Genesis 24:13-20

HOT^{(i) 13} הנה אנכי נצב על עין המים ובנות אנשׁי העיר יצאת לשׁאב מים׃ ¹⁴ והיה הנער אשׁר אמר אליה הטי נא כדך ואשׁתה ואמרה שׁתה וגם גמליך אשׁקה אתה הכחת לעבדך ליצחק ובה אדע כי עשׂית חסד עם אדני׃ ¹⁵ ויהי הוא טרם כלה לדבר והנה רבקה יצאת אשׁר ילדה לבתואל בן מלכה אשׁת נחור אחי אברהם וכדה על שׁכמה׃ ¹⁶ והנער טבת מראה מאד בתולה ואישׁ לא ידעה ותרד העינה ותמלא כדה ותעל׃ ¹⁷ וירץ העבד לקראתה ויאמר הגמיאיני נא מעט מים מכדך׃ ¹⁸ ותאמר שׁתה אדני ותמהר ותרד כדה על ידה ותשׁקהו׃ ¹⁹ ותכל להשׁקתו ותאמר גם לגמליך אשׁאב עד אם כלו לשׁתת׃ ²⁰ ותמהר ותער כדה אל השׁקת ותרץ עוד אל הבאר לשׁאב ותשׁאב לכל גמליו׃