3 אמרו לאלהים מה נורא מעשׂיך ברב עזך יכחשׁו לך איביך׃
Psalms 66:3 Cross References - HOT
Exodus 15:1-16
1 אז ישׁיר משׁה ובני ישׂראל את השׁירה הזאת ליהוה ויאמרו לאמר אשׁירה ליהוה כי גאה גאה סוס ורכבו רמה בים׃2 עזי וזמרת יה ויהי לי לישׁועה זה אלי ואנוהו אלהי אבי וארממנהו׃3 יהוה אישׁ מלחמה יהוה שׁמו׃4 מרכבת פרעה וחילו ירה בים ומבחר שׁלשׁיו טבעו בים סוף׃5 תהמת יכסימו ירדו במצולת כמו אבן׃6 ימינך יהוה נאדרי בכח ימינך יהוה תרעץ אויב׃7 וברב גאונך תהרס קמיך תשׁלח חרנך יאכלמו כקשׁ׃8 וברוח אפיך נערמו מים נצבו כמו נד נזלים קפאו תהמת בלב ים׃9 אמר אויב ארדף אשׂיג אחלק שׁלל תמלאמו נפשׁי אריק חרבי תורישׁמו ידי׃10 נשׁפת ברוחך כסמו ים צללו כעופרת במים אדירים׃11 מי כמכה באלם יהוה מי כמכה נאדר בקדשׁ נורא תהלת עשׂה פלא׃12 נטית ימינך תבלעמו ארץ׃13 נחית בחסדך עם זו גאלת נהלת בעזך אל נוה קדשׁך׃14 שׁמעו עמים ירגזון חיל אחז ישׁבי פלשׁת׃15 אז נבהלו אלופי אדום אילי מואב יאחזמו רעד נמגו כל ישׁבי כנען׃16 תפל עליהם אימתה ופחד בגדל זרועך ידמו כאבן עד יעבר עמך יהוה עד יעבר עם זו קנית׃
Exodus 15:21
21 ותען להם מרים שׁירו ליהוה כי גאה גאה סוס ורכבו רמה בים׃
Judges 5:2-4
Judges 5:20-22
Psalms 18:44
44 (18:45) לשׁמע אזן ישׁמעו לי בני נכר יכחשׁו׃
Psalms 22:28-29
Psalms 47:2
2 (47:3) כי יהוה עליון נורא מלך גדול על כל הארץ׃
Psalms 65:5
5 (65:6) נוראות בצדק תעננו אלהי ישׁענו מבטח כל קצוי ארץ וים רחקים׃
Psalms 68:30
30 (68:31) גער חית קנה עדת אבירים בעגלי עמים מתרפס ברצי כסף בזר עמים קרבות יחפצו׃
Psalms 76:12
12 (76:13) יבצר רוח נגידים נורא למלכי ארץ׃
Psalms 78:35-36
Psalms 81:15
15 (81:16) משׂנאי יהוה יכחשׁו לו ויהי עתם לעולם׃
Isaiah 2:19
19 ובאו במערות צרים ובמחלות עפר מפני פחד יהוה ומהדר גאונו בקומו לערץ הארץ׃
Isaiah 64:3
3 (64:2) בעשׂותך נוראות לא נקוה ירדת מפניך הרים נזלו׃
Jeremiah 10:10
10 ויהוה אלהים אמת הוא אלהים חיים ומלך עולם מקצפו תרעשׁ הארץ ולא יכלו גוים זעמו׃