John 19:14 Cross References - WestSaxon990

¹⁴ Hit wæs þa eastra gegearcung-dæg & hyt wæs seo syxte tid ða cwæð he to ðam iudeon. her ys eower cyning.

⁶² Witodlice oðrum dæge þe wæs gearcung-dæg comon togædere þæra sacerda ealdras. & þa sundor-halgan to pilate.

²⁵ Þa wæs undern-tïd. & hi ahengon hine.

³³ And þære syxtan tide wurdo[n] þystru gewordene geond ealle eorðan. oð nön-tide ³⁴ & to nön-tide se hælend clypode mycelre stemne. heloi. heloi. lema sabbattani. þt is on ure geðeode mïn god mïn god. hwi for-lete þu me;

⁴² And þa æfen wæs geworden þt wæs parasceue. þt is ær sæter-dæge

⁵⁴ And þa wæs se dæg parasceue þt is gegearwunge. & sæter-dæg on-lyhte;

³ & hi comon to hym. & cwædon; Häl beo ðu iudea cyning & hi plætton hyne mid hyra handum;

⁵ Þa eode se hælend üt & bær þyrnenne cyne-helm & purpuren reaf & sæde him. her is mann.

¹⁹ witodlice pilatus wrat ofer-gewrit. & sette ofer his röde þær wæs ongewriten. þis ys se nazareniscea hælend iudea cyning; ²⁰ Manega ðæra iudea ræddon þiss gewrit forþam þe þeo stow wæs gehende þære ceastre þær se hælend wæs ahangen; Hit wæs awriten ebreisceon stafon & grecisceon. & leden stafon; ²¹ Ða cwædon þa bisceopas to pilate; Ne wrït ðu iudea cyng ac þt he cwæde ic eom iudea cyning; ²² Ða cwæð pilatus. ic wrat þt ic wrat;

³¹ Ða iudeas bædon pilatum þt man for-bræce hyra sceancan. and lete hi nyðer for-þam þe hit wæs gegearcung-dæg. þt þa lichaman ne wunodon on röde o[n] reste-dæge; Se dæg wæs mære reste-dæg; ³² Ða comon þa cempan & bræcon ærest ðæs sceancan þe mid him ahangen wæs.

⁴² Soðlice þar hig ledon þone hælend for-þam þæra iudea gearcung wæs wið þa byrgene.