Job 24:13 Cross References - Wycliffe

¹³ Thei weren rebel to liyt; thei knewen not the weyes therof, nether thei turneden ayen bi the pathis therof.

¹¹ My foot suede hise steppis; Y kepte his weie, and Y bowide not awey fro it. ¹² Y yede not awei fro the comaundementis of hise lippis; and Y hidde in my bosum the wordis of his mouth.

¹⁹ The weie of wickid men is derk; thei witen not where thei schulen falle.

⁴⁷ But thilke seruaunt that knew the wille of his lord, and made not hym redi, and dide not aftir his wille, schal be betun with many betyngis. ⁴⁸ But he that knew not, and dide worthi thingis of strokis, schal be betun with fewe. For to eche man to whom myche is youun, myche schal be axid of hym; and thei schulen axe more of hym, to whom thei bitoken myche.

¹⁹ And this is the dom, for liyt cam in to the world, and men loueden more derknessis than liyt; for her werkes weren yuele. ²⁰ For ech man that doith yuele, hatith the liyt; and he cometh not to the liyt, that hise werkis be not repreued.

³¹ Therfor Jhesus seide to the Jewis, that bileueden in hym, If ye dwellen in my word, verili ye schulen be my disciplis;

⁴⁴ Ye ben of the fadir, the deuel, and ye wolen do the desyris of youre fadir. He was a mansleere fro the bigynnyng, and he stood not in treuthe; for treuthe is not in hym. Whanne he spekith lesyng, he spekith of his owne; for he is a liere, and fadir of it.

³⁹ Therfore Jhesus seide to hym, Y cam in to this world, `in to doom, that thei that seen not, see, and thei that seen, be maad blynde. ⁴⁰ And summe of the Faryseis herden, that weren with hym, and thei seiden to hym, Whether we ben blynde? ⁴¹ Jhesus seide to hem, If ye weren blynde, ye schulden not haue synne; but now ye seien, That we seen, youre synne dwellith stille.

³⁵ Who is this mannus sone? And thanne Jhesus seith to hem, Yit a litil liyt is in you; walke ye, the while ye han liyt, that derknessis catche you not; he that wandrith in derknessis, woot nere whidur he goith.

⁴⁰ He hath blyndid her iyen, and he hath maad hard the herte of hem, that thei se not with iyen, and vndurstonde with herte; and that thei be conuertid, and Y heele hem.

⁶ If ony man dwellith not in me, he schal be caste out as a braunche, and schal wexe drie; and thei schulen gadere hym, and thei schulen caste hym in to the fier, and he brenneth.

²² If Y hadde not comun, and hadde not spokun to hem, thei schulden not haue synne; but now thei haue noon excusacioun of her synne. ²³ He that hatith me, hatith also my fadir. ²⁴ If Y hadde not doon werkis in hem, whiche noon other man dide, thei schulden not haue synne; but now both thei han seyn, and hatid me and my fadir.

³² The whiche whanne thei hadden knowe the riytwisnesse of God, vndirstoden not, that thei that don siche thingis ben worthi the deth, not oneli thei that don tho thingis, but also thei that consenten to the doeris.

¹⁷ But if thou art named a Jew, and restist in the lawe, and hast glorie in God, ¹⁸ and hast knowe his wille, and thou lerud bi lawe preuest the more profitable thingis, ¹⁹ and tristist thi silf to be a ledere of blynde men, the liyt of hem that ben in derknessis, ²⁰ a techere of vnwise men, a maistir of yonge children, that hast the foorme of kunnyng and of treuthe in the lawe; ²¹ what thanne techist thou another, and techist not thi silf? Thou that prechist that me schal not stele, stelist? ²² Thou that techist that me schal `do no letcherie, doist letcherie? Thou that wlatist maumetis, doist sacrilegie? ²³ Thou that hast glorie in the lawe, vnworschipist God bi brekyng of the lawe? ²⁴ For the name of God is blasfemed bi you among hethene men, as is writun.

¹¹ ther is no man vndurstondynge, nethir sekynge God. ¹² Alle bowiden a wey, togidere thei ben maad vnprofitable; ther is noon that doith good thing, there is noon `til to oon. ¹³ The throte of hem is an opyn sepulcre; with her tungis thei diden gilefuli; the venym of snakis is vndur her lippis. ¹⁴ The mouth of whiche is ful of cursyng and bitternesse; ¹⁵ the feet of hem ben swifte to schede blood. ¹⁶ Sorewe and cursidnesse ben in the weies of hem, and thei knewen not the weie of pees; ¹⁷

¹⁰ and grete wondris, false, and in al disseit of wickidnesse, to hem that perischen. For that thei resseyueden not the charite of treuthe, that thei schulden be maad saaf. And therfor God schal sende to hem a worching of errour, that thei bileue to leesing, ¹¹ that alle be demed, whiche bileueden not to treuthe, but consentiden to wickidnesse. ¹² But, britheren louyd of God, we owen to do thankyngis euermore to God for you, that God chees vs the firste fruytis in to heelthe, in halewing of spirit and in feith of treuthe;

¹⁷ Therfor it is synne to hym, that kan do good, and doith not.

²⁰ For if men forsaken the vnclennessis of the world, bi the knowyng of oure Lord and sauyour Jhesu Crist, and eftsone ben wlappid in these, and ben ouercomun, the lattere thingis ben maad to hem worse than the formere. ²¹ For it was betere to hem to not knowe the weie of riytwisnesse, than to turne ayen aftir the knowyng, fro that hooli maundement that was bitakun to hem. ²² For thilke very prouerb bifelde to hem, The hound turnede ayen to his castyng, and a sowe is waischun in walwyng in fenne.

¹⁹ Thei wenten forth fro vs, but thei weren not of vs; for if thei hadden be of vs, thei hadden dwelte with vs; but that thei be knowun, that thei ben not of vs.

⁶ And he reseruede vndur derknesse aungels, that kepten not her prinshod, but forsoken her hous, in to the dom of the greet God, in to euerlastynge bondis.