Revelation 15:5-8 Apre sa, mwen wè kote ki apa pou Bondye nan tanp ki nan sièl la louvri.

Haitian⁽ⁱ⁾ ⁵ Apre sa, mwen wè kote ki apa pou Bondye nan tanp ki nan sièl la louvri. ⁶ Sèt zanj ki te kenbe sèt kalamite yo soti nan tanp la. Yo te abiye ak yon bèl twal blan byen fin ki te klere anpil. Yo te gen sentiwon an lò mare sou lestonmak yo. ⁷ Yonn nan kat bèt vivan yo bay sèt zanj yo sèt gode fèt an lò ki te plen ak kòlè Bondye ki vivan pou tout tan an. ⁸ Lafimen ki t'ap soti nan gwo limiè prezans ak nan pouvwa Bondye a te plen tanp lan nèt. Pesonn pa t' kapab antre nan tanp lan toutotan sèt kalamite ki te nan men zanj yo pa t' ankò pase.