Romans 15:14 Cross References - Wycliffe

¹⁴ And, britheren, Y my silf am certeyn of you, that also ye ben ful of loue, and ye ben fillid with al kunnyng, so that ye moun moneste ech other.

⁵ For in alle thingis ye ben maad riche in hym, in ech word, and in ech kunnyng,

¹ But of these thingis that ben sacrified to ydols, we witen, for alle we han kunnyng. But kunnyng blowith, charite edefieth.

⁷ But not in alle men is kunnyng. For summen with conscience of ydol til now eten as thing offrid to idolis; and her conscience is defoulid, for it is sijk.

¹⁰ For if ony man schal se hym, that hath kunnyng, etynge in a place where idols ben worschipid, whethir his conscience, sithen it is sijke, schal not be edified to ete thingis offrid to idols?

⁸ to another the word of kunnyng, bi the same spirit;

² And if Y haue prophecie, and knowe alle mysteries, and al kunnynge, and if Y haue al feith, so that Y meue hillis fro her place, and Y haue not charite, Y am nouyt.

⁹ For the fruyt of liyt is in al goodnesse, and riytwisnesse, and treuthe.

⁷ As it is iust to me to feele this thing for alle you, for that Y haue you in herte, and in my boondis, and in defending and confermyng of the gospel, that alle ye be felowis of my ioye.

¹¹ fillid with the fruyt of riytwysnesse bi Jhesu Crist, in to the glory and the heriyng of God.

⁸ which also schewide to vs youre louyng in spirit. ⁹ Therfor we fro the dai in which we herden, ceessen not to preye for you, and to axe, that ye be fillid with the knowing of his wille in al wisdom and goostli vndurstondyng; ¹⁰ that ye walke worthili to God plesynge bi alle thingis, and make fruyt in al good werk, and wexe in the science of God,

¹⁶ The word of Crist dwelle in you plenteuousli, in al wisdom; and teche and moneste you silf in salmes, and ympnes, and spiritual songis, in grace synginge in youre hertis to the Lord.

¹¹ For which thing comforte ye togidere, and edefie ye ech other, as ye doon.

¹⁴ And, britheren, we preien you, repreue ye vnpesible men. Coumforte ye men of litil herte, resseyue ye sijke men, be ye pacient to alle men.

⁵ And Y bithenke of that feith, that is in thee not feyned, which also dwellide firste in thin aunte Loide, and in thi modir Eunyce. And Y am certeyn, that also in thee.

³ also olde wymmen in hooli abite, not sclaundereris, not seruynge myche to wyn, wel techynge, that thei teche prudence. ⁴ Moneste thou yonge wymmen, that thei loue here hosebondis, that thei loue her children;

²¹ Y tristnynge of thin obedience wroot to thee, witynge that thou schalt do ouer that that Y seie.

¹² For whanne ye ouyten to be maistris for tyme, eftsoone ye neden that ye be tauyt, whiche ben the lettris of the bigynnyng of Goddis wordis. And ye ben maad thilke, to whiche is nede of mylk, and not sad mete.

⁹ But, ye moost dereworthe, we tristen of you betere thingis, and neer to helthe, thouy we speken so.

²⁴ And biholde we togidere in the stiring of charite and of good werkis; not forsakinge oure gadering togidere, ²⁵ as it is of custom to sum men, but coumfortinge, and bi so myche the more, bi hou myche ye seen the dai neiyynge.

⁵ And bringe ye in alle bisynesse, and mynystre ye in youre feith vertu, and `in vertu kunnyng; ⁶ in kunnyng abstinence, in abstynence pacience, in pacience pitee; ⁷ in pitee, love of britherhod, and in loue of britherhod charite. ⁸ For if these ben with you, and ouercomen, thei schulen not make you voide, nethir with out fruyt, in the knowyng of oure Lord Jhesu Crist.

¹² For which thing Y schal bigynne to moneste you euere more of these thingis; and Y wole that ye be kunnynge, and confermyd in this present treuthe.

²¹ Y wroot not to you, as to men that knowen not treuthe, but as to men that knowen it, and for ech leesing is not of treuthe.

²⁰ But ye, moost dere britheren, aboue bilde you silf on youre moost hooli feith, and preye ye in the Hooli Goost, ²¹ and kepe you silf in the loue of God, and abide ye the merci of oure Lord Jhesu Crist in to lijf euerlastynge. ²² And repreue ye these men that ben demed, ²³ but saue ye hem, and take ye hem fro the fier. And do ye merci to othere men, in the drede of God, and hate ye also thilke defoulid coote, which is fleischli.