Matthew 8:23 Cross References - WestSaxon1175

²³ & he on-stah on scyp. & hys leorning-cnihtes hym felgdon.

¹ Þa astah he on scyp & ofer-seglede & com on his ceastre

³⁶ & þa manige for-lætende. hyo on-fengen hine swa he on scype wæs & oðre scype wæren mid hym. ³⁷ & þa wæs micel yst windes ge-worðen. ænd yþa he awarp on þt scyp þt hit wæs ge-felld ³⁸ & he wæs on scype ofer bolster slæpende. & hyo awehten hine & cwæðen. ne be-lympð to þe þt we for-wurdðeð. ³⁹ & he aras & þam winde be-bead & [quoth]. to þare sæ. Swug & ge-stille. & se wind ge-swac þa. & warð mycel smoltnes. ⁴⁰ & he saigde heom hwi synde ge forhte. gyt ge næbbeð ge-leafen. ⁴¹ & hyo mychelen eige heom on-drædden. & cwæðen ælc to oðren. hwæt wenst þu hwæt is þes þe him windes & sæ hersumiað.

²² þa cwæð se hælend. Fareð end kydað Iohanne þa þing þe ge ge-seagen & ge-hyrden. þt blinde ge-seoð. & healte gað. hrefle synde ge-helde. deafe ge-hereð. deade ariseð. þærfen bodiað.

²² Soðlice anen daige wæs ge-worðen þa þe he on scyp eode. & his leorning-cnihtes; þa cwæd he to heom. Vton seiglien ofer þisne mere. & hyo segledon þa. ²³ þa þe hyo reowan þa slep he. Þa com windj east & hyo forteden. ²⁴ Þa ge-nehlahten hyo him to & cwæðen hlaford we forwurðeð. Ða aras he & þreadde þane wind. & þas wæteres reðnysse. Ða ge-swac se wind & wærð mycel smoltnysse. ²⁵ Þa cwæð se hælend hwær is eower ge-leafe. Þa andreddon hio & wundredon. end be-twuxe heom cwæðen. Wenst þu hwæt is þes. þæt he be-beot windon. & sæ; & hy him hersumieð.