Luke 4:31 Cross References - Vulgate

³¹ et descendit in Capharnaum civitatem Galilaeae ibique docebat illos sabbatis

¹³ et relicta civitate Nazareth venit et habitavit in Capharnaum maritimam in finibus Zabulon et Nepthalim

²³ cum autem persequentur vos in civitate ista fugite in aliam amen enim dico vobis non consummabitis civitates Israhel donec veniat Filius hominis

²¹ et ingrediuntur Capharnaum et statim sabbatis ingressus synagogam docebat eos ²² et stupebant super doctrina eius erat enim docens eos quasi potestatem habens et non sicut scribae ²³ et erat in synagoga eorum homo in spiritu inmundo et exclamavit ²⁴ dicens quid nobis et tibi Iesu Nazarene venisti perdere nos scio qui sis Sanctus Dei ²⁵ et comminatus est ei Iesus dicens obmutesce et exi de homine ²⁶ et discerpens eum spiritus inmundus et exclamans voce magna exivit ab eo ²⁷ et mirati sunt omnes ita ut conquirerent inter se dicentes quidnam est hoc quae doctrina haec nova quia in potestate et spiritibus inmundis imperat et oboediunt ei ²⁸ et processit rumor eius statim in omnem regionem Galilaeae

²³ et ait illis utique dicetis mihi hanc similitudinem medice cura te ipsum quanta audivimus facta in Capharnaum fac et hic in patria tua

⁵⁰ Iudaei autem concitaverunt religiosas mulieres et honestas et primos civitatis et excitaverunt persecutionem in Paulum et Barnaban et eiecerunt eos de finibus suis

⁶ intellegentes confugerunt ad civitates Lycaoniae Lystram et Derben et universam in circuitu regionem ⁷ et ibi evangelizantes erant

¹⁹ supervenerunt autem quidam ab Antiochia et Iconio Iudaei et persuasis turbis lapidantesque Paulum traxerunt extra civitatem aestimantes eum mortuum esse ²⁰ circumdantibus autem eum discipulis surgens intravit civitatem et postera die profectus est cum Barnaba in Derben ²¹ cumque evangelizassent civitati illi et docuissent multos reversi sunt Lystram et Iconium et Antiochiam

¹ cum autem perambulassent Amphipolim et Apolloniam venerunt Thessalonicam ubi erat synagoga Iudaeorum ² secundum consuetudinem autem Paulus introivit ad eos et per sabbata tria disserebat eis de scripturis ³ adaperiens et insinuans quia Christum oportuit pati et resurgere a mortuis et quia hic est Christus Iesus quem ego adnuntio vobis

¹⁰ fratres vero confestim per noctem dimiserunt Paulum et Silam in Beroeam qui cum advenissent in synagogam Iudaeorum introierunt ¹¹ hii autem erant nobiliores eorum qui sunt Thessalonicae qui susceperunt verbum cum omni aviditate cotidie scrutantes scripturas si haec ita se haberent

¹⁶ Paulus autem cum Athenis eos expectaret incitabatur spiritus eius in ipso videns idolatriae deditam civitatem ¹⁷ disputabat igitur in synagoga cum Iudaeis et colentibus et in foro per omnes dies ad eos qui aderant

⁴ :

¹ postquam autem cessavit tumultus vocatis Paulus discipulis et exhortatus eos valedixit et profectus est ut iret in Macedoniam ² cum autem perambulasset partes illas et exhortatus eos fuisset multo sermone venit ad Graeciam

²³ nisi quod Spiritus Sanctus per omnes civitates protestatur mihi dicens quoniam vincula et tribulationes me manent ²⁴ sed nihil horum vereor nec facio animam pretiosiorem quam me dummodo consummem cursum meum et ministerium quod accepi a Domino Iesu testificari evangelium gratiae Dei