2 Kings 4 Cross References - HOT

1 ואשׁה אחת מנשׁי בני הנביאים צעקה אל אלישׁע לאמר עבדך אישׁי מת ואתה ידעת כי עבדך היה ירא את יהוה והנשׁה בא לקחת את שׁני ילדי לו לעבדים׃2 ויאמר אליה אלישׁע מה אעשׂה לך הגידי לי מה ישׁ לכי בבית ותאמר אין לשׁפחתך כל בבית כי אם אסוך שׁמן׃3 ויאמר לכי שׁאלי לך כלים מן החוץ מאת כל שׁכנכי כלים רקים אל תמעיטי׃4 ובאת וסגרת הדלת בעדך ובעד בניך ויצקת על כל הכלים האלה והמלא תסיעי׃5 ותלך מאתו ותסגר הדלת בעדה ובעד בניה הם מגשׁים אליה והיא מיצקת׃6 ויהי כמלאת הכלים ותאמר אל בנה הגישׁה אלי עוד כלי ויאמר אליה אין עוד כלי ויעמד השׁמן׃7 ותבא ותגד לאישׁ האלהים ויאמר לכי מכרי את השׁמן ושׁלמי את נשׁיכי ואת בניכי תחיי בנותר׃8 ויהי היום ויעבר אלישׁע אל שׁונם ושׁם אשׁה גדולה ותחזק בו לאכל לחם ויהי מדי עברו יסר שׁמה לאכל לחם׃9 ותאמר אל אישׁה הנה נא ידעתי כי אישׁ אלהים קדושׁ הוא עבר עלינו תמיד׃10 נעשׂה נא עלית קיר קטנה ונשׂים לו שׁם מטה ושׁלחן וכסא ומנורה והיה בבאו אלינו יסור שׁמה׃11 ויהי היום ויבא שׁמה ויסר אל העליה וישׁכב שׁמה׃12 ויאמר אל גחזי נערו קרא לשׁונמית הזאת ויקרא לה ותעמד לפניו׃13 ויאמר לו אמר נא אליה הנה חרדת אלינו את כל החרדה הזאת מה לעשׂות לך הישׁ לדבר לך אל המלך או אל שׂר הצבא ותאמר בתוך עמי אנכי ישׁבת׃14 ויאמר ומה לעשׂות לה ויאמר גיחזי אבל בן אין לה ואישׁה זקן׃15 ויאמר קרא לה ויקרא לה ותעמד בפתח׃16 ויאמר למועד הזה כעת חיה אתי חבקת בן ותאמר אל אדני אישׁ האלהים אל תכזב בשׁפחתך׃17 ותהר האשׁה ותלד בן למועד הזה כעת חיה אשׁר דבר אליה אלישׁע׃18 ויגדל הילד ויהי היום ויצא אל אביו אל הקצרים׃19 ויאמר אל אביו ראשׁי ראשׁי ויאמר אל הנער שׂאהו אל אמו׃20 וישׂאהו ויביאהו אל אמו וישׁב על ברכיה עד הצהרים וימת׃21 ותעל ותשׁכבהו על מטת אישׁ האלהים ותסגר בעדו ותצא׃22 ותקרא אל אישׁה ותאמר שׁלחה נא לי אחד מן הנערים ואחת האתנות וארוצה עד אישׁ האלהים ואשׁובה׃23 ויאמר מדוע אתי הלכתי אליו היום לא חדשׁ ולא שׁבת ותאמר שׁלום׃24 ותחבשׁ האתון ותאמר אל נערה נהג ולך אל תעצר לי לרכב כי אם אמרתי׃25 ותלך ותבוא אל אישׁ האלהים אל הר הכרמל ויהי כראות אישׁ האלהים אתה מנגד ויאמר אל גיחזי נערו הנה השׁונמית הלז׃26 עתה רוץ נא לקראתה ואמר לה השׁלום לך השׁלום לאישׁך השׁלום לילד ותאמר שׁלום׃27 ותבא אל אישׁ האלהים אל ההר ותחזק ברגליו ויגשׁ גיחזי להדפה ויאמר אישׁ האלהים הרפה לה כי נפשׁה מרה לה ויהוה העלים ממני ולא הגיד׃28 ותאמר השׁאלתי בן מאת אדני הלא אמרתי לא תשׁלה אתי׃29 ויאמר לגיחזי חגר מתניך וקח משׁענתי בידך ולך כי תמצא אישׁ לא תברכנו וכי יברכך אישׁ לא תעננו ושׂמת משׁענתי על פני הנער׃30 ותאמר אם הנער חי יהוה וחי נפשׁך אם אעזבך ויקם וילך אחריה׃31 וגחזי עבר לפניהם וישׂם את המשׁענת על פני הנער ואין קול ואין קשׁב וישׁב לקראתו ויגד לו לאמר לא הקיץ הנער׃32 ויבא אלישׁע הביתה והנה הנער מת משׁכב על מטתו׃33 ויבא ויסגר הדלת בעד שׁניהם ויתפלל אל יהוה׃34 ויעל וישׁכב על הילד וישׂם פיו על פיו ועיניו על עיניו וכפיו על כפו ויגהר עליו ויחם בשׂר הילד׃35 וישׁב וילך בבית אחת הנה ואחת הנה ויעל ויגהר עליו ויזורר הנער עד שׁבע פעמים ויפקח הנער את עיניו׃36 ויקרא אל גיחזי ויאמר קרא אל השׁנמית הזאת ויקראה ותבוא אליו ויאמר שׂאי בנך׃37 ותבא ותפל על רגליו ותשׁתחו ארצה ותשׂא את בנה ותצא׃38 ואלישׁע שׁב הגלגלה והרעב בארץ ובני הנביאים ישׁבים לפניו ויאמר לנערו שׁפת הסיר הגדולה ובשׁל נזיד לבני הנביאים׃39 ויצא אחד אל השׂדה ללקט ארת וימצא גפן שׂדה וילקט ממנו פקעת שׂדה מלא בגדו ויבא ויפלח אל סיר הנזיד כי לא ידעו׃40 ויצקו לאנשׁים לאכול ויהי כאכלם מהנזיד והמה צעקו ויאמרו מות בסיר אישׁ האלהים ולא יכלו לאכל׃41 ויאמר וקחו קמח וישׁלך אל הסיר ויאמר צק לעם ויאכלו ולא היה דבר רע בסיר׃42 ואישׁ בא מבעל שׁלשׁה ויבא לאישׁ האלהים לחם בכורים עשׂרים לחם שׂערים וכרמל בצקלנו ויאמר תן לעם ויאכלו׃43 ויאמר משׁרתו מה אתן זה לפני מאה אישׁ ויאמר תן לעם ויאכלו כי כה אמר יהוה אכל והותר׃44 ויתן לפניהם ויאכלו ויותרו כדבר יהוה׃

Genesis 14:24

24 בלעדי רק אשׁר אכלו הנערים וחלק האנשׁים אשׁר הלכו אתי ענר אשׁכל וממרא הם יקחו חלקם׃

Genesis 15:2-3

2 ויאמר אברם אדני יהוה מה תתן לי ואנכי הולך ערירי ובן משׁק ביתי הוא דמשׂק אליעזר׃3 ויאמר אברם הן לי לא נתתה זרע והנה בן ביתי יורשׁ אתי׃

Genesis 17:16-17

16 וברכתי אתה וגם נתתי ממנה לך בן וברכתיה והיתה לגוים מלכי עמים ממנה יהיו׃17 ויפל אברהם על פניו ויצחק ויאמר בלבו הלבן מאה שׁנה יולד ואם שׂרה הבת תשׁעים שׁנה תלד׃

Genesis 17:17-17

17 ויפל אברהם על פניו ויצחק ויאמר בלבו הלבן מאה שׁנה יולד ואם שׂרה הבת תשׁעים שׁנה תלד׃

Genesis 17:21

21 ואת בריתי אקים את יצחק אשׁר תלד לך שׂרה למועד הזה בשׁנה האחרת׃

Genesis 18:10-14

10 ויאמר שׁוב אשׁוב אליך כעת חיה והנה בן לשׂרה אשׁתך ושׂרה שׁמעת פתח האהל והוא אחריו׃

Genesis 18:10

10 ויאמר שׁוב אשׁוב אליך כעת חיה והנה בן לשׂרה אשׁתך ושׂרה שׁמעת פתח האהל והוא אחריו׃11 ואברהם ושׂרה זקנים באים בימים חדל להיות לשׂרה ארח כנשׁים׃12 ותצחק שׂרה בקרבה לאמר אחרי בלתי היתה לי עדנה ואדני זקן׃

Genesis 18:12-15

12 ותצחק שׂרה בקרבה לאמר אחרי בלתי היתה לי עדנה ואדני זקן׃13 ויאמר יהוה אל אברהם למה זה צחקה שׂרה לאמר האף אמנם אלד ואני זקנתי׃

Genesis 18:13-15

13 ויאמר יהוה אל אברהם למה זה צחקה שׂרה לאמר האף אמנם אלד ואני זקנתי׃14 היפלא מיהוה דבר למועד אשׁוב אליך כעת חיה ולשׂרה בן׃

Genesis 18:14-15

14 היפלא מיהוה דבר למועד אשׁוב אליך כעת חיה ולשׂרה בן׃15 ותכחשׁ שׂרה לאמר לא צחקתי כי יראה ויאמר לא כי צחקת׃

Genesis 18:17

17 ויהוה אמר המכסה אני מאברהם אשׁר אני עשׂה׃

Genesis 19:3

3 ויפצר בם מאד ויסרו אליו ויבאו אל ביתו ויעשׂ להם משׁתה ומצות אפה ויאכלו׃

Genesis 21:1

1 ויהוה פקד את שׂרה כאשׁר אמר ויעשׂ יהוה לשׂרה כאשׁר דבר׃

Genesis 22:2

2 ויאמר קח נא את בנך את יחידך אשׁר אהבת את יצחק ולך לך אל ארץ המריה והעלהו שׁם לעלה על אחד ההרים אשׁר אמר אליך׃

Genesis 22:12

12 ויאמר אל תשׁלח ידך אל הנער ואל תעשׂ לו מאומה כי עתה ידעתי כי ירא אלהים אתה ולא חשׂכת את בנך את יחידך ממני׃

Genesis 25:21

21 ויעתר יצחק ליהוה לנכח אשׁתו כי עקרה הוא ויעתר לו יהוה ותהר רבקה אשׁתו׃

Genesis 29:6

6 ויאמר להם השׁלום לו ויאמרו שׁלום והנה רחל בתו באה עם הצאן׃

Genesis 30:1

1 ותרא רחל כי לא ילדה ליעקב ותקנא רחל באחתה ותאמר אל יעקב הבה לי בנים ואם אין מתה אנכי׃

Genesis 37:3

3 וישׂראל אהב את יוסף מכל בניו כי בן זקנים הוא לו ועשׂה לו כתנת פסים׃

Genesis 37:5

5 ויחלם יוסף חלום ויגד לאחיו ויוספו עוד שׂנא אתו׃

Genesis 37:14

14 ויאמר לו לך נא ראה את שׁלום אחיך ואת שׁלום הצאן והשׁבני דבר וישׁלחהו מעמק חברון ויבא שׁכמה׃

Exodus 4:17

17 ואת המטה הזה תקח בידך אשׁר תעשׂה בו את האתת׃

Exodus 4:20

20 ויקח משׁה את אשׁתו ואת בניו וירכבם על החמר וישׁב ארצה מצרים ויקח משׁה את מטה האלהים בידו׃

Exodus 7:19-20

19 ויאמר יהוה אל משׁה אמר אל אהרן קח מטך ונטה ידך על מימי מצרים על נהרתם על יאריהם ועל אגמיהם ועל כל מקוה מימיהם ויהיו דם והיה דם בכל ארץ מצרים ובעצים ובאבנים׃20 ויעשׂו כן משׁה ואהרן כאשׁר צוה יהוה וירם במטה ויך את המים אשׁר ביאר לעיני פרעה ולעיני עבדיו ויהפכו כל המים אשׁר ביאר לדם׃

Exodus 10:17

17 ועתה שׂא נא חטאתי אך הפעם והעתירו ליהוה אלהיכם ויסר מעלי רק את המות הזה׃

Exodus 14:16

16 ואתה הרם את מטך ונטה את ידך על הים ובקעהו ויבאו בני ישׂראל בתוך הים ביבשׁה׃

Exodus 15:23

23 ויבאו מרתה ולא יכלו לשׁתת מים ממרה כי מרים הם על כן קרא שׁמה מרה׃

Exodus 15:25

25 ויצעק אל יהוה ויורהו יהוה עץ וישׁלך אל המים וימתקו המים שׁם שׂם לו חק ומשׁפט ושׁם נסהו׃

Exodus 23:16

16 וחג הקציר בכורי מעשׂיך אשׁר תזרע בשׂדה וחג האסף בצאת השׁנה באספך את מעשׂיך מן השׂדה׃

Exodus 33:12-16

12 ויאמר משׁה אל יהוה ראה אתה אמר אלי העל את העם הזה ואתה לא הודעתני את אשׁר תשׁלח עמי ואתה אמרת ידעתיך בשׁם וגם מצאת חן בעיני׃13 ועתה אם נא מצאתי חן בעיניך הודעני נא את דרכך ואדעך למען אמצא חן בעיניך וראה כי עמך הגוי הזה׃14 ויאמר פני ילכו והנחתי׃15 ויאמר אליו אם אין פניך הלכים אל תעלנו מזה׃16 ובמה יודע אפוא כי מצאתי חן בעיניך אני ועמך הלוא בלכתך עמנו ונפלינו אני ועמך מכל העם אשׁר על פני האדמה׃

Leviticus 10:3

3 ויאמר משׁה אל אהרן הוא אשׁר דבר יהוה לאמר בקרבי אקדשׁ ועל פני כל העם אכבד וידם אהרן׃

Leviticus 25:39-41

39 וכי ימוך אחיך עמך ונמכר לך לא תעבד בו עבדת עבד׃40 כשׂכיר כתושׁב יהיה עמך עד שׁנת היבל יעבד עמך׃41 ויצא מעמך הוא ובניו עמו ושׁב אל משׁפחתו ואל אחזת אבתיו ישׁוב׃

Leviticus 25:48

48 אחרי נמכר גאלה תהיה לו אחד מאחיו יגאלנו׃

Leviticus 26:26

26 בשׁברי לכם מטה לחם ואפו עשׂר נשׁים לחמכם בתנור אחד והשׁיבו לחמכם במשׁקל ואכלתם ולא תשׂבעו׃

Numbers 10:10

10 וביום שׂמחתכם ובמועדיכם ובראשׁי חדשׁכם ותקעתם בחצצרת על עלתיכם ועל זבחי שׁלמיכם והיו לכם לזכרון לפני אלהיכם אני יהוה אלהיכם׃

Numbers 28:11

11 ובראשׁי חדשׁיכם תקריבו עלה ליהוה פרים בני בקר שׁנים ואיל אחד כבשׂים בני שׁנה שׁבעה תמימם׃

Deuteronomy 8:8

8 ארץ חטה ושׂערה וגפן ותאנה ורמון ארץ זית שׁמן ודבשׁ׃

Deuteronomy 12:6

6 והבאתם שׁמה עלתיכם וזבחיכם ואת מעשׂרתיכם ואת תרומת ידכם ונדריכם ונדבתיכם ובכרת בקרכם וצאנכם׃

Deuteronomy 26:2-10

2 ולקחת מראשׁית כל פרי האדמה אשׁר תביא מארצך אשׁר יהוה אלהיך נתן לך ושׂמת בטנא והלכת אל המקום אשׁר יבחר יהוה אלהיך לשׁכן שׁמו שׁם׃3 ובאת אל הכהן אשׁר יהיה בימים ההם ואמרת אליו הגדתי היום ליהוה אלהיך כי באתי אל הארץ אשׁר נשׁבע יהוה לאבתינו לתת׃4 ולקח הכהן הטנא מידך והניחו לפני מזבח יהוה אלהיך׃5 וענית ואמרת לפני יהוה אלהיך ארמי אבד אבי וירד מצרימה ויגר שׁם במתי מעט ויהי שׁם לגוי גדול עצום ורב׃6 וירעו אתנו המצרים ויענונו ויתנו עלינו עבדה קשׁה׃7 ונצעק אל יהוה אלהי אבתינו וישׁמע יהוה את קלנו וירא את ענינו ואת עמלנו ואת לחצנו׃8 ויוצאנו יהוה ממצרים ביד חזקה ובזרע נטויה ובמרא גדל ובאתות ובמפתים׃9 ויבאנו אל המקום הזה ויתן לנו את הארץ הזאת ארץ זבת חלב ודבשׁ׃10 ועתה הנה הבאתי את ראשׁית פרי האדמה אשׁר נתתה לי יהוה והנחתו לפני יהוה אלהיך והשׁתחוית לפני יהוה אלהיך׃

Deuteronomy 28:22-24

22 יככה יהוה בשׁחפת ובקדחת ובדלקת ובחרחר ובחרב ובשׁדפון ובירקון ורדפוך עד אבדך׃23 והיו שׁמיך אשׁר על ראשׁך נחשׁת והארץ אשׁר תחתיך ברזל׃24 יתן יהוה את מטר ארצך אבק ועפר מן השׁמים ירד עליך עד השׁמדך׃

Deuteronomy 28:38-40

38 זרע רב תוציא השׂדה ומעט תאסף כי יחסלנו הארבה׃39 כרמים תטע ועבדת ויין לא תשׁתה ולא תאגר כי תאכלנו התלעת׃40 זיתים יהיו לך בכל גבולך ושׁמן לא תסוך כי ישׁל זיתך׃

Deuteronomy 32:14

14 חמאת בקר וחלב צאן עם חלב כרים ואילים בני בשׁן ועתודים עם חלב כליות חטה ודם ענב תשׁתה חמר׃

Deuteronomy 33:1

1 וזאת הברכה אשׁר ברך משׁה אישׁ האלהים את בני ישׂראל לפני מותו׃

Joshua 5:12

12 וישׁבת המן ממחרת באכלם מעבור הארץ ולא היה עוד לבני ישׂראל מן ויאכלו מתבואת ארץ כנען בשׁנה ההיא׃

Joshua 6:4-5

4 ושׁבעה כהנים ישׂאו שׁבעה שׁופרות היובלים לפני הארון וביום השׁביעי תסבו את העיר שׁבע פעמים והכהנים יתקעו בשׁופרות׃5 והיה במשׁך בקרן היובל בשׁמעכם את קול השׁופר יריעו כל העם תרועה גדולה ונפלה חומת העיר תחתיה ועלו העם אישׁ נגדו׃

Joshua 19:18

18 ויהי גבולם יזרעאלה והכסולת ושׁונם׃

Judges 13:2

2 ויהי אישׁ אחד מצרעה ממשׁפחת הדני ושׁמו מנוח ואשׁתו עקרה ולא ילדה׃

Judges 19:20

20 ויאמר האישׁ הזקן שׁלום לך רק כל מחסורך עלי רק ברחוב אל תלן׃

Ruth 1:1-4

1 ויהי בימי שׁפט השׁפטים ויהי רעב בארץ וילך אישׁ מבית לחם יהודה לגור בשׂדי מואב הוא ואשׁתו ושׁני בניו׃2 ושׁם האישׁ אלימלך ושׁם אשׁתו נעמי ושׁם שׁני בניו מחלון וכליון אפרתים מבית לחם יהודה ויבאו שׂדי מואב ויהיו שׁם׃3 וימת אלימלך אישׁ נעמי ותשׁאר היא ושׁני בניה׃4 וישׂאו להם נשׁים מאביות שׁם האחת ערפה ושׁם השׁנית רות וישׁבו שׁם כעשׂר שׁנים׃

Ruth 1:16-18

16 ותאמר רות אל תפגעי בי לעזבך לשׁוב מאחריך כי אל אשׁר תלכי אלך ובאשׁר תליני אלין עמך עמי ואלהיך אלהי׃17 באשׁר תמותי אמות ושׁם אקבר כה יעשׂה יהוה לי וכה יסיף כי המות יפריד ביני ובינך׃18 ותרא כי מתאמצת היא ללכת אתה ותחדל לדבר אליה׃

Ruth 2:4

4 והנה בעז בא מבית לחם ויאמר לקוצרים יהוה עמכם ויאמרו לו יברכך יהוה׃

1 Samuel 1:2

2 ולו שׁתי נשׁים שׁם אחת חנה ושׁם השׁנית פננה ויהי לפננה ילדים ולחנה אין ילדים׃

1 Samuel 1:8

8 ויאמר לה אלקנה אישׁה חנה למה תבכי ולמה לא תאכלי ולמה ירע לבבך הלוא אנכי טוב לך מעשׂרה בנים׃

1 Samuel 1:10

10 והיא מרת נפשׁ ותתפלל על יהוה ובכה תבכה׃

1 Samuel 1:19-20

19 וישׁכמו בבקר וישׁתחוו לפני יהוה וישׁבו ויבאו אל ביתם הרמתה וידע אלקנה את חנה אשׁתו ויזכרה יהוה׃20 ויהי לתקפות הימים ותהר חנה ותלד בן ותקרא את שׁמו שׁמואל כי מיהוה שׁאלתיו׃

1 Samuel 3:18

18 ויגד לו שׁמואל את כל הדברים ולא כחד ממנו ויאמר יהוה הוא הטוב בעינו יעשׂה׃

1 Samuel 7:16-17

16 והלך מדי שׁנה בשׁנה וסבב בית אל והגלגל והמצפה ושׁפט את ישׂראל את כל המקומות האלה׃17 ותשׁבתו הרמתה כי שׁם ביתו ושׁם שׁפט את ישׂראל ויבן שׁם מזבח ליהוה׃

1 Samuel 9:4

4 ויעבר בהר אפרים ויעבר בארץ שׁלשׁה ולא מצאו ויעברו בארץ שׁעלים ואין ויעבר בארץ ימיני ולא מצאו׃

1 Samuel 9:7

7 ויאמר שׁאול לנערו והנה נלך ומה נביא לאישׁ כי הלחם אזל מכלינו ותשׁורה אין להביא לאישׁ האלהים מה אתנו׃

1 Samuel 14:37

37 וישׁאל שׁאול באלהים הארד אחרי פלשׁתים התתנם ביד ישׂראל ולא ענהו ביום ההוא׃

1 Samuel 17:18

18 ואת עשׂרת חרצי החלב האלה תביא לשׂר האלף ואת אחיך תפקד לשׁלום ואת ערבתם תקח׃

1 Samuel 19:20

20 וישׁלח שׁאול מלאכים לקחת את דוד וירא את להקת הנביאים נבאים ושׁמואל עמד נצב עליהם ותהי על מלאכי שׁאול רוח אלהים ויתנבאו גם המה׃

1 Samuel 22:2

2 ויתקבצו אליו כל אישׁ מצוק וכל אישׁ אשׁר לו נשׁא וכל אישׁ מר נפשׁ ויהי עליהם לשׂר ויהיו עמו כארבע מאות אישׁ׃

1 Samuel 25:19-20

19 ותאמר לנעריה עברו לפני הנני אחריכם באה ולאישׁה נבל לא הגידה׃20 והיה היא רכבת על החמור וירדת בסתר ההר והנה דוד ואנשׁיו ירדים לקראתה ותפגשׁ אתם׃

1 Samuel 28:4

4 ויקבצו פלשׁתים ויבאו ויחנו בשׁונם ויקבץ שׁאול את כל ישׂראל ויחנו בגלבע׃

1 Samuel 28:6

6 וישׁאל שׁאול ביהוה ולא ענהו יהוה גם בחלמות גם באורים גם בנביאם׃

2 Samuel 7:3

3 ויאמר נתן אל המלך כל אשׁר בלבבך לך עשׂה כי יהוה עמך׃

2 Samuel 19:13

13 (19:14) ולעמשׂא תמרו הלוא עצמי ובשׂרי אתה כה יעשׂה לי אלהים וכה יוסיף אם לא שׂר צבא תהיה לפני כל הימים תחת יואב׃

2 Samuel 19:32

32 (19:33) וברזלי זקן מאד בן שׁמנים שׁנה והוא כלכל את המלך בשׁיבתו במחנים כי אישׁ גדול הוא מאד׃

2 Samuel 19:32-38

32 (19:33) וברזלי זקן מאד בן שׁמנים שׁנה והוא כלכל את המלך בשׁיבתו במחנים כי אישׁ גדול הוא מאד׃33 (19:34) ויאמר המלך אל ברזלי אתה עבר אתי וכלכלתי אתך עמדי בירושׁלם׃34 (19:35) ויאמר ברזלי אל המלך כמה ימי שׁני חיי כי אעלה את המלך ירושׁלם׃35 (19:36) בן שׁמנים שׁנה אנכי היום האדע בין טוב לרע אם יטעם עבדך את אשׁר אכל ואת אשׁר אשׁתה אם אשׁמע עוד בקול שׁרים ושׁרות ולמה יהיה עבדך עוד למשׂא אל אדני המלך׃36 (19:37) כמעט יעבר עבדך את הירדן את המלך ולמה יגמלני המלך הגמולה הזאת׃37 (19:38) ישׁב נא עבדך ואמת בעירי עם קבר אבי ואמי והנה עבדך כמהם יעבר עם אדני המלך ועשׂה לו את אשׁר טוב בעיניך׃38 (19:39) ויאמר המלך אתי יעבר כמהם ואני אעשׂה לו את הטוב בעיניך וכל אשׁר תבחר עלי אעשׂה׃

2 Samuel 21:1

1 ויהי רעב בימי דוד שׁלשׁ שׁנים שׁנה אחרי שׁנה ויבקשׁ דוד את פני יהוה ויאמר יהוה אל שׁאול ואל בית הדמים על אשׁר המית את הגבענים׃

1 Kings 1:3

3 ויבקשׁו נערה יפה בכל גבול ישׂראל וימצאו את אבישׁג השׁונמית ויבאו אתה למלך׃

1 Kings 2:32

32 והשׁיב יהוה את דמו על ראשׁו אשׁר פגע בשׁני אנשׁים צדקים וטבים ממנו ויהרגם בחרב ואבי דוד לא ידע את אבנר בן נר שׂר צבא ישׂראל ואת עמשׂא בן יתר שׂר צבא יהודה׃

1 Kings 12:22

22 ויהי דבר האלהים אל שׁמעיה אישׁ האלהים לאמר׃

1 Kings 13:1

1 והנה אישׁ אלהים בא מיהודה בדבר יהוה אל בית אל וירבעם עמד על המזבח להקטיר׃

1 Kings 13:13

13 ויאמר אל בניו חבשׁו לי החמור ויחבשׁו לו החמור וירכב עליו׃

1 Kings 13:23

23 ויהי אחרי אכלו לחם ואחרי שׁתותו ויחבשׁ לו החמור לנביא אשׁר השׁיבו׃

1 Kings 17:12

12 ותאמר חי יהוה אלהיך אם ישׁ לי מעוג כי אם מלא כף קמח בכד ומעט שׁמן בצפחת והנני מקשׁשׁת שׁנים עצים ובאתי ועשׂיתיהו לי ולבני ואכלנהו ומתנו׃

1 Kings 17:14

14 כי כה אמר יהוה אלהי ישׂראל כד הקמח לא תכלה וצפחת השׁמן לא תחסר עד יום תתן יהוה גשׁם על פני האדמה׃15 ותלך ותעשׂה כדבר אליהו ותאכל הוא והיא וביתה ימים׃16 כד הקמח לא כלתה וצפחת השׁמן לא חסר כדבר יהוה אשׁר דבר ביד אליהו׃17 ויהי אחר הדברים האלה חלה בן האשׁה בעלת הבית ויהי חליו חזק מאד עד אשׁר לא נותרה בו נשׁמה׃18 ותאמר אל אליהו מה לי ולך אישׁ האלהים באת אלי להזכיר את עוני ולהמית את בני׃19 ויאמר אליה תני לי את בנך ויקחהו מחיקה ויעלהו אל העליה אשׁר הוא ישׁב שׁם וישׁכבהו על מטתו׃

1 Kings 17:19

19 ויאמר אליה תני לי את בנך ויקחהו מחיקה ויעלהו אל העליה אשׁר הוא ישׁב שׁם וישׁכבהו על מטתו׃20 ויקרא אל יהוה ויאמר יהוה אלהי הגם על האלמנה אשׁר אני מתגורר עמה הרעות להמית את בנה׃

1 Kings 17:20-21

20 ויקרא אל יהוה ויאמר יהוה אלהי הגם על האלמנה אשׁר אני מתגורר עמה הרעות להמית את בנה׃21 ויתמדד על הילד שׁלשׁ פעמים ויקרא אל יהוה ויאמר יהוה אלהי תשׁב נא נפשׁ הילד הזה על קרבו׃

1 Kings 17:21

21 ויתמדד על הילד שׁלשׁ פעמים ויקרא אל יהוה ויאמר יהוה אלהי תשׁב נא נפשׁ הילד הזה על קרבו׃22 וישׁמע יהוה בקול אליהו ותשׁב נפשׁ הילד על קרבו ויחי׃23 ויקח אליהו את הילד וירדהו מן העליה הביתה ויתנהו לאמו ויאמר אליהו ראי חי בנך׃24 ותאמר האשׁה אל אליהו עתה זה ידעתי כי אישׁ אלהים אתה ודבר יהוה בפיך אמת׃

1 Kings 18:3

3 ויקרא אחאב אל עבדיהו אשׁר על הבית ועבדיהו היה ירא את יהוה מאד׃

1 Kings 18:9

9 ויאמר מה חטאתי כי אתה נתן את עבדך ביד אחאב להמיתני׃

1 Kings 18:19

19 ועתה שׁלח קבץ אלי את כל ישׂראל אל הר הכרמל ואת נביאי הבעל ארבע מאות וחמשׁים ונביאי האשׁרה ארבע מאות אכלי שׁלחן איזבל׃

1 Kings 18:26

26 ויקחו את הפר אשׁר נתן להם ויעשׂו ויקראו בשׁם הבעל מהבקר ועד הצהרים לאמר הבעל עננו ואין קול ואין ענה ויפסחו על המזבח אשׁר עשׂה׃

1 Kings 18:26-27

26 ויקחו את הפר אשׁר נתן להם ויעשׂו ויקראו בשׁם הבעל מהבקר ועד הצהרים לאמר הבעל עננו ואין קול ואין ענה ויפסחו על המזבח אשׁר עשׂה׃27 ויהי בצהרים ויהתל בהם אליהו ויאמר קראו בקול גדול כי אלהים הוא כי שׂיח וכי שׂיג לו וכי דרך לו אולי ישׁן הוא ויקץ׃

1 Kings 18:29

29 ויהי כעבר הצהרים ויתנבאו עד לעלות המנחה ואין קול ואין ענה ואין קשׁב׃

1 Kings 18:42

42 ויעלה אחאב לאכל ולשׁתות ואליהו עלה אל ראשׁ הכרמל ויגהר ארצה וישׂם פניו בין ברכו׃43 ויאמר אל נערו עלה נא הבט דרך ים ויעל ויבט ויאמר אין מאומה ויאמר שׁב שׁבע פעמים׃

1 Kings 18:46

46 ויד יהוה היתה אל אליהו וישׁנס מתניו וירץ לפני אחאב עד באכה יזרעאלה׃

1 Kings 19:3

3 וירא ויקם וילך אל נפשׁו ויבא באר שׁבע אשׁר ליהודה וינח את נערו שׁם׃

1 Kings 20:35

35 ואישׁ אחד מבני הנביאים אמר אל רעהו בדבר יהוה הכיני נא וימאן האישׁ להכתו׃

2 Kings 1:9

9 וישׁלח אליו שׂר חמשׁים וחמשׁיו ויעל אליו והנה ישׁב על ראשׁ ההר וידבר אליו אישׁ האלהים המלך דבר רדה׃

2 Kings 1:11

11 וישׁב וישׁלח אליו שׂר חמשׁים אחר וחמשׁיו ויען וידבר אליו אישׁ האלהים כה אמר המלך מהרה רדה׃

2 Kings 1:13

13 וישׁב וישׁלח שׂר חמשׁים שׁלשׁים וחמשׁיו ויעל ויבא שׂר החמשׁים השׁלישׁי ויכרע על ברכיו לנגד אליהו ויתחנן אליו וידבר אליו אישׁ האלהים תיקר נא נפשׁי ונפשׁ עבדיך אלה חמשׁים בעיניך׃

2 Kings 2:1

1 ויהי בהעלות יהוה את אליהו בסערה השׁמים וילך אליהו ואלישׁע מן הגלגל׃2 ויאמר אליהו אל אלישׁע שׁב נא פה כי יהוה שׁלחני עד בית אל ויאמר אלישׁע חי יהוה וחי נפשׁך אם אעזבך וירדו בית אל׃3 ויצאו בני הנביאים אשׁר בית אל אל אלישׁע ויאמרו אליו הידעת כי היום יהוה לקח את אדניך מעל ראשׁך ויאמר גם אני ידעתי החשׁו׃4 ויאמר לו אליהו אלישׁע שׁב נא פה כי יהוה שׁלחני יריחו ויאמר חי יהוה וחי נפשׁך אם אעזבך ויבאו יריחו׃5 ויגשׁו בני הנביאים אשׁר ביריחו אל אלישׁע ויאמרו אליו הידעת כי היום יהוה לקח את אדניך מעל ראשׁך ויאמר גם אני ידעתי החשׁו׃

2 Kings 2:8

8 ויקח אליהו את אדרתו ויגלם ויכה את המים ויחצו הנה והנה ויעברו שׁניהם בחרבה׃9 ויהי כעברם ואליהו אמר אל אלישׁע שׁאל מה אעשׂה לך בטרם אלקח מעמך ויאמר אלישׁע ויהי נא פי שׁנים ברוחך אלי׃

2 Kings 2:14

14 ויקח את אדרת אליהו אשׁר נפלה מעליו ויכה את המים ויאמר איה יהוה אלהי אליהו אף הוא ויכה את המים ויחצו הנה והנה ויעבר אלישׁע׃15 ויראהו בני הנביאים אשׁר ביריחו מנגד ויאמרו נחה רוח אליהו על אלישׁע ויבאו לקראתו וישׁתחוו לו ארצה׃

2 Kings 2:19

19 ויאמרו אנשׁי העיר אל אלישׁע הנה נא מושׁב העיר טוב כאשׁר אדני ראה והמים רעים והארץ משׁכלת׃

2 Kings 2:21

21 ויצא אל מוצא המים וישׁלך שׁם מלח ויאמר כה אמר יהוה רפאתי למים האלה לא יהיה משׁם עוד מות ומשׁכלת׃

2 Kings 2:25

25 וילך משׁם אל הר הכרמל ומשׁם שׁב שׁמרון׃

2 Kings 3:11

11 ויאמר יהושׁפט האין פה נביא ליהוה ונדרשׁה את יהוה מאותו ויען אחד מעבדי מלך ישׂראל ויאמר פה אלישׁע בן שׁפט אשׁר יצק מים על ידי אליהו׃

2 Kings 3:15-18

15 ועתה קחו לי מנגן והיה כנגן המנגן ותהי עליו יד יהוה׃16 ויאמר כה אמר יהוה עשׂה הנחל הזה גבים גבים׃

2 Kings 3:16-18

16 ויאמר כה אמר יהוה עשׂה הנחל הזה גבים גבים׃17 כי כה אמר יהוה לא תראו רוח ולא תראו גשׁם והנחל ההוא ימלא מים ושׁתיתם אתם ומקניכם ובהמתכם׃18 ונקל זאת בעיני יהוה ונתן את מואב בידכם׃

2 Kings 4:4

4 ובאת וסגרת הדלת בעדך ובעד בניך ויצקת על כל הכלים האלה והמלא תסיעי׃

2 Kings 4:7

7 ותבא ותגד לאישׁ האלהים ויאמר לכי מכרי את השׁמן ושׁלמי את נשׁיכי ואת בניכי תחיי בנותר׃

2 Kings 4:9

9 ותאמר אל אישׁה הנה נא ידעתי כי אישׁ אלהים קדושׁ הוא עבר עלינו תמיד׃10 נעשׂה נא עלית קיר קטנה ונשׂים לו שׁם מטה ושׁלחן וכסא ומנורה והיה בבאו אלינו יסור שׁמה׃11 ויהי היום ויבא שׁמה ויסר אל העליה וישׁכב שׁמה׃12 ויאמר אל גחזי נערו קרא לשׁונמית הזאת ויקרא לה ותעמד לפניו׃

2 Kings 4:16

16 ויאמר למועד הזה כעת חיה אתי חבקת בן ותאמר אל אדני אישׁ האלהים אל תכזב בשׁפחתך׃

2 Kings 4:18

18 ויגדל הילד ויהי היום ויצא אל אביו אל הקצרים׃

2 Kings 4:23

23 ויאמר מדוע אתי הלכתי אליו היום לא חדשׁ ולא שׁבת ותאמר שׁלום׃24 ותחבשׁ האתון ותאמר אל נערה נהג ולך אל תעצר לי לרכב כי אם אמרתי׃25 ותלך ותבוא אל אישׁ האלהים אל הר הכרמל ויהי כראות אישׁ האלהים אתה מנגד ויאמר אל גיחזי נערו הנה השׁונמית הלז׃26 עתה רוץ נא לקראתה ואמר לה השׁלום לך השׁלום לאישׁך השׁלום לילד ותאמר שׁלום׃27 ותבא אל אישׁ האלהים אל ההר ותחזק ברגליו ויגשׁ גיחזי להדפה ויאמר אישׁ האלהים הרפה לה כי נפשׁה מרה לה ויהוה העלים ממני ולא הגיד׃28 ותאמר השׁאלתי בן מאת אדני הלא אמרתי לא תשׁלה אתי׃29 ויאמר לגיחזי חגר מתניך וקח משׁענתי בידך ולך כי תמצא אישׁ לא תברכנו וכי יברכך אישׁ לא תעננו ושׂמת משׁענתי על פני הנער׃30 ותאמר אם הנער חי יהוה וחי נפשׁך אם אעזבך ויקם וילך אחריה׃31 וגחזי עבר לפניהם וישׂם את המשׁענת על פני הנער ואין קול ואין קשׁב וישׁב לקראתו ויגד לו לאמר לא הקיץ הנער׃32 ויבא אלישׁע הביתה והנה הנער מת משׁכב על מטתו׃

2 Kings 4:32

32 ויבא אלישׁע הביתה והנה הנער מת משׁכב על מטתו׃33 ויבא ויסגר הדלת בעד שׁניהם ויתפלל אל יהוה׃

2 Kings 4:38

38 ואלישׁע שׁב הגלגלה והרעב בארץ ובני הנביאים ישׁבים לפניו ויאמר לנערו שׁפת הסיר הגדולה ובשׁל נזיד לבני הנביאים׃

2 Kings 4:43-44

43 ויאמר משׁרתו מה אתן זה לפני מאה אישׁ ויאמר תן לעם ויאכלו כי כה אמר יהוה אכל והותר׃44 ויתן לפניהם ויאכלו ויותרו כדבר יהוה׃

2 Kings 5:10-11

10 וישׁלח אליו אלישׁע מלאך לאמר הלוך ורחצת שׁבע פעמים בירדן וישׁב בשׂרך לך וטהר׃

2 Kings 5:10

10 וישׁלח אליו אלישׁע מלאך לאמר הלוך ורחצת שׁבע פעמים בירדן וישׁב בשׂרך לך וטהר׃11 ויקצף נעמן וילך ויאמר הנה אמרתי אלי יצא יצוא ועמד וקרא בשׁם יהוה אלהיו והניף ידו אל המקום ואסף המצרע׃

2 Kings 5:11-11

11 ויקצף נעמן וילך ויאמר הנה אמרתי אלי יצא יצוא ועמד וקרא בשׁם יהוה אלהיו והניף ידו אל המקום ואסף המצרע׃

2 Kings 5:20-27

20 ויאמר גיחזי נער אלישׁע אישׁ האלהים הנה חשׂך אדני את נעמן הארמי הזה מקחת מידו את אשׁר הביא חי יהוה כי אם רצתי אחריו ולקחתי מאתו מאומה׃21 וירדף גיחזי אחרי נעמן ויראה נעמן רץ אחריו ויפל מעל המרכבה לקראתו ויאמר השׁלום׃22 ויאמר שׁלום אדני שׁלחני לאמר הנה עתה זה באו אלי שׁני נערים מהר אפרים מבני הנביאים תנה נא להם ככר כסף ושׁתי חלפות בגדים׃23 ויאמר נעמן הואל קח ככרים ויפרץ בו ויצר ככרים כסף בשׁני חרטים ושׁתי חלפות בגדים ויתן אל שׁני נעריו וישׂאו לפניו׃24 ויבא אל העפל ויקח מידם ויפקד בבית וישׁלח את האנשׁים וילכו׃25 והוא בא ויעמד אל אדניו ויאמר אליו אלישׁע מאן גחזי ויאמר לא הלך עבדך אנה ואנה׃26 ויאמר אליו לא לבי הלך כאשׁר הפך אישׁ מעל מרכבתו לקראתך העת לקחת את הכסף ולקחת בגדים וזיתים וכרמים וצאן ובקר ועבדים ושׁפחות׃27 וצרעת נעמן תדבק בך ובזרעך לעולם ויצא מלפניו מצרע כשׁלג׃

2 Kings 6:6

6 ויאמר אישׁ האלהים אנה נפל ויראהו את המקום ויקצב עץ וישׁלך שׁמה ויצף הברזל׃

2 Kings 6:12

12 ויאמר אחד מעבדיו לוא אדני המלך כי אלישׁע הנביא אשׁר בישׂראל יגיד למלך ישׂראל את הדברים אשׁר תדבר בחדר משׁכבך׃

2 Kings 6:17-18

17 ויתפלל אלישׁע ויאמר יהוה פקח נא את עיניו ויראה ויפקח יהוה את עיני הנער וירא והנה ההר מלא סוסים ורכב אשׁ סביבת אלישׁע׃18 וירדו אליו ויתפלל אלישׁע אל יהוה ויאמר הך נא את הגוי הזה בסנורים ויכם בסנורים כדבר אלישׁע׃

2 Kings 6:20

20 ויהי כבאם שׁמרון ויאמר אלישׁע יהוה פקח את עיני אלה ויראו ויפקח יהוה את עיניהם ויראו והנה בתוך שׁמרון׃

2 Kings 6:26-27

26 ויהי מלך ישׂראל עבר על החמה ואשׁה צעקה אליו לאמר הושׁיעה אדני המלך׃27 ויאמר אל יושׁעך יהוה מאין אושׁיעך המן הגרן או מן היקב׃

2 Kings 7:1

1 ויאמר אלישׁע שׁמעו דבר יהוה כה אמר יהוה כעת מחר סאה סלת בשׁקל וסאתים שׂערים בשׁקל בשׁער שׁמרון׃

2 Kings 7:16-18

16 ויצא העם ויבזו את מחנה ארם ויהי סאה סלת בשׁקל וסאתים שׂערים בשׁקל כדבר יהוה׃17 והמלך הפקיד את השׁלישׁ אשׁר נשׁען על ידו על השׁער וירמסהו העם בשׁער וימת כאשׁר דבר אישׁ האלהים אשׁר דבר ברדת המלך אליו׃18 ויהי כדבר אישׁ האלהים אל המלך לאמר סאתים שׂערים בשׁקל וסאה סלת בשׁקל יהיה כעת מחר בשׁער שׁמרון׃

2 Kings 8:1

1 ואלישׁע דבר אל האשׁה אשׁר החיה את בנה לאמר קומי ולכי אתי וביתך וגורי באשׁר תגורי כי קרא יהוה לרעב וגם בא אל הארץ שׁבע שׁנים׃

2 Kings 8:3-6

3 ויהי מקצה שׁבע שׁנים ותשׁב האשׁה מארץ פלשׁתים ותצא לצעק אל המלך אל ביתה ואל שׂדה׃4 והמלך מדבר אל גחזי נער אישׁ האלהים לאמר ספרה נא לי את כל הגדלות אשׁר עשׂה אלישׁע׃

2 Kings 8:4-6

4 והמלך מדבר אל גחזי נער אישׁ האלהים לאמר ספרה נא לי את כל הגדלות אשׁר עשׂה אלישׁע׃5 ויהי הוא מספר למלך את אשׁר החיה את המת והנה האשׁה אשׁר החיה את בנה צעקת אל המלך על ביתה ועל שׂדה ויאמר גחזי אדני המלך זאת האשׁה וזה בנה אשׁר החיה אלישׁע׃

2 Kings 8:5-6

5 ויהי הוא מספר למלך את אשׁר החיה את המת והנה האשׁה אשׁר החיה את בנה צעקת אל המלך על ביתה ועל שׂדה ויאמר גחזי אדני המלך זאת האשׁה וזה בנה אשׁר החיה אלישׁע׃

2 Kings 8:5

5 ויהי הוא מספר למלך את אשׁר החיה את המת והנה האשׁה אשׁר החיה את בנה צעקת אל המלך על ביתה ועל שׂדה ויאמר גחזי אדני המלך זאת האשׁה וזה בנה אשׁר החיה אלישׁע׃6 וישׁאל המלך לאשׁה ותספר לו ויתן לה המלך סריס אחד לאמר השׁיב את כל אשׁר לה ואת כל תבואת השׂדה מיום עזבה את הארץ ועד עתה׃

2 Kings 9:1

1 ואלישׁע הנביא קרא לאחד מבני הנביאים ויאמר לו חגר מתניך וקח פך השׁמן הזה בידך ולך רמת גלעד׃

2 Kings 9:5

5 ויבא והנה שׂרי החיל ישׁבים ויאמר דבר לי אליך השׂר ויאמר יהוא אל מי מכלנו ויאמר אליך השׂר׃

2 Kings 13:18-19

18 ויאמר קח החצים ויקח ויאמר למלך ישׂראל הך ארצה ויך שׁלשׁ פעמים ויעמד׃19 ויקצף עליו אישׁ האלהים ויאמר להכות חמשׁ או שׁשׁ פעמים אז הכית את ארם עד כלה ועתה שׁלשׁ פעמים תכה את ארם׃

2 Kings 13:19

19 ויקצף עליו אישׁ האלהים ויאמר להכות חמשׁ או שׁשׁ פעמים אז הכית את ארם עד כלה ועתה שׁלשׁ פעמים תכה את ארם׃

2 Kings 13:21

21 ויהי הם קברים אישׁ והנה ראו את הגדוד וישׁליכו את האישׁ בקבר אלישׁע וילך ויגע האישׁ בעצמות אלישׁע ויחי ויקם על רגליו׃

1 Chronicles 23:31

31 ולכל העלות עלות ליהוה לשׁבתות לחדשׁים ולמעדים במספר כמשׁפט עליהם תמיד לפני יהוה׃

2 Chronicles 6:12-13

12 ויעמד לפני מזבח יהוה נגד כל קהל ישׂראל ויפרשׂ כפיו׃13 כי עשׂה שׁלמה כיור נחשׁת ויתנהו בתוך העזרה חמשׁ אמות ארכו וחמשׁ אמות רחבו ואמות שׁלושׁ קומתו ויעמד עליו ויברך על ברכיו נגד כל קהל ישׂראל ויפרשׂ כפיו השׁמימה׃

2 Chronicles 11:13-14

13 והכהנים והלוים אשׁר בכל ישׂראל התיצבו עליו מכל גבולם׃14 כי עזבו הלוים את מגרשׁיהם ואחזתם וילכו ליהודה ולירושׁלם כי הזניחם ירבעם ובניו מכהן ליהוה׃

Nehemiah 5:2-5

2 וישׁ אשׁר אמרים בנינו ובנתינו אנחנו רבים ונקחה דגן ונאכלה ונחיה׃3 וישׁ אשׁר אמרים שׂדתינו וכרמינו ובתינו אנחנו ערבים ונקחה דגן ברעב׃4 וישׁ אשׁר אמרים לוינו כסף למדת המלך שׂדתינו וכרמינו׃5 ועתה כבשׂר אחינו בשׂרנו כבניהם בנינו והנה אנחנו כבשׁים את בנינו ואת בנתינו לעבדים וישׁ מבנתינו נכבשׁות ואין לאל ידנו ושׂדתינו וכרמינו לאחרים׃

Nehemiah 7:2

2 ואצוה את חנני אחי ואת חנניה שׂר הבירה על ירושׁלם כי הוא כאישׁ אמת וירא את האלהים מרבים׃

Nehemiah 10:31

31 (10:32) ועמי הארץ המביאים את המקחות וכל שׁבר ביום השׁבת למכור לא נקח מהם בשׁבת וביום קדשׁ ונטשׁ את השׁנה השׁביעית ומשׁא כל יד׃

Job 1:3

3 ויהי מקנהו שׁבעת אלפי צאן ושׁלשׁת אלפי גמלים וחמשׁ מאות צמד בקר וחמשׁ מאות אתונות ועבדה רבה מאד ויהי האישׁ ההוא גדול מכל בני קדם׃

Job 1:21-22

21 ויאמר ערם יצתי מבטן אמי וערם אשׁוב שׁמה יהוה נתן ויהוה לקח יהי שׁם יהוה מברך׃22 בכל זאת לא חטא איוב ולא נתן תפלה לאלהים׃

Job 10:1

1 נקטה נפשׁי בחיי אעזבה עלי שׂיחי אדברה במר נפשׁי׃

Job 14:1-2

1 אדם ילוד אשׁה קצר ימים ושׂבע רגז׃2 כציץ יצא וימל ויברח כצל ולא יעמוד׃

Job 14:12

12 ואישׁ שׁכב ולא יקום עד בלתי שׁמים לא יקיצו ולא יערו משׁנתם׃

Job 32:9

9 לא רבים יחכמו וזקנים יבינו משׁפט׃

Psalms 37:3

3 בטח ביהוה ועשׂה טוב שׁכן ארץ ורעה אמונה׃

Psalms 37:21

21 לוה רשׁע ולא ישׁלם וצדיק חונן ונותן׃

Psalms 39:9

9 (39:10) נאלמתי לא אפתח פי כי אתה עשׂית׃

Psalms 81:10

10 (81:11) אנכי יהוה אלהיך המעלך מארץ מצרים הרחב פיך ואמלאהו׃

Psalms 103:11

11 כי כגבה שׁמים על הארץ גבר חסדו על יראיו׃

Psalms 103:17

17 וחסד יהוה מעולם ועד עולם על יראיו וצדקתו לבני בנים׃

Psalms 112:1-2

1 הללו יה אשׁרי אישׁ ירא את יהוה במצותיו חפץ מאד׃2 גבור בארץ יהיה זרעו דור ישׁרים יברך׃

Psalms 113:9

9 מושׁיבי עקרת הבית אם הבנים שׂמחה הללו יה׃

Psalms 115:13

13 יברך יראי יהוה הקטנים עם הגדלים׃

Psalms 116:11

11 אני אמרתי בחפזי כל האדם כזב׃

Psalms 147:11

11 רוצה יהוה את יראיו את המיחלים לחסדו׃

Proverbs 3:9-10

9 כבד את יהוה מהונך ומראשׁית כל תבואתך׃10 וימלאו אסמיך שׂבע ותירושׁ יקביך יפרצו׃

Proverbs 7:21

21 הטתו ברב לקחה בחלק שׂפתיה תדיחנו׃

Proverbs 8:34

34 אשׁרי אדם שׁמע לי לשׁקד על דלתתי יום יום לשׁמר מזוזת פתחי׃

Proverbs 14:10

10 לב יודע מרת נפשׁו ובשׂמחתו לא יתערב זר׃

Proverbs 18:14

14 רוח אישׁ יכלכל מחלהו ורוח נכאה מי ישׂאנה׃

Proverbs 31:10-11

10 אשׁת חיל מי ימצא ורחק מפנינים מכרה׃11 בטח בה לב בעלה ושׁלל לא יחסר׃

Ecclesiastes 8:12

12 אשׁר חטא עשׂה רע מאת ומאריך לו כי גם יודע אני אשׁר יהיה טוב ליראי האלהים אשׁר ייראו מלפניו׃

Ecclesiastes 12:13

13 סוף דבר הכל נשׁמע את האלהים ירא ואת מצותיו שׁמור כי זה כל האדם׃

Isaiah 1:13-15

13 לא תוסיפו הביא מנחת שׁוא קטרת תועבה היא לי חדשׁ ושׁבת קרא מקרא לא אוכל און ועצרה׃14 חדשׁיכם ומועדיכם שׂנאה נפשׁי היו עלי לטרח נלאיתי נשׂא׃15 ובפרשׂכם כפיכם אעלים עיני מכם גם כי תרבו תפלה אינני שׁמע ידיכם דמים מלאו׃

Isaiah 5:4

4 מה לעשׂות עוד לכרמי ולא עשׂיתי בו מדוע קויתי לעשׂות ענבים ויעשׂ באשׁים׃

Isaiah 26:20

20 לך עמי בא בחדריך וסגר דלתיך בעדך חבי כמעט רגע עד יעבור זעם׃

Isaiah 32:8

8 ונדיב נדיבות יעץ והוא על נדיבות יקום׃

Isaiah 35:2

2 פרח תפרח ותגל אף גילת ורנן כבוד הלבנון נתן לה הדר הכרמל והשׁרון המה יראו כבוד יהוה הדר אלהינו׃

Isaiah 49:15

15 התשׁכח אשׁה עולה מרחם בן בטנה גם אלה תשׁכחנה ואנכי לא אשׁכחך׃

Isaiah 66:13

13 כאישׁ אשׁר אמו תנחמנו כן אנכי אנחמכם ובירושׁלם תנחמו׃

Jeremiah 2:21

21 ואנכי נטעתיך שׂרק כלה זרע אמת ואיך נהפכת לי סורי הגפן נכריה׃

Jeremiah 4:19

19 מעי מעי אחולה קירות לבי המה לי לבי לא אחרישׁ כי קול שׁופר שׁמעתי נפשׁי תרועת מלחמה׃

Jeremiah 14:1-6

1 אשׁר היה דבר יהוה אל ירמיהו על דברי הבצרות׃2 אבלה יהודה ושׁעריה אמללו קדרו לארץ וצוחת ירושׁלם עלתה׃3 ואדריהם שׁלחו צעוריהם למים באו על גבים לא מצאו מים שׁבו כליהם ריקם בשׁו והכלמו וחפו ראשׁם׃4 בעבור האדמה חתה כי לא היה גשׁם בארץ בשׁו אכרים חפו ראשׁם׃5 כי גם אילת בשׂדה ילדה ועזוב כי לא היה דשׁא׃6 ופראים עמדו על שׁפים שׁאפו רוח כתנים כלו עיניהם כי אין עשׂב׃

Jeremiah 34:14

14 מקץ שׁבע שׁנים תשׁלחו אישׁ את אחיו העברי אשׁר ימכר לך ועבדך שׁשׁ שׁנים ושׁלחתו חפשׁי מעמך ולא שׁמעו אבותיכם אלי ולא הטו את אזנם׃

Ezekiel 14:3

3 בן אדם האנשׁים האלה העלו גלוליהם על לבם ומכשׁול עונם נתנו נכח פניהם האדרשׁ אדרשׁ׃

Ezekiel 14:13

13 בן אדם ארץ כי תחטא לי למעל מעל ונטיתי ידי עליה ושׁברתי לה מטה לחם והשׁלחתי בה רעב והכרתי ממנה אדם ובהמה׃

Ezekiel 24:3

3 ומשׁל אל בית המרי משׁל ואמרת אליהם כה אמר אדני יהוה שׁפת הסיר שׁפת וגם יצק בו מים׃

Ezekiel 24:16-18

16 בן אדם הנני לקח ממך את מחמד עיניך במגפה ולא תספד ולא תבכה ולוא תבוא דמעתך׃17 האנק דם מתים אבל לא תעשׂה פארך חבושׁ עליך ונעליך תשׂים ברגליך ולא תעטה על שׂפם ולחם אנשׁים לא תאכל׃18 ואדבר אל העם בבקר ותמת אשׁתי בערב ואעשׂ בבקר כאשׁר צויתי׃

Daniel 12:2

2 ורבים מישׁני אדמת עפר יקיצו אלה לחיי עולם ואלה לחרפות לדראון עולם׃

Amos 3:7

7 כי לא יעשׂה אדני יהוה דבר כי אם גלה סודו אל עבדיו הנביאים׃

Zechariah 2:4

4 (2:8) ויאמר אלו רץ דבר אל הנער הלז לאמר פרזות תשׁב ירושׁלם מרב אדם ובהמה בתוכה׃

Malachi 3:16

16 אז נדברו יראי יהוה אישׁ את רעהו ויקשׁב יהוה וישׁמע ויכתב ספר זכרון לפניו ליראי יהוה ולחשׁבי שׁמו׃

Malachi 4:2

2 (3:20) וזרחה לכם יראי שׁמי שׁמשׁ צדקה ומרפא בכנפיה ויצאתם ופשׁתם כעגלי מרבק׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.