Vulgate(i)
3 Herodes enim tenuit Iohannem et alligavit eum et posuit in carcere propter Herodiadem uxorem fratris sui
4 dicebat enim illi Iohannes non licet tibi habere eam
5 et volens illum occidere timuit populum quia sicut prophetam eum habebant
6 die autem natalis Herodis saltavit filia Herodiadis in medio et placuit Herodi
7 unde cum iuramento pollicitus est ei dare quodcumque postulasset ab eo
8 at illa praemonita a matre sua da mihi inquit hic in disco caput Iohannis Baptistae
9 et contristatus est rex propter iuramentum autem et eos qui pariter recumbebant iussit dari
10 misitque et decollavit Iohannem in carcere