ asinorum sexaginta milia et mille

³ cumque sevisset Israhel ascendebat Madian et Amalech et ceteri orientalium nationum

⁵ ipsi enim et universi greges eorum veniebant cum tabernaculis et instar lucustarum universa conplebant innumera multitudo hominum et camelorum quicquid tetigerant devastantes

¹² Madian autem et Amalech et omnes orientales populi fusi iacebant in valle ut lucustarum multitudo cameli quoque innumerabiles erant sicut harena quae iacet in litoribus maris

¹⁰ Zebee autem et Salmana requiescebant cum omni exercitu suo quindecim milia enim viri remanserant ex omnibus turmis orientalium populorum caesis centum viginti milibus bellatorum et educentium gladium

² erat autem vir quispiam in solitudine Maon et possessio eius in Carmelo et homo ille magnus nimis erantque ei oves tria milia et mille caprae et accidit ut tonderetur grex eius in Carmelo

³⁰ et praecedebat sapientia Salomonis sapientiam omnium Orientalium et Aegyptiorum

⁴ porro Mesa rex Moab nutriebat pecora multa et solvebat regi Israhel centum milia agnorum et centum milia arietum cum velleribus suis

¹⁰ extruxit etiam turres in solitudine et fodit cisternas plurimas eo quod haberet multa pecora tam in campestribus quam in heremi vastitate vineas quoque habuit et vinitores in montibus et in Carmelo erat quippe homo agriculturae deditus

²⁹ et urbes exaedificavit habebat quippe greges ovium et armentorum innumerabiles eo quod dedisset ei Dominus substantiam multam nimis

⁹ principes cessabant loqui et digitum superponebant ori suo ¹⁰ vocem suam cohibebant duces et lingua eorum gutturi suo adherebat

²⁵ si voluissem ire ad eos sedebam primus cumque sederem quasi rex circumstante exercitu eram tamen maerentium consolator

¹² Dominus autem benedixit novissimis Iob magis quam principio eius et facta sunt ei quattuordecim milia ovium et sex milia camelorum et mille iuga boum et mille asinae

²² benedictio Domini divites facit nec sociabitur ei adflictio

¹ canticum graduum David ecce quam bonum et quam decorum habitare fratres in uno

¹ caritas fraternitatis maneat

⁵ videns autem Deus quod multa malitia hominum esset in terra et cuncta cogitatio cordis intenta esset ad malum omni tempore

²⁰ aedificavit autem Noe altare Domino et tollens de cunctis pecoribus et volucribus mundis obtulit holocausta super altare

³ igitur Abraham de nocte consurgens stravit asinum suum ducens secum duos iuvenes et Isaac filium suum cumque concidisset ligna in holocaustum abiit ad locum quem praeceperat ei Deus

² Iacob vero convocata omni domo sua ait abicite deos alienos qui in medio vestri sunt et mundamini ac mutate vestimenta vestra ³ surgite et ascendamus in Bethel ut faciamus ibi altare Deo qui exaudivit me in die tribulationis meae et fuit socius itineris mei

¹² obtulit ergo Iethro cognatus Mosi holocausta et hostias Deo veneruntque Aaron et omnes senes Israhel ut comederent panem cum eo coram Domino

¹⁰ qui dixit ei vade ad populum et sanctifica illos hodie et cras laventque vestimenta sua

⁵ misitque iuvenes de filiis Israhel et obtulerunt holocausta immolaveruntque victimas pacificas Domino vitulos

³ si holocaustum fuerit eius oblatio ac de armento masculum inmaculatum offeret ad ostium tabernaculi testimonii ad placandum sibi Dominum ⁴ ponetque manus super caput hostiae et acceptabilis erit atque in expiationem eius proficiens ⁵ immolabitque vitulum coram Domino et offerent filii Aaron sacerdotes sanguinem eius fundentes super altaris circuitum quod est ante ostium tabernaculi ⁶ detractaque pelle hostiae artus in frusta concident

¹⁰ ecce autem egressus filius mulieris israhelitis quem pepererat de viro aegyptio inter filios Israhel iurgatus est in castris cum viro israhelite ¹¹ cumque blasphemasset nomen et maledixisset ei adductus est ad Mosen vocabatur autem mater eius Salumith filia Dabri de tribu Dan ¹² miseruntque eum in carcerem donec nossent quid iuberet Dominus ¹³ qui locutus est ad Mosen ¹⁴ dicens educ blasphemum extra castra et ponant omnes qui audierunt manus suas super caput eius et lapidet eum populus universus ¹⁵ et ad filios Israhel loqueris homo qui maledixerit Deo suo portabit peccatum suum ¹⁶ et qui blasphemaverit nomen Domini morte moriatur lapidibus opprimet eum omnis multitudo sive ille civis seu peregrinus fuerit qui blasphemaverit nomen Domini morte moriatur

⁵ et ait pacificus ad immolandum Domino veni sanctificamini et venite mecum ut immolem sanctificavit ergo Isai et filios eius et vocavit eos ad sacrificium

³¹ et tulit duodecim lapides iuxta numerum tribuum filiorum Iacob ad quem factus est sermo Domini dicens Israhel erit nomen tuum

¹⁰ et submittite duos viros filios Belial contra eum et falsum testimonium dicant benedixit Deum et regem et educite eum et lapidate sicque moriatur

¹³ et adductis duobus viris filiis diaboli fecerunt eos sedere contra eum at illi scilicet ut viri diabolici dixerunt contra eum testimonium coram multitudine benedixit Naboth Deo et regi quam ob rem eduxerunt eum extra civitatem et lapidibus interfecerunt

³⁰ et mundati sunt sacerdotes et Levitae et mundaverunt populum et portas et murum

¹¹ sed extende paululum manum tuam et tange cuncta quae possidet nisi in facie tua benedixerit tibi

⁹ dixit autem illi uxor sua adhuc tu permanes in simplicitate tua benedic Deo et morere

⁴ etiam si filii tui peccaverunt ei et dimisit eos in manu iniquitatis suae

¹⁰ aut poterit in Omnipotente delectari et invocare Deum in omni tempore

²⁵ cum sublatus fuerit timebunt angeli et territi purgabuntur

⁸ sumite igitur vobis septem tauros et septem arietes et ite ad servum meum Iob et offerte holocaustum pro vobis Iob autem servus meus orabit pro vobis faciem eius suscipiam ut non vobis inputetur stultitia neque enim locuti estis ad me recta sicut servus meus Iob

³ quia te deprecor Domine mane audies vocem meam

¹⁰ quodcumque potest manus tua facere instanter operare quia nec opus nec ratio nec scientia nec sapientia erunt apud inferos quo tu properas

¹⁴ lava a malitia cor tuum Hierusalem ut salva fias usquequo morabuntur in te cogitationes noxiae

⁹ pravum est cor omnium et inscrutabile quis cognoscet illud ¹⁰ ego Dominus scrutans cor et probans renes qui do unicuique iuxta viam et iuxta fructum adinventionum suarum

²¹ ab intus enim de corde hominum cogitationes malae procedunt adulteria fornicationes homicidia ²² furta avaritiae nequitiae dolus inpudicitia oculus malus blasphemia superbia stultitia ²³ omnia haec mala ab intus procedunt et communicant hominem

⁷⁵ in sanctitate et iustitia coram ipso omnibus diebus nostris

⁷ Deus autem non faciet vindictam electorum suorum clamantium ad se die ac nocte et patientiam habebit in illis

⁵⁵ proximum autem erat pascha Iudaeorum et ascenderunt multi Hierosolyma de regione ante pascha ut sanctificarent se ipsos

²² paenitentiam itaque age ab hac nequitia tua et roga Deum si forte remittatur tibi haec cogitatio cordis tui

²⁶ tunc Paulus adsumptis viris postera die purificatus cum illis intravit in templum adnuntians expletionem dierum purificationis donec offerretur pro unoquoque eorum oblatio

⁵ itaque nolite ante tempus iudicare quoadusque veniat Dominus qui et inluminabit abscondita tenebrarum et manifestabit consilia cordium et tunc laus erit unicuique a Deo

² aemulor enim vos Dei aemulatione despondi enim vos uni viro virginem castam exhibere Christo

¹⁸ per omnem orationem et obsecrationem orantes omni tempore in Spiritu et in ipso vigilantes in omni instantia et obsecratione pro omnibus sanctis

² videntes filii Dei filias eorum quod essent pulchrae acceperunt uxores sibi ex omnibus quas elegerant

⁴ gigantes autem erant super terram in diebus illis postquam enim ingressi sunt filii Dei ad filias hominum illaeque genuerunt isti sunt potentes a saeculo viri famosi

¹⁹ ille vero addens ait propterea audi sermonem Domini vidi Dominum sedentem super solium suum et omnem exercitum caeli adsistentem ei a dextris et a sinistris

¹ consurrexit autem Satan contra Israhel et incitavit David ut numeraret Israhel

¹ factum est autem cum quadam die venissent filii Dei et starent coram Domino venisset quoque Satan inter eos et staret in conspectu eius

⁷ cum me laudarent simul astra matutina et iubilarent omnes filii Dei

²⁰ Dominus in caelo stabilivit thronum suum et regnum illius omnium dominatur

²⁵ { respondit et ait ecce ego video viros quattuor solutos et ambulantes in medio ignis et nihil corruptionis in eis est et species quarti similis filio Dei}

¹ et ostendit mihi Iesum sacerdotem magnum stantem coram angelo Domini et Satan stabat a dextris eius ut adversaretur ei

¹⁰ videte ne contemnatis unum ex his pusillis dico enim vobis quia angeli eorum in caelis semper vident faciem Patris mei qui in caelis est

³⁸ qui fuit Enos qui fuit Seth qui fuit Adam qui fuit Dei

⁷⁰ respondit eis Iesus nonne ego vos duodecim elegi et ex vobis unus diabolus est

⁹ et proiectus est draco ille magnus serpens antiquus qui vocatur Diabolus et Satanas qui seducit universum orbem proiectus est in terram et angeli eius cum illo missi sunt ¹⁰ et audivi vocem magnam in caelo dicentem nunc facta est salus et virtus et regnum Dei nostri et potestas Christi eius quia proiectus est accusator fratrum nostrorum qui accusabat illos ante conspectum Dei nostri die ac nocte

²⁵ ipse autem ingressus stetit coram domino suo et dixit Heliseus unde venis Giezi qui respondit non ivit servus tuus quoquam

² ut diceret Dominus ad Satan unde venis qui respondens ait circuivi terram et perambulavi eam

¹⁰ et respondit vir qui stabat inter myrteta et dixit isti sunt quos misit Dominus ut perambularent terram ¹¹ et responderunt angelo Domini qui stabat inter myrteta et dixerunt perambulavimus terram et ecce omnis terra habitatur et quiescit

⁷ qui autem erant robustissimi exierunt et quaerebant ire et discurrere per omnem terram et dixit ite perambulate terram et perambulaverunt terram

⁴³ cum autem inmundus spiritus exierit ab homine ambulat per loca arida quaerens requiem et non invenit

⁸ sobrii estote vigilate quia adversarius vester diabolus tamquam leo rugiens circuit quaerens quem devoret

⁹ et proiectus est draco ille magnus serpens antiquus qui vocatur Diabolus et Satanas qui seducit universum orbem proiectus est in terram et angeli eius cum illo missi sunt

¹² propterea laetamini caeli et qui habitatis in eis vae terrae et mari quia descendit diabolus ad vos habens iram magnam sciens quod modicum tempus habet ¹³ et postquam vidit draco quod proiectus est in terram persecutus est mulierem quae peperit masculum ¹⁴ et datae sunt mulieri duae alae aquilae magnae ut volaret in desertum in locum suum ubi alitur per tempus et tempora et dimidium temporis a facie serpentis ¹⁵ et misit serpens ex ore suo post mulierem aquam tamquam flumen ut eam faceret trahi a flumine ¹⁶ et adiuvit terra mulierem et aperuit terra os suum et absorbuit flumen quod misit draco de ore suo ¹⁷ et iratus est draco in mulierem et abiit facere proelium cum reliquis de semine eius qui custodiunt mandata Dei et habent testimonium Iesu

⁸ et ascenderunt super latitudinem terrae et circumierunt castra sanctorum et civitatem dilectam

³ erat enim Moses vir mitissimus super omnes homines qui morabantur in terra

⁷ at non talis servus meus Moses qui in omni domo mea fidelissimus est ⁸ ore enim ad os loquor ei et palam non per enigmata et figuras Dominum videt quare igitur non timuistis detrahere servo meo Mosi

⁷ confortare igitur et esto robustus valde ut custodias et facias omnem legem quam praecepit tibi Moses servus meus ne declines ab ea ad dextram vel ad sinistram ut intellegas cuncta quae agis

³⁰ et praecedebat sapientia Salomonis sapientiam omnium Orientalium et Aegyptiorum ³¹ et erat sapientior cunctis hominibus sapientior Aethan Ezraita et Heman et Chalcal et Dorda filiis Maol et erat nominatus in universis gentibus per circuitum

²⁵ similis illi non fuit ante eum rex qui reverteretur ad Dominum in omni corde suo et in tota anima sua et in universa virtute sua iuxta omnem legem Mosi neque post eum surrexit similis illi

¹⁵ duces autem primi qui fuerant ante me gravaverunt populum et acceperunt ab eis in pane vino et pecunia cotidie siclos quadraginta sed et ministri eorum depresserant populum ego autem non feci ita propter timorem Dei

¹ vir erat in terra Hus nomine Iob et erat vir ille simplex et rectus ac timens Deum et recedens a malo

²⁰ Deus non proiciet simplicem nec porriget manum malignis

²² unum est quod locutus sum et innocentem et impium ipse consumit ²³ si flagellat occidat semel et non de poenis innocentum rideat

⁴ qui deridetur ab amico suo sicut ego invocabit Deum et exaudiet eum deridetur enim iusti simplicitas

⁸ stupebunt iusti super hoc et innocens contra hypocritam suscitabitur ⁹ et tenebit iustus viam suam et mundis manibus addet fortitudinem

¹⁴ si direxerit ad eum cor suum spiritum illius et flatum ad se trahet

⁷ postquam autem locutus est Dominus verba haec ad Iob dixit ad Eliphaz Themaniten iratus est furor meus in te et in duos amicos tuos quoniam non estis locuti coram me rectum sicut servus meus Iob ⁸ sumite igitur vobis septem tauros et septem arietes et ite ad servum meum Iob et offerte holocaustum pro vobis Iob autem servus meus orabit pro vobis faciem eius suscipiam ut non vobis inputetur stultitia neque enim locuti estis ad me recta sicut servus meus Iob

²³ et fui inmaculatus cum eo et custodivi me ab iniquitate mea

¹⁴ recede a malo et fac bonum quaere pacem et persequere eam

¹ pro victoria servi Domini David dixit scelus impii in medio cordis eius non esse timorem Dei ante oculos eius

²⁷ samech recede a malo et fac bonum et habita in sempiterno

¹¹ quia sol et scutum Dominus Deus gratiam et gloriam dabit Dominus

²⁰ inveni David servum meum oleo sancto meo unxi eum

¹⁶ lavamini mundi estote auferte malum cogitationum vestrarum ab oculis meis quiescite agere perverse

¹ ecce servus meus suscipiam eum electus meus conplacuit sibi in illo anima mea dedi spiritum meum super eum iudicium gentibus proferet

⁴ et locutus est ad me idem vir fili hominis vide oculis tuis et auribus tuis audi et pone cor tuum in omnia quae ego ostendam tibi quia ut ostendantur tibi adductus es huc adnuntia omnia quae tu vides domui Israhel

³⁹ unus autem de his qui pendebant latronibus blasphemabat eum dicens si tu es Christus salvum fac temet ipsum et nos ⁴⁰ respondens autem alter increpabat illum dicens neque tu times Deum quod in eadem damnatione es

⁴⁷ vidit Iesus Nathanahel venientem ad se et dicit de eo ecce vere Israhelita in quo dolus non est

²¹ et dixit nudus egressus sum de utero matris meae et nudus revertar illuc Dominus dedit Dominus abstulit sit nomen Domini benedictum

¹⁰ qui ait ad illam quasi una de stultis locuta es si bona suscepimus de manu Domini quare mala non suscipiamus in omnibus his non peccavit Iob labiis suis

¹⁴ qui dixerunt Deo recede a nobis et scientiam viarum tuarum nolumus ¹⁵ quid est Omnipotens ut serviamus ei et quid nobis prodest si oraverimus illum

¹⁰ quis est in vobis qui claudat ostia et incendat altare meum gratuito non est mihi voluntas in vobis dicit Dominus exercituum et munus non suscipiam de manu vestra

²⁶ quid enim prodest homini si mundum universum lucretur animae vero suae detrimentum patiatur aut quam dabit homo commutationem pro anima sua

⁸ nam corporalis exercitatio ad modicum utilis est pietas autem ad omnia utilis est promissionem habens vitae quae nunc est et futurae

⁶ est autem quaestus magnus pietas cum sufficientia

¹ his itaque transactis factus est sermo Domini ad Abram per visionem dicens noli timere Abram ego protector tuus sum et merces tua magna nimis

¹² seruit autem Isaac in terra illa et invenit in ipso anno centuplum benedixitque ei Dominus

³⁰ modicum habuisti antequam venirem et nunc dives effectus es benedixitque tibi Dominus ad introitum meum iustum est igitur ut aliquando provideam etiam domui meae

⁴³ ditatusque est homo ultra modum et habuit greges multos ancillas et servos camelos et asinos

⁵ benedixitque Dominus domui Aegyptii propter Ioseph et multiplicavit tam in aedibus quam in agris cunctam eius substantiam

²⁵ Deus patris tui erit adiutor tuus et Omnipotens benedicet tibi benedictionibus caeli desuper benedictionibus abyssi iacentis deorsum benedictionibus uberum et vulvae

¹³ et diliget te ac multiplicabit benedicetque fructui ventris tui et fructui terrae tuae frumento tuo atque vindemiae oleo et armentis gregibus ovium tuarum super terram pro qua iuravit patribus tuis ut daret eam tibi

² venientque super te universae benedictiones istae et adprehendent te si tamen praecepta eius audieris ³ benedictus tu in civitate et benedictus in agro ⁴ benedictus fructus ventris tui et fructus terrae tuae fructusque iumentorum tuorum greges armentorum et caulae ovium tuarum ⁵ benedicta horrea tua et benedictae reliquiae tuae ⁶ benedictus eris et ingrediens et egrediens

¹¹ benedic Domine fortitudini eius et opera manuum illius suscipe percute dorsa inimicorum eius et qui oderunt eum non consurgant

²⁷ habitaculum eius sursum et subter brachia sempiterna eiciet a facie tua inimicum dicetque conterere

¹⁶ pro muro erant nobis tam in nocte quam in die omnibus diebus quibus pavimus apud eos greges

³ et fuit possessio eius septem milia ovium et tria milia camelorum quingenta quoque iuga boum et quingentae asinae ac familia multa nimis eratque vir ille magnus inter omnes Orientales

⁶ quando lavabam pedes meos butyro et petra fundebat mihi rivos olei

²⁵ si laetatus sum super multis divitiis meis et quia plurima repperit manus mea

¹² quia tu benedices iusto Domine ut scuto placabilitatis coronabis eum

⁷ circumdat angelus Domini in gyro timentes eum et eruet eos

²¹ ego autem confitebor tibi in vasis psalterii veritatem tuam Deus meus cantabo tibi in cithara Sancte Israhel

¹² vastavit eam aper de silva et omnes bestiae agri depastae sunt eam

¹⁷ et sit decor Domini Dei nostri super nos et opus manuum nostrarum fac stabile super nos opus manuum nostrarum confirma

¹ canticum graduum beatus omnis qui timet Dominum qui ambulat in viis eius ² laborem manuum tuarum cum comederis beatus tu et bene tibi erit ³ uxor tua sicut vitis fructifera in penetrabilibus domus tuae filii tui sicut germina olivarum in circuitu mensae tuae ⁴ ecce sic benedicetur viro qui timet Dominum

² et sepivit eam et lapides elegit ex illa et plantavit eam electam et aedificavit turrem in medio eius et torcular extruxit in ea et expectavit ut faceret uvas et fecit labruscas

⁵ et nunc ostendam vobis quid ego faciam vineae meae auferam sepem eius et erit in direptionem diruam maceriam eius et erit in conculcationem

⁵ et ego ero ei ait Dominus murus ignis in circuitu et in gloria ero in medio eius

⁸ quia haec dicit Dominus exercituum post gloriam misit me ad gentes quae spoliaverunt vos qui enim tetigerit vos tangit pupillam oculi eius

⁵ qui in virtute Dei custodimini per fidem in salutem paratam revelari in tempore novissimo

¹¹ qui tetigerit hominis huius uxorem morte morietur

⁵ cumque in orbem transissent dies convivii mittebat ad eos Iob et sanctificabat illos consurgensque diluculo offerebat holocausta per singulos dicebat enim ne forte peccaverint filii mei et benedixerint Deo in cordibus suis sic faciebat Iob cunctis diebus

¹² dixit ergo Dominus ad Satan ecce universa quae habet in manu tua sunt tantum in eum ne extendas manum tuam egressusque est Satan a facie Domini

⁵ alioquin mitte manum tuam et tange os eius et carnem et tunc videbis quod in facie benedicat tibi

⁵ nunc autem venit super te plaga et defecisti tetigit te et conturbatus es

²¹ miseremini mei miseremini mei saltim vos amici mei quia manus Domini tetigit me

¹⁵ non dimisit hominem ut noceret eis et corripuit pro eis reges

²⁵ ideo iratus est furor Domini in populo suo et extendit manum suam super eum et percussit eum et conturbati sunt montes et facta sunt morticina eorum quasi stercus in medio platearum in omnibus his non est aversus furor eius sed adhuc manus eius extenta

²¹ et transibit per eam corruet et esuriet et cum esurierit irascetur et maledicet regi suo et Deo suo et suspiciet sursum

¹³ invaluerunt super me verba vestra dicit Dominus ¹⁴ et dixistis quid locuti sumus contra te dixistis vanus est qui servit Deo et quod emolumentum quia custodivimus praecepta eius et quia ambulavimus tristes coram Domino exercituum

⁹ et aestuaverunt homines aestu magno et blasphemaverunt nomen Dei habentis potestatem super has plagas neque egerunt paenitentiam ut darent illi gloriam

¹¹ et blasphemaverunt Deum caeli prae doloribus et vulneribus suis et non egerunt paenitentiam ex operibus suis

²¹ et grando magna sicut talentum descendit de caelo in homines et blasphemaverunt homines Deum propter plagam grandinis quoniam magna facta est vehementer

⁶ cui respondens Abram ecce ait ancilla tua in manu tua est utere ea ut libet adfligente igitur eam Sarai fugam iniit

²³ nunc igitur ecce dedit Dominus spiritum mendacii in ore omnium prophetarum tuorum qui hic sunt et Dominus locutus est contra te malum

⁴ cui respondens Satan ait pellem pro pelle et cuncta quae habet homo dabit pro anima sua ⁵ alioquin mitte manum tuam et tange os eius et carnem et tunc videbis quod in facie benedicat tibi ⁶ dixit ergo Dominus ad Satan ecce in manu tua est verumtamen animam illius serva ⁷ egressus igitur Satan a facie Domini percussit Iob ulcere pessimo a planta pedis usque ad verticem eius

¹⁰ auferenti spiritum ducum terribili regibus terrae

⁸ in mensura contra mensuram cum abiecta fuerit iudicabis eam meditata est in spiritu suo duro per diem aestus

⁵ et dixit rex Sedecias ecce ipse in manibus vestris est nec enim fas est regem vobis quicquam negare

³² erat autem ibi grex porcorum multorum pascentium in monte et rogabant eum ut permitteret eos in illos ingredi et permisit illos ³³ exierunt ergo daemonia ab homine et intraverunt in porcos et impetu abiit grex per praeceps in stagnum et suffocatus est

³¹ ait autem Dominus Simon Simon ecce Satanas expetivit vos ut cribraret sicut triticum ³² ego autem rogavi pro te ut non deficiat fides tua et tu aliquando conversus confirma fratres tuos

³⁵ Pater diligit Filium et omnia dedit in manu eius ³⁶ qui credit in Filium habet vitam aeternam qui autem incredulus est Filio non videbit vitam sed ira Dei manet super eum

¹¹ respondit Iesus non haberes potestatem adversum me ullam nisi tibi esset datum desuper propterea qui tradidit me tibi maius peccatum habet

¹³ temptatio vos non adprehendat nisi humana fidelis autem Deus qui non patietur vos temptari super id quod potestis sed faciet cum temptatione etiam proventum ut possitis sustinere

⁷ et ne magnitudo revelationum extollat me datus est mihi stimulus carnis meae angelus Satanae ut me colaphizet

⁴ et ibant filii eius et faciebant convivium per domos unusquisque in die suo et mittentes vocabant tres sorores suas ut comederent et biberent cum eis

¹ ne glorieris in crastinum ignorans quid superventura pariat dies

¹² nescit homo finem suum sed sicut pisces capiuntur hamo et sicut aves conprehenduntur laqueo sic capiuntur homines tempore malo cum eis extemplo supervenerit

¹⁹ et dicam animae meae anima habes multa bona posita in annos plurimos requiesce comede bibe epulare ²⁰ dixit autem illi Deus stulte hac nocte animam tuam repetunt a te quae autem parasti cuius erunt

²⁷ edebant et bibebant uxores ducebant et dabantur ad nuptias usque in diem qua intravit Noe in arcam et venit diluvium et perdidit omnes ²⁸ similiter sicut factum est in diebus Loth edebant et bibebant emebant et vendebant plantabant aedificabant ²⁹ qua die autem exiit Loth a Sodomis pluit ignem et sulphur de caelo et omnes perdidit

³⁴ adtendite autem vobis ne forte graventur corda vestra in crapula et ebrietate et curis huius vitae et superveniat in vos repentina dies illa

¹⁷ respondens autem qui nuntiabat fugit inquit Israhel coram Philisthim et ruina magna facta est in populo insuper et duo filii tui mortui sunt Ofni et Finees et arca Dei capta est

¹³ venit igitur nuntius ad David dicens toto corde universus Israhel sequitur Absalom

³¹ currens obviam currenti veniet et nuntius obvius nuntianti ut adnuntiet regi Babylonis quia capta est civitas eius a summo usque ad summum

⁷ filii Chus Saba et Hevila et Sabatha et Regma et Sabathaca filii Regma Saba et Dadan

²⁸ et Ebal et Abimahel Saba

³ Iexan quoque genuit Saba et Dadan filii Dadan fuerunt Assurim et Lathusim et Loommim

²⁰ evadens autem unus filius Ahimelech filii Achitob cuius nomen erat Abiathar fugit ad David ²¹ et adnuntiavit ei quod occidisset Saul sacerdotes Domini

¹⁶ cumque adhuc ille loqueretur venit alter et dixit ignis Dei cecidit e caelo et tactas oves puerosque consumpsit et effugi ego solus ut nuntiarem tibi ¹⁷ sed et illo adhuc loquente venit alius et dixit Chaldei fecerunt tres turmas et invaserunt camelos et tulerunt eos necnon et pueros percusserunt gladio et ego fugi solus ut nuntiarem tibi

¹⁹ repente ventus vehemens inruit a regione deserti et concussit quattuor angulos domus quae corruens oppressit liberos tuos et mortui sunt et effugi ego solus ut nuntiarem tibi

¹⁹ considerate semitas Theman itinera Saba et expectate paulisper

¹⁰ quia eruet pauperem a potente et inopem cui non est adiutor

¹⁴ haec dicit Dominus labor Aegypti et negotiatio Aethiopiae et Sabaim viri sublimes ad te transibunt et tui erunt post te ambulabunt vincti manicis pergent et te adorabunt teque deprecabuntur tantum in te est Deus et non est absque te deus

⁴² et vox multitudinis exultantis erat in ea et in viris qui de multitudine hominum adducebantur et veniebant de deserto posuerunt armillas in manibus eorum et coronas speciosas in capitibus eorum

⁸ et vendam filios vestros et filias vestras in manibus filiorum Iuda et venundabunt eos Sabeis genti longinquae quia Dominus locutus est

²⁴ igitur Dominus pluit super Sodomam et Gomorram sulphur et ignem a Domino de caelo

²⁸ orate Dominum et desinant tonitrua Dei et grando ut dimittam vos et nequaquam hic ultra maneatis

²⁴ et ecce egressus ignis a Domino devoravit holocaustum et adipes qui erant super altare quod cum vidissent turbae laudaverunt Dominum ruentes in facies suas

² egressusque ignis a Domino devoravit eos et mortui sunt coram Domino

¹ interea ortum est murmur populi quasi dolentium pro labore contra Dominum quod cum audisset iratus est et accensus in eos ignis Domini devoravit extremam castrorum partem ² cumque clamasset populus ad Mosen oravit Moses Dominum et absortus est ignis ³ vocavitque nomen loci illius Incensio eo quod succensus fuisset contra eos ignis Domini

¹⁵ et factum est miraculum in castris per agros sed et omnis populus stationis eorum qui ierant ad praedandum obstipuit et conturbata est terra et accidit quasi miraculum a Deo

³⁸ cecidit autem ignis Domini et voravit holocaustum et ligna et lapides pulverem quoque et aquam quae erat in aquaeductu lambens

¹⁰ respondensque Helias dixit quinquagenario si homo Dei sum descendat ignis e caelo et devoret te et quinquaginta tuos descendit itaque ignis e caelo et devoravit eum et quinquaginta qui erant cum eo

¹² respondens Helias ait si homo Dei ego sum descendat ignis e caelo et devoret te et quinquaginta tuos descendit ergo ignis Dei e caelo et devoravit illum et quinquaginta eius

¹⁴ ecce descendit ignis de caelo et devoravit duos principes quinquagenarios primos et quinquagenos qui cum eis erant sed nunc obsecro ut miserearis animae meae

⁴ haec ostendit mihi Dominus Deus et ecce vocabat iudicium ad ignem Dominus Deus et devoravit abyssum multam et comedit simul partem

¹³ et fecit signa magna ut etiam ignem faceret de caelo descendere in terram in conspectu hominum

²⁸ mortuusque est Aran ante Thare patrem suum in terra nativitatis suae in Ur Chaldeorum

³¹ tulit itaque Thare Abram filium suum et Loth filium Aran filium filii sui et Sarai nurum suam uxorem Abram filii sui et eduxit eos de Ur Chaldeorum ut irent in terram Chanaan veneruntque usque Haran et habitaverunt ibi

³ dixitque ad eum David unde venis qui ait ad eum de castris Israhel fugi

¹⁵ et inruerunt Sabei tuleruntque omnia et pueros percusserunt gladio et evasi ego solus ut nuntiarem tibi

¹³ ecce terra Chaldeorum talis populus non fuit Assur fundavit eam in captivitatem transduxerunt robustos eius suffoderunt domos eius posuerunt eam in ruinam

⁶ quia ecce ego suscitabo Chaldeos gentem amaram et velocem ambulantem super latitudinem terrae ut possideat tabernacula non sua

²⁸ praeceperat autem Absalom pueris suis dicens observate cum temulentus fuerit Amnon vino et dixero vobis percutite eum et interficite nolite timere ego enim sum qui praecepi vobis roboramini et estote viri fortes

¹³ cum autem quadam die filii et filiae eius comederent et biberent vinum in domo fratris sui primogeniti

² utinam adpenderentur peccata mea quibus iram merui et calamitas quam patior in statera ³ quasi harena maris haec gravior appareret unde et verba mea dolore sunt plena

¹⁴ concidit me vulnere super vulnus inruit in me quasi gigans

⁹ spoliavit me gloria mea et abstulit coronam de capite meo ¹⁰ destruxit me undique et pereo et quasi evulsae arbori abstulit spem meam

² nunc quoque in amaritudine est sermo meus et manus plagae meae adgravata est super gemitum meum

¹⁴ si multiplicati fuerint filii eius in gladio erunt et nepotes eius non saturabuntur pane

¹⁹ multae tribulationes iusti et ex omnibus illis liberabit eum Dominus

² sed omnia in futuro servantur incerta eo quod universa aeque eveniant iusto et impio bono et malo mundo et inmundo immolanti victimas et sacrificia contemnenti sicut bonus sic et peccator ut periurus ita et ille qui verum deierat

¹⁹ quandocumque pertransierit tollet vos quoniam mane diluculo pertransibit in die et in nocte et tantummodo sola vexatio intellectum dabit auditui

¹² LAMED o vos omnes qui transitis per viam adtendite et videte si est dolor sicut dolor meus quoniam vindemiavit me ut locutus est Dominus in die irae furoris sui

⁶ unde et ego dedi vobis stuporem dentium in cunctis urbibus vestris et indigentiam panum in omnibus locis vestris et non estis reversi ad me dicit Dominus ⁷ ego quoque prohibui a vobis imbrem cum adhuc tres menses superessent usque ad messem et plui super civitatem unam et super civitatem alteram non plui pars una conpluta est et pars super quam non plui aruit ⁸ et venerunt duae et tres civitates ad civitatem unam ut biberent aquam et non sunt satiatae et non redistis ad me dicit Dominus ⁹ percussi vos in vento urente et in aurugine multitudinem hortorum vestrorum et vinearum vestrarum oliveta vestra et ficeta vestra comedit eruca et non redistis ad me dicit Dominus ¹⁰ misi in vos mortem in via Aegypti percussi in gladio iuvenes vestros usque ad captivitatem equorum vestrorum et ascendere feci putredinem castrorum vestrorum in nares vestras et non redistis ad me dicit Dominus ¹¹ subverti vos sicut subvertit Deus Sodomam et Gomorram et facti estis quasi torris raptus de incendio et non redistis ad me dicit Dominus

³² mittentes qui ferrent ad patrem et dicerent hanc invenimus vide utrum tunica filii tui sit an non ³³ quam cum agnovisset pater ait tunica filii mei est fera pessima comedit eum bestia devoravit Ioseph

³⁶ dixit pater Iacob absque liberis me esse fecistis Ioseph non est super Symeon tenetur in vinculis Beniamin auferetis in me haec mala omnia reciderunt

³⁰ ait moriatur anima mea cum Philisthim concussisque fortiter columnis cecidit domus super omnes principes et ceteram multitudinem quae ibi erat multoque plures interfecit moriens quam ante vivus occiderat

³³ contristatus itaque rex ascendit cenaculum portae et flevit et sic loquebatur vadens fili mi Absalom fili mi Absalom quis mihi tribuat ut ego moriar pro te Absalom fili mi fili mi

³⁰ fugerunt autem qui remanserant in Afec in civitatem et cecidit murus super viginti septem milia hominum qui remanserant porro Benadad fugiens ingressus est civitatem in cubiculum quod erat intra cubiculum

¹¹ in tempore illo dicetur populo huic et Hierusalem ventus urens in viis quae sunt in deserto viae filiae populi mei non ad ventilandum et ad purgandum ¹² spiritus plenus ex his veniet mihi et nunc ego sed loquar iudicia mea cum eis

²⁷ et descendit pluvia et venerunt flumina et flaverunt venti et inruerunt in domum illam et cecidit et fuit ruina eius magna

¹ aderant autem quidam ipso in tempore nuntiantes illi de Galilaeis quorum sanguinem Pilatus miscuit cum sacrificiis eorum ² et respondens dixit illis putatis quod hii Galilaei prae omnibus Galilaeis peccatores fuerunt quia talia passi sunt ³ non dico vobis sed nisi paenitentiam habueritis omnes similiter peribitis ⁴ sicut illi decem et octo supra quos cecidit turris in Siloam et occidit eos putatis quia et ipsi debitores fuerunt praeter omnes homines habitantes in Hierusalem ⁵ non dico vobis sed si non paenitentiam egeritis omnes similiter peribitis

⁴ ut vero viderunt barbari pendentem bestiam de manu eius ad invicem dicebant utique homicida est homo hic qui cum evaserit de mari Ultio non sinit vivere

² in quibus aliquando ambulastis secundum saeculum mundi huius secundum principem potestatis aeris huius spiritus qui nunc operatur in filios diffidentiae

²⁹ reversusque Ruben ad cisternam non invenit puerum

³⁴ scissisque vestibus indutus est cilicio lugens filium multo tempore

¹⁸ et procidi ante Dominum sicut prius quadraginta diebus et noctibus panem non comedens et aquam non bibens propter omnia peccata vestra quae gessistis contra Dominum et eum ad iracundiam provocastis

¹⁶ deprecatusque est David Dominum pro parvulo et ieiunavit David ieiunio et ingressus seorsum iacuit super terram ¹⁷ venerunt autem seniores domus eius cogentes eum ut surgeret de terra qui noluit neque comedit cum eis cibum ¹⁸ accidit autem die septima ut moreretur infans timueruntque servi David nuntiare ei quod mortuus esset parvulus dixerunt enim ecce cum parvulus adhuc viveret loquebamur ad eum et non audiebat vocem nostram quanto magis si dixerimus mortuus est puer se adfliget ¹⁹ cum ergo vidisset David servos suos musitantes intellexit quod mortuus esset infantulus dixitque ad servos suos num mortuus est puer qui responderunt ei mortuus est ²⁰ surrexit igitur David de terra et lotus unctusque est cumque mutasset vestem ingressus est domum Domini et adoravit et venit in domum suam petivitque ut ponerent ei panem et comedit

³ sed et omnes filii Israhel videbant descendentem ignem et gloriam Domini super domum et corruentes proni in terram super pavimentum stratum lapide adoraverunt et laudaverunt Dominum quoniam bonus quoniam in aeternum misericordia eius

³ cumque audissem sermonem istum scidi pallium meum et tunicam et evelli capillos capitis mei et barbae et sedi maerens

³⁹ et progressus pusillum procidit in faciem suam orans et dicens mi Pater si possibile est transeat a me calix iste verumtamen non sicut ego volo sed sicut tu

⁶ humiliamini igitur sub potenti manu Dei ut vos exaltet in tempore visitationis

¹⁹ in sudore vultus tui vesceris pane donec revertaris in terram de qua sumptus es quia pulvis es et in pulverem reverteris

² cui iratus respondit Iacob num pro Deo ego sum qui privavit te fructu ventris tui

⁵ nolite pavere nec vobis durum esse videatur quod vendidistis me in his regionibus pro salute enim vestra misit me Deus ante vos in Aegyptum

⁷ Dominus pauperem facit et ditat humiliat et sublevat

¹⁸ indicavit itaque ei Samuhel universos sermones et non abscondit ab eo et ille respondit Dominus est quod bonum est in oculis suis faciat

¹² si forte respiciat Dominus adflictionem meam et reddat mihi bonum pro maledictione hac hodierna

¹⁵ et non adquievit rex populo quoniam aversatus eum fuerat Dominus ut suscitaret verbum suum quod locutus fuerat in manu Ahiae Silonitae ad Hieroboam filium Nabath

¹⁹ dixit Ezechias ad Esaiam bonus sermo Domini quem locutus est sit pax et veritas in diebus meis

¹ David quando commutavit os suum coram Abimelech et eiecit eum et abiit benedicam Domino in omni tempore semper laus eius in ore meo

⁹ obmutui non aperiam os meum quia tu fecisti

¹⁷ neque enim moriens tollet omnia nec descendet post eum gloria eius

³⁸ tu autem reppulisti et proiecisti iratus es adversum christum tuum ³⁹ adtenuasti pactum servi tui profanasti in terra diadema eius ⁴⁰ dissipasti omnes macerias eius posuisti munitiones eius pavorem ⁴¹ diripuerunt eum omnes qui transeunt per viam factus est obprobrium vicinis suis ⁴² elevasti dexteram hostium eius laetificasti omnes inimicos illius ⁴³ avertisti robur gladii eius et non sublevasti eum in proelio ⁴⁴ quiescere fecisti munditiam eius et thronum illius in terram detraxisti ⁴⁵ adbreviasti dies adulescentiae eius operuisti eum ignominia sempiterna ⁴⁶ usquequo Domine absconderis in finem succendetur quasi ignis indignatio tua ⁴⁷ memento mei de profundo alioquin quare frustra creasti filios hominum ⁴⁸ quis est vir qui vivat et non videat mortem salvans animam suam de manu inferi semper ⁴⁹ ubi sunt misericordiae tuae antiquae Domine quas iurasti David in veritate tua ⁵⁰ recordare Domine obprobrii servorum tuorum quia portavi in sinu meo omnes iniquitates populorum ⁵¹ quas exprobraverunt inimici tui Domine quibus exprobraverunt vestigia christi tui ⁵² benedictus Dominus in sempiternum amen et amen

¹⁵ sicut egressus est nudus de utero matris suae sic revertetur et nihil auferet secum de labore suo

¹⁹ et omni homini cui dedit Deus divitias atque substantiam potestatemque ei tribuit ut comedat ex eis et fruatur parte sua et laetetur de labore suo hoc est donum Dei

⁷ et revertatur pulvis in terram suam unde erat et spiritus redeat ad Deum qui dedit illum

¹⁵ propter hoc in doctrinis glorificate Dominum in insulis maris nomen Domini Dei Israhel

²⁴ quis dedit in direptionem Iacob et Israhel vastantibus nonne Dominus ipse cui peccavimus et noluerunt in viis eius ambulare et non audierunt legem eius

⁷ formans lucem et creans tenebras faciens pacem et creans malum ego Dominus faciens omnia haec

³⁸ MEM ex ore Altissimi non egredientur nec mala nec bona

⁶ si clanget tuba in civitate et populus non expavescet si erit malum in civitate quod Dominus non fecit

¹⁵ aut non licet mihi quod volo facere an oculus tuus nequam est quia ego bonus sum

²⁸ facere quae manus tua et consilium decreverunt fieri

²⁰ gratias agentes semper pro omnibus in nomine Domini nostri Iesu Christi Deo et Patri

¹⁸ in omnibus gratias agite haec enim voluntas Dei est in Christo Iesu in omnibus vobis

⁷ nihil enim intulimus in mundum haut dubium quia nec auferre quid possumus

¹⁷ omne datum optimum et omne donum perfectum desursum est descendens a Patre luminum apud quem non est transmutatio nec vicissitudinis obumbratio

¹⁰ ideo viri cordati audite me absit a Deo impietas et ab Omnipotente iniquitas

¹⁸ qui dicit regi apostata qui vocat duces impios ¹⁹ qui non accipit personas principum nec cognovit tyrannum cum disceptaret contra pauperem opus enim manuum eius sunt universi

⁴ qui leviter locutus sum respondere quid possum manum meam ponam super os meum ⁵ unum locutus sum quod utinam non dixissem et alterum quibus ultra non addam ⁶ respondens autem Dominus Iob de turbine ait ⁷ accinge sicut vir lumbos tuos interrogabo te et indica mihi ⁸ numquid irritum facies iudicium meum et condemnabis me ut tu iustificeris

²⁰ o homo tu quis es qui respondeas Deo numquid dicit figmentum ei qui se finxit quid me fecisti sic

⁴ patientia autem opus perfectum habeat ut sitis perfecti et integri in nullo deficientes

¹² beatus vir qui suffert temptationem quia cum probatus fuerit accipiet coronam vitae quam repromisit Deus diligentibus se

⁷ ut probatum vestrae fidei multo pretiosius sit auro quod perit per ignem probato inveniatur in laudem et gloriam et honorem in revelatione Iesu Christi