Matthew 24:5-12 For many schulen come in my name, and schulen seie, Y am Crist; and thei schulen disseyue manye.

Wycliffe⁽ⁱ⁾ ⁵ For many schulen come in my name, and schulen seie, Y am Crist; and thei schulen disseyue manye. ⁶ For ye schulen here batels, and opyniouns of batels; se ye that ye be not disturblid; for it byhoueth these thingis to be don, but not yit is the ende. ⁷ Folk schal rise togidere ayens folc, and rewme ayens rewme, and pestilences, and hungris, and the erthemouyngis schulen be bi placis; ⁸ and alle these ben bigynnyngis of sorewes. ⁹ Thanne men schulen bitake you in to tribulacion, and schulen sle you, and ye schulen be in hate to alle folk for my name. ¹⁰ And thanne many schulen be sclaundrid, and bitraye ech other, and thei schulen hate ech other. ¹¹ And many false prophetis schulen rise, and disseyue manye. ¹² And for wickidnesse schal `be plenteuouse, the charite of manye schal wexe coold;