Proverbs 16:2 Cross References - Wycliffe

² Alle the weies of men ben opyn to the iyen of God; the Lord is a weiere of spiritis.

¹³ And the while Samuel cam to Saul, Saul seide to hym, Blessid be thou of the Lord, Y haue fillid the `word of the Lord. ¹⁴ And Samuel seide, And what is the vois of flockis, that sowneth in myn eeris, and of grete beestis, whiche Y here?

⁷ And the Lord seide to Samuel, Biholde thou not his cheer, nethir hiynesse of his stature; for Y castide hym awei, and Y demyde not bi `the siyt of man; for a man seeth tho thingis that ben opyn, but the Lord biholdith the herte.

² For thei schulen wexe drie swiftli as hey; and thei schulen falle doun soone as the wortis of eerbis.

²¹ The Lord seeth the weie of a man; and biholdith alle hise steppis.

²⁵ A weye is that semeth riytful to a man; and the laste thingis therof leden to deth.

² Ech weye of a man semeth riytful to hym silf; but the Lord peisith the hertis.

¹² If thou seist, Strengthis suffisen not; he that is biholdere of the herte, vndirstondith, and no thing disseyueth the kepere of thi soule, and he schal yelde to a man bi hise werkis.

¹² A generacioun that semeth cleene to it silf, and netheles is not waischun fro hise filthis.

⁷ The weie of a iust man is riytful, the path of a iust man is riytful to go.

²² Thouy thou waischist thee with fulleris clei, and multypliest to thee the erbe borith, thou art defoulid in thi wickidnesse bifore me, seith the Lord God. ²³ Hou seist thou, Y am not defoulid, Y yede not aftir Baalym? Se thi weies in the greet valei, wite thou what thou hast do; a swifte rennere ordeynynge hise weies.

¹⁰ Y am the Lord sekynge the herte, and preuynge the reynes, and Y yyue to ech man after his weye, and aftir the fruyt of his fyndyngis.

²⁷ Techel, thou art weied in a balaunce, and thou art foundun hauynge lesse;

¹⁵ And he seide to hem, Ye it ben, that iustifien you bifor men; but God hath knowun youre hertis, for that that is hiy to men, is abhomynacioun bifor God.

⁹ And he seide also to sum men, that tristiden in hem silf, as thei weren riytful, and dispiseden othere, this parable, ¹⁰ seiynge, Twei men wenten vp in to the temple to preye; the toon a Farisee, and the tother a pupplican. ¹¹ And the Farisee stood, and preiede bi hym silf these thingis, and seide, God, Y do thankyngis to thee, for Y am not as other men, raueinouris, vniust, auoutreris, as also this pupplican;

⁷ What therfor schulen we seie? The lawe is synne? God forbede. But Y knew not synne, but bi lawe; for Y wiste not that coueitynge was synne, but for the lawe seide, Thou schalt not coueyte. ⁸ And thoruy occasioun takun, synne bi the maundement hath wrouyt in me al coueytise; for withouten the lawe, synne was deed. ⁹ And Y lyuede withouten the lawe sumtyme; but whanne the comaundement was comun, synne lyuede ayen.

¹⁸ And to the aungel of the chirche of Tiatira write thou, These thingis seith the sone of God, that hath iyen as flawme of fier, and hise feet lijk latoun.

²³ And Y schal slee hir sones in to deth, and alle chirchis schulen wite, that Y am serchinge reynes and hertis; and Y schal yyue to ech man of you after hise werkis.