HOT(i)
23 ויאמר אלהם הוא אשׁר דבר יהוה שׁבתון שׁבת קדשׁ ליהוה מחר את אשׁר תאפו אפו ואת אשׁר תבשׁלו בשׁלו ואת כל העדף הניחו לכם למשׁמרת עד הבקר׃ 24 ויניחו אתו עד הבקר כאשׁר צוה משׁה ולא הבאישׁ ורמה לא היתה׃ 25 ויאמר משׁה אכלהו היום כי שׁבת היום ליהוה היום לא תמצאהו בשׂדה׃ 26 שׁשׁת ימים תלקטהו וביום השׁביעי שׁבת לא יהיה׃ 27 ויהי ביום השׁביעי יצאו מן העם ללקט ולא מצאו׃ 28 ויאמר יהוה אל משׁה עד אנה מאנתם לשׁמר מצותי ותורתי׃ 29 ראו כי יהוה נתן לכם השׁבת על כן הוא נתן לכם ביום השׁשׁי לחם יומים שׁבו אישׁ תחתיו אל יצא אישׁ ממקמו ביום השׁביעי׃