Ecclesiastes 5:10-16 Where ben many richessis, also many men ben, that eten tho; and what profitith it to the haldere, no but that he seeth richessis with hise iyen?

Wycliffe⁽ⁱ⁾ ¹⁰ Where ben many richessis, also many men ben, that eten tho; and what profitith it to the haldere, no but that he seeth richessis with hise iyen? ¹¹ Slepe is swete to hym that worchith, whether he etith litil ether myche; but the fulnesse of a ryche man suffrith not hym to slepe. ¹² Also anothir sijknesse is ful yuel, which Y siy vndur the sunne; richessis ben kept in to the yuel of her lord. ¹³ For thei perischen in the worste turment; he gendride a sone, that schal be in souereyn nedynesse. ¹⁴ As he yede nakid out of his modris wombe, so he schal turne ayen; and he schal take awei with hym no thing of his trauel. ¹⁵ Outirli it is a wretchid sijknesse; as he cam, so he schal turne ayen. What therfor profitith it to hym, that he trauelide in to the wynde? ¹⁶ In alle the daies of his lijf he eet in derknessis, and in many bisinessis, and in nedynesse, and sorewe.