HOT(i)
8 ויהי ככלות ירמיהו לדבר את כל אשׁר צוה יהוה לדבר אל כל העם ויתפשׂו אתו הכהנים והנבאים וכל העם לאמר מות תמות׃ 9 מדוע נבית בשׁם יהוה לאמר כשׁלו יהיה הבית הזה והעיר הזאת תחרב מאין יושׁב ויקהל כל העם אל ירמיהו בבית יהוה׃ 10 וישׁמעו שׂרי יהודה את הדברים האלה ויעלו מבית המלך בית יהוה וישׁבו בפתח שׁער יהוה החדשׁ׃ 11 ויאמרו הכהנים והנבאים אל השׂרים ואל כל העם לאמר משׁפט מות לאישׁ הזה כי נבא אל העיר הזאת כאשׁר שׁמעתם באזניכם׃