HOT(i)
39 וידבר משׁה את הדברים האלה אל כל בני ישׂראל ויתאבלו העם מאד׃ 40 וישׁכמו בבקר ויעלו אל ראשׁ ההר לאמר הננו ועלינו אל המקום אשׁר אמר יהוה כי חטאנו׃ 41 ויאמר משׁה למה זה אתם עברים את פי יהוה והוא לא תצלח׃ 42 אל תעלו כי אין יהוה בקרבכם ולא תנגפו לפני איביכם׃ 43 כי העמלקי והכנעני שׁם לפניכם ונפלתם בחרב כי על כן שׁבתם מאחרי יהוה ולא יהיה יהוה עמכם׃ 44 ויעפלו לעלות אל ראשׁ ההר וארון ברית יהוה ומשׁה לא משׁו מקרב המחנה׃ 45 וירד העמלקי והכנעני הישׁב בהר ההוא ויכום ויכתום עד החרמה׃