Exodus Cross References - Vulgate

¹ haec sunt nomina filiorum Israhel qui ingressi sunt Aegyptum cum Iacob singuli cum domibus suis introierunt ² Ruben Symeon Levi Iuda ³ Isachar Zabulon et Beniamin ⁴ Dan et Nepthalim Gad et Aser ⁵ erant igitur omnes animae eorum qui egressi sunt de femore Iacob septuaginta Ioseph autem in Aegypto erat ⁶ quo mortuo et universis fratribus eius omnique cognatione illa ⁷ filii Israhel creverunt et quasi germinantes multiplicati sunt ac roborati nimis impleverunt terram ⁸ surrexit interea rex novus super Aegyptum qui ignorabat Ioseph ⁹ et ait ad populum suum ecce populus filiorum Israhel multus et fortior nobis ¹⁰ venite sapienter opprimamus eum ne forte multiplicetur et si ingruerit contra nos bellum addatur inimicis nostris expugnatisque nobis egrediatur e terra ¹¹ praeposuit itaque eis magistros operum ut adfligerent eos oneribus aedificaveruntque urbes tabernaculorum Pharaoni Phiton et Ramesses ¹² quantoque opprimebant eos tanto magis multiplicabantur et crescebant ¹³ oderantque filios Israhel Aegyptii et adfligebant inludentes eis ¹⁴ atque ad amaritudinem perducebant vitam eorum operibus duris luti et lateris omnique famulatu quo in terrae operibus premebantur ¹⁵ dixit autem rex Aegypti obsetricibus Hebraeorum quarum una vocabatur Sephra altera Phua ¹⁶ praecipiens eis quando obsetricabitis Hebraeas et partus tempus advenerit si masculus fuerit interficite illum si femina reservate ¹⁷ timuerunt autem obsetrices Deum et non fecerunt iuxta praeceptum regis Aegypti sed conservabant mares ¹⁸ quibus ad se accersitis rex ait quidnam est hoc quod facere voluistis ut pueros servaretis ¹⁹ quae responderunt non sunt hebraeae sicut aegyptiae mulieres ipsae enim obsetricandi habent scientiam et priusquam veniamus ad eas pariunt ²⁰ bene ergo fecit Deus obsetricibus et crevit populus confortatusque est nimis ²¹ et quia timuerant obsetrices Deum aedificavit illis domos ²² praecepit autem Pharao omni populo suo dicens quicquid masculini sexus natum fuerit in flumen proicite quicquid feminei reservate

³¹ videns autem Dominus quod despiceret Liam aperuit vulvam eius sorore sterili permanente

¹⁸ egrediente autem anima prae dolore et inminente iam morte vocavit nomen filii sui Benoni id est filius doloris mei pater vero appellavit eum Beniamin id est filius dexterae

²³ filii Liae primogenitus Ruben et Symeon et Levi et Iudas et Isachar et Zabulon ²⁴ filii Rahel Ioseph et Beniamin ²⁵ filii Balae ancillae Rahelis Dan et Nepthalim ²⁶ filii Zelphae ancillae Liae Gad et Aser hii filii Iacob qui nati sunt ei in Mesopotamiam Syriae

⁸ haec sunt autem nomina filiorum Israhel qui ingressi sunt in Aegyptum ipse cum liberis suis primogenitus Ruben ⁹ filii Ruben Enoch et Phallu et Esrom et Charmi ¹⁰ filii Symeon Iemuhel et Iamin et Ahod et Iachin et Saher et Saul filius Chananitidis ¹¹ filii Levi Gerson Caath et Merari ¹² filii Iuda Her et Onan et Sela et Phares et Zara mortui sunt autem Her et Onan in terra Chanaan natique sunt filii Phares Esrom et Amul ¹³ filii Isachar Thola et Phua et Iob et Semron ¹⁴ filii Zabulon Sared et Helon et Iahelel ¹⁵ hii filii Liae quos genuit in Mesopotamiam Syriae cum Dina filia sua omnes animae filiorum eius et filiarum triginta tres ¹⁶ filii Gad Sephion et Haggi Suni et Esebon Heri et Arodi et Areli ¹⁷ filii Aser Iamne et Iesua et Iesui et Beria Sara quoque soror eorum filii Beria Heber et Melchihel ¹⁸ hii filii Zelphae quam dedit Laban Liae filiae suae et hos genuit Iacob sedecim animas ¹⁹ filii Rahel uxoris Iacob Ioseph et Beniamin ²⁰ natique sunt Ioseph filii in terra Aegypti quos genuit ei Aseneth filia Putiphare sacerdotis Heliopoleos Manasses et Ephraim ²¹ filii Beniamin Bela et Bechor et Asbel Gera et Naaman et Ehi et Ros Mophim et Opphim et Ared ²² hii filii Rahel quos genuit Iacob omnes animae quattuordecim ²³ filii Dan Usim ²⁴ filii Nepthalim Iasihel et Guni et Hieser et Sallem ²⁵ hii filii Balae quam dedit Laban Raheli filiae suae et hos genuit Iacob omnes animae septem ²⁶ cunctae animae quae ingressae sunt cum Iacob in Aegyptum et egressae de femore illius absque uxoribus filiorum sexaginta sex

³ Ruben primogenitus meus tu fortitudo mea et principium doloris mei prior in donis maior imperio ⁴ effusus es sicut aqua non crescas quia ascendisti cubile patris tui et maculasti stratum eius ⁵ Symeon et Levi fratres vasa iniquitatis bellantia ⁶ in consilio eorum ne veniat anima mea et in coetu illorum non sit gloria mea quia in furore suo occiderunt virum et in voluntate sua suffoderunt murum ⁷ maledictus furor eorum quia pertinax et indignatio illorum quia dura dividam eos in Iacob et dispergam illos in Israhel ⁸ Iuda te laudabunt fratres tui manus tua in cervicibus inimicorum tuorum adorabunt te filii patris tui ⁹ catulus leonis Iuda a praeda fili mi ascendisti requiescens accubuisti ut leo et quasi leaena quis suscitabit eum ¹⁰ non auferetur sceptrum de Iuda et dux de femoribus eius donec veniat qui mittendus est et ipse erit expectatio gentium ¹¹ ligans ad vineam pullum suum et ad vitem o fili mi asinam suam lavabit vino stolam suam et sanguine uvae pallium suum ¹² pulchriores oculi eius vino et dentes lacte candidiores ¹³ Zabulon in litore maris habitabit et in statione navium pertingens usque ad Sidonem ¹⁴ Isachar asinus fortis accubans inter terminos ¹⁵ vidit requiem quod esset bona et terram quod optima et subposuit umerum suum ad portandum factusque est tributis serviens ¹⁶ Dan iudicabit populum suum sicut et alia tribus Israhel ¹⁷ fiat Dan coluber in via cerastes in semita mordens ungulas equi ut cadat ascensor eius retro ¹⁸ salutare tuum expectabo Domine ¹⁹ Gad accinctus proeliabitur ante eum et ipse accingetur retrorsum ²⁰ Aser pinguis panis eius et praebebit delicias regibus ²¹ Nepthalim cervus emissus et dans eloquia pulchritudinis ²² filius adcrescens Ioseph filius adcrescens et decorus aspectu filiae discurrerunt super murum ²³ sed exasperaverunt eum et iurgati sunt invideruntque illi habentes iacula ²⁴ sedit in forti arcus eius et dissoluta sunt vincula brachiorum et manuum illius per manus potentis Iacob inde pastor egressus est lapis Israhel ²⁵ Deus patris tui erit adiutor tuus et Omnipotens benedicet tibi benedictionibus caeli desuper benedictionibus abyssi iacentis deorsum benedictionibus uberum et vulvae ²⁶ benedictiones patris tui confortatae sunt benedictionibus patrum eius donec veniret desiderium collium aeternorum fiant in capite Ioseph et in vertice nazarei inter fratres suos ²⁷ Beniamin lupus rapax mane comedet praedam et vespere dividet spolia

¹⁴ isti sunt principes domorum per familias suas filii Ruben primogeniti Israhelis Enoch et Phallu Aesrom et Charmi ¹⁵ hae cognationes Ruben filii Symeon Iamuhel et Iamin et Aod Iachin et Soer et Saul filius Chananitidis hae progenies Symeon ¹⁶ et haec nomina filiorum Levi per cognationes suas Gerson et Caath et Merari anni autem vitae Levi fuerunt centum triginta septem

¹ filii autem Israhel Ruben Symeon Levi Iuda Isachar et Zabulon ² Dan Ioseph Beniamin Nepthali Gad Aser

²³ iste quoque est numerus principum exercitus qui venerunt ad David cum esset in Hebron ut transferrent regnum Saul ad eum iuxta verbum Domini ²⁴ filii Iuda portantes clypeum et hastam sex milia octingenti expediti ad proelium ²⁵ de filiis Symeon virorum fortissimorum ad pugnandum septem milia centum ²⁶ de filiis Levi quattuor milia sescenti ²⁷ Ioiada quoque princeps de stirpe Aaron et cum eo tria milia septingenti ²⁸ Sadoc etiam puer egregiae indolis et domus patris eius principes viginti duo ²⁹ de filiis autem Beniamin fratribus Saul tria milia magna enim pars eorum adhuc sequebatur domum Saul ³⁰ porro de filiis Ephraim viginti milia octingenti fortissimi robore viri nominati in cognationibus suis ³¹ et ex dimidia parte tribus Manasse decem et octo milia singuli per nomina sua venerunt ut constituerent regem David ³² de filiis quoque Isachar viri eruditi qui norant singula tempora ad praecipiendum quid facere deberet Israhel principes ducenti omnis autem reliqua tribus eorum consilium sequebatur ³³ porro de Zabulon qui egrediebantur ad proelium et stabant in acie instructi armis bellicis quinquaginta milia venerunt in auxilium non in corde duplici ³⁴ et de Nepthali principes mille et cum eis instructa clypeo et hasta triginta septem milia ³⁵ de Dan etiam praeparata ad proelium viginti octo milia sescentorum ³⁶ et de Aser egredientes ad pugnam et in acie provocantes quadraginta milia ³⁷ trans Iordanem autem de filiis Ruben et Gad et dimidia parte tribus Manasse instructa armis bellicis centum viginti milia ³⁸ omnes isti viri bellatores et expediti ad pugnandum corde perfecto venerunt in Hebron ut constituerent regem David super universum Israhel sed et omnes reliqui ex Israhel uno corde erant ut rex fieret David ³⁹ fueruntque ibi apud David tribus diebus comedentes et bibentes praeparaverunt enim eis fratres sui ⁴⁰ sed et qui iuxta eos erant usque ad Isachar et Zabulon et Nepthalim adferebant panes in asinis et camelis et mulis et bubus ad vescendum farinam palatas uvam passam vinum oleum boves arietes ad omnem copiam gaudium quippe erat in Israhel

¹⁶ porro tribubus praeerant Israhel Rubenitis dux Eliezer filius Zechri Symeonitis dux Saphatias filius Macha ¹⁷ Levitis Asabias filius Camuhel Aaronitis Sadoc ¹⁸ Iuda Heliu frater David Isachar Amri filius Michahel ¹⁹ Zabulonitis Iesmaias filius Abdiae Nepthalitibus Ierimoth filius Ozihel ²⁰ filiis Ephraim Osee filius Ozaziu dimidio tribus Manasse Iohel filius Phadiae ²¹ et dimidio tribus Manasse in Galaad Iaddo filius Zacchariae Beniamin autem Iasihel filius Abner ²² Dan vero Ezrihel filius Hieroam hii principes filiorum Israhel

⁴ et audivi numerum signatorum centum quadraginta quattuor milia signati ex omni tribu filiorum Israhel ⁵ ex tribu Iuda duodecim milia signati ex tribu Ruben duodecim milia ex tribu Gad duodecim milia ⁶ ex tribu Aser duodecim milia ex tribu Nepthalim duodecim milia ex tribu Manasse duodecim milia ⁷ ex tribu Symeon duodecim milia ex tribu Levi duodecim milia ex tribu Issachar duodecim milia ⁸ ex tribu Zabulon duodecim milia ex tribu Ioseph duodecim milia ex tribu Beniamin duodecim milia signati

²² cumque habitaret in illa regione abiit Ruben et dormivit cum Bala concubina patris sui quod illum minime latuit erant autem filii Iacob duodecim ²³ filii Liae primogenitus Ruben et Symeon et Levi et Iudas et Isachar et Zabulon

²⁰ in quarto chrysolitus onychinus et berillus inclusi auro erunt per ordines suos

²⁶ cunctae animae quae ingressae sunt cum Iacob in Aegyptum et egressae de femore illius absque uxoribus filiorum sexaginta sex ²⁷ filii autem Ioseph qui nati sunt ei in terra Aegypti animae duae omnis anima domus Iacob quae ingressa est Aegyptum fuere septuaginta

²⁰ bene ergo fecit Deus obsetricibus et crevit populus confortatusque est nimis

²² in septuaginta animabus descenderunt patres tui in Aegyptum et ecce nunc multiplicavit te Dominus Deus tuus sicut astra caeli

³⁰ habuitque septuaginta filios qui egressi sunt de femore eius eo quod plures haberet uxores

²⁴ quibus transactis locutus est fratribus suis post mortem meam Deus visitabit vos et ascendere faciet de terra ista ad terram quam iuravit Abraham Isaac et Iacob

²⁶ mortuus est expletis centum decem vitae suae annis et conditus aromatibus repositus est in loculo in Aegypto

¹⁴ mittens autem Ioseph accersivit Iacob patrem suum et omnem cognationem in animabus septuaginta quinque ¹⁵ et descendit Iacob in Aegyptum et defunctus est ipse et patres nostri ¹⁶ et translati sunt in Sychem et positi sunt in sepulchro quod emit Abraham pretio argenti a filiis Emmor filii Sychem

²⁰ dixit etiam Deus producant aquae reptile animae viventis et volatile super terram sub firmamento caeli

²⁸ benedixitque illis Deus et ait crescite et multiplicamini et replete terram et subicite eam et dominamini piscibus maris et volatilibus caeli et universis animantibus quae moventur super terram

¹ benedixitque Deus Noe et filiis eius et dixit ad eos crescite et multiplicamini et implete terram

² faciamque te in gentem magnam et benedicam tibi et magnificabo nomen tuum erisque benedictus

¹⁶ faciamque semen tuum sicut pulverem terrae si quis potest hominum numerare pulverem semen quoque tuum numerare poterit

⁵ eduxitque eum foras et ait illi suspice caelum et numera stellas si potes et dixit ei sic erit semen tuum

⁴ dixitque ei Deus ego sum et pactum meum tecum erisque pater multarum gentium ⁵ nec ultra vocabitur nomen tuum Abram sed appellaberis Abraham quia patrem multarum gentium constitui te ⁶ faciamque te crescere vehementissime et ponam in gentibus regesque ex te egredientur

¹⁶ et benedicam ei et ex illa dabo tibi filium cui benedicturus sum eritque in nationes et reges populorum orientur ex eo

¹⁷ benedicam tibi et multiplicabo semen tuum sicut stellas caeli et velut harenam quae est in litore maris possidebit semen tuum portas inimicorum suorum

⁴ et multiplicabo semen tuum sicut stellas caeli daboque posteris tuis universas regiones has et benedicentur in semine tuo omnes gentes terrae

³ Deus autem omnipotens benedicat tibi et crescere te faciat atque multiplicet ut sis in turbas populorum ⁴ et det tibi benedictiones Abraham et semini tuo post te ut possideas terram peregrinationis tuae quam pollicitus est avo tuo

¹⁴ eritque germen tuum quasi pulvis terrae dilataberis ad occidentem et orientem septentrionem et meridiem et benedicentur in te et in semine tuo cunctae tribus terrae

¹¹ dixitque ei ego Deus omnipotens cresce et multiplicare gentes et populi nationum erunt ex te reges de lumbis tuis egredientur

³ ait illi Deus ego sum Fortissimus Deus patris tui noli timere et descende in Aegyptum quia in gentem magnam faciam te ibi

²⁷ habitavit ergo Israhel in Aegypto id est in terra Gessen et possedit eam auctusque est et multiplicatus nimis

⁴ et ait ego te augebo et multiplicabo et faciam in turbas populorum daboque tibi terram hanc et semini tuo post te in possessionem sempiternam

¹⁶ angelus qui eruit me de cunctis malis benedicat pueris et invocetur super eos nomen meum nomina quoque patrum meorum Abraham et Isaac et crescant in multitudinem super terram

³⁷ profectique sunt filii Israhel de Ramesse in Soccoth sescenta ferme milia peditum virorum absque parvulis

⁵ et loqueris in conspectu Domini Dei tui Syrus persequebatur patrem meum qui descendit in Aegyptum et ibi peregrinatus est in paucissimo numero crevitque in gentem magnam et robustam et infinitae multitudinis

²³ et filios eorum multiplicasti sicut stellas caeli et adduxisti eos ad terram de qua dixeras patribus eorum ut ingrederentur et possiderent

²⁴ et ingressus est Israhel Aegyptum et Iacob advena fuit in terra Ham

¹⁷ cum adpropinquaret autem tempus repromissionis quam confessus erat Deus Abrahae crevit populus et multiplicatus est in Aegypto ¹⁸ quoadusque surrexit rex alius in Aegypto qui non sciebat Ioseph

¹⁸ rursum detestatus sum omnem industriam meam quae sub sole studiosissime laboravi habiturus heredem post me ¹⁹ quem ignoro utrum sapiens an stultus futurus sit et dominabitur in laboribus meis quibus desudavi et sollicitus fui et est quicquam tam vanum

¹⁵ inventusque in ea vir pauper et sapiens liberavit urbem per sapientiam suam et nullus deinceps recordatus est hominis illius pauperis

¹⁸ quoadusque surrexit rex alius in Aegypto qui non sciebat Ioseph

⁴ dixit ad maiores natu Madian ita delebit hic populus omnes qui in nostris finibus commorantur quomodo solet bos herbas usque ad radices carpere ipse erat eo tempore rex in Moab ⁵ misit ergo nuntios ad Balaam filium Beor ariolum qui habitabat super flumen terrae filiorum Ammon ut vocarent eum et dicerent ecce egressus est populus ex Aegypto qui operuit superficiem terrae sedens contra me

² vere stultum interficit iracundia et parvulum occidit invidia

²⁴ et ingressus est Israhel Aegyptum et Iacob advena fuit in terra Ham ²⁵ et crescere fecit populum suum nimis et roboravit eum super hostes eius

²⁸ in multitudine populi dignitas regis et in paucitate plebis ignominia principis

⁴ ira non habet misericordiam nec erumpens furor et impetum concitati ferre quis poterit

⁴ rursum contemplatus omnes labores hominum et industrias animadverti patere invidiae proximi et in hoc ergo vanitas et cura superflua est

³ eramus enim et nos aliquando insipientes increduli errantes servientes desideriis et voluptatibus variis in malitia et invidia agentes odibiles odientes invicem

¹⁴ quod si zelum amarum habetis et contentiones in cordibus vestris nolite gloriari et mendaces esse adversus veritatem ¹⁵ non est ista sapientia desursum descendens sed terrena animalis diabolica ¹⁶ ubi enim zelus et contentio ibi inconstantia et omne opus pravum

⁵ aut putatis quia inaniter scriptura dicat ad invidiam concupiscit Spiritus qui inhabitat in nobis

⁶ veni igitur et maledic populo huic quia fortior me est si quo modo possim percutere et eicere eum de terra mea novi enim quod benedictus sit cui benedixeris et maledictus in quem maledicta congesseris

¹³ qui adprehendit sapientes in astutia eorum et consilium pravorum dissipat

² in superbia impii ardet pauper capiantur in sceleribus quae cogitaverunt

³ contra populum tuum nequiter tractaverunt et inierunt consilium adversum arcanum tuum ⁴ dixerunt venite et conteramus eos de gente et non sit memoria nominis Israhel ultra

²⁵ et crescere fecit populum suum nimis et roboravit eum super hostes eius

¹¹ si dixerint veni nobiscum insidiemur sanguini abscondamus tendiculas contra insontem frustra

²⁵ est via quae videtur homini recta et novissimum eius ducit ad mortem

³⁰ non est sapientia non est prudentia non est consilium contra Dominum

¹⁹ hic circumveniens genus nostrum adflixit patres ut exponerent infantes suos ne vivificarentur

¹² facta autem die collegerunt se quidam ex Iudaeis et devoverunt se dicentes neque manducaturos neque bibituros donec occiderent Paulum

¹⁸ nemo se seducat si quis videtur inter vos sapiens esse in hoc saeculo stultus fiat ut sit sapiens ¹⁹ sapientia enim huius mundi stultitia est apud Deum scriptum est enim conprehendam sapientes in astutia eorum ²⁰ et iterum Dominus novit cogitationes sapientium quoniam vanae sunt

¹⁵ non est ista sapientia desursum descendens sed terrena animalis diabolica ¹⁶ ubi enim zelus et contentio ibi inconstantia et omne opus pravum ¹⁷ quae autem desursum est sapientia primum quidem pudica est deinde pacifica modesta suadibilis plena misericordia et fructibus bonis non iudicans sine simulatione ¹⁸ fructus autem iustitiae in pace seminatur facientibus pacem

¹³ dictumque est ad eum scito praenoscens quod peregrinum futurum sit semen tuum in terra non sua et subicient eos servituti et adfligent quadringentis annis

¹¹ Ioseph vero patri et fratribus suis dedit possessionem in Aegypto in optimo loco terrae solo Ramesses ut praeceperat Pharao

¹¹ in diebus illis postquam creverat Moses egressus ad fratres suos vidit adflictionem eorum et virum aegyptium percutientem quendam de Hebraeis fratribus suis

⁷ cui ait Dominus vidi adflictionem populi mei in Aegypto et clamorem eius audivi propter duritiam eorum qui praesunt operibus

⁴ ait ad eos rex Aegypti quare Moses et Aaron sollicitatis populum ab operibus suis ite ad onera vestra ⁵ dixitque Pharao multus est populus terrae videtis quod turba succreverit quanto magis si dederitis eis requiem ab operibus ⁶ praecepit ergo in die illo praefectis operum et exactoribus populi dicens

¹⁵ veneruntque praepositi filiorum Israhel et vociferati sunt ad Pharaonem dicentes cur ita agis contra servos tuos

⁶ ideo dic filiis Israhel ego Dominus qui educam vos de ergastulo Aegyptiorum et eruam de servitute ac redimam in brachio excelso et iudiciis magnis ⁷ et adsumam vos mihi in populum et ero vester Deus scietisque quod ego sim Dominus Deus vester qui eduxerim vos de ergastulo Aegyptiorum

¹⁵ quomodo descenderint patres nostri in Aegyptum et habitaverimus ibi multo tempore adflixerintque nos Aegyptii et patres nostros

⁶ adflixeruntque nos Aegyptii et persecuti sunt inponentes onera gravissima

¹⁹ et omnes vicos qui ad se pertinebant et erant absque muro munivit et civitates curruum et civitates equitum et quodcumque ei placuit ut aedificaret in Hierusalem et in Libano et in omni terra potestatis suae

⁴ et aedificavit Palmyram in deserto et alias civitates munitissimas aedificavit in Emath

¹³ cum divideret Robustissimus reges in ea nive dealbata est in Selmon

⁶ amovi ab onere umerum eius manus eius a cofino recesserunt

¹³ cum essent viri pauci modici et advenae in ea

⁹ et ait ad populum suum ecce populus filiorum Israhel multus et fortior nobis

¹⁹ Pharisaei ergo dixerunt ad semet ipsos videtis quia nihil proficimus ecce mundus totus post eum abiit

² dolentes quod docerent populum et adnuntiarent in Iesu resurrectionem ex mortuis ³ et iniecerunt in eis manus et posuerunt eos in custodiam in crastinum erat enim iam vespera ⁴ multi autem eorum qui audierant verbum crediderunt et factus est numerus virorum quinque milia

²⁸ dicens praecipiendo praecepimus vobis ne doceretis in nomine isto et ecce replestis Hierusalem doctrina vestra et vultis inducere super nos sanguinem hominis istius ²⁹ respondens autem Petrus et apostoli dixerunt oboedire oportet Deo magis quam hominibus ³⁰ Deus patrum nostrorum suscitavit Iesum quem vos interemistis suspendentes in ligno ³¹ hunc Deus principem et salvatorem exaltavit dextera sua ad dandam paenitentiam Israhel et remissionem peccatorum ³² et nos sumus testes horum verborum et Spiritus Sanctus quem dedit Deus omnibus oboedientibus sibi ³³ haec cum audissent dissecabantur et cogitabant interficere illos

²⁸ scimus autem quoniam diligentibus Deum omnia cooperantur in bonum his qui secundum propositum vocati sunt sancti

⁶ quem enim diligit Dominus castigat flagellat autem omnem filium quem recipit ⁷ in disciplina perseverate tamquam filiis vobis offert Deus quis enim filius quem non corripit pater ⁸ quod si extra disciplinam estis cuius participes facti sunt omnes ergo adulteri et non filii estis ⁹ deinde patres quidem carnis nostrae habuimus eruditores et reverebamur non multo magis obtemperabimus Patri spirituum et vivemus ¹⁰ et illi quidem in tempore paucorum dierum secundum voluntatem suam erudiebant nos hic autem ad id quod utile est in recipiendo sanctificationem eius ¹¹ omnis autem disciplina in praesenti quidem videtur non esse gaudii sed maeroris postea autem fructum pacatissimum exercitatis per eam reddit iustitiae

²⁰ vos autem tulit Dominus et eduxit de fornace ferrea Aegypti ut haberet populum hereditarium sicut est in praesenti die

¹³ oderantque filios Israhel Aegyptii et adfligebant inludentes eis

²³ post multum temporis mortuus est rex Aegypti et ingemescentes filii Israhel propter opera vociferati sunt ascenditque clamor eorum ad Deum ab operibus

⁷ nequaquam ultra dabitis paleas populo ad conficiendos lateres sicut prius sed ipsi vadant et colligant stipulam ⁸ et mensuram laterum quos prius faciebant inponetis super eos nec minuetis quicquam vacant enim et idcirco vociferantur dicentes eamus et sacrificemus Deo nostro ⁹ opprimantur operibus et expleant ea ut non adquiescant verbis mendacibus ¹⁰ igitur egressi praefecti operum et exactores ad populum dixerunt sic dicit Pharao non do vobis paleas ¹¹ ite et colligite sicubi invenire potueritis nec minuetur quicquam de opere vestro ¹² dispersusque est populus per omnem terram Aegypti ad colligendas paleas ¹³ praefecti quoque operum instabant dicentes conplete opus vestrum cotidie ut prius facere solebatis quando dabantur vobis paleae ¹⁴ flagellatique sunt qui praeerant operibus filiorum Israhel ab exactoribus Pharaonis dicentibus quare non impletis mensuram laterum sicut prius nec heri nec hodie ¹⁵ veneruntque praepositi filiorum Israhel et vociferati sunt ad Pharaonem dicentes cur ita agis contra servos tuos ¹⁶ paleae non dantur nobis et lateres similiter imperantur en famuli tui flagellis caedimur et iniuste agitur contra populum tuum ¹⁷ qui ait vacatis otio et idcirco dicitis eamus et sacrificemus Domino ¹⁸ ite ergo et operamini paleae non dabuntur vobis et reddetis consuetum numerum laterum ¹⁹ videbantque se praepositi filiorum Israhel in malo eo quod diceretur eis non minuetur quicquam de lateribus per singulos dies ²⁰ occurreruntque Mosi et Aaron qui stabant ex adverso egredientes a Pharaone ²¹ et dixerunt ad eos videat Dominus et iudicet quoniam fetere fecistis odorem nostrum coram Pharao et servis eius et praebuistis ei gladium ut occideret nos

⁹ narravit ergo Moses omnia filiis Israhel qui non adquieverunt ei propter angustiam spiritus et opus durissimum

² ego sum Dominus Deus tuus qui eduxi te de terra Aegypti de domo servitutis

⁴³ ne adfligas eum per potentiam sed metuito Deum tuum

⁴⁶ et hereditario iure transmittetis ad posteros ac possidebitis in aeternum fratres autem vestros filios Israhel ne opprimatis per potentiam

⁵³ quibus ante servivit mercedibus inputatis non adfliget eum violenter in conspectu tuo

²⁰ quibus ait ne vocetis me Noemi id est pulchram sed vocate me Mara hoc est amaram quia valde me amaritudine replevit Omnipotens

⁶ caedentem populos in indignatione plaga insanabili subicientem in furore gentes persequentem crudeliter

²³ et ponam illud in manu eorum qui te humiliaverunt et dixerunt animae tuae incurvare ut transeamus et posuisti ut terram corpus tuum et quasi viam transeuntibus

⁵ et nunc quid mihi est hic dicit Dominus quoniam ablatus est populus meus gratis dominatores eius inique agunt dicit Dominus et iugiter tota die nomen meum blasphematur

⁶ nonne hoc est magis ieiunium quod elegi dissolve conligationes impietatis solve fasciculos deprimentes dimitte eos qui confracti sunt liberos et omne onus disrumpe

³³ haec dicit Dominus exercituum calumniam sustinent filii Israhel et filii Iuda simul omnes qui ceperunt eos tenent nolunt dimittere eos ³⁴ redemptor eorum Fortis Dominus exercituum nomen eius iudicio defendet causam eorum ut exterreat terram et commoveat habitatores Babylonis

³ qui comederunt carnem populi mei et pellem eorum desuper excoriaverunt et ossa eorum confregerunt et conciderunt sicut in lebete et quasi carnem in medio ollae

¹⁴ aquam propter obsidionem hauri tibi extrue munitiones tuas intra in lutum et calca subigens tene laterem

³⁴ videns vidi adflictionem populi mei qui est in Aegypto et gemitum eorum audivi et descendi liberare eos et nunc veni et mittam te in Aegyptum

²² praecepit autem Pharao omni populo suo dicens quicquid masculini sexus natum fuerit in flumen proicite quicquid feminei reservate

³⁸ agricolae autem videntes filium dixerunt intra se hic est heres venite occidamus eum et habebimus hereditatem eius

⁴ et cauda eius trahebat tertiam partem stellarum caeli et misit eas in terram et draco stetit ante mulierem quae erat paritura ut cum peperisset filium eius devoraret

¹¹ respondit Abraham cogitavi mecum dicens forsitan non est timor Dei in loco isto et interficient me propter uxorem meam

¹⁸ die autem tertio eductis de carcere ait facite quod dixi et vivetis Deum enim timeo

²¹ et quia timuerant obsetrices Deum aedificavit illis domos

¹⁵ duces autem primi qui fuerant ante me gravaverunt populum et acceperunt ab eis in pane vino et pecunia cotidie siclos quadraginta sed et ministri eorum depresserant populum ego autem non feci ita propter timorem Dei

¹⁹ quam multa est bonitas tua quam abscondisti timentibus te operatus es sperantibus in te in conspectu filiorum hominum

¹³ timor Domini odit malum arrogantiam et superbiam et viam pravam et os bilingue detestor

⁶ misericordia et veritate redimitur iniquitas et in timore Domini declinatur a malo

¹¹ erue eos qui ducuntur ad mortem et qui trahuntur ad interitum liberare ne cesses ¹² si dixeris vires non suppetunt qui inspector est cordis ipse intellegit et servatorem animae tuae nihil fallit reddetque homini iuxta opera sua

¹² attamen ex eo quod peccator centies facit malum et per patientiam sustentatur ego cognovi quod erit bonum timentibus Deum qui verentur faciem eius

¹³ finem loquendi omnes pariter audiamus Deum time et mandata eius observa hoc est enim omnis homo

¹⁶ respondentes Sedrac Misac et Abdenago dixerunt regi Nabuchodonosor non oportet nos de hac re respondere tibi ¹⁷ ecce enim Deus noster quem colimus potest eripere nos de camino ignis ardentis et de manibus tuis rex liberare ¹⁸ quod si noluerit notum tibi sit rex quia deos tuos non colimus et statuam auream quam erexisti non adoramus

¹³ tunc respondentes dixerunt coram rege Danihel de filiis captivitatis Iudae non curavit de lege tua et de edicto quod constituisti sed tribus temporibus per diem orat obsecratione sua

¹¹ calumniam patiens Ephraim fractus iudicio quoniam coepit abire post sordem

¹⁶ et custodisti praecepta Omri et omne opus domus Achab et ambulasti in voluntatibus eorum ut darem te in perditionem et habitantes in ea in sibilum et obprobrium populi mei portabitis

²⁸ et nolite timere eos qui occidunt corpus animam autem non possunt occidere sed potius eum timete qui potest et animam et corpus perdere in gehennam

⁵ ostendam autem vobis quem timeatis timete eum qui postquam occiderit habet potestatem mittere in gehennam ita dico vobis hunc timete

¹⁸ et vocantes eos denuntiaverunt ne omnino loquerentur neque docerent in nomine Iesu ¹⁹ Petrus vero et Iohannes respondentes dixerunt ad eos si iustum est in conspectu Dei vos potius audire quam Deum iudicate ²⁰ non enim possumus quae vidimus et audivimus non loqui

²⁹ respondens autem Petrus et apostoli dixerunt oboedire oportet Deo magis quam hominibus

²⁸ praeceperat autem Absalom pueris suis dicens observate cum temulentus fuerit Amnon vino et dixero vobis percutite eum et interficite nolite timere ego enim sum qui praecepi vobis roboramini et estote viri fortes

⁴ et sermo illius potestate plenus est nec dicere ei quisquam potest quare ita facis

⁴ tollensque mulier viros abscondit et ait fateor venerunt ad me sed nesciebam unde essent ⁵ cumque porta clauderetur in tenebris et illi pariter exierunt nescio quo abierunt persequimini cito et conprehendetis eos ⁶ ipsa autem fecit ascendere viros in solarium domus suae operuitque eos lini stipula quae ibi erat ⁷ hii autem qui missi fuerant secuti sunt eos per viam quae ducit ad vadum Iordanis illisque egressis statim porta clausa est ⁸ necdum obdormierant qui latebant et ecce mulier ascendit ad eos et ait ⁹ novi quod tradiderit Dominus vobis terram etenim inruit in nos terror vester et elanguerunt omnes habitatores terrae ¹⁰ audivimus quod siccaverit Dominus aquas maris Rubri ad vestrum introitum quando egressi estis ex Aegypto et quae feceritis duobus Amorreorum regibus qui erant trans Iordanem Seon et Og quos interfecistis ¹¹ et haec audientes pertimuimus et elanguit cor nostrum nec remansit in nobis spiritus ad introitum vestrum Dominus enim Deus vester ipse est Deus in caelo sursum et in terra deorsum ¹² nunc ergo iurate mihi per Dominum ut quomodo ego feci vobiscum misericordiam ita et vos faciatis cum domo patris mei detisque mihi signum verum ¹³ et salvetis patrem meum et matrem fratres ac sorores meas et omnia quae eorum sunt et eruatis animas nostras de morte ¹⁴ qui responderunt ei anima nostra sit pro vobis in mortem si tamen non prodideris nos cumque tradiderit nobis Dominus terram faciemus in te misericordiam et veritatem ¹⁵ dimisit ergo eos per funem de fenestra domus enim eius herebat muro ¹⁶ dixitque ad eos ad montana conscendite ne forte occurrant vobis revertentes ibique latete diebus tribus donec redeant et sic ibitis per viam vestram ¹⁷ qui dixerunt ad eam innoxii erimus a iuramento hoc quo adiurasti nos ¹⁸ si ingredientibus nobis terram signum fuerit funiculus iste coccineus et ligaveris eum in fenestra per quam nos dimisisti et patrem tuum ac matrem fratresque et omnem cognationem tuam congregaveris in domum tuam ¹⁹ qui ostium domus tuae egressus fuerit sanguis ipsius erit in caput eius et nos erimus alieni cunctorum autem sanguis qui tecum fuerint in domo redundabit in caput nostrum si eos aliquis tetigerit ²⁰ quod si nos prodere volueris et sermonem istum proferre in medium erimus mundi ab hoc iuramento quo adiurasti nos ²¹ et illa respondit sicut locuti estis ita fiat dimittensque eos ut pergerent adpendit funiculum coccineum in fenestra ²² illi vero ambulantes pervenerunt ad montana et manserunt ibi tres dies donec reverterentur qui fuerant persecuti quaerentes enim per omnem viam non reppererunt eos ²³ quibus urbem ingressis reversi sunt et descenderunt exploratores de monte et Iordane transmisso venerunt ad Iosue filium Nun narraveruntque ei omnia quae acciderant sibi ²⁴ atque dixerunt tradidit Dominus in manus nostras omnem terram hanc et timore prostrati sunt cuncti habitatores eius

² et ait David ad Ahimelech sacerdotem rex praecepit mihi sermonem et dixit nemo sciat rem propter quam a me missus es et cuiusmodi tibi praecepta dederim nam et pueris condixi in illum et illum locum

¹⁹ tulit autem mulier et expandit velamen super os putei quasi siccans ptisanas et sic res latuit ²⁰ cumque venissent servi Absalom ad mulierem in domum dixerunt ubi est Achimaas et Ionathan et respondit eis mulier transierunt gustata paululum aqua at hii qui quaerebant cum non repperissent reversi sunt Hierusalem

⁷ filii Israhel creverunt et quasi germinantes multiplicati sunt ac roborati nimis impleverunt terram

¹² quantoque opprimebant eos tanto magis multiplicabantur et crescebant

¹ pro victoria canticum David beatus qui cogitat de paupere in die mala salvabit eum Dominus ² Dominus custodiet eum et vivificabit eum et beatus erit in terra et non tradet eum animae inimicorum suorum

⁵ dies super dies regis adicies annos eius donec est generatio et generatio

⁹ verumtamen prope est his qui timent eum salutare eius ut habitet gloria in terra nostra

¹¹ non secundum peccata nostra fecit nobis neque secundum iniquitates nostras retribuit nobis

⁵ teth escam dedit timentibus se ioth memor erit in sempiternum pacti sui

¹⁹ coph iuxta est Dominus omnibus qui invocant eum omnibus qui invocant eum in veritate

¹⁸ impius facit opus instabile seminanti autem iustitiam merces fidelis

¹⁷ feneratur Domino qui miseretur pauperis et vicissitudinem suam reddet ei

¹⁰ dicite iusto quoniam bene quoniam fructum adinventionum suarum comedet

⁴² et quicumque potum dederit uni ex minimis istis calicem aquae frigidae tantum in nomine discipuli amen dico vobis non perdet mercedem suam

⁴⁰ et respondens rex dicet illis amen dico vobis quamdiu fecistis uni de his fratribus meis minimis mihi fecistis

⁵⁰ et misericordia eius in progenies et progenies timentibus eum

¹⁰ non enim iniustus Deus ut obliviscatur operis vestri et dilectionis quam ostendistis in nomine ipsius qui ministrastis sanctis et ministratis

³⁵ et suscitabo mihi sacerdotem fidelem qui iuxta cor meum et animam meam faciat et aedificabo ei domum fidelem et ambulabit coram christo meo cunctis diebus

²⁸ aufer iniquitatem famulae tuae faciens enim faciet tibi Dominus domino meo domum fidelem quia proelia Domini domine mi tu proeliaris malitia ergo non inveniatur in te omnibus diebus vitae tuae

¹¹ ex die qua constitui iudices super populum meum Israhel et requiem dabo tibi ab omnibus inimicis tuis praedicitque tibi Dominus quod domum faciat tibi Dominus ¹² cumque conpleti fuerint dies tui et dormieris cum patribus tuis suscitabo semen tuum post te quod egredietur de utero tuo et firmabo regnum eius ¹³ ipse aedificabit domum nomini meo et stabiliam thronum regni eius usque in sempiternum

²⁷ quia tu Domine exercituum Deus Israhel revelasti aurem servi tui dicens domum aedificabo tibi propterea invenit servus tuus cor suum ut oraret te oratione hac ²⁸ nunc ergo Domine Deus tu es Deus et verba tua erunt vera locutus es enim ad servum tuum bona haec ²⁹ incipe igitur et benedic domui servi tui ut sit in sempiternum coram te quia tu Domine Deus locutus es et benedictione tua benedicetur domus servi tui in sempiternum

²⁴ et nunc vivit Dominus qui firmavit me et conlocavit super solium David patris mei et qui fecit mihi domum sicut locutus est quia hodie occidetur Adonias

³⁸ si igitur audieris omnia quae praecepero tibi et ambulaveris in viis meis et feceris quod rectum est coram me custodiens mandata mea et praecepta mea sicut fecit David servus meus ero tecum et aedificabo tibi domum fidelem quomodo aedificavi David et tradam tibi Israhel

³ beth spera in Domino et fac bonum peregrinare in terra et pascere fide

¹ canticum graduum Salomonis nisi Dominus aedificaverit domum in vanum laboraverunt qui aedificant eam nisi Dominus custodierit civitatem frustra vigilat qui custodit eam

³ ecce hereditas Domini filii mercis fructus ventris

³ sapientia aedificabitur domus et prudentia roborabitur

² vade ad domum Rechabitarum et loquere eis et introduces eos in domum Domini in unam exedram thesaurorum et dabis eis bibere vinum

¹ post duos annos vidit Pharao somnium putabat se stare super fluvium

¹⁶ praecipiens eis quando obsetricabitis Hebraeas et partus tempus advenerit si masculus fuerit interficite illum si femina reservate

¹⁹ dixit quoque Dominus ad Mosen dic ad Aaron tolle virgam tuam et extende manum tuam super aquas Aegypti et super fluvios eorum et rivos ac paludes et omnes lacus aquarum ut vertantur in sanguinem et sit cruor in omni terra Aegypti tam in ligneis vasis quam in saxeis ²⁰ feceruntque ita Moses et Aaron sicut praeceperat Dominus et elevans virgam percussit aquam fluminis coram Pharao et servis eius quae versa est in sanguinem ²¹ et pisces qui erant in flumine mortui sunt conputruitque fluvius et non poterant Aegyptii bibere aquam fluminis et fuit sanguis in tota terra Aegypti

¹⁶ pedes enim illorum ad malum currunt et festinant ut effundant sanguinem

¹⁶ non enim dormiunt nisi malefecerint et rapitur somnus ab eis nisi subplantaverint

⁴ et tertius effudit fialam suam super flumina et super fontes aquarum et factus est sanguis ⁵ et audivi angelum aquarum dicentem iustus es qui es et qui eras sanctus quia haec iudicasti ⁶ quia sanguinem sanctorum et prophetarum fuderunt et sanguinem eis dedisti bibere digni sunt