1 בני אם ערבת לרעך תקעת לזר כפיך׃2 נוקשׁת באמרי פיך נלכדת באמרי פיך׃3 עשׂה זאת אפוא בני והנצל כי באת בכף רעך לך התרפס ורהב רעיך׃4 אל תתן שׁנה לעיניך ותנומה לעפעפיך׃5 הנצל כצבי מיד וכצפור מיד יקושׁ׃6 לך אל נמלה עצל ראה דרכיה וחכם׃7 אשׁר אין לה קצין שׁטר ומשׁל׃8 תכין בקיץ לחמה אגרה בקציר מאכלה׃9 עד מתי עצל תשׁכב מתי תקום משׁנתך׃10 מעט שׁנות מעט תנומות מעט חבק ידים לשׁכב׃11 ובא כמהלך ראשׁך ומחסרך כאישׁ מגן׃12 אדם בליעל אישׁ און הולך עקשׁות פה׃13 קרץ בעינו מלל ברגלו מרה באצבעתיו׃14 תהפכות בלבו חרשׁ רע בכל עת מדנים ישׁלח׃15 על כן פתאם יבוא אידו פתע ישׁבר ואין מרפא׃16 שׁשׁ הנה שׂנא יהוה ושׁבע תועבות נפשׁו׃17 עינים רמות לשׁון שׁקר וידים שׁפכות דם נקי׃18 לב חרשׁ מחשׁבות און רגלים ממהרות לרוץ לרעה׃19 יפיח כזבים עד שׁקר ומשׁלח מדנים בין אחים׃20 נצר בני מצות אביך ואל תטשׁ תורת אמך׃21 קשׁרם על לבך תמיד ענדם על גרגרתך׃22 בהתהלכך תנחה אתך בשׁכבך תשׁמר עליך והקיצות היא תשׂיחך׃23 כי נר מצוה ותורה אור ודרך חיים תוכחות מוסר׃24 לשׁמרך מאשׁת רע מחלקת לשׁון נכריה׃25 אל תחמד יפיה בלבבך ואל תקחך בעפעפיה׃26 כי בעד אשׁה זונה עד ככר לחם ואשׁת אישׁ נפשׁ יקרה תצוד׃27 היחתה אישׁ אשׁ בחיקו ובגדיו לא תשׂרפנה׃28 אם יהלך אישׁ על הגחלים ורגליו לא תכוינה׃29 כן הבא אל אשׁת רעהו לא ינקה כל הנגע׃30 לא יבוזו לגנב כי יגנוב למלא נפשׁו כי ירעב׃31 ונמצא ישׁלם שׁבעתים את כל הון ביתו יתן׃32 נאף אשׁה חסר לב משׁחית נפשׁו הוא יעשׂנה׃33 נגע וקלון ימצא וחרפתו לא תמחה׃34 כי קנאה חמת גבר ולא יחמול ביום נקם׃35 לא ישׂא פני כל כפר ולא יאבה כי תרבה שׁחד׃
Proverbs 6 Cross References - HOT
Genesis 43:9
9 אנכי אערבנו מידי תבקשׁנו אם לא הביאתיו אליך והצגתיו לפניך וחטאתי לך כל הימים׃
Genesis 44:32-33
Job 17:3
3 שׂימה נא ערבני עמך מי הוא לידי יתקע׃
Proverbs 11:15
15 רע ירוע כי ערב זר ושׂנא תקעים בוטח׃
Proverbs 17:18
18 אדם חסר לב תוקע כף ערב ערבה לפני רעהו׃
Proverbs 20:16
16 לקח בגדו כי ערב זר ובעד נכרים חבלהו׃
Proverbs 22:26
26 אל תהי בתקעי כף בערבים משׁאות׃
Proverbs 27:13
13 קח בגדו כי ערב זר ובעד נכריה חבלהו׃
Proverbs 12:13
13 בפשׁע שׂפתים מוקשׁ רע ויצא מצרה צדיק׃
Proverbs 18:7
7 פי כסיל מחתה לו ושׂפתיו מוקשׁ נפשׁו׃
Exodus 10:3
3 ויבא משׁה ואהרן אל פרעה ויאמרו אליו כה אמר יהוה אלהי העברים עד מתי מאנת לענת מפני שׁלח עמי ויעבדני׃
2 Samuel 24:14
14 ויאמר דוד אל גד צר לי מאד נפלה נא ביד יהוה כי רבים רחמו וביד אדם אל אפלה׃
2 Chronicles 12:5
5 ושׁמעיה הנביא בא אל רחבעם ושׂרי יהודה אשׁר נאספו אל ירושׁלם מפני שׁישׁק ויאמר להם כה אמר יהוה אתם עזבתם אתי ואף אני עזבתי אתכם ביד שׁישׁק׃
2 Chronicles 36:12
12 ויעשׂ הרע בעיני יהוה אלהיו לא נכנע מלפני ירמיהו הנביא מפי יהוה׃
Psalms 31:8
8 (31:9) ולא הסגרתני ביד אויב העמדת במרחב רגלי׃
Psalms 132:4
4 אם אתן שׁנת לעיני לעפעפי תנומה׃
Proverbs 6:10-11
Ecclesiastes 9:10
10 כל אשׁר תמצא ידך לעשׂות בכחך עשׂה כי אין מעשׂה וחשׁבון ודעת וחכמה בשׁאול אשׁר אתה הלך שׁמה׃
Psalms 11:1
1 למנצח לדוד ביהוה חסיתי איך תאמרו לנפשׁי נודו הרכם צפור׃
Psalms 91:3
3 כי הוא יצילך מפח יקושׁ מדבר הוות׃
Psalms 124:7
7 נפשׁנו כצפור נמלטה מפח יוקשׁים הפח נשׁבר ואנחנו נמלטנו׃
Proverbs 1:17
17 כי חנם מזרה הרשׁת בעיני כל בעל כנף׃
Job 12:7-8
Proverbs 6:9
9 עד מתי עצל תשׁכב מתי תקום משׁנתך׃
Proverbs 10:26
26 כחמץ לשׁנים וכעשׁן לעינים כן העצל לשׁלחיו׃
Proverbs 13:4
4 מתאוה ואין נפשׁו עצל ונפשׁ חרצים תדשׁן׃
Proverbs 15:19
19 דרך עצל כמשׂכת חדק וארח ישׁרים סללה׃
Proverbs 18:9
9 גם מתרפה במלאכתו אח הוא לבעל משׁחית׃
Proverbs 19:15
15 עצלה תפיל תרדמה ונפשׁ רמיה תרעב׃
Proverbs 19:24
24 טמן עצל ידו בצלחת גם אל פיהו לא ישׁיבנה׃
Proverbs 20:4
4 מחרף עצל לא יחרשׁ ישׁאל בקציר ואין׃
Proverbs 21:25
25 תאות עצל תמיתנו כי מאנו ידיו לעשׂות׃
Proverbs 22:13
13 אמר עצל ארי בחוץ בתוך רחבות ארצח׃
Proverbs 24:30-34
Proverbs 26:13-16
Proverbs 30:25
25 הנמלים עם לא עז ויכינו בקיץ לחמם׃
Isaiah 1:3
3 ידע שׁור קנהו וחמור אבוס בעליו ישׂראל לא ידע עמי לא התבונן׃
Job 38:39-39:12
39 התצוד ללביא טרף וחית כפירים תמלא׃
Job 39:26-30
Job 41:4-34
4 (40:28) היכרת ברית עמך תקחנו לעבד עולם׃5 (40:29) התשׂחק בו כצפור ותקשׁרנו לנערותיך׃6 (40:30) יכרו עליו חברים יחצוהו בין כנענים׃7 (40:31) התמלא בשׂכות עורו ובצלצל דגים ראשׁו׃8 (40:32) שׂים עליו כפך זכר מלחמה אל תוסף׃9 (41:1) הן תחלתו נכזבה הגם אל מראיו יטל׃10 (41:2) לא אכזר כי יעורנו ומי הוא לפני יתיצב׃11 (41:3) מי הקדימני ואשׁלם תחת כל השׁמים לי הוא׃12 (41:4) לא אחרישׁ בדיו ודבר גבורות וחין ערכו׃13 (41:5) מי גלה פני לבושׁו בכפל רסנו מי יבוא׃14 (41:6) דלתי פניו מי פתח סביבות שׁניו אימה׃15 (41:7) גאוה אפיקי מגנים סגור חותם צר׃16 (41:8) אחד באחד יגשׁו ורוח לא יבוא ביניהם׃17 (41:9) אישׁ באחיהו ידבקו יתלכדו ולא יתפרדו׃18 (41:10) עטישׁתיו תהל אור ועיניו כעפעפי שׁחר׃19 (41:11) מפיו לפידים יהלכו כידודי אשׁ יתמלטו׃20 (41:12) מנחיריו יצא עשׁן כדוד נפוח ואגמן׃21 (41:13) נפשׁו גחלים תלהט ולהב מפיו יצא׃22 (41:14) בצוארו ילין עז ולפניו תדוץ דאבה׃23 (41:15) מפלי בשׂרו דבקו יצוק עליו בל ימוט׃24 (41:16) לבו יצוק כמו אבן ויצוק כפלח תחתית׃25 (41:17) משׂתו יגורו אלים משׁברים יתחטאו׃26 (41:18) משׂיגהו חרב בלי תקום חנית מסע ושׁריה׃27 (41:19) יחשׁב לתבן ברזל לעץ רקבון נחושׁה׃28 (41:20) לא יבריחנו בן קשׁת לקשׁ נהפכו לו אבני קלע׃29 (41:21) כקשׁ נחשׁבו תותח וישׂחק לרעשׁ כידון׃30 (41:22) תחתיו חדודי חרשׂ ירפד חרוץ עלי טיט׃31 (41:23) ירתיח כסיר מצולה ים ישׂים כמרקחה׃32 (41:24) אחריו יאיר נתיב יחשׁב תהום לשׂיבה׃33 (41:25) אין על עפר משׁלו העשׂו לבלי חת׃34 (41:26) את כל גבה יראה הוא מלך על כל בני שׁחץ׃
Proverbs 30:27
27 מלך אין לארבה ויצא חצץ כלו׃
Proverbs 10:5
5 אגר בקיץ בן משׂכיל נרדם בקציר בן מבישׁ׃
Psalms 94:8
8 בינו בערים בעם וכסילים מתי תשׂכילו׃
Proverbs 1:22
22 עד מתי פתים תאהבו פתי ולצים לצון חמדו להם וכסילים ישׂנאו דעת׃
Jeremiah 4:14
14 כבסי מרעה לבך ירושׁלם למען תושׁעי עד מתי תלין בקרבך מחשׁבות אונך׃
Proverbs 6:6
6 לך אל נמלה עצל ראה דרכיה וחכם׃
Proverbs 23:33-34
Proverbs 10:4
4 ראשׁ עשׂה כף רמיה ויד חרוצים תעשׁיר׃
Proverbs 24:34
34 ובא מתהלך רישׁך ומחסריך כאישׁ מגן׃
1 Samuel 17:28
28 וישׁמע אליאב אחיו הגדול בדברו אל האנשׁים ויחר אף אליאב בדוד ויאמר למה זה ירדת ועל מי נטשׁת מעט הצאן ההנה במדבר אני ידעתי את זדנך ואת רע לבבך כי למען ראות המלחמה ירדת׃
Psalms 10:3
3 כי הלל רשׁע על תאות נפשׁו ובצע ברך נאץ יהוה׃
Psalms 10:7
7 אלה פיהו מלא ומרמות ותך תחת לשׁונו עמל ואון׃
Psalms 36:3
3 (36:4) דברי פיו און ומרמה חדל להשׂכיל להיטיב׃
Psalms 52:2-4
Psalms 59:7
7 (59:8) הנה יביעון בפיהם חרבות בשׂפתותיהם כי מי שׁמע׃
Psalms 73:8-9
Proverbs 2:12
12 להצילך מדרך רע מאישׁ מדבר תהפכות׃
Proverbs 4:24
24 הסר ממך עקשׁות פה ולזות שׂפתים הרחק ממך׃
Proverbs 6:14
14 תהפכות בלבו חרשׁ רע בכל עת מדנים ישׁלח׃
Proverbs 8:13
13 יראת יהוה שׂנאת רע גאה וגאון ודרך רע ופי תהפכות שׂנאתי׃
Proverbs 11:6
6 צדקת ישׁרים תצילם ובהות בגדים ילכדו׃
Proverbs 16:27
27 אישׁ בליעל כרה רעה ועל שׂפתיו כאשׁ צרבת׃
Proverbs 17:4
4 מרע מקשׁיב על שׂפת און שׁקר מזין על לשׁון הות׃
Jeremiah 24:2
2 הדוד אחד תאנים טבות מאד כתאני הבכרות והדוד אחד תאנים רעות מאד אשׁר לא תאכלנה מרע׃
Jeremiah 24:8-10
8 וכתאנים הרעות אשׁר לא תאכלנה מרע כי כה אמר יהוה כן אתן את צדקיהו מלך יהודה ואת שׂריו ואת שׁארית ירושׁלם הנשׁארים בארץ הזאת והישׁבים בארץ מצרים׃9 ונתתים לזועה לרעה לכל ממלכות הארץ לחרפה ולמשׁל לשׁנינה ולקללה בכל המקמות אשׁר אדיחם שׁם׃10 ושׁלחתי בם את החרב את הרעב ואת הדבר עד תמם מעל האדמה אשׁר נתתי להם ולאבותיהם׃
Job 15:12
12 מה יקחך לבך ומה ירזמון עיניך׃
Psalms 35:19
19 אל ישׂמחו לי איבי שׁקר שׂנאי חנם יקרצו עין׃
Proverbs 5:6
6 ארח חיים פן תפלס נעו מעגלתיה לא תדע׃
Proverbs 10:10
10 קרץ עין יתן עצבת ואויל שׂפתים ילבט׃
Psalms 36:4
4 (36:5) און יחשׁב על משׁכבו יתיצב על דרך לא טוב רע לא ימאס׃
Proverbs 2:14
14 השׂמחים לעשׂות רע יגילו בתהפכות רע׃
Proverbs 3:29
29 אל תחרשׁ על רעך רעה והוא יושׁב לבטח אתך׃
Proverbs 6:18-19
Proverbs 16:28-30
Proverbs 21:8
8 הפכפך דרך אישׁ וזר וזך ישׁר פעלו׃
Proverbs 22:8
8 זורע עולה יקצור און ושׁבט עברתו יכלה׃
Proverbs 26:17-22
Isaiah 32:7
7 וכלי כליו רעים הוא זמות יעץ לחבל ענוים באמרי שׁקר ובדבר אביון משׁפט׃
Isaiah 57:20
20 והרשׁעים כים נגרשׁ כי השׁקט לא יוכל ויגרשׁו מימיו רפשׁ וטיט׃
Ezekiel 11:2
2 ויאמר אלי בן אדם אלה האנשׁים החשׁבים און והיעצים עצת רע בעיר הזאת׃
Hosea 8:7
7 כי רוח יזרעו וסופתה יקצרו קמה אין לו צמח בלי יעשׂה קמח אולי יעשׂה זרים יבלעהו׃
Micah 2:1
1 הוי חשׁבי און ופעלי רע על משׁכבותם באור הבקר יעשׂוה כי ישׁ לאל ידם׃
2 Chronicles 36:16
16 ויהיו מלעבים במלאכי האלהים ובוזים דבריו ומתעתעים בנבאיו עד עלות חמת יהוה בעמו עד לאין מרפא׃
Psalms 50:22
22 בינו נא זאת שׁכחי אלוה פן אטרף ואין מציל׃
Psalms 73:18-20
Proverbs 1:27
27 בבא כשׁאוה פחדכם ואידכם כסופה יאתה בבא עליכם צרה וצוקה׃
Proverbs 29:1
1 אישׁ תוכחות מקשׁה ערף פתע ישׁבר ואין מרפא׃
Isaiah 30:13-14
Jeremiah 19:11
11 ואמרת אליהם כה אמר יהוה צבאות ככה אשׁבר את העם הזה ואת העיר הזאת כאשׁר ישׁבר את כלי היוצר אשׁר לא יוכל להרפה עוד ובתפת יקברו מאין מקום לקבור׃
Deuteronomy 18:10-12
Deuteronomy 23:18
18 (23:19) לא תביא אתנן זונה ומחיר כלב בית יהוה אלהיך לכל נדר כי תועבת יהוה אלהיך גם שׁניהם׃
Deuteronomy 24:4
4 לא יוכל בעלה הראשׁון אשׁר שׁלחה לשׁוב לקחתה להיות לו לאשׁה אחרי אשׁר הטמאה כי תועבה הוא לפני יהוה ולא תחטיא את הארץ אשׁר יהוה אלהיך נתן לך נחלה׃
Deuteronomy 25:16
16 כי תועבת יהוה אלהיך כל עשׂה אלה כל עשׂה עול׃
Psalms 11:5
5 יהוה צדיק יבחן ורשׁע ואהב חמס שׂנאה נפשׁו׃
Proverbs 3:32
32 כי תועבת יהוה נלוז ואת ישׁרים סודו׃
Proverbs 11:1
1 מאזני מרמה תועבת יהוה ואבן שׁלמה רצונו׃
Proverbs 11:20
20 תועבת יהוה עקשׁי לב ורצונו תמימי דרך׃
Proverbs 15:8-9
Proverbs 17:15
15 מצדיק רשׁע ומרשׁיע צדיק תועבת יהוה גם שׁניהם׃
Proverbs 20:10
10 אבן ואבן איפה ואיפה תועבת יהוה גם שׁניהם׃
Proverbs 20:23
23 תועבת יהוה אבן ואבן ומאזני מרמה לא טוב׃
Proverbs 30:18
18 שׁלשׁה המה נפלאו ממני וארבע לא ידעתים׃
Proverbs 30:21
21 תחת שׁלושׁ רגזה ארץ ותחת ארבע לא תוכל שׂאת׃
Proverbs 30:24
24 ארבעה הם קטני ארץ והמה חכמים מחכמים׃
Proverbs 30:29
29 שׁלשׁה המה מיטיבי צעד וארבעה מיטבי לכת׃
Amos 1:3
3 כה אמר יהוה על שׁלשׁה פשׁעי דמשׂק ועל ארבעה לא אשׁיבנו על דושׁם בחרצות הברזל את הגלעד׃
Amos 1:6
6 כה אמר יהוה על שׁלשׁה פשׁעי עזה ועל ארבעה לא אשׁיבנו על הגלותם גלות שׁלמה להסגיר לאדום׃
Amos 1:9
9 כה אמר יהוה על שׁלשׁה פשׁעי צר ועל ארבעה לא אשׁיבנו על הסגירם גלות שׁלמה לאדום ולא זכרו ברית אחים׃
Amos 1:11
11 כה אמר יהוה על שׁלשׁה פשׁעי אדום ועל ארבעה לא אשׁיבנו על רדפו בחרב אחיו ושׁחת רחמיו ויטרף לעד אפו ועברתו שׁמרה נצח׃
Amos 2:1
1 כה אמר יהוה על שׁלשׁה פשׁעי מואב ועל ארבעה לא אשׁיבנו על שׂרפו עצמות מלך אדום לשׂיד׃
Amos 2:4
4 כה אמר יהוה על שׁלשׁה פשׁעי יהודה ועל ארבעה לא אשׁיבנו על מאסם את תורת יהוה וחקיו לא שׁמרו ויתעום כזביהם אשׁר הלכו אבותם אחריהם׃
Amos 2:6
6 כה אמר יהוה על שׁלשׁה פשׁעי ישׂראל ועל ארבעה לא אשׁיבנו על מכרם בכסף צדיק ואביון בעבור נעלים׃
Deuteronomy 19:10
10 ולא ישׁפך דם נקי בקרב ארצך אשׁר יהוה אלהיך נתן לך נחלה והיה עליך דמים׃
Deuteronomy 27:25
25 ארור לקח שׁחד להכות נפשׁ דם נקי ואמר כל העם אמן׃
2 Kings 24:4
4 וגם דם הנקי אשׁר שׁפך וימלא את ירושׁלם דם נקי ולא אבה יהוה לסלח׃
Psalms 5:6
6 (5:7) תאבד דברי כזב אישׁ דמים ומרמה יתעב יהוה׃
Psalms 10:4
4 רשׁע כגבה אפו בל ידרשׁ אין אלהים כל מזמותיו׃
Psalms 18:27
27 (18:28) כי אתה עם עני תושׁיע ועינים רמות תשׁפיל׃
Psalms 31:18
18 (31:19) תאלמנה שׂפתי שׁקר הדברות על צדיק עתק בגאוה ובוז׃
Psalms 73:6-8
Psalms 101:5
5 מלושׁני בסתר רעהו אותו אצמית גבה עינים ורחב לבב אתו לא אוכל׃
Psalms 120:2-3
Psalms 131:1
1 שׁיר המעלות לדוד יהוה לא גבה לבי ולא רמו עיני ולא הלכתי בגדלות ובנפלאות ממני׃
Proverbs 1:11
11 אם יאמרו לכה אתנו נארבה לדם נצפנה לנקי חנם׃
Proverbs 12:22
22 תועבת יהוה שׂפתי שׁקר ועשׂי אמונה רצונו׃
Proverbs 14:5
5 עד אמונים לא יכזב ויפיח כזבים עד שׁקר׃
Proverbs 17:7
7 לא נאוה לנבל שׂפת יתר אף כי לנדיב שׂפת שׁקר׃
Proverbs 21:4
4 רום עינים ורחב לב נר רשׁעים חטאת׃
Proverbs 26:28
28 לשׁון שׁקר ישׂנא דכיו ופה חלק יעשׂה מדחה׃
Proverbs 30:13
13 דור מה רמו עיניו ועפעפיו ינשׂאו׃
Isaiah 1:15
15 ובפרשׂכם כפיכם אעלים עיני מכם גם כי תרבו תפלה אינני שׁמע ידיכם דמים מלאו׃
Isaiah 2:11
11 עיני גבהות אדם שׁפל ושׁח רום אנשׁים ונשׂגב יהוה לבדו ביום ההוא׃
Isaiah 3:9
9 הכרת פניהם ענתה בם וחטאתם כסדם הגידו לא כחדו אוי לנפשׁם כי גמלו להם רעה׃
Isaiah 3:16
16 ויאמר יהוה יען כי גבהו בנות ציון ותלכנה נטוות גרון ומשׂקרות עינים הלוך וטפף תלכנה וברגליהם תעכסנה׃
Isaiah 59:3-7
3 כי כפיכם נגאלו בדם ואצבעותיכם בעון שׂפתותיכם דברו שׁקר לשׁונכם עולה תהגה׃4 אין קרא בצדק ואין נשׁפט באמונה בטוח על תהו ודבר שׁוא הרו עמל והוליד און׃5 ביצי צפעוני בקעו וקורי עכבישׁ יארגו האכל מביציהם ימות והזורה תבקע אפעה׃6 קוריהם לא יהיו לבגד ולא יתכסו במעשׂיהם מעשׂיהם מעשׂי און ופעל חמס בכפיהם׃7 רגליהם לרע ירצו וימהרו לשׁפך דם נקי מחשׁבותיהם מחשׁבות און שׁד ושׁבר במסלותם׃
Hosea 4:1-2
Genesis 6:5
5 וירא יהוה כי רבה רעת האדם בארץ וכל יצר מחשׁבת לבו רק רע כל היום׃
Proverbs 1:16
16 כי רגליהם לרע ירוצו וימהרו לשׁפך דם׃
Proverbs 24:8
8 מחשׁב להרע לו בעל מזמות יקראו׃
Isaiah 59:7
7 רגליהם לרע ירצו וימהרו לשׁפך דם נקי מחשׁבותיהם מחשׁבות און שׁד ושׁבר במסלותם׃
Zechariah 8:17
17 ואישׁ את רעת רעהו אל תחשׁבו בלבבכם ושׁבעת שׁקר אל תאהבו כי את כל אלה אשׁר שׂנאתי נאם יהוה׃
Exodus 20:16
16 לא תענה ברעך עד שׁקר׃
Exodus 23:1
1 לא תשׂא שׁמע שׁוא אל תשׁת ידך עם רשׁע להית עד חמס׃
Deuteronomy 19:16-20
1 Kings 21:10-15
10 והושׁיבו שׁנים אנשׁים בני בליעל נגדו ויעדהו לאמר ברכת אלהים ומלך והוציאהו וסקלהו וימת׃11 ויעשׂו אנשׁי עירו הזקנים והחרים אשׁר הישׁבים בעירו כאשׁר שׁלחה אליהם איזבל כאשׁר כתוב בספרים אשׁר שׁלחה אליהם׃12 קראו צום והשׁיבו את נבות בראשׁ העם׃13 ויבאו שׁני האנשׁים בני בליעל וישׁבו נגדו ויעדהו אנשׁי הבליעל את נבות נגד העם לאמר ברך נבות אלהים ומלך ויצאהו מחוץ לעיר ויסקלהו באבנים וימת׃14 וישׁלחו אל איזבל לאמר סקל נבות וימת׃15 ויהי כשׁמע איזבל כי סקל נבות וימת ותאמר איזבל אל אחאב קום רשׁ את כרם נבות היזרעאלי אשׁר מאן לתת לך בכסף כי אין נבות חי כי מת׃
Psalms 27:12
12 אל תתנני בנפשׁ צרי כי קמו בי עדי שׁקר ויפח חמס׃
Psalms 35:11
11 יקומון עדי חמס אשׁר לא ידעתי ישׁאלוני׃
Proverbs 12:17
17 יפיח אמונה יגיד צדק ועד שׁקרים מרמה׃
Proverbs 16:28
28 אישׁ תהפכות ישׁלח מדון ונרגן מפריד אלוף׃
Proverbs 19:5
5 עד שׁקרים לא ינקה ויפיח כזבים לא ימלט׃
Proverbs 19:9
9 עד שׁקרים לא ינקה ויפיח כזבים יאבד׃
Proverbs 22:10
10 גרשׁ לץ ויצא מדון וישׁבת דין וקלון׃
Proverbs 25:18
18 מפיץ וחרב וחץ שׁנון אישׁ ענה ברעהו עד שׁקר׃
Proverbs 26:20
20 באפס עצים תכבה אשׁ ובאין נרגן ישׁתק מדון׃
Deuteronomy 21:18
18 כי יהיה לאישׁ בן סורר ומורה איננו שׁמע בקול אביו ובקול אמו ויסרו אתו ולא ישׁמע אליהם׃
Deuteronomy 27:16
16 ארור מקלה אביו ואמו ואמר כל העם אמן׃
Proverbs 1:8-9
Proverbs 7:1-4
Proverbs 23:22
22 שׁמע לאביך זה ילדך ואל תבוז כי זקנה אמך׃
Proverbs 30:11
11 דור אביו יקלל ואת אמו לא יברך׃
Exodus 13:16
16 והיה לאות על ידכה ולטוטפת בין עיניך כי בחזק יד הוציאנו יהוה ממצרים׃
Deuteronomy 6:8
8 וקשׁרתם לאות על ידך והיו לטטפת בין עיניך׃
Proverbs 3:3
3 חסד ואמת אל יעזבך קשׁרם על גרגרותיך כתבם על לוח לבך׃
Proverbs 4:6
6 אל תעזבה ותשׁמרך אהבה ותצרך׃
Proverbs 4:21
21 אל יליזו מעיניך שׁמרם בתוך לבבך׃
Psalms 17:4
4 לפעלות אדם בדבר שׂפתיך אני שׁמרתי ארחות פריץ׃
Psalms 43:3
3 שׁלח אורך ואמתך המה ינחוני יביאוני אל הר קדשׁך ואל משׁכנותיך׃
Psalms 119:9
9 במה יזכה נער את ארחו לשׁמר כדברך׃
Psalms 119:11
11 בלבי צפנתי אמרתך למען לא אחטא׃
Psalms 119:24
24 גם עדתיך שׁעשׁעי אנשׁי עצתי׃
Psalms 119:54
54 זמרות היו לי חקיך בבית מגורי׃
Psalms 119:97
97 מה אהבתי תורתך כל היום היא שׂיחתי׃
Psalms 119:148
148 קדמו עיני אשׁמרות לשׂיח באמרתך׃
Proverbs 2:11
11 מזמה תשׁמר עליך תבונה תנצרכה׃
Proverbs 3:23-24
Daniel 11:18-21
Leviticus 19:17
17 לא תשׂנא את אחיך בלבבך הוכח תוכיח את עמיתך ולא תשׂא עליו חטא׃
Psalms 19:8
8 (19:9) פקודי יהוה ישׁרים משׂמחי לב מצות יהוה ברה מאירת עינים׃
Psalms 119:98-100
Psalms 119:105
105 נר לרגלי דברך ואור לנתיבתי׃
Psalms 141:5
5 יהלמני צדיק חסד ויוכיחני שׁמן ראשׁ אל יני ראשׁי כי עוד ותפלתי ברעותיהם׃
Proverbs 3:18
18 עץ חיים היא למחזיקים בה ותמכיה מאשׁר׃
Proverbs 4:4
4 וירני ויאמר לי יתמך דברי לבך שׁמר מצותי וחיה׃
Proverbs 4:13
13 החזק במוסר אל תרף נצרה כי היא חייך׃
Proverbs 5:12
12 ואמרת איך שׂנאתי מוסר ותוכחת נאץ לבי׃
Proverbs 15:24
24 ארח חיים למעלה למשׂכיל למען סור משׁאול מטה׃
Proverbs 15:31
31 אזן שׁמעת תוכחת חיים בקרב חכמים תלין׃
Proverbs 29:15
15 שׁבט ותוכחת יתן חכמה ונער משׁלח מבישׁ אמו׃
Isaiah 8:20
20 לתורה ולתעודה אם לא יאמרו כדבר הזה אשׁר אין לו שׁחר׃
Jeremiah 21:8
8 ואל העם הזה תאמר כה אמר יהוה הנני נתן לפניכם את דרך החיים ואת דרך המות׃
Proverbs 2:16
16 להצילך מאשׁה זרה מנכריה אמריה החליקה׃
Proverbs 5:3
3 כי נפת תטפנה שׂפתי זרה וחלק משׁמן חכה׃
Proverbs 7:5
5 לשׁמרך מאשׁה זרה מנכריה אמריה החליקה׃
Ecclesiastes 7:26
26 ומוצא אני מר ממות את האשׁה אשׁר היא מצודים וחרמים לבה אסורים ידיה טוב לפני האלהים ימלט ממנה וחוטא ילכד׃
2 Samuel 11:2-5
2 Kings 9:30
30 ויבוא יהוא יזרעאלה ואיזבל שׁמעה ותשׂם בפוך עיניה ותיטב את ראשׁה ותשׁקף בעד החלון׃
Song of Songs 4:9
9 לבבתני אחתי כלה לבבתיני באחד מעיניך באחד ענק מצורניך׃
Genesis 39:14
14 ותקרא לאנשׁי ביתה ותאמר להם לאמר ראו הביא לנו אישׁ עברי לצחק בנו בא אלי לשׁכב עמי ואקרא בקול גדול׃
1 Samuel 2:36
36 והיה כל הנותר בביתך יבוא להשׁתחות לו לאגורת כסף וככר לחם ואמר ספחני נא אל אחת הכהנות לאכל פת לחם׃
Proverbs 5:10
10 פן ישׂבעו זרים כחך ועצביך בבית נכרי׃
Proverbs 7:23
23 עד יפלח חץ כבדו כמהר צפור אל פח ולא ידע כי בנפשׁו הוא׃
Proverbs 29:3
3 אישׁ אהב חכמה ישׂמח אביו ורעה זונות יאבד הון׃
Proverbs 29:8
8 אנשׁי לצון יפיחו קריה וחכמים ישׁיבו אף׃
Ezekiel 13:8
8 לכן כה אמר אדני יהוה יען דברכם שׁוא וחזיתם כזב לכן הנני אליכם נאם אדני יהוה׃
Ezekiel 13:18
18 ואמרת כה אמר אדני יהוה הוי למתפרות כסתות על כל אצילי ידי ועשׂות המספחות על ראשׁ כל קומה לצודד נפשׁות הנפשׁות תצודדנה לעמי ונפשׁות לכנה תחיינה׃
Job 31:9-12
Hosea 7:4-7
Genesis 12:18-19
Genesis 20:4-7
4 ואבימלך לא קרב אליה ויאמר אדני הגוי גם צדיק תהרג׃5 הלא הוא אמר לי אחתי הוא והיא גם הוא אמרה אחי הוא בתם לבבי ובנקין כפי עשׂיתי זאת׃6 ויאמר אליו האלהים בחלם גם אנכי ידעתי כי בתם לבבך עשׂית זאת ואחשׂך גם אנכי אותך מחטו לי על כן לא נתתיך לנגע אליה׃7 ועתה השׁב אשׁת האישׁ כי נביא הוא ויתפלל בעדך וחיה ואם אינך משׁיב דע כי מות תמות אתה וכל אשׁר׃
Genesis 26:10-11
Leviticus 20:10
10 ואישׁ אשׁר ינאף את אשׁת אישׁ אשׁר ינאף את אשׁת רעהו מות יומת הנאף והנאפת׃
2 Samuel 11:3-4
2 Samuel 12:9-10
2 Samuel 16:21
21 ויאמר אחיתפל אל אבשׁלם בוא אל פלגשׁי אביך אשׁר הניח לשׁמור הבית ושׁמע כל ישׂראל כי נבאשׁת את אביך וחזקו ידי כל אשׁר אתך׃
Proverbs 16:5
5 תועבת יהוה כל גבה לב יד ליד לא ינקה׃
Jeremiah 5:8-9
Ezekiel 22:11
11 ואישׁ את אשׁת רעהו עשׂה תועבה ואישׁ את כלתו טמא בזמה ואישׁ את אחתו בת אביו ענה׃
Malachi 3:5
5 וקרבתי אליכם למשׁפט והייתי עד ממהר במכשׁפים ובמנאפים ובנשׁבעים לשׁקר ובעשׁקי שׂכר שׂכיר אלמנה ויתום ומטי גר ולא יראוני אמר יהוה צבאות׃
Job 38:39
39 התצוד ללביא טרף וחית כפירים תמלא׃
Exodus 22:1-4
2 Samuel 12:6
6 ואת הכבשׂה ישׁלם ארבעתים עקב אשׁר עשׂה את הדבר הזה ועל אשׁר לא חמל׃
Job 20:18
18 משׁיב יגע ולא יבלע כחיל תמורתו ולא יעלס׃
Genesis 39:9-10
Genesis 41:39
39 ויאמר פרעה אל יוסף אחרי הודיע אלהים אותך את כל זאת אין נבון וחכם כמוך׃
Exodus 20:14
14 לא תנאף׃
Proverbs 2:18-19
Proverbs 5:22-23
Proverbs 7:7
7 וארא בפתאים אבינה בבנים נער חסר לב׃
Proverbs 7:22-23
Proverbs 8:36
36 וחטאי חמס נפשׁו כל משׂנאי אהבו מות׃
Proverbs 9:4
4 מי פתי יסר הנה חסר לב אמרה׃
Proverbs 9:16-18
Ecclesiastes 7:25-26
Jeremiah 5:8
8 סוסים מיזנים משׁכים היו אישׁ אל אשׁת רעהו יצהלו׃
Jeremiah 5:21
21 שׁמעו נא זאת עם סכל ואין לב עינים להם ולא יראו אזנים להם ולא ישׁמעו׃
Ezekiel 18:31
31 השׁליכו מעליכם את כל פשׁעיכם אשׁר פשׁעתם בם ועשׂו לכם לב חדשׁ ורוח חדשׁה ולמה תמתו בית ישׂראל׃
Hosea 4:11-12
Hosea 13:9
9 שׁחתך ישׂראל כי בי בעזרך׃
Genesis 49:4
4 פחז כמים אל תותר כי עלית משׁכבי אביך אז חללת יצועי עלה׃
Judges 16:19-21
1 Kings 15:5
5 אשׁר עשׂה דוד את הישׁר בעיני יהוה ולא סר מכל אשׁר צוהו כל ימי חייו רק בדבר אוריה החתי׃
Nehemiah 13:26
26 הלוא על אלה חטא שׁלמה מלך ישׂראל ובגוים הרבים לא היה מלך כמהו ואהוב לאלהיו היה ויתנהו אלהים מלך על כל ישׂראל גם אותו החטיאו הנשׁים הנכריות׃
Psalms 38:1-8
1 מזמור לדוד להזכיר׃ (38:2) יהוה אל בקצפך תוכיחני ובחמתך תיסרני׃2 (38:3) כי חציך נחתו בי ותנחת עלי ידך׃3 (38:4) אין מתם בבשׂרי מפני זעמך אין שׁלום בעצמי מפני חטאתי׃4 (38:5) כי עונתי עברו ראשׁי כמשׂא כבד יכבדו ממני׃5 (38:6) הבאישׁו נמקו חבורתי מפני אולתי׃6 (38:7) נעויתי שׁחתי עד מאד כל היום קדר הלכתי׃7 (38:8) כי כסלי מלאו נקלה ואין מתם בבשׂרי׃8 (38:9) נפוגותי ונדכיתי עד מאד שׁאגתי מנהמת לבי׃
Psalms 51:1
1 למנצח מזמור לדוד׃ (51:2) בבוא אליו נתן הנביא כאשׁר בא אל בת\'ceשׁבע׃ (51:3) חנני אלהים כחסדך כרב רחמיך מחה פשׁעי׃
Psalms 51:8
8 (51:10) תשׁמיעני שׂשׂון ושׂמחה תגלנה עצמות דכית׃
Proverbs 5:9-11
Numbers 5:14
14 ועבר עליו רוח קנאה וקנא את אשׁתו והוא נטמאה או עבר עליו רוח קנאה וקנא את אשׁתו והיא לא נטמאה׃
Numbers 25:11
11 פינחס בן אלעזר בן אהרן הכהן השׁיב את חמתי מעל בני ישׂראל בקנאו את קנאתי בתוכם ולא כליתי את בני ישׂראל בקנאתי׃
Judges 19:29-30
Proverbs 27:4
4 אכזריות חמה ושׁטף אף ומי יעמד לפני קנאה׃
Song of Songs 8:6
6 שׂימני כחותם על לבך כחותם על זרועך כי עזה כמות אהבה קשׁה כשׁאול קנאה רשׁפיה רשׁפי אשׁ שׁלהבתיה׃
2 Kings 5:1
1 ונעמן שׂר צבא מלך ארם היה אישׁ גדול לפני אדניו ונשׂא פנים כי בו נתן יהוה תשׁועה לארם והאישׁ היה גבור חיל מצרע׃
Proverbs 4:3
3 כי בן הייתי לאבי רך ויחיד לפני אמי׃
Proverbs 7:13
13 והחזיקה בו ונשׁקה לו העזה פניה ותאמר׃
Proverbs 8:25
25 בטרם הרים הטבעו לפני גבעות חוללתי׃
Isaiah 2:9
9 וישׁח אדם וישׁפל אישׁ ואל תשׂא׃
Malachi 2:9
9 וגם אני נתתי אתכם נבזים ושׁפלים לכל העם כפי אשׁר אינכם שׁמרים את דרכי ונשׂאים פנים בתורה׃