1 ומן התכלת והארגמן ותולעת השׁני עשׂו בגדי שׂרד לשׁרת בקדשׁ ויעשׂו את בגדי הקדשׁ אשׁר לאהרן כאשׁר צוה יהוה את משׁה׃2 ויעשׂ את האפד זהב תכלת וארגמן ותולעת שׁני ושׁשׁ משׁזר׃3 וירקעו את פחי הזהב וקצץ פתילם לעשׂות בתוך התכלת ובתוך הארגמן ובתוך תולעת השׁני ובתוך השׁשׁ מעשׂה חשׁב׃4 כתפת עשׂו לו חברת על שׁני קצוותו חבר׃5 וחשׁב אפדתו אשׁר עליו ממנו הוא כמעשׂהו זהב תכלת וארגמן ותולעת שׁני ושׁשׁ משׁזר כאשׁר צוה יהוה את משׁה׃6 ויעשׂו את אבני השׁהם מסבת משׁבצת זהב מפתחת פתוחי חותם על שׁמות בני ישׂראל׃7 וישׂם אתם על כתפת האפד אבני זכרון לבני ישׂראל כאשׁר צוה יהוה את משׁה׃8 ויעשׂ את החשׁן מעשׂה חשׁב כמעשׂה אפד זהב תכלת וארגמן ותולעת שׁני ושׁשׁ משׁזר׃9 רבוע היה כפול עשׂו את החשׁן זרת ארכו וזרת רחבו כפול׃10 וימלאו בו ארבעה טורי אבן טור אדם פטדה וברקת הטור האחד׃11 והטור השׁני נפך ספיר ויהלם׃12 והטור השׁלישׁי לשׁם שׁבו ואחלמה׃13 והטור הרביעי תרשׁישׁ שׁהם וישׁפה מוסבת משׁבצת זהב במלאתם׃14 והאבנים על שׁמת בני ישׂראל הנה שׁתים עשׂרה על שׁמתם פתוחי חתם אישׁ על שׁמו לשׁנים עשׂר שׁבט׃15 ויעשׂו על החשׁן שׁרשׁרת גבלת מעשׂה עבת זהב טהור׃16 ויעשׂו שׁתי משׁבצת זהב ושׁתי טבעת זהב ויתנו את שׁתי הטבעת על שׁני קצות החשׁן׃17 ויתנו שׁתי העבתת הזהב על שׁתי הטבעת על קצות החשׁן׃18 ואת שׁתי קצות שׁתי העבתת נתנו על שׁתי המשׁבצת ויתנם על כתפת האפד אל מול פניו׃19 ויעשׂו שׁתי טבעת זהב וישׂימו על שׁני קצות החשׁן על שׂפתו אשׁר אל עבר האפד ביתה׃20 ויעשׂו שׁתי טבעת זהב ויתנם על שׁתי כתפת האפד מלמטה ממול פניו לעמת מחברתו ממעל לחשׁב האפד׃21 וירכסו את החשׁן מטבעתיו אל טבעת האפד בפתיל תכלת להית על חשׁב האפד ולא יזח החשׁן מעל האפד כאשׁר צוה יהוה את משׁה׃22 ויעשׂ את מעיל האפד מעשׂה ארג כליל תכלת׃23 ופי המעיל בתוכו כפי תחרא שׂפה לפיו סביב לא יקרע׃24 ויעשׂו על שׁולי המעיל רמוני תכלת וארגמן ותולעת שׁני משׁזר׃25 ויעשׂו פעמני זהב טהור ויתנו את הפעמנים בתוך הרמנים על שׁולי המעיל סביב בתוך הרמנים׃26 פעמן ורמן פעמן ורמן על שׁולי המעיל סביב לשׁרת כאשׁר צוה יהוה את משׁה׃27 ויעשׂו את הכתנת שׁשׁ מעשׂה ארג לאהרן ולבניו׃28 ואת המצנפת שׁשׁ ואת פארי המגבעת שׁשׁ ואת מכנסי הבד שׁשׁ משׁזר׃29 ואת האבנט שׁשׁ משׁזר ותכלת וארגמן ותולעת שׁני מעשׂה רקם כאשׁר צוה יהוה את משׁה׃30 ויעשׂו את ציץ נזר הקדשׁ זהב טהור ויכתבו עליו מכתב פתוחי חותם קדשׁ ליהוה׃31 ויתנו עליו פתיל תכלת לתת על המצנפת מלמעלה כאשׁר צוה יהוה את משׁה׃32 ותכל כל עבדת משׁכן אהל מועד ויעשׂו בני ישׂראל ככל אשׁר צוה יהוה את משׁה כן עשׂו׃33 ויביאו את המשׁכן אל משׁה את האהל ואת כל כליו קרסיו קרשׁיו בריחו ועמדיו ואדניו׃34 ואת מכסה עורת האילם המאדמים ואת מכסה ערת התחשׁים ואת פרכת המסך׃35 את ארון העדת ואת בדיו ואת הכפרת׃36 את השׁלחן את כל כליו ואת לחם הפנים׃37 את המנרה הטהרה את נרתיה נרת המערכה ואת כל כליה ואת שׁמן המאור׃38 ואת מזבח הזהב ואת שׁמן המשׁחה ואת קטרת הסמים ואת מסך פתח האהל׃39 את מזבח הנחשׁת ואת מכבר הנחשׁת אשׁר לו את בדיו ואת כל כליו את הכיר ואת כנו׃40 את קלעי החצר את עמדיה ואת אדניה ואת המסך לשׁער החצר את מיתריו ויתדתיה ואת כל כלי עבדת המשׁכן לאהל מועד׃41 את בגדי השׂרד לשׁרת בקדשׁ את בגדי הקדשׁ לאהרן הכהן ואת בגדי בניו לכהן׃42 ככל אשׁר צוה יהוה את משׁה כן עשׂו בני ישׂראל את כל העבדה׃43 וירא משׁה את כל המלאכה והנה עשׂו אתה כאשׁר צוה יהוה כן עשׂו ויברך אתם משׁה׃
Exodus 39 Cross References - HOT
Exodus 25:4
4 ותכלת וארגמן ותולעת שׁני ושׁשׁ ועזים׃
Exodus 26:1
1 ואת המשׁכן תעשׂה עשׂר יריעת שׁשׁ משׁזר ותכלת וארגמן ותלעת שׁני כרבים מעשׂה חשׁב תעשׂה אתם׃
Exodus 28:2-4
Exodus 31:10
10 ואת בגדי השׂרד ואת בגדי הקדשׁ לאהרן הכהן ואת בגדי בניו לכהן׃
Exodus 35:19
19 את בגדי השׂרד לשׁרת בקדשׁ את בגדי הקדשׁ לאהרן הכהן ואת בגדי בניו לכהן׃
Exodus 35:23
23 וכל אישׁ אשׁר נמצא אתו תכלת וארגמן ותולעת שׁני ושׁשׁ ועזים וערת אילם מאדמים וערת תחשׁים הביאו׃
Exodus 39:41
41 את בגדי השׂרד לשׁרת בקדשׁ את בגדי הקדשׁ לאהרן הכהן ואת בגדי בניו לכהן׃
Psalms 93:5
5 עדתיך נאמנו מאד לביתך נאוה קדשׁ יהוה לארך ימים׃
Ezekiel 42:14
14 בבאם הכהנים ולא יצאו מהקדשׁ אל החצר החיצונה ושׁם יניחו בגדיהם אשׁר ישׁרתו בהן כי קדשׁ הנה ילבשׁו בגדים אחרים וקרבו אל אשׁר לעם׃
Ezekiel 43:12
12 זאת תורת הבית על ראשׁ ההר כל גבלו סביב סביב קדשׁ קדשׁים הנה זאת תורת הבית׃
Exodus 25:7
7 אבני שׁהם ואבני מלאים לאפד ולחשׁן׃
Exodus 28:6-12
6 ועשׂו את האפד זהב תכלת וארגמן תולעת שׁני ושׁשׁ משׁזר מעשׂה חשׁב׃7 שׁתי כתפת חברת יהיה לו אל שׁני קצותיו וחבר׃8 וחשׁב אפדתו אשׁר עליו כמעשׂהו ממנו יהיה זהב תכלת וארגמן ותולעת שׁני ושׁשׁ משׁזר׃9 ולקחת את שׁתי אבני שׁהם ופתחת עליהם שׁמות בני ישׂראל׃10 שׁשׁה משׁמתם על האבן האחת ואת שׁמות השׁשׁה הנותרים על האבן השׁנית כתולדתם׃11 מעשׂה חרשׁ אבן פתוחי חתם תפתח את שׁתי האבנים על שׁמת בני ישׂראל מסבת משׁבצות זהב תעשׂה אתם׃12 ושׂמת את שׁתי האבנים על כתפת האפד אבני זכרן לבני ישׂראל ונשׂא אהרן את שׁמותם לפני יהוה על שׁתי כתפיו לזכרן׃
Leviticus 8:7
7 ויתן עליו את הכתנת ויחגר אתו באבנט וילבשׁ אתו את המעיל ויתן עליו את האפד ויחגר אתו בחשׁב האפד ויאפד \'ec\'e5
Exodus 36:8
8 ויעשׂו כל חכם לב בעשׂי המלאכה את המשׁכן עשׂר יריעת שׁשׁ משׁזר ותכלת וארגמן ותולעת שׁני כרבים מעשׂה חשׁב עשׂה אתם׃
Exodus 28:8
8 וחשׁב אפדתו אשׁר עליו כמעשׂהו ממנו יהיה זהב תכלת וארגמן ותולעת שׁני ושׁשׁ משׁזר׃
Exodus 29:5
5 ולקחת את הבגדים והלבשׁת את אהרן את הכתנת ואת מעיל האפד ואת האפד ואת החשׁן ואפדת לו בחשׁב האפד׃
Isaiah 11:5
5 והיה צדק אזור מתניו והאמונה אזור חלציו׃
Exodus 28:9
9 ולקחת את שׁתי אבני שׁהם ופתחת עליהם שׁמות בני ישׂראל׃
Exodus 35:9
9 ואבני שׁהם ואבני מלאים לאפוד ולחשׁן׃
Job 28:16
16 לא תסלה בכתם אופיר בשׁהם יקר וספיר׃
Ezekiel 28:13
13 בעדן גן אלהים היית כל אבן יקרה מסכתך אדם פטדה ויהלם תרשׁישׁ שׁהם וישׁפה ספיר נפך וברקת וזהב מלאכת תפיך ונקביך בך ביום הבראך כוננו׃
Exodus 28:12
12 ושׂמת את שׁתי האבנים על כתפת האפד אבני זכרן לבני ישׂראל ונשׂא אהרן את שׁמותם לפני יהוה על שׁתי כתפיו לזכרן׃
Exodus 28:29
29 ונשׂא אהרן את שׁמות בני ישׂראל בחשׁן המשׁפט על לבו בבאו אל הקדשׁ לזכרן לפני יהוה תמיד׃
Joshua 4:7
7 ואמרתם להם אשׁר נכרתו מימי הירדן מפני ארון ברית יהוה בעברו בירדן נכרתו מי הירדן והיו האבנים האלה לזכרון לבני ישׂראל עד עולם׃
Nehemiah 2:20
20 ואשׁיב אותם דבר ואומר להם אלהי השׁמים הוא יצליח לנו ואנחנו עבדיו נקום ובנינו ולכם אין חלק וצדקה וזכרון בירושׁלם׃
Exodus 28:4
4 ואלה הבגדים אשׁר יעשׂו חשׁן ואפוד ומעיל וכתנת תשׁבץ מצנפת ואבנט ועשׂו בגדי קדשׁ לאהרן אחיך ולבניו לכהנו׃
Exodus 28:13-29
13 ועשׂית משׁבצת זהב׃14 ושׁתי שׁרשׁרת זהב טהור מגבלת תעשׂה אתם מעשׂה עבת ונתתה את שׁרשׁרת העבתת על המשׁבצת׃15 ועשׂית חשׁן משׁפט מעשׂה חשׁב כמעשׂה אפד תעשׂנו זהב תכלת וארגמן ותולעת שׁני ושׁשׁ משׁזר תעשׂה אתו׃16 רבוע יהיה כפול זרת ארכו וזרת רחבו׃17 ומלאת בו מלאת אבן ארבעה טורים אבן טור אדם פטדה וברקת הטור האחד׃18 והטור השׁני נפך ספיר ויהלם׃19 והטור השׁלישׁי לשׁם שׁבו ואחלמה׃20 והטור הרביעי תרשׁישׁ ושׁהם וישׁפה משׁבצים זהב יהיו במלואתם׃21 והאבנים תהיין על שׁמת בני ישׂראל שׁתים עשׂרה על שׁמתם פתוחי חותם אישׁ על שׁמו תהיין לשׁני עשׂר שׁבט׃22 ועשׂית על החשׁן שׁרשׁת גבלת מעשׂה עבת זהב טהור׃23 ועשׂית על החשׁן שׁתי טבעות זהב ונתת את שׁתי הטבעות על שׁני קצות החשׁן׃24 ונתתה את שׁתי עבתת הזהב על שׁתי הטבעת אל קצות החשׁן׃25 ואת שׁתי קצות שׁתי העבתת תתן על שׁתי המשׁבצות ונתתה על כתפות האפד אל מול פניו׃26 ועשׂית שׁתי טבעות זהב ושׂמת אתם על שׁני קצות החשׁן על שׂפתו אשׁר אל עבר האפוד ביתה׃27 ועשׂית שׁתי טבעות זהב ונתתה אתם על שׁתי כתפות האפוד מלמטה ממול פניו לעמת מחברתו ממעל לחשׁב האפוד׃28 וירכסו את החשׁן מטבעתו אל טבעת האפוד בפתיל תכלת להיות על חשׁב האפוד ולא יזח החשׁן מעל האפוד׃29 ונשׂא אהרן את שׁמות בני ישׂראל בחשׁן המשׁפט על לבו בבאו אל הקדשׁ לזכרן לפני יהוה תמיד׃
Leviticus 8:8-9
Psalms 89:28
28 (89:29) לעולם אשׁמור לו חסדי ובריתי נאמנת׃
Isaiah 59:17
17 וילבשׁ צדקה כשׁרין וכובע ישׁועה בראשׁו וילבשׁ בגדי נקם תלבשׁת ויעט כמעיל קנאה׃
Exodus 28:16-17
Exodus 28:21
21 והאבנים תהיין על שׁמת בני ישׂראל שׁתים עשׂרה על שׁמתם פתוחי חותם אישׁ על שׁמו תהיין לשׁני עשׂר שׁבט׃
Exodus 28:18
18 והטור השׁני נפך ספיר ויהלם׃
Exodus 28:14
14 ושׁתי שׁרשׁרת זהב טהור מגבלת תעשׂה אתם מעשׂה עבת ונתתה את שׁרשׁרת העבתת על המשׁבצת׃
2 Chronicles 3:5
5 ואת הבית הגדול חפה עץ ברושׁים ויחפהו זהב טוב ויעל עליו תמרים ושׁרשׁרות׃
Song of Songs 1:10
10 נאוו לחייך בתרים צוארך בחרוזים׃
Exodus 25:12
12 ויצקת לו ארבע טבעת זהב ונתתה על ארבע פעמתיו ושׁתי טבעת על צלעו האחת ושׁתי טבעת על צלעו השׁנית׃
Exodus 26:3
3 חמשׁ היריעת תהיין חברת אשׁה אל אחתה וחמשׁ יריעת חברת אשׁה אל אחתה׃
Exodus 28:31-35
31 ועשׂית את מעיל האפוד כליל תכלת׃32 והיה פי ראשׁו בתוכו שׂפה יהיה לפיו סביב מעשׂה ארג כפי תחרא יהיה לו לא יקרע׃33 ועשׂית על שׁוליו רמני תכלת וארגמן ותולעת שׁני על שׁוליו סביב ופעמני זהב בתוכם סביב׃34 פעמן זהב ורמון פעמן זהב ורמון על שׁולי המעיל סביב׃35 והיה על אהרן לשׁרת ונשׁמע קולו בבאו אל הקדשׁ לפני יהוה ובצאתו ולא ימות׃
Exodus 28:33
33 ועשׂית על שׁוליו רמני תכלת וארגמן ותולעת שׁני על שׁוליו סביב ופעמני זהב בתוכם סביב׃
Exodus 28:33-34
Psalms 89:15
15 (89:16) אשׁרי העם יודעי תרועה יהוה באור פניך יהלכון׃
Song of Songs 4:13
13 שׁלחיך פרדס רמונים עם פרי מגדים כפרים עם נרדים׃
Exodus 28:34
34 פעמן זהב ורמון פעמן זהב ורמון על שׁולי המעיל סביב׃
Deuteronomy 22:12
12 גדלים תעשׂה לך על ארבע כנפות כסותך אשׁר תכסה׃
Song of Songs 4:3
3 כחוט השׁני שׂפתתיך ומדבריך נאוה כפלח הרמון רקתך מבעד לצמתך׃
Song of Songs 6:7
7 כפלח הרמון רקתך מבעד לצמתך׃
Exodus 28:39-42
Leviticus 8:13
13 ויקרב משׁה את בני אהרן וילבשׁם כתנת ויחגר אתם אבנט ויחבשׁ להם מגבעות כאשׁר צוה יהוה את משׁה׃
Isaiah 61:10
10 שׂושׂ אשׂישׂ ביהוה תגל נפשׁי באלהי כי הלבישׁני בגדי ישׁע מעיל צדקה יעטני כחתן יכהן פאר וככלה תעדה כליה׃
Ezekiel 44:18
18 פארי פשׁתים יהיו על ראשׁם ומכנסי פשׁתים יהיו על מתניהם לא יחגרו ביזע׃
Exodus 28:39
39 ושׁבצת הכתנת שׁשׁ ועשׂית מצנפת שׁשׁ ואבנט תעשׂה מעשׂה רקם׃
Exodus 28:42
42 ועשׂה להם מכנסי בד לכסות בשׂר ערוה ממתנים ועד ירכים יהיו׃
Exodus 26:36
36 ועשׂית מסך לפתח האהל תכלת וארגמן ותולעת שׁני ושׁשׁ משׁזר מעשׂה רקם׃
Exodus 28:36-39
Zechariah 14:20
20 ביום ההוא יהיה על מצלות הסוס קדשׁ ליהוה והיה הסירות בבית יהוה כמזרקים לפני המזבח׃
Exodus 25:1-31
1 וידבר יהוה אל משׁה לאמר׃2 דבר אל בני ישׂראל ויקחו לי תרומה מאת כל אישׁ אשׁר ידבנו לבו תקחו את תרומתי׃3 וזאת התרומה אשׁר תקחו מאתם זהב וכסף ונחשׁת׃4 ותכלת וארגמן ותולעת שׁני ושׁשׁ ועזים׃5 וערת אילם מאדמים וערת תחשׁים ועצי שׁטים׃6 שׁמן למאר בשׂמים לשׁמן המשׁחה ולקטרת הסמים׃7 אבני שׁהם ואבני מלאים לאפד ולחשׁן׃8 ועשׂו לי מקדשׁ ושׁכנתי בתוכם׃9 ככל אשׁר אני מראה אותך את תבנית המשׁכן ואת תבנית כל כליו וכן תעשׂו׃10 ועשׂו ארון עצי שׁטים אמתים וחצי ארכו ואמה וחצי רחבו ואמה וחצי קמתו׃11 וצפית אתו זהב טהור מבית ומחוץ תצפנו ועשׂית עליו זר זהב סביב׃12 ויצקת לו ארבע טבעת זהב ונתתה על ארבע פעמתיו ושׁתי טבעת על צלעו האחת ושׁתי טבעת על צלעו השׁנית׃13 ועשׂית בדי עצי שׁטים וצפית אתם זהב׃14 והבאת את הבדים בטבעת על צלעת הארן לשׂאת את הארן׃15 בטבעת הארן יהיו הבדים לא יסרו ממנו׃16 ונתת אל הארן את העדת אשׁר אתן אליך׃17 ועשׂית כפרת זהב טהור אמתים וחצי ארכה ואמה וחצי רחבה׃18 ועשׂית שׁנים כרבים זהב מקשׁה תעשׂה אתם משׁני קצות הכפרת׃19 ועשׂה כרוב אחד מקצה מזה וכרוב אחד מקצה מזה מן הכפרת תעשׂו את הכרבים על שׁני קצותיו׃20 והיו הכרבים פרשׂי כנפים למעלה סככים בכנפיהם על הכפרת ופניהם אישׁ אל אחיו אל הכפרת יהיו פני הכרבים׃21 ונתת את הכפרת על הארן מלמעלה ואל הארן תתן את העדת אשׁר אתן אליך׃22 ונועדתי לך שׁם ודברתי אתך מעל הכפרת מבין שׁני הכרבים אשׁר על ארון העדת את כל אשׁר אצוה אותך אל בני ישׂראל׃23 ועשׂית שׁלחן עצי שׁטים אמתים ארכו ואמה רחבו ואמה וחצי קמתו׃24 וצפית אתו זהב טהור ועשׂית לו זר זהב סביב׃25 ועשׂית לו מסגרת טפח סביב ועשׂית זר זהב למסגרתו סביב׃26 ועשׂית לו ארבע טבעת זהב ונתת את הטבעת על ארבע הפאת אשׁר לארבע רגליו׃27 לעמת המסגרת תהיין הטבעת לבתים לבדים לשׂאת את השׁלחן׃28 ועשׂית את הבדים עצי שׁטים וצפית אתם זהב ונשׂא בם את השׁלחן׃29 ועשׂית קערתיו וכפתיו וקשׂותיו ומנקיתיו אשׁר יסך בהן זהב טהור תעשׂה אתם׃30 ונתת על השׁלחן לחם פנים לפני תמיד׃31 ועשׂית מנרת זהב טהור מקשׁה תיעשׂה המנורה ירכה וקנה גביעיה כפתריה ופרחיה ממנה יהיו׃
Exodus 25:40
40 וראה ועשׂה בתבניתם אשׁר אתה מראה בהר׃
Exodus 35:1-35
1 ויקהל משׁה את כל עדת בני ישׂראל ויאמר אלהם אלה הדברים אשׁר צוה יהוה לעשׂת אתם׃2 שׁשׁת ימים תעשׂה מלאכה וביום השׁביעי יהיה לכם קדשׁ שׁבת שׁבתון ליהוה כל העשׂה בו מלאכה יומת׃3 לא תבערו אשׁ בכל משׁבתיכם ביום השׁבת׃4 ויאמר משׁה אל כל עדת בני ישׂראל לאמר זה הדבר אשׁר צוה יהוה לאמר׃5 קחו מאתכם תרומה ליהוה כל נדיב לבו יביאה את תרומת יהוה זהב וכסף ונחשׁת׃6 ותכלת וארגמן ותולעת שׁני ושׁשׁ ועזים׃7 וערת אילם מאדמים וערת תחשׁים ועצי שׂטים׃8 ושׁמן למאור ובשׂמים לשׁמן המשׁחה ולקטרת הסמים׃9 ואבני שׁהם ואבני מלאים לאפוד ולחשׁן׃10 וכל חכם לב בכם יבאו ויעשׂו את כל אשׁר צוה יהוה׃11 את המשׁכן את אהלו ואת מכסהו את קרסיו ואת קרשׁיו את בריחו את עמדיו ואת אדניו׃12 את הארן ואת בדיו את הכפרת ואת פרכת המסך׃13 את השׁלחן ואת בדיו ואת כל כליו ואת לחם הפנים׃14 ואת מנרת המאור ואת כליה ואת נרתיה ואת שׁמן המאור׃15 ואת מזבח הקטרת ואת בדיו ואת שׁמן המשׁחה ואת קטרת הסמים ואת מסך הפתח לפתח המשׁכן׃16 את מזבח העלה ואת מכבר הנחשׁת אשׁר לו את בדיו ואת כל כליו את הכיר ואת כנו׃17 את קלעי החצר את עמדיו ואת אדניה ואת מסך שׁער החצר׃18 את יתדת המשׁכן ואת יתדת החצר ואת מיתריהם׃19 את בגדי השׂרד לשׁרת בקדשׁ את בגדי הקדשׁ לאהרן הכהן ואת בגדי בניו לכהן׃20 ויצאו כל עדת בני ישׂראל מלפני משׁה׃21 ויבאו כל אישׁ אשׁר נשׂאו לבו וכל אשׁר נדבה רוחו אתו הביאו את תרומת יהוה למלאכת אהל מועד ולכל עבדתו ולבגדי הקדשׁ׃22 ויבאו האנשׁים על הנשׁים כל נדיב לב הביאו חח ונזם וטבעת וכומז כל כלי זהב וכל אישׁ אשׁר הניף תנופת זהב ליהוה׃23 וכל אישׁ אשׁר נמצא אתו תכלת וארגמן ותולעת שׁני ושׁשׁ ועזים וערת אילם מאדמים וערת תחשׁים הביאו׃24 כל מרים תרומת כסף ונחשׁת הביאו את תרומת יהוה וכל אשׁר נמצא אתו עצי שׁטים לכל מלאכת העבדה הביאו׃25 וכל אשׁה חכמת לב בידיה טוו ויביאו מטוה את התכלת ואת הארגמן את תולעת השׁני ואת השׁשׁ׃26 וכל הנשׁים אשׁר נשׂא לבן אתנה בחכמה טוו את העזים׃27 והנשׂאם הביאו את אבני השׁהם ואת אבני המלאים לאפוד ולחשׁן׃28 ואת הבשׂם ואת השׁמן למאור ולשׁמן המשׁחה ולקטרת הסמים׃29 כל אישׁ ואשׁה אשׁר נדב לבם אתם להביא לכל המלאכה אשׁר צוה יהוה לעשׂות ביד משׁה הביאו בני ישׂראל נדבה ליהוה׃30 ויאמר משׁה אל בני ישׂראל ראו קרא יהוה בשׁם בצלאל בן אורי בן חור למטה יהודה׃31 וימלא אתו רוח אלהים בחכמה בתבונה ובדעת ובכל מלאכה׃32 ולחשׁב מחשׁבת לעשׂת בזהב ובכסף ובנחשׁת׃33 ובחרשׁת אבן למלאת ובחרשׁת עץ לעשׂות בכל מלאכת מחשׁבת׃34 ולהורת נתן בלבו הוא ואהליאב בן אחיסמך למטה דן׃35 מלא אתם חכמת לב לעשׂות כל מלאכת חרשׁ וחשׁב ורקם בתכלת ובארגמן בתולעת השׁני ובשׁשׁ וארג עשׂי כל מלאכה וחשׁבי מחשׁבת׃
Exodus 39:33
33 ויביאו את המשׁכן אל משׁה את האהל ואת כל כליו קרסיו קרשׁיו בריחו ועמדיו ואדניו׃
Exodus 39:42-43
Exodus 40:32
32 בבאם אל אהל מועד ובקרבתם אל המזבח ירחצו כאשׁר צוה יהוה את משׁה׃
Leviticus 8:1-9
1 וידבר יהוה אל משׁה לאמר׃2 קח את אהרן ואת בניו אתו ואת הבגדים ואת שׁמן המשׁחה ואת פר החטאת ואת שׁני האילים ואת סל המצות׃3 ואת כל העדה הקהל אל פתח אהל מועד׃4 ויעשׂ משׁה כאשׁר צוה יהוה אתו ותקהל העדה אל פתח אהל מועד׃5 ויאמר משׁה אל העדה זה הדבר אשׁר צוה יהוה לעשׂות׃6 ויקרב משׁה את אהרן ואת בניו וירחץ אתם במים׃7 ויתן עליו את הכתנת ויחגר אתו באבנט וילבשׁ אתו את המעיל ויתן עליו את האפד ויחגר אתו בחשׁב האפד ויאפד \'ec\'e5
Numbers 3:25-26
Numbers 3:31
31 ומשׁמרתם הארן והשׁלחן והמנרה והמזבחת וכלי הקדשׁ אשׁר ישׁרתו בהם והמסך וכל עבדתו׃
Numbers 3:36-37
Numbers 4:4-32
4 זאת עבדת בני קהת באהל מועד קדשׁ הקדשׁים׃5 ובא אהרן ובניו בנסע המחנה והורדו את פרכת המסך וכסו בה את ארן העדת׃6 ונתנו עליו כסוי עור תחשׁ ופרשׂו בגד כליל תכלת מלמעלה ושׂמו בדיו׃7 ועל שׁלחן הפנים יפרשׂו בגד תכלת ונתנו עליו את הקערת ואת הכפת ואת המנקית ואת קשׂות הנסך ולחם התמיד עליו יהיה׃8 ופרשׂו עליהם בגד תולעת שׁני וכסו אתו במכסה עור תחשׁ ושׂמו את בדיו׃9 ולקחו בגד תכלת וכסו את מנרת המאור ואת נרתיה ואת מלקחיה ואת מחתתיה ואת כל כלי שׁמנה אשׁר ישׁרתו \'ec\'e410 ונתנו אתה ואת כל כליה אל מכסה עור תחשׁ ונתנו על המוט׃11 ועל מזבח הזהב יפרשׂו בגד תכלת וכסו אתו במכסה עור תחשׁ ושׂמו את בדיו׃12 ולקחו את כל כלי השׁרת אשׁר ישׁרתו בם בקדשׁ ונתנו אל בגד תכלת וכסו אותם במכסה עור תחשׁ ונתנו על המוט׃13 ודשׁנו את המזבח ופרשׂו עליו בגד ארגמן׃14 ונתנו עליו את כל כליו אשׁר ישׁרתו עליו בהם את המחתת את המזלגת ואת היעים ואת המזרקת כל כלי המזבח ופרשׂו עליו כסוי עור תחשׁ ושׂמו בדיו׃15 וכלה אהרן ובניו לכסת את הקדשׁ ואת כל כלי הקדשׁ בנסע המחנה ואחרי כן יבאו בני קהת לשׂאת ולא יגעו אל הקדשׁ ומתו אלה משׂא בני קהת באהל מועד׃16 ופקדת אלעזר בן אהרן הכהן שׁמן המאור וקטרת הסמים ומנחת התמיד ושׁמן המשׁחה פקדת כל המשׁכן וכל אשׁר בו בקדשׁ ובכליו׃17 וידבר יהוה אל משׁה ואל אהרן לאמר׃18 אל תכריתו את שׁבט משׁפחת הקהתי מתוך הלוים׃19 וזאת עשׂו להם וחיו ולא ימתו בגשׁתם את קדשׁ הקדשׁים אהרן ובניו יבאו ושׂמו אותם אישׁ אישׁ על עבדתו ואל משׂאו׃20 ולא יבאו לראות כבלע את הקדשׁ ומתו׃21 וידבר יהוה אל משׁה לאמר׃22 נשׂא את ראשׁ בני גרשׁון גם הם לבית אבתם למשׁפחתם׃23 מבן שׁלשׁים שׁנה ומעלה עד בן חמשׁים שׁנה תפקד אותם כל הבא לצבא צבא לעבד עבדה באהל מועד׃24 זאת עבדת משׁפחת הגרשׁני לעבד ולמשׂא׃25 ונשׂאו את יריעת המשׁכן ואת אהל מועד מכסהו ומכסה התחשׁ אשׁר עליו מלמעלה ואת מסך פתח אהל מועד׃26 ואת קלעי החצר ואת מסך פתח שׁער החצר אשׁר על המשׁכן ועל המזבח סביב ואת מיתריהם ואת כל כלי עבדתם ואת כל אשׁר יעשׂה להם ועבדו׃27 על פי אהרן ובניו תהיה כל עבדת בני הגרשׁני לכל משׂאם ולכל עבדתם ופקדתם עלהם במשׁמרת את כל משׂאם׃28 זאת עבדת משׁפחת בני הגרשׁני באהל מועד ומשׁמרתם ביד איתמר בן אהרן הכהן׃29 בני מררי למשׁפחתם לבית אבתם תפקד אתם׃30 מבן שׁלשׁים שׁנה ומעלה ועד בן חמשׁים שׁנה תפקדם כל הבא לצבא לעבד את עבדת אהל מועד׃31 וזאת משׁמרת משׂאם לכל עבדתם באהל מועד קרשׁי המשׁכן ובריחיו ועמודיו ואדניו׃32 ועמודי החצר סביב ואדניהם ויתדתם ומיתריהם לכל כליהם ולכל עבדתם ובשׁמת תפקדו את כלי משׁמרת משׂאם׃
Deuteronomy 12:32
32 (13:1) את כל הדבר אשׁר אנכי מצוה אתכם אתו תשׁמרו לעשׂות לא תסף עליו ולא תגרע ממנו׃
1 Samuel 15:22
22 ויאמר שׁמואל החפץ ליהוה בעלות וזבחים כשׁמע בקול יהוה הנה שׁמע מזבח טוב להקשׁיב מחלב אילים׃
1 Chronicles 28:19
19 הכל בכתב מיד יהוה עלי השׂכיל כל מלאכות התבנית׃
Exodus 25:1-30
1 וידבר יהוה אל משׁה לאמר׃2 דבר אל בני ישׂראל ויקחו לי תרומה מאת כל אישׁ אשׁר ידבנו לבו תקחו את תרומתי׃3 וזאת התרומה אשׁר תקחו מאתם זהב וכסף ונחשׁת׃4 ותכלת וארגמן ותולעת שׁני ושׁשׁ ועזים׃5 וערת אילם מאדמים וערת תחשׁים ועצי שׁטים׃6 שׁמן למאר בשׂמים לשׁמן המשׁחה ולקטרת הסמים׃7 אבני שׁהם ואבני מלאים לאפד ולחשׁן׃8 ועשׂו לי מקדשׁ ושׁכנתי בתוכם׃9 ככל אשׁר אני מראה אותך את תבנית המשׁכן ואת תבנית כל כליו וכן תעשׂו׃10 ועשׂו ארון עצי שׁטים אמתים וחצי ארכו ואמה וחצי רחבו ואמה וחצי קמתו׃11 וצפית אתו זהב טהור מבית ומחוץ תצפנו ועשׂית עליו זר זהב סביב׃12 ויצקת לו ארבע טבעת זהב ונתתה על ארבע פעמתיו ושׁתי טבעת על צלעו האחת ושׁתי טבעת על צלעו השׁנית׃13 ועשׂית בדי עצי שׁטים וצפית אתם זהב׃14 והבאת את הבדים בטבעת על צלעת הארן לשׂאת את הארן׃15 בטבעת הארן יהיו הבדים לא יסרו ממנו׃16 ונתת אל הארן את העדת אשׁר אתן אליך׃17 ועשׂית כפרת זהב טהור אמתים וחצי ארכה ואמה וחצי רחבה׃18 ועשׂית שׁנים כרבים זהב מקשׁה תעשׂה אתם משׁני קצות הכפרת׃19 ועשׂה כרוב אחד מקצה מזה וכרוב אחד מקצה מזה מן הכפרת תעשׂו את הכרבים על שׁני קצותיו׃20 והיו הכרבים פרשׂי כנפים למעלה סככים בכנפיהם על הכפרת ופניהם אישׁ אל אחיו אל הכפרת יהיו פני הכרבים׃21 ונתת את הכפרת על הארן מלמעלה ואל הארן תתן את העדת אשׁר אתן אליך׃22 ונועדתי לך שׁם ודברתי אתך מעל הכפרת מבין שׁני הכרבים אשׁר על ארון העדת את כל אשׁר אצוה אותך אל בני ישׂראל׃23 ועשׂית שׁלחן עצי שׁטים אמתים ארכו ואמה רחבו ואמה וחצי קמתו׃24 וצפית אתו זהב טהור ועשׂית לו זר זהב סביב׃25 ועשׂית לו מסגרת טפח סביב ועשׂית זר זהב למסגרתו סביב׃26 ועשׂית לו ארבע טבעת זהב ונתת את הטבעת על ארבע הפאת אשׁר לארבע רגליו׃27 לעמת המסגרת תהיין הטבעת לבתים לבדים לשׂאת את השׁלחן׃28 ועשׂית את הבדים עצי שׁטים וצפית אתם זהב ונשׂא בם את השׁלחן׃29 ועשׂית קערתיו וכפתיו וקשׂותיו ומנקיתיו אשׁר יסך בהן זהב טהור תעשׂה אתם׃30 ונתת על השׁלחן לחם פנים לפני תמיד׃
Exodus 31:7-11
Exodus 35:11-19
11 את המשׁכן את אהלו ואת מכסהו את קרסיו ואת קרשׁיו את בריחו את עמדיו ואת אדניו׃12 את הארן ואת בדיו את הכפרת ואת פרכת המסך׃13 את השׁלחן ואת בדיו ואת כל כליו ואת לחם הפנים׃14 ואת מנרת המאור ואת כליה ואת נרתיה ואת שׁמן המאור׃15 ואת מזבח הקטרת ואת בדיו ואת שׁמן המשׁחה ואת קטרת הסמים ואת מסך הפתח לפתח המשׁכן׃16 את מזבח העלה ואת מכבר הנחשׁת אשׁר לו את בדיו ואת כל כליו את הכיר ואת כנו׃17 את קלעי החצר את עמדיו ואת אדניה ואת מסך שׁער החצר׃18 את יתדת המשׁכן ואת יתדת החצר ואת מיתריהם׃19 את בגדי השׂרד לשׁרת בקדשׁ את בגדי הקדשׁ לאהרן הכהן ואת בגדי בניו לכהן׃
Exodus 36:1-38
1 ועשׂה בצלאל ואהליאב וכל אישׁ חכם לב אשׁר נתן יהוה חכמה ותבונה בהמה לדעת לעשׂת את כל מלאכת עבדת הקדשׁ לכל אשׁר צוה יהוה׃2 ויקרא משׁה אל בצלאל ואל אהליאב ואל כל אישׁ חכם לב אשׁר נתן יהוה חכמה בלבו כל אשׁר נשׂאו לבו לקרבה אל המלאכה לעשׂת אתה׃3 ויקחו מלפני משׁה את כל התרומה אשׁר הביאו בני ישׂראל למלאכת עבדת הקדשׁ לעשׂת אתה והם הביאו אליו עוד נדבה בבקר בבקר׃4 ויבאו כל החכמים העשׂים את כל מלאכת הקדשׁ אישׁ אישׁ ממלאכתו אשׁר המה עשׂים׃5 ויאמרו אל משׁה לאמר מרבים העם להביא מדי העבדה למלאכה אשׁר צוה יהוה לעשׂת אתה׃6 ויצו משׁה ויעבירו קול במחנה לאמר אישׁ ואשׁה אל יעשׂו עוד מלאכה לתרומת הקדשׁ ויכלא העם מהביא׃7 והמלאכה היתה דים לכל המלאכה לעשׂות אתה והותר׃8 ויעשׂו כל חכם לב בעשׂי המלאכה את המשׁכן עשׂר יריעת שׁשׁ משׁזר ותכלת וארגמן ותולעת שׁני כרבים מעשׂה חשׁב עשׂה אתם׃9 ארך היריעה האחת שׁמנה ועשׂרים באמה ורחב ארבע באמה היריעה האחת מדה אחת לכל היריעת׃10 ויחבר את חמשׁ היריעת אחת אל אחת וחמשׁ יריעת חבר אחת אל אחת׃11 ויעשׂ ללאת תכלת על שׂפת היריעה האחת מקצה במחברת כן עשׂה בשׂפת היריעה הקיצונה במחברת השׁנית׃12 חמשׁים ללאת עשׂה ביריעה האחת וחמשׁים ללאת עשׂה בקצה היריעה אשׁר במחברת השׁנית מקבילת הללאת אחת אל אחת׃13 ויעשׂ חמשׁים קרסי זהב ויחבר את היריעת אחת אל אחת בקרסים ויהי המשׁכן אחד׃14 ויעשׂ יריעת עזים לאהל על המשׁכן עשׁתי עשׂרה יריעת עשׂה אתם׃15 ארך היריעה האחת שׁלשׁים באמה וארבע אמות רחב היריעה האחת מדה אחת לעשׁתי עשׂרה יריעת׃16 ויחבר את חמשׁ היריעת לבד ואת שׁשׁ היריעת לבד׃17 ויעשׂ ללאת חמשׁים על שׂפת היריעה הקיצנה במחברת וחמשׁים ללאת עשׂה על שׂפת היריעה החברת השׁנית׃18 ויעשׂ קרסי נחשׁת חמשׁים לחבר את האהל להית אחד׃19 ויעשׂ מכסה לאהל ערת אילם מאדמים ומכסה ערת תחשׁים מלמעלה׃20 ויעשׂ את הקרשׁים למשׁכן עצי שׁטים עמדים׃21 עשׂר אמת ארך הקרשׁ ואמה וחצי האמה רחב הקרשׁ האחד׃22 שׁתי ידת לקרשׁ האחד משׁלבת אחת אל אחת כן עשׂה לכל קרשׁי המשׁכן׃23 ויעשׂ את הקרשׁים למשׁכן עשׂרים קרשׁים לפאת נגב תימנה׃24 וארבעים אדני כסף עשׂה תחת עשׂרים הקרשׁים שׁני אדנים תחת הקרשׁ האחד לשׁתי ידתיו ושׁני אדנים תחת הקרשׁ האחד לשׁתי ידתיו׃25 ולצלע המשׁכן השׁנית לפאת צפון עשׂה עשׂרים קרשׁים׃26 וארבעים אדניהם כסף שׁני אדנים תחת הקרשׁ האחד ושׁני אדנים תחת הקרשׁ האחד׃27 ולירכתי המשׁכן ימה עשׂה שׁשׁה קרשׁים׃28 ושׁני קרשׁים עשׂה למקצעת המשׁכן בירכתים׃29 והיו תואמם מלמטה ויחדו יהיו תמים אל ראשׁו אל הטבעת האחת כן עשׂה לשׁניהם לשׁני המקצעת׃30 והיו שׁמנה קרשׁים ואדניהם כסף שׁשׁה עשׂר אדנים שׁני אדנים שׁני אדנים תחת הקרשׁ האחד׃31 ויעשׂ בריחי עצי שׁטים חמשׁה לקרשׁי צלע המשׁכן האחת׃32 וחמשׁה בריחם לקרשׁי צלע המשׁכן השׁנית וחמשׁה בריחם לקרשׁי המשׁכן לירכתים ימה׃33 ויעשׂ את הבריח התיכן לברח בתוך הקרשׁים מן הקצה אל הקצה׃34 ואת הקרשׁים צפה זהב ואת טבעתם עשׂה זהב בתים לבריחם ויצף את הבריחם זהב׃35 ויעשׂ את הפרכת תכלת וארגמן ותולעת שׁני ושׁשׁ משׁזר מעשׂה חשׁב עשׂה אתה כרבים׃36 ויעשׂ לה ארבעה עמודי שׁטים ויצפם זהב וויהם זהב ויצק להם ארבעה אדני כסף׃37 ויעשׂ מסך לפתח האהל תכלת וארגמן ותולעת שׁני ושׁשׁ משׁזר מעשׂה רקם׃38 ואת עמודיו חמשׁה ואת וויהם וצפה ראשׁיהם וחשׁקיהם זהב ואדניהם חמשׁה נחשׁת׃
Exodus 25:17
17 ועשׂית כפרת זהב טהור אמתים וחצי ארכה ואמה וחצי רחבה׃
Exodus 25:30
30 ונתת על השׁלחן לחם פנים לפני תמיד׃
1 Kings 7:48
48 ויעשׂ שׁלמה את כל הכלים אשׁר בית יהוה את מזבח הזהב ואת השׁלחן אשׁר עליו לחם הפנים זהב׃
Exodus 25:31
31 ועשׂית מנרת זהב טהור מקשׁה תיעשׂה המנורה ירכה וקנה גביעיה כפתריה ופרחיה ממנה יהיו׃
Exodus 27:21
21 באהל מועד מחוץ לפרכת אשׁר על העדת יערך אתו אהרן ובניו מערב עד בקר לפני יהוה חקת עולם לדרתם מאת בני ישׂראל׃
Exodus 25:6
6 שׁמן למאר בשׂמים לשׁמן המשׁחה ולקטרת הסמים׃
Exodus 30:3
3 וצפית אתו זהב טהור את גגו ואת קירתיו סביב ואת קרנתיו ועשׂית לו זר זהב סביב׃
Exodus 30:7
7 והקטיר עליו אהרן קטרת סמים בבקר בבקר בהיטיבו את הנרת יקטירנה׃
Exodus 31:11
11 ואת שׁמן המשׁחה ואת קטרת הסמים לקדשׁ ככל אשׁר צויתך יעשׂו׃
Exodus 35:8
8 ושׁמן למאור ובשׂמים לשׁמן המשׁחה ולקטרת הסמים׃
Exodus 37:29
29 ויעשׂ את שׁמן המשׁחה קדשׁ ואת קטרת הסמים טהור מעשׂה רקח׃
2 Chronicles 2:4
4 (2:3) הנה אני בונה בית לשׁם יהוה אלהי להקדישׁ לו להקטיר לפניו קטרת סמים ומערכת תמיד ועלות לבקר ולערב לשׁבתות ולחדשׁים ולמועדי יהוה אלהינו לעולם זאת על ישׂראל׃
Exodus 38:30
30 ויעשׂ בה את אדני פתח אהל מועד ואת מזבח הנחשׁת ואת מכבר הנחשׁת אשׁר לו ואת כל כלי המזבח׃
1 Kings 8:64
64 ביום ההוא קדשׁ המלך את תוך החצר אשׁר לפני בית יהוה כי עשׂה שׁם את העלה ואת המנחה ואת חלבי השׁלמים כי מזבח הנחשׁת אשׁר לפני יהוה קטן מהכיל את העלה ואת המנחה ואת חלבי השׁלמים׃
Exodus 27:9-16
9 ועשׂית את חצר המשׁכן לפאת נגב תימנה קלעים לחצר שׁשׁ משׁזר מאה באמה ארך לפאה האחת׃10 ועמדיו עשׂרים ואדניהם עשׂרים נחשׁת ווי העמדים וחשׁקיהם כסף׃11 וכן לפאת צפון בארך קלעים מאה ארך ועמדו עשׂרים ואדניהם עשׂרים נחשׁת ווי העמדים וחשׁקיהם כסף׃12 ורחב החצר לפאת ים קלעים חמשׁים אמה עמדיהם עשׂרה ואדניהם עשׂרה׃13 ורחב החצר לפאת קדמה מזרחה חמשׁים אמה׃14 וחמשׁ עשׂרה אמה קלעים לכתף עמדיהם שׁלשׁה ואדניהם שׁלשׁה׃15 ולכתף השׁנית חמשׁ עשׂרה קלעים עמדיהם שׁלשׁה ואדניהם שׁלשׁה׃16 ולשׁער החצר מסך עשׂרים אמה תכלת וארגמן ותולעת שׁני ושׁשׁ משׁזר מעשׂה רקם עמדיהם ארבעה ואדניהם ארבעה׃
Exodus 28:2
2 ועשׂית בגדי קדשׁ לאהרן אחיך לכבוד ולתפארת׃
Exodus 39:1
1 ומן התכלת והארגמן ותולעת השׁני עשׂו בגדי שׂרד לשׁרת בקדשׁ ויעשׂו את בגדי הקדשׁ אשׁר לאהרן כאשׁר צוה יהוה את משׁה׃
Exodus 23:21-22
Exodus 35:10
10 וכל חכם לב בכם יבאו ויעשׂו את כל אשׁר צוה יהוה׃
Exodus 39:32
32 ותכל כל עבדת משׁכן אהל מועד ויעשׂו בני ישׂראל ככל אשׁר צוה יהוה את משׁה כן עשׂו׃
Genesis 1:31
31 וירא אלהים את כל אשׁר עשׂה והנה טוב מאד ויהי ערב ויהי בקר יום השׁשׁי׃
Genesis 14:19
19 ויברכהו ויאמר ברוך אברם לאל עליון קנה שׁמים וארץ׃
Exodus 40:25
25 ויעל הנרת לפני יהוה כאשׁר צוה יהוה את משׁה׃
Leviticus 9:22-23
Numbers 6:23-27
Joshua 22:6
6 ויברכם יהושׁע וישׁלחם וילכו אל אהליהם׃
2 Samuel 6:18
18 ויכל דוד מהעלות העולה והשׁלמים ויברך את העם בשׁם יהוה צבאות׃
1 Kings 8:14
14 ויסב המלך את פניו ויברך את כל קהל ישׂראל וכל קהל ישׂראל עמד׃
1 Chronicles 16:2
2 ויכל דויד מהעלות העלה והשׁלמים ויברך את העם בשׁם יהוה׃
2 Chronicles 6:3
3 ויסב המלך את פניו ויברך את כל קהל ישׂראל וכל קהל ישׂראל עומד׃
2 Chronicles 30:27
27 ויקמו הכהנים הלוים ויברכו את העם וישׁמע בקולם ותבוא תפלתם למעון קדשׁו לשׁמים׃
Nehemiah 11:2
2 ויברכו העם לכל האנשׁים המתנדבים לשׁבת בירושׁלם׃
Psalms 19:11
11 (19:12) גם עבדך נזהר בהם בשׁמרם עקב רב׃
Psalms 104:31
31 יהי כבוד יהוה לעולם ישׂמח יהוה במעשׂיו׃