Luke 24:49 Cross References - WestSaxon1175

⁴⁹ & ic sende on eow mines fader be-hat. Sitte ge on ceastre oððe ge seon ufene ge-scredde.

¹⁶ & ic bidde fæder. & he sylð eow oðerne frefiend þæt beo æfre mid eow. ¹⁷ Soðfæstnysse gast þe þes middeneard ne maig under-fon. He ne can hine for-þan þe he ne gesihð hine. Ge hine cunnen for-þan þe he wuneð mid eow. & beoð on eow.

²⁶ Se halge frofre gast þe se fæder sent on minan naman eow lærð ealle þing. & he lærð eow ealle þa þing. þe ic eow segge.

²⁶ [Note: Cum uenerit paraclitus spiritus ueritatis quam (sic) ego mittam a patre. ] Ðonne se frefriend cymð þe ic eow sende fram fæder soðfæstnisse gast þe cymð fram fæder. he kyð ge-witnysse be me.

⁷ ac ic segge sodfæstnysse. Eow fremed þæt ic fare. Gyf ic ne fare ne kymð se frofriende to eow. Witoðlice gyf ic fare. ich hine sende to eow. ⁸ & þonne he cymð he þirð (sic) þissne middan-eard. be synne. & be rihtwysnesse. & be dome. ⁹ Be synne; for-þam hyo ne ge-lyfden on me. ¹⁰ Be rihtwysnesse; for-þam ic fare to þam fæder. & ge me ne ge-seoð. ¹¹ Be dome; for-þam þises middan-eardes ealdor ys ge-demed. ¹² Gyt ic habbe eow fele to seggene. Ac ge hyt ne magen nu acumen. ¹³ Þanne þare soðfæstnysse gast kymð. he lærð eow ealle sodfæstnysse. Ne sprecð he of hym sylfan. Ac he spræcð þa þing þe he ge-hyrð. ænd kyð eow þa þing þe toweard synd. ¹⁴ he me ge-swuteloð. for-þam he nemð of minum & kyð eow. ¹⁵ ealle þa þing þe min fæder hæfð synd mine. for-þi ic cwæð. þæt he nymð of minum & keð eow. ¹⁶ [Note: Modicum & non uidebitis me. & iterum modicum & uidebitis me quia uado ad patrem. ] Nu embe an lytel ge me ne ge-seoð. & eft embe litel ge me ge-seoð. for-þam þe ich fare to þam fæder.