Psalms 17 Cross References - Vulgate

¹ oratio David audi Deus iustum intende deprecationem meam auribus percipe orationem meam absque labiis mendacii ² de vultu tuo iudicium meum prodeat oculi tui videant aequitates ³ probasti cor meum visitasti nocte conflasti me et non invenisti ⁴ cogitationes meas transire os meum in opere hominum propter verbum labiorum tuorum ego observavi vias latronis ⁵ sustenta gressus meos in callibus tuis et non labentur vestigia mea ⁶ ego invocavi te quia exaudies me Deus inclina aurem tuam mihi audi eloquium meum ⁷ mirabilem fac misericordiam tuam salvator sperantium ⁸ a resistentibus dexterae tuae custodi me quasi pupillam intus in oculo in umbra alarum tuarum protege me ⁹ a facie impiorum vastantium me inimici mei animam meam circumdederunt ¹⁰ adipe suo concluserunt et ore locuti sunt superbe ¹¹ incedentes adversum me nunc circumdederunt me oculos suos posuerunt declinare in terram ¹² similitudo eius quasi leonis desiderantis praedam et quasi catuli leonis sedentis in absconditis ¹³ surge Domine praeveni faciem eius incurva eum salva animam meam ab impio qui est gladius tuus ¹⁴ a viris manus tuae Domine qui mortui sunt in profundo quorum pars in vita et quorum de absconditis tuis replesti ventrem qui satiabuntur filiis et dimittent reliquias suas parvulis eorum ¹⁵ ego in iustitia videbo faciem tuam implebor cum evigilavero similitudine tua

¹⁵ oculi quoque mei erunt aperti et aures meae erectae ad orationem eius qui in loco isto oraverit

⁶ fiat auris tua auscultans et oculi tui aperti ut audias orationem servi tui quam ego oro coram te hodie nocte et die pro filiis Israhel servis tuis et confiteor pro peccatis filiorum Israhel quibus peccaverunt tibi et ego et domus patris mei peccavimus

² rex meus et Deus meus

⁸ Dominus iudicabit populos iudica me Domine secundum iustitiam meam et secundum simplicitatem meam quae est in me

²⁰ retribuit mihi Dominus secundum iustitiam meam et secundum munditiam manuum mearum reddidit mihi

⁴⁴ populus quem ignoravi serviet mihi auditione auris oboediet mihi

¹ iudica me Deus et discerne causam meam a gente non sancta a viro doloso et iniquo salva me

² adtende mihi et exaudi me humiliatus sum in meditatione mea et conturbatus ³ a voce inimici a facie persequentis impii quoniam proiecerunt super me iniquitatem et in furore adversabantur mihi

¹ de novissimo terrae ad te clamabo cum triste fuerit cor meum cum fortis elevabitur adversum me tu eris ductor meus

¹⁹ benedictus Deus qui non abstulit orationem meam et misericordiam suam a me

¹ oratio David inclina Domine aurem tuam exaudi me quia egenus et pauper ego sum

¹² vir linguosus non dirigetur in terra virum iniquum mala capient in interitu

¹ incident in rete eius impii simul ego autem transibo

⁶ clamavi ad te Domine dixi tu spes mea pars mea in terra viventium

¹⁸ sade iustus Dominus in omnibus viis suis et sanctus in omnibus operibus suis

¹³ et dixit Dominus eo quod adpropinquat populus iste ore suo et labiis suis glorificat me cor autem eius longe est a me et timuerunt me mandato hominum et doctrinis

¹⁰ et in omnibus his non est reversa ad me praevaricatrix soror eius Iuda in toto corde suo sed in mendacio ait Dominus

¹⁸ inclina Deus meus aurem tuam et audi aperi oculos tuos et vide desolationem nostram et civitatem super quam invocatum est nomen tuum neque enim in iustificationibus nostris prosternimus preces ante faciem tuam sed in miserationibus tuis multis ¹⁹ exaudi Domine placare Domine adtende et fac ne moreris propter temet ipsum Deus meus quia nomen tuum invocatum est super civitatem et super populum tuum

⁸ populus hic labiis me honorat cor autem eorum longe est a me

⁴⁷ vidit Iesus Nathanahel venientem ad se et dicit de eo ecce vere Israhelita in quo dolus non est

²¹ carissimi si cor non reprehenderit nos fiduciam habemus ad Deum

⁶ et educet sicut lumen iustitiam tuam et iudicium tuum sicut meridiem

³³ Dominus non derelinquet eum in manu eius et non condemnabit eum cum iudicatur

²⁵ et dixistis non est aequa via Domini audite domus Israhel numquid via mea non est aequa et non magis viae vestrae pravae sunt

²⁹ et dicunt filii Israhel non est aequa via Domini numquid viae meae non sunt aequae domus Israhel et non magis viae vestrae pravae

¹⁷ et dixerunt filii populi tui non est aequi ponderis via Domini et ipsorum via iniusta est

²⁰ et dicitis non est recta via Domini unumquemque iuxta vias suas iudicabo de vobis domus Israhel

⁶ si tamen iustum est apud Deum retribuere tribulationem his qui vos tribulant ⁷ et vobis qui tribulamini requiem nobiscum in revelatione Domini Iesu de caelo cum angelis virtutis eius ⁸ in flamma ignis dantis vindictam his qui non noverunt Deum et qui non oboediunt evangelio Domini nostri Iesu ⁹ qui poenas dabunt in interitu aeternas a facie Domini et a gloria virtutis eius

²⁴ ei autem qui potest vos conservare sine peccato et constituere ante conspectum gloriae suae inmaculatos in exultatione

¹⁰ ecce hodie viderunt oculi tui quod tradiderit te Dominus in manu mea in spelunca et cogitavi ut occiderem te sed pepercit tibi oculus meus dixi enim non extendam manum meam in domino meo quia christus Domini est

¹² iudicet Dominus inter me et te et ulciscatur me Dominus ex te manus autem mea non sit in te

¹¹ propitius mihi sit Dominus ne extendam manum meam in christum Domini nunc igitur tolle hastam quae est ad caput eius et scyphum aquae et abeamus

²³ Dominus autem retribuet unicuique secundum iustitiam suam et fidem tradidit enim te Dominus hodie in manu mea et nolui levare manum meam in christum Domini

¹⁰ ipse vero scit viam meam et probavit me quasi aurum quod per ignem transit

¹⁴ mane primo consurgit homicida interficit egenum et pauperem per noctem vero erit quasi fur

⁴ si reddidi retribuentibus mihi malum et dimisi hostes meos vacuos

⁵ Dominus iustum probat impium autem et diligentem iniquitatem odit anima eius

⁷ lineae ceciderunt mihi in pulcherrimis et hereditas speciosissima mea est

² proba me Domine et tempta me ure renes meos et cor meum

¹ pro victoria Idithun canticum David dixi custodiam vias meas ne peccem in lingua mea custodiam os meum silentio donec est impius contra me

¹⁷ a voce exprobrantis et blasphemantis a facie inimici et ultoris ¹⁸ omnia haec venerunt super nos et non sumus obliti tui nec mentiti fuimus in pacto tuo ¹⁹ non est conversum retro cor nostrum nec declinaverunt gressus nostri a semita tua ²⁰ quoniam deiecisti nos in loco draconum et operuisti nos umbra mortis ²¹ si obliti sumus nominis Dei nostri et expandimus manus nostras ad deum alienum

¹⁰ introduxisti nos in obsidione posuisti stridorem in dorso nostro

¹⁰⁶ iuravi et perseverabo ut custodiam iudicia iustitiae tuae

¹ pro victoria David canticum Domine investigasti me et cognovisti

³ qui custodit os suum custodit animam suam qui autem inconsideratus est ad loquendum sentiet mala

²⁰ in diebus illis et in tempore illo ait Dominus quaeretur iniquitas Israhel et non erit et peccatum Iuda et non invenietur quoniam propitius ero eis quos reliquero

⁶ quia adplicuerunt quasi clibanum cor suum cum insidiaretur eis tota nocte dormivit coquens eos mane ipse succensus quasi ignis flammae

¹ vae qui cogitatis inutile et operamini malum in cubilibus vestris in luce matutina faciunt illud quoniam contra Deum est manus eorum

⁹ et ducam tertiam partem per ignem et uram eas sicut uritur argentum et probabo eos sicut probatur aurum ipse vocabit nomen meum et ego exaudiam eum dicam populus meus es et ipse dicet Dominus Deus meus

² et quis poterit cogitare diem adventus eius et quis stabit ad videndum eum ipse enim quasi ignis conflans et quasi herba fullonum

²³ qui cum pervenisset et vidisset gratiam Dei gavisus est et hortabatur omnes proposito cordis permanere in Domino

⁹ et visio per noctem Paulo ostensa est vir macedo quidam erat stans et deprecans eum et dicens transiens in Macedoniam adiuva nos

⁹ dixit autem Dominus nocte per visionem Paulo noli timere sed loquere et ne taceas ¹⁰ propter quod ego sum tecum et nemo adponetur tibi ut noceat te quoniam populus est mihi multus in hac civitate

⁴ nihil enim mihi conscius sum sed non in hoc iustificatus sum qui autem iudicat me Dominus est

¹² nam gloria nostra haec est testimonium conscientiae nostrae quod in simplicitate et sinceritate Dei et non in sapientia carnali sed in gratia Dei conversati sumus in mundo abundantius autem ad vos

² in multis enim offendimus omnes si quis in verbo non offendit hic perfectus est vir potens etiam freno circumducere totum corpus

⁷ ut probatum vestrae fidei multo pretiosius sit auro quod perit per ignem probato inveniatur in laudem et gloriam et honorem in revelatione Iesu Christi

⁵ videns autem Deus quod multa malitia hominum esset in terra et cuncta cogitatio cordis intenta esset ad malum omni tempore

¹¹ corrupta est autem terra coram Deo et repleta est iniquitate

¹⁶ quanto magis abominabilis et inutilis homo qui bibit quasi aquas iniquitatem

³³ si abscondi quasi homo peccatum meum et celavi in sinu meo iniquitatem meam

¹ victori David dixit stultus in corde suo non est Deus ² corrupti sunt et abominabiles facti sunt studiose non est qui faciat bonum ³ Dominus de caelo prospexit super filios hominum ut videret si esset intellegens requirens Deum

⁹ beth in quo corrigit iuvenis semitam suam cum custodierit verba tua ¹⁰ in toto corde meo exquisivi te ne errare me facias a mandatis tuis ¹¹ in corde meo abscondi eloquium tuum ut non peccem tibi

¹⁰ si intraverit sapientia cor tuum et scientia animae tuae placuerit ¹¹ consilium custodiet te prudentia servabit te ¹² ut eruaris de via mala ab homine qui perversa loquitur ¹³ qui relinquunt iter rectum et ambulant per vias tenebrosas ¹⁴ qui laetantur cum malefecerint et exultant in rebus pessimis ¹⁵ quorum viae perversae et infames gressus eorum

⁴ qui respondens dixit scriptum est non in pane solo vivet homo sed in omni verbo quod procedit de ore Dei

⁷ ait illi Iesus rursum scriptum est non temptabis Dominum Deum tuum

¹⁰ tunc dicit ei Iesus vade Satanas scriptum est Dominum Deum tuum adorabis et illi soli servies

¹⁷ sanctifica eos in veritate sermo tuus veritas est

³ cum enim sit inter vos zelus et contentio nonne carnales estis et secundum hominem ambulatis

¹⁷ et galeam salutis adsumite et gladium Spiritus quod est verbum Dei

¹⁸ voluntarie genuit nos verbo veritatis ut simus initium aliquod creaturae eius

² ut iam non hominum desideriis sed voluntate Dei quod reliquum est in carne vivat temporis ³ sufficit enim praeteritum tempus ad voluntatem gentium consummandam qui ambulaverunt in luxuriis desideriis vinolentiis comesationibus potationibus et inlicitis idolorum cultibus

⁸ sobrii estote vigilate quia adversarius vester diabolus tamquam leo rugiens circuit quaerens quem devoret

¹¹ et habebant super se regem angelum abyssi cui nomen hebraice Abaddon graece autem Apollyon et latine habet nomen Exterminans

¹¹ et ipsi vicerunt illum propter sanguinem agni et propter verbum testimonii sui et non dilexerunt animam suam usque ad mortem

⁹ pedes sanctorum suorum servabit et impii in tenebris conticescent quia non in fortitudine roborabitur vir

¹¹ vestigia eius secutus est pes meus viam eius custodivi et non declinavi ex ea

³⁶ dilatabis gressus meos subtus me et non deficient tali mei

¹⁶ quia dixi ne forte insultent mihi et cum vacillaverint pedes mei super me magnificentur

¹⁸ omnia haec venerunt super nos et non sumus obliti tui nec mentiti fuimus in pacto tuo

¹⁸ si dicebam commotus est pes meus misericordia tua Domine sustentabat me

¹¹⁶ confirma me secundum verbum tuum et vivam et noli me confundere ab expectatione mea ¹¹⁷ auxiliare mihi et salvus ero et delectabor in praeceptis tuis iugiter

¹³³ gressus meos firma in sermone tuo et non des potestatem in me universae iniquitati

³ non det in commotionem pedem tuum nec dormitet qui custodit te

⁷ Dominus custodiet te ab omni malo custodiat animam tuam

²³ scio Domine quia non est hominis via eius nec viri est ut ambulet et dirigat gressus suos

³ usquequo exaltabitur inimicus meus super me ⁴ convertere exaudi me Domine Deus meus inlumina oculos meos ne umquam obdormiam in mortem

¹⁶ ego ad Deum clamabo et Dominus salvabit me

¹⁹ benedictus Deus qui non abstulit orationem meam et misericordiam suam a me ²⁰ victori in psalmis canticum carminis Deus misereatur nostri et benedicat nobis inlustret faciem suam super nos semper

⁷ in die tribulationis meae invocabo te quia exaudies me

² ingrediatur ante te oratio mea inclina aurem tuam ad laudationem meam

² inclinavit aurem suam mihi et in diebus meis invocabo

¹⁷ inclina Domine aurem tuam et audi aperi Domine oculos tuos et vide et audi omnia verba Sennacherib quae misit ad blasphemandum Deum viventem

²⁰ et nunc Domine Deus noster salva nos de manu eius et cognoscant omnia regna terrae quia tu es Dominus solus

¹⁷ nunc ergo exaudi Deus noster orationem servi tui et preces eius et ostende faciem tuam super sanctuarium tuum quod desertum est propter temet ipsum

⁶ dextera tua Domine magnifice in fortitudine dextera tua Domine percussit inimicum

⁴⁵ dixit autem David ad Philistheum tu venis ad me cum gladio et hasta et clypeo ego autem venio ad te in nomine Domini exercituum Dei agminum Israhel quibus exprobrasti ⁴⁶ hodie et dabit te Dominus in manu mea et percutiam te et auferam caput tuum a te et dabo cadaver castrorum Philisthim hodie volatilibus caeli et bestiis terrae ut sciat omnis terra quia est Deus in Israhel ⁴⁷ et noverit universa ecclesia haec quia non in gladio nec in hasta salvat Dominus ipsius est enim bellum et tradet vos in manus nostras ⁴⁸ cum ergo surrexisset Philistheus et veniret et adpropinquaret contra David festinavit David et cucurrit ad pugnam ex adverso Philisthei ⁴⁹ et misit manum suam in peram tulitque unum lapidem et funda iecit et percussit Philistheum in fronte et infixus est lapis in fronte eius et cecidit in faciem suam super terram ⁵⁰ praevaluitque David adversus Philistheum in funda et in lapide percussumque Philistheum interfecit cumque gladium non haberet in manu David ⁵¹ cucurrit et stetit super Philistheum et tulit gladium eius et eduxit de vagina sua et interfecit eum praeciditque caput eius videntes autem Philisthim quod mortuus esset fortissimus eorum fugerunt ⁵² et consurgentes viri Israhel et Iuda vociferati sunt et persecuti Philistheos usque dum venirent in vallem et usque ad portas Accaron cecideruntque vulnerati de Philisthim in via Sarim usque ad Geth et usque Accaron ⁵³ et revertentes filii Israhel postquam persecuti fuerant Philistheos invaserunt castra eorum ⁵⁴ adsumens autem David caput Philisthei adtulit illud in Hierusalem arma vero eius posuit in tabernaculo suo ⁵⁵ eo autem tempore quo viderat Saul David egredientem contra Philistheum ait ad Abner principem militiae de qua stirpe descendit hic adulescens Abner dixitque Abner vivit anima tua rex si novi ⁵⁶ et ait rex interroga tu cuius filius sit iste puer ⁵⁷ cumque regressus esset David percusso Philistheo tulit eum Abner et introduxit coram Saul caput Philisthei habentem in manu

²⁸ aufer iniquitatem famulae tuae faciens enim faciet tibi Dominus domino meo domum fidelem quia proelia Domini domine mi tu proeliaris malitia ergo non inveniatur in te omnibus diebus vitae tuae ²⁹ si enim surrexerit aliquando homo persequens te et quaerens animam tuam erit anima domini mei custodita quasi in fasciculo viventium apud Dominum Deum tuum porro anima inimicorum tuorum rotabitur quasi in impetu et circulo fundae

²² cui exprobrasti et quem blasphemasti contra quem exaltasti vocem et elevasti in excelsum oculos tuos contra Sanctum Israhel

³⁴ protegamque urbem hanc et salvabo eam propter me et propter David servum meum

⁹ oculi enim eius contemplantur universam terram et praebent fortitudinem his qui corde perfecto credunt in eum stulte igitur egisti et propter hoc ex praesenti tempore contra te bella consurgent

¹¹ et laetentur omnes qui sperant in te in perpetuum laudabunt et proteges eos et laetabuntur in te qui diligunt nomen tuum ¹² quia tu benedices iusto Domine ut scuto placabilitatis coronabis eum

¹² surge Domine Deus leva manum tuam noli oblivisci pauperum ¹³ quare blasphemat impius Deum dicens in corde suo quod non requirat ¹⁴ vides quia tu laborem et furorem respicis ut detur in manu tua tibi relinquuntur fortes tui pupillo tu es factus adiutor ¹⁵ contere brachium impii et maligni quaeres impietatem eius et non invenies ¹⁶ Dominus rex saeculi et aeternitatis perierunt gentes de terra eius

⁶ impleat Dominus omnes petitiones tuas nunc scio quoniam salvabit Dominus christum suum exaudiet eum de caelo sancto suo in fortitudine salutis dexterae suae

²¹ benedictus Dominus qui mirabilem fecit misericordiam suam mihi in civitate munita

³ tu manu tua gentes delisti et plantasti eos adflixisti populos et emisisti eos

⁵ Deus locutus est in sanctuario suo laetabor dividam Sicimam et vallem Soccoth dimetiar

¹² et duxit eos in nube per diem et tota nocte in lumine ignis

¹⁰ ne timeas quia tecum sum ego ne declines quia ego Deus tuus confortavi te et auxiliatus sum tui et suscepi te dextera iusti mei

³³ dextera igitur Dei exaltatus et promissione Spiritus Sancti accepta a Patre effudit hunc quem vos videtis et audistis

²⁰ lex autem subintravit ut abundaret delictum ubi autem abundavit delictum superabundavit gratia ²¹ ut sicut regnavit peccatum in morte ita et gratia regnet per iustitiam in vitam aeternam per Iesum Christum Dominum nostrum

³ et cantant canticum Mosi servi Dei et canticum agni dicentes magna et mirabilia opera tua Domine Deus omnipotens iustae et verae viae tuae rex saeculorum

¹⁰ invenit eum in terra deserta in loco horroris et vastae solitudinis circumduxit eum et docuit et custodivit quasi pupillam oculi sui

¹² reddat tibi Dominus pro opere tuo et plenam mercedem recipias a Domino Deo Israhel ad quem venisti et sub cuius confugisti alas

⁷ quam pretiosa est misericordia tua Domine et filii Adam in umbra alarum tuarum sperabunt

¹ invocabo Deum altissimum Deum ultorem meum

⁴ tu enim Deus exaudisti orationem meam dedisti hereditatem timentibus nomen tuum

⁷ adhesit anima mea post te me suscepit dextera tua

¹ qui habitat in abscondito Excelsi in umbraculo Domini commorabitur

⁴ in scapulis suis obumbrabit tibi et sub alis eius sperabis

² serva mandata mea et vives et legem meam quasi pupillam oculi tui

⁸ quia haec dicit Dominus exercituum post gloriam misit me ad gentes quae spoliaverunt vos qui enim tetigerit vos tangit pupillam oculi eius

³⁷ Hierusalem Hierusalem quae occidis prophetas et lapidas eos qui ad te missi sunt quotiens volui congregare filios tuos quemadmodum gallina congregat pullos suos sub alas et noluisti

³⁴ Hierusalem Hierusalem quae occidis prophetas et lapidas eos qui mittuntur ad te quotiens volui congregare filios tuos quemadmodum avis nidum suum sub pinnis et noluisti

¹¹ quin potius pater mi vide et cognosce oram clamydis tuae in manu mea quoniam cum praeciderem summitatem clamydis tuae nolui extendere manum meam in te animadverte et vide quoniam non est in manu mea malum neque iniquitas neque peccavi in te tu autem insidiaris animae meae ut auferas eam

⁹ et dedi locum populo meo Israhel plantabitur et habitabit in eo et ultra non commovebitur nec filii iniquitatis adterent eos sicut a principio

⁵ persequatur inimicus animam meam et adprehendat et conculcet in terra vitam meam et gloriam meam in pulverem conlocet semper

²⁰ abscondes eos in protectione vultus tui a duritia viri abscondes eos in umbra a contradictione linguarum

⁴ confundantur et revereantur qui quaerunt animam meam convertantur retrorsum et confundantur qui cogitant malum mihi

⁷ quia frustra absconderunt mihi insidias retis sui sine causa foderunt animae meae

¹² reddebant mihi mala pro bono sterilitatem animae meae

² at ille respondit quis est Dominus ut audiam vocem eius et dimittam Israhel nescio Dominum et Israhel non dimittam

⁹ dixit inimicus persequar et conprehendam dividam spolia implebitur anima mea evaginabo gladium meum interficiet eos manus mea

¹⁵ incrassatus est dilectus et recalcitravit incrassatus inpinguatus dilatatus dereliquit Deum factorem suum et recessit a Deo salutari suo

³ nolite multiplicare loqui sublimia gloriantes recedant vetera de ore vestro quoniam Deus scientiarum Dominus est et ipsi praeparantur cogitationes

²⁷ operuit faciem eius crassitudo et de lateribus eius arvina dependet

³ disperdat Dominus omnia labia dolosa linguam magniloquam ⁴ qui dixerunt linguam nostram roboremus labia nostra nobiscum sunt quis dominus noster est

¹⁸ muta fiant labia mendacii quae loquuntur contra iustum vetera in superbia et despectione

⁷ posuerunt in caelo os suum et lingua eorum deambulavit in terra ⁸ propterea convertetur populus eius hic et quis plenus invenietur in eis ⁹ et dixerunt quomodo novit Deus et si est scientia in Excelso

⁷⁰ incrassatum est velut adeps cor eorum et ego in lege tua delectabar

⁴ multum repleta est anima nostra obprobrii abundantium et despectionis superborum

¹⁰ excaeca cor populi huius et aures eius adgrava et oculos eius claude ne forte videat oculis suis et auribus suis audiat et corde suo intellegat et convertatur et sanem eum

¹⁵ incrassatum est enim cor populi huius et auribus graviter audierunt et oculos suos cluserunt nequando oculis videant et auribus audiant et corde intellegant et convertantur et sanem eos

²⁷ incrassatum est enim cor populi huius et auribus graviter audierunt et oculos suos conpresserunt ne forte videant oculis et auribus audiant et corde intellegant et convertantur et sanem illos

¹⁸ superba enim vanitatis loquentes pellicent in desideriis carnis luxuriae eos qui paululum effugiunt qui in errore conversantur

⁵ et datum est ei os loquens magna et blasphemiae et data est illi potestas facere menses quadraginta duo ⁶ et aperuit os suum in blasphemias ad Deum blasphemare nomen eius et tabernaculum eius et eos qui in caelo habitant

²⁶ et ibat Saul ad latus montis ex parte una David autem et viri eius erant in latere montis ex parte altera porro David desperabat se posse evadere a facie Saul itaque Saul et viri eius in modum coronae cingebant David et viros eius ut caperent eos

² adsumens ergo Saul tria milia electorum virorum ex omni Israhel perrexit ad investigandum David et viros eius etiam super abruptissimas petras quae solis hibicibus perviae sunt ³ et venit ad caulas quoque ovium quae se offerebant vianti eratque ibi spelunca quam ingressus est Saul ut purgaret ventrem porro David et viri eius in interiori parte speluncae latebant

² et surrexit Saul et descendit in desertum Ziph et cum eo tria milia virorum de electis Israhel ut quaereret David in deserto Ziph ³ et castrametatus est Saul in Gabaa Achilae quae erat ex adverso solitudinis in via David autem habitabat in deserto videns autem quod venisset Saul post se in desertum

⁸ sedet insidians iuxta vestibula in absconditis ut interficiat innocentem ⁹ oculi eius robustos tuos circumspiciunt insidiatur in abscondito quasi leo in cubili insidiatur ut rapiat pauperem rapiet pauperem cum adtraxerit eum ad rete suum ¹⁰ et confractum subiciet et inruet viribus suis valenter

¹⁴ heth gladium evaginaverunt impii tetenderunt arcum suum ut percutiant egenum et pauperem et interficiant rectos in via

¹⁷ circumdederunt me quasi aquae tota die vallaverunt me pariter

¹³ annuit oculis terit pede digito loquitur ¹⁴ pravo corde machinatur malum et in omni tempore iurgia seminat

² ne forte capiat ut leo animam meam laceret et non sit qui eruat

⁹ oculi eius robustos tuos circumspiciunt insidiatur in abscondito quasi leo in cubili insidiatur ut rapiat pauperem rapiet pauperem cum adtraxerit eum ad rete suum

¹³ aperuerunt super me os suum quasi leo capiens et rugiens

¹⁷ Dominus autem mihi adstitit et confortavit me ut per me praedicatio impleatur et audiant omnes gentes et liberatus sum de ore leonis

⁷ quia percussisti omnium inimicorum meorum maxillam dentes impiorum confregisti

⁶ surge Domine in furore tuo elevare indignans super hostes meos et consurge ad me iudicio quod mandasti

¹¹ Deus iudex iustus et fortis comminans tota die ¹² non convertenti gladium suum acuet arcum suum tetendit et paravit illum ¹³ et in ipso praeparavit vasa mortis sagittas suas ad conburendum operatus est

²⁰ erue a gladio animam meam de manu canis solitariam meam

²³ consurge quare dormitas Domine evigila quare proicis nos in sempiternum

²⁶ surge auxiliare nobis et redime nos propter misericordiam tuam

¹²⁶ tempus est ut facias Domine praevaricati sunt legem tuam

⁵ vae Assur virga furoris mei et baculus ipse in manu eorum indignatio mea

¹⁵ numquid gloriabitur securis contra eum qui secat in ea aut exaltabitur serra contra eum a quo trahitur quomodo si elevetur virga contra levantem se et exaltetur baculus qui utique lignum est

⁵ venientibus de terra procul a summitate caeli Dominus et vasa furoris eius ut disperdat omnem terram

²⁶ numquid non audisti quae olim fecerim ei ex diebus antiquis ego plasmavi illud et nunc adduxi et factum est in eradicationem collium conpugnantium et civitatum munitarum

⁹ consurge consurge induere fortitudinem brachium Domini consurge sicut in diebus antiquis in generationibus saeculorum numquid non tu percussisti superbum vulnerasti draconem

¹² numquid non tu a principio Domine Deus meus Sancte meus et non moriemur Domine in iudicium posuisti eum et fortem ut corriperes fundasti eum

²⁸ facere quae manus tua et consilium decreverunt fieri

⁶ abundant tabernacula praedonum et audacter provocant Deum cum ipse dederit omnia in manibus eorum

⁹ quis ignorat quod omnia haec manus Domini fecerit

⁷ quare ergo impii vivunt sublevati sunt confortatique divitiis ⁸ semen eorum permanet coram eis propinquorum turba et nepotum in conspectu eorum ⁹ domus eorum securae sunt et pacatae et non est virga Dei super illos ¹⁰ bos eorum concepit et non abortit vacca peperit et non est privata fetu suo ¹¹ egrediuntur quasi greges parvuli eorum et infantes eorum exultant lusibus ¹² tenent tympanum et citharam et gaudent ad sonitum organi ¹³ ducunt in bonis dies suos et in puncto ad inferna descendunt ¹⁴ qui dixerunt Deo recede a nobis et scientiam viarum tuarum nolumus ¹⁵ quid est Omnipotens ut serviamus ei et quid nobis prodest si oraverimus illum

²¹ quid enim ad eum pertinet de domo sua post se et si numerus mensuum eius dimidietur

¹⁸ cum ille implesset domos eorum bonis quorum sententia procul sit a me

¹⁴ si multiplicati fuerint filii eius in gladio erunt et nepotes eius non saturabuntur pane ¹⁵ qui reliqui fuerint ex eo sepelientur in interitu et viduae illius non plorabunt ¹⁶ si conportaverit quasi terram argentum et sicut lutum praeparaverit vestimenta ¹⁷ praeparabit quidem sed iustus vestietur illis et argentum innocens dividet

⁶ tantum in imagine ambulat homo tantum frustra turbatur congregat et ignorat cui dimittat ea

¹⁷ neque enim moriens tollet omnia nec descendet post eum gloria eius ¹⁸ quia animae suae in vita sua benedicet laudabunt inquient te cum benefeceris tibi ¹⁹ intrabit usque ad generationes patrum suorum usque ad finem non videbunt lucem

³ in labore hominum non sunt et cum hominibus non flagellabuntur ⁴ ideo nutriti sunt ad superbiam circumdederunt iniquitatem sibi ⁵ processerunt a pinguidine oculi eorum transierunt cogitationes cordis ⁶ inriserunt et locuti sunt in malitia calumniam de excelso loquentes ⁷ posuerunt in caelo os suum et lingua eorum deambulavit in terra

¹² et fui flagellatus tota die et increpatio mea in matutinis

⁴ si quaesieris eam quasi pecuniam et sicut thesauros effoderis illam

⁴⁴ simile est regnum caelorum thesauro abscondito in agro quem qui invenit homo abscondit et prae gaudio illius vadit et vendit universa quae habet et emit agrum illum

¹⁹ et dicam animae meae anima habes multa bona posita in annos plurimos requiesce comede bibe epulare ²⁰ dixit autem illi Deus stulte hac nocte animam tuam repetunt a te quae autem parasti cuius erunt ²¹ sic est qui sibi thesaurizat et non est in Deum dives

⁸ et laudavit dominus vilicum iniquitatis quia prudenter fecisset quia filii huius saeculi prudentiores filiis lucis in generatione sua sunt

²⁵ et dixit illi Abraham fili recordare quia recepisti bona in vita tua et Lazarus similiter mala nunc autem hic consolatur tu vero cruciaris

²⁷ et ait rogo ergo te pater ut mittas eum in domum patris mei ²⁸ habeo enim quinque fratres ut testetur illis ne et ipsi veniant in locum hunc tormentorum

²³ et dicebat eis vos de deorsum estis ego de supernis sum vos de mundo hoc estis ego non sum de hoc mundo

¹⁹ si de mundo fuissetis mundus quod suum erat diligeret quia vero de mundo non estis sed ego elegi vos de mundo propterea odit vos mundus

¹⁴ ego dedi eis sermonem tuum et mundus odio eos habuit quia non sunt de mundo sicut et ego non sum de mundo

⁵ epulati estis super terram et in luxuriis enutristis corda vestra in die occisionis

⁴ vos ex Deo estis filioli et vicistis eos quoniam maior est qui in vobis est quam qui in mundo ⁵ ipsi de mundo sunt ideo de mundo loquuntur et mundus eos audit

²⁶ et ait faciamus hominem ad imaginem et similitudinem nostram et praesit piscibus maris et volatilibus caeli et bestiis universaeque terrae omnique reptili quod movetur in terra ²⁷ et creavit Deus hominem ad imaginem suam ad imaginem Dei creavit illum masculum et feminam creavit eos

⁸ ore enim ad os loquor ei et palam non per enigmata et figuras Dominum videt quare igitur non timuistis detrahere servo meo Mosi

¹⁵ sin autem malum vobis videtur ut Domino serviatis optio vobis datur eligite hodie quod placet cui potissimum servire debeatis utrum diis quibus servierunt patres vestri in Mesopotamia an diis Amorreorum in quorum terra habitatis ego autem et domus mea serviemus Domino

¹² sic homo cum dormierit non resurget donec adteratur caelum non evigilabit nec consurget de somno suo

²⁶ et rursum circumdabor pelle mea et in carne mea videbo Deum ²⁷ quem visurus sum ego ipse et oculi mei conspecturi sunt et non alius reposita est haec spes mea in sinu meo

⁶ leva super nos lucem vultus tui Domine dedisti laetitiam in corde meo ⁷ in tempore frumentum et vinum eorum multiplicata sunt

⁷ ego autem in multitudine misericordiae tuae introibo in domum tuam adorabo in templo sancto tuo in timore tuo

⁷ quoniam iustus Dominus iustitias dilexit rectum videbunt facies eorum

¹¹ non enim derelinques animam meam in inferno nec dabis sanctum tuum videre corruptionem ostendes mihi semitam vitae plenitudinem laetitiarum ante vultum tuum decores in dextera tua aeternos

⁸ inebriabuntur de pinguidine domus tuae et torrente deliciarum tuarum potabis eos ⁹ quoniam tecum est fons vitae in lumine tuo videbimus lumen

¹⁴ quasi grex in inferno positi sunt mors pascet eos et subicient eos recti in matutino et figura eorum conteretur in inferno post habitaculum suum

⁴ terribilis in iustitia exaudi nos Deus salvator noster confidentia omnium finium terrae et maris longinqui

¹¹¹ hereditas mea testimonia tua in sempiternum quia gaudium cordis mei sunt

¹⁹ vivent mortui tui interfecti mei resurgent expergiscimini et laudate qui habitatis in pulvere quia ros lucis ros tuus et terram gigantum detrahes in ruinam

⁶ beati qui esuriunt et sitiunt iustitiam quoniam ipsi saturabuntur

⁵² et monumenta aperta sunt et multa corpora sanctorum qui dormierant surrexerunt ⁵³ et exeuntes de monumentis post resurrectionem eius venerunt in sanctam civitatem et apparuerunt multis

¹⁸ nos vero omnes revelata facie gloriam Domini speculantes in eandem imaginem transformamur a claritate in claritatem tamquam a Domini Spiritu

²¹ qui reformabit corpus humilitatis nostrae configuratum corpori claritatis suae secundum operationem qua possit etiam subicere sibi omnia

² carissimi nunc filii Dei sumus et nondum apparuit quid erimus scimus quoniam cum apparuerit similes ei erimus quoniam videbimus eum sicuti est ³ et omnis qui habet spem hanc in eo sanctificat se sicut et ille sanctus est

¹⁶ non esurient neque sitient amplius neque cadet super illos sol neque ullus aestus ¹⁷ quoniam agnus qui in medio throni est reget illos et deducet eos ad vitae fontes aquarum et absterget Deus omnem lacrimam ex oculis eorum

³ et audivi vocem magnam de throno dicentem ecce tabernaculum Dei cum hominibus et habitabit cum eis et ipsi populus eius erunt et ipse Deus cum eis erit eorum Deus ⁴ et absterget Deus omnem lacrimam ab oculis eorum et mors ultra non erit neque luctus neque clamor neque dolor erit ultra quae prima abierunt

²³ et civitas non eget sole neque luna ut luceant in ea nam claritas Dei inluminavit eam et lucerna eius est agnus