Vulgate(i)
4 sicut enim in uno corpore multa membra habemus omnia autem membra non eundem actum habent
5 ita multi unum corpus sumus in Christo singuli autem alter alterius membra
6 habentes autem donationes secundum gratiam quae data est nobis differentes sive prophetiam secundum rationem fidei
7 sive ministerium in ministrando sive qui docet in doctrina
8 qui exhortatur in exhortando qui tribuit in simplicitate qui praeest in sollicitudine qui miseretur in hilaritate