HOT(i)
1 למנצח בנגינות מזמור לדוד׃ (4:2) בקראי ענני אלהי צדקי בצר הרחבת לי חנני ושׁמע תפלתי׃ 2 (4:3) בני אישׁ עד מה כבודי לכלמה תאהבון ריק תבקשׁו כזב סלה׃ 3 (4:4) ודעו כי הפלה יהוה חסיד לו יהוה ישׁמע בקראי אליו׃ 4 (4:5) רגזו ואל תחטאו אמרו בלבבכם על משׁכבכם ודמו סלה׃ 5 (4:6) זבחו זבחי צדק ובטחו אל יהוה׃ 6 (4:7) רבים אמרים מי יראנו טוב נסה עלינו אור פניך יהוה׃ 7 (4:8) נתתה שׂמחה בלבי מעת דגנם ותירושׁם רבו׃ 8 (4:9) בשׁלום יחדו אשׁכבה ואישׁן כי אתה יהוה לבדד לבטח תושׁיבני׃