1 בני לחכמתי הקשׁיבה לתבונתי הט אזנך׃2 לשׁמר מזמות ודעת שׂפתיך ינצרו׃3 כי נפת תטפנה שׂפתי זרה וחלק משׁמן חכה׃4 ואחריתה מרה כלענה חדה כחרב פיות׃5 רגליה ירדות מות שׁאול צעדיה יתמכו׃6 ארח חיים פן תפלס נעו מעגלתיה לא תדע׃7 ועתה בנים שׁמעו לי ואל תסורו מאמרי פי׃8 הרחק מעליה דרכך ואל תקרב אל פתח ביתה׃9 פן תתן לאחרים הודך ושׁנתיך לאכזרי׃10 פן ישׂבעו זרים כחך ועצביך בבית נכרי׃11 ונהמת באחריתך בכלות בשׂרך ושׁארך׃12 ואמרת איך שׂנאתי מוסר ותוכחת נאץ לבי׃13 ולא שׁמעתי בקול מורי ולמלמדי לא הטיתי אזני׃14 כמעט הייתי בכל רע בתוך קהל ועדה׃15 שׁתה מים מבורך ונזלים מתוך בארך׃16 יפוצו מעינתיך חוצה ברחבות פלגי מים׃17 יהיו לך לבדך ואין לזרים אתך׃18 יהי מקורך ברוך ושׂמח מאשׁת נעורך׃19 אילת אהבים ויעלת חן דדיה ירוך בכל עת באהבתה תשׁגה תמיד׃20 ולמה תשׁגה בני בזרה ותחבק חק נכריה׃21 כי נכח עיני יהוה דרכי אישׁ וכל מעגלתיו מפלס׃22 עוונותיו ילכדנו את הרשׁע ובחבלי חטאתו יתמך׃23 הוא ימות באין מוסר וברב אולתו ישׁגה׃
Proverbs 5 Cross References - HOT
Proverbs 2:1
1 בני אם תקח אמרי ומצותי תצפן אתך׃
Proverbs 4:1
1 שׁמעו בנים מוסר אב והקשׁיבו לדעת בינה׃
Proverbs 4:20
20 בני לדברי הקשׁיבה לאמרי הט אזנך׃
Proverbs 22:17
17 הט אזנך ושׁמע דברי חכמים ולבך תשׁית לדעתי׃
Psalms 45:2
2 (45:3) יפיפית מבני אדם הוצק חן בשׂפתותיך על כן ברכך אלהים לעולם׃
Psalms 71:15
15 פי יספר צדקתך כל היום תשׁועתך כי לא ידעתי ספרות׃
Psalms 119:13
13 בשׂפתי ספרתי כל משׁפטי פיך׃
Proverbs 10:21
21 שׂפתי צדיק ירעו רבים ואוילים בחסר לב ימותו׃
Proverbs 15:2
2 לשׁון חכמים תיטיב דעת ופי כסילים יביע אולת׃
Proverbs 15:7
7 שׂפתי חכמים יזרו דעת ולב כסילים לא כן׃
Proverbs 16:23
23 לב חכם ישׂכיל פיהו ועל שׂפתיו יסיף לקח׃
Proverbs 20:15
15 ישׁ זהב ורב פנינים וכלי יקר שׂפתי דעת׃
Song of Songs 4:11
11 נפת תטפנה שׂפתותיך כלה דבשׁ וחלב תחת לשׁונך וריח שׂלמתיך כריח לבנון׃
Malachi 2:6-7
Psalms 55:21
21 (55:22) חלקו מחמאת פיו וקרב לבו רכו דבריו משׁמן והמה פתחות׃
Proverbs 2:16
16 להצילך מאשׁה זרה מנכריה אמריה החליקה׃
Proverbs 6:24
24 לשׁמרך מאשׁת רע מחלקת לשׁון נכריה׃
Proverbs 7:5
5 לשׁמרך מאשׁה זרה מנכריה אמריה החליקה׃
Proverbs 7:21
21 הטתו ברב לקחה בחלק שׂפתיה תדיחנו׃
Judges 16:4-6
Judges 16:15-21
15 ותאמר אליו איך תאמר אהבתיך ולבך אין אתי זה שׁלשׁ פעמים התלת בי ולא הגדת לי במה כחך גדול׃16 ויהי כי הציקה לו בדבריה כל הימים ותאלצהו ותקצר נפשׁו למות׃17 ויגד לה את כל לבו ויאמר לה מורה לא עלה על ראשׁי כי נזיר אלהים אני מבטן אמי אם גלחתי וסר ממני כחי וחליתי והייתי ככל האדם׃18 ותרא דלילה כי הגיד לה את כל לבו ותשׁלח ותקרא לסרני פלשׁתים לאמר עלו הפעם כי הגיד לה את כל לבו ועלו אליה סרני פלשׁתים ויעלו הכסף בידם׃19 ותישׁנהו על ברכיה ותקרא לאישׁ ותגלח את שׁבע מחלפות ראשׁו ותחל לענותו ויסר כחו מעליו׃20 ותאמר פלשׁתים עליך שׁמשׁון ויקץ משׁנתו ויאמר אצא כפעם בפעם ואנער והוא לא ידע כי יהוה סר מעליו׃21 ויאחזוהו פלשׁתים וינקרו את עיניו ויורידו אותו עזתה ויאסרוהו בנחשׁתים ויהי טוחן בבית האסירים׃
Psalms 57:4
4 (57:5) נפשׁי בתוך לבאם אשׁכבה להטים בני אדם שׁניהם חנית וחצים ולשׁונם חרב חדה׃
Proverbs 6:24-35
24 לשׁמרך מאשׁת רע מחלקת לשׁון נכריה׃25 אל תחמד יפיה בלבבך ואל תקחך בעפעפיה׃26 כי בעד אשׁה זונה עד ככר לחם ואשׁת אישׁ נפשׁ יקרה תצוד׃27 היחתה אישׁ אשׁ בחיקו ובגדיו לא תשׂרפנה׃28 אם יהלך אישׁ על הגחלים ורגליו לא תכוינה׃29 כן הבא אל אשׁת רעהו לא ינקה כל הנגע׃30 לא יבוזו לגנב כי יגנוב למלא נפשׁו כי ירעב׃31 ונמצא ישׁלם שׁבעתים את כל הון ביתו יתן׃32 נאף אשׁה חסר לב משׁחית נפשׁו הוא יעשׂנה׃33 נגע וקלון ימצא וחרפתו לא תמחה׃34 כי קנאה חמת גבר ולא יחמול ביום נקם׃35 לא ישׂא פני כל כפר ולא יאבה כי תרבה שׁחד׃
Proverbs 7:22-23
Proverbs 9:18
18 ולא ידע כי רפאים שׁם בעמקי שׁאול קראיה׃
Proverbs 23:27-28
Ecclesiastes 7:26
26 ומוצא אני מר ממות את האשׁה אשׁר היא מצודים וחרמים לבה אסורים ידיה טוב לפני האלהים ימלט ממנה וחוטא ילכד׃
Proverbs 2:18-19
Proverbs 7:27
27 דרכי שׁאול ביתה ירדות אל חדרי מות׃
Psalms 16:11
11 תודיעני ארח חיים שׂבע שׂמחות את פניך נעמות בימינך נצח׃
Psalms 119:59
59 חשׁבתי דרכי ואשׁיבה רגלי אל עדתיך׃
Proverbs 4:26
26 פלס מעגל רגלך וכל דרכיך יכנו׃
Proverbs 5:21
21 כי נכח עיני יהוה דרכי אישׁ וכל מעגלתיו מפלס׃
Proverbs 6:12-13
Proverbs 7:10-21
10 והנה אשׁה לקראתו שׁית זונה ונצרת לב׃11 המיה היא וסררת בביתה לא ישׁכנו רגליה׃12 פעם בחוץ פעם ברחבות ואצל כל פנה תארב׃13 והחזיקה בו ונשׁקה לו העזה פניה ותאמר׃14 זבחי שׁלמים עלי היום שׁלמתי נדרי׃15 על כן יצאתי לקראתך לשׁחר פניך ואמצאך׃16 מרבדים רבדתי ערשׂי חטבות אטון מצרים׃17 נפתי משׁכבי מר אהלים וקנמון׃18 לכה נרוה דדים עד הבקר נתעלסה באהבים׃19 כי אין האישׁ בביתו הלך בדרך מרחוק׃20 צרור הכסף לקח בידו ליום הכסא יבא ביתו׃21 הטתו ברב לקחה בחלק שׂפתיה תדיחנו׃
Proverbs 11:19
19 כן צדקה לחיים ומרדף רעה למותו׃
Proverbs 30:20
20 כן דרך אשׁה מנאפת אכלה ומחתה פיה ואמרה לא פעלתי און׃
Proverbs 3:21
21 בני אל ילזו מעיניך נצר תשׁיה ומזמה׃
Proverbs 4:21
21 אל יליזו מעיניך שׁמרם בתוך לבבך׃
Proverbs 7:24
24 ועתה בנים שׁמעו לי והקשׁיבו לאמרי פי׃
Proverbs 8:32-36
Proverbs 22:17-21
Proverbs 4:15
15 פרעהו אל תעבר בו שׂטה מעליו ועבור׃
Proverbs 6:27-28
Proverbs 7:25
25 אל ישׂט אל דרכיה לבך אל תתע בנתיבותיה׃
Genesis 38:23-26
23 ויאמר יהודה תקח לה פן נהיה לבוז הנה שׁלחתי הגדי הזה ואתה לא מצאתה׃24 ויהי כמשׁלשׁ חדשׁים ויגד ליהודה לאמר זנתה תמר כלתך וגם הנה הרה לזנונים ויאמר יהודה הוציאוה ותשׂרף׃25 הוא מוצאת והיא שׁלחה אל חמיה לאמר לאישׁ אשׁר אלה לו אנכי הרה ותאמר הכר נא למי החתמת והפתילים והמטה האלה׃26 ויכר יהודה ויאמר צדקה ממני כי על כן לא נתתיה לשׁלה בני ולא יסף עוד לדעתה׃
Nehemiah 13:26
26 הלוא על אלה חטא שׁלמה מלך ישׂראל ובגוים הרבים לא היה מלך כמהו ואהוב לאלהיו היה ויתנהו אלהים מלך על כל ישׂראל גם אותו החטיאו הנשׁים הנכריות׃
Hosea 4:13-14
Proverbs 6:35
35 לא ישׂא פני כל כפר ולא יאבה כי תרבה שׁחד׃
Proverbs 31:3
3 אל תתן לנשׁים חילך ודרכיך למחות מלכין׃
Hosea 7:9
9 אכלו זרים כחו והוא לא ידע גם שׂיבה זרקה בו והוא לא ידע׃
Numbers 5:27
27 והשׁקה את המים והיתה אם נטמאה ותמעל מעל באישׁה ובאו בה המים המאררים למרים וצבתה בטנה ונפלה ירכה והיתה האשׁה לאלה בקרב עמה׃
Deuteronomy 32:29
29 לו חכמו ישׂכילו זאת יבינו לאחריתם׃
Proverbs 7:23
23 עד יפלח חץ כבדו כמהר צפור אל פח ולא ידע כי בנפשׁו הוא׃
Jeremiah 5:31
31 הנביאים נבאו בשׁקר והכהנים ירדו על ידיהם ועמי אהבו כן ומה תעשׂו לאחריתה׃
Genesis 19:9
9 ויאמרו גשׁ הלאה ויאמרו האחד בא לגור וישׁפט שׁפוט עתה נרע לך מהם ויפצרו באישׁ בלוט מאד ויגשׁו לשׁבר הדלת׃
Exodus 2:13-14
2 Chronicles 24:20-22
2 Chronicles 25:16
16 ויהי בדברו אליו ויאמר לו הליועץ למלך נתנוך חדל לך למה יכוך ויחדל הנביא ויאמר ידעתי כי יעץ אלהים להשׁחיתך כי עשׂית זאת ולא שׁמעת לעצתי׃
2 Chronicles 33:10-11
2 Chronicles 36:16
16 ויהיו מלעבים במלאכי האלהים ובוזים דבריו ומתעתעים בנבאיו עד עלות חמת יהוה בעמו עד לאין מרפא׃
Psalms 50:17
17 ואתה שׂנאת מוסר ותשׁלך דברי אחריך׃
Psalms 73:22
22 ואני בער ולא אדע בהמות הייתי עמך׃
Proverbs 1:7
7 יראת יהוה ראשׁית דעת חכמה ומוסר אוילים בזו׃
Proverbs 1:22
22 עד מתי פתים תאהבו פתי ולצים לצון חמדו להם וכסילים ישׂנאו דעת׃
Proverbs 1:25
25 ותפרעו כל עצתי ותוכחתי לא אביתם׃
Proverbs 1:29-30
Proverbs 6:23
23 כי נר מצוה ותורה אור ודרך חיים תוכחות מוסר׃
Proverbs 12:1
1 אהב מוסר אהב דעת ושׂנא תוכחת בער׃
Proverbs 13:18
18 רישׁ וקלון פורע מוסר ושׁומר תוכחת יכבד׃
Proverbs 15:5
5 אויל ינאץ מוסר אביו ושׁמר תוכחת יערם׃
Jeremiah 44:4
4 ואשׁלח אליכם את כל עבדי הנביאים השׁכים ושׁלח לאמר אל נא תעשׂו את דבר התעבה הזאת אשׁר שׂנאתי׃
Zechariah 1:4-6
4 אל תהיו כאבתיכם אשׁר קראו אליהם הנביאים הראשׁנים לאמר כה אמר יהוה צבאות שׁובו נא מדרכיכם הרעים ומעליליכם הרעים ולא שׁמעו ולא הקשׁיבו אלי נאם יהוה׃5 אבותיכם איה הם והנבאים הלעולם יחיו׃6 אך דברי וחקי אשׁר צויתי את עבדי הנביאים הלוא השׂיגו אבתיכם וישׁובו ויאמרו כאשׁר זמם יהוה צבאות לעשׂות לנו כדרכינו וכמעללינו כן עשׂה אתנו׃
Zechariah 7:11-14
11 וימאנו להקשׁיב ויתנו כתף סררת ואזניהם הכבידו משׁמוע׃12 ולבם שׂמו שׁמיר משׁמוע את התורה ואת הדברים אשׁר שׁלח יהוה צבאות ברוחו ביד הנביאים הראשׁנים ויהי קצף גדול מאת יהוה צבאות׃13 ויהי כאשׁר קרא ולא שׁמעו כן יקראו ולא אשׁמע אמר יהוה צבאות׃14 ואסערם על כל הגוים אשׁר לא ידעום והארץ נשׁמה אחריהם מעבר ומשׁב וישׂימו ארץ חמדה לשׁמה׃
Numbers 25:1-6
1 וישׁב ישׂראל בשׁטים ויחל העם לזנות אל בנות מואב׃2 ותקראן לעם לזבחי אלהיהן ויאכל העם וישׁתחוו לאלהיהן׃3 ויצמד ישׂראל לבעל פעור ויחר אף יהוה בישׂראל׃4 ויאמר יהוה אל משׁה קח את כל ראשׁי העם והוקע אותם ליהוה נגד השׁמשׁ וישׁב חרון אף יהוה מישׂראל׃5 ויאמר משׁה אל שׁפטי ישׂראל הרגו אישׁ אנשׁיו הנצמדים לבעל פעור׃6 והנה אישׁ מבני ישׂראל בא ויקרב אל אחיו את המדינית לעיני משׁה ולעיני כל עדת בני ישׂראל והמה בכים פתח אהל מועד׃
Proverbs 13:20
20 הלוך את חכמים וחכם ורעה כסילים ירוע׃
Hosea 4:11-14
Proverbs 5:18-19
Genesis 24:60
60 ויברכו את רבקה ויאמרו לה אחתנו את היי לאלפי רבבה ויירשׁ זרעך את שׁער שׂנאיו׃
Deuteronomy 33:28
28 וישׁכן ישׂראל בטח בדד עין יעקב אל ארץ דגן ותירושׁ אף שׁמיו יערפו טל׃
Judges 12:9
9 ויהי לו שׁלשׁים בנים ושׁלשׁים בנות שׁלח החוצה ושׁלשׁים בנות הביא לבניו מן החוץ וישׁפט את ישׂראל שׁבע שׁנים׃
Psalms 68:26
26 (68:27) במקהלות ברכו אלהים יהוה ממקור ישׂראל׃
Psalms 127:3
3 הנה נחלת יהוה בנים שׂכר פרי הבטן׃
Psalms 128:3
3 אשׁתך כגפן פריה בירכתי ביתך בניך כשׁתלי זיתים סביב לשׁלחנך׃
Isaiah 48:21
21 ולא צמאו בחרבות הוליכם מים מצור הזיל למו ויבקע צור ויזבו מים׃
Ecclesiastes 9:9
9 ראה חיים עם אשׁה אשׁר אהבת כל ימי חיי הבלך אשׁר נתן לך תחת השׁמשׁ כל ימי הבלך כי הוא חלקך בחיים ובעמלך אשׁר אתה עמל תחת השׁמשׁ׃
Song of Songs 4:12
12 גן נעול אחתי כלה גל נעול מעין חתום׃
Song of Songs 4:15
15 מעין גנים באר מים חיים ונזלים מן לבנון׃
Malachi 2:14-15
2 Samuel 12:4
4 ויבא הלך לאישׁ העשׁיר ויחמל לקחת מצאנו ומבקרו לעשׂות לארח הבא לו ויקח את כבשׂת האישׁ הראשׁ ויעשׂה לאישׁ הבא אליו׃
Proverbs 5:15
15 שׁתה מים מבורך ונזלים מתוך בארך׃
Song of Songs 2:9
9 דומה דודי לצבי או לעפר האילים הנה זה עומד אחר כתלנו משׁגיח מן החלנות מציץ מן החרכים׃
Song of Songs 2:17
17 עד שׁיפוח היום ונסו הצללים סב דמה לך דודי לצבי או לעפר האילים על הרי בתר׃
Song of Songs 4:5
5 שׁני שׁדיך כשׁני עפרים תאומי צביה הרועים בשׁושׁנים׃
Song of Songs 7:3
3 (7:4) שׁני שׁדיך כשׁני עפרים תאמי צביה׃
Song of Songs 8:14
14 ברח דודי ודמה לך לצבי או לעפר האילים על הרי בשׂמים׃
1 Kings 11:1
1 והמלך שׁלמה אהב נשׁים נכריות רבות ואת בת פרעה מואביות עמניות אדמית צדנית חתית׃
Proverbs 2:16-19
Proverbs 22:14
14 שׁוחה עמקה פי זרות זעום יהוה יפול שׁם׃
Proverbs 23:33
33 עיניך יראו זרות ולבך ידבר תהפכות׃
2 Chronicles 16:9
9 כי יהוה עיניו משׁטטות בכל הארץ להתחזק עם לבבם שׁלם אליו נסכלת על זאת כי מעתה ישׁ עמך מלחמות׃
Job 14:16
16 כי עתה צעדי תספור לא תשׁמור על חטאתי׃
Job 31:4
4 הלא הוא יראה דרכי וכל צעדי יספור׃
Job 34:21
21 כי עיניו על דרכי אישׁ וכל צעדיו יראה׃
Psalms 11:4
4 יהוה בהיכל קדשׁו יהוה בשׁמים כסאו עיניו יחזו עפעפיו יבחנו בני אדם׃
Psalms 17:3
3 בחנת לבי פקדת לילה צרפתני בל תמצא זמתי בל יעבר פי׃
Psalms 119:168
168 שׁמרתי פקודיך ועדתיך כי כל דרכי נגדך׃
Psalms 139:1-12
1 למנצח לדוד מזמור יהוה חקרתני ותדע׃2 אתה ידעת שׁבתי וקומי בנתה לרעי מרחוק׃3 ארחי ורבעי זרית וכל דרכי הסכנתה׃4 כי אין מלה בלשׁוני הן יהוה ידעת כלה׃5 אחור וקדם צרתני ותשׁת עלי כפכה׃6 פלאיה דעת ממני נשׂגבה לא אוכל׃7 אנה אלך מרוחך ואנה מפניך אברח׃8 אם אסק שׁמים שׁם אתה ואציעה שׁאול הנך׃9 אשׂא כנפי שׁחר אשׁכנה באחרית ים׃10 גם שׁם ידך תנחני ותאחזני ימינך׃11 ואמר אך חשׁך ישׁופני ולילה אור בעדני׃12 גם חשׁך לא יחשׁיך ממך ולילה כיום יאיר כחשׁיכה כאורה׃
Proverbs 15:3
3 בכל מקום עיני יהוה צפות רעים וטובים׃
Jeremiah 16:17
17 כי עיני על כל דרכיהם לא נסתרו מלפני ולא נצפן עונם מנגד עיני׃
Jeremiah 17:10
10 אני יהוה חקר לב בחן כליות ולתת לאישׁ כדרכו כפרי מעלליו׃
Jeremiah 23:24
24 אם יסתר אישׁ במסתרים ואני לא אראנו נאם יהוה הלוא את השׁמים ואת הארץ אני מלא נאם יהוה׃
Jeremiah 32:19
19 גדל העצה ורב העליליה אשׁר עיניך פקחות על כל דרכי בני אדם לתת לאישׁ כדרכיו וכפרי מעלליו׃
Hosea 7:2
2 ובל יאמרו ללבבם כל רעתם זכרתי עתה סבבום מעלליהם נגד פני היו׃
Numbers 32:23
23 ואם לא תעשׂון כן הנה חטאתם ליהוה ודעו חטאתכם אשׁר תמצא אתכם׃
Psalms 7:15-16
Psalms 9:15
15 (9:16) טבעו גוים בשׁחת עשׂו ברשׁת זו טמנו נלכדה רגלם׃
Proverbs 1:18
18 והם לדמם יארבו יצפנו לנפשׁתם׃
Proverbs 1:31-32
Proverbs 11:3
3 תמת ישׁרים תנחם וסלף בוגדים ושׁדם׃
Proverbs 11:5
5 צדקת תמים תישׁר דרכו וברשׁעתו יפל רשׁע׃
Jeremiah 2:19
19 תיסרך רעתך ומשׁבותיך תוכחך ודעי וראי כי רע ומר עזבך את יהוה אלהיך ולא פחדתי אליך נאם אדני יהוה צבאות׃
Job 4:21
21 הלא נסע יתרם בם ימותו ולא בחכמה׃
Job 36:12
12 ואם לא ישׁמעו בשׁלח יעברו ויגועו בבלי דעת׃
Psalms 81:12
12 (81:13) ואשׁלחהו בשׁרירות לבם ילכו במועצותיהם׃
Proverbs 14:14
14 מדרכיו ישׂבע סוג לב ומעליו אישׁ טוב׃
Proverbs 14:32
32 ברעתו ידחה רשׁע וחסה במותו צדיק׃