Exodus 19 Cross References - HOT

1 בחדשׁ השׁלישׁי לצאת בני ישׂראל מארץ מצרים ביום הזה באו מדבר סיני׃2 ויסעו מרפידים ויבאו מדבר סיני ויחנו במדבר ויחן שׁם ישׂראל נגד ההר׃3 ומשׁה עלה אל האלהים ויקרא אליו יהוה מן ההר לאמר כה תאמר לבית יעקב ותגיד לבני ישׂראל׃4 אתם ראיתם אשׁר עשׂיתי למצרים ואשׂא אתכם על כנפי נשׁרים ואבא אתכם אלי׃5 ועתה אם שׁמוע תשׁמעו בקלי ושׁמרתם את בריתי והייתם לי סגלה מכל העמים כי לי כל הארץ׃6 ואתם תהיו לי ממלכת כהנים וגוי קדושׁ אלה הדברים אשׁר תדבר אל בני ישׂראל׃7 ויבא משׁה ויקרא לזקני העם וישׂם לפניהם את כל הדברים האלה אשׁר צוהו יהוה׃8 ויענו כל העם יחדו ויאמרו כל אשׁר דבר יהוה נעשׂה וישׁב משׁה את דברי העם אל יהוה׃9 ויאמר יהוה אל משׁה הנה אנכי בא אליך בעב הענן בעבור ישׁמע העם בדברי עמך וגם בך יאמינו לעולם ויגד משׁה את דברי העם אל יהוה׃10 ויאמר יהוה אל משׁה לך אל העם וקדשׁתם היום ומחר וכבסו שׂמלתם׃11 והיו נכנים ליום השׁלישׁי כי ביום השׁלשׁי ירד יהוה לעיני כל העם על הר סיני׃12 והגבלת את העם סביב לאמר השׁמרו לכם עלות בהר ונגע בקצהו כל הנגע בהר מות יומת׃13 לא תגע בו יד כי סקול יסקל או ירה יירה אם בהמה אם אישׁ לא יחיה במשׁך היבל המה יעלו בהר׃14 וירד משׁה מן ההר אל העם ויקדשׁ את העם ויכבסו שׂמלתם׃15 ויאמר אל העם היו נכנים לשׁלשׁת ימים אל תגשׁו אל אשׁה׃16 ויהי ביום השׁלישׁי בהית הבקר ויהי קלת וברקים וענן כבד על ההר וקל שׁפר חזק מאד ויחרד כל העם אשׁר במחנה׃17 ויוצא משׁה את העם לקראת האלהים מן המחנה ויתיצבו בתחתית ההר׃18 והר סיני עשׁן כלו מפני אשׁר ירד עליו יהוה באשׁ ויעל עשׁנו כעשׁן הכבשׁן ויחרד כל ההר מאד׃19 ויהי קול השׁפר הולך וחזק מאד משׁה ידבר והאלהים יעננו בקול׃20 וירד יהוה על הר סיני אל ראשׁ ההר ויקרא יהוה למשׁה אל ראשׁ ההר ויעל משׁה׃21 ויאמר יהוה אל משׁה רד העד בעם פן יהרסו אל יהוה לראות ונפל ממנו רב׃22 וגם הכהנים הנגשׁים אל יהוה יתקדשׁו פן יפרץ בהם יהוה׃23 ויאמר משׁה אל יהוה לא יוכל העם לעלת אל הר סיני כי אתה העדתה בנו לאמר הגבל את ההר וקדשׁתו׃24 ויאמר אליו יהוה לך רד ועלית אתה ואהרן עמך והכהנים והעם אל יהרסו לעלת אל יהוה פן יפרץ׃25 וירד משׁה אל העם ויאמר אלהם׃

Exodus 12:2

2 החדשׁ הזה לכם ראשׁ חדשׁים ראשׁון הוא לכם לחדשׁי השׁנה׃

Exodus 12:6

6 והיה לכם למשׁמרת עד ארבעה עשׂר יום לחדשׁ הזה ושׁחטו אתו כל קהל עדת ישׂראל בין הערבים׃

Exodus 16:1

1 ויסעו מאילם ויבאו כל עדת בני ישׂראל אל מדבר סין אשׁר בין אילם ובין סיני בחמשׁה עשׂר יום לחדשׁ השׁני לצאתם מארץ מצרים׃

Leviticus 23:16-18

16 עד ממחרת השׁבת השׁביעת תספרו חמשׁים יום והקרבתם מנחה חדשׁה ליהוה׃17 ממושׁבתיכם תביאו לחם תנופה שׁתים שׁני עשׂרנים סלת תהיינה חמץ תאפינה בכורים ליהוה׃18 והקרבתם על הלחם שׁבעת כבשׂים תמימם בני שׁנה ופר בן בקר אחד ואילם שׁנים יהיו עלה ליהוה ומנחתם ונסכיהם אשׁה ריח ניחח ליהוה׃

Numbers 33:15

15 ויסעו מרפידם ויחנו במדבר סיני׃

Exodus 3:1

1 ומשׁה היה רעה את צאן יתרו חתנו כהן מדין וינהג את הצאן אחר המדבר ויבא אל הר האלהים חרבה׃

Exodus 3:12

12 ויאמר כי אהיה עמך וזה לך האות כי אנכי שׁלחתיך בהוציאך את העם ממצרים תעבדון את האלהים על ההר הזה׃

Exodus 17:1

1 ויסעו כל עדת בני ישׂראל ממדבר סין למסעיהם על פי יהוה ויחנו ברפידים ואין מים לשׁתת העם׃

Exodus 17:8

8 ויבא עמלק וילחם עם ישׂראל ברפידם׃

Exodus 18:5

5 ויבא יתרו חתן משׁה ובניו ואשׁתו אל משׁה אל המדבר אשׁר הוא חנה שׁם הר האלהים׃

Exodus 3:4

4 וירא יהוה כי סר לראות ויקרא אליו אלהים מתוך הסנה ויאמר משׁה משׁה ויאמר הנני׃

Exodus 20:21

21 ויעמד העם מרחק ומשׁה נגשׁ אל הערפל אשׁר שׁם האלהים׃

Exodus 24:15-18

15 ויעל משׁה אל ההר ויכס הענן את ההר׃16 וישׁכן כבוד יהוה על הר סיני ויכסהו הענן שׁשׁת ימים ויקרא אל משׁה ביום השׁביעי מתוך הענן׃17 ומראה כבוד יהוה כאשׁ אכלת בראשׁ ההר לעיני בני ישׂראל׃18 ויבא משׁה בתוך הענן ויעל אל ההר ויהי משׁה בהר ארבעים יום וארבעים לילה׃

Exodus 34:2

2 והיה נכון לבקר ועלית בבקר אל הר סיני ונצבת לי שׁם על ראשׁ ההר׃

Deuteronomy 5:5-31

5 אנכי עמד בין יהוה וביניכם בעת ההוא להגיד לכם את דבר יהוה כי יראתם מפני האשׁ ולא עליתם בהר לאמר׃6 אנכי יהוה אלהיך אשׁר הוצאתיך מארץ מצרים מבית עבדים׃7 לא יהיה לך אלהים אחרים על פני׃8 לא תעשׂה לך פסל כל תמונה אשׁר בשׁמים ממעל ואשׁר בארץ מתחת ואשׁר במים מתחת לארץ׃9 לא תשׁתחוה להם ולא תעבדם כי אנכי יהוה אלהיך אל קנא פקד עון אבות על בנים ועל שׁלשׁים ועל רבעים לשׂנאי׃10 ועשׂה חסד לאלפים לאהבי ולשׁמרי מצותו׃11 לא תשׂא את שׁם יהוה אלהיך לשׁוא כי לא ינקה יהוה את אשׁר ישׂא את שׁמו לשׁוא׃12 שׁמור את יום השׁבת לקדשׁו כאשׁר צוך יהוה אלהיך׃13 שׁשׁת ימים תעבד ועשׂית כל מלאכתך׃14 ויום השׁביעי שׁבת ליהוה אלהיך לא תעשׂה כל מלאכה אתה ובנך ובתך ועבדך ואמתך ושׁורך וחמרך וכל בהמתך וגרך אשׁר בשׁעריך למען ינוח עבדך ואמתך כמוך׃15 וזכרת כי עבד היית בארץ מצרים ויצאך יהוה אלהיך משׁם ביד חזקה ובזרע נטויה על כן צוך יהוה אלהיך לעשׂות את יום השׁבת׃16 כבד את אביך ואת אמך כאשׁר צוך יהוה אלהיך למען יאריכן ימיך ולמען ייטב לך על האדמה אשׁר יהוה אלהיך נתן׃17 לא תרצח׃18 ולא תנאף׃19 ולא תגנב׃20 ולא תענה ברעך עד שׁוא׃21 ולא תחמד אשׁת רעך ולא תתאוה בית רעך שׂדהו ועבדו ואמתו שׁורו וחמרו וכל אשׁר לרעך׃22 את הדברים האלה דבר יהוה אל כל קהלכם בהר מתוך האשׁ הענן והערפל קול גדול ולא יסף ויכתבם על שׁני לחת אבנים ויתנם אלי׃23 ויהי כשׁמעכם את הקול מתוך החשׁך וההר בער באשׁ ותקרבון אלי כל ראשׁי שׁבטיכם וזקניכם׃24 ותאמרו הן הראנו יהוה אלהינו את כבדו ואת גדלו ואת קלו שׁמענו מתוך האשׁ היום הזה ראינו כי ידבר אלהים את האדם וחי׃25 ועתה למה נמות כי תאכלנו האשׁ הגדלה הזאת אם יספים אנחנו לשׁמע את קול יהוה אלהינו עוד ומתנו׃26 כי מי כל בשׂר אשׁר שׁמע קול אלהים חיים מדבר מתוך האשׁ כמנו ויחי׃27 קרב אתה ושׁמע את כל אשׁר יאמר יהוה אלהינו ואת תדבר אלינו את כל אשׁר ידבר יהוה אלהינו אליך ושׁמענו ועשׂינו׃28 וישׁמע יהוה את קול דבריכם בדברכם אלי ויאמר יהוה אלי שׁמעתי את קול דברי העם הזה אשׁר דברו אליך היטיבו כל אשׁר דברו׃29 מי יתן והיה לבבם זה להם ליראה אתי ולשׁמר את כל מצותי כל הימים למען ייטב להם ולבניהם לעלם׃30 לך אמר להם שׁובו לכם לאהליכם׃31 ואתה פה עמד עמדי ואדברה אליך את כל המצוה והחקים והמשׁפטים אשׁר תלמדם ועשׂו בארץ אשׁר אנכי נתן להם לרשׁתה׃

Exodus 7:1-14

1 ויאמר יהוה אל משׁה ראה נתתיך אלהים לפרעה ואהרן אחיך יהיה נביאך׃2 אתה תדבר את כל אשׁר אצוך ואהרן אחיך ידבר אל פרעה ושׁלח את בני ישׂראל מארצו׃3 ואני אקשׁה את לב פרעה והרביתי את אתתי ואת מופתי בארץ מצרים׃4 ולא ישׁמע אלכם פרעה ונתתי את ידי במצרים והוצאתי את צבאתי את עמי בני ישׂראל מארץ מצרים בשׁפטים גדלים׃5 וידעו מצרים כי אני יהוה בנטתי את ידי על מצרים והוצאתי את בני ישׂראל מתוכם׃6 ויעשׂ משׁה ואהרן כאשׁר צוה יהוה אתם כן עשׂו׃7 ומשׁה בן שׁמנים שׁנה ואהרן בן שׁלשׁ ושׁמנים שׁנה בדברם אל פרעה׃8 ויאמר יהוה אל משׁה ואל אהרן לאמר׃9 כי ידבר אלכם פרעה לאמר תנו לכם מופת ואמרת אל אהרן קח את מטך והשׁלך לפני פרעה יהי לתנין׃10 ויבא משׁה ואהרן אל פרעה ויעשׂו כן כאשׁר צוה יהוה וישׁלך אהרן את מטהו לפני פרעה ולפני עבדיו ויהי לתנין׃11 ויקרא גם פרעה לחכמים ולמכשׁפים ויעשׂו גם הם חרטמי מצרים בלהטיהם כן׃12 וישׁליכו אישׁ מטהו ויהיו לתנינם ויבלע מטה אהרן את מטתם׃13 ויחזק לב פרעה ולא שׁמע אלהם כאשׁר דבר יהוה׃14 ויאמר יהוה אל משׁה כבד לב פרעה מאן לשׁלח העם׃

Deuteronomy 4:9

9 רק השׁמר לך ושׁמר נפשׁך מאד פן תשׁכח את הדברים אשׁר ראו עיניך ופן יסורו מלבבך כל ימי חייך והודעתם לבניך ולבני בניך׃

Deuteronomy 4:33-36

33 השׁמע עם קול אלהים מדבר מתוך האשׁ כאשׁר שׁמעת אתה ויחי׃34 או הנסה אלהים לבוא לקחת לו גוי מקרב גוי במסת באתת ובמופתים ובמלחמה וביד חזקה ובזרוע נטויה ובמוראים גדלים ככל אשׁר עשׂה לכם יהוה אלהיכם במצרים לעיניך׃35 אתה הראת לדעת כי יהוה הוא האלהים אין עוד מלבדו׃36 מן השׁמים השׁמיעך את קלו ליסרך ועל הארץ הראך את אשׁו הגדולה ודבריו שׁמעת מתוך האשׁ׃

Deuteronomy 29:2

2 (29:1) ויקרא משׁה אל כל ישׂראל ויאמר אלהם אתם ראיתם את כל אשׁר עשׂה יהוה לעיניכם בארץ מצרים לפרעה ולכל עבדיו ולכל ארצו׃

Deuteronomy 32:11-12

11 כנשׁר יעיר קנו על גוזליו ירחף יפרשׂ כנפיו יקחהו ישׂאהו על אברתו׃12 יהוה בדד ינחנו ואין עמו אל נכר׃

Isaiah 40:31

31 וקוי יהוה יחליפו כח יעלו אבר כנשׁרים ירוצו ולא ייגעו ילכו ולא ייעפו׃

Isaiah 63:9

9 בכל צרתם לא צר ומלאך פניו הושׁיעם באהבתו ובחמלתו הוא גאלם וינטלם וינשׂאם כל ימי עולם׃

Exodus 9:29

29 ויאמר אליו משׁה כצאתי את העיר אפרשׂ את כפי אל יהוה הקלות יחדלון והברד לא יהיה עוד למען תדע כי ליהוה הארץ׃

Exodus 15:26

26 ויאמר אם שׁמוע תשׁמע לקול יהוה אלהיך והישׁר בעיניו תעשׂה והאזנת למצותיו ושׁמרת כל חקיו כל המחלה אשׁר שׂמתי במצרים לא אשׂים עליך כי אני יהוה רפאך׃

Exodus 23:22

22 כי אם שׁמוע תשׁמע בקלו ועשׂית כל אשׁר אדבר ואיבתי את איביך וצרתי את צרריך׃

Exodus 24:7

7 ויקח ספר הברית ויקרא באזני העם ויאמרו כל אשׁר דבר יהוה נעשׂה ונשׁמע׃

Deuteronomy 4:20

20 ואתכם לקח יהוה ויוצא אתכם מכור הברזל ממצרים להיות לו לעם נחלה כיום הזה׃

Deuteronomy 5:2

2 יהוה אלהינו כרת עמנו ברית בחרב׃

Deuteronomy 7:6

6 כי עם קדושׁ אתה ליהוה אלהיך בך בחר יהוה אלהיך להיות לו לעם סגלה מכל העמים אשׁר על פני האדמה׃

Deuteronomy 10:14

14 הן ליהוה אלהיך השׁמים ושׁמי השׁמים הארץ וכל אשׁר׃

Deuteronomy 11:27

27 את הברכה אשׁר תשׁמעו אל מצות יהוה אלהיכם אשׁר אנכי מצוה אתכם היום׃

Deuteronomy 14:2

2 כי עם קדושׁ אתה ליהוה אלהיך ובך בחר יהוה להיות לו לעם סגלה מכל העמים אשׁר על פני האדמה׃

Deuteronomy 14:21

21 לא תאכלו כל נבלה לגר אשׁר בשׁעריך תתננה ואכלה או מכר לנכרי כי עם קדושׁ אתה ליהוה אלהיך לא תבשׁל גדי בחלב אמו׃

Deuteronomy 26:18

18 ויהוה האמירך היום להיות לו לעם סגלה כאשׁר דבר לך ולשׁמר כל מצותיו׃

Deuteronomy 28:1

1 והיה אם שׁמוע תשׁמע בקול יהוה אלהיך לשׁמר לעשׂות את כל מצותיו אשׁר אנכי מצוך היום ונתנך יהוה אלהיך עליון על כל גויי הארץ׃

Deuteronomy 32:8-9

8 בהנחל עליון גוים בהפרידו בני אדם יצב גבלת עמים למספר בני ישׂראל׃9 כי חלק יהוה עמו יעקב חבל נחלתו׃

Joshua 24:24

24 ויאמרו העם אל יהושׁע את יהוה אלהינו נעבד ובקולו נשׁמע׃

1 Samuel 15:22

22 ויאמר שׁמואל החפץ ליהוה בעלות וזבחים כשׁמע בקול יהוה הנה שׁמע מזבח טוב להקשׁיב מחלב אילים׃

1 Kings 8:53

53 כי אתה הבדלתם לך לנחלה מכל עמי הארץ כאשׁר דברת ביד משׁה עבדך בהוציאך את אבתינו ממצרים אדני יהוה׃

Job 41:11

11 (41:3) מי הקדימני ואשׁלם תחת כל השׁמים לי הוא׃

Psalms 24:1

1 לדוד מזמור ליהוה הארץ ומלואה תבל וישׁבי׃

Psalms 25:10

10 כל ארחות יהוה חסד ואמת לנצרי בריתו ועדתיו׃

Psalms 50:11-12

11 ידעתי כל עוף הרים וזיז שׂדי עמדי׃12 אם ארעב לא אמר לך כי לי תבל ומלאה׃

Psalms 103:17-18

17 וחסד יהוה מעולם ועד עולם על יראיו וצדקתו לבני בנים׃18 לשׁמרי בריתו ולזכרי פקדיו לעשׂותם׃

Psalms 135:4

4 כי יעקב בחר לו יה ישׂראל לסגלתו׃

Song of Songs 8:12

12 כרמי שׁלי לפני האלף לך שׁלמה ומאתים לנטרים את פריו׃

Isaiah 1:19

19 אם תאבו ושׁמעתם טוב הארץ תאכלו׃

Isaiah 41:8

8 ואתה ישׂראל עבדי יעקב אשׁר בחרתיך זרע אברהם אהבי׃

Isaiah 43:1

1 ועתה כה אמר יהוה בראך יעקב ויצרך ישׂראל אל תירא כי גאלתיך קראתי בשׁמך לי אתה׃

Isaiah 56:4

4 כי כה אמר יהוה לסריסים אשׁר ישׁמרו את שׁבתותי ובחרו באשׁר חפצתי ומחזיקים בבריתי׃

Jeremiah 7:23

23 כי אם את הדבר הזה צויתי אותם לאמר שׁמעו בקולי והייתי לכם לאלהים ואתם תהיו לי לעם והלכתם בכל הדרך אשׁר אצוה אתכם למען ייטב׃

Jeremiah 10:16

16 לא כאלה חלק יעקב כי יוצר הכל הוא וישׂראל שׁבט נחלתו יהוה צבאות שׁמו׃

Jeremiah 11:4-7

4 אשׁר צויתי את אבותיכם ביום הוציאי אותם מארץ מצרים מכור הברזל לאמר שׁמעו בקולי ועשׂיתם אותם ככל אשׁר אצוה אתכם והייתם לי לעם ואנכי אהיה לכם לאלהים׃5 למען הקים את השׁבועה אשׁר נשׁבעתי לאבותיכם לתת להם ארץ זבת חלב ודבשׁ כיום הזה ואען ואמר אמן יהוה׃6 ויאמר יהוה אלי קרא את כל הדברים האלה בערי יהודה ובחצות ירושׁלם לאמר שׁמעו את דברי הברית הזאת ועשׂיתם אותם׃7 כי העד העדתי באבותיכם ביום העלותי אותם מארץ מצרים ועד היום הזה השׁכם והעד לאמר שׁמעו בקולי׃

Jeremiah 31:31-33

31 הנה ימים באים נאם יהוה וכרתי את בית ישׂראל ואת בית יהודה ברית חדשׁה׃32 לא כברית אשׁר כרתי את אבותם ביום החזיקי בידם להוציאם מארץ מצרים אשׁר המה הפרו את בריתי ואנכי בעלתי בם נאם יהוה׃33 כי זאת הברית אשׁר אכרת את בית ישׂראל אחרי הימים ההם נאם יהוה נתתי את תורתי בקרבם ועל לבם אכתבנה והייתי להם לאלהים והמה יהיו לי לעם׃

Daniel 4:34-35

34 (4:31) ולקצת יומיה אנה נבוכדנצר עיני לשׁמיא נטלת ומנדעי עלי יתוב ולעליא ברכת ולחי עלמא שׁבחת והדרת די שׁלטנה שׁלטן עלם ומלכותה עם דר ודר׃35 (4:32) וכל דארי ארעא כלה חשׁיבין וכמצביה עבד בחיל שׁמיא ודארי ארעא ולא איתי די ימחא בידה ויאמר לה מה עבדת׃

Malachi 3:17

17 והיו לי אמר יהוה צבאות ליום אשׁר אני עשׂה סגלה וחמלתי עליהם כאשׁר יחמל אישׁ על בנו העבד אתו׃

Leviticus 11:44-45

44 כי אני יהוה אלהיכם והתקדשׁתם והייתם קדשׁים כי קדושׁ אני ולא תטמאו את נפשׁתיכם בכל השׁרץ הרמשׂ על הארץ׃45 כי אני יהוה המעלה אתכם מארץ מצרים להית לכם לאלהים והייתם קדשׁים כי קדושׁ אני׃

Leviticus 19:2

2 דבר אל כל עדת בני ישׂראל ואמרת אלהם קדשׁים תהיו כי קדושׁ אני יהוה אלהיכם׃

Leviticus 20:24

24 ואמר לכם אתם תירשׁו את אדמתם ואני אתננה לכם לרשׁת אתה ארץ זבת חלב ודבשׁ אני יהוה אלהיכם אשׁר הבדלתי אתכם מן העמים׃

Leviticus 20:26

26 והייתם לי קדשׁים כי קדושׁ אני יהוה ואבדל אתכם מן העמים להיות׃

Leviticus 21:7-8

7 אשׁה זנה וחללה לא יקחו ואשׁה גרושׁה מאישׁה לא יקחו כי קדשׁ הוא לאלהיו׃8 וקדשׁתו כי את לחם אלהיך הוא מקריב קדשׁ יהיה לך כי קדושׁ אני יהוה מקדשׁכם׃

Leviticus 21:23

23 אך אל הפרכת לא יבא ואל המזבח לא יגשׁ כי מום בו ולא יחלל את מקדשׁי כי אני יהוה מקדשׁם׃

Deuteronomy 26:19

19 ולתתך עליון על כל הגוים אשׁר עשׂה לתהלה ולשׁם ולתפארת ולהיתך עם קדשׁ ליהוה אלהיך כאשׁר דבר׃

Deuteronomy 28:9

9 יקימך יהוה לו לעם קדושׁ כאשׁר נשׁבע לך כי תשׁמר את מצות יהוה אלהיך והלכת בדרכיו׃

Deuteronomy 33:2-4

2 ויאמר יהוה מסיני בא וזרח משׂעיר למו הופיע מהר פארן ואתה מרבבת קדשׁ מימינו אשׁדת׃3 אף חבב עמים כל קדשׁיו בידך והם תכו לרגלך ישׂא מדברתיך׃4 תורה צוה לנו משׁה מורשׁה קהלת יעקב׃

Isaiah 61:6

6 ואתם כהני יהוה תקראו משׁרתי אלהינו יאמר לכם חיל גוים תאכלו ובכבודם תתימרו׃

Isaiah 62:12

12 וקראו להם עם הקדשׁ גאולי יהוה ולך יקרא דרושׁה עיר לא נעזבה׃

Exodus 3:16

16 לך ואספת את זקני ישׂראל ואמרת אלהם יהוה אלהי אבתיכם נראה אלי אלהי אברהם יצחק ויעקב לאמר פקד פקדתי אתכם ואת העשׂוי לכם במצרים׃

Exodus 4:29-30

29 וילך משׁה ואהרן ויאספו את כל זקני בני ישׂראל׃30 וידבר אהרן את כל הדברים אשׁר דבר יהוה אל משׁה ויעשׂ האתת לעיני העם׃

Exodus 20:19

19 ויאמרו אל משׁה דבר אתה עמנו ונשׁמעה ואל ידבר עמנו אלהים פן נמות׃

Exodus 24:3

3 ויבא משׁה ויספר לעם את כל דברי יהוה ואת כל המשׁפטים ויען כל העם קול אחד ויאמרו כל הדברים אשׁר דבר יהוה נעשׂה׃

Deuteronomy 5:27-29

27 קרב אתה ושׁמע את כל אשׁר יאמר יהוה אלהינו ואת תדבר אלינו את כל אשׁר ידבר יהוה אלהינו אליך ושׁמענו ועשׂינו׃28 וישׁמע יהוה את קול דבריכם בדברכם אלי ויאמר יהוה אלי שׁמעתי את קול דברי העם הזה אשׁר דברו אליך היטיבו כל אשׁר דברו׃29 מי יתן והיה לבבם זה להם ליראה אתי ולשׁמר את כל מצותי כל הימים למען ייטב להם ולבניהם לעלם׃

Deuteronomy 26:17-19

17 את יהוה האמרת היום להיות לך לאלהים וללכת בדרכיו ולשׁמר חקיו ומצותיו ומשׁפטיו ולשׁמע בקלו׃18 ויהוה האמירך היום להיות לו לעם סגלה כאשׁר דבר לך ולשׁמר כל מצותיו׃19 ולתתך עליון על כל הגוים אשׁר עשׂה לתהלה ולשׁם ולתפארת ולהיתך עם קדשׁ ליהוה אלהיך כאשׁר דבר׃

Nehemiah 10:29

29 (10:30) מחזיקים על אחיהם אדיריהם ובאים באלה ובשׁבועה ללכת בתורת האלהים אשׁר נתנה ביד משׁה עבד האלהים ולשׁמור ולעשׂות את כל מצות יהוה אדנינו ומשׁפטיו וחקיו׃

Exodus 14:31

31 וירא ישׂראל את היד הגדלה אשׁר עשׂה יהוה במצרים וייראו העם את יהוה ויאמינו ביהוה ובמשׁה עבדו׃

Exodus 19:16

16 ויהי ביום השׁלישׁי בהית הבקר ויהי קלת וברקים וענן כבד על ההר וקל שׁפר חזק מאד ויחרד כל העם אשׁר במחנה׃

Exodus 24:15-16

15 ויעל משׁה אל ההר ויכס הענן את ההר׃16 וישׁכן כבוד יהוה על הר סיני ויכסהו הענן שׁשׁת ימים ויקרא אל משׁה ביום השׁביעי מתוך הענן׃

Deuteronomy 4:11-12

11 ותקרבון ותעמדון תחת ההר וההר בער באשׁ עד לב השׁמים חשׁך ענן וערפל׃12 וידבר יהוה אליכם מתוך האשׁ קול דברים אתם שׁמעים ותמונה אינכם ראים זולתי קול׃

Deuteronomy 4:36

36 מן השׁמים השׁמיעך את קלו ליסרך ועל הארץ הראך את אשׁו הגדולה ודבריו שׁמעת מתוך האשׁ׃

1 Kings 8:12

12 אז אמר שׁלמה יהוה אמר לשׁכן בערפל׃

2 Chronicles 6:1

1 אז אמר שׁלמה יהוה אמר לשׁכון בערפל׃

2 Chronicles 20:20

20 וישׁכימו בבקר ויצאו למדבר תקוע ובצאתם עמד יהושׁפט ויאמר שׁמעוני יהודה וישׁבי ירושׁלם האמינו ביהוה אלהיכם ותאמנו האמינו בנביאיו והצליחו׃

Psalms 18:11-12

11 (18:12) ישׁת חשׁך סתרו סביבותיו סכתו חשׁכת מים עבי שׁחקים׃12 (18:13) מנגה נגדו עביו עברו ברד וגחלי אשׁ׃

Psalms 97:2

2 ענן וערפל סביביו צדק ומשׁפט מכון כסאו׃

Isaiah 7:9

9 וראשׁ אפרים שׁמרון וראשׁ שׁמרון בן רמליהו אם לא תאמינו כי לא תאמנו׃

Isaiah 19:1

1 משׂא מצרים הנה יהוה רכב על עב קל ובא מצרים ונעו אלילי מצרים מפניו ולבב מצרים ימס בקרבו׃

Genesis 35:2

2 ויאמר יעקב אל ביתו ואל כל אשׁר עמו הסרו את אלהי הנכר אשׁר בתככם והטהרו והחליפו שׂמלתיכם׃

Exodus 19:14-15

14 וירד משׁה מן ההר אל העם ויקדשׁ את העם ויכבסו שׂמלתם׃15 ויאמר אל העם היו נכנים לשׁלשׁת ימים אל תגשׁו אל אשׁה׃

Leviticus 11:25

25 וכל הנשׂא מנבלתם יכבס בגדיו וטמא עד הערב׃

Leviticus 15:5

5 ואישׁ אשׁר יגע במשׁכבו יכבס בגדיו ורחץ במים וטמא עד הערב׃

Numbers 8:7

7 וכה תעשׂה להם לטהרם הזה עליהם מי חטאת והעבירו תער על כל בשׂרם וכבסו בגדיהם והטהרו׃

Numbers 8:21

21 ויתחטאו הלוים ויכבסו בגדיהם וינף אהרן אתם תנופה לפני יהוה ויכפר עליהם אהרן לטהרם׃

Numbers 31:24

24 וכבסתם בגדיכם ביום השׁביעי וטהרתם ואחר תבאו אל המחנה׃

Joshua 3:5

5 ויאמר יהושׁע אל העם התקדשׁו כי מחר יעשׂה יהוה בקרבכם נפלאות׃

Joshua 7:13

13 קם קדשׁ את העם ואמרת התקדשׁו למחר כי כה אמר יהוה אלהי ישׂראל חרם בקרבך ישׂראל לא תוכל לקום לפני איביך עד הסירכם החרם מקרבכם׃

1 Samuel 16:5

5 ויאמר שׁלום לזבח ליהוה באתי התקדשׁו ובאתם אתי בזבח ויקדשׁ את ישׁי ואת בניו ויקרא להם לזבח׃

2 Chronicles 29:5

5 ויאמר להם שׁמעוני הלוים עתה התקדשׁו וקדשׁו את בית יהוה אלהי אבתיכם והוציאו את הנדה מן הקדשׁ׃

2 Chronicles 29:34

34 רק הכהנים היו למעט ולא יכלו להפשׁיט את כל העלות ויחזקום אחיהם הלוים עד כלות המלאכה ועד יתקדשׁו הכהנים כי הלוים ישׁרי לבב להתקדשׁ מהכהנים׃

2 Chronicles 30:17-19

17 כי רבת בקהל אשׁר לא התקדשׁו והלוים על שׁחיטת הפסחים לכל לא טהור להקדישׁ ליהוה׃18 כי מרבית העם רבת מאפרים ומנשׁה ישׂשכר וזבלון לא הטהרו כי אכלו את הפסח בלא ככתוב כי התפלל יחזקיהו עליהם לאמר יהוה הטוב יכפר בעד׃19 כל לבבו הכין לדרושׁ האלהים יהוה אלהי אבותיו ולא כטהרת הקדשׁ׃

Job 1:5

5 ויהי כי הקיפו ימי המשׁתה וישׁלח איוב ויקדשׁם והשׁכים בבקר והעלה עלות מספר כלם כי אמר איוב אולי חטאו בני וברכו אלהים בלבבם ככה יעשׂה איוב כל הימים׃

Zechariah 3:3-4

3 ויהושׁע היה לבשׁ בגדים צואים ועמד לפני המלאך׃4 ויען ויאמר אל העמדים לפניו לאמר הסירו הבגדים הצאים מעליו ויאמר אליו ראה העברתי מעליך עונך והלבשׁ אתך מחלצות׃

Exodus 3:8

8 וארד להצילו מיד מצרים ולהעלתו מן הארץ ההוא אל ארץ טובה ורחבה אל ארץ זבת חלב ודבשׁ אל מקום הכנעני והחתי והאמרי והפרזי והחוי והיבוסי׃

Exodus 19:18

18 והר סיני עשׁן כלו מפני אשׁר ירד עליו יהוה באשׁ ויעל עשׁנו כעשׁן הכבשׁן ויחרד כל ההר מאד׃

Exodus 19:20

20 וירד יהוה על הר סיני אל ראשׁ ההר ויקרא יהוה למשׁה אל ראשׁ ההר ויעל משׁה׃

Exodus 34:5

5 וירד יהוה בענן ויתיצב עמו שׁם ויקרא בשׁם יהוה׃

Numbers 11:17

17 וירדתי ודברתי עמך שׁם ואצלתי מן הרוח אשׁר עליך ושׂמתי עליהם ונשׂאו אתך במשׂא העם ולא תשׂא אתה לבדך׃

Deuteronomy 33:2

2 ויאמר יהוה מסיני בא וזרח משׂעיר למו הופיע מהר פארן ואתה מרבבת קדשׁ מימינו אשׁדת׃

Psalms 18:9

9 (18:10) ויט שׁמים וירד וערפל תחת רגליו׃

Psalms 144:5

5 יהוה הט שׁמיך ותרד גע בהרים ויעשׁנו׃

Isaiah 64:1-2

1 (63:19) עליהם לוא קרעת שׁמים ירדת מפניך הרים נזלו2 (64:1) כקדח אשׁ המסים מים תבעה אשׁ להודיע שׁמך לצריך מפניך גוים ירגזו׃

Habakkuk 3:3-6

3 אלוה מתימן יבוא וקדושׁ מהר פארן סלה כסה שׁמים הודו ותהלתו מלאה הארץ׃4 ונגה כאור תהיה קרנים מידו לו ושׁם חביון עזה׃5 לפניו ילך דבר ויצא רשׁף לרגליו׃6 עמד וימדד ארץ ראה ויתר גוים ויתפצצו הררי עד שׁחו גבעות עולם הליכות עולם׃

Exodus 10:28

28 ויאמר לו פרעה לך מעלי השׁמר לך אל תסף ראות פני כי ביום ראתך פני תמות׃

Exodus 19:21

21 ויאמר יהוה אל משׁה רד העד בעם פן יהרסו אל יהוה לראות ונפל ממנו רב׃

Exodus 19:23

23 ויאמר משׁה אל יהוה לא יוכל העם לעלת אל הר סיני כי אתה העדתה בנו לאמר הגבל את ההר וקדשׁתו׃

Exodus 34:12

12 השׁמר לך פן תכרת ברית ליושׁב הארץ אשׁר אתה בא עליה פן יהיה למוקשׁ בקרבך׃

Deuteronomy 2:4

4 ואת העם צו לאמר אתם עברים בגבול אחיכם בני עשׂו הישׁבים בשׂעיר וייראו מכם ונשׁמרתם מאד׃

Joshua 3:4

4 אך רחוק יהיה ביניכם ובינו כאלפים אמה במדה אל תקרבו אליו למען אשׁר תדעו את הדרך אשׁר תלכו בה כי לא עברתם בדרך מתמול שׁלשׁום׃

Exodus 19:19

19 ויהי קול השׁפר הולך וחזק מאד משׁה ידבר והאלהים יעננו בקול׃

Exodus 21:28-29

28 וכי יגח שׁור את אישׁ או את אשׁה ומת סקול יסקל השׁור ולא יאכל את בשׂרו ובעל השׁור נקי׃29 ואם שׁור נגח הוא מתמל שׁלשׁם והועד בבעליו ולא ישׁמרנו והמית אישׁ או אשׁה השׁור יסקל וגם בעליו יומת׃

Leviticus 20:15-16

15 ואישׁ אשׁר יתן שׁכבתו בבהמה מות יומת ואת הבהמה תהרגו׃16 ואשׁה אשׁר תקרב אל כל בהמה לרבעה אתה והרגת את האשׁה ואת הבהמה מות יומתו דמיהם׃

Exodus 19:10

10 ויאמר יהוה אל משׁה לך אל העם וקדשׁתם היום ומחר וכבסו שׂמלתם׃11 והיו נכנים ליום השׁלישׁי כי ביום השׁלשׁי ירד יהוה לעיני כל העם על הר סיני׃

1 Samuel 21:4-5

4 (21:5) ויען הכהן את דוד ויאמר אין לחם חל אל תחת ידי כי אם לחם קדשׁ ישׁ אם נשׁמרו הנערים אך מאשׁה׃5 (21:6) ויען דוד את הכהן ויאמר לו כי אם אשׁה עצרה לנו כתמול שׁלשׁם בצאתי ויהיו כלי הנערים קדשׁ והוא דרך חל ואף כי היום יקדשׁ בכלי׃

Joel 2:16

16 אספו עם קדשׁו קהל קבצו זקנים אספו עוללים וינקי שׁדים יצא חתן מחדרו וכלה מחפתה׃

Amos 4:12

12 לכן כה אעשׂה לך ישׂראל עקב כי זאת אעשׂה לך הכון לקראת אלהיך ישׂראל׃

Zechariah 6:3

3 ובמרכבה השׁלשׁית סוסים לבנים ובמרכבה הרבעית סוסים ברדים אמצים׃

Zechariah 7:3

3 לאמר אל הכהנים אשׁר לבית יהוה צבאות ואל הנביאים לאמר האבכה בחדשׁ החמשׁי הנזר כאשׁר עשׂיתי זה כמה שׁנים׃

Zechariah 12:12-14

12 וספדה הארץ משׁפחות משׁפחות לבד משׁפחת בית דויד לבד ונשׁיהם לבד משׁפחת בית נתן לבד ונשׁיהם לבד׃13 משׁפחת בית לוי לבד ונשׁיהם לבד משׁפחת השׁמעי לבד ונשׁיהם לבד׃14 כל המשׁפחות הנשׁארות משׁפחת משׁפחת לבד ונשׁיהם לבד׃

Malachi 3:2

2 ומי מכלכל את יום בואו ומי העמד בהראותו כי הוא כאשׁ מצרף וכברית מכבסים׃

Exodus 9:23

23 ויט משׁה את מטהו על השׁמים ויהוה נתן קלת וברד ותהלך אשׁ ארצה וימטר יהוה ברד על ארץ מצרים׃

Exodus 9:28-29

28 העתירו אל יהוה ורב מהית קלת אלהים וברד ואשׁלחה אתכם ולא תספון לעמד׃29 ויאמר אליו משׁה כצאתי את העיר אפרשׂ את כפי אל יהוה הקלות יחדלון והברד לא יהיה עוד למען תדע כי ליהוה הארץ׃

Exodus 19:9

9 ויאמר יהוה אל משׁה הנה אנכי בא אליך בעב הענן בעבור ישׁמע העם בדברי עמך וגם בך יאמינו לעולם ויגד משׁה את דברי העם אל יהוה׃

Exodus 20:18

18 וכל העם ראים את הקולת ואת הלפידם ואת קול השׁפר ואת ההר עשׁן וירא העם וינעו ויעמדו מרחק׃

Exodus 40:34

34 ויכס הענן את אהל מועד וכבוד יהוה מלא את המשׁכן׃

1 Samuel 12:17-18

17 הלוא קציר חטים היום אקרא אל יהוה ויתן קלות ומטר ודעו וראו כי רעתכם רבה אשׁר עשׂיתם בעיני יהוה לשׁאול לכם מלך׃18 ויקרא שׁמואל אל יהוה ויתן יהוה קלת ומטר ביום ההוא ויירא כל העם מאד את יהוה ואת שׁמואל׃

2 Chronicles 5:14

14 ולא יכלו הכהנים לעמוד לשׁרת מפני הענן כי מלא כבוד יהוה את בית האלהים׃

Job 37:1-5

1 אף לזאת יחרד לבי ויתר ממקומו׃2 שׁמעו שׁמוע ברגז קלו והגה מפיו יצא׃3 תחת כל השׁמים ישׁרהו ואורו על כנפות הארץ׃4 אחריו ישׁאג קול ירעם בקול גאונו ולא יעקבם כי ישׁמע קולו׃5 ירעם אל בקולו נפלאות עשׂה גדלות ולא נדע׃

Job 38:25

25 מי פלג לשׁטף תעלה ודרך לחזיז קלות׃

Psalms 18:11-14

11 (18:12) ישׁת חשׁך סתרו סביבותיו סכתו חשׁכת מים עבי שׁחקים׃12 (18:13) מנגה נגדו עביו עברו ברד וגחלי אשׁ׃13 (18:14) וירעם בשׁמים יהוה ועליון יתן קלו ברד וגחלי אשׁ׃14 (18:15) וישׁלח חציו ויפיצם וברקים רב ויהמם׃

Psalms 29:3-11

3 קול יהוה על המים אל הכבוד הרעים יהוה על מים רבים׃4 קול יהוה בכח קול יהוה בהדר׃5 קול יהוה שׁבר ארזים וישׁבר יהוה את ארזי הלבנון׃6 וירקידם כמו עגל לבנון ושׂרין כמו בן ראמים׃7 קול יהוה חצב להבות אשׁ׃8 קול יהוה יחיל מדבר יחיל יהוה מדבר קדשׁ׃9 קול יהוה יחולל אילות ויחשׂף יערות ובהיכלו כלו אמר כבוד׃10 יהוה למבול ישׁב וישׁב יהוה מלך לעולם׃11 יהוה עז לעמו יתן יהוה יברך את עמו בשׁלום׃

Psalms 50:3

3 יבא אלהינו ואל יחרשׁ אשׁ לפניו תאכל וסביביו נשׂערה מאד׃

Psalms 77:18

18 (77:19) קול רעמך בגלגל האירו ברקים תבל רגזה ותרעשׁ הארץ׃

Psalms 97:4

4 האירו ברקיו תבל ראתה ותחל הארץ׃

Jeremiah 5:22

22 האותי לא תיראו נאם יהוה אם מפני לא תחילו אשׁר שׂמתי חול גבול לים חק עולם ולא יעברנהו ויתגעשׁו ולא יוכלו והמו גליו ולא יעברנהו׃

Deuteronomy 4:10

10 יום אשׁר עמדת לפני יהוה אלהיך בחרב באמר יהוה אלי הקהל לי את העם ואשׁמעם את דברי אשׁר ילמדון ליראה אתי כל הימים אשׁר הם חיים על האדמה ואת בניהם ילמדון׃

Deuteronomy 5:5

5 אנכי עמד בין יהוה וביניכם בעת ההוא להגיד לכם את דבר יהוה כי יראתם מפני האשׁ ולא עליתם בהר לאמר׃

Genesis 15:17

17 ויהי השׁמשׁ באה ועלטה היה והנה תנור עשׁן ולפיד אשׁ אשׁר עבר בין הגזרים האלה׃

Genesis 19:28

28 וישׁקף על פני סדם ועמרה ועל כל פני ארץ הככר וירא והנה עלה קיטר הארץ כקיטר הכבשׁן׃

Exodus 3:2

2 וירא מלאך יהוה אליו בלבת אשׁ מתוך הסנה וירא והנה הסנה בער באשׁ והסנה איננו אכל׃

Exodus 19:13

13 לא תגע בו יד כי סקול יסקל או ירה יירה אם בהמה אם אישׁ לא יחיה במשׁך היבל המה יעלו בהר׃

Exodus 24:17

17 ומראה כבוד יהוה כאשׁ אכלת בראשׁ ההר לעיני בני ישׂראל׃

Deuteronomy 5:22

22 את הדברים האלה דבר יהוה אל כל קהלכם בהר מתוך האשׁ הענן והערפל קול גדול ולא יסף ויכתבם על שׁני לחת אבנים ויתנם אלי׃

Judges 5:5

5 הרים נזלו מפני יהוה זה סיני מפני יהוה אלהי ישׂראל׃

1 Kings 19:11-12

11 ויאמר צא ועמדת בהר לפני יהוה והנה יהוה עבר ורוח גדולה וחזק מפרק הרים ומשׁבר סלעים לפני יהוה לא ברוח יהוה ואחר הרוח רעשׁ לא ברעשׁ יהוה׃12 ואחר הרעשׁ אשׁ לא באשׁ יהוה ואחר האשׁ קול דממה דקה׃

2 Chronicles 7:1-3

1 וככלות שׁלמה להתפלל והאשׁ ירדה מהשׁמים ותאכל העלה והזבחים וכבוד יהוה מלא את הבית׃2 ולא יכלו הכהנים לבוא אל בית יהוה כי מלא כבוד יהוה את בית יהוה׃3 וכל בני ישׂראל ראים ברדת האשׁ וכבוד יהוה על הבית ויכרעו אפים ארצה על הרצפה וישׁתחוו והודות ליהוה כי טוב כי לעולם חסדו׃

Psalms 68:7-8

7 (68:8) אלהים בצאתך לפני עמך בצעדך בישׁימון סלה׃8 (68:9) ארץ רעשׁה אף שׁמים נטפו מפני אלהים זה סיני מפני אלהים אלהי ישׂראל׃

Psalms 104:32

32 המביט לארץ ותרעד יגע בהרים ויעשׁנו׃

Psalms 114:7

7 מלפני אדון חולי ארץ מלפני אלוה יעקב׃

Isaiah 6:4

4 וינעו אמות הספים מקול הקורא והבית ימלא עשׁן׃

Jeremiah 4:24

24 ראיתי ההרים והנה רעשׁים וכל הגבעות התקלקלו׃

Nahum 1:5-6

5 הרים רעשׁו ממנו והגבעות התמגגו ותשׂא הארץ מפניו ותבל וכל ישׁבי׃6 לפני זעמו מי יעמוד ומי יקום בחרון אפו חמתו נתכה כאשׁ והצרים נתצו ממנו׃

Zechariah 14:5

5 ונסתם גיא הרי כי יגיע גי הרים אל אצל ונסתם כאשׁר נסתם מפני הרעשׁ בימי עזיה מלך יהודה ובא יהוה אלהי כל קדשׁים עמך׃

Nehemiah 9:13

13 ועל הר סיני ירדת ודבר עמהם משׁמים ותתן להם משׁפטים ישׁרים ותורות אמת חקים ומצות טובים׃

Psalms 81:7

7 (81:8) בצרה קראת ואחלצך אענך בסתר רעם אבחנך על מי מריבה סלה׃

Exodus 19:3

3 ומשׁה עלה אל האלהים ויקרא אליו יהוה מן ההר לאמר כה תאמר לבית יעקב ותגיד לבני ישׂראל׃

Exodus 24:12-13

12 ויאמר יהוה אל משׁה עלה אלי ההרה והיה שׁם ואתנה לך את לחת האבן והתורה והמצוה אשׁר כתבתי להורתם׃13 ויקם משׁה ויהושׁע משׁרתו ויעל משׁה אל הר האלהים׃

Exodus 24:18

18 ויבא משׁה בתוך הענן ויעל אל ההר ויהי משׁה בהר ארבעים יום וארבעים לילה׃

Exodus 34:4

4 ויפסל שׁני לחת אבנים כראשׁנים וישׁכם משׁה בבקר ויעל אל הר סיני כאשׁר צוה יהוה אתו ויקח בידו שׁני לחת אבנים׃

Deuteronomy 9:9

9 בעלתי ההרה לקחת לוחת האבנים לוחת הברית אשׁר כרת יהוה עמכם ואשׁב בהר ארבעים יום וארבעים לילה לחם לא אכלתי ומים לא שׁתיתי׃

Exodus 3:3

3 ויאמר משׁה אסרה נא ואראה את המראה הגדל הזה מדוע לא יבער הסנה׃

Exodus 3:5

5 ויאמר אל תקרב הלם שׁל נעליך מעל רגליך כי המקום אשׁר אתה עומד עליו אדמת קדשׁ הוא׃

Exodus 19:12-13

12 והגבלת את העם סביב לאמר השׁמרו לכם עלות בהר ונגע בקצהו כל הנגע בהר מות יומת׃13 לא תגע בו יד כי סקול יסקל או ירה יירה אם בהמה אם אישׁ לא יחיה במשׁך היבל המה יעלו בהר׃

Exodus 33:20

20 ויאמר לא תוכל לראת את פני כי לא יראני האדם וחי׃

1 Samuel 6:19

19 ויך באנשׁי בית שׁמשׁ כי ראו בארון יהוה ויך בעם שׁבעים אישׁ חמשׁים אלף אישׁ ויתאבלו העם כי הכה יהוה בעם מכה גדולה׃

Ecclesiastes 5:1

1 (4:17) שׁמר רגליך כאשׁר תלך אל בית האלהים וקרוב לשׁמע מתת הכסילים זבח כי אינם יודעים לעשׂות רע׃

Exodus 19:5

5 ועתה אם שׁמוע תשׁמעו בקלי ושׁמרתם את בריתי והייתם לי סגלה מכל העמים כי לי כל הארץ׃

Exodus 24:5

5 וישׁלח את נערי בני ישׂראל ויעלו עלת ויזבחו זבחים שׁלמים ליהוה פרים׃

Leviticus 10:1-3

1 ויקחו בני אהרן נדב ואביהוא אישׁ מחתתו ויתנו בהן אשׁ וישׂימו עליה קטרת ויקריבו לפני יהוה אשׁ זרה אשׁר לא צוה אתם׃2 ותצא אשׁ מלפני יהוה ותאכל אותם וימתו לפני יהוה׃3 ויאמר משׁה אל אהרן הוא אשׁר דבר יהוה לאמר בקרבי אקדשׁ ועל פני כל העם אכבד וידם אהרן׃

2 Samuel 6:6-8

6 ויבאו עד גרן נכון וישׁלח עזא אל ארון האלהים ויאחז בו כי שׁמטו הבקר׃7 ויחר אף יהוה בעזה ויכהו שׁם האלהים על השׁל וימת שׁם עם ארון האלהים׃8 ויחר לדוד על אשׁר פרץ יהוה פרץ בעזה ויקרא למקום ההוא פרץ עזה עד היום הזה׃

1 Chronicles 13:9-11

9 ויבאו עד גרן כידן וישׁלח עזא את ידו לאחז את הארון כי שׁמטו הבקר׃10 ויחר אף יהוה בעזא ויכהו על אשׁר שׁלח ידו על הארון וימת שׁם לפני אלהים׃11 ויחר לדויד כי פרץ יהוה פרץ בעזא ויקרא למקום ההוא פרץ עזא עד היום הזה׃

1 Chronicles 15:13

13 כי למבראשׁונה לא אתם פרץ יהוה אלהינו בנו כי לא דרשׁנהו כמשׁפט׃

2 Chronicles 30:3

3 כי לא יכלו לעשׂתו בעת ההיא כי הכהנים לא התקדשׁו למדי והעם לא נאספו לירושׁלם׃

2 Chronicles 30:15

15 וישׁחטו הפסח בארבעה עשׂר לחדשׁ השׁני והכהנים והלוים נכלמו ויתקדשׁו ויביאו עלות בית יהוה׃

Isaiah 52:11

11 סורו סורו צאו משׁם טמא אל תגעו צאו מתוכה הברו נשׂאי כלי יהוה׃

Exodus 19:12

12 והגבלת את העם סביב לאמר השׁמרו לכם עלות בהר ונגע בקצהו כל הנגע בהר מות יומת׃

Joshua 3:4-5

4 אך רחוק יהיה ביניכם ובינו כאלפים אמה במדה אל תקרבו אליו למען אשׁר תדעו את הדרך אשׁר תלכו בה כי לא עברתם בדרך מתמול שׁלשׁום׃5 ויאמר יהושׁע אל העם התקדשׁו כי מחר יעשׂה יהוה בקרבכם נפלאות׃

Exodus 19:21-22

21 ויאמר יהוה אל משׁה רד העד בעם פן יהרסו אל יהוה לראות ונפל ממנו רב׃22 וגם הכהנים הנגשׁים אל יהוה יתקדשׁו פן יפרץ בהם יהוה׃

Exodus 24:1

1 ואל משׁה אמר עלה אל יהוה אתה ואהרן נדב ואביהוא ושׁבעים מזקני ישׂראל והשׁתחויתם מרחק׃

Exodus 24:9

9 ויעל משׁה ואהרן נדב ואביהוא ושׁבעים מזקני ישׂראל׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.