1 Samuel 24:10-15 And he seide to Saul, Whi herist thou the wordis of men spekynge, Dauid sekith yuel ayens thee?

Wycliffe⁽ⁱ⁾ ¹⁰ And he seide to Saul, Whi herist thou the wordis of men spekynge, Dauid sekith yuel ayens thee? ¹¹ Lo! to dai thin iyen siyen, that the Lord bitook thee in myn hond in the denne, and Y thouyte that Y wolde sle thee, but myn iye sparide thee; for Y seide, Y schal not holde forth myn hond in to my lord, which is the crist, `that is, anoyntid, of the Lord. ¹² But rathere, my fadir, se thou, and knowe the hemme of thi mentil in myn hond, for whanne Y kittide aweie the hemme of thi mentil, Y nolde holde forth myn hond in thee; perseyue thou, and see, for nether yuel nether wickidnesse is in myn hond, nether Y synnede ayens thee; but thou aspiest my lijf, that thou do it awei. ¹³ The Lord deme bitwixe me and thee, and the Lord venge me of thee; but myn hond be not in thee, ¹⁴ as it is seid also in eld prouerbe, Wickidnesse schal go out of wickid men; therfor myn hond be not in thee. ¹⁵ `Whom pursuest thou, kyng of Israel, whom pursuest thou? Thou pursuest a deed hound, and a quyk fle.