Luke 22:7-13 ηλθεν δε η ημερα των αζυμων εν η εδει θυεσθαι το πασχα

f35⁽ⁱ⁾ ⁷ ηλθεν δε η ημερα των αζυμων εν η εδει θυεσθαι το πασχα ⁸ και απεστειλεν πετρον και ιωαννην ειπων πορευθεντες ετοιμασατε ημιν το πασχα ινα φαγωμεν ⁹ οι δε ειπον αυτω που θελεις ετοιμασομεν ¹⁰ ο δε ειπεν αυτοις ιδου εισελθοντων υμων εις την πολιν συναντησει υμιν ανθρωπος κεραμιον υδατος βασταζων ακολουθησατε αυτω εις την οικιαν ου εισπορευεται ¹¹ και ερειτε τω οικοδεσποτη της οικιας λεγει σοι ο διδασκαλος που εστιν το καταλυμα οπου το πασχα μετα των μαθητων μου φαγω ¹² κακεινος υμιν δειξει αναγαιον μεγα εστρωμενον εκει ετοιμασατε ¹³ απελθοντες δε ευρον καθως ειρηκεν αυτοις και ητοιμασαν το πασχα