Proverbs 19:12 Cross References - Vulgate

¹² sicut fremitus leonis ita et regis ira et sicut ros super herbam ita hilaritas eius

⁴ sicut lux aurorae oriente sole mane absque nubibus rutilat et sicut pluviis germinat herba de terra

⁸ qui cum reversus esset de horto nemoribus consito et intrasset convivii locum repperit Aman super lectulum corruisse in quo iacebat Hester et ait etiam reginam vult opprimere me praesente in domo mea necdum verbum de ore regis exierat et statim operuerunt faciem eius

⁶ et dominabitur a mari usque ad mare et a flumine usque ad terminos terrae

³ sicut ros Hermon qui descendit super montana Sion quoniam ibi mandavit Dominus benedictionem vitam usque in aeternum

¹⁴ indignatio regis nuntii mortis et vir sapiens placabit eam ¹⁵ in hilaritate vultus regis vita et clementia eius quasi imber serotinus

² sicut rugitus leonis ita terror regis qui provocat eum peccat in animam suam

¹⁵ leo rugiens et ursus esuriens princeps impius super populum pauperem

⁴ et sermo illius potestate plenus est nec dicere ei quisquam potest quare ita facis

¹² quo audito rex in furore et in ira magna praecepit ut perirent omnes sapientes Babylonis ¹³ et egressa sententia sapientes interficiebantur quaerebaturque Danihel et socii eius ut perirent

¹⁹ tunc Nabuchodonosor repletus est furore et aspectus faciei illius inmutatus est super Sedrac Misac et Abdenago et praecepit ut succenderetur fornax septuplum quam succendi consuerat ²⁰ et viris fortissimis de exercitu suo iussit ut ligatis pedibus Sedrac Misac et Abdenago mitterent eos in fornacem ignis ardentem ²¹ et confestim viri illi vincti cum bracis suis et tiaris et calciamentis et vestibus missi sunt in medium fornacis ignis ardentis ²² nam iussio regis urguebat fornax autem succensa erat nimis porro viros illos qui miserant Sedrac Misac et Abdenago interfecit flamma ignis ²³ viri autem hii id est tres Sedrac Misac et Abdenago ceciderunt in medio camini ignis ardentis conligati

¹⁹ et propter magnificentiam quam dederat ei universi populi tribus et linguae tremebant et metuebant eum quos volebat interficiebat et quos volebat percutiebat quos volebat exaltabat et quos volebat humiliabat

²⁴ iubente autem rege adducti sunt viri illi qui accusaverant Danihelem et in lacum leonum missi sunt ipsi et filii et uxores eorum et non pervenerunt usque ad pavimentum laci donec arriperent eos leones et omnia ossa eorum comminuerunt

⁵ ero quasi ros Israhel germinabit quasi lilium et erumpet radix eius ut Libani

⁷ et erunt reliquiae Iacob in medio populorum multorum quasi ros a Domino et quasi stillae super herbam quae non expectat virum et non praestolatur filios hominum

⁴ dico autem vobis amicis meis ne terreamini ab his qui occidunt corpus et post haec non habent amplius quod faciant ⁵ ostendam autem vobis quem timeatis timete eum qui postquam occiderit habet potestatem mittere in gehennam ita dico vobis hunc timete