HOT(i)
1 ויצא הגורל השׁני לשׁמעון למטה בני שׁמעון למשׁפחותם ויהי נחלתם בתוך נחלת בני יהודה׃ 2 ויהי להם בנחלתם באר שׁבע ושׁבע ומולדה׃ 3 וחצר שׁועל ובלה ועצם׃ 4 ואלתולד ובתול וחרמה׃ 5 וצקלג ובית המרכבות וחצר סוסה׃ 6 ובית לבאות ושׁרוחן ערים שׁלשׁ עשׂרה וחצריהן׃ 7 עין רמון ועתר ועשׁן ערים ארבע וחצריהן׃ 8 וכל החצרים אשׁר סביבות הערים האלה עד בעלת באר ראמת נגב זאת נחלת מטה בני שׁמעון למשׁפחתם׃