Psalms 66:4 Cross References - HOT

4 כל הארץ ישׁתחוו לך ויזמרו לך יזמרו שׁמך סלה׃

Psalms 22:27

27 (22:28) יזכרו וישׁבו אל יהוה כל אפסי ארץ וישׁתחוו לפניך כל משׁפחות גוים׃

Psalms 65:5

5 (65:6) נוראות בצדק תעננו אלהי ישׁענו מבטח כל קצוי ארץ וים רחקים׃

Psalms 67:2-3

2 (67:3) לדעת בארץ דרכך בכל גוים ישׁועתך׃3 (67:4) יודוך עמים אלהים יודוך עמים כלם׃

Psalms 96:1-2

1 שׁירו ליהוה שׁיר חדשׁ שׁירו ליהוה כל הארץ׃2 שׁירו ליהוה ברכו שׁמו בשׂרו מיום ליום ישׁועתו׃

Psalms 117:1

1 הללו את יהוה כל גוים שׁבחוהו כל האמים׃

Isaiah 2:2-4

2 והיה באחרית הימים נכון יהיה הר בית יהוה בראשׁ ההרים ונשׂא מגבעות ונהרו אליו כל הגוים׃3 והלכו עמים רבים ואמרו לכו ונעלה אל הר יהוה אל בית אלהי יעקב וירנו מדרכיו ונלכה בארחתיו כי מציון תצא תורה ודבר יהוה מירושׁלם׃4 ושׁפט בין הגוים והוכיח לעמים רבים וכתתו חרבותם לאתים וחניתותיהם למזמרות לא ישׂא גוי אל גוי חרב ולא ילמדו עוד מלחמה׃

Isaiah 11:9

9 לא ירעו ולא ישׁחיתו בכל הר קדשׁי כי מלאה הארץ דעה את יהוה כמים לים מכסים׃

Isaiah 42:10-12

10 שׁירו ליהוה שׁיר חדשׁ תהלתו מקצה הארץ יורדי הים ומלאו איים וישׁביהם׃11 ישׂאו מדבר ועריו חצרים תשׁב קדר ירנו ישׁבי סלע מראשׁ הרים יצוחו׃12 ישׂימו ליהוה כבוד ותהלתו באיים יגידו׃

Isaiah 49:22-23

22 כה אמר אדני יהוה הנה אשׂא אל גוים ידי ואל עמים ארים נסי והביאו בניך בחצן ובנתיך על כתף תנשׂאנה׃23 והיו מלכים אמניך ושׂרותיהם מיניקתיך אפים ארץ ישׁתחוו לך ועפר רגליך ילחכו וידעת כי אני יהוה אשׁר לא יבשׁו קוי׃

Daniel 7:14

14 ולה יהיב שׁלטן ויקר ומלכו וכל עממיא אמיא ולשׁניא לה יפלחון שׁלטנה שׁלטן עלם די לא יעדה ומלכותה די לא תתחבל׃

Malachi 1:11

11 כי ממזרח שׁמשׁ ועד מבואו גדול שׁמי בגוים ובכל מקום מקטר מגשׁ לשׁמי ומנחה טהורה כי גדול שׁמי בגוים אמר יהוה צבאות׃

Cross Reference data is from OpenBible.info, retrieved June 28, 2010, and licensed under a Creative Commons Attribution License.