Esther 9:5-14

HOT^{(i) 5} ויכו היהודים בכל איביהם מכת חרב והרג ואבדן ויעשׂו בשׂנאיהם כרצונם׃ ⁶ ובשׁושׁן הבירה הרגו היהודים ואבד חמשׁ מאות אישׁ׃ ⁷ ואת פרשׁנדתא ואת דלפון ואת אספתא׃ ⁸ ואת פורתא ואת אדליא ואת ארידתא׃ ⁹ ואת פרמשׁתא ואת אריסי ואת ארידי ואת ויזתא׃ ¹⁰ עשׂרת בני המן בן המדתא צרר היהודים הרגו ובבזה לא שׁלחו את ידם׃ ¹¹ ביום ההוא בא מספר ההרוגים בשׁושׁן הבירה לפני המלך׃ ¹² ויאמר המלך לאסתר המלכה בשׁושׁן הבירה הרגו היהודים ואבד חמשׁ מאות אישׁ ואת עשׂרת בני המן בשׁאר מדינות המלך מה עשׂו ומה שׁאלתך וינתן לך ומה בקשׁתך עוד ותעשׂ׃ ¹³ ותאמר אסתר אם על המלך טוב ינתן גם מחר ליהודים אשׁר בשׁושׁן לעשׂות כדת היום ואת עשׂרת בני המן יתלו על העץ׃ ¹⁴ ויאמר המלך להעשׂות כן ותנתן דת בשׁושׁן ואת עשׂרת בני המן תלו׃